سمعت اهل الهوى يقولون
يقولون والكلام فنون
شنو الي جنن المجنون ؟!


مهب لعيون
؟!!









شنو لعيون ؟
سما لعيون ...
بحر لعيون ...
هي شي .... او هي مليون ..
في ناس اتقول : هي الدانه
وهي اللؤلؤ.. وهي المحار
وفي ناس اتقول : اهي المجهول
نبع سحر...او نبع اسرار
في ناس اتقول: اهي مركب
وفي ناس اتقول: اهي ملعب
يقولون : هي نجم براق
ويقولون هي قمر شقاق
واااقوول: شنو القمر لولاك
واقول: شنو البحر لولاك
شنو الالوان ؟
شنو الالحان؟
شنو الكون غير حصى وصبان !!
وشنو الجوهر ولو مكنون









في عين تحكي ولا تنطق
وفي عين تبرق
وفي عين تعطي وفي عين تسرق!
وفي عين مثل الجمر تحرق

بعد عنتر ابن شداد.
وابو زيد الهلالي انصاد!
وقبلهم قوم ثمود وعاد..
ليوم الحشر والميعاد..

من الي في الغزير ماطاح

عزق في العين وهو سباح

لافاده سيفه المسنون,
ولا رده رمحه الذباح
ومثل ماقالوا .... يقولون ...
يقولون والكلام فنون
شنو الي جنن المجنون
مهب لعيون

















في عين تذبح ذبح هادي ..
وفي عين تذبح ذبح سادي !!
وفي عين تاخذك اخذ وردي ..
وفي عين تاخذك اخذ رعدي ..
وكله سلاح وكله ذباح ..
تبي تسلم من الذبحين ..
لاتفتح عين !!
ولا تتبع زين ..


مثل كل شخص سأل نفسه ؟
سألت نفسي: شنو لعيون؟
وظنيت الجواب عندي
وذي.. ردي

وااخرتهاا..

بعد امية سؤال وجواب

وسفره في عيون لاحباب

رجعت محتار!

تبون مني الجواب الصج والمضمون؟

شنو العيون؟
هي لعيون!!! ..










القصيدة للشاعر البحريني الرائع عبدالرحمن رفيع

________________________________________

Tweet