عرض مشاركة واحدة
قديم 19 Jan 2005, 05:48 PM   #4
ولد الشاميه غير متواجد حالياً
مكاوي مخضرم

الصورة الرمزية ولد الشاميه

رقم العضويـــة: 1577
تاريخ التسجيل: 20 05 2004
المشاركــــات: 10,329
قوة التقييــــم: 27 نقطة
ولد الشاميه is on a distinguished road
نقاط التقييــم: 10
آخر تواجــــــد: 25 Oct 2006 (12:21 AM)
الأوسمة
وسام التميز 
*·~-.¸¸,.-~*ادردب عليكي يا ستيته ملاك احلى تماسي*·~-.¸¸,.-~*
*·~-.¸¸,.-~*السلام عليكم ورحمة الله وبركـاته*·~-.¸¸,.-~*

اشكرك يا ستيته ملاك على التجاوب الرائع منك في الخبر وعلى التعليق الجميل يا ستي فيه

والله يا ستيته ملاك ما ادري ايش السبب المقنع الا بيخلي الحجاج يفترشوا في الطرقات والشوارع هدول كلهم يا ستي لهم مساكن خاصه لهم وما يدخلوا مكة غير وهما مؤمن لهم كافة احتياجاتهم

اما نقطة زيادة المخيمات هادي بالفعل يبغالوا زيادة في عددهم لانوا بيضايقوا فيها بشكل ملفت وغير مريح لهم وخاصة وقت النوم بس لازم يا ستيته ملاك يكون الحج مشقه وتعب وربنا يتقبل منهم ان شاء الله حجهم ويرجعوا سالمين غانمين

طيب خليني اقلك على الموقف هادا الا سار ليه قبل تقريبا خمسة ايام يا ستيته ملاك في احدى الحواري في مكة المكرمة خلال عملي:
وانا باشرف على منطقه قريبه من الحرم والا دخلت المنطقة يا ستي والاقي اغلبية الحجاج نايمين في الارض , استغربت بصراحه كتير للموقف هادا انا االا اعرفه انو بس يبسطوا ويبيعوا ماشاء الله انما يناموا ويقيموا ما ادري كيف والله . المهم يا ستي جاني هادا الحاجي يقلي هادي سيارتك ولا لا ما يتكلم عربي طبعا انجليزي قلتله لا ماهو مصدقني قلتله طيب حتى لو سيارتي ايش تبغى انا اخدمك قلي ابغاك تجنب السياره من هنا ليه اجنبها طيب يا حاجي قلي ابغى انان هنا وهو ياشرلي على منطقة مررررره صغيره وفيها وصخ الله لا يوريكي يا ستيته ملاك قلتله كيف تنام هنا بالله ما ينفع قلي لا ينفع جلست شويه اتكلم معاه وكم عمرك وزي كده ....
في النهاية قلتله كيف واحد عمره 28 سنه وينام هنا انتا مالك مسكن يعني ولا ايه قلي الا ليه مسكن في هادي البنايه الا وراك واطالع والله بنايه ايه اخر اوبه .... طيب ليه يا حاجي ما تنام هنا في غرفتك في المبني قلي لا ما اغبى حاولت معاه باي طريقة انو يقلي ليه مو راضي.

فشوفي كيف يا ستيته ملاك في حجاج عندهم بعض الاعتقدات في دايناتهم ومذاهبهم غريبه فوق ما تتصوي هادا الحاجي يمكن في باله انو طول ماهو نايم كده ربنا يشوفوا انو جى مكه ونايم تحت ربنا في مكه والله اعلم بنايته بس هادي اغلب نوايا الحجاج في الحج وفي ظاهرة الافتراش كمان والله اعلم , ان لم يوجد سكن خاص لهم وهادي ما اظن لها وجود في الحج لانوا وازارة الحج والاوقاف مستحيل تدخل حاجي غير لمن يكون متوفر لهم سكن خاص ولن لم يكن فتوفر لهم سكن في اسرع وقت ممكن وبرعاية لجنه خاصة من قبلهم حتى ينتهي الامر بكل سرور وطمائنينه

وربنا يتقبل منهم حجهم وصالح اعمالهم انه سميع مجيب الدعوات

وتمنياتي لكي بقضاء وقت ممتع وجميل ومفيد في رحاب قسم الاخبار المكيه بمنتديات قبلة الدنيا

*·~-.¸¸,.-~*ولكي مني خالص التقدير والشكر*·~-.¸¸,.-~*
اخوكي \ ولد الشاميه ( اهل الدهب بالوقيه )
________________________________________

  رد مع اقتباس