العودة     " فطور مكاوي على أصولو " .. عادات وشعبيات .. على شرف عمدتنا ][ محد مكيفو ][

عدد الضغطات : 13,427مساحة شاغرة
عدد الضغطات : 6,694مساحة شاغرة
عدد الضغطات : 8,739عدد الضغطات : 3,628
عدد الضغطات : 6,305مساحة شاغرة
عدد الضغطات : 3,721

" فطور مكاوي على أصولو " .. عادات وشعبيات .. على شرف عمدتنا ][ محد مكيفو ][


إضافة رد
 
أدوات الموضوع انواع عرض الموضوع
قديم 01 May 2007, 07:37 PM   #1
ضحى غير متواجد حالياً
نَـكهة الشَك واليَقينْ

الصورة الرمزية ضحى

رقم العضويـــة: 10358
تاريخ التسجيل: 28 11 2006
الجــنــــــــس:
انثى
مكان الإقــامة: مَـكـ المُكـَرمَة ــة
المشاركــــات: 5,336
قوة التقييــــم: 0 نقطة
ضحى has a spectacular aura aboutضحى has a spectacular aura about
نقاط التقييــم: 183
آخر تواجــــــد: 14 Feb 2018 (01:21 PM)
الأوسمة
وسام التميز الوسام الذهبي 
المشاهدات: 10705 | التعليقات: 72

" فطور مكاوي على أصولو " .. عادات وشعبيات .. على شرف عمدتنا ][ محد مكيفو ][





~~ بطاقة الدعوة ~~



,

,

,





صبـاحكمـ / مسائكـمـ .. معطر بالرضا والخيرات ..

أتفضلو شاهي بالنعناع المديني .. وجنبو براد حبق موزون .. للحبايب ..

يمكن أنطرحت مواضيع كتيرة تتكلم عن العادات والتقاليد العتيقة لأهل مكة الله يحفظهم من كل شر ..

ولكن اليوم .. حيكون الموضوع مخصص " للفطور المكاوي المعتبر " ..

:::: على شرف عمدتنا محد مكيفو ! ::::

وحنطرح نبذة عن عادة أهل مكة قديماً في الصباح .. وعن أشهر المأكولات في فطورهم .

وعن وقت الفطور وأهميته قديماً وعن العادات الصباحية بشكل عام ..

.. ومقارنة كل ذلك بأيامنا الحالية ..


~
~


ومن الأكلات القديمة في الفطور المكاوي .. " القَــطـُر " ..

حنبدأ بيه فطورنا غداً صباحاً بإذن الله .. وجنبو " عيش شريك " .. حار وطازه .. من اللي يحبو قلبكم

تستطيع أن ترى الصورة بحجمها الطبيعي بعد الضغط عليها

تستطيع أن ترى الصورة بحجمها الطبيعي بعد الضغط عليها

وكمان جايبين " شباتي "



وحقون الصامولي ما نسيناهم

تستطيع أن ترى الصورة بحجمها الطبيعي بعد الضغط عليها


~
~

الدعوة عامة لجميع الحبايب يشرفونا ويشاركونا " الفطور "..

:: ملاحظة ::

ترتيبات الصفرة والصور والدعم اللوجستي حيكون ليّا .. والشرح والإفادة والمعلومات

:::::::: لعمدتنا محد مكيفو ::::::::
 
     
رد مع اقتباس
قديم 01 May 2007, 07:48 PM   #2
حفيدة الحسين غير متواجد حالياً
هاشمية

الصورة الرمزية حفيدة الحسين

رقم العضويـــة: 1199
تاريخ التسجيل: 26 02 2004
الجــنــــــــس:
انثى
مكان الإقــامة: مكه ربي مايحرمني منها
المشاركــــات: 9,389
قوة التقييــــم: 26 نقطة
حفيدة الحسين is on a distinguished road
نقاط التقييــم: 16
آخر تواجــــــد: 01 Jul 2019 (09:59 PM)
الأوسمة
الوسام الفضي 
ليا عوده بس حبيت اثبته مره عجبني
________________________________________



دعوه لتصافي القلوب من غبار الشيطان
أمة محمد صلى الله عليه وسلم لماذا حالك ينحدر كل عام عن أخر؟؟
لماذا قلوب الناس عليها ران وصعب التصافي والحب والتودد بينهم؟؟
  رد مع اقتباس
قديم 01 May 2007, 09:01 PM   #3
ابومؤيد غير متواجد حالياً
مكاوي نشيط

الصورة الرمزية ابومؤيد

رقم العضويـــة: 88
تاريخ التسجيل: 10 01 2003
الجــنــــــــس:
ذكر
مكان الإقــامة: المدينة المنورة
المشاركــــات: 360
قوة التقييــــم: 18 نقطة
ابومؤيد is on a distinguished road
نقاط التقييــم: 10
آخر تواجــــــد: 02 Feb 2009 (12:37 PM)


برضو احنا كمان اهل المدينة نعتبر نفسنا معزووووومين والا كيف تسوو البراد العلاقي من غيرنا

والا السحيرة حقت المدينة من راح يجيبلكم هيا غيري (شريك المدينة)

وجايب معايا الدقة المديني

وياللا منتظرين التعتيمة والفطور الي عليه القيمة

وتسلمي ياابلة مدردرة عالعزيمة

وحابب اقلكم اني جايبلكم معايا الورد والنعناع والدوش والعطرة والحبق واللمام والفل المديني

________________________________________

للتّواصل عبر الـماسنجر ( MSN ) :

gos759@hotmail.com
  رد مع اقتباس
قديم 01 May 2007, 09:12 PM   #4
ضحى غير متواجد حالياً
نَـكهة الشَك واليَقينْ

الصورة الرمزية ضحى

رقم العضويـــة: 10358
تاريخ التسجيل: 28 11 2006
الجــنــــــــس:
انثى
مكان الإقــامة: مَـكـ المُكـَرمَة ــة
المشاركــــات: 5,336
قوة التقييــــم: 0 نقطة
ضحى has a spectacular aura aboutضحى has a spectacular aura about
نقاط التقييــم: 183
آخر تواجــــــد: 14 Feb 2018 (01:21 PM)
الأوسمة
وسام التميز الوسام الذهبي 

الغالية حفودة ...

الله يسعدك يارب لتفاعلك .




:




أبو مؤيد ..

مرحبابك وأهل المدينة في نن العيييييين ..

تشرف وتآنس يا ..


اقتباس:
وحابب اقلكم اني جايبلكم معايا الورد والنعناع والدوش والعطرة والحبق واللمام والفل المديني
تسلم مجايبك يا أبو مؤيد تعيش وتجيب ... هيا لا تنسى الفطور بكره ..

عمدتنا حيكون موجود وحيضيف أشياء قيّمة ..

أسعدني مرورك يا أبو مؤيد .. الله لايحرمنا من أهل المدينة وناسها الطيبة
  رد مع اقتباس
قديم 02 May 2007, 09:27 AM   #5
محد مكيفو !!! غير متواجد حالياً
العمدة


رقم العضويـــة: 1171
تاريخ التسجيل: 21 02 2004
الجــنــــــــس:
ذكر
مكان الإقــامة: مكة
المشاركــــات: 2,735
قوة التقييــــم: 19 نقطة
محد مكيفو !!! is on a distinguished road
نقاط التقييــم: 10
آخر تواجــــــد: 28 Jan 2008 (08:45 AM)
الأوسمة
وسام التميز 

اللهم صلي وسلم وبارك على سيدنا محمد
صبحكم الله بالخير والعافية

قبل الكلام يا ستنا مدردرة كان كتبتي في الكرت
ممنوع دخول الناس اللي نفسهم رتعة
واللي ياكلو بأطراف أصابيعهم


الله يرحم الفطور الحلمنتيشي هادا
المهم الواحد يفك ريقو ويتلبب بدل مايقعد جيعان وبطنو تكركر علين مايتركب الغدا
الله يعز المكاوية كلهم والله ياجماعة
مجتمعنا المكي مليان بالاكلات والاشياء الحلوة بس الناس هجرتها وفلتتها

فطور زي هادا الفطور يمسك الجسم ويدي قوة وصحة وعافية
مو زي دحين البزورة كلهم هفتانين ومضعفين وحتى الكبار كتير ناس
مايفطرو وازا فكرو يفطرو على الخرابيط
( الله يعز النعمة ) قرمش وبطاطش وبيبسي





فضلة خيركم جايبين اليوم فطور ولا في الأحلام
زي منتو شايفين ستنا مدردرة فردت صوفرة طويلة عريضة الله يوسع عليهم
ودحين نعرفكم بالأكلات الموجودة
وكل مين ياكل لقمة ويدوق
يالله لاتتحشدو الوسع في القلوب
وسمو بالرحمن

قطر وطحينة

طحينة بلدي يسووها بالسمسم اول حاجة يحمصو السمسم مزبوط
بعدين يحطوه في المعصرة وينعصر
والقطر اللي يسموه كمانة بعض الناس دبس
هو زي ماتقولو عسل التمر
انتو بالكم دحين لمن تشترو تنكة التمر تلاقو التنكة مدبكة
وشيرتها من برا سودا جربو مرة والحسو باصباعكم الشيرة ودوقوها
تلاقو نفس طعم القطر
ودي من الاكلات الخفيفة واللي تلم العضم في ناس يحطو دمعتين سمن بلدي



القشطة

طبعا كانت طازة تجي كدة مبرومة وطخينة
وبرضو كمان القشطة ناس ترش عليها عسل وناس سكر



الشعيرية


الجاوية تمباع اكياس صغيرة بريال لونها بني
تجيبو الشعرية و تحمصوها مع السمن البلدي والا أي زيت موجود عندكم
صليتو على النبي
وبعدين تحطولها قليل موية يسير تستوي شوية والا بدال الموية كاسة حليب تديها طعم
وبعد ماتستوي يعني زي ماتقولو باقيلها شويتين
ترشو عليها هيل طحون وسكر وان كان ناعم احسن
علشان يدوب ومايقعد يقرقش


حلاوة تركي

مدري تعرفوها والاماقد سمعتو بيها
جيبو صحن توتو غويط شوية حطو بطنو
زيت وخلوه يقدح وبعدين جيبو دقيق فينو أبيض يعني وارموه على الزيت وقلبو الدقيق يمين شمال علين لمن يحمر بس وطو النار علشان لايلدع ويبان الطعم حق اللدعة لمن يتحمر الدقيق جيبو كاسة موية وحطو بطنها سكر وقلبوه مزبوط وارموه على الدقيق وقلبوه مزبوط وبسرعة علشان لا تلصق الحلاة بس وبعدين حطولها لوز
بجلي والا زبيب وفي ناس يحطولها زعفران
يعني على حسب مراقكم

الفول

هادا ابو الفطور وشيء اساسي عند المكاكوة وكل بيت يتفنن في تحضيرو
ناس ترش عليه سمن بري ويتبخر بالفحم
وناس تحط عليه قليل قوطة وبصل
وناس ليمون وفلفل مقطع دواوير صغيرة
وناس بزيت الزيتون ومعاه طحينة

وجمبو الكعك هادا رفيق الفول
واللي مايحب يمشي حالو بالتميس


المعصوب

هادا ياحبايب يسووه بدقيق الحب يسوه اقراص صغيرة مدغبجة شوية
وبعدين يدخلوها الفرن لحد ماتستوي
بس ويندروها من الفرن وهي احارة بدخاخينها ويرموها في القدح ايشكلو القدح
زي الجرة حقت الفول بس مقاسها صغير
ومصنوعة من الخشب يترمي بطنها اقراص عجينة الحب بعد ماتستوي وبعدين يرمو معاها موز ويالله يجيبو المدق زي السكين بس عريض شوية ويدقوه ويهرسوه علين يسير ناعم وطعامتو لمن يكون الموز كتير
وناس تسويه بالقشطة والعسل وبعدين يرشو عليه السمن البري

المطبق

ايوة لاتستغربو المطبق اكلتو صباااااحي
بس دحين قلبو الشغلة وخلوها في الليل
اللي مايعرف المطبق
عجينة يقصوها على شكل مربعات يسموها بطانة تكون متشلوطة على النار على خفيف
وبعدين يفردو عجينة تربيعة كبيرة يسووها
ويحطو في وسطها البطانة ويحطو عليها الخلطة حقت المطبق ( لحمة مفرومة على شويتين قوطة وكرات وبهارات )
ودحين طلعو شغلات جديدة في الحشوة في مطاعم تسوي بالتونة وبالجبن
هادا المالح

اما الحلو يسووه بالموز وناس بالجبن البلدي
اللي يكون حلو وناس بالتمر وناس بالقشطة
المهم يطبقو الاطراف حقتها من جميع الجهات ويرموها على صاج وقليل زيت يقلوها فيه


الهريسة

ايش هيا الهريسة عارفينها والا لأ
يجيبو الحنطة يبلوها من الليل علين الصبحية
ويحطوها في الهوند والا القدح اللي حكيتكم عنو في المعصوب
ويدقوها بشويش علشان يطيرو القشر طبعا القشر مايترمي يمديكم تسو بيه شوربة
بس تجيبو قدر تسلقو بطنو لحم بدون عضم
وترمو عليه الحنطة علين لمن يستوي ويتهري طبعا اللي عندو معصرة والا مطحنة صغيرة يطحنها مع بعضها
ويرجعوها للقدر ويكمروه علين تستوي
وبعدين يحطوها في الزبادي ويترش عليها سمن وقليل سكر بس السكر يلخبط الطعم
علشان كدة كلوها بدون سكر
بس هادي تسويتها صعبة وشغلاااااااااااااانة
علشان كدة اشتروها من الغامدي وريحو
بالكم

هادي الأكلة تنفع في البراااااااااد تلم العضم
هيا وكمانة أكلة تانية يسموها

الحيسة

بدقيق الدخن والتمر والعسل والسمن البري
يخلطو شعبان مع رمضان علين تمسك حيلها
مزبوط يقدموها وياكلوها


العصيدة

وناكلها ايام البراد والا أي وقت تحبو
تجيبو تمر( ولله الامر )
وقليل دقيق حب وناس تدردب وتمشي حالها بالفينو المهم تنخلط مع بعض طيب طيب
وشمموها الحرارة قليل مع سمن بري
او أي زيت موجود عندكم
يعني التمرة تحطوها في قدر وقليل موية علين تنطبخ مزبووووط وتسير محلولة
وبعدين ترمو الدقيق علين تستوي

الكبدة وتوابعها

أحسن نوع كبدة الجملي تغسلوها وتنضفوها
وتقطعوها شقف طويلة ونحيفة
بس وترموها على الصاج قلبتين والتانية وقيدكم غارفينها
لأنو كل ماتقعد على النار تجحش وتسير قاسية زي الحجار حاشا نعمة الله
وفي ناس تفرم بصل وقوطة وتكشنها
وترمي عليها الكبدة وكم قرن فلفل وليمون
والخل حقها للتحديقة
من التوابع التقاطيع والقلوب والكلاوي
وجمبها شوربة حب تنعنش القلب على قولهم


الزلابية

طبعا عارفينها حقت العيد بس هادي يمديهم يسووها في أي وقت مو شرط في العيد

اللقيمات

برضو كمانة معروفة يحطولها حبة سودة وشمر

اللنقطة

ناس تسمي اللقيمات لنقطة
لكن اللنقطة تكون سادة مافيها لاحبة سودة ولا شمر بس دقيق وموية ورشتين ملح

الدبيازة

عاد مين مايعرفها دحين يسووها بالقمر الدين
والقلادة والتين والمشمش ولوز بجلي وسن العجوز وسمن بري


المعمول والغريبة

ايوة هادا من الفطور المكاوي من نص القعدة علين اولات محرم يندروه في الصبحية
مع الشاهي ولا كاسة حليب جمبها

المعجون بالجزر

برضو كمانة من الاكلات المكية
بس مو مشهور عند كل الناس
يجيبو الجزر ويبشروه بالرندا وبعدين ينطبخ
على النار بعد مايشوحوه بالزيت
ويحطولو حليب وسكر وزبيب وهيل وزعفران برضو كمانة طعمو كلام كتير



البيض

هادا بكل أنواعه مخصص لفطور
عارفين انواع البيض
يالله قيدو عندكم

بيض مطجن

ينقدح الزيت وتفقشو البيضتين وتسيبوها
شوية لحد ماتمسك حيلها وبعدين تقلبوها
مع بعض ويسير البيض أوصال صغيرة

بيض قرص

تجيبو البيض وتخلطوه في زبدية وتقلبوه
علين يسير موية موية وبعدين تنكتوه في طاوة والا صينية يسير تقلبوه براحتكم من الجهتين

بيض بالبصل

جيبو البصل وافرموه وقلقلوه مع الزيت والفلفل الاخضر لمن يحمر البصل ارمو عليه البيض شكلو زي المجن بس الفرق في طعم البصل والفلفل
البيض المسلوق
خليني اسمع ماتعرفوه
المهم لمن ترموه جوة القدر حطو عليه قليل خل وملح يسير مع الفوران مايتفقش البيض
وحتى كمانة القشرة تندر قوااااااااام

الشكشوكة

شكشوكة بالقوطة

تسوو كشنة قوطة مع البصل والفلفل
علين تنطبخ وتتسبك ارمو عليها البيض وقلبوها علين يستوي

شكشوكة بالكرات

قطعو الكرات صوغار وارموه جوة الصينية
لحد ماتنشف الموية حقتو وينكمش ويسير قليل بعدين ترمو عليه القوطة المقطعة اوصال صغيرة وكمانة صنو شوية لحد ما تنشف موية القوطة بس وارمو شويتين زيت
وارمو البيض والفلفل الاخضر للتحديقة

الحليب مع الشابورة

وبرضو كمانة الحليب البقري ومعاه بيضة نية بلدي تنشرب على الريق

الجبن البلدي والا المالحة

والا الكشكبان دواير كبيرة كدة لونها احمر
معد في منها دحين على ما اعتقد والزيتون
وقليل ملح دقة




طبعا الفطور اول كان بعد صلاة الصبح
تقوم ست البيت علبال مايجي الرجال من الحرم هو وبزورتو يسير يفطرو سوا
وهادا أيه على الضحوية ازاا جاعو
يجيبو تميسة والا شريكة ويغمسوها مع الشاهي والا وصلتين جبن بلدي

اللي يسمع يقول المكاوية ماهم الا بطنهم
لكن ماشاء الله تبارك الرحمن اللهم صلي على النبي
كلامكم مزبوط علشان الاكل على اصوله
وناس حلوة تفتح النفس على الأكل وكل شي طازة وبلدي مافي كيماوي ولا خرابيط
هيا اقربها دحين البيض كدة طعمو ماتق
مو خلي بالكم الديك مهو ديك زي حق زمان
دحين يجيبو الدجاجة ومدري كيف يسووبها
وترمي بيض قد ايش كترو 20/30 بالفقاصات
مني دار يمكن يحبسو كل دجاجة مع خمسة ديوك علين يصرعوها وتجيب البيض هادا
مني داري اول الدجاجة ان رمت 4/5 حبات كتر خيرها نعرف بيض حلال
مو زي دحين حتى الدجاج انحرف
ههههههههههههههه


يالله ادعولنا دخيلكم من قلبكم دعوة حلوة
ولكم زيها ان شاء الله
في وداعة الرحمن
________________________________________

  رد مع اقتباس
قديم 02 May 2007, 01:35 PM   #6
ابومؤيد غير متواجد حالياً
مكاوي نشيط

الصورة الرمزية ابومؤيد

رقم العضويـــة: 88
تاريخ التسجيل: 10 01 2003
الجــنــــــــس:
ذكر
مكان الإقــامة: المدينة المنورة
المشاركــــات: 360
قوة التقييــــم: 18 نقطة
ابومؤيد is on a distinguished road
نقاط التقييــم: 10
آخر تواجــــــد: 02 Feb 2009 (12:37 PM)
اقتباس:
أسعدني مرورك يا أبو مؤيد .. الله لايحرمنا من أهل المدينة وناسها الطيبة
الله يسعدك ويسلمك ويبارك فيك يا ستي والعين ما تعلى عالحاجب انتو الخير والبركة


اما العمدة ما احد مكيفو

ايش اقلك يا وكيف ابدأ ماني داري

تعال نقعد عالسفرة وناخد الهرجة واحدة واحدة

اقتباس:
قطر وطحينة
ايش الطعامة دي يا عمدة تسلم الأيادي

اقتباس:
القشطة
يجعل صباحك قشطة وبالهنا والعافية

اقتباس:
الشعيرية
اوف عالشعيرية وقت الفطور شيء عجب

اقتباس:
حلاوة تركي
اقتباس:
جيبو صحن توتو غويط شوية
فين نلقى التوتو دحين ياعمدة زبدية ميلأمين عقيل ما تنفع والا صيني تمشية حال يا

اقتباس:
الفول

هادا ابو الفطور وشيء اساسي عند المكاكوة
عاد هذا يا ملك السفرة وعمدة الأكلات ( الا ايش اخبار عم حمزة منسي) والله ما انسى لمن كنا نجي من المدينة ونسوي العمرة بعد صلاة الفجر ومن الحرم على عم حمزة منسي



اقتباس:
المعصوب
ياعيني يا عيني عالطريقة حقتو فين الناس عنها دحين يا عمدة

اقتباس:
المطبق
كلو يا مالح وحلو بس ترى ابغا المالح من غير ومفروووم بس كترولنا الكرااات


اقتباس:
الهريسة
ياحبييييييييييييييييييبي عالهريسة وتتاكل بالملعقة ومرشوش عليها السمن البري ياناااااااس هذا الفطور والا بلاش

اقتباس:
الحيسة
عاد هذه بقوة حقت اهل المدينة تسلمو يا عمدة

اقتباس:
العصيدة
شيء يشد صواميل الركب

اقلك يا عمدة والله اني خارج من العمل ومغلق شغلي وجي البيت ابغا افطر وام مؤيد بتناديني علشان انزل افطر

فلنا عودة للفطور الملكي


بس فين فتة المقادم فين اشياء كثيرة يا عمدة لازم تكملنا السفرة

واتقبلو يا تحياتي وتشكررراتي المدينية المعطرة بالورد والفل والرياحين
  رد مع اقتباس
قديم 02 May 2007, 03:00 PM   #7
حفيدة الحسين غير متواجد حالياً
هاشمية

الصورة الرمزية حفيدة الحسين

رقم العضويـــة: 1199
تاريخ التسجيل: 26 02 2004
الجــنــــــــس:
انثى
مكان الإقــامة: مكه ربي مايحرمني منها
المشاركــــات: 9,389
قوة التقييــــم: 26 نقطة
حفيدة الحسين is on a distinguished road
نقاط التقييــم: 16
آخر تواجــــــد: 01 Jul 2019 (09:59 PM)
الأوسمة
الوسام الفضي 
درة المنتدى ربي يسعدك سامحيني على التاخير
بصراحه موضوع رااائع
والاهم انه فيه قيم غذائيه رااائعه ومااحد يعرفها ياريت اولادنا يعرفوا الله يهديههم
يوم كانو تحت يدي ااكلهم كدا بس كبروا اتمردوا
القطر بالعافيه عليكم مااحبه ماادري ليه ههههه
اما الشريك والكعك مااقدر اقاوم مررررررررررره


نجي لمكيفو ربي يسعدك وينور دربك ويكرمك بالخير مو عارفه اش ادعيلك بصراحه تعجز الكلمات عن اي كلمه شكر لك يا
بصراحه مرررررررررره اشياء رائعه مكويه ترم العضم
بس ممكن طلب بدي عجينة المعصوب لاني اخدتها من ناس قالوا بس دقيق ورشة ملح ومويه مادخلت في مخي ماادري ليه
طيب والطاسه اللي تقول عليها هيا اللي يبيعوها التكارنه بلاشارات الخشبيه ؟
والمطبق بسويه وانزلكم صورته بحول الله واااي شهيتني على مطبق موز وقشطه
وياريت طريقة الحيسة ومعجون الجزر الله يكرمك
عارفه مجغتها بس الله لايرحمنا منك اشتم فيك رائحة احمد <<< بكيت البنت
بصراحه كان يلمنا كل صباح احفاده وياكلنا الفول والكعك الله يرحمه ويخاصم لو اكلنا اكل سوق
وبابا الله يطول بعمره بالليل يخاصم لو واحد من الاولاد قال اكل من برا ويوقل بيض مع كرات يفيد جسمكم
ونسوي المكبق بالبيت ياسلام تاكل اصابعك وراه
وكمان ماما الله يخليها تسويلنا الفطير واللبن البيتي ياسلالالالالالالالالالالام نفسي ادوقكم هو مع الدقه حقتها الله يخليها يارب
و كان الله يرحمه يحب بالليل يقوم يعجن بنفسه الفطير الللللله على ايام
  رد مع اقتباس
قديم 02 May 2007, 04:47 PM   #8
h_attas غير متواجد حالياً
مكاوي نشيط

الصورة الرمزية h_attas

رقم العضويـــة: 12202
تاريخ التسجيل: 10 04 2007
العــــمـــــــــر: 41
الجــنــــــــس:
ذكر
مكان الإقــامة: مكة المكرمة
المشاركــــات: 111
قوة التقييــــم: 13 نقطة
h_attas is on a distinguished road
نقاط التقييــم: 10
آخر تواجــــــد: 26 Jun 2011 (05:41 AM)
ما شاء الله , موضوع رهيب الصراحة يفتح نفس الواحد للأكل , ما قصرتو جميعا
محد مكيفو , ما قصرت الله يحفظك , أسرد كمان لو عندك أكلات خفية اندثرت دحين
دحين الواحد ما سار يفطر إلا قريب الضهر ومو زي أول من الفجرية نصلي من هنا وتنحط الصفرة
الناس صارت تنام وتصحى متأخرة مو زي أوّل .
وحتى زمان الصفرة فيها كم نوع ما شاء الله وتتعبى من أولها لآخرها الله يرضى على حريم زمان
دحين صنف واحد يادوب يسوولك .
دحين الدجاج تقلي يبيضو كتير يا عمي أظن يدوهم إبر هرمونات
على حسب ما بنسمع انتا ما تشوف البيض كيف احيان يجيك كبييييير ههههههههههههه
حتى زمان كانو يسوو اللبنة في البيت على ما أعتقد والجبنة البلدي , ما خليتلنا شي يا عمدة
الله يبارك في عمرك ويكتبلك الطيب في حياتك , وما ننسى كتابة الموضوع مدردة الله يعطيكي العافية انتي كمان
موضوع مرتب والكلام فيه حلو .
________________________________________

صلو على الحبيب / ..
  رد مع اقتباس
قديم 02 May 2007, 06:17 PM   #9
حفيدة الحسين غير متواجد حالياً
هاشمية

الصورة الرمزية حفيدة الحسين

رقم العضويـــة: 1199
تاريخ التسجيل: 26 02 2004
الجــنــــــــس:
انثى
مكان الإقــامة: مكه ربي مايحرمني منها
المشاركــــات: 9,389
قوة التقييــــم: 26 نقطة
حفيدة الحسين is on a distinguished road
نقاط التقييــم: 16
آخر تواجــــــد: 01 Jul 2019 (09:59 PM)
الأوسمة
الوسام الفضي 
افتكرت شي ماادري فيه احد يسويه او لاالجبنه البلدي بعد مايغسلوها يوملحوها وتقسى شويه
في الفطور نحب نقليها بزيت شويه يعني تشويح قليل ياريت اصورها لكم وااااااااو مع كاسة شاي وشريك من جد شي جونان
الله يرحكم حسن
  رد مع اقتباس
قديم 04 May 2007, 02:18 AM   #10
بنفسج غير متواجد حالياً
مكاوي فعال


رقم العضويـــة: 1804
تاريخ التسجيل: 08 07 2004
الجــنــــــــس:
مكان الإقــامة: makkah 4 ever
المشاركــــات: 2,816
قوة التقييــــم: 18 نقطة
بنفسج is on a distinguished road
نقاط التقييــم: 14
آخر تواجــــــد: 26 Jul 2009 (08:20 AM)
يمي يمي ..


أموت أنا على القطر والطحينة ...



بس انا
طول حياتي ما افطر ..



امي الله يرحمها ...
تسوي المائدة قد ايش طولها ..
وتتحايلني افطر ..وانا مالي نفس .....




ما عدا في السنة الجديدة ..


غصبن عن عيني اشرب الحليب ..




ودمتم بعاداااات المكاوية الجميلة ..
________________________________________

الآن

مــكــيّــــات




-- -- -- -- -- -- -- -- -- -- -- -- -- --
«اللهم إني أسألك يا قاضي الأمور ويا شافي الصدور كما تجير
من في البحور أن تجيرني من عذاب السعير، ومن دعوة الثبور ومن فتنة القبور».
  رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 11:28 PM.



Powered by vBulletin® Version 3.8.11
Copyright ©2000 - 2020, vBulletin Solutions Inc.
Ads Management Version 3.0.1 by Saeed Al-Atwi
(Valid XHTML 1.0 Transitional | Valid CSS! | SEO) .
For best browsing ever, use Firefox.
Copyright © 2018 makkawi.com. All rights reserved