عودة للمنتدى وان شاالله ارجع لنص النشاط السابق نعمة لو نص

وعلى قول شادية

زي الطير ما تعود عشه انا اتعودت على المنتدى




طبخات من مطبخي وعمايل ايديا

1** سلطة بذنجان اسود بالبليية 2** عش البلبل 3**الاقماع 4* الكووووزي 5* البطاطس الكروكيت 6* صفيحة اللحمة 7*التوست المحمص 8* ورق عنب 9*ايدام هندي كراهي 10*الكشري 11*ايدام باذنجان اسود بالبليلة 12*ميني همبرجر 13*الشاورما 14* نوع من انواع السلطات اللذيذة 15* ستيك محشي بالمفروم 16*يخني باللحمة 17* شوربة الذرة المقادير : - 5 حبات باذنجان مقلي -بليلة - 4 اقراص خبز - 4 لبن زبادي -6 ملاعق طحينهـ سائلة - وملح حسب الرغبة - ليمون وبرضو حسب الرغبة - ثوم اذا تحبوووا خل فلفل حار -وسماق للزينة او نعناع @@@@@@@@@@ الطريقة : ننقع البليلة كم ساعة مع ملعقة بكنج بودر ثم نغسلها ونسلقها لمدة ساعة او ممكن تستبدليها بالبلييلة الجاهزة انا مااحب الجاهزة فيها طعم ماااحبوووووش نحمص العيش الخبز الشامي في نص فنجان زيت زيتون ثم نضع الخبز المحمص وبعده طبقة البذنجان المقلي نضيف على البليلة ملعقة كمون وملح وخل ابيض ونقلبها ثم نضعها على الباذنجان ثم نضيف الخلطة المكونة من لبن زبادي ثوم خل ابيض ليمون فلفل حار وطحينة بعد مانخلطهم نضيفهم على البذنجان والبليلة وتتزين حسب الرغبة وبالعافية يعتبر من المقبلات ويعتبر مشبع لوحده في السحور عوافي

عش البلبل ممكن تسوي العجينة بنفس طريقة عجينة البيتزا والافضل عجينة العشر دقايق بعد ماتخمر افرديها على الصينية ورشي عليها جبنة الموتزاريلا ودخليها الفرن على نار هادئة وبعد ماتطلعيها ترشي عليها الشيرى

الاقماع نوع من انواع المعجنات اللذيذة المقادير عجينة العشر دقايق اللي هي 4كاسات دقيق كاستين موية ملعقة خميرة بكنج بودر كاسة زيت ملعقتين حليب بودرة طريقة العجينة نضع نص كمية الدقيق والبكنج بودر والخميرة والموية والحليب ونعجنها ثم نغطيها لمدة عشر دقايق وبعد مرور العشر دقايق نضيف باقي كمية الدقيق والزيت ونعجنهم ونرجع نغطيها لمدة نص ساعة او ساعة $$$$$ طبعا لازم من القمع المعدني نفرد العجينة ونلفها على القمع ونمسح وجهها بالبيض ونرش سمسم وحبة سوداء ووبعد مانطلع الاقماع نخليييها تبرد شوية ثم نحشيها بالمفروم او الجبن وبالعافية

الكووووزي المقادير دجاج بصل وثوم طماطم معصورة وصلصة ابازير منوعة هيل قرفة قرنفل كمون فلفل اسود رز بوندي او اي نوع تفضلوووه مكرونة زيت الطريقة نسلق الدجاج مع اضافة الماجي والهيل بعد مايستوي نطلعه من القدر ثم نضع على المرق الرز الى ان يستوي نصف استواء نحمر البصل والثوم ونضيف الطماطم والصلصة والابازير والملح مع اضافة نص كوب ماء ونضع عليه الرز ونقلبه ندعه يستوي على نار هادئة مع اضافة ملعقة ماء كادي نبهر الدجاج بالكمون المطحون والفلفل الاسود وندخله الفرن نسلق المكرونة وبعد ماتستوي نحمرها في قليل من الزيت و ملعقة صلصة عند التقديم نغرف الرز ونضع حوله المكرونة ثم تتربع الست دجاجة في المنتصف ونزينه باللوز والزبيب والليمون الشرايح وممكن البيض

البطاطس الكروكيت

صفيحة اللحمة المقادير والطريقة عجينة الربع ساعة دبس رمان مفروم ملعقة جبنة سايلة بصل وطماطم مقطعة تفردي العجينة وتشكليها زي ماتبغي هذا الشكل او دوائر ودخليها الفرن عليكم بالعافية

يعتبر من فصيلة المعجنات المقادير توست زبدة للحشوة جبنة سايلة او مفروم زيتون الطريقة نقطع التوست مثلثات نحشيها ونقليها بالزبدة بالعافية

قارورة ورق عنب العلالي افضل شي كوب رز مصري مسلوق مع شوية ملح وزيت زيتون لكشنة الوجه بصل مفروم طماطم مطحونة ملح كمون مطحون خل اسود او ابيض كوب زيت زيتون الطريقة لفي ورق العنب حطي ملعقة من الرز المسلوق ولفي الورقة رصي الكمية اللي تبغيها في صينييية صييينية مو قدر بعدها حطي البصل على النار مع زيت الزيتون ثم ضيفي عصير الطماطم وكل المقادير الخل والكمون والملح لحد ماتتسبك وزعي الكشنة على ورق العنب وغطي الصينية بغطاء الصينية الخاص بها او بالقصدير ودخليها الفرن الكهربائي او الفرن العادي على نار هاااااادئة بعد ساعة تقريبا وبعد مايتشرب ورق العنب مويته رصييه في صحن التقديم وبالعافية

ايدام هندي اسمووووو كراهي !! اسم غريب لكن لذيذ هذي طريقته المجموعة (أ) 1 بصل كبير 3 فصوص ثوم 1زنجبيل طازج وسط زيت تقريبا نص فنجان قهوة المجموعة (ب) علبة كاملة دجاج صدور بدون عظم ملح المجموعة (ج) 2طماطم طازج +نصف معجون طماطم ملعقة صغيرة من بهارات مهران المشكلة ( تلاقيها بالسوبر ماركت انا اخترت بهار مشكل حار ) المجموعة(د) كزبرة ربع حزمة بقدونس ربع حزمة نعناع خمسة اعواد 2 فلفل حاراو حسب الرغبة المجموعة (هـ) علبة قشطة التاج او أي نوع 2ملعقة جبنة سائلة نص فنجان قهوة موية الخطوة الاخيرة : زعفران برتقالي بودرة ( الصبغة ) للزينة نخلي شوية على جنب من المجموعة(د) ونرشها في صحن التقديم على الوجه الطريقة: نضع مقادير (أ) في الفرامة ونفرمها كلها فرم خشن بدون اضافة الزيت طبعا بعدها نضعها في القدر ونضع الزيت عليها ونكشن ونخليها حتى تصير ذهبية بعدها نضيف مقادير (ب) ويكون الدجاج مقطع مكعبات وسط ونخلي الدجاج على النار حتى يستوي وبعدين نضيف الملح وبعد مايستوي الدجاج نضع مقادير المجموعة (ج) الطماطم يكون مقطع ارباع كبيرة او صغيرة ونضيف معجون الطماطم ونضيف بهارات مهران المشكلة .. ونتركها بس شوية علشان الطماطم لاتذوب وبعد مانحركها نضيف المجموعة (د) طبعا كلها تاخذيها وتجمعيها مع بعض ماعدا الفلفل وتفرميها بالسكين فرم خشن وتحطي على الكشنة وتبقي شوية للزينة والفلفل يتقطع شرائح مائلة رفيعة بالنسبة للمجموعة(هـ) نخلطها كلها مع بعض ونضيفها على الكشنة وتكون متوسطة مو سايلة ولا تقيلة وبعدها نضيف اخر خطوة الزعفران البرتقالي ونلون لحد مايطلع لنا نفس اللون ونطفي ونضعه في طبق التقديم نقدمه مع رز ابيض او برياني وهذا البرياااااني

رائحة طبخك ونفخك اخرجتني من مطبخي

فأتيت لاقول لكِ

تسلم يدك يا ست البيت وبالعافية على قلبك .


//ترانيم الحجاز.