العودة     تعلم من (مركاز مطوف) !!!!!

عدد الضغطات : 13,335مساحة شاغرة
عدد الضغطات : 6,664مساحة شاغرة
عدد الضغطات : 8,706عدد الضغطات : 3,599
عدد الضغطات : 6,243مساحة شاغرة
عدد الضغطات : 3,688

تعلم من (مركاز مطوف) !!!!!


إضافة رد
 
أدوات الموضوع انواع عرض الموضوع
قديم 29 Apr 2007, 06:37 PM   #21
ابن الجوهرتين غير متواجد حالياً
مكاوي متميز

الصورة الرمزية ابن الجوهرتين

رقم العضويـــة: 11892
تاريخ التسجيل: 04 03 2007
الجــنــــــــس:
ذكر
مكان الإقــامة: مكاوي جداوي
المشاركــــات: 1,984
قوة التقييــــم: 14 نقطة
ابن الجوهرتين is on a distinguished road
نقاط التقييــم: 19
آخر تواجــــــد: 06 Apr 2013 (11:09 PM)
الأوسمة
وسام التميز الوسام الفضي 

مكيه انا


ستي مكيه انا
يا اهلا وسهلا ويا مرحبة
نور المكان كله يا ستي
وبخصوص
اقتباس:
شوف يا موضوعك مرة مشاء الله حلو وخطير

مو غريب عليك دايما تبارك الله افكارك متجددة

طيب في البداية انا قريت الموضوع كلة .........بس مرة موت على نفسي من الضحك عل ىحكاية الحاجي الروسي الي شال الساطور وصار يجري ورى الوالد ........هههههههههههههههههههههههههههههههههههههههههه هههههه

مرة مبسوطة الأخت ..........لكن صراحة ما اقول غير حمدا لله على سلامته
يا شيخه اشكرك من كل قلبي وشهادتك اعتز بيها
واصبري يا ستي لسه الي جي اكتر بس ان شاء الله اكون خفيف الظل ليكم واتحملوني
طيب نجي للقصه الي تموت من الضحك
ههههههههه
اقتباس:
جينا طالعين الحج صرنا نعزم على هادا وعلى هداك الين ملينا السيارة ناس
عادات اهل مكه يحبو يعزمو على كل الناس
اقتباس:
طيب جينا لعرفة الحرمة نامت وسيبتلي جوزها اخدمه مع البقية ..يابنت الناس طيب هاد جوزك شوفي ايش يبغى
ولا عليها
عويله خليني اسميها خاله نفيسه (شايفه نفسها) وعلى ايه؟
اقتباس:
طيب نحط لهم عشى ولا غدا يسيبونا نطبخ ونشيل ونحط وكل الوقت ايش هاد انتم جايين تاكلو انتم مدري ايش .....

الين ساعة الأكل تشوفهم زي الأسود على الصفرة ........
ههههههه وربي مرا كلاحه ما ادري في ناس كذا مرا مغرورين
اقتباس:
طيب نجي ساعة النفرة .....وننعزق في السرة عزقة ...وطبعا اول مرة في حياتنا العادة نوصل مزدلفة والله بدون مبالغة قبل العشى.....المهم الأخت نزلت من السيارة مدري في ايش دعست بجزمتها وقلبت معدتنا
هههههههه
انا اتخيلت الموقف وانقلبت معدتي ويؤؤؤؤؤؤؤ على زحمه اكيد زحمة النفره <لا تضاهيها زحمه


اقتباس:
طيب وصلنا مزدلفة اذان الفجر والأخت مكشرة كأننا احنا السبب ...والله بغيت اطردها من السيارة واقلها ياعكسة قومي اخرجي برة

المهم جينا ليوم منى ...رايحين نرمي وتنفرك رجلي فركة صرت مني قادرةامشي ...والأخت حبت تسوي نفسها رشيقة

وصارت هي وجوزها والي معاها قدااااااااااااااااااام وانا وجوزي وره .........رجلي مريضة

صرنا نزهم عليهم لا تضيعو خليكم معانا ........ماتعرفو منى .......زادو عنطظة

المهم وربك يشفي قلبي فيهم ويضيعو ضيعة من العصر ما رجعو السيارة الا الساعة 12 في الليل اتخاصمو مع بعض واضاربو مع العسكري

رجولهم وسخة ...يعني اشعث اغبر .جيعانين ما معاهم فلوس عطشانين

بس من هاداك اليوم صارو زي ضلنا والي نقول عليه هو الي يمشي .........والعنطظة الكذابة اتحولت الى طاعة عمياء
احسن يستاهلو وفي ناس زي كدا مادري ايش نقول عليهم غير غشيم ومتعافي
ولا زي كأنهم هم الي عملوا جميلة فيكم وانتو السبب الي خليتوهم يحجو بس ما اقول غير الله يجزيكم بالخير
ومعليش الاجر ليكم ان شاء الله
واسعدني تواجدك ولو عندك كمان يفرحني
وترقبي قصه جديده
ابن الجوهرتين
________________________________________

http://forum.makkawi.com/signaturepics/sigpic11892_7.gif
  رد مع اقتباس
قديم 29 Apr 2007, 08:15 PM   #22
ابن الجوهرتين غير متواجد حالياً
مكاوي متميز

الصورة الرمزية ابن الجوهرتين

رقم العضويـــة: 11892
تاريخ التسجيل: 04 03 2007
الجــنــــــــس:
ذكر
مكان الإقــامة: مكاوي جداوي
المشاركــــات: 1,984
قوة التقييــــم: 14 نقطة
ابن الجوهرتين is on a distinguished road
نقاط التقييــم: 19
آخر تواجــــــد: 06 Apr 2013 (11:09 PM)
الأوسمة
وسام التميز الوسام الفضي 
أخواني الكرام
والله حابب الكل يشراك ولو بقصة قصيرة ولو بموقف حتى نتعلم من بعض
أو بالتعليق على اي قصه سواءً لي أو لغيري
اكرر وأقول
أحب مجالست الصالحين ولستُ--------منهم لعي أن أنال بهم شفاعة
ولست بصاحب الموضوع ولكن أنتم أصحاب الموضوع
طيب خذو عندكم

حكاية الحاجية البريطانية مع ابن الجوهرتين
قبل كم سنه جات حاجه بريطانية عمرها 52 سنه وكانت مريضة
المهم خرجت من مستشفى الزاهر يوم 4 الحج على أساس حالة متحسنة وجابوها على المكتب الواقع بحي الهجرة بإسعاف المؤسسة شفت بياناتها وعرفت في أي فندق ساكنه
قلت خليني أوصلها بنفس الإسعاف على السكن في شارع خالد بن الوليد في الشبيكة طبعا زحمة ما بعدها زحمة وصلتها على الفندق ورجعت على المكتب
ويوم 8 الحج جاني اتصال من الفندق يقول لي تعالوا الحاجية الي جبتوها ذاك اليوم
اتوفت
قلت لا حول ولا قوة إلا بالله
وفي هذه الحالة لازم تتدخل الشرطة ورحت على شرطة جياد الواقعة قدام سوق مكة الدولي
ركبت مع العسكر في جيب الشرطة وعلى الفندق لقيت الحاجية ميتة على السرير
راحت صلت الصبح وطافت وجات ونامت وهيا النومة الأخيرة
وحوليها بناتها وزوجها يبكو خلصنا مع الشرطة الأمور من البصمة والتصوير وأخذت خطاب من العسكري على أساس اودي الجثة في مستشفى جياد رحت على المستشفى مع الإسعاف والخطاب ومعانا الجثة
وبعد شق الانفس في وصلنا كشفو على الجثة وحطو سبب الوفاة
(توقف القلب والتنفس)
قلت احط الجثة في الثلاجة الى حين اخراج تصريح الدفن من القنصلية البريطانية في جده
وقتها رفضت المستشفى إدخال الجثة في الثلاجة وقالت لي خذ الجثة وادفنها قلت : لازم تصريح الدفن من قنصلية بريطانيا
قالو لي موشغلنا خذ الجثة واتصرف فيها يؤؤؤؤؤؤ (اقسم بالله بشر مايخافو الله)
أو أرجع لشرطة جياد جبلنا أمر بإدخالها الثلاجة
ورجعت بالإسعاف لشرطة جياد ومعايا الجثة وأنا كلي هم ايش راح يصير
ودخلت على مدير الشرطة واتفهم الوضع الضابط وكتب لي خطاب الى مستشفى جياد انو الرجاء إدخال الجثة الى الثلاجة لديكم الى الانتهاء من إجراءات تصريح الدفن
ورجعت ثاني من الشرطة للمستشفى وهاذا كله والجثة في السيارة ما غير نشيل ونحط فيها
وبالقوة دخلوها الثلاجة
وبعد أسبوع ويوم 15 الحج جاني التصريح على المكتب بالموافقة على الدفن (ما عندهم اكرام الميت دفنه)
المهم طلبت إسعاف على شان اخلص الموضوع وادفن الجثة ووصل الإسعاف على المكتب على الساعة 3 العصر
وحركت من حي الهجرة وصلت شرطة جياد من كثر الزحمة على بعد المغرب خلصت ورقي وعلى مستشفى جياد وصلت على الساعة 11,30 في الليل
أمم وخلائق في هذا اليوم
ودخلت على الثلاجة تبع المستشفى لقيت جثث كثيرة ويؤؤؤؤؤ على الحوسة علشان نطلع الجثة تبعنا ويكمن شفنا كل الجثث الين ما طلعنا جثتنا
ويغمى على زوج الحرمة من كتر ما شاف الجثث
قلت انا في ايه ولا في ايه زهمت الدكتور وفوقنا الراجل في وسط الثلاجة
وحسبي الله عليهم الجثث فوق بعض وحاطين شراب توت وكرتون عصير فوق الجثث علشان يبرد
هههههه
وربي قمة المهزله
أخذنا الجثة وكشفت وجهها
ماشاء الله تبارك الله وجهها منور وابيض والدموع على وجهها
ومشينا على المعلا على شان الغسيل وصلنا القبور على 4 الفجر وخلصنا الموضوع وزوج الميتة ما خلا سبه إلا وسبها للناس وأنا اهدي عليه
يقلي ايش مستشفيات زبالة و اوراق كثيرة والناس وصلو القمر وانتا تقلي ابصم على شان ادفنها
قلت الله يرحم زوجتك وهنيالها ماتت على افضل ميتة
وأحسن لك تروح تتزوج جديدة
ضحك الحاج وحضني <<<<الظاهر فرح انه راح يتزوج
وتخيلو من الساعة 3 العصر الى 4 الفجر وانا في طحين ما يعلم به
الا الله
الله يكتب لنا الاجر
بس وان شاء الله للحديث تكملة
أخوكم
ابن الجوهرتين
  رد مع اقتباس
قديم 29 Apr 2007, 09:22 PM   #23
cool-33 غير متواجد حالياً
اصدقاء المنتدى

الصورة الرمزية cool-33

رقم العضويـــة: 9372
تاريخ التسجيل: 20 09 2006
الجــنــــــــس:
انثى
مكان الإقــامة: اخر لفة شمين
المشاركــــات: 5,462
قوة التقييــــم: 20 نقطة
cool-33 will become famous soon enoughcool-33 will become famous soon enough
نقاط التقييــم: 137
آخر تواجــــــد: 08 May 2016 (11:54 AM)
الأوسمة
وسام التميز الوسام الفضي 
ابن الجوهرتين

يعطيك العافية وفكرة الموضوع جديدة على المنتدى مع اننا بمكة وعيال مطوفين ومجربين بس ما خطر على بالنا كدا موضوع تسلم الايادي وفعلا الطوافة والحجاج حكاويهم ما تخلص الله يعينكم

واخر قصة لك وربي قهرتني بسبب الروتين الممل اللى عندنا واللى شكله ما راح يتحسن ولا يتطور ابدا ابدا

وانا في قمة الانفعال والقى كلامك دا

اقتباس:
ضحك الحاج وحضني <<<<الظاهر فرح انه راح يتزوج
ههههههههههههههههههههههههههههههههههههههههههه

جلست اكركر ومت على نفسي ضحك يسعدك ربي ويبارك في صحتك ما شاء الله عليك في قمة انشغالك روح الدعابة ما تفارقك وتاكد دا اللى بيخفف عليك تعب العمل كله

ومتابعين يا <<< عاد جا الموضوع على هوايا كله قصص

وفي انتظار المزيد المزيد

________________________________________

  رد مع اقتباس
قديم 29 Apr 2007, 10:20 PM   #24
حفيدة الحسين غير متواجد حالياً
هاشمية

الصورة الرمزية حفيدة الحسين

رقم العضويـــة: 1199
تاريخ التسجيل: 26 02 2004
الجــنــــــــس:
انثى
مكان الإقــامة: مكه ربي مايحرمني منها
المشاركــــات: 9,389
قوة التقييــــم: 25 نقطة
حفيدة الحسين is on a distinguished road
نقاط التقييــم: 16
آخر تواجــــــد: 01 Jul 2019 (09:59 PM)
الأوسمة
الوسام الفضي 
ابن الجوهرتين بصراحه من اشد المتابعيات للموضوع ولمواضيعك عامه
تبارك الله <<< احب المواضيع القصصيه مو قص ولزق
الله يحفظك من كل عين ويبارك فيك
عندي حكاوي ياما الله يعينكم عليها
اما حكاية الحاجي والساطور ربك ستر ههههههههه
اخر قصه فورت دمي صحيح عمرنا ماراح نتطور

ماعلينا

مره من المراريت في الحج قلنا نحج وبابا يعرف واحد قاله عندي حمله هيا جيب العيله قال طيب ورحنا ونجس نفسنا مع اهل بلد مااذم في الناس بس لانه الطباع تختلف والله عيوننا ندرت من محلها بركه الله يعطيه العافيه بابا كان مسويلنا في نفس المخيم مع الحمامات حمام خاااااص لنا
وكل مانجي ندخل بالمفتح وكل وحده تجي ممكن ادخل معاكم نقول لها لا خاص مره جات وحده تضارب اشمعنى انتوا قلنا اش تبغي وتزعق الا يوم شافتنا عيله كبيره وجو كلعم انفجعت ههههه
وكل شويه يجوا يدخلو الخميه يطااااااااااااااالعوا فينا ويقولوا استغر الله ويشمقوا ويطلعوا هههه ونقعد نضحك وهما يجونا يقولوا انتوا من فين نقول من مكه يقولوا لاحول ولاقوة الا بالله ههههههه واحنا مو فاهمين اش الهرجه وبالنسبه احنا لهم نكره مررررره يوم تطلع وحده فين تلاقي وحده تنط لها على الباب تقولنا زوجي برا طيب واش اسويله باكله ههههههههههههه




وحج قبل العام فله قلنا لو اتسهلت طلعنا ربي ماسهلها الا 12 الليل بالباص بس طيب قلت انا والبنت اللي معايا تعالي نخرج نقعد برا في مزدلفه بدل زنقة الباص والحر قالت هيا وهيا من بنات جده عادي كاشفه وجهها اللي جبنبنا رجال ميلوا عليناا وقال تشربوا شاي يااخوات قلت خليه لما اهلك يجوا شربهم هوا ههههههههه قليل ادب لايوفروا حج او غيره



وشويه تعبان رحنا ورا الباص ونمنا على الارض والله نومه غريبه ماحسينا بالدنيا كيف نمنا ماادري سبحان الله الا نقوم على جماعة هنود يصلوا علينا هههههههه قسم بالله قعدت اضحك دحين سابوا الدنيا كلها الا احنا يصلوا علينا وشويه الهندي يرطن انجليزي مع البنت اللي معايا وهاتك هرجه مساكين طلعوا مو عارفين شي ومضيعين وبركه انها تفهم انجليزي لو انا كان حوسته هههههه


مره رحنا ماما قالت تعالوا نرجم واقولها لا مره زحمه قالت طيب نشوف والا فجاه سار تدافع كل اللي في طاحوا والله بنتي تبكي وانا جيه اطيح مامعايا شي اسند عليه والا العسكري يمد يده وانا مستحيه خخخخخ وقلت بلا مستحيه بلا هم غطيت يدي بالعبايه بسرعه علشان لايلمسها وسحبني وخرجني وقال لاعاد تجي تاني والله يومها ربي انقذنا والا كان في عداد الموتى فاكرين اكيد التدافع اللي سار قبل سنتين والموتى مساكين



وجينا خراجين نمشي كل الاراضي مفترشه تجي ديك الجاويه تزعق مدااااااااااااااام مابي امسي هنا بززمه هادا مكان سلي قلت بالله وخري عني قيدي مو طايقه نفسي الا هيا تدف والمكياج مرصع بوشها وقلت طيب شيلي مفرش الحرير علشان امشي من تحته مو فوقه ومشيت <<< شرانيه


وافترك يوم كنت بالثانوي واروح للجمرات يجي داك الحاجي الاسود العريض ويقل ادبه والتف حولي وهاداك الكف اللي ماينساه عمره ماما تقول اشفي وانا جاتني حاله هستيريه بس اقول يهود كفار يهود كفار وابكي وماما تسجبني هيا والحريم اللي معاها مو عارفين اشبها دي بسم الله هههههههههه كل ماافتكر اضحك على نفسي


اما الحرم مرررره زحمه اليومين دي حتى وسط الاسبو رحت قبل كم يوم انا واولاد ولو تشوفنا تضحك نسوي مراوغه مع الجراد اللي يمين واللي شمال واحنا واي وي ي وي اه ه ه اش دا ولف يمين ولف شمال شي مضحك زي البزوره واخس
جراد كبر راااسي مو كبر كف يدي ههههه
________________________________________



دعوه لتصافي القلوب من غبار الشيطان
أمة محمد صلى الله عليه وسلم لماذا حالك ينحدر كل عام عن أخر؟؟
لماذا قلوب الناس عليها ران وصعب التصافي والحب والتودد بينهم؟؟
  رد مع اقتباس
قديم 29 Apr 2007, 10:32 PM   #25
مروان جنبي غير متواجد حالياً
أصدقاء المنتدى

الصورة الرمزية مروان جنبي

رقم العضويـــة: 4172
تاريخ التسجيل: 01 07 2005
العــــمـــــــــر: 49
الجــنــــــــس:
ذكر
مكان الإقــامة: مكة المكرمة
المشاركــــات: 7,003
قوة التقييــــم: 22 نقطة
مروان جنبي will become famous soon enough
نقاط التقييــم: 52
آخر تواجــــــد: 07 Mar 2014 (12:59 AM)
الأوسمة
الوسام الفضي 
ماشاء الله تبارك الله
صراحة موضوع جميل لأهدافه السامية من وجهة نظري


أحمد الله سبحانه وتعالى أن من علينا بنعمة خدمة حجيج بيت الله الحرام
وقد يعتقد البعض بأن خدمة حجاج بيت الله الحرام مقتصرة على المؤسسات الخاصة بالطوافة
ولكن خدمة حجاج بيت تتخذ أشاكالاً عدة ومجالات مختلفة كل بحسب نوع الخدمة التي يؤديها

أقول هذا الكلام
لأننا متى ما حققنا هذه الخدمة كنا خير دعاة لهذه البلدة الطاهرة بحسن نوايا أهلها
فيجب علينا جميعاً عدم التأخر في تقديم أي خدمة قد نستصغرها ولكنها تشكل لدى القادم إلى هذه
الأرض الطاهرة الشيء الكثير

كما وأن علينا أن نتحلى بالحكمة في تصريف الأمور
لأننا نواجه عقليات مختلفة من درجة الفهم والاستيعاب ذلك أن الشعوب والقبائل تختلف في مفاهيم
والحكمة هنا تقرب تلك المفاهيم وتجعل التقبل لها أمر مرهون بمقدرة مواجهها على تصريف الأمور بشكل سليم

أشكرك يا عزيزي مرة أخرى على تقديم هذا الموضوع
وما تميزه إلا بتميز فكرته وما يحتوي عليه من سياق مفيد

________________________________________

  رد مع اقتباس
قديم 29 Apr 2007, 11:05 PM   #26
بنت العزيزيه غير متواجد حالياً
أصدقاء المنتدى

الصورة الرمزية بنت العزيزيه

رقم العضويـــة: 10378
تاريخ التسجيل: 30 11 2006
الجــنــــــــس:
مكان الإقــامة: مكه الغاليه
المشاركــــات: 2,234
قوة التقييــــم: 16 نقطة
بنت العزيزيه is on a distinguished road
نقاط التقييــم: 46
آخر تواجــــــد: 01 Jun 2011 (02:23 AM)
الأوسمة
الوسام الفضي 
شكرا .....
يا ابن الجوهرتين والله يجعلي من دعائك نصيب.........
من جد اهل مكه لهم مواقف لو تنحط في موسوعه ماتكفي هههههههههههههه
بس خلوني اعمل ري فرش لعقلي ونرجعلكم خاصة الاشياء الي تسير مع الحريم في الحرم في الشهر الفضيل الله يبلغنا هو والجميع بصحه وعافيه
  رد مع اقتباس
قديم 30 Apr 2007, 01:00 AM   #27
ابن الجوهرتين غير متواجد حالياً
مكاوي متميز

الصورة الرمزية ابن الجوهرتين

رقم العضويـــة: 11892
تاريخ التسجيل: 04 03 2007
الجــنــــــــس:
ذكر
مكان الإقــامة: مكاوي جداوي
المشاركــــات: 1,984
قوة التقييــــم: 14 نقطة
ابن الجوهرتين is on a distinguished road
نقاط التقييــم: 19
آخر تواجــــــد: 06 Apr 2013 (11:09 PM)
الأوسمة
وسام التميز الوسام الفضي 
اقتباس:
يعطيك العافية وفكرة الموضوع جديدة على المنتدى مع اننا بمكة وعيال مطوفين ومجربين بس ما خطر على بالنا كدا موضوع تسلم الايادي وفعلا الطوافة والحجاج حكاويهم ما تخلص الله يعينكم

والله يا مشرفتنا المتميزه كووول
اسمعي أكيد في ناس من برا السعودية متشوقين يسمعوا حكاوي الحج والحجاج وراح يخشوا على منتدى
مكاوي يعني من اسمه منتدى الحج والحجاج
اقتباس:
واخر قصة لك وربي قهرتني بسبب الروتين الممل اللى عندنا واللى شكله ما راح يتحسن ولا يتطور ابدا ابدا
جيتي على الجرح وربي الانظمة عقيمة لكن ان شاء الله الوضع من أحسن إلى أحسن
اقتباس:
ههههههههههههههههههههههههههههههههههههههههههه

جلست اكركر ومت على نفسي ضحك يسعدك ربي ويبارك في صحتك ما شاء الله عليك في قمة انشغالك روح الدعابة ما تفارقك وتاكد دا اللى بيخفف عليك تعب العمل كله
ان شاء الله الضحكة دوم عليكي
بس قلت خليني أفرحة سنين وهوا ومعاها قلت اعطية نظرة إجابية
وعاد ايش أسوي (هونها تهون) ولا ما عملت كذا راح تجيني أمراض الدنيا والأخره
اقتباس:
ومتابعين يا <<< عاد جا الموضوع على هوايا كله قصص

وفي انتظار المزيد المزيد
ابشري يا ست كووول في جعبتي الكثير الين ما تقولو خلاص طفشنا من سماع شغل الحج
وكمان الأعضاء راح يحكونا أحلى الحكاوي بنكهه حجازية
ابن الجوهرتين
  رد مع اقتباس
قديم 30 Apr 2007, 01:08 AM   #28
ابن الجوهرتين غير متواجد حالياً
مكاوي متميز

الصورة الرمزية ابن الجوهرتين

رقم العضويـــة: 11892
تاريخ التسجيل: 04 03 2007
الجــنــــــــس:
ذكر
مكان الإقــامة: مكاوي جداوي
المشاركــــات: 1,984
قوة التقييــــم: 14 نقطة
ابن الجوهرتين is on a distinguished road
نقاط التقييــم: 19
آخر تواجــــــد: 06 Apr 2013 (11:09 PM)
الأوسمة
وسام التميز الوسام الفضي 

السيدة حفيدة الحسين


اقتباس:
ابن الجوهرتين بصراحه من اشد المتابعيات للموضوع ولمواضيعك عامه
تبارك الله <<< احب المواضيع القصصيه مو قص ولزق
الله يحفظك من كل عين ويبارك فيك
الله يا سيدة بملك الدنيا الكلام الي قلتية


اقتباس:
عندي حكاوي ياما الله يعينكم عليها
وأنا من أشد المترقبين للقصصك يا بنت العم

اقتباس:
اما حكاية الحاجي والساطور ربك ستر ههههههههه
اخر قصه فورت دمي صحيح عمرنا ماراح نتطور
عاد ايش نقول غير اللهم احسن الحال الى احسن حال

اقتباس:
مره من المراريت في الحج قلنا نحج وبابا يعرف واحد قاله عندي حمله هيا جيب العيله قال طيب ورحنا ونجس نفسنا مع اهل بلد مااذم في الناس بس لانه الطباع تختلف والله عيوننا ندرت من محلها بركه الله يعطيه العافيه بابا كان مسويلنا في نفس المخيم مع الحمامات حمام خاااااص لنا
أكيد لازم يعمل كذا وعلى قولك ناس طباعهم غير طباعنا

اقتباس:
وكل شويه يجوا يدخلو الخميه يطااااااااااااااالعوا فينا ويقولوا استغر الله ويشمقوا ويطلعوا هههه ونقعد نضحك وهما يجونا يقولوا انتوا من فين نقول من مكه يقولوا لاحول ولاقوة الا بالله ههههههه واحنا مو فاهمين اش الهرجه وبالنسبه احنا لهم نكره مررررره يوم تطلع وحده فين تلاقي وحده تنط لها على الباب تقولنا زوجي برا طيب واش اسويله باكله ههههههههههههه
هههههههههههههه وربي متخيل الموقف حاجه مضحكة

اقتباس:
وحج قبل العام فله قلنا لو اتسهلت طلعنا ربي ماسهلها الا 12 الليل بالباص بس طيب قلت انا والبنت اللي معايا تعالي نخرج نقعد برا في مزدلفه بدل زنقة الباص والحر قالت هيا وهيا من بنات جده عادي كاشفه وجهها اللي جبنبنا رجال ميلوا عليناا وقال تشربوا شاي يااخوات قلت خليه لما اهلك يجوا شربهم هوا ههههههههه قليل ادب لايوفروا حج او غيره
عاد اهل الرخا والشدة يماحلاهم في كشف الوجه ههههههههه
وكمان الراجل العايب مايقول في نفسه حج والناس حجاج بس ما اقول غير الله يحسن ادبنا

اقتباس:
وشويه تعبان رحنا ورا الباص ونمنا على الارض والله نومه غريبه ماحسينا بالدنيا كيف نمنا ماادري سبحان الله الا نقوم على جماعة هنود يصلوا علينا هههههههه قسم بالله قعدت اضحك دحين سابوا الدنيا كلها الا احنا يصلوا علينا وشويه الهندي يرطن انجليزي مع البنت اللي معايا وهاتك هرجه مساكين طلعوا مو عارفين شي ومضيعين وبركه انها تفهم انجليزي لو انا كان حوسته هههههه
خخخخخخخخخخخخ صلو عليكم وربي ضحكت من قلبي بس والله بعد التعب تجي أحلا نومة ياسلام
وبالنسبة للإنجليزي انتِ حتقوليلي موضوعك المميز تبع اللغة لسه الحبر مانشف من عليه

اقتباس:
مره رحنا ماما قالت تعالوا نرجم واقولها لا مره زحمه قالت طيب نشوف والا فجاه سار تدافع كل اللي في طاحوا والله بنتي تبكي وانا جيه اطيح مامعايا شي اسند عليه والا العسكري يمد يده وانا مستحيه خخخخخ وقلت بلا مستحيه بلا هم غطيت يدي بالعبايه بسرعه علشان لايلمسها وسحبني وخرجني وقال لاعاد تجي تاني والله يومها ربي انقذنا والا كان في عداد الموتى فاكرين اكيد التدافع اللي سار قبل سنتين والموتى مساكين
]الحمد لله ربنا سلمك الله كأنه يوم القيامة كلاً يقول نفسي نفسي
وربي وانا بأقرى هذه القصه عيني دمعت أفتكرت موقف
أسمعي لا تعتبريها رياء لأني غير معروف الا بإبن الجوهرتين
مرا شفت حرمه جاويا عند الجمرات ومع الزحمة طاحت والناس داعسين عليها
قلت ياربي سترك وقلت وهاتك ياعباد الله أعيونو
ونزلت وسحبتها ووصلت على جنب تبكي والناس حوليها وتطالع فيها وتدعيلي وانا مكسوف
وجا زوجها جي عليا وصار يبوس يدي والله شردت وعيني دمعت
(ومن أحياها فكأنما أحيا الناس جميعا)
اللهم يا ربي اجعلها خالصه لوجهك وأغفر لنا يا علي ياقدير
اقتباس:
وجينا خراجين نمشي كل الاراضي مفترشه تجي ديك الجاويه تزعق مدااااااااااااااام مابي امسي هنا بززمه هادا مكان سلي قلت بالله وخري عني قيدي مو طايقه نفسي الا هيا تدف والمكياج مرصع بوشها وقلت طيب شيلي مفرش الحرير علشان امشي من تحته مو فوقه ومشيت <<< شرانيه
هههههههه وعلى قولك تشوفي الجاوا أخر مكياج ووجهم مبقع من كتر المكياج وفين في منى عاد جاوا الله يهدي عبيده

اقتباس:
وافترك يوم كنت بالثانوي واروح للجمرات يجي داك الحاجي الاسود العريض ويقل ادبه والتف حولي وهاداك الكف اللي ماينساه عمره ماما تقول اشفي وانا جاتني حاله هستيريه بس اقول يهود كفار يهود كفار وابكي وماما تسجبني هيا والحريم اللي معاها مو عارفين اشبها دي بسم الله هههههههههه كل ماافتكر اضحك على نفسي
يالله على السود أجسام كبيرة ودف وعاملين زي القطار ومساكين الجاوا صغار وما ياكلو عيش معاهم
عاد تشوفي اشكال وألوان
اقتباس:
اما الحرم مرررره زحمه اليومين دي حتى وسط الاسبو رحت قبل كم يوم انا واولاد ولو تشوفنا تضحك نسوي مراوغه مع الجراد اللي يمين واللي شمال واحنا واي وي ي وي اه ه ه اش دا ولف يمين ولف شمال شي مضحك زي البزوره واخس
جراد كبر راااسي مو كبر كف يدي ههههه
اه زكريات لا تنسى أبداً وايش أحلى زكريات وصدقيني أولادك ما راح ينسوها
أشكرك كل الشكر يا هاشمية على قصصك الأكثر من رائعة والله استمتعت جدا بكل قصة منها
ابن الجوهرتين
  رد مع اقتباس
قديم 30 Apr 2007, 01:20 AM   #29
ابن الجوهرتين غير متواجد حالياً
مكاوي متميز

الصورة الرمزية ابن الجوهرتين

رقم العضويـــة: 11892
تاريخ التسجيل: 04 03 2007
الجــنــــــــس:
ذكر
مكان الإقــامة: مكاوي جداوي
المشاركــــات: 1,984
قوة التقييــــم: 14 نقطة
ابن الجوهرتين is on a distinguished road
نقاط التقييــم: 19
آخر تواجــــــد: 06 Apr 2013 (11:09 PM)
الأوسمة
وسام التميز الوسام الفضي 
استاذنا ومعلمنا مروان
نعم يا لا فض فوك من الحكم التي والله تدرس
في موضوع فن التعامل مع البشر
فنحن نقابل كل أنواع البشر
وكلاً له طباعه فيجب علينا مراعاة ذلك والصبر على صعابه
و والله ان لها لحلاوة لايذوقها إلا من خدم ضيف الرحمن من قلبة
وكما تفضلتم بأن الخدمة ليس حكراً على مؤسسات الطوافه
خذ مثلا سقيا زمزم في الحرم والله تدل على عظم هذا الدين
وأرشاد التأهين والخدمات الصحية
وغيرها الكثير
وما أقول غير اللهم كما فرضت (وأذن في الناس بالحج يأتوك رجالا)
اجعل لهم من ييسر أمرهم
أشكرك مروان
أحلى وسام أعتز به
ابن الجوهرتين
  رد مع اقتباس
قديم 30 Apr 2007, 01:27 AM   #30
ابن الجوهرتين غير متواجد حالياً
مكاوي متميز

الصورة الرمزية ابن الجوهرتين

رقم العضويـــة: 11892
تاريخ التسجيل: 04 03 2007
الجــنــــــــس:
ذكر
مكان الإقــامة: مكاوي جداوي
المشاركــــات: 1,984
قوة التقييــــم: 14 نقطة
ابن الجوهرتين is on a distinguished road
نقاط التقييــم: 19
آخر تواجــــــد: 06 Apr 2013 (11:09 PM)
الأوسمة
وسام التميز الوسام الفضي 
بنت العزيزية
سهل الله لك أمر الدنيا والاخرة
وأبشرك ان شاء الله ميسرة ومسهله
وعلى قولك الحكايات كثيرة وكمان الحو إنها تدون وتوثق
وان شاء الله الموضوع راح ندون ونوثق الحكايات
وها يا ستي
انا استنى قصصك بفارغ الصبر
أشكرك
ابن الجوهرتين
  رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 02:11 PM.



Powered by vBulletin® Version 3.8.11
Copyright ©2000 - 2019, vBulletin Solutions Inc.
Ads Management Version 3.0.1 by Saeed Al-Atwi
(Valid XHTML 1.0 Transitional | Valid CSS! | SEO) .
For best browsing ever, use Firefox.
Copyright © 2018 makkawi.com. All rights reserved