السلام عليكم و رحمة الله و بركاته ,,

كيفكم يا حلووين ..


المهم جبتلكم اليوم معايا طريقة عمل السنبـــل الحار جدا

لكل إنسـان طريقته .. و أنا سويتو من راسي .. ضفت شغلات من راسي يعني ..

المقــادير




زيت .. حبتين طمــاطم .. حبتين بصل .. صلصــة (معجون طماطم ) .. بهارت ( ملح - ملح ليمون - كمون - فلفل أسود و أي بهارت انتو تبوها ) .. كمان انا اشتريت دا اللي مكتوب عليه فلفل حار و بهارات مخلوطة ( تلاقوها في أي بقالةو الأفضل تروحو سوبر ماركت) ..و ثوم كمان نحتاج .. و طبعا ما ننسى الفلفل ..

الطريقة

أول شي نقطع الطماطم أرباع و الفلفل نقطعو مررره صغير صغير .. و نحطو في الخلاط .. الين يسير كدا





بعد كدا نسوي الكشنة ( نزود الزيت شوية )و نحط التوم .. و نحط الطماطم و الفلفل و الصلصــة و نحط كل البهارات و الفلفل الحار المغلف دا ما نحطو كدا لا نفتفتو بيدنا قبل ما نحطو و نقلب نقلب .. و نغطي القدر و نوطي النار و نخليه ياخد وقتو الين يحمر كدا ..

و كدا يكون جاهز



ممكن كتير منكم يعرف الطريقة .. سهله و ما يبالها شي .. بس صراحة انا اتعلمت اسويه قبل كم يوم ..

حابة اقول ملاحظة مهمه لا تتهورو و تمسكو جسمكم أبدا و لا من بعيد لانو انا بس حكيت رقبتي سارت كلها بقع حمرا

و بالهنــــا و العافية

على استمــاعكم

دمتم

مشكورة على الوصفة ... جزاك الله خير على الاختراع الناجح

الله يديك الصحة والعافيه ويسلم الايادي على الوصفه اللذيذه ان شاء الله راح اجربها في اهلي انا الحار مااقرب جنبه خير شر يسعدك ربي ويكرمك بالخير والبركة ياست البنات

المدينة حبي

وصفة باين عليها لذيذة وحارة جدا راح اطبقها ونشوف النتائج----تسلمى

السمبل بيتاكل مع الاكل الجاوي :..وكمان تقدري تحطيه على ساندوش الطعمية و الكشري
تسلم يداتك بس اكيد دمعتي :...يتباع جاهز متل هدي الاشياء الخطيرة يبالها جاهز

بتخيل كيف لو حطيتي يدي بعيني لو جاء شي منها سلامة عيناتي

رمضان كريم :..مكاوية على الدكة

جداوي مكتكت .. المدينة حبي .. صباوي .. ميمو الصغيرة ..

أسعدنـــي تواجدكم ..

و بالنسبة يا ميمو .. ما انصحك أبدا تمسكيه بيدك و لاحيسير فيكي زي ما سار فيا ..

مكاوية ع الدكه

والله تسلم يدك

وانا اشهد ان طعمو مرره لزيز

اكيد لان من يدك انتي

يعطيك العافيه مكاويه وتسلم الأيادي..

لزيزة الفلافل احبها مع الكربو كدا تحديق يعني

؟؟


يسلمووووووووووو


زيزو

شكلووا لزييز يبغالي اجربوا




تسلم يدكـ