العودة     البسطـات الرمضانية نكهة حلوة انقرضت ..... !!!

عدد الضغطات : 9,953عدد الضغطات : 1,114مساحة شاغرة
عدد الضغطات : 4,343مساحة شاغرة
عدد الضغطات : 6,337
عدد الضغطات : 865عدد الضغطات : 3,439مساحة شاغرة
عدد الضغطات : 1,286

البسطـات الرمضانية نكهة حلوة انقرضت ..... !!!


إضافة رد
 
أدوات الموضوع انواع عرض الموضوع
قديم 04 Oct 2006, 12:54 PM   #1
محد مكيفو !!! غير متواجد حالياً
العمدة


رقم العضويـــة: 1171
تاريخ التسجيل: 21 02 2004
الجــنــــــــس:
ذكر
مكان الإقــامة: مكة
المشاركــــات: 2,735
قوة التقييــــم: 13 نقطة
محد مكيفو !!! is on a distinguished road
نقاط التقييــم: 10
آخر تواجــــــد: 28 Jan 2008 (07:45 AM)
الأوسمة
وسام التميز 
المشاهدات: 700 | التعليقات: 18

البسطـات الرمضانية نكهة حلوة انقرضت ..... !!!






صبحكم الله بالخير والعوافي يا حبايب قلبنا
سبحان الله كانوا يقولوا ازا عشّر بشّر
اااااااه مانقول الا ربنا يكملها معانا على خير
ويتقبل من الجميع
طيب صلو على النبي
بغيت اكتب موضوع عن البسطات الرمضانية من زمان بس مالي مروة اكتب كنت تعبان حبتين
والموقع غلق الناقص له يومين تلاتة مصنقر ومعلق
والحمدلله على كل حال

على قد ماكانت الحياة بسيطة ومكنكنة لكن كانت الناس مستورة وقلوبها نضيفة
علشان كدة ربي طارح البركة ورازقنا العفو والعافية والقناعة بالقليل

عارفين الواحد في المغربية يادوب ياكل التمر ويرقع مغراف الزمزم وكم سمبوسك على شربة ربي لك الحمد والشكر

فكانو يتلببو وينـقنـقو تعرفو مع الصلاة والتراويح الواحد برضو يجوع فكانو يلفلفو ويبلبعو كل شي يطيح في يدهم

طيب البسطات اللي موجودة والمشهورة في رمضان منتشرة في الحواري والازقة
بسطات الكبدة والبليلة واليمنة اللي كانو يدورو ويبيعو المنفوش بغيت اسوي زي مشرفتنا حفييدة الحسين اصورلكم الاكل لكن ما نعرف للشغلات هادي
اللي عندو صور ينزلها بعدين

الفـــول النابت والترمس

الفول النابت ( المدشوش ) اللي بقشره ينسلق مزبوط وبعدين يتقشر ويغمسوه في ملح الدقة
والمسلوقة يرمو عليها فلفل اسود وكمون ونص ليمونة ويشربوها حارة حارة تغسل الصدر على قول داك

والترمس زي حبات البليلة لونها اصفر في منو نوعين شي حلو وشي مالح او فيلو مرارة بسيطة كانوا يغمسوه في ملح الدقة وياكلوه


البلـيلة

( بليلة بليلة .. بليلة بللوكي .. و سبع جواهر خدموكي .. وبالشطة حدقوكي وبالطرشي زبطوكي وبالخل مزمزوكي
علشان الحلوين يدوقوكي ) بلل بلل ياولد
طبعا كل مين يتفن في الاغاني والاناشيد علشان البزورة يسمعوها ويمبسطو منها وتحببهم في الاكل
مو زي دحين النفس رتعة البعيد والله لو جلس الادمي يغني الحب كله محد يقلو ايش عندكم والا ايش بتبيع

وكان كل مين يتفنن في البليلة اللي يسويها سادة واللي يحط عليها جزر وخيار وناس تحط قتا وكوسة مكعبات واللي يحط عليها
بطاطس مهروسة واللي يشططها بالشطة التكروني يعني كل واحد وصنعتو والمعلمانية حقتو

احيانا ما تنحكر معاهم وتطلع زي الحجار قاسية مو هادي البليلة شغلتها شغلة
يبغالها بل بالموية نص يوم وبعدين تنحط على النار حتى تستوي وتتمخمخ مزبوط على طبيعتها
واللي مستعجل يحطلها كربونة والا خميرة بطرف الملعقة يسير تنهري من الاستوا
وبسم الله ناكل الصحن ونطلب التاني والتالت
والبياعين كانت نفسهم حلوة ساعات يشوفك لمن قرب يغلق صحنك يرميلك كفكير بليلة وصاية من عندو



المنفوش


اللي مايعرفو هو الكربو لمن يكبر ويسير رجال
ههههههههه
زي الكربو ويمكن اطعم منو حبات مدورة وكبيرة وبالزات حق اليمنة مقرمش كنا ناكلو حاف والا نوديه للبيت ونملطو بالجبن الكشكبان
وقليل شطة للتحديقة يسير طعمو تكتكة على قولهم
دحين في المنفوش لكن مو زي طعامة حق زمان


الحبش

وازا كان رمضان صادف موسم الحبش ( الدرة ) كان منجد روعة وخصوصا ايام الهوا والبرد السكاتي
يجيب الكانون الفحم ويرص الحبش اللهم صلي على النبي من اول الكانون لأخرو
وهنا تجي المعلمانية وهيا كيف تجيب الزباين؟؟؟
كان يلم الشعر حق الحبش ويكومو جمبو وكل فترة والتانية يرمي خمشة على الفحم
يسير لمن يولع البعيد تلاقو الريحة شاااامخة وتنخشش في الدماغ وتجري جري تدور عليه
وتلاقي الناس متكومين على الكانون وكل مين يحجز هادي حقتي وهديك حقتك يقعدو
يراقبوها من ساعة ماتتقشر علين لمن تستوي
وزي منتو منتو عارفين الحبش كل مايكون صغار زي اصابيع الجنية كل مايكون طعم وممخمخ
ويمديكم تختبروه والحبة بقشرها تتكو بضفركم على الحبش ازا سالت المرقة حقتو
تعرفو انو جديد ومزبوط ولعلمكم الحبش نوعين في الاصفر هادا حلو وفي الابيض وهادا العايدي او المالح


الدندرمة

الدندرمة او الاسكريم تباتيك زمااااااااااااان
كانو يسوو جك عصير توت يشربو اللي يشربوه بالعافية واللي يزيد ينكتوه في زنابيل نايلون صغيرة ويسووه
زي المسلس ويجمدوه وبعدين لمن يخرجوه يخرقوه بسنونهم ويجلس يلحسو ويمصمصو في الايسكريم

طبعا هادا الكلام لمن كانت التلاجات والفريزرات

زماااااان كانت في مكاين تمباع يسوو بيها الايسكريم زي منتو عارفين لا فريزر ولا هباب
هادي المكينة ياحبايبنا زي السطل او البرميل

( إن شاء الله أدور عليها وازا حصلتها اصورلكم هيا )
فيلها مكان يحطو بطنو قوالب التلج طبعا التلج يشتروه قوالب جاهزة
من الكعكي او واحد ناسي اسمو
المهم لمن ينكتو التلج ويحطو عليها النكهات اللي يبغوها اللي يبغى توت واللي يبغى برتكان واللي يبغى ليمون
واللي يبغى بالحليب مع الهيل وبعدين المكينة لها يد زي الهندل يجلس يبرم يبرم يبرم ويدور علين يتهروش التلج
وينخلط مع العصير مزبوط يرمي كمانة خمشة سكر وقليل ملح وبعدين يفرغو في الزبادي او القراطيس
يعني لغوصة في لغوصة بس شغلهم نضيف وطعم



ايش بقيلنا كمانة اللهم صلي على النبي

الكبدة

بسطة الكبدة وياعيني على الكبدة وخصوصا لو كان اللي ورا الصاج معلم
المهم من الصبح يقوم الرجال ويروح للجزارين او السلخانة ويشتري الكبدة طااااااااااازة بدمها
يغسلها وينضفها ويرستكها ويقطعها شقف شقف نحيفة وبعدين يرمي عليها تلج علشان ماتخرب وتريح علين الليل
ويسوي كمانة سطل خل مع الموية والتوم والفلفل للتحديقة
ويمر كمانة على الفران وياخد منو عيش حب يعني ماشاء الله يشتري حق 20/30 قرص

وبسم الله بعد التراويح يجيب الكانون حق الفحم والا الدافور ويحط الصاج ويرمي الكبدة ويشوحها على النار
واللي يبغاها سادة واللي يبغاها بقوطة واللي يبغاها ببصل واللي يبغاها بفلفل كلو موجود حسب الطلب
بس سر الكبدة قلبتين والتانية وقيدها في الصحون مغروفة لأنو لو جلس يقلقل ويطبخها على النار تسير مجحشة وقااااسية
وتتمضغ زي اللبانة وبعدين تبور في خلقتو يايصدقها والا يعطيها للبساس ( مو بساس اول كانوا انتيكة الناس يربوهم على الغالي , والله كنا ناكل وكانوا يجلسو جمبنا ترميلهم لحمة يمرمشو فيها
كبدة ولحم ودجاج وسمك ) مو زي بساس دحينة حونشية الله اكشف حالهم ياكلو فيران وصراصير الله يقرف الشيطان


غير بسطة الشاهي بالحليب او حليب مع النص كافر

يعني زي منتو شايفين كل الاكلات والطافوحلي شغل مكاوي بيدهم وبنفسهم لا اجناب ولا صبيان
وماعندهم عيب والناس ايش تقول والناس ايش تدحل كانوا الاهل بدل مايخلو بزورتهم داشرين ومصرمحين
يقولولهم يالله ياواد تعال ابسطك بسطة في الزقاق انا اديك المونة وانت خد الباقي
وكانوا البزورة يلملمو الفلوس علين لمن تتكوم وتجي حسبة يروحو يشتروبها اغراض وكراكب لهم
اللي يجيب بوسكوليتة واللي يجيب دباب طبعا الاب يساعد شويتين مع الولد
بس المهم انو الولد اتعلم المرجلة ونفع نفسو واعتمد على نفسو يسير مايقعد زي صجو زي الضرب على الركب



مو زي دحين كترو البياعين المتجولين في كل شارع وتلاقي الواحد قلبو متوغوش من اكلهم
ومنت داري نضيف والا مو نضيف

مرة كنا بنشتري بليلة مدري في عرفة زمااااااااااااااااااان
جالس البرماوي الله يكشف حالو يغرف في الصحون وجالس يعطس
طيب دير خلقتك على الجهة التانية عساك بالكتمة البعيد بس شوفنا المنظر هادا انصدت نفسنا الله يصد نفسو
والا غير نفسهم الرتعة والضيقة يحطلك نص كفكير بليلة ويلغ الصحن خضار وخل علين
يجيبلنا الحموضة والقداد
تقلو اتوصى يقلك خلااااااص

طبعا لمن يجوو الرجال ويتكو في مركاز العمدة
ماشاء الله قلوبهم نضيفة وحلوة كل واحد جي للمركاز يجيب معاه من البيت اللي موجود هادا يجيب قطايف والتاني يجيب كنافة وهداك يجيب بسبوسة واللي يجيب بريك او بف يعني زي ماتقولوا كل مين يدوق التاني من شغل البيت حقهم

اااااااه على زمن فين الكلام هادا كلو راح
دحين البسطات يمكن انقرضت او صارت قليلة وفين وفين حتى تشوف بسطة ييمكن علشان جات الكفتريات
والدكاكين اللي تبيع الحلويات والحبش وووو
الناس معد صارت تبسط ولا شي وحتى لو بسط طيب ازا باع شويتين هادا ازا ماصدق الاكل من اصلو
قبل كم يوم بعد التراويح نزلت مع واحد جهة الستين
الا بشكة شباااااااب قلعقلي احد اندعس البعيد والا مضاربة
اترنو الزحمة هادي كللللها علشان الفرفيرة
برضو فكرتها حلوة يأجرها راعيها ويتكسب

المهم انتو ايش رايكم في الموضوع هادا ؟
هل البسطات تحبوها يعني تشترو منها لو حصلتوها ؟
او على القليل تتمنو ترجع والا مالها ضرورة في ايامنا هادي مع وجود الدكاكين والمطاعم ؟
والا انتو مع البلدية اللي تقول انو البسطات شكلها مو حضاري ؟
والا مع الدكاترة وصحة البيئة اللي يقولوا كلها تلوث ومكروبات ؟

على العموم سامحونا لو طولنا عليكم
وكل سنة وانتو طيبين وربنا يعيننا ويتقبل مننا جميعا

لاتنسونا من دعواااااتكم الحلوة
وفي وداعة الرحمن
________________________________________

 
     
رد مع اقتباس
قديم 04 Oct 2006, 01:16 PM   #2
مكي مهاجر غير متواجد حالياً
مكاوي جديد


رقم العضويـــة: 9220
تاريخ التسجيل: 05 09 2006
الجــنــــــــس:
ذكر
مكان الإقــامة: دمشق الشام
المشاركــــات: 13
قوة التقييــــم: 0 نقطة
مكي مهاجر is on a distinguished road
نقاط التقييــم: 10
آخر تواجــــــد: 10 Dec 2011 (12:38 PM)

كلام درر تسلم يامعلم
صارت اقرب للانقراض من الواقع
مشكور
  رد مع اقتباس
قديم 04 Oct 2006, 02:52 PM   #3
دقديق غير متواجد حالياً
أصدقاء المنتدى

الصورة الرمزية دقديق

رقم العضويـــة: 3596
تاريخ التسجيل: 15 04 2005
الجــنــــــــس:
ذكر
مكان الإقــامة: كووووكب تاااااني
المشاركــــات: 3,075
قوة التقييــــم: 13 نقطة
دقديق is on a distinguished road
نقاط التقييــم: 28
آخر تواجــــــد: 07 Oct 2008 (07:48 PM)
الأوسمة
وسام التميز وسام التميز 




العمدة


مشكوووررر يا عمدتنا علي هادا الموضوع القيم والمميز


بصراحة موضوع يستاهل الجلسة والمخمخة علشان الواحد مننا


يسترجع شويا من عادتنا اللي بدأت تندثر وتتلاشي

مع التطورات اللي حاصلة في البلد




وعن نفسي يا عمدة انا مع وجود هادى البسطات التي تمثل عبق الماضي

لاني الين دحين اروح واكل الكبدة الجملي والبليله من البسطات


علي فكرة يا عمدة اكتر هادى البسطات مصرحة من البلدية يعني نظامية

وبشهادات صحية يعني حمدلله مافي امراض بعيد الشر عنكم






سلملي علي الفرفيرة تراها شي يجننننن من جد وكنا نسوي دواري فيها وتحديات كمان

بس دحين فينا هادا كله يمكن معد نشوووفة الا فين وفي!!!!!

واكتر الشباب يا في القهاوي ولا جالسين يلعبووو بلايستيشن






ويا العمدة

بدي ازكر بشي يمكن نسيتة وهو موجود الي الان من زمان الدنيا دنيا

وهو دواري الكورة في رمضان

الين دحين وهادي العادة موجودة في معظم حواري ونوادي مكة

وشهرتها كبيرررة حتي فرق من جدة والطايف بيجوووو يشاركو فيها

من الدواري القديمة واللي ما زالت موجود الي الان

دوري ابو عجام في الزاهر

دوري نادي البحر

دواري كتيررره



الله يعطيك العافية ويسلم يدك يا عمدتنا علي كلامك الرائع

وصدق اللي قال اللي مالووو ماضي مالووو حاضر



أحتررراااماااتي
________________________________________



  رد مع اقتباس
قديم 04 Oct 2006, 04:56 PM   #4
الحنبوولي غير متواجد حالياً
أصدقاء المنتدى

الصورة الرمزية الحنبوولي

رقم العضويـــة: 4072
تاريخ التسجيل: 19 06 2005
الجــنــــــــس:
ذكر
المشاركــــات: 2,890
قوة التقييــــم: 12 نقطة
الحنبوولي is on a distinguished road
نقاط التقييــم: 10
آخر تواجــــــد: 15 Mar 2014 (04:42 PM)
الأوسمة
وسام التميز 
اقتباس:
المشاركة الأصلية كتبت بواسطة محد مكيفو !!!



المهم انتو ايش رايكم في الموضوع هادا ؟
هل البسطات تحبوها يعني تشترو منها لو حصلتوها ؟
او على القليل تتمنو ترجع والا مالها ضرورة في ايامنا هادي مع وجود الدكاكين والمطاعم ؟
والا انتو مع البلدية اللي تقول انو البسطات شكلها مو حضاري ؟
والا مع الدكاترة وصحة البيئة اللي يقولوا كلها تلوث ومكروبات ؟



موضوع حلو ...وعادت أحلى من أيام زمان ولازالت ما انقرضت....


وصراحة عن نفسي...ما أتخيل رمضان يحلى بدونها....


بس في شي نسيتو يا....


الحجات (التكارنة) اللي يبيعو الحلويات والفصفص واللوز....ترى أتجنن لو أشوف حجة وما أمشي لييين

أشتريلي دقة ولا حًمر ولا حبحبو...وكمان قمر الدين الملون حقهم...والفصفص واللوز لأمي ربي يعطيها العافية...

أخر مرة يوم الأحد اشتريت من حجة في السوق حق شارع الستين دقة حاااارة ...وأنا ديني ودين الفلفل...

وما أدري إنو الدقة حقتها مشطشطة إلاو أنا أكح وأنشرقت بغيت أفطس...وحلقي أنشرخ..

وجزاها الله خير وحدة ناولتني القارورة حقتها حقت الموية... من كتر ماشافتني مخنوق...

وكان باين على فم القارورة آثار الروج .. هههههههههههههههه

وربي خجلت من نفسي...شربت شوية وجري على السيارة....


آه يا ربي يسعدك ويسعد أيامك ...ويبلغك الصيام والقيام...وغفران الدذنوب ورفقة المحبوب صلى الله عليه وسلم...
________________________________________

ربي اغفر للمؤمنين والمؤمنات

الأحيـــــاء منـــهم والأمـــــوات
  رد مع اقتباس
قديم 05 Oct 2006, 03:17 AM   #5
كلام قديم غير متواجد حالياً
عضو شرف

الصورة الرمزية كلام قديم

رقم العضويـــة: 2871
تاريخ التسجيل: 31 01 2005
العــــمـــــــــر: 47
الجــنــــــــس:
ذكر
مكان الإقــامة: ينبع الصناعيه
المشاركــــات: 1,763
قوة التقييــــم: 11 نقطة
كلام قديم is on a distinguished road
نقاط التقييــم: 10
آخر تواجــــــد: 30 Apr 2014 (06:36 PM)
الأوسمة
عضو شرف 
الله يا في احد ينسى ديك البسط والنفوس الحلوه



اللي عاشها صعب ينساها




احيانا اضرب مشوار مخصوص انا وولدي عشان ناكل بليله ونشوف البسط والفرفيرا

لكن اختلفت النفوس عن اللي كانت عليه زمان زي مااتفضلت تقلوا اتوصى يقلك خلاص كأنك بتشحت منه ... لو يدري انه عيوننا مليانه الحمد لله بس من باب المباسطه ولا مافينا من طمع لاقدر الله ...

فين اهل البيع والشراء اول الضحكه والترحيب وان ما كمّلت فلوسك يقلك روح وجيبها بعدين

تقلوا اتوصى يقلك ابشر ولا يهمك بالعافيه وان كان معاك ولدك الصغير تسمعوا يقول ربنا يحفظ ويخليلك ويعطيه حبه حلاوه ...كانت تباتيك بسيطه لكن من كتر ما اسّرت فينا ماحنا قادرين ننساها


الله يرحم داك الزمان ...والله اشد استغرابي انه بعض الناس مايعجبها الزمن القديم ولا تتمنى رجعته اللي يقلك كان تخلف وكان فقر وكان وكان .....

محد مكيفوا تسلم اليد اللي كتبت الموضوع وتعيش وتجيب يا
  رد مع اقتباس
قديم 05 Oct 2006, 03:41 AM   #6
ابو مالك غير متواجد حالياً
مكاوي عتقي


رقم العضويـــة: 75
تاريخ التسجيل: 04 01 2003
الجــنــــــــس:
ذكر
مكان الإقــامة: مكه المكرمه
المشاركــــات: 568
قوة التقييــــم: 12 نقطة
ابو مالك is on a distinguished road
نقاط التقييــم: 10
آخر تواجــــــد: يوم أمس (09:18 AM)
الله يرحم ايام زمان
سبحان الله كل شي تبع اول حلو
حتي ولو كان العام الماضي احلا من السنه والسنه الافاتت احلا من قبلها
الحمد الله يارب علي كل حال
الله علي ايام الرمضانيه الافاتت والناس الحبابيب الا كانوا معانا
واليومين دي صرنا نسمع سيرهم بالتفلون وفين وفين
سبحان الله
هادا حال الدنيا ما يدوم علي حال
ومشكور ومجمل يا عمده علي موضوعك الارجعنا كم سنه لورا
وهيا في امان الله
________________________________________

لال البيت عز لايزول
وفضل لاتحيط به العقول
ابونا فارس الهيجاء سيدنا علي
وامنا المطهرة البتول
كفاكم يا بني الزهراء
اذا قيل جدكم الرسول

وصلي علي الحبيب قلبك يطيب
  رد مع اقتباس
قديم 05 Oct 2006, 05:45 AM   #7
حسين مشاط غير متواجد حالياً
مكاوي نشيط

الصورة الرمزية حسين مشاط

رقم العضويـــة: 104
تاريخ التسجيل: 19 01 2003
العــــمـــــــــر: 29
الجــنــــــــس:
ذكر
مكان الإقــامة: مكة الخير
المشاركــــات: 392
قوة التقييــــم: 12 نقطة
حسين مشاط is on a distinguished road
نقاط التقييــم: 10
آخر تواجــــــد: 26 Jan 2012 (11:32 AM)
سلام عليكم ورحمة الله وبركاته

مساك الله بالخير يا ومساكم الله بالخير القارئين اجمعين

البسطات

البلديه من كترت الفلوس اللي بتجيهم من ايجار مواقع ابراج الجوال وموبايلي واللوحات حقت الدكاكين ولوحات الاعلانات
شكلهم طفشو ما بدهم يعطو تصاريح للبسطات

انا قلت شي

يلا نشوفكم على خير لحد يروح يمسك في حلقي

اذا صارلي شي يا محمد مكيفو بالله ادعيلي معاك وانت بتصلي

سلام عليكم
  رد مع اقتباس
قديم 05 Oct 2006, 07:36 AM   #8
زيزينيا غير متواجد حالياً
شيطونة المنتدى

الصورة الرمزية زيزينيا

رقم العضويـــة: 2578
تاريخ التسجيل: 21 11 2004
العــــمـــــــــر: 32
الجــنــــــــس:
انثى
مكان الإقــامة: جدة
المشاركــــات: 10,219
قوة التقييــــم: 20 نقطة
زيزينيا is on a distinguished road
نقاط التقييــم: 23
آخر تواجــــــد: 13 Aug 2014 (07:10 PM)
الأوسمة
الوسام الفضي 
ابا بليلااااااااا وحطلي طرشي لونو احمر

وبدي من النص الكافر <<< سامحني يارب

سيدو كيفو ايش النص الكافر نوع من انواع الشاهي بالحليب ولا كيف؟

هيا صبلي كاسة

<<< تبغ تدردع نوص كافر خخخخخخخ

والنص التاني خلي النوص يشربوووووو

زيزو
  رد مع اقتباس
قديم 05 Oct 2006, 12:55 PM   #9
محد مكيفو !!! غير متواجد حالياً
العمدة


رقم العضويـــة: 1171
تاريخ التسجيل: 21 02 2004
الجــنــــــــس:
ذكر
مكان الإقــامة: مكة
المشاركــــات: 2,735
قوة التقييــــم: 13 نقطة
محد مكيفو !!! is on a distinguished road
نقاط التقييــم: 10
آخر تواجــــــد: 28 Jan 2008 (07:45 AM)
الأوسمة
وسام التميز 

الله يسعدكم ويجبر بخاطركم
مرحبابكم

مكي مهاجر

اقتباس:
كلام درر تسلم يامعلم
صارت اقرب للانقراض من الواقع
مشكور
مرحبابك يا حبيبي الله يسلمك ويردك لمكة سالم
والله معاك حق انقرضت وقرينا الفاتحة عليها
وحتى لو كانت موجودة الناس السكرة التكميل اللي ورا البسط مهم في

استازنا ومشرفنا دقديق
مرحبابك ياقمر انستنا

اقتباس:
مشكوووررر يا عمدتنا علي هادا الموضوع القيم والمميز
لاشكر على واجب يا حبيبي نحنا خدام الطيبين شرواكم والمواضيع ما تصير حلوة الا بردود الناس الاحلى
والا موووو

اقتباس:
بصراحة موضوع يستاهل الجلسة والمخمخة علشان الواحد مننا

يسترجع شويا من عادتنا اللي بدأت تندثر وتتلاشي

مع التطورات اللي حاصلة في البلد
مخمخ يا دقديق على مهلك وارجعلنا مرة تانية
يعني ازا جات التطورات في البلد ضروري نمشي التطورات على العادات الحلوة
ونشيلها من حياتنا علشان التطور
جاوبونا يا ناااااااااس
اقتباس:
وعن نفسي يا عمدة انا مع وجود هادى البسطات التي تمثل عبق الماضي

لاني الين دحين اروح واكل الكبدة الجملي والبليله من البسطات
ونعم والله بامشرفنا والله يجعلو بالهنا والعافية
يا حبيبي تحس نكهة رمضان لمن تكون جالس مع البسط وتشوف الزحمة والغلبة



اقتباس:
علي فكرة يا عمدة اكتر هادى البسطات مصرحة من البلدية يعني نظامية

وبشهادات صحية يعني حمدلله مافي امراض بعيد الشر عنكم
نحنا بنتكلم يا عيوني عن البسطات اللي لحالها كانت
مو زي دحين مطعم الشربة والتقاطيع يندر كرويتة وصاج في الشارع وسوى بسطة
اكيد لازم تصريح والا زي بسطات السمبوسك والحلويات

حتى البلدية دحين جايبة الجنان بالاسعار العاااااااالية علين الناس كرهت البسطات
ويحطولك شروط تشيب الراص هادا ان ماجاك المراقب عدد الساعة سردادي مردادي

والله زمان مع انو في البلدية وتبع الرخص لكن لا تصريح ولا هباب كل مين بدو يندر بسطة تحت بيتهم في الزقاق
يندر والله كانت الشامية والفلق تهرج هرج ومحد يقلهم حماية بيئة ونضافة
اصلا اللي كانوا واقفين في البسطات اهل بلد وعيال حارة وحدة واخاف على اهل حارتي زي ما اخاف على اهل بيتي
يعني النضافة في الاكل شي لازم منو


اقتباس:
سلملي علي الفرفيرة تراها شي يجننننن من جد وكنا نسوي دواري فيها وتحديات كمان

بس دحين فينا هادا كله يمكن معد نشوووفة الا فين وفي!!!!!

واكتر الشباب يا في القهاوي ولا جالسين يلعبووو بلايستيشن
وهيا كمانة تسلم عليك اشياء كتير حلوة يا راحت علشان بتطلع لنا حاجات جديدة
بتمسح الحاجات القديمة معاها







اقتباس:
ويا العمدة

بدي ازكر بشي يمكن نسيتة وهو موجود الي الان من زمان الدنيا دنيا

وهو دواري الكورة في رمضان

الين دحين وهادي العادة موجودة في معظم حواري ونوادي مكة

وشهرتها كبيرررة حتي فرق من جدة والطايف بيجوووو يشاركو فيها

من الدواري القديمة واللي ما زالت موجود الي الان

دوري ابو عجام في الزاهر

دوري نادي البحر

دواري كتيررره
الله يزكرك الشهادة يا مشرفنا
هو مو قضية نسيت بس انا خليت الموضوع للبسطات الرمضانية
اما هرجة الكورة هادي من ضمن الالعاب الرمضانية
ان شاء الله امخمخ عليها في موضوع تاني والا اكتبها في هادا الموضوع
والا الكورة من زماااااان معروفة لمن كانت الكورة مربعة
ههههههه
( الله يرحمك يا احمد الفهد )
في ساحة اسلاام البرحة هادي كلها تسير دق كفر وغبرة تطير
كأنوا جالسين نحفر قبور
وغير البوسكوليتات والمدوان والكيرم والضومنة والسوقيطة والبربر حق البنات والكوم كوم والشرعت
يعني عد واغلط


اقتباس:
الله يعطيك العافية ويسلم يدك يا عمدتنا علي كلامك الرائع

وصدق اللي قال اللي مالووو ماضي مالووو حاضر

أحتررراااماااتي
الله يسلمك ويجبر بخاطرك استازنا دقديق

راجعلكم يا حبايبي ان شاء الله
  رد مع اقتباس
قديم 06 Oct 2006, 12:30 PM   #10
محد مكيفو !!! غير متواجد حالياً
العمدة


رقم العضويـــة: 1171
تاريخ التسجيل: 21 02 2004
الجــنــــــــس:
ذكر
مكان الإقــامة: مكة
المشاركــــات: 2,735
قوة التقييــــم: 13 نقطة
محد مكيفو !!! is on a distinguished road
نقاط التقييــم: 10
آخر تواجــــــد: 28 Jan 2008 (07:45 AM)
الأوسمة
وسام التميز 


الله يجعلها جمعة مباركة بالصلاة على النبي

باين مالحقتو البسطات وزمن البسطات والا كيف لو من البسطات الجديدة مو مشكلة ادينا بنتحكى

قلنا خلينا نخش قوام قوام نرد على اللي شرفونا قبل صلاة الجمعة

استازنا الحمبولي

مرحبابك نورتنا وانستنا



اقتباس:
موضوع حلو ...وعادت أحلى من أيام زمان ولازالت ما انقرضت....


وصراحة عن نفسي...ما أتخيل رمضان يحلى بدونها....
عيونك اللي حلوة ربي يحلي ايامك
سبحان الله رمضان لكل جيل شي يميزو عن الاجيال اللي بعدو
ولو انو البسطات صارت قليلة لكن داعتو ريحة ابو علي ولاعدمو


اقتباس:
بس في شي نسيتو يا ....


الحجات (التكارنة) اللي يبيعو الحلويات والفصفص واللوز....ترى أتجنن لو أشوف حجة وما أمشي لييين

أشتريلي دقة ولا حًمر ولا حبحبو...وكمان قمر الدين الملون حقهم...والفصفص واللوز لأمي ربي يعطيها العافية...

أخر مرة يوم الأحد اشتريت من حجة في السوق حق شارع الستين دقة حاااارة ...وأنا ديني ودين الفلفل...

وما أدري إنو الدقة حقتها مشطشطة إلاو أنا أكح وأنشرقت بغيت أفطس...وحلقي أنشرخ..
هههههههههههههههههههههههه
الله يسعدك
حبة حبة انت كمانة ضروري تشق الكيس وتسف الدقة
بعدين ادور على موضوع كتبتو عن الدقة في المركب كلام كتيييييييييييير

بس الحجات يعتبرو حاجة جديدة ماكانو زمان لا حجات ولا شي

الكربو والقمر الدين وحلاوة ديبا شغلات يبيعوها الجاوة وكمانة اكلة اللكسة ( مكارنة وسمبل بالروبيان والنارجين )
والمكسرات من يجيبوها من اي دكان حق مكسرات وبهارات

لكن الحجات بصراحة صارو يزغللو العيوووون

لايروح بالكم بعيد
قصدي بالبضايع حقتهم الحجات هدول مسوين زي البقايل المتحركة



اقتباس:
وجزاها الله خير وحدة ناولتني القارورة حقتها حقت الموية... من كتر ماشافتني مخنوق...

وكان باين على فم القارورة آثار الروج .. هههههههههههههههه
ههههههههه
باين عليك عكروت من بلدك
عسى شربت من نفس المكان ؟؟؟؟
ترى انتبي لو شربت قول عليك السلاااااام
كل يوم يبغالك تروح تشتري وتشرب






اقتباس:
آه يا ربي يسعدك ويسعد أيامك ...ويبلغك الصيام والقيام...وغفران الدذنوب ورفقة المحبوب صلى الله عليه وسلم...
اي والله لاتنسانا من دعواتكم يا
وربي يسعدكم ويهنيكم ويحقق اللي نفسكم فيه اليوم قبل بكرة

هيا صلو على الحبيب
وراجعلكم ان شاء الله
  رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 03:38 AM.



Powered by vBulletin® Version 3.8.4
Copyright ©2000 - 2014, Jelsoft Enterprises Ltd.
Ads Management Version 3.0.1 by Saeed Al-Atwi
(Valid XHTML 1.0 Transitional | Valid CSS! | SEO) .
For best browsing ever, use Firefox.
Copyright © 2012 makkawi.com. All rights reserved