منتديات مكاوي

منتديات مكاوي (https://forum.makkawi.com/index.php)
-   المقينة (https://forum.makkawi.com/forumdisplay.php?f=15)
-   -   صالون منتدى مكاوي ؟؟ (https://forum.makkawi.com/showthread.php?t=45175)

حنين الأنين 20 Feb 2007 07:32 AM

صالون منتدى مكاوي ؟؟
 
فكرة
واتمنى ان تجد تلك الفكرة صدى بينكم
وان حدث ارجو التثبيت
لتكون ملتقى بين الاخوات
عضوات منتدى مكاوي
نجتمع سويأ فى كل يوم
وكأننا فى بيت واحد ستكون المواضيع مختلفه ونتكلم عن الموضه والجديد في عالم الميك أب
ونتعلم من بعض كل شي والي عندها اي سؤال تسأل ويكون
الحوار مفتوح ولكل مننا ميوله الخاصه
وبذلك ستكون الفرصه متاحه للتعارف
عن قرب بيننا يا أخواتي
فــــــــــــــى

صــــــــــــــالون منتدى مكاوي لنعومات

بنت حارة الباب 20 Feb 2007 10:16 AM

واللهي الفكرة حلوة وجيدة مرة
بس انا مرررررررة ما افهم في الميك اب

اخش واستفيد منك

سنكيو على الموضوع

حنين الأنين 20 Feb 2007 06:48 PM

مو شرط بس ميك أب اي شي تاني يخص المرأه

معموله بالتمر 20 Feb 2007 08:57 PM

طيب ممكن اسال عن احسن طريقه لغسل ثياب الرجال وتقعد بيضا كده وحلوه بليز اللي عندها فكره تساعدنى

حفيدة الحسين 20 Feb 2007 09:09 PM

فكرتك رااائعه ربي يسعدك ياشيخه
ولاتنسوا الشات اللي بقسمي هههه علشان تكونوا شطورات منكله
معموله
بالنسبه لي انقعها من الليل بتايد ابدا لاتفكري في غير التايد
وبعدين اغسليها عادي في الغساله بمويه اقرب للحراره واحطي بالاخر شوية كمفورت بالعود وااااي جونان تسير ريحة التياب
والنيله تخليها تبرق بريق

خالة علوية 20 Feb 2007 10:02 PM

السلام عليكم ورحمة الله وبركاتة

الاخت العزيزة مكاوية تفشانة مبروك علينا الصالون..

وان شاء الله تلاقي الصدى الطيب والتعاون فيما بيننا..

ومشكورة على الفكورة الامورة يا امورة..

ودمت بخير،،:a24:

معموله بالتمر 20 Feb 2007 10:30 PM

حف حف انا استخدم اريال لملابس زوجى هو ينظف بس مدرى احس التياب كم غسله وتبهت

والنيله تجاربي معاها مو حلوه <<<<<<<<<<دايما تبقع الملابس واتهزأ

حنين الأنين 21 Feb 2007 03:34 AM

اسمعي يا ستي معموله حاولي تستعملي المويه الحاره في غسيلك
زي ما قالت اختي حفيدة

حنين الأنين 21 Feb 2007 03:37 AM

خاله علويه اشكرك على المرور
نورتيني

ستي إستيته 21 Feb 2007 04:42 AM

السلام عليكم ورحمة الله وبركاتة

ابغى اسال عن افضل ايشدو

انا جربت جيرلان حلوة و غالية بس ما احس انها تعطيني الاحساس المخملي

زي حق الكوفيره

حتى كريم الاساس

انا عموما الميك اب حقي كلو من جيرلان

هي صحيح غالية و تبرق

بس برضو زي ما قلت ----------------- بس بل رغي و هرج كتير

افيدوني

معموله بالتمر 21 Feb 2007 05:39 AM

جربي ميك اب فور ايفر انا ماجربته بس يمدحوه مره وانه زى حق الكوافيره

* Red Ro0ose * 21 Feb 2007 06:55 AM

السلام عليكم ورحمة الله وبركاتة ...



الف الف مبروك على الصالون ياتفشانه :)


مررره حلو وشيك الصراحه >>>>>>>>>>>>>>>>> بس فين الكابتشينو محد ضيفني :(



وبالنسبه لميك اب انا اشوف كريم الاساس تبع مبيلين " الموس " مررررررره خطير ويجنن ويعطيكي مظهر مخملي وفي نفس الوقت تحسي وجهك يتنفس مو مكتوم ..

اما فور يو فو ايفر جدااا روعه سواء شدو او الليب ستيك " انا استخدمه بس ما يجلس على شفايفك قصدي مو من النوع اللي يثبت "


اتمنى اكون افدتك يااستي استيته ياقمر :)



تحياتي :a42:

معموله بالتمر 21 Feb 2007 07:00 AM

روزه كيفك يابنت وحشتينىىىىىىىىىىىىىى

فين اقدر الاقي ماركه مبيلين في مكه دخت ادورها مره نفسي في الاساس حقهم

* Red Ro0ose * 21 Feb 2007 07:07 AM

وحشتك هااااا بدأنا النصب يامعموله >>>>>>>>>>>>>>> ولا كلو عشان الاساس :a28:


حبيبتي موجوده ماركه ميبيلين في كل محل " لايف ستايل " اللي في ستي بلازا ناحيه الميكياجات في استاند كامل لكل المستحضرات حقتهم ..


اما ستي بلازا اللي في مكة والله ماانتبهت فيه ولا لا >>>>> عاده انا اتسوق من جده :a41:


واعتقد موجوده عند " المصباح " و" وجوه " بس الاكيد في لايف ستايل ...


[align=center]
في الخدمه يا دبه :a57:[/align]

ستي إستيته 21 Feb 2007 07:16 AM

السلام عليكم ورحمة الله وبركاتة


مشكورة ابلة رورو

معموله بالتمر 21 Feb 2007 07:21 AM

روزززززززززززززززززززززززززه:a31::a31::a31:



مين الدبه يختى :a31:


طاااااااااااااااااااااااااااااااااااااااايب ماوحشتينى وخلاص انا زعلانه منك وانسي كل سي بينى وبينك وبزورتك عندك ماابغاهم ههههههههههههههههههههههههههههههههههههه<<<<<<<<<<<خا شه جو


في مكه مااااااااافي دورت مافي في سيتى بلازا شكلى اروح جده الله يعين

* Red Ro0ose * 21 Feb 2007 07:32 AM

اقتباس:

المشاركة الأصلية كتبت بواسطة معموله بالتمر


مين الدبه يختى :a31:

انتي يابطه ههههههههههههههههههههههههههه:cool:

وانسي كل سي بينى وبينك

لااااا كلو و لا الاسياء اللي بيننا يختي >>>>>>>>>>>>>>>>>>>> كلجت :a48:


في مكه مااااااااافي دورت مافي في سيتى بلازا شكلى اروح جده الله يعين


تبغيني اجيبوا لكي من جده :( >>>>>>>>>>>>> كلو ولا تعبك ياغريبه :D

ستي إستيته 21 Feb 2007 07:38 AM

السلام عليكم ورحمة الله وبركاتة

يقولو الميك اب عند محل زهور الريف الي في الحجاز في جده مررره روعة

بس ما ادري في احد جربه

الي جربته او شافته على احد تقولنا

* Red Ro0ose * 21 Feb 2007 07:53 AM

للاسف ماافتكر شفته ولا اعرفه يا قمر :(

معموله بالتمر 21 Feb 2007 08:23 AM

زهور الريف يبيع مكياج؟؟؟؟؟؟؟؟؟؟؟؟؟؟

تصدقو عمرى مادخلت نكتار ولازهور الريف ههههههههههههههه مدرى ليه اوقف قدام الباب اطالع وامشي يبغالي اروح اخد فكره

روزه جيبيه واعتبريه هديه منك ليه تراضينى عشان نرجع لبعض ونرجع كل ايامنا الحلوه

ستي إستيته 21 Feb 2007 08:37 AM

السلام عليكم ورحمة الله وبركاتة

يالطيف منك معموله

كويس عشين ما افكر اني ازعلك




بس و الله تستاهلي

مو حرام فيك الهدايا

معموله بالتمر 21 Feb 2007 08:57 AM

شايفه كيف ياستى استيته والله انى طيبه وحبوبه

هيا عشان لا اتعبك في محل في حراء افينو عنده ساعات مره حلوه اشترى لي اللي يجي على ذوقك منى متشرطه وارسليها عالخاص هههههههههههههههههههههههههههههههه<<<<<<<<ماتنعطى وش

ستي إستيته 21 Feb 2007 09:06 AM

السلام عليكم ورحمة الله وبركاتة

ولا يهمممممممممممك ابشري

يلا روح على الصندوق تلقيها وصلت


ايش تحسبي


ناس ما عندها وقت



و بعدين تعالي الهدية مو بشكلها و الا سعرها و الا حجمها

الهدية بقيمتها

و الاحساس النابع من صاحبها



يعني لو اعطيتك كت كات ابو ريال

ممكن يكون افضل من ساعة رولكس ام170الف ريال


لانو الاحساس الجياش يكون اقوى مع الكت كات

صحيح و الا لا ؟؟؟؟؟؟؟
















حتى لو قلت لا





هو ما في غيرو



















كت كات ابو تلاتة اصابيع و بس







تجي تستلميه من عندي و توقعي استلام <<<<<<<<<<<<<ناس نظامية على الاخر

معموله بالتمر 21 Feb 2007 09:16 AM

لا يختى بلا فلسفه الهديه بقيمتها خاصه اذا منك <<<<<<نذله

ههههههههههههههههههههههههه


طيب اذا مصممه على الكيت كات



ابغى كيت كات ابو قصديره حق زماااااااااااااااااااااااااااااااااااااااااان

ستي إستيته 21 Feb 2007 09:23 AM

بس كده

و لا يهمك



في منو في المتميز الي قبال المستهلك عرفتيه


بس خسارة مافي الا ابو اصباعين




ينفع ؟؟؟

معموله بالتمر 21 Feb 2007 10:01 AM

مو مشكله جيبي ابو اصباعين بس كرتون الله يعافيكى عشان البزوره لايشبطو

روابـــي الحجاز 21 Feb 2007 01:27 PM

بسم الله الرحمن الرحيم


يعطيـــكِ العافية أختي... مكاوية تفشانة

فكرررة الصالون حلـــــــــوة... ومبروك علينا مقدماً..

وان شاء الله نستفيـــــــــد من بعض..



في حفــــــــــــــــــــظ الرحمن

حنين الأنين 21 Feb 2007 02:06 PM

ستي استيته,,,,,,,
اساسي الي استعملووو مو موجووود في المملكه تقدري توصي اي احد تعرفيه يجيبولك هو من خارج المملكه
اسم الشركه
stephanemarais
عموما كلووو مكاييجها مره كوووول

حنين الأنين 21 Feb 2007 02:10 PM

هل في احد منكم عندو مشكله في الاستايل الخارجي ؟؟؟
تتفضل وتسأل

معموله بالتمر 21 Feb 2007 02:33 PM

امممممممممممممممممم انا ابغى اشاوركم في شي

انا ولله الحمد الطول عندى مش ولا بد يعنى مانقدر نعيش بدون الكعب

نفسي اشترى من التنانير اللي تيجى تحت الركبه بشويه مررررررررررره تعجبنى بس احس شكلى بيطلع غلط فيها صح؟؟؟؟؟


وكمان عندى سؤال

اذا عندك تنوره كحلى قصيره وعليها جاكيت ابيض نص كم وقصير شويه يعنى اللي تحسيه ناطط من تحت كنه مو مقاسك<<<<<<<تشبيه بليغ


ايش يكون احلا لون للبدى اللي تحته لانه البطن حتبان فلازم تحته شي

حفيدة الحسين 22 Feb 2007 01:07 AM

معموله ياقلبي
شوفي النيله فين تحطيها بالغساله مانيفع
انا احطها بكروانه كبيره واحط مويه دافيه واحط نيله شويه للحد المطلوب وبعدين انيل الحوايج خخخخخ حلوه انيل

اما عن البادي خليه وردي او فوشي حتى تكسري جمود الالوان ابيض وكحلي
يسير الشوز والشنطه والميك اب كله وردي
وصراحه افضل مكياج جيرلان كل مكياجي منه
بس بدات اغير لمكياجي <<< اسم المكياج صبايا من مكياجي فهمتوا عليا ههههه حاسه خبصت

وبعدين ياقبي علشان الطول لاتزعلي مني احسن تلبسي القصير يعطيكي طول والبرمودات
تنانير ميدي قللي منها لانها تعطي نوع من القصر
عندي طلب مين تعرف وحده تجي تسوي حمام مغربي مرررره مظبوط بالبيت بس لاتقولوا ماراي طفشت منها كل مااسال احد يديني رقمها عالميه الاخت ههههه

توتة 22 Feb 2007 01:28 AM

شوفي عمتي قالت لي عن وحده ايش تسوي حمام مررررررررة ممتز و كم مرة تقول لنا اجب لكم هيا تعملكم حمام مغربي بس رفضانا <<<<<غلاسة


اذا تبغي اجيب لكي رقمها من عمتي

معموله بالتمر 22 Feb 2007 01:30 AM

امممممممممممممممممم حركه اللون الوردى ثانكيو ماخطر في بالبي انا فكرت بالاحمر بس نجرب الوردى مو مشكله


مكياجى روعه عندهم المجموعات اللي على شكل شفايف وعيون مره روووووووووعه خاصه اللون البمبى

ايوه بالله حتى انا ابغى وحده للحمام المغربي تكون كويسه اذا عرفتى وحده عدله ادينى خبر

البرمودات انا اموووووت فيها بس اخواتى القلق يقولو تقصرنى بس حا اخسرهم اهم شي تعجبنى هههههههههههههه

عبير الحياة 22 Feb 2007 01:57 AM

أهلين بنوتات

كيفكم ان شاء الله طيبين

وأحب أشكر أختنا الغالية تفشانة على الفكرة الجونان


وبالنسبة للحمام المغربي أحس كل الا يجو في البيت مو مره تمام شغلهم لانها اختي جربت قبل فرحها وجبنا وحده في البيت وبعد كده جربنا صالون نواره في جدة بصراااحة عندهم مغربيات يعملولك الحمام خطيريييييين وأصلا و لله فرق شاسع بين الا يجو البيت وبين انك تعملي الحمام عند صالون نوارة خاصة لان هناك في غرف معدة بأجهزة بخار رائعة

جربواااا وحتدعولي



تحياتي

معموله بالتمر 22 Feb 2007 02:14 AM

عبوره ليه خليتوها تعمل في نواره انا كنت اعرف كوفيره عندهم تقول انهم يحطو كميرات وانه في غرف فيها وغرف مافيها عاد كيف لو حمام مغربي ومن يومها اتعقدت بقووووووووووووه

اخاف تصدقو اعمل حمامات مغربي او شي زى كده بره البيت يختى نعملو في البيت حتى لو مو مره مزبوط بس نكون متطمنين

حفيدة الحسين 22 Feb 2007 02:21 AM

معموله ياقلبي
البرمودا مع كعب عالي تطلع جوناااان عليكي صدقيني
وحده من قريباتي قصيره مره يوم تلبس الكعب العالي مع قصير ماشاء الله يسير قوامها مرررره حلو
طااايب اعطوني رقمها تسوااا فيا خير
بصراحه مااحب اسويه برا البيت اخاف واصلا زروطه وبهدله وتشيلي ملابس وووو
اعرف شغل بمكه يمدحوه بالحمام المغربي اسمه عناية المراه بس اخاف بصراحه
طمطم هيا لاتنسيني الله يسعدك
بنات مين تعرف اماكن تبيع شوزرات كعب وااااطي <<<< ماشاء الله نخله ههههههه

عبير الحياة 22 Feb 2007 02:24 AM

لله يستر بس

والله ما أدري ، مررره سمعت حاجة زي كده ووحدة من صاحباتي قالتلي اشاعات وانه مرررره مضمون وانها هي وأهلها دائما يعملوا عنده فعشان كدا روحنا

لكن ربنا يستر ما أعرف والله ، بس طالما انك تعرفي كوافيرة عندهم فمو معقول انها حتكذب


شكرا معموله على التنبيه

وربنا يستررررررررررررررررررررررررررررررعلينا يااااااااااااارب

تحيااتي

معموله بالتمر 22 Feb 2007 03:01 AM

فيل فري اللي في ذي المجاز تلقي عندهم حركات للشوزات الواطيه

بس لايكون مقاسك كمان صعب

عندى بنت خالتى طويله بس مو مررررررره يعنى عادى مسكينه مقاسها في الشوز 42 تحزززززن تدخل المحل ماتدور موديل لا تسالو في عندك مقاس 42 وتختار من اللي عندو اذا لقت طبعا واى موديل تلقاه حلو تاخد كل الالوان ههههههههههههههههههه

حفيدة الحسين 22 Feb 2007 03:32 AM

لا الحمدلله مو مره صعب اربعين يعني يمشي الحال
تسلمي ياغاليه ربي يسعدك
لحسن دخت من الكعوب العاليه
وي بنت خالتك لاتكون نفس بنت خالتي هههه ام عبودي

عبير الحياة 22 Feb 2007 03:42 AM

بنوتااات
تعرفوا صالون في مكة عنده كوافيرة حلو قصها للشعر ، ولو في جدة كمان ممكن

افيدوني بليييييييييييييييييييييييز


تحيااتي


الساعة الآن 11:34 AM

Powered by vBulletin® Copyright ©2000 - 2022, Jelsoft Enterprises Ltd. TranZ By Almuhajir

Ads Management Version 3.0.1 by Saeed Al-Atwi