منتديات مكاوي

منتديات مكاوي (http://forum.makkawi.com/index.php)
-   ارشيف المسابقات (http://forum.makkawi.com/forumdisplay.php?f=50)
-   -   انطلاق فعالية \\ كرويــــ مكاوي ــــتة // (http://forum.makkawi.com/showthread.php?t=98662)

لجنة الفعاليات والمسابقات 10 Jun 2012 12:50 AM

انطلاق فعالية \\ كرويــــ مكاوي ــــتة //
 


http://up.arab-x.com/Apr12/9G404400.gif


:


:



السلام عليكم ورحمة الله وبركاته


http://im21.gulfup.com/2012-06-09/1339270586851.png



أعضائنا الكرام

http://www.bh30.com/vb3/images/ns/Hello.gif

يا هلا والله وعلى بشكتنا نور




منورييييييييييين

(( كرويتة مكاوي ))






http://www.dohaup.com/album/18/dohaup_1357093656.gif فكرة الموضوع http://www.dohaup.com/album/18/dohaup_1357093656.gif


هذا الموضوع مفتوح منكم وليكم

حنعتبر نفسنا في جلسة وبشكة وعلى كرويته

متكين نهرج ونتحكى .. نسمر وندردش



هنا :a53:

نصّبح ونمسّي على بعض



هنا :a53:

نفضفض و ننكت مع بعض




أهم شي في حدود الأدب

:a85:



أتمنى لكم قضاء وقت ممتع مع فعالياتنا






مع تحيات

فريق الفعاليات

مكاوي عاشق مكة 10 Jun 2012 01:01 AM



ما شاء الله تبارك الرحمن

حلو كتيرررررررر هادا الموضوع

طيب وهادي تكوه

وحلفت عليكم لا أحد يقوم من مكانوا أنا في بيتي يعني لا تعبوا نفسكم

ههههههههههه
هههههههه

أشوفكم صدقتوا

فين الشاهي و النقل والفصفص واللوز والكربوا

عشان تحلى الجلسه

طيب حكوني وهاتوا الهرجه

كيف الإجازه معاكم اليومين إللي فاتوا

وفين قضيتوها وكيف الأسعار معاكم

وفين أمشي العيال يعني أخليها سياحة داخلي ولا أقضيها برا أبركلي

:a85::a85:



Roooma 10 Jun 2012 01:04 AM

السلام عليكم


مساء الخير على الجميع


مافي احد في المنتدى :(




http://t0.gstatic.com/images?q=tbn:A...INUgjK_8ghbrcz


وشخص واقف بعيد














مكاوي عاشق مكه

منور

:)

Roooma 10 Jun 2012 01:07 AM

كلو محصل بعضو

ان كان سياحه داخليه اسعار وللللعه


وان سياحه خارجيه اسعار نار


هات النقل بس خلي الواحد يحط حرو في الاكل

هههههههههههههه

مكاوي عاشق مكة 10 Jun 2012 01:13 AM



وعلى قولك كلوا محصل بعضو

نحنا في موسم والأسعار والعه نار

وغير كده دا موسم مناسبات من جوازات وملكه كمان يعني ألله يعين
إللي عندو مناسبتين ولا تلاته في الفتره هادي

يعني الجيب مخروم على طول والطلبات ما تخلص


عسليه 10 Jun 2012 01:25 AM



مكاوي انتوا الرجال بس خايفين على جيوبكم ههههههههههههههههههههههههااااي

مكاوي عاشق مكة 10 Jun 2012 02:29 AM


http://up.arab-x.com/Apr12/Bsi80607.jpg

ههههههههههههههههه
هههههههههههه

مو المشكله كمان أنتو نون النسوه

البعض مو كلكم عشان لحد يزعل :a64:

ما تعرف إلا هات وهات ويلا السوق ويلا ما أدري فين

وما تعرف الغلبان هادا من فين وكيف طلع القرش

حتى ما في خد ويمكن لو حبت تقولها

راح تقول خد هادا كيس الزباله خدها معاك وأنت خارج ;;53


&&بنت الحجاز&& 10 Jun 2012 05:36 AM

برررررررررررررد على قلبك بالحووومر يا عطشااااان



http://forum.mn66.com/imgcache2/600692.gif

shami المسفلاوي 10 Jun 2012 03:20 PM

لاجديد زواجات وسوق

خلي سياحتك خارجية يامكاوي عاشق
ولاتسمع كلام بعض الناس خليهم في النقل حقهم اللي ينشف الحلق
:p وروح اتمشى خخخخخ

Roooma 10 Jun 2012 06:11 PM

مساكم سكر جميعا


بشروا كيف أصبحتوا وكيف أمسيتوا

فرفوشة مكة 10 Jun 2012 08:22 PM

الله الله

فعالية لزيزة ناخد ونعطي معاها

والله بخير ياروما الله يسلمك


طيب قولولي بما اني قاعدة في البيت مع ماما اونسها في عدتها

اعطوني افكار جديدة وبنفس الوقت مفيدة

نشوف ايش عندكم ^^

مكاوي عاشق مكة 10 Jun 2012 09:32 PM



السلام عليكم ورحمة الله وبركاته

مساكم الله بالخير جميعاًً

أستيتاتي روووما ـ فرفش

كيف الحال عساكم بخير

يا هوووو إيش الحر والرطوبه هادي

والله الواحد ما لو نفس حتى يخرج من البيت

طيب فين بقية الشلة أشبهم نايمين في العسل ولا أيش

عموماً إللي ما راح يجي راح يفوتوا

هادا

http://up.arab-x.com/Apr12/YWu49253.jpg

يعني هيا بس جوجو إللي فالحة تصبحنا مع الفجرية بكاس حمررررررررررررر

طيب أنا أمسيكم بكربو بالحمر ما أحد أحسن من أحد

وأبشري أستيتا فرفش راح نفكرلك كم فوكيره كده وأن شاء الله تنفع

بس إنتي قولي إيش إللي في بالك ونحنا نكمل معاك

:a85:


عسليه 10 Jun 2012 09:54 PM


فرفوشه اخبارك يابنت
لكي وحشه وربي
الله يعينكم يارب


وانتوا الرجال اشبكم على الحريم والاسواق
مافي احلى من دواره السسوق
اخر فله هههههههههههههااااي

وطبعا اهم شى الحساب عليكم
اجل الرجال قومون على النساء
على الفاضي ههههههههه

طلعوا اللي عندكم
ولا بس تبغوا تجمعوا وتطقوها جوازه ثانيه
هههههههههههههههااااااااي

مكاوي عاشق مكة 11 Jun 2012 01:55 AM



سيدي شامي

شرفت ونورت الجلسه يا سيدي

أيش الغيبه هادي

وأبشر يا سيدي أن شاء الله بس تترتب الأمور وتخلص الكم مناسبه إللي عندنا

وربك يحلها

ــــــــــــــــــــــــــــــــــــ

هههههههههههههههههههههه
ههههههههههه

إستيتا عسليه

الله يسامحك دحين مين جاب سيرة الجواز

اللهم يا كافي حولينا ولا علينا

اللهم أجعل كلامنا خفيف عليهم

إحنا ناقصين

وبعدين هوا أصلن أصلن أدم يعني يتعب ويشقى عشان مين يعني

مو عشان خاطر عيون حواء وياريتهم بس يرضوا

:a22:


&&بنت الحجاز&& 11 Jun 2012 02:01 AM

فرفوشة مافي احسن من الزيارات المتكررة للوالدة الله يخليها لكم

يعني اخوانك واخواتك يجتمعو عندها بصورة شبه يومية وخاصة انو دحين اجازة ..

اعملو حفلة شواء في الحوش او السطوح ..

خالاتك وعماتك يطلطلو عليكم من فترة للتانية وهادي من شيم واصل اهل مكة ان ما يسيبو الارمله في عدتها

بدون ما يطلو عليها منها تتونس وتحس بالعزوة وتمر عليها الشهور بسرعة .. وعلى ما سمعت انه الارمله بعد ما تخرج

من عدتها تردلهم رجولهم على قولتهم فا تروح لكل من جاها وواساها في اشهر العدة .


Roooma 11 Jun 2012 02:08 AM

يا هلا والله بالحبايب على بشكتنا نور

اجلسوا يا بنات سويت شاي اخضر والنعناع مفحفح

يا ام اييييييييييييييمن هاتي الشيشه لابو رامي و شامي انسونا والله

لا احد يستحي البشكه بشكتكم والكرويته كرويتتكم

مكاوي عاشق مكة 11 Jun 2012 02:13 AM



لو سمحتي يا أم أيمن الجراك باعشن

ما أبغى مخلوط

ولا تكتروا السكر في الشاهي ملعقتين تكفي



&&بنت الحجاز&& 11 Jun 2012 02:28 AM

كنت بقوول ..

هاتي يا فتو المسكوفي تبعي خلي استيتتك روما تصبلي اخضر مر

اما استيتتك روما << الاسم مدلع عن اسماء زمان هههههه

ستي ميار

وسيدي رامي

وجدي سامر

وجدة تولين

هدولا ستات واسياد 2020

Roooma 11 Jun 2012 02:35 AM

مدري ايش قصة جهازي اوقات تتطلعلي الردود بلغه تانيه :(




يç èê يçمنه ىيèيلي ‎نىçن çلمَكو‎ي îلي çَêيêêك ٌومç êُèلي ‎نىçن çîٌِ مٌ

çمçççç çَêيêç ٌومç << مٌٌٌه çلçَم مïلْ هههههه ْن çيçم ٍمçن

çَêيêçê 2020

َêي ميçٌ

وىïي ٌçمي

وَيïي َçمٌ

وىïé êولين



ما فهمت يا جوجو من ردك الا ( ههههههههههه )

:a77:

&&بنت الحجاز&& 11 Jun 2012 02:36 AM

حتى انا يا روما دوووبو طلعلي الكلامي وكلامك اغريقي هههههه

عدلت ردي فوووق :127:

مكاوي عاشق مكة 11 Jun 2012 02:41 AM




يا سبحان الله أول مره أشوف كلام كلجه

في العاده أسمع الكلام لكن أشوفو هادي جدددددددددددددديده



&&بنت الحجاز&& 11 Jun 2012 02:42 AM

ههههههه

عدلنا الرد وزبط بعد ما خشيت من متصفح الكروم

مكاوي عاشق مكة 11 Jun 2012 02:51 AM



طيب وعشان لحد يقول إني داخل عليكم ويدي فاضيه

خدولكم شويه يغمش حق زمان

بس من غير شطه كل واحد يحط الشطه على كيفوا

http://up.arab-x.com/Apr12/H0c68547.jpg


فرفوشة مكة 11 Jun 2012 02:55 AM

ياعيني عاليغمش والكرومبو حق سيدي مكاوي

يجيب العافية

والله ياجوجو مو مقصرين واالله خالاتي وعماتي يسعدهم ^^ بسسس اناا ايش اسوي >_>

هيا يااستيتا روما واحد كوب اخضر من يدك خلينا نرووق

&&بنت الحجاز&& 11 Jun 2012 02:57 AM

الله زكريات المنتو والكبيبه من البائع المتجول عند مدرستي ..

ويحطلنا شطة واحنا هاتك ياهرس ومرس الييين حبة المنتو تستغيث ههههه

وناكلها ممروسه آخر كلام .

فرفوشة مكة 11 Jun 2012 03:10 AM

عسلية تسلمي حبيبتي

وانتي كمان والله لكِ وحشة :)


جوجو

فين حفلة شواء بالله عليكي في دا الحر هع >_>>

مازلت ابا افكااار

مكاوي عاشق مكة 11 Jun 2012 03:10 AM




http://up.arab-x.com/Apr12/1cm69211.jpg

يا جماعة الخير

المنظر هادا ينرفزني

إللين متى ونحنا نعطيهم ونتصدق على الأشكال هادي

وبحكم أنو بيتي على شارع عام أشوف الأشكال هادي كتير

حتى صار عندهم سياسه جديده

سياسة أشبط في حلقوا

يعني من يوم يشوفك الواحد فيهم وأنتا خارج من البقاله يشبط فيك إللين
ما الواحد بس يبغى الفكه منو

وقبل يومين واحد راجل جاني وأنا عند البقاله يتشحت وهوا سليم معافى ما في شي

وفي المسجد وأنا خارج شوفتوا هوا نفس الراجل والمره هادي مشلول يحبي على أربعه
وأبكم والعالم تعطف عليه وتتصدق عليه

يا عالم إللين متى ونحنا بالطيبه هادي إللي أستغلوها هادي الأشكال


فرفوشة مكة 11 Jun 2012 03:15 AM

مو سرنا ياسيدي مكاوي في زمن ماتعرف الطيب من البطال

والله ماسرنا نفرق بين الصادق ومين الللي بيلعب عالناس

في بعضهم منجدد يكونوا بحاجة

بس انا اللي يقهرني اكترر لما ناس من اهل بلدي سعوديين ويشحتواا >_<

&&بنت الحجاز&& 11 Jun 2012 03:20 AM

صدقت والله ياسيدي

والمصيبة تحصل الام جالسة فعز الضهر ومعاها اولادها يا حرام اكبرهم ما يتعدى الستة سنوات

جاني لحد طاقة السيارة وطبعا انا لما يلصقولي كدا اخاف اقوم اقفل الباب زيادة حرص

اقوم ااشرلو " الله يعطينا ويعطيك " الولد ياعيني سابني وراح لامو قامت الام الله يكافي ابليسها مدري ايش رطنتلو

وتزعق عليه وتأشرلو على سيارتنا كانها تقلو " الصقلها الييين تعطيك" وييي ياربي يعلمو بزورتهم السلتحة

ولو تجي للوحدة فيهم تقلها تعالي اشتغلي ونعطيكي 600 ولا 700 ما ترضى !!!

هتان المطر 11 Jun 2012 04:42 AM

بييييييييييييب أنا جييييييييييييييت

ياهووووووووو اش الهرجة ليه اصواتكم واصلة للجيران روقو شوية ماتنفع العصبية في الحر دا<الله يجيرنا من عزاب جهنم

شوفو اش جبتلكم هيا خدو بردو على قلوبكم
http://www12.0zz0.com/2012/06/11/00/258866495.jpg


حبيت أتفلسف شوية في الموضوع الي مشعللكم
ياجماعة التسول كل مالو بزيد لانهم محصلين مين يصدقهم ويتكرم عليهم..ودا المنظر صراحة مشوه مكة البلد الحرام خاصة قدام ضيوف الرحمن..نحنا لو تعاونا نحنا الي نكافحهم مو أحد تاني ونصيحة للي يبى يتصدق بدل مايضيع فلوسو في ناس مخالفة يروح يعطيها لعمااااال النضافة والله انهم يقطعو القلب لمن نشوفهم يشتغلو في دا الحر الفظيع أحس هما الي يستاهلو والله
أنا هادا رأيي وهادا الي أشوفه
وفي النهاية الله يعافيهم ولايبلينا
وسلااااااااااامتكم

سبحانك اللهم وبحمدك أشهد أن لاإله إلا أنت أستغفرك وأتوب إليك
مع التحية

Roooma 11 Jun 2012 07:57 AM

الي يقهر انو تكون في امان الله جالس في الاشاره

يجيك واحد يقلك >> كرامه <<

تديلو

يدق الي بعود >> كرامه <<

تديلو وتقول حرام

يجيك الي بعدو ههههههه

من يوم واحد يدي واحد فيهم ياشرولو على ديك السياره وهجوووووووم


مره كنت بشتري من يغمش زمان الي في الستين

جاتني وحده واديتها راحت قرقرت برا وجاتني وحده اديتها

جاتني التالته قلتلها انا اديت اختك عشرين خدي منها طبعا انا كدابه كلها ريالات

خرجت جري وتهرج بصوت عالي واضاربو وانا ركبت السياره وقلت للسواق بسرعه ههههه


>> شريره


المهم نسيت ارحب بفرفوشه وعسليه وهتان المطر

انستوووووووا

كلفتي على نفسك يا هتووونه كان بس جبتي باسكن وخلاص بلا كلفه

هتان المطر 11 Jun 2012 02:21 PM

ياروما لاكلفة ولاشي بالعكس مرة رخيص مو زي باسكن ..تبي تفلسيني انت..!!هههههههه

تانيا نحنا نبا حاجة تراثية مو من العصر الحديس تخيلي بالله أجدادانا وأسيادنا قاعدين عالكرويتة ياكلو باسكن مررة شكلهم غلط ههههه

تالتا باسكن تقيل عالمعدة ماينفع مع الحر دا فلازم حاجة خفيفة تخيلي بعد صقعة شمسية يجي واحد ياكلو أتوقع إغماء على طوووول هههههه

عشان كدا أنا ما أحب دا الشي الي اسمو باسكن<حاولت اقنع نفسي بيلو ماقدرت ..تعرفي اسكريمي المفضل<<<<<<<<<<<كواليتي أبو العود هادا حبي الابدي
اااااااااخ ياناس مايمخمخ الراس إلا كواليتي أبو العود
بلا باسكن بلا بطيخ هههههههه


:a36:

عسليه 11 Jun 2012 04:00 PM








اقول لا تتعبوا نفسكم هههههههههههه

عصير توت وحطوه بالفريزا وخلاص

صار ايس كريم هههههههههههههه

مكاوي عاشق مكة 11 Jun 2012 04:00 PM



أيسكريم إيه وباسكن إيش كمان

تبغوا تجيبولنا اللوز وألتهاب الحلق

أنا بصراحة وحشني هادا

http://up.arab-x.com/Apr12/C5415891.jpg

ومرحبنبك استيتا هتان المطر ـ عسليه

طيب وبعدين كان في إدارة ولا هيئه لمكافحة التسول

هما فين ولا قفلوا هادي الإدارة

ما يشوفوا شغلهم ولا هوا صرف رواتب على الفاضي
حتى لو ضعف في الأمكانيات ما يزبطوا شغلهم ويوفروا الأمكانيات المطلوبه
الدوله ما هي مقصره ولكن المشكله في إللي يطبق النظام

مشكلة التسول كل ما لها في تزايد ولسه موسم رمضان على الأبواب
يعني راح تشوفوهم بأضعاف ما هو متواجد الأن


مكاوي عاشق مكة 11 Jun 2012 10:17 PM



السلام عليكم ورحمة الله وبركاته

أسعد الله مساكم

يا أهل البيت في أحد

ألظاهر أنا أول الحاضرين

طيب مافي مشكله وهادي تكوه

مستني أحد يضيفني نفسي في شاهي وراس شيشه

مع أني جبتلكم اليوم

شوية كبيبه عجب مع عصرة ليمون وشوية شطة

http://up.arab-x.com/Apr12/clM38531.jpg



Roooma 11 Jun 2012 11:15 PM

الله يا سيدي مكاوي زيك ولا بلاش ما تجي ويدك فاضيه


من جد شهونتني على كبيبه من زمان ما دقة كبيبه على كيف كيفك

لا تشبع السليق ع النار اليوم العشا عليا

ميموالصغيرة 11 Jun 2012 11:29 PM

http://www.qzal.net/01/2012-05/13394424741.jpg

مكاوي عاشق مكة 11 Jun 2012 11:37 PM




أبد ياستيتا رووما ما سوينا شي


وما دام عشوتنا سليق ومن يدك يعني شي معتبر

يبغالي ما أكتر شاي ولا نقل


إستيتا ميمو

مرحبنبك منوره الجلسة

حياك أتفضلي هاتي أخبارك إيش الجديد عندك



ميموالصغيرة 12 Jun 2012 12:10 AM

مرحبابك الهرجةايش لبسااححرمة ديااللبس المكاوي وبالعافية عليكم السليق بتعشى كودو

عسليه 12 Jun 2012 12:57 AM


مييمو ايش ذا فستانها مره خطيرررر هههههههههههههههاااي
بس ايش ماركتووا خخخخخخخ


الساعة الآن 07:03 PM.

Powered by vBulletin® Version 3.8.11
Copyright ©2000 - 2020, vBulletin Solutions Inc.

Ads Management Version 3.0.1 by Saeed Al-Atwi