منتديات مكاوي

منتديات مكاوي (https://forum.makkawi.com/index.php)
-   الألعاب والتسالي (https://forum.makkawi.com/forumdisplay.php?f=64)
-   -   تنبيه نهائي (https://forum.makkawi.com/showthread.php?t=87400)

ابن شعب عامر 23 Jul 2010 04:42 PM

تنبيه نهائي
 
بسم الله الرحمن الرحيم







إلحاقاً بما ورد من أنظمة وقوانين على الرابط التالي


http://forum.makkawi.com/showthread.php?t=68288


وبناءً على ما ورد من انظمة وقوانين قسم البشكة وفروعها في هذا الجانب على الرابط التالي :


http://forum.makkawi.com/showthread.php?t=71768

كما في البند رقم 9 و 10


وحيث لوحظة من قبل الأعضاء الأفاضل خروجهم عن إطار االمواضيع من خلال الردود فقد تم عمل ما يلي :



1- إغلاق بعض المواضيع والتي خرجت عن إطار الهدف المرجو منها

2 - نرجو من الأعضاء الأفاضل عدم الخروج عن سياق الموضوع والاكتفاء بعبارة تفي بالغرض

3- سيتم إغلاق الموضوع بعد طرحه ب3 أشهر تلقائياً مع إخطار صاحب الموضوع بذلك


وليكن في بال الجميع



سبب وجود هذه القوانين ليس الحصار والتضيق على الأعضاء الظهور بصورة تليق بنا ونحن شباب أطهر البقاء على الكرة الارضية (شباب مكة)



أرجو الالتزم بما ورد أعلاه من قوانين وأنظمة حتى نظهر بصورة لائقة وحسنة عن مكة وأهلها


والله الموفق ،،




تحياتي ،،،

مكاوي حمش 23 Jul 2010 05:10 PM

صراحة ياشعباوي انتا متشدد شوية

والمفروض كمشرف للالعاب تكون شوية فري ماادري انا كدة اشوف

اذا كل دي الالعاب الي شغالة وبيلعبوا فيها الناس اتقفلت اجل حتنام البشكة على كدة

وكتير من الالعاب الي قفلتها ماشفت فيها اي خروج عن الموضوع

طيب اذا شفت فيها خروج عن الموضوع صاحب الموضوع نفسه ايش ذنبه

كلم الاعضاء الي خرجوا عن الموضوع وقلهم كدة كدة مو تقفل طوالي يعني شوية تفاهم

مع كامل التحية والتقدير لك اخويا شعباوي

بس صراحة مااعرف اسكت عن الشي الغلط

lola tayeb 23 Jul 2010 05:41 PM

ممممممم انا رأي من رأي حمش برضو اشوف مافي حاجه دعت انك تعمل اغلاق لكل الالعاااب


مفكره نفسها بنت ال16 >>>بعدين يا عمو شعباااوي انتا عارف نحنا دوبنا خارجين من اختبارات وداخلين ع جامعه وتقديم وقرف وحووووسه يعني بنجي هنا في البشكه بنخرج كل طاقتنا وفرفشه وصهلله بس طبعا كلللللللللللللللو في ادب واحترام ومافي تخطي للمواضيع كلو في حدووووود الادب والتسليه فقط لا غير فيعني صراااحه قفلتك للمواضيع دي مممممم كان يبالك تفكر فيها شويا قبل ما تنفذ

بس برضو انتا مشرفنا ولك كل الحريه واي قرار تتخز نحنا حنعاارضك بس اولن واخيرن وغصبا عننا حنرضى هههههههههه

تحياتي ليك وتقبل رأي بكل بسرور

ابن شعب عامر 23 Jul 2010 05:57 PM

حبيبي رامي :249:

اقتباس:

صراحة ياشعباوي انتا متشدد شوية
صلي على النبي يا سيدي ترى الموضوع مو مستاهل انك تقول كدا

اقتباس:

والمفروض كمشرف للالعاب تكون شوية فري ماادري انا كدة اشوف
انا معاك في النقطة

اقتباس:

اذا كل دي الالعاب الي شغالة وبيلعبوا فيها الناس اتقفلت اجل حتنام البشكة على كدة
طيب اذا شفت فيها خروج عن الموضوع صاحب الموضوع نفسه ايش ذنبه
كلم الاعضاء الي خرجوا عن الموضوع وقلهم كدة كدة مو تقفل طوالي يعني شوية تفاهم
لا يا سيدي البشكة ما تنام إلا إزا كان الأعضاء يعتمدو على مواضيع قديمة فبتالي العضو ما راح ينزل أي موضوع جديد
سأنتهج سياسة جديدة الهدف منها هوا تحفيز العضو على إنزال ألعاب مواضيع جديدة ومفيدة لا نعتمد على قديمة خلاص وانتا شايف بنفسك صار فترة طويلة محد نزل الين دحين موضوع جديد

وهذا التنبيه ليس المقصود منه والله انا ابغى اعقد الوضع الي صار لا والله بالعكس الفرفشة والضحك من أولوياتي بس المقصد من باب التذكير والتجديد


اقتباس:

مع كامل التحية والتقدير لك اخويا شعباوي

بس صراحة مااعرف اسكت عن الشي الغلط

لك مني أرق وأعذب التحايا حبيبي رامي :a23:

وانا معاك ودا الي خلاني أُعجب بك


تحياتي ،،،

ابن شعب عامر 23 Jul 2010 06:47 PM

الأخت / حبكـ عذاب مع التحية ،،،


اقتباس:

مفكره نفسها بنت ال16 >>>بعدين يا عمو شعباااوي انتا عارف نحنا دوبنا خارجين من اختبارات وداخلين ع جامعه وتقديم وقرف وحووووسه يعني بنجي هنا في البشكه بنخرج كل طاقتنا وفرفشه وصهلله بس طبعا كلللللللللللللللو في ادب واحترام ومافي تخطي للمواضيع كلو في حدووووود الادب والتسليه فقط لا غير فيعني صراااحه قفلتك للمواضيع دي مممممم كان يبالك تفكر فيها شويا قبل ما تنفذ
اول شي

مبروك عليك النجاح والتخرج وإن شاء الله ربنا يكتبلكم النصيب وتحصلي مقعد في الجامعة

حلو بس كمان زي ما قلتي في إطار الادب والاحترام وعدم الخروج عن الموضوع لكن الهدف زي ما قلت صارت قديمة المواضيع وما فيها شي جديد يعني اخر موضوع جديد نزله عضو قبل شهرين



تحياتي ،،،


الساعة الآن 12:05 PM.

Powered by vBulletin® Version 3.8.11
Copyright ©2000 - 2019, vBulletin Solutions Inc.

Ads Management Version 3.0.1 by Saeed Al-Atwi