العودة     رحلتي لجزيرة ( بالي ) + جاكرتا + بونشك بالتفصيل إستمتع معنا

مساحة شاغرة
عدد الضغطات : 4,456عدد الضغطات : 978عدد الضغطات : 3,567مساحة شاغرة
عدد الضغطات : 1,432

رحلتي لجزيرة ( بالي ) + جاكرتا + بونشك بالتفصيل إستمتع معنا


إضافة رد
 
أدوات الموضوع انواع عرض الموضوع
قديم 17 Oct 2008, 07:39 AM   #1
بشكة إنسان غير متواجد حالياً
المايسترو

الصورة الرمزية بشكة إنسان

رقم العضويـــة: 102
تاريخ التسجيل: 19 01 2003
الجــنــــــــس:
ذكر
مكان الإقــامة: مكة الله يعمرها
المشاركــــات: 7,647
قوة التقييــــم: 19 نقطة
بشكة إنسان will become famous soon enough
نقاط التقييــم: 50
آخر تواجــــــد: 08 Sep 2014 (12:04 AM)
الأوسمة
عضو شرف الوسام الفضي 
المشاهدات: 9220 | التعليقات: 89

رحلتي لجزيرة ( بالي ) + جاكرتا + بونشك بالتفصيل إستمتع معنا






كعادتي السنوية الله لايقطعها من عادة
لابد إنه الواحد يعمل فرمتة كامله لمخه . وعشان تعمل فرمتة من هالنوع لازم تخرج خارج الاجواء السعودية وتقطع جميع اتصالاتك الا للضرورة فقط .
ولو مافي اتصالات يكون احسسسسسسسسسسسن برضو . بلا دوشة دماغ . وخصوصا انه الفرمتة تحتاج الى كل شي جديد؟

وعشان لا اطول المقدمة.
في البداية كانت الوجههة الى تايلند نظرا لإرتياحي لهذه الدولة وطيبة اهلها . ولكن مع ظروف السماح بالسفر لها من عدمه والمشاكل اللي ممكن تحصل من ورا هالسفرة . اشتريت دماغي وقلت بلاشي الين يسمحو رسمي بالسفر لها .

قررت السفر الى جاكرتا وتحديدا الى جزيرة بالي . واعتقد آخر مرة رحت فيها جاكرتا كانت قبل عشرة سنين ما اذكر بالظبط متى لكن في هادي الحدود تقريبا . وكانت المدة كلها داخل جاكرتا.

المهم الجديد في الرحلة هادي هي جزيرة بالي والجبل بونشك . وعلى قد ما سمعت عن بالي سواءا من اخواني او من المنتديات وتخيلي لها فليس من سمع كمن رآى .

من الجميل جدا يا اخوان ويا اخوات فاضلين وفاضلات أنه يكون رفقاء السفر من خيرة الناس ومن الاصدقاء العزيزين على القلب . وهادا اللي حصل بالفعل كلمت اتنين من الشباب وبدون تردد قالو يا بشكة احجز وظبط الامور .

في البداية مالقيت حجز عالخطوط السعودية فحجزت على الاماراتية . لكن واحد من الشباب اللي طالع معانا جزاه الله خير ظبطلنا حجز عالسعودية ذهاب وعودة وبكدا انتهت مشكلة الحجز . بقينا في مشكلة شراء التذاكر هههههههههه

نعم بالنسبالي مشكلة . لأنه مواعيدي وظروفي وانشغالي لا تتناسب مع مكتب الخطوط اللي في مكة . فما كان مني الا اتصلت على زميلي اللي من مكة والساعة 12 في الليل وقلتلو هيا مشينا جده نروح المطار منو نتمشى ونشتري التذاكر من هناك بحكم انهم موجودين 24 ساعة .
وحصل بالفعل ولله الحمد نزلنا اشترينا التذاكر من المطار ورجعنا .

الموعد المقرر للذهاب كان يوم الاتنين 7 ابريل 2008 والعودة يوم الجمعة 18 ابريل .

سعر التذكرة كان 2803 ريال التلاتة ريال حقت ايش مدري يمكن حقت العيش هههههههه.

ماعلينا .

واتفقت مع الشباب ووضعت شعار للرحلة لالالالالالالالالالالالالا للحرمان

بمعنى انه الواحد يمتع نفسه دون النظر الى اي تكاليف وانه التكاليف آخر شي ممكن نفكر فيه .

وهادا اللي تم بالفعل .

موعد الرحلة كإقلاع كان الساعة 9 ونص مساء يوم الاتنين . والوصول لمطار جاكرتا الساعة 11 ونص صباح يوم التلوت .

فارق التوقيت بيننا وبينهم اربعة ساعات . يعني مثلا لو عندنا الساعة 12 في الليل حيكون عندهم 4 الفجر وهكذا .

اما بالنسبة لجزيرة بالي فارق التوقيت 5 ساعات .


طبعا انا من هنا اتصلت على سواق في جزيرة بالي ونسقت ورتبت معاه على يوم التلوت بس ما اعطيته موعد محدد لأني مش حاجز اصلا من جاكرتا لبالي . قلنا لما نوصل المطار نشوف ايش الوضع . ومن هناك اعطيه الموعد بالظبط

السائق هادا من أفضل السائقين اللي اتعاملت معاهم وراح اتكلم عنو في سياق التقرير . وإسمه مسعود

طبعا احنا تلاتة اشخاص اتنين من مكة وواحد من جدة . وبيننا عشرة عمر طويلة من ايام الدراسة الابتدائية زي الاخوان ولله الحمد الله لايفرق بيننا .

بالمناسبة السفريات لهادي الدول عادة لا تحتاج الى ملابس 3 قطع ؟ او اربعة .

يعني الشغلة شورتات وتي شيرت ومشي حالك . ومافي احلى من البساطة وخصوصا في دول شرق آسيا وهادي ميزة تحسب لصالح هادي الدول .

بعكس بعض الدول سواءا العربية او الأوروبية اللي الواحد يحس فيها انه مخنوق من كتر اللبس والانتكة اللي عليه .

وهادي من الحاجات اللي تخليني افضل هادي الدول .

<<<<<<<<<< بس خلاص عرفنا بلا قرقرة زايدة .

حركنا من مكة حوالي الساعة 6 وربع مساءا . ووصلنا المطار حوالي 7 ونص . لأنه وقفنا في الطريق عشان صلاة المغرب .


في طريقنا للمطار
________________________________________


يا حي يا قيوم اصلح لي شأني كله ولا تكلني إلى نفسي طرفة عين
سبحان الله وبحمده سبحان الله العظيم
ونقول الحمدلله على النعم
في الحديث من بات آمنا في سربه معافا في بدنه واجدا قوت يومه فقد ملك الدنيا بحذافيرها .
لاتنسى كفارة المجلس : سبحانك اللهم وبحمدك أشهد أن لا إله إلا أنت أستغفرك وأتوب إليك
اللهم صلي وسلم على محمد عدد ما ذكره الذاكرون وغفل عن ذكره الغافلون
 
     
رد مع اقتباس
قديم 17 Oct 2008, 07:47 AM   #2
بشكة إنسان غير متواجد حالياً
المايسترو

الصورة الرمزية بشكة إنسان

رقم العضويـــة: 102
تاريخ التسجيل: 19 01 2003
الجــنــــــــس:
ذكر
مكان الإقــامة: مكة الله يعمرها
المشاركــــات: 7,647
قوة التقييــــم: 19 نقطة
بشكة إنسان will become famous soon enough
نقاط التقييــم: 50
آخر تواجــــــد: 08 Sep 2014 (12:04 AM)
الأوسمة
عضو شرف الوسام الفضي 
وصلنا بحمد الله للمطار
ودخلنا للصالة واتقابلنا مع رفيقنا التالت للسفر . وجهزنا امورنا وظبطنا البوردنق وكل شي .

.

يجماعة بصراحة شي مؤسف جدا إنه تكون الصالة بهالشكل . عموما مش موضوعنا لكن اتمنى انه في يوم نشوف مطار جده يليق بمسمى موحد هادا الكيان المغفور له الملك عبدالعزيز طيب الله ثراه .


وإحنا في الصالة قعدنا نتضارب مين يجلس جمب الطاقة ههههههههه.

الرحلة تستغرق 9 ساعات . بصراحة شي ممل جدا . بس انا قيدي حاسب حسابي ومش نايم زي الناس وناوي اعطيها نومة في الطيارة . وهادا اللي حصل بالفعل . بمجرد اكلت الوجبة الأولى .

وفين البطانية هههههههه وكخخخخخ نوووووووووم .

صحيت قبل وصولنا بحوالي ساعتين وكمان الشباب اخدولهم غفوة .

وصلنا بحمد الله حسب التوقيت حوالي 11 ونص صباح يوم التلوت الى مطار جاكرتا .

وهادي صورة أثناء وصولنا من داخل المطار في جاكرتا


من الضروري إننا نحصل على تأشيرة دخول للبلد . وهادي من الحاجات السهلة جدا . كل واحد يدفع 10 دولار وخلال عشرة دقايق تحصل على الفيزا .

فيزنا جوازاتنا وختمناها واستلمنا عفشنا . وخرجنا نسأل عن الطيران الداخلي . اتوجهنا لصالة الطيران الداخلي .

وعندهم العديد من الخطوط ان ما خاب ظني حوالي اكتر من 9 خطوط طيران داخلية.

لكن احنا حاطين في بالنا انه افضلهم طبعا خطوط القارودا لأنها طيران دولي خاضع لمنظمة الاياتا وهادا شي مهم الحقيقة .

صح هيا اغلى من غيرها من الخطوط الداخلية لكن بطبيعة الحال أفضلهم .

من تساهيل ربي علينا . إنه لقينا رحلة تقلع بعد ساعة الى جزيرة بالي ولقينا حجز متوفر وحجزنا .

وكان سعر التذكرة 127 دولار . طبعا ذهاب فقط . مارضينا نقطع ذهاب وعودة لأنه في حالة غيرنا موعدنا او حبينا نأجل من هناك حنضطر ندفع غرامة . وطالما الطيران متوفر كل ساعة تقريبا قلنا نحجز ذهاب فقط والعودة يحلها حلال حسب مزاجنا .

وهادا اللي حصل بالفعل .

مسموح لكل راكب فقط 15 كيلو ومازاد يدفع عن كل كيلو حوالي 20000 الف روبية يعني حاجة بسيطة . طلع علينا شوية زيادة بسيطة . دفعنا وخلصنا .

وبمجرد ما نتهينا من الاجراءات يادوب كان الصعود للطائرة على وشك . يعني الحمد لله ماجلسنا في المطار كتير .

وبرضو اتضاربنا مين يقعد جمب الطاقة ههههههههه .
  رد مع اقتباس
قديم 17 Oct 2008, 07:52 AM   #3
بشكة إنسان غير متواجد حالياً
المايسترو

الصورة الرمزية بشكة إنسان

رقم العضويـــة: 102
تاريخ التسجيل: 19 01 2003
الجــنــــــــس:
ذكر
مكان الإقــامة: مكة الله يعمرها
المشاركــــات: 7,647
قوة التقييــــم: 19 نقطة
بشكة إنسان will become famous soon enough
نقاط التقييــم: 50
آخر تواجــــــد: 08 Sep 2014 (12:04 AM)
الأوسمة
عضو شرف الوسام الفضي 
هادي الصورة واحنا على مشارف جزيرة بالي .
بصراحة شفنا شوية تشكيلات سحب عجيبة غريبة . سبحان الخلاق لوحات فنية


وهادي مناظر لجزيرة بالي من الطيارة
بس كيف التصوير
<<<< يجي يجي










هنا أثناء هبوطنا في مطار بالي في العاصمة ( دنبسار ) بحفظ الله ورعايته بعد طيران ساعة ونص من جاكرتا

  رد مع اقتباس
قديم 17 Oct 2008, 08:01 AM   #4
بشكة إنسان غير متواجد حالياً
المايسترو

الصورة الرمزية بشكة إنسان

رقم العضويـــة: 102
تاريخ التسجيل: 19 01 2003
الجــنــــــــس:
ذكر
مكان الإقــامة: مكة الله يعمرها
المشاركــــات: 7,647
قوة التقييــــم: 19 نقطة
بشكة إنسان will become famous soon enough
نقاط التقييــم: 50
آخر تواجــــــد: 08 Sep 2014 (12:04 AM)
الأوسمة
عضو شرف الوسام الفضي 
بعد ما استلمنا عفشنا .

قيد انا من جاكرتا اعطيت السواق مسعود خبر بموعد وصولنا لبالي .
وبالفعل لقيته مستنينا خارج المطار .. هادا الرجل قمة في الادب والاخلاق ومحترم ويتكلم لغة عربية جيدة جدا .
بالاضافة الى الانقليزي .

هيا يا مسعود باشا مشينا ؟ مشيييييييييينا .

قناله من الآخر ودينا شاطيء ( كوتا ) نبغى فندق عشرة نجوم ههههههه قالي مافي عشرة نجوم ؟؟

طب مو مشكلة شفلنا ابو تسعة <<<< مجاغة

والله لفينا شارع شاطيء كوتا من اوله لآخره نبغى فندق خمسة نجوم او بالاصح فيلا في فندق خمسة نجوم للأسف مافي .

ومن الآخر اقلكم هيا ولحد يتعب زي ما تعبنا احنا . لاتدورو فلل على شاطيء كوتا . غرف اجنحة ممكن تلاقو لكن فلل على طلبنا ؟ مفيش .

المهم طيب إيش الحل ؟

كل همنا اننا نلاقي سكن في النهار عشان نعرف المنطقة اللي حولينا . لفينا لما دخنا ما حصلنا . شي يناسبنا .

بعدين لقينا فلل تسمى ( فيلا بيتش ) طبعا مش على البحر مباشرة واصلا عالبحر مفيش .

هادا بعد ما دخلنا مجموعة من الفلل التانية بس ما ناسبتنا.

فيلا بيتش عندهم مجموعة فلل حلوة . المهم أخدنا فيلا بـ 400 دولار الليلة وبصراحة احنا مش راضين عنها بالرغم انها تعتبر ممتازة بس كان في مخيلتنا حاجة افضل .

اتفقنا اننا نسكن ونريح ساعة ساعتين وبعدين نخرج نستكشف المنطقة .

خلينا مسعود يروح . واحنا دخلنا نروق وناخد ( دووووش ) ونفوق . وبعد ما فقنا وروقنا اتصلت على مسعود وقلتلو تعال . نبدأ رحلة البحث .


وقبل رحلة البحث خليني اعطيكم فكرة عن فيلا بيتش

الفيلا من الداخل
هيا عبارة عن تلات غرف نوم اتنين في الدور الارضي ووحدة في الدور العلوي + مسبح + ريسبنش + حديقة صغيرة


نشوف الممرات الداخلية للمجمع



هادي غرفة نوم انا استوليت عليها لأنه عجبتني الحركة اللي في النص عشان الواحد يركز رجله هههههههه
<<<<< شغل عجايز
  رد مع اقتباس
قديم 17 Oct 2008, 08:12 AM   #5
بشكة إنسان غير متواجد حالياً
المايسترو

الصورة الرمزية بشكة إنسان

رقم العضويـــة: 102
تاريخ التسجيل: 19 01 2003
الجــنــــــــس:
ذكر
مكان الإقــامة: مكة الله يعمرها
المشاركــــات: 7,647
قوة التقييــــم: 19 نقطة
بشكة إنسان will become famous soon enough
نقاط التقييــم: 50
آخر تواجــــــد: 08 Sep 2014 (12:04 AM)
الأوسمة
عضو شرف الوسام الفضي 
صور أخرى من داخل الغرف والفيلا



تاخدولكم غطسة من الصباح شي يفكفك العضلات



الحديقة على شكل حرف ال



هادا باب خلفي من غرفتي عالحوش



هادا الريسبشن مفتوح عالمسبح والحديقة
  رد مع اقتباس
قديم 17 Oct 2008, 08:21 AM   #6
بشكة إنسان غير متواجد حالياً
المايسترو

الصورة الرمزية بشكة إنسان

رقم العضويـــة: 102
تاريخ التسجيل: 19 01 2003
الجــنــــــــس:
ذكر
مكان الإقــامة: مكة الله يعمرها
المشاركــــات: 7,647
قوة التقييــــم: 19 نقطة
بشكة إنسان will become famous soon enough
نقاط التقييــم: 50
آخر تواجــــــد: 08 Sep 2014 (12:04 AM)
الأوسمة
عضو شرف الوسام الفضي 
بعد ما ارتحنا كدا ابو ساعتين تقريبا وروقنا نفسنا . قلنا خلينا نبدأ رحلة البحث عن سكن تاني . افضل من اللي احنا فيه

جا مسعووووووووووود .
وهيا ياشباب مشينا . وخرجنا وبدأنا رحلة الدوران والبحث .

ولفينا ولفينا ولفينا . كل مانشوف حاجة ما تعجبنا .

والحلو في الموضوع اننا متفقين على استايل ونظام معين . يعني الرأي واحد .

بدأنا نخرج عن شاطيء كوتا وشوارعه الفرعية .

ودخلنا منطقة اسمها ( سيمنياك ) . وبدأ يلوح في الافق بعض مافي مخيلتنا من فلل . وهو حي راقي جدا وفيه منتجعات كتير .

المهم بعد لفلفة طبينا في منتجع اسمه ( سانتوسا ) وياله من سانتوساااااااااااا.

آخر سنتسة ههههههههههه

المنتجع كله عبارة عن فلل وطبعا هيا شركة عالمية .

حراسات أمنية مشددة جدا ومحد يخش الا بتفتيش وحتى السيارة يتم تفتيشها . قلنا بس هو المطلوب .

دخلنا الريسبشن تبعهم ومفتوح على الهوا البحري .
سألنا في فلل قالو للأسف مفيش .

مدينا بوووووووووووزنا شبرين . بل ثلاثة اشباااااااااااار أو بمعنى أصح ممكن تتعنقلو فيها هههههههه.

طب اقرب وقت ممكن نلاقي فيلا فاضية

قالت لو تبغو من بكرة حتكون في وحدة فاضية .

رجعت الدماء تنبض في عروقنا . قلنا هو المطلوب .
بس حبينا نشوف النظام من الداخل . طبعا قالو استحالة لأنها مشغولة .

برضو الجماعة عندهم مرونة الحقيقة وشافونا متلهفين . قالو في فيلا تحت الصيانة ممكن تشوفوها . قلنا مفيش مشاكل .

هادا الكلام والدنيا ليل يمكن حوالي الساعة عشرة او اكتر مش فاكر بالظبط .

وبحكم كبر المنتجع ركبنا سيارة القولف ورحنا نشوف الفيلا . لقينا الكهربا مقطوعة عنها بحكم الصيانة .

ياربيييييييييييييي
إيش الحظ هادا هههههههههههههه

قالو ولايهمكم مافي دقيقتين وجابو كشاف كبيييييييييييييييييييييييير .

اصلا بمجرد دخولنا وشفنا الوضع . قلنا اوكي على طوووووووووووول.
رغم اللي شفناها مواصفاتها تختلف عن اللي راح نسكن فيها .

رجعنا الريسبشن وقلنا خلاص اوكي احجزولنا 4 ايام .

سعر الليلة 800 دولار مع الفطار . ودفعنا سعر زيادة عشان يجينا الفطار في نفس الفيلا بس فرق سعر بسيط مش متذكر والله يمكن 15 دولار .

وأكدنا عليهم ما يأجرو الفيلا بعد الاربعة ايام الا اذا اعطونا خبر لأنه احتمال نمدد . قالو اوكي مفيش مشاكل .

شعب يحترم السائح ؟؟

دفعنا وظبطنا امورنا وخرجنا . على اساس حترجع تاني يوم بعد الساعة 2 الضهر نستلم السكن .

كلنا مفرفرين من الجوووووووع .

طبعا في مناطق زي هادي لايمكن نفوت الاكلات البحرية .

رحنا على شاطيء اسمه جمبران كله مطاعم سي فووووووود.

الجماعة كانو حيقفلو لكن عشان خاطرنا قامو بالواجب وكنا الوحيدين على طاولة في وسط الرمال بجوار امواج وهدير مياه المحيط . سمفونية يعزفها المحيط واحنا على ضوء الشموع .

جلسه ما تتنسي .

ورجعنا على السكن عشان ننام . لأننا منهكين بصراحة
  رد مع اقتباس
قديم 17 Oct 2008, 08:30 AM   #7
بشكة إنسان غير متواجد حالياً
المايسترو

الصورة الرمزية بشكة إنسان

رقم العضويـــة: 102
تاريخ التسجيل: 19 01 2003
الجــنــــــــس:
ذكر
مكان الإقــامة: مكة الله يعمرها
المشاركــــات: 7,647
قوة التقييــــم: 19 نقطة
بشكة إنسان will become famous soon enough
نقاط التقييــم: 50
آخر تواجــــــد: 08 Sep 2014 (12:04 AM)
الأوسمة
عضو شرف الوسام الفضي 
نكمل يا حبايب من حيث انتهيت .
زي ما قلتلكم رجعنا لفيلا بتيش عشان ننام .
طبعا مافي نوم زي الناس غير فووورة وضحك ومزح . الين فعلا حسينا جفوننا تترخي من حالها ههههه قلنا مبدهاش بأه .

يلالالا نووووم . ودخلنا في نومة عميقة . وميزة السفر يجماعة إنه الواحد يحط راصه عالمخدة على طول يسوي كخووووو بعكس هنا . بس تحط راصك عالمخدة تجيك كل الهواجس والافكار .

صحينا الصباح . عشان ناكل الننة .

وانا اول ما صحيت طبيت عالمسبح والموية ولا احلى من كدا . شي يفكفك العضلات .

جانا الشيف والمساعد حقو عشان يجهزولنا الفطار .
هادي الصورة وهما بيجهزو





وشغلهم مية مية وفرييييييييش



بعد ما فطرنا وعلينا بالخير . قمنا نرتب حاجاتنا وشنطنا استعدادا للرحيل . ظبطنا الامور . وحاسبنا المجمع واتشكرنا منهم على حسن ضيافتهم واتوكلنا على الله .
مع سائقنا المحبوب الخلوق مسعووووووود

كان لسه في وقت على موعد استلامنا للفيلا التانية في مجمع سانتوسا . رحنا قضينا بعض مشاورينا .
وعلى الموعد رحنا كانت الساعة حوالي 2 الضهر .
  رد مع اقتباس
قديم 17 Oct 2008, 08:37 AM   #8
بشكة إنسان غير متواجد حالياً
المايسترو

الصورة الرمزية بشكة إنسان

رقم العضويـــة: 102
تاريخ التسجيل: 19 01 2003
الجــنــــــــس:
ذكر
مكان الإقــامة: مكة الله يعمرها
المشاركــــات: 7,647
قوة التقييــــم: 19 نقطة
بشكة إنسان will become famous soon enough
نقاط التقييــم: 50
آخر تواجــــــد: 08 Sep 2014 (12:04 AM)
الأوسمة
عضو شرف الوسام الفضي 
هادي الصورة للإستقبال حق مجمع سانتوسا


صورة أخرى من امام الاستقبال



صورة بمحاذاة الاستقبال


الممرات الداخلية للمجمع



استلمنا المفتاح ودخلنا .

حنشوف الصور من الداخل . إن شاء الله تعجبكم .
  رد مع اقتباس
قديم 17 Oct 2008, 08:47 AM   #9
بشكة إنسان غير متواجد حالياً
المايسترو

الصورة الرمزية بشكة إنسان

رقم العضويـــة: 102
تاريخ التسجيل: 19 01 2003
الجــنــــــــس:
ذكر
مكان الإقــامة: مكة الله يعمرها
المشاركــــات: 7,647
قوة التقييــــم: 19 نقطة
بشكة إنسان will become famous soon enough
نقاط التقييــم: 50
آخر تواجــــــد: 08 Sep 2014 (12:04 AM)
الأوسمة
عضو شرف الوسام الفضي 
هادي صورة لمدخل الفيلا من جوه . وزي منتو شايفين على اليمين واليسار حوضين سمك طبيعية ؟
بالمناسبة الارضيات كلها رخام من نوع عجيب يمتص الماء ؟ ويتلون بألوان جميلة وحلوة اذا جات عليه الموية . وخصوصا الامطار




صورة تانية للمدخل بزاوية أخرى
ونلاحظ شلال موية اصطناعي شغال على طول لتجديد الموية . عشان يخلو السمك ينضف . هههههه




هادي الصورة برضو من عند المدخل والموزع للغرف . يعني الباب ورايا
الفيلا اربعة غرف تلاتة ارضية ووحده غرفة في الدور العلوي بس ما استخدمناها لأنه ما نحتاجها.



هادي الصورة من بعد المدخل وواضح فيها الغرف . زي ما تلاحظو على اليمين غرفة وعلى اليسار غرفتين
وقدامكم الحوش . راح نشفلو صور قادمة .



على فكرة اجمالي مساحة الفيلا 650 م2 . يعني ما شاء الله تشيل عيلة وهما بيتمطعو هههههههه
  رد مع اقتباس
قديم 17 Oct 2008, 08:56 AM   #10
بشكة إنسان غير متواجد حالياً
المايسترو

الصورة الرمزية بشكة إنسان

رقم العضويـــة: 102
تاريخ التسجيل: 19 01 2003
الجــنــــــــس:
ذكر
مكان الإقــامة: مكة الله يعمرها
المشاركــــات: 7,647
قوة التقييــــم: 19 نقطة
بشكة إنسان will become famous soon enough
نقاط التقييــم: 50
آخر تواجــــــد: 08 Sep 2014 (12:04 AM)
الأوسمة
عضو شرف الوسام الفضي 
هادي صورة للحوش اللي يجيب العافية . المسبح والجلسة الخاصة وكراسي التشميس
بس طبعا احنا ما نتشمس قيدنا مقمرين خلقه هههههههه

بالاضافة الى مساحة على اليسار للناس اللي تحب تنام على العشب.
احب اضيف حاجة إنه المسبح طوله 12 متر وعرضه أظن 5 متر . اما العمق 1.30م وهادا شي ممتاز لو في اطفال يعني بإذن الله ما عليهم خوف .
المسبح من الداخل كله رخام ملون . والاطراف رخام اسود خاصيته عجيبة مدري كيف اشرحها




هادي صورة من الجهة المعاكسة للمدخل . وظاهر في الصورة الغرفة اللي في الدور العلوي اللي ما استخدمناها وقعدت مقفلة للشيطان . بسم الله علينا هههههههههههه .
زي منتو شايفين تحت الغرفة العلوية ريسبشن داخلي والمطبخ مفتوحين على بعض . راح احط لها صورة واضحة




هادي صورة للريسبشن . في الهواء الطلق اللي قضينا فيه احلى اللحظات وأجملها . سواءا في الليل أو في النهار



هادي صورة من الغرفة العلوية توضح المحيط الخارجي للفيلا
  رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 01:26 PM.



Powered by vBulletin® Version 3.8.4
Copyright ©2000 - 2014, Jelsoft Enterprises Ltd.
Ads Management Version 3.0.1 by Saeed Al-Atwi
(Valid XHTML 1.0 Transitional | Valid CSS! | SEO) .
For best browsing ever, use Firefox.
Copyright © 2012 makkawi.com. All rights reserved