في خبر نقلته جريدة المدينة اليوم الموافق : السبت 6 ذو القعده 1425 - الموافق - 18 ديسمبر 2004

تحت عنوان : (( المرور يطارد الدراجات النارية في شوارع مكة المكرمة ))

«®°•.¸.•°°•.¸¸.•°°•.¸.•°®»وفيما يلي الخبر بالتفصيل«®°•.¸.•°°•.¸¸.•°°•.¸.•°®»

قال العقيد أحمد ناشي العتيبي مدير مرور العاصمة المقدسة أنه تم حجز نحو 1400 دراجة نارية بسبب قيام أصحابها بإزعاج السكان في بعض الأحياء، وأضاف أن الإدارة مستمرة في تعقب المراهقين ومنعهم من ممارسة هواياتهم في الشوارع العامة وأمام المنازل والأسواق، مشيراً إلى أن هناك جولات شبه يومية للقضاء على هذه الظاهرة. وكان عدد من سكان حي العتيبية بالعاصمة المقدسة اشتكى من الإزعاج المستمر الذي يسببه قائدو الدراجات النارية ''الدبابات'' لا سيما أيام الخميس والجمعة مما يُسبب لهم إزعاجاً مستمراً يتمثل في السباق المحموم والخطير فيما بينهم، والذي أدى بدوره إلى تجمع عدد من الشباب المراهقين على جانبي الطريق مما ساعد في إزعاج الناس وتضييق الطريق عليهم بانتشارهم فيه.

«®°•.¸.•°°•.¸¸.•°°•.¸.•°®»انتهى«®°•.¸.•°°•.¸¸.•°°• .¸.•°®»

«®°•.¸.•°°•.¸¸.•°°•.¸.•°®»«®°•.¸.•°°•.¸¸.•°°•.¸.•° ®»

*•~-.¸¸,.-~*ولكم مني التحية والشكر*•~-.¸¸,.-~* اخوكم \ ولد الشاميه ( اهل الدهب بالوقيه )

ايوا الله يكافيه الدشرة هدول
داك النهار رايح عند ناس في العمرة قلت خليني اتمشى على جهة باشراحيل
والا قريب 15 دباب لابسين لبس الله لايوريك وسلاسل ودخان وشعورمدلعين نفسهم على الاخر
وتعال شوفهم بين السيارات يمين شمال وان تبغى تهرج مايسمعو
بس جلدت الكابروووووس دعسسس من جمبهم وبالبواري اللي على كيفك وخليتهم يتشعترو يمين شمال وفي كم نفر
بغيو يتقلبو على السكة وهديت السرعة بغيت واحد منهم يفتح فمو يسير انزل وامدسو الله يعزكم هو على الدباب
والله من جد شباااب مستهتر
قلك عماد الوطن وبدهم يسيرو بعد كم سنة اباء مسؤلين على اسر وبيوت
ويبغو يرفعو شأن الامة على قول الجرايد
قابلني
قالوها زماااااااااااان
ان فلح العق جاب لأمو دهية
لكن برضي ادعي الله يهديهم

*·~-.¸¸,.-~*ادحرج عليك يا محد مكيفو احلى تماسي*·~-.¸¸,.-~*
*·~-.¸¸,.-~*السلام عليكم ورحمة الله وبركـاته*·~-.¸¸,.-~*

اشكرك يا على المرور الكريم على الخبر وعلى التعليق الرائع يا قمر في الموضوع سلمت الايادي

والله فعلا يا عم ربيع الشره مو عليهم بصراحه على هاليهم فينهم عنهم يا الطيف بس يا لطيف الله يهيديهم وينور بصيرتهم للخير والصواب

لا حول ولا قوة الا بالله العلي العظيم

الله الهادي بس يا عم ربيع ومابيدنا غير نصلح من تربية ابنئنا وبناتنا التربية الاسلامية الحنيفة التي حثنا عليها الرسول الكريم صلوات الله وسلامه عليه ولابد من انو نحط عليهم الضوء ونراقب كل سلوكياتهم عشان لا يطلعوا بعدين خدني جيتك لانهم بيمسلوا اسم اطهر بقعه في العالم كلوا ........

وتمنياتي لك يا قمر بوقت ممتع ومفيد في قسم اخبار منتديات قبلة الدنيا

*·~-.¸¸,.-~*ولك مني التقدير والشكر*·~-.¸¸,.-~*
اخوك \ ولد الشاميه ( اهل الدهب بالوقيه )

ولد الشــــــــــــــــــــــــــــامية

مشكور على النقل الاكثر من رائع

وبعدين ترى كل الشباب على كدا يحبوا اللفلفة والدوارة في الشوارع

انا اقول خليهم يعيشوا سنهم شوية على قول اخونا محد مكيـــــــــفوا بكرة

حيكونوا اباء مسؤلين على اسر وبيوت بس برضوا انا ما أقبل طبعا بالإلحاق الضرر على الاخرين

يعني كمان لو مااتحملناهم شوية مين يتحملهم

ربي يهديهم ان شاء الله والله لو كنت انا ولد كان ماتلاقوني في البيت طوووول اليوم

وانا ابرم برة البيت بالدباب والله احس الدباب متعة!!!

اااااااااه

نصيب البنت مالها غير تقعد مطقوقة في البيت لادخلة ولا خرجة

على قولهم ايش تبي احنا نجبلك

اهو ادينا قااااعدين ونرد على اخبار ولد الشــــــــامية ايش ورانا

ونتابع امور قبلة الدنيا الله لايحرمنا منها يارب

تحيات

اختكمـ
لولو

يالولو انا ما بقول ينحرمو بالدباب والا ينطقو ويهمدو في بيوتهم يروحو يلعبو والا يتجننو بكيفهم بس مو قدام الناس
وفي وسط الشارع ترى قلبة الدباااب بطالة الله لايوريكم وقد مايكون السواق حرييييف اقل شي يخل توازنو وينقلب
هيا بالله وهو جالس يمين شمال بين السيارات اتزحلق ودخل تحت السيارة وانفقعت رقبتو والا انشقت بطنو والا مات من اساسو
مو يجيبلنا شغلة من تحت الرجول
وياريتهم مؤدبين الا طولة لسان وسب وشتم في الاب والام والدين لاحول ولا قوة الا بالله وغير قصات الشعر واللبس
واغلب هدول الدشرة حرااامية وكم مرة مسكينا من هادي النمر واخص وسوينالهم اللازم
وبعضهم يروح مزدلفة ويجلس يفحط وكم مرة مسكوهم الحكومة بس القرار المزبوط اللي طلعو ابو رامي ( اللواء اسعد عبد الكريم )
ايام ماكان مدير الامن العام او لايسعف اي مصاب هناك ولا تتدخل الحكومة في الحوادث عقوبة لهم وهادا الشي قلل
التفحيط واللي مايسمع الكلام يستاهل اللي يجرالو
طييييب يا لولو انك بنت هيا لو ولد ايش يمسكك ساعتها ورغم كدة برضو في الطايف بنااااات يسوقو دبابات
وفي القرى البعيدة يسوقو سيارات وخصوصا الونيتات علشان المزارع ورعي الغنم على حسب ماقيل لنا
والله يهدي ماخلق
وسامحوني على الاطالة

*·~-.¸¸,.-~*ادحرج عليكي يا ستيته لوليتا احلى تماسي*·~-.¸¸,.-~*
*·~-.¸¸,.-~*السلام عليكم ورحمة الله وبركـاته*·~-.¸¸,.-~*

اشكرك يا ستي على المرور على الخبر وعلى التعليق الجميل يا ستي وابداء رايك بكل جمال وضوح واحترام

نقول الاغلبية من الشباب يا ستيته لوليتا تبح الشي داه وبلاشي نقول الكل مو احسن في وجهة نظرك كده

وبعدين يا ستي مافيها شي لو اتمشوا زي الناس باحترام اما انهم يسقطوا على الخليقة هادي عيب وما يسير كده وبعدين لا قدر الله لو سار شي يمتحنوا صاحب السياره ويقولوا هوا الا غلطان وصاحب الدباب ماهو غلطان طيب ما تسوق عدل وزي الاوادم اول شي -- يعني في شباب الله يهيدهم يا ستيته لوليتا يسوقوا الدبابات هادي زي ماقال محد مكيفو بقمة الاستهتار ولا كانو في الشارع وحولينه سيارت الله الهادي بس ولا حول ولاقوة الا بالله

وبعدين من ناحيتك انتي ما اظن يا ستيته لوليتا لو كنتي ولد وسقتي دباب راح تكوني متهوره ولا لا ؟؟؟؟

وبالله في احلى من كده يا ستيته لوليتا اخبار مكاويه وشي كلوا مكاوي يعني شي ششني ويربشني ايش تبغي بالله احلى من كده

وتمنياتي لكي بوقت ممتع ورائع في قسم اخبار منتديات قبلة الدنيا

*·~-.¸¸,.-~*ولكي مني التقدير والشكر*·~-.¸¸,.-~*
اخوكي \ ولد الشاميه ( اهل الدهب بالوقيه )

*·~-.¸¸,.-~*ادحرج عليك يا محد مكيفو احلى تماسي*·~-.¸¸,.-~*
*·~-.¸¸,.-~*السلام عليكم ورحمة الله وبركـاته*·~-.¸¸,.-~*

اشكرك يا قمر على التواصل الجميل منك في الخبر وعلى التعليق الرائع سلمت الايادي

فعلا يا عم ربيع كلامك مزبوط ميه الميه يا قمر وانا والله شفت الشي داه بعيني والله الهادي بس

لو انو يسوق الدباب بفن وحرص مافيها شي بس انو يسقط على داه وعلى التاني ويرفع الدباب في سوط السيارات قمة الاستهتار

وتمنياتي لك يا قمر بوقت ممتع ومفيد في قسم اخبار منتديات قبلة الدنيا

*·~-.¸¸,.-~*ولك مني التقدير والشكر*·~-.¸¸,.-~*
اخوكي \ ولد الشاميه ( اهل الدهب بالوقيه )