قهوتي محد يشربها دايما اسمع تعليقات ولا مايخلص الضيوف ترمس القهوة
احط بن وهيل ومافي فايدة ولالها ريحة حلوة زي جاراتي وبعض القريبات
ابغى طرقكم في صنع القهوة وممكن نضيف عليها شي من العطار
شكريا

السلام عليكم


حبيبتي هادي طريقتي في القهوة

وانا استخدم البكرج الصغير مو الكبير .. احط ثلاث ملاعق ونص بن تكون مليانه

وانا استخدم البن الهيراري رقم 2 يعني الوسط مو الفاتح ولا الغامق

واحط عليه المويه الفايره مو املي البكرج لا اخليه ناقص يعني الين فم البكرج

واخليه يفور فوره وبعد كده اوطي عليه النار و اخليه نص ساعه على النار

بعد النص الساعه اطحن الهيل واحط على القهوه مقدار ملعقه واخليه يفور كم فوره واطفي النار

واحط على الترمس نص ملعقة هيل كمان واصب عليه القهوه وبس

وبعض الاحيان احط مع القهوة الخلطه القصيميه او زعفران او حبتين الى ثلاثه حبات قرنفل او شيبه

يادوب ورقه كده عشان لا تزيد نكهته وتعدم طعم القهوة .... وسلامتك


ان شاء الله تكون طريقتي واضحه ..

طريقتنا بالقهوة

فنجان قهوة بن

تضيفي عليه قارورة موية صحة تزيدي كمية المويا حسب الضيوف

وتخليه يغلي لمدة ربع ساعة على نار عالية

البهارات

تضيفي زعفران

ممكن نانخة

ممكن زنجبيل

ممكن جوزة الطيب رشة
مو كلها مع بعض جسب يلي تفضيلهـ
والنكهة التقليدية الهيل وطبعا يوضع في ترمس القهوة بعدين تضيفي القهوة


في قهوة يمانية بالقشر البن نفس الطريقة مع الزنجبيل فقط بدون هيل

انشالله تجربيها وتعجبك :..

مرحبا سارونة ..

احنا لازم نعرف الغلط في قهوتك فيين بالزبط ..

يعني اشرحيلنا كيف تعمليها وايش نوع البن يعني بالتفصيل ؟؟


شخصياً احب اعمل قهوة الهيل وابدع فيها لدرجة انو رحيمي مرة قال لاختي اتعلميها من اختك الكبيرة ^^

ما علينا المهم طريقتي حتكون لتلاجة قهوة واحدة فقط وهي كالتالي :


- 3 ملاعق طعام بن هرري متوسط التحميصة

-2 ملعقة طعام هيل مطحون في التو و اللحظة

-مقدار من الماء المغلي بحجم البكرج

:

الطريقة :


تجيبي بكرج زي دا

الكبير طبعا مو الصغير

تحطي فيه البن والهيل والموية الفايره بحيث ما تمليه لعينه خليه تلاتا ارباع عشان نعطي مجال يطيش

وحطية ع النار وخليكي جنبه وارفعي النار لحد ما تشوفيه قرب يطيش

وطي عنه وخليه 5 دقايق يغلي وطفي عنه خليه في البكرج يهكر دقيقة

وبعدين صفيه في التلاجة .

ازا حابة تحطي ملعقة هيل صغييرة جوة التلاجة براحتك

بس بعض الناس ما يحبو الحتل حق الهيل يجي في فمهم

وبالعافية عليكم

فعلاً احيانا بعض القهاوي ماتنشرب مانستسيغها
حتى لو طريقتك في صنعها ممتازة
المشكلة تكون في البن ونوعيته او الهيل في الغالب
الهيل المائل للون الاصفر يكون نوع رديئ استعملي الهيل الاخضر
واختاري البن الهرري افضل الانواع
والحمسة الوسط اطعم حاجة

يعني اذا تحبيها ثقيلة
ملعقتين ونص بن
خليها تغلي على النار ساعة الاربع احيانا نخليها ساعة
وحطي عليها براس الملعقة الصغيرة خلطة القصيم



واطحني الهيل في وقته ماينفع يكون مطحون

وحطي في ثلاجة القهوة ملعة اكل او ملعقة وربع

وبالعافية
اذا كنتي في مكة بُن (بن لافي مافي اروع منه
تحياتي

انا طريقتي زي طريقه ام انمار