العودة     ×× رحلة إلى أوروبا (2) مدينة آنسي الفرنسية ××

عدد الضغطات : 10,012عدد الضغطات : 1,176مساحة شاغرة
عدد الضغطات : 4,384مساحة شاغرة
عدد الضغطات : 6,376
عدد الضغطات : 910عدد الضغطات : 3,484مساحة شاغرة
عدد الضغطات : 1,336

×× رحلة إلى أوروبا (2) مدينة آنسي الفرنسية ××


إضافة رد
 
أدوات الموضوع انواع عرض الموضوع
قديم 20 Aug 2010, 03:57 PM   #1
عاشق تراب مكه غير متواجد حالياً
مراقب عام

الصورة الرمزية عاشق تراب مكه

رقم العضويـــة: 302
تاريخ التسجيل: 31 05 2003
العــــمـــــــــر: 35
الجــنــــــــس:
ذكر
المشاركــــات: 10,237
قوة التقييــــم: 10 نقطة
عاشق تراب مكه is on a distinguished road
نقاط التقييــم: 45
آخر تواجــــــد: 04 Jul 2014 (04:53 AM)
الأوسمة
مشرف إداري 
المشاهدات: 17612 | التعليقات: 41

×× رحلة إلى أوروبا (2) مدينة آنسي الفرنسية ××


تعتبر مدينة آنسي من مدن الريف الفرنسي وتقع جنوب فرنسا ..

وبها بحيرة تتكون من ذوبان الثلوج ..

علشان كدة لما يرتفع منسوب البحيرة ..

يوجد قنوات تصريف لها إلى داخل المدينة ..

تشابه مدينة آنسي في تصميمها وخاصة منطقة وسط البلدة ..

مدينة فينيسيا الإيطالية أو أمستردام الهولندية ..

وذلك لوجود الممرات المائية بين أبنيتها ..

للإسف بحثت عن معلومات أكثر عن المدينة ولكن لم أجد ..

كانت الخطة أن ننطلق من مدينة بلفور في فرنسا ..

إلى مدينة جنيف بسويسرا ..

وأننا نجلس في جنيف ليلة وحدة وبعدها على آنسي ومنها إلى قمة مونت بلانك ..

وفعلا أستأجرنا السيارة وأنطلقنا إلى جنيف ..



كما هي أغلب مناطق فرنسا ..

تجد الأنهار في كل مكان .



منظر خلاب ورائع جدا وإحنا في الطريق لجنيف ..



الوصول لجنيف والوقوف في المواقف القريبة من بحيرة جنيف ..

وجولة حرة على شاطئ البحيرة ..

اللي فعلا كانت جميلة جدا ..









النافورة هذه مدري مين قلد الثاني ؟

هما قلدونا ولا إحنا قلدناهم ,؟ أعتقد هما قلدونا !!!





الغريب في دي صورة إنه الجبل اللي يظهر في آخر الصورة ..

داخل الحدود الفرنسية ويعتبر من مناطق فرنسا ..

بينما البحيرة ومدينة جنيف من داخل سويسرا ..





هنا الوصول للفندق واللي مبني من الخشب ومن دور أرضي وأول ..





وهذه مواقف الفندق ويظهر الجبل في يسار الصورة حتشوفه في الصور التالية ..
________________________________________

إذا كبرت ولم أظفر بأمنية .. من الحياة فحسبي رؤية الحرم

ليلة خميس .. قلبي بدقاته إلى رحتي يناديك أسمعي ..

ويقول ويقول بآهاته دخيل الله دخيل الله أرجعي ..

التعديل الأخير تم بواسطة عاشق تراب مكه ; 20 Aug 2010 الساعة 04:03 PM
 
     
رد مع اقتباس
قديم 20 Aug 2010, 04:20 PM   #2
عاشق تراب مكه غير متواجد حالياً
مراقب عام

الصورة الرمزية عاشق تراب مكه

رقم العضويـــة: 302
تاريخ التسجيل: 31 05 2003
العــــمـــــــــر: 35
الجــنــــــــس:
ذكر
المشاركــــات: 10,237
قوة التقييــــم: 10 نقطة
عاشق تراب مكه is on a distinguished road
نقاط التقييــم: 45
آخر تواجــــــد: 04 Jul 2014 (04:53 AM)
الأوسمة
مشرف إداري 


ثاني يوم أنطلقنا من الصباح تقريبا الساعة 8 ونص بإتجاه مدينة آنسي ..

وفي الطريق شفنا تلفريك معلق ..

قلنا وقف عندك خلينا نطلع نشوف إش فيه فوق ..

مع إنه ماكان في الخطة لكن مايمنع ..



ركب معانا في العربة مجموعة من الإشخاص تقريبا 3 ..

وكانو شايلين شنط كبيرة معاهم ..

بصراحة ما عرفنا إش هيا الا لما وصلنا القمة ..

كانو مظليين يطلع بالتلفريك ويقفزو بالمظلاات من أعلى الجبل ..

يوجد أحد الأشخاص معاه جهاز لاسلكي ..

ما ادري يتكلم مع مين ..

بعدها يعطي إشارة القفز واحد واحد ..



وللإسف فجأة الضباب غطى المكان والسحب وأوقف القفز ..

فأستغلينا الفرصة بأخذ لفة على المكان من حولنا ..





بعد ما جلسنا تقريبا ساعة في قمة الجبل ..

نزلنا وكملنا طريقنا بإتجاه آنسي ..




صورة للبحيرة تم أخذها من النت ..

وكانت نقطة الوصول محددة بالمواقف الموجودة بالقرب من البحيرة ..

وصلنا وكان الجو بارد جدا والأجواء بالمرة روعة ..



أول ما وصلنا أستأجرنا قارب ..

والميزة الحلوة إنه أنت اللي تسوق بنفسك القارب ..

وأخدنا لفة على البحيرة وأتناوبنا طبعا في سواقة القارب ..





هذا الممر تندفع منه المياه بإتجاه وسط البلدة ..





صورة لواحد من ممرات المياه بين البيوت ..



بعد الرحلة بالقارب نزلنا لمنطقة السوق ووسط البلدة ..

واللي كان كل بيوتها وأقول كل من الطراز القديم واللي لها مئات السنين ..
  رد مع اقتباس
قديم 20 Aug 2010, 04:39 PM   #3
عاشق تراب مكه غير متواجد حالياً
مراقب عام

الصورة الرمزية عاشق تراب مكه

رقم العضويـــة: 302
تاريخ التسجيل: 31 05 2003
العــــمـــــــــر: 35
الجــنــــــــس:
ذكر
المشاركــــات: 10,237
قوة التقييــــم: 10 نقطة
عاشق تراب مكه is on a distinguished road
نقاط التقييــم: 45
آخر تواجــــــد: 04 Jul 2014 (04:53 AM)
الأوسمة
مشرف إداري 


أحد المحلات اللي وقفنا عندها وأشترينا منها بعض العطور والهدايا ..

ومثل ما تشوفو فالبيوت قديمة جدا ..









وهذه الممرات المائية القادمة من البحيرة لوسط المدينة ..



في المنطقة هذه على اليمين وأنا منشغل بالتصوير ..

كنت أسمع صوت ضحك عالي بصراحة وهرج بس ماهو واضح بأي لغة ..

ولما قربت كانو مجموعة حريم تقريبا 6 جالسين على الكراسي وساكتين ..

الظاهر شافوني وأنا جي وشافو شكلي سعودي أو خليجي سكتو ..

المهم مريت من جنبهم وكنت أنا متقدم عن باقي الشباب بمسافة ..

وقفت أنتظر الشباب ..

وكان الشباب وهما جايين كانو بيتكلمو ومشيو من جنب مجموعة الحريم وهما بيتكلمو ..

بعدها وقفو عند محل يشترو آيسكريم ..

وأنا واقف بعيد عنهم ..

وقتها لما بدأو الشباب يطلبو وهما بيتكلمو ..

أتكلمت وحدة من مجموعة الحريم وقالت ( شفتو ما قلت لكم مكاوية ) .. بلهجتها المكاوية ..

يعني طلعنا من ديرة وحدة ..

وبصراحة والله زعلت على منظرهم وهما ماخدين راحتهم بدون عبي وبدون أي غطا على الراس وبشعورهم ..

وجالسين يسطحو ويضحكو بكل صوتهم ولا كأنه فيه أحد الا هما ..

وهادا حال الكثير للإسف من ربعنا لما يسافرو ..

إلا من رحم ربي ..





بعدها طلعنا لزيارة قلعة وجودة في المكان ..

لكن للإسف كان التصوير ممنوع داخل ممرات وصالات وغرف القلعة ..



هذه صورة للبحيرة من القلعة ..



وبعد ما قضينا يومنا كله في آنسي كانت الرجعة عن طريق مدينة لوزان السويسرية ..

اللي ما وقفنا فيها الا للعشا ..

ومدينة كانت غريبة في تكوينها ..

لانها مبنية على سفح جبل علشان كدة تلاقي معظم شوارعها مايلة والبيوت متدرجة ..

التعديل الأخير تم بواسطة عاشق تراب مكه ; 20 Aug 2010 الساعة 04:44 PM
  رد مع اقتباس
قديم 20 Aug 2010, 05:14 PM   #4
نص مكة غير متواجد حالياً
مشرف إداري

الصورة الرمزية نص مكة

رقم العضويـــة: 464
تاريخ التسجيل: 19 08 2003
العــــمـــــــــر: 33
الجــنــــــــس:
ذكر
مكان الإقــامة: MaKkAh
المشاركــــات: 4,877
قوة التقييــــم: 10 نقطة
نص مكة is on a distinguished road
نقاط التقييــم: 33
آخر تواجــــــد: 14 Jul 2014 (02:55 PM)
الأوسمة
وسام التميز وسام التميز مشرف إداري 
اللللللله اللللللله يابو خالد


روووعة صراحة تقرير ولا اروع


واحلى شي المكاوية هههههه
________________________________________

No NeWs iS gOoD NeWs
  رد مع اقتباس
قديم 20 Aug 2010, 06:50 PM   #5
بنت الاجواد غير متواجد حالياً
عضوة فريق الفعاليات والمسابقات

الصورة الرمزية بنت الاجواد

رقم العضويـــة: 20754
تاريخ التسجيل: 02 12 2008
العــــمـــــــــر: 28
الجــنــــــــس:
انثى
مكان الإقــامة: الحبيــــ "مكتي"ـــبـه
المشاركــــات: 2,527
قوة التقييــــم: 8 نقطة
بنت الاجواد is on a distinguished road
نقاط التقييــم: 31
آخر تواجــــــد: 30 Aug 2014 (07:44 PM)
الأوسمة
وسام التميز وسام التميز فريق الاشراف 
الصوره التانيه تشرح الخاطر..

مروج خضرا وجبال ,,,,ماشفتو بيت هايدي هناك .. !!

بصراحه مناظر رائعه..

تعيش وتجبلنا تقارير كدا ..
  رد مع اقتباس
قديم 20 Aug 2010, 07:40 PM   #6
العمودي غير متواجد حالياً
عاشق الأصالة

الصورة الرمزية العمودي

رقم العضويـــة: 8902
تاريخ التسجيل: 10 08 2006
العــــمـــــــــر: 7
الجــنــــــــس:
ذكر
مكان الإقــامة: مكة المكرمة
المشاركــــات: 4,295
قوة التقييــــم: 13 نقطة
العمودي is on a distinguished road
نقاط التقييــم: 13
آخر تواجــــــد: 28 Sep 2014 (10:33 PM)
الأوسمة
وسام التميز 
اقلك يابو خالد

شكلي باهاجر خلاص

لمدة سنة كدة وارجع بعدها للسعودية
________________________________________

اللهم يامالك الملك وياواسع العطاء ياحي ياقيوم ياذا الجلال والإكرام إني أسألك في هذا اليوم العظيم.. وبعدد من سجد لك في حرمك المكرم،،، من يوم خلقت الدنيا إلى يوم القيامة أن تعافي قارئ هذا الدعاء،،،وتحفظه، وأسرته، وأحبته وأن تبارك عمله، وتسعد قلبه وتفرج كربه،،وتيسر أمره،،وتغفر ذنبه..آمين يارب العالمين
  رد مع اقتباس
قديم 20 Aug 2010, 09:56 PM   #7
&&بنت الحجاز&& غير متواجد حالياً
مساعدة إدارية

الصورة الرمزية &&بنت الحجاز&&

رقم العضويـــة: 10341
تاريخ التسجيل: 27 11 2006
العــــمـــــــــر: 34
الجــنــــــــس:
انثى
مكان الإقــامة: بينـ[يا أغلى الناس]ـكم
المشاركــــات: 12,627
قوة التقييــــم: 10 نقطة
&&بنت الحجاز&& will become famous soon enough
نقاط التقييــم: 75
آخر تواجــــــد: 27 Dec 2013 (07:16 PM)
الأوسمة
الوسام الذهبي فريق الاشراف 
اقتباس:
المشاركة الأصلية كتبت بواسطة عاشق تراب مكه مشاهدة المشاركة
تعتبر مدينة آنسي من مدن الريف الفرنسي وتقع جنوب فرنسا ..

وبها بحيرة تتكون من ذوبان الثلوج ..

علشان كدة لما يرتفع منسوب البحيرة ..

يوجد قنوات تصريف لها إلى داخل المدينة ..

..


ياسلااااااام انا بس وصلت لحد هنا في وصفك للقنوات على طووول اتخيلتها زي فينيسيا وبالفعل تشبهلها كتير

عجبني منظر طيور الاوز ع البحيرة ولا احد بيآزيها ولاشي لو عندنا تلقاها محدفة بقوارير الموية وغيرها بس ربنا

عرف الشوكة وكسر راسها هههههه


طب ابغا اعرف شعورك وانتا بتسوق اللنش " القارب" زي السيارة ولا اصعب ؟؟؟

وسلمت الايادي ابو خالد
________________________________________

:



  رد مع اقتباس
قديم 20 Aug 2010, 11:39 PM   #8
عاشق تراب مكه غير متواجد حالياً
مراقب عام

الصورة الرمزية عاشق تراب مكه

رقم العضويـــة: 302
تاريخ التسجيل: 31 05 2003
العــــمـــــــــر: 35
الجــنــــــــس:
ذكر
المشاركــــات: 10,237
قوة التقييــــم: 10 نقطة
عاشق تراب مكه is on a distinguished road
نقاط التقييــم: 45
آخر تواجــــــد: 04 Jul 2014 (04:53 AM)
الأوسمة
مشرف إداري 
.. نص مكة ..

بخصوص شلة الأنس إياها ..

ما أتضايقت الا من شيئين بصراحة ..

الضحك بصوت والله ما ابالغ عالي جدا وتسمع الضحك من مسافة ..

وطبعا جلوسهم بدون أي إحتشام ..

لا غطى على الراس والشعور مفرودة ماشاء الله ..

ولا لبس طويل بالعكس بنطلونات وآخر حلاوة مع إنه كلهم ماشاء الله من فئة xl يعني حتى البنطلونات ماهي لايقة عليهم ..

وياليت تقول بنات صغار مراهقات الا كلهم من سن 30 تقريبا ..

كان نفسي ارجع كدة واجلس في الطاولة اللي جنبهم نكادة بس وأذية ..

وأقعد اصور يمين ويسار علشان يبطلو يطلعو بالشكل دا ..

عاد إحنا في دولة أوروبية ولا أحد يقدر يقلك لا تصور ..

أو لا تجلس هنا دا مكان عوائل ..

لكن الشباب طبعا قالو لا ما يصير والله يستر علينا وعليهم ..

وهذه والله مشكلة الناس دي لما تسافر ..

احس يسافرو ماهو للإستمتاع بالمناظر وبالجو والتسوق والتماشي ..

أحسهم يسافرو بس علشان يفسخو العبي ويكشفو ويمشو بدون عبي ..

الله يرحمنا برحمته ويستر علينا وعلى جميع المسلمين ولا يفضحنا في أي مكان ..
  رد مع اقتباس
قديم 20 Aug 2010, 11:45 PM   #9
عاشق تراب مكه غير متواجد حالياً
مراقب عام

الصورة الرمزية عاشق تراب مكه

رقم العضويـــة: 302
تاريخ التسجيل: 31 05 2003
العــــمـــــــــر: 35
الجــنــــــــس:
ذكر
المشاركــــات: 10,237
قوة التقييــــم: 10 نقطة
عاشق تراب مكه is on a distinguished road
نقاط التقييــم: 45
آخر تواجــــــد: 04 Jul 2014 (04:53 AM)
الأوسمة
مشرف إداري 
.. بنت الأجواد ..

الصورة دي من بين مئات الصور اللي بالشكل دا ..

صراحة أجواء ومناظر خلابة فعلا وخيالية ..

أما هايدي يا في نفس اليوم الشباب في المجموعة الثانية راحو عندها ..

وهي منطقة تسمى ( interlaken ) إنترلاكن تقدري تشوفي صورها في قوقل ..

وهي برضه من أجمل مناطق سويسرا على الإطلاق ..

وإن شاء الله انزل الصور اللي اخدتها من الشباب عن الرحلة حقتهم لإنترلاكن ..
  رد مع اقتباس
قديم 20 Aug 2010, 11:49 PM   #10
عاشق تراب مكه غير متواجد حالياً
مراقب عام

الصورة الرمزية عاشق تراب مكه

رقم العضويـــة: 302
تاريخ التسجيل: 31 05 2003
العــــمـــــــــر: 35
الجــنــــــــس:
ذكر
المشاركــــات: 10,237
قوة التقييــــم: 10 نقطة
عاشق تراب مكه is on a distinguished road
نقاط التقييــم: 45
آخر تواجــــــد: 04 Jul 2014 (04:53 AM)
الأوسمة
مشرف إداري 
.. العامودي ..

هاجر يا وخدني معاك ..

بس انصحك سنة كثير جدا ..

شهر بالمرة طيب وكفاية ..

تلف وتتمشى وترجع ..

لانه كل ما طولت هناك كل تبدأ تتعود على هذه المناظر ..

وتبدأ تظهر عيوب الشعوب نفسها وبالتالي تبدأ تطفش منها ..

فمدة الشهر كفااااااااية جدا ..
  رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 10:15 PM.



Powered by vBulletin® Version 3.8.4
Copyright ©2000 - 2014, Jelsoft Enterprises Ltd.
Ads Management Version 3.0.1 by Saeed Al-Atwi
(Valid XHTML 1.0 Transitional | Valid CSS! | SEO) .
For best browsing ever, use Firefox.
Copyright © 2012 makkawi.com. All rights reserved