العودة     الفرموزه على طريقة مامتي حبيبتي *جربوها..حتحبوها*

عدد الضغطات : 13,926مساحة شاغرة
عدد الضغطات : 7,071مساحة شاغرة
عدد الضغطات : 9,165عدد الضغطات : 3,987
عدد الضغطات : 6,718مساحة شاغرة
عدد الضغطات : 4,139

الفرموزه على طريقة مامتي حبيبتي *جربوها..حتحبوها*


 
 
أدوات الموضوع انواع عرض الموضوع
قديم 13 Jun 2011, 09:41 PM   #1
الكلمه الطيبه غير متواجد حالياً
مكاوي جديد


رقم العضويـــة: 14100
تاريخ التسجيل: 29 07 2007
الجــنــــــــس:
مكان الإقــامة: عالم خيالي أنا فيه لحالي
المشاركــــات: 60
قوة التقييــــم: 14 نقطة
الكلمه الطيبه is on a distinguished road
نقاط التقييــم: 10
آخر تواجــــــد: 18 Oct 2011 (10:21 PM)
المشاهدات: 43888 | التعليقات: 33

الفرموزه على طريقة مامتي حبيبتي *جربوها..حتحبوها*




كيفكم ياأحلى مكاويات

يارب يجعل اوقاتكم عاااامره بالخير والمسرات

اليوم جايبه لكم طريقة الفرموزه وفيه ناس يسموها اليغمش

تعلمتها من مامتي حبيبتي ربي يعطيها الصحه والعافيه

هذي صورتها عشان أفتح شهيتكم



ومعليش حنزل الطريقه حبه حبه عشان أخواتنا الجديدات على المطبخ


نبدا بسم الله

مقدار العجينه وطريقتها

3كاسات دقيق أبيض

ترشي عليها شوية ملح

تفركيها بثلث كاسه زيت لحد ماينخلط الزيت بالدقيق ويصير مبسوس مظبوط



بعدين تصبي عليها مويه لحد ماتصير عجينه لينه وحلوه بس ماتلصق فيدك

تكوريها كور صغيره وتخليها ترتاح بس لحد ماتحضري الحشوه



مقادير الحشوه وطريقتها

تقطعي بصل فماكينة البصل بس تخلي مقاسه وسط مو صغير مره ولاكبير وسط شوفي الصوره



تتبليه بالملح والفلفل الأسود وكثري الملح تطلع اطعم واضغطي على البصل مظبوط لحد مايذبل شويه..




تحطي عليه اللحمه المفرومه وتكون دسمه شويه عشان تطلع دهن على الفرموزه وماتنشف

تتركي الحشوه على جنب وتجهزي صينية الخبز

تجيبي صينيه من هذي التيفال ابداً ماتنفع للفرموزه

تدهنيها بكميه وافره من الزيت وترشي عليها شوية ملح



*هذي من توصيات ست الحبايب*حتى تصير عجينة الفرموزه مالحه ولذيذه من تحت


لف الفرموزه

تاخذي كوره من العجينه وتفرديها بس تخليها سميكه لاتخففيها وتحطي عليها شويه من الحشوه اللي حضرتيها



تقفليها من الوسط



تلمي الأطراف عشان يصير شكلها النهائي مدور





تقلبيها على وجهها وتحطيها في الصينيه

وتكملي لف باقي المقدار اللي عندك



تشغلي الفرن على حرارة180 من تحت بس

تجيبي حبتين بيض وتاخذي الصفار بس تدهني به الوجه بأصباعك على شكل دائره مثل الصوره

لاتستخدمي الفرشه ويضيع تعبك ترى انا مجربه بأصباعك تطلع أحلى



تدهنيها بشكل دائري بس مو على كل الوجه الجزء الوسط بس شوفي الصوره



وبسرعه تدخليها الفرن

تخليها نص ساعه بعدين تشغلي الفرن من فوق وتحمريها شويه



كان مفروض يكون لونها افتح شويه من الصوره بس انا انشغلت شويه وغمقت معليش سامحوني

بركه ماشافتها ماما

خخخ

تقدميها ساخنه وبالهنا على قلوبكم



أنتظر ردودكم ولاتنسوا مامتي حبيبتي من دعواتكم ...

أشوفكم على خير....
________________________________________


التعديل الأخير تم بواسطة الكلمه الطيبه ; 13 Jun 2011 الساعة 09:49 PM
 
     
رد مع اقتباس
 

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 01:56 AM



Powered by vBulletin® Copyright ©2000 - 2021, Jelsoft Enterprises Ltd. TranZ By Almuhajir
Ads Management Version 3.0.1 by Saeed Al-Atwi
(Valid XHTML 1.0 Transitional | Valid CSS! | SEO) .
For best browsing ever, use Firefox.
Copyright © 2018 makkawi.com. All rights reserved