السلام عليكم ورحمة الله وبركاته مساءكم معطر بااحلى ورد مديني




دقـــــــــة مديني

تشتهر المدينة المنورة بالدقة المديني ولاتخلو السفرة الرمضانية منها وفي المدينة المنورة بعض الاطباق التي تنفرد بها عن باقي مدن المملكة زي الزلابيا والشريك الحجري الذي يسميه البعض باسم السحيرة ومن الاشياء التي يتم تقديمها في السفرة الرمضانية المدنية والتي تستخدم كمقبلات إلى جوار طبق الفول واللبن الزبادي هناك مايسمى ((الدقة المديني )) وإليكي سيدتي طريقة إعدادها:

المقادير

1- كيلو واحد كزبرة ناشفة مطحونة ناعمة
2- فنجان شاي (فلفل اسود) مطحون ناعم
3- فنجان شاي كمون مطحون ناعم
4- ملعقتي طعام ملح ليمون مطحون ناعم
5- ملعقتي طعام ملح كمراني مطحون ناعم
6- فنجان شاي سمسم محمص
7- ملعقة طعام واحدة نعناع مديني (حبق) ناشف ومطحون ناعم..

طريقة الاعداد

طبعا ليست هناك طريقة إعداد تذكر بعد تحضير المقادير أعلاه ولكن طريقةتنقية المكونات من الشوائب وغسلها وتجفيفها قبل طحنها تعتبر أهم شيء في الخلطة المذكورة وبعد تجهيز تلك المقادير تخلط مع بعضها في إناء كبير وتقلب حتى تمتزج جميع مكوناتها وتزيد نسب المكونات حسب الرغبة ومن ثم تعبأ في
أواني محكمة الغلق الين نستعمالها..

المدينة حبي

ياآآآسلام على الدقة المديني بالذات مع صحن الفول او القولابة والتميس بالبسكوت او الجبن او الكرات

وكمان تعطي طعم غير مع الجبنة البيضاء واللبنا ::..

واحوبهااكتر مع العيش الصامولي ::....

تسلم يدك يالمدينة حبي

ياهلا والله بالعسل ميمووووووووو الصغيره منوره ياقلبي بطلتك الحلوه اشكرك على مرورك الجميل والمميز يسلمك ربي من كل شر ويكرمك بالخير والسعادة والبركة ربي ياست الكل والله الدوقة مرررره طعمه مع الفول والبيض واللبن وكمان حتي لمن تاكليها حاف بس بالعيش طعمهة وربي يجعلها بالعافيه على قلبك

المدينة حبي

الدقة المديني يآآآآآآآآسلااااام

ماما مررررررررررة تحبها وبسس تشتريها

دحين حنوفر فلوس الدقة ونسويها بنفسنا في البيت

تسللللم يدك..^^

تسلم الايادي الحلوة اخيرا لقيت طريقة الدقة
تعيشي وتحطي مواضيع ياقمر
يثبت في موضوع بنات مكاوي
شكرا لكِ

ياهلا والله بااحلى كرته قديمة منوره ياسكرتي بطلتك الحلوه اشكرك على مرورك الجميل والمميز يسلمك ربي من كل شر ويكرمك بالخير والسعادة والبركة ربي حبيبتي وهي فعلا مررره سهله وحقت البيت انضف واطعم وربي يحفظلك الماما

المدينة حبي

ياهلا والله بالتعمه زهرانيه منوره ياعيوني بطلتك الحلوه اشكرك على مرورك الجميل والمميز يسلمك ربي من كل شر ويكرمك بالخير والسعادة والبركة ربي ياستي انا واشكرك على التثبيت وبعدين ليش ماقلتيلي من زمان انك تبغى طريقة الدوقة مافي اسهل منها

المدينة حبي

.. المدينة حبي ..

أوووووووووووووووه على الدقة ..

أسفها سف ..

بالزات المديني يقولو اطعم شيء ..

وعندنا في الرصيفة التركستاني يبيع دقة مديني أخذ منه بالكيلو ..

يبغالي بعد كدة ما اسويها الا في البيت والبركة فيك ..

ما أطيبها الدقة المديني نفسي أعملها بس راح تواجهني مشكلة


ملح كمراني ما عرفتوا





إذا ممكن تقولي لنا طريقة الزلابية المدني وياريت بالصور


ربي ما يحرمنا منك يالغالية

يعطيك الف عافية غاليتي المدينة حبي

سيلتي الرياقين الله يهديكي ههههههه

”	وعندنا في الرصيفة التركستاني يبيع دقة مديني أخذ منه بالكيلو ..

فين في الرصيفة دااا التركستاني ؟؟؟