”	المشاركة الأصلية كتبت بواسطة miss_7ejazeya الناموسية دى اكيد بس الجبل مممم معقول في الكلام لكن ايش يساعدهم في الورطة اللي هم فيها ! مافهمتها

والله يا ستي حجازيه

أنا أستعنت بالعم قوقل وقلي .. النمل

ومني مقتنع بالإجابه لأنو مالو علاقه بالصوره ..

لكن خليني أفكر فيها ..

أعتقد أنها لفزروه عن الشارع المسفلت أو الخط السريع

لأنها زي السلسله وتمر عبر الأوديه

وهما ضاييعين في الصحراء ويدرو طريق مسفلت

اها الشغله فيها عم قوقل ... والله ولا فكرت اسأله

ما نبغا غشش واحنا صايمين ... اللي يعرف يحلها واللى مايعرف يسأل جدته وله امه

اما الشيخ قوووووووووووووقل لا وألـــــــــــــف لا <<<<< اتحمست بزياده

ايش دخله في فوازيرنا وحياتنا وتراثنا دا القوقل ها ؟؟؟ يعرف عننا اكتر مننا ؟؟؟ <<< فاهمه الموضوع غلط مرررره


شفت حتى يقولك نمله ما نمله ؟ ايش دخل النمله بس اخصره نشوف دحين ترانيم تعطينا المفيد ان شاءالله

هههههههههههههههههههههههههههه

لا بصراحه ما سألت إلا عن هادي

لأنو دخت فيها بصراحه

وأللهم أني صائم

وقلتلك الإجابه ما أقتنعت بيها

ومساكم الله بالخير وافطارا شهيا مقدما


والمعذرة على إنقطاعي عن المنتدى في اليومين اللي فاتت انشغلت شوي مع أخواتي كانوا عندنا زيارة وربي يحفظهم ويحفظ لكم أهاليكم وأحبابكم

شوفوا ياغالين أنا والعياذ بالله من كلمة أنا اعرف حل فوازير او حزازير ستو عباسية والسر مو شطارة مني
ههههههههههههه

جدتي الله يرحمها (( أم امي )) كانت عايشة معانا وأنا تربيت في حضنها وشربت منها كل سوالف وحكايا أهل أول

وتعرفون أهل أول لهم طريقتهم واسلوبهم في تعجيزنا في حل الفوازير وهذه طريقة ستو عباسية معنا هنا

بالنسبة للفزورة اللي تقول فيها(( قده .قد الكشتبان يبلع البحر وما يبان ,, الحل فعلا الحفرة لكن هي تقصد حفرة معينة اللي هي

البالوعة أكرمكم الله تبلع الموية والقاذورات وهي مطمورة ومو واضحة.


الفزورة التاسعة ,ماقد سمعتها من جدتي رحمة الله عليها لكن مادام الشغلة فيها جرة فول فأكيد زي ما قال لنا العمدة أخونا مكاوي عاشق مكة
الحل (( العيش )) والله أعلم


أما فزورة اليوم . سلسلة في سلسلة في كل وادي مرسلة

حلها جيوش النمل لكن الصورة مو معبرة ولا تعطي فكرة عن الحل ويمكن ستو عباسية قاصدة هالشئ عشان تتوهنا شوي

زي ما كانت جدتي الله يرحمها تسوي معانا في فزورة طاسة طرنطاسة في البحر غطاسة إذا سكتت وما كملت كلامها يكون

الحل (( الشمس )) لكن لو كملت وقالت من جوه لؤلؤ ومن برا نحاسة يكون الحل (( الرمانة))

الله يرحم جدتي حبيبة قلبي ويخليكم ويخلي لنا ستو عباسية.


//ترانيم الحجاز.

”

المشاركة الأصلية كتبت بواسطة ترانيم الحجاز ومساكم الله بالخير وافطارا شهيا مقدما والمعذرة على إنقطاعي عن المنتدى في اليومين اللي فاتت انشغلت شوي مع أخواتي كانوا عندنا زيارة وربي يحفظهم ويحفظ لكم أهاليكم وأحبابكم شوفوا ياغالين أنا والعياذ بالله من كلمة أنا اعرف حل فوازير او حزازير ستو عباسية والسر مو شطارة مني ههههههههههههه جدتي الله يرحمها (( أم امي )) كانت عايشة معانا وأنا تربيت في حضنها وشربت منها كل سوالف وحكايا أهل أول وتعرفون أهل أول لهم طريقتهم واسلوبهم في تعجيزنا في حل الفوازير وهذه طريقة ستو عباسية معنا هنا بالنسبة للفزورة اللي تقول فيها(( قده .قد الكشتبان يبلع البحر وما يبان ,, الحل فعلا الحفرة لكن هي تقصد حفرة معينة اللي هي البالوعة أكرمكم الله تبلع الموية والقاذورات وهي مطمورة ومو واضحة. الفزورة التاسعة ,ماقد سمعتها من جدتي رحمة الله عليها لكن مادام الشغلة فيها جرة فول فأكيد زي ما قال لنا العمدة أخونا مكاوي عاشق مكة الحل (( العيش )) والله أعلم أما فزورة اليوم . سلسلة في سلسلة في كل وادي مرسلة حلها جيوش النمل لكن الصورة مو معبرة ولا تعطي فكرة عن الحل ويمكن ستو عباسية قاصدة هالشئ عشان تتوهنا شوي زي ما كانت جدتي الله يرحمها تسوي معانا في فزورة طاسة طرنطاسة في البحر غطاسة إذا سكتت وما كملت كلامها يكون الحل (( الشمس )) لكن لو كملت وقالت من جوه لؤلؤ ومن برا نحاسة يكون الحل (( الرمانة)) الله يرحم جدتي حبيبة قلبي ويخليكم ويخلي لنا ستو عباسية. //ترانيم الحجاز.

ربي يرحم جدتك أم زكي ويحفظلك الوالده من كل شر

ويحفظلك أخوانك وأخواتك جميع

شاكرين على التوضيح أستيتا ترانيم ربي يسعدك

وياريت تتحفينا برضو بفوازير وحزازير ستو ترانيم .. على الأقل ناخد المعلومه من مصدرها

شاكرين مقدرين أستيتا أم زكي

اللهم آمين

والفوازير والحزازير عند العمدة مشقاص

عمرك سمعت عن فوازير أم زكي

هههههههههههه


طيب هذه فزورة وحزيرة من حزازير جدتي الله يرحمها وجميع موتى المسلمين


(( شيء يلوي,,يلوي لبلاد الحلوي ))

ايش الحل يا شطار؟؟!!


//ترانيم الحجاز.

[/quote]

”	المشاركة الأصلية كتبت بواسطة ترانيم الحجاز اللهم آمين والفوازير والحزازير عند العمدة مشقاص عمرك سمعت عن فوازير أم زكي هههههههههههه طيب هذه فزورة وحزيرة من حزازير جدتي الله يرحمها وجميع موتى المسلمين (( شيء يلوي,,يلوي لبلاد الحلوي )) ايش الحل يا شطار؟؟!! //ترانيم الحجاز.

[/quote]

يسلمو بس ما ليا في الحزازير أم زكي .. لكن البركه فيكي برضو

أما الفزوره خليني أمخمخ فيها من غير عمو قوقل

راجعلك أم زكي

ترانيم وحجازية--------------ونستونا بهذه الحزازير--نحن نشجعكم ومعكم لاخر الشهر

--------------------تسلمونا---------------------

ههههههههههههه

جميله الفوازير والله

يعطيكم العافيه يارب

راح اتابع معاكم باذن الله

وهادا مسمار للموضوع في المواضيع المثبته