منتديات مكاوي

منتديات مكاوي (https://forum.makkawi.com/index.php)
-   الحلويات و المشروبات (https://forum.makkawi.com/forumdisplay.php?f=52)
-   -   عمل الالماسية ( الاقر ) (https://forum.makkawi.com/showthread.php?t=93656)

آل خياط 13 Apr 2011 10:41 AM

عمل الالماسية ( الاقر )
 
عمل الالماسية ( الاقر ) الاحمر اكلة قديييييمة
واللي يعرف لها اسم ثاني يقول
عجزت ادور عليها بالمنتديات وكثير بيسئل
عن طريقة عملها وباسم اللي لونها احمر بس
العنوان واضح بس اقولكم سرها

هاد الاقر كنا زمان نخرج من المدرسة
والبائع يوقف بالصينية الكبيرة والشراب المثلج
الاحمر وكان يحطه بابريق ملون اما اخضر او احمر
وكان يحط لنا شوية ماسية بالصحن ويقول قطعوها صغار
ويقوم يصب الشراب عليها وودنا نلحس الصحن من طعامتها
والله يالاقر يبرد القلب في ساعة الظهر الحارة
المهم ما اطول عليكم


بسم الله نبدأ

المقادير
1 =جلاتين الماسية
5= كاسات ماء
1= فنجان واحدسكر اوحسب الرغبة
قليل جدا من لون الصبغةالتوت


ناخذ الالماسية ونذوبهاعلى نار هادئة جدا جدا
حتى ماتغلي كثير ويضيع عليكم مقدار الماء
ترى انا حسبتها بالملي
ويمكن ان نبلها لفترة معينة لحد ماتذوب

ثم نضع السكر واللون التوت الاحمر
ترى مو كل لون صبغة يظبط نفس الطعم
شوفو العلبة ولاتخربطو
وارد بن عفيف واسمها التوت

ونتركها تغلي لمدة دقيقتين فقط
وعند الغليان نسكبها في صينيتين
وخلوها تبرد وعلى فكرة هي راح تطلع قاسية
وهو المطلوب

ولماتبرد تمام تقطع طوليا وعرضيا وقطريا شمال ويمين
حتى تصبح صغار حلوة تتاكل

ثم تغرف بصحن او زبدية ونضع عليها الشراب المثلج

طريقة عمل الشراب
يؤخذ من نفس الصبغة لكل 2 لتر ماء طرف الملعقة صبغة
ويخلط معهم السكر وقطع الثلج
الافضل يكون السكر مظبوط لانه حلاوتهافي حلاوة الشراب


بالعافية والهناء
منقول
:a36:

زهرانية جياد 13 Apr 2011 06:21 PM

الله يعطيك العافية ماقصرت
في ناس يسووها بالنشاء
اشكرك تعيش وتحط مواضيع:a35:

المدينة حبي 13 Apr 2011 06:43 PM

السلام عليكم ورحمة الله وبركاته

الله يديكم الصحة والعافيه ويسلك الايادي على الطرح الحلو والروعه بروعتك يسعدك ربي ويكرمك بالخير والبركه ياسيدي
هناك اختلاف بين الاقر وبين الالماسيه الاقر يتعمل بالنشا ويتحطلو بعد كدا فيمتو او تانج او عصير رومان اي شي لكن الالماسية تتعمل بالحزمه البيضه حقت الالماسية وبشراب التوت دا اللى انا اعرفه واللى يتعمل عندنا بالمدينة المنورة

المدينة حبي

آل خياط 16 Apr 2011 10:59 AM

الاقر بعيون مكاويه
 
شكرا على المرور الحلو والاراء الجميله

ان شاء الله نجيب الخبر اليقين من عند اهل الاقر اللي موجودين في قسم المدينة المنوره المشاركين في مهرجان الجنادريه
والموضوع قلت انه منقول


والله يقدرني اوصل لكم المعلومه المفيده بالصور وتغطيه عن المهرجان
ودعواتكم لي بالتوفيق


مشاكسة الرياض 16 Apr 2011 12:41 PM

ما شاء الله ما اعرفها بس الواضح انها حلوة

آل خياط 20 Apr 2011 10:54 AM

الاقر من عند اهل الاقر
 
4 مرفق
السلام عليكم ورحمة الله وبركاته

اليوم موضوعنا سبق الحديثه عنه وكان فيه جدل كبير حول عملية صناعة الاقر
وهذا الاقر عبارة عن حاجة حلوه تستخدم زمان مع عصير التوت
انا جبت الصور من موقع الحدث وعلى طبيعتها اللي زمان كانت عليه مو زي دحين صواني قزاز وغيره
واترككم مع الصور من موقع الجنادريه
اما بالنسبة لمكونات الاقر بسيطه وسهله جداً بس المشكله الناس ما تعرف ايش معنى اقر وكتير ما يعرفو
حتى وانا واقف عند الاقر وباكل بالعافيه على قلبي الناس تسأل ايش الاقر ولما يقولهم اقر ما يعرفوه هههه ويرجع يقول لهم هذا زي الجلي هههه قلت ايش جاب اللي جاب قال الناس ما تعرررف الا من رحم ربك ومن الغربيه
ما راح نطول الموضع اما بالنسبه للمقادير بعدين نحكي عنها:a20:





http://www.almlf.com/get-4-2011-almlf_com_0kjaevaz.jpg


http://www.almlf.com/get-4-2011-almlf_com_chu45w05.jpg

http://www.almlf.com/get-4-2011-almlf_com_tydiwvx0.jpg

http://www.almlf.com/get-4-2011-almlf_com_cezggnsz.jpg

المدينة حبي 20 Apr 2011 04:41 PM

وعليكم السلام ورحمة الله وبركاته

الله يديك الصحة والعافيه ويسلم الايادي على الصور الروعه بروعتك يسعدك ربي ويكرمك بالخير والبركه ياسيدي
نحن الاقر عندنا بالمدينة معروف انو يتعمل بالنشا والسكر وشراب التوت أو عن طريق الالماسية الساده والسكر وبعد كدا يحطو عليها موية الورد وتكون حلوه ويرشو النشا فوقها ويكون لونها وردي فاتح زي اللى بالصور وزمان امي الله يحفظها كانت تعملو بصينيه زي كدا اما بالوقت الحالي تعملو بقوالب التلج عشان تطلع كل حبه لوحدها بس بلكن يختلف من مدينة لمدينة

المدينة حبي

زهرانية جياد 20 Apr 2011 06:25 PM

ماشاالله الله يعطيك العافية
شكله روعة

عدلت الصور وحملتها مرة ثانية :a38:
ودمجت الموضوعيين وختمته بالمميز :243:
اشكرك

آل خياط 21 Apr 2011 12:41 PM

احلى صباح ومساء لعيونكم
واشكرك على التعديل بالنسبة للصور هذي من جناح المدينة المنورة
المشارك بالجنادريه 26 هذا العام 1432هـ
والمدينة ومكه كلهم زي بعض في عادات كتيره
الله لا يحرمنا من ستي وسيدي

طوق الياسمين 22 Apr 2011 09:55 PM

مشكور اخوي باين انها حلوى لذيذة


الساعة الآن 01:17 AM.

Powered by vBulletin® Version 3.8.11
Copyright ©2000 - 2018, vBulletin Solutions Inc.

Ads Management Version 3.0.1 by Saeed Al-Atwi