منتديات مكاوي

منتديات مكاوي (https://forum.makkawi.com/index.php)
-   المركب (https://forum.makkawi.com/forumdisplay.php?f=7)
-   -   الفرموزه على طريقة مامتي حبيبتي *جربوها..حتحبوها* (https://forum.makkawi.com/showthread.php?t=94911)

الكلمه الطيبه 13 Jun 2011 09:41 PM

الفرموزه على طريقة مامتي حبيبتي *جربوها..حتحبوها*
 


كيفكم ياأحلى مكاويات

يارب يجعل اوقاتكم عاااامره بالخير والمسرات

اليوم جايبه لكم طريقة الفرموزه وفيه ناس يسموها اليغمش

تعلمتها من مامتي حبيبتي ربي يعطيها الصحه والعافيه

هذي صورتها عشان أفتح شهيتكم

http://im4.gulfup.com/2011-06-13/1307985852764.jpg

ومعليش حنزل الطريقه حبه حبه عشان أخواتنا الجديدات على المطبخ


نبدا بسم الله

مقدار العجينه وطريقتها

3كاسات دقيق أبيض

ترشي عليها شوية ملح

تفركيها بثلث كاسه زيت لحد ماينخلط الزيت بالدقيق ويصير مبسوس مظبوط

http://im4.gulfup.com/2011-06-13/1307981426643.jpg

بعدين تصبي عليها مويه لحد ماتصير عجينه لينه وحلوه بس ماتلصق فيدك

تكوريها كور صغيره وتخليها ترتاح بس لحد ماتحضري الحشوه

http://im4.gulfup.com/2011-06-13/1307981426214.jpg

مقادير الحشوه وطريقتها

تقطعي بصل فماكينة البصل بس تخلي مقاسه وسط مو صغير مره ولاكبير وسط شوفي الصوره

http://im4.gulfup.com/2011-06-13/1307981426191.jpg

تتبليه بالملح والفلفل الأسود وكثري الملح تطلع اطعم واضغطي على البصل مظبوط لحد مايذبل شويه..

http://im4.gulfup.com/2011-06-13/1307981426932.jpg


تحطي عليه اللحمه المفرومه وتكون دسمه شويه عشان تطلع دهن على الفرموزه وماتنشف

تتركي الحشوه على جنب وتجهزي صينية الخبز

تجيبي صينيه من هذي التيفال ابداً ماتنفع للفرموزه

تدهنيها بكميه وافره من الزيت وترشي عليها شوية ملح

http://im4.gulfup.com/2011-06-13/1307981426255.jpg

*هذي من توصيات ست الحبايب*حتى تصير عجينة الفرموزه مالحه ولذيذه من تحت


لف الفرموزه

تاخذي كوره من العجينه وتفرديها بس تخليها سميكه لاتخففيها وتحطي عليها شويه من الحشوه اللي حضرتيها

http://im4.gulfup.com/2011-06-13/1307981426546.jpg

تقفليها من الوسط

http://im4.gulfup.com/2011-06-13/1307981426757.jpg

تلمي الأطراف عشان يصير شكلها النهائي مدور

http://im4.gulfup.com/2011-06-13/1307981427808.jpg

http://im4.gulfup.com/2011-06-13/130798142729.jpg

تقلبيها على وجهها وتحطيها في الصينيه

وتكملي لف باقي المقدار اللي عندك

http://im4.gulfup.com/2011-06-13/13079814275110.jpg

تشغلي الفرن على حرارة180 من تحت بس

تجيبي حبتين بيض وتاخذي الصفار بس تدهني به الوجه بأصباعك على شكل دائره مثل الصوره

لاتستخدمي الفرشه ويضيع تعبك ترى انا مجربه بأصباعك تطلع أحلى

http://im4.gulfup.com/2011-06-13/1307985851931.jpg

تدهنيها بشكل دائري بس مو على كل الوجه الجزء الوسط بس شوفي الصوره

http://im4.gulfup.com/2011-06-13/130798585182.jpg

وبسرعه تدخليها الفرن

تخليها نص ساعه بعدين تشغلي الفرن من فوق وتحمريها شويه

http://im.gulfup.com/2011-06-13/130798657431.jpg

كان مفروض يكون لونها افتح شويه من الصوره بس انا انشغلت شويه وغمقت معليش سامحوني:a45:

بركه ماشافتها ماما:a63:

خخخ

تقدميها ساخنه وبالهنا على قلوبكم

http://im4.gulfup.com/2011-06-13/1307985852433.jpg

أنتظر ردودكم ولاتنسوا مامتي حبيبتي من دعواتكم:a73: ...

أشوفكم على خير....

سمرة 13 Jun 2011 11:09 PM





الله الله وماشاءالله تبارك الرحمان

ياعيييني إيه دا كلو يا عسل إيه الحركتتات.

من حلاوتووو بندعييلك أنا والبنتااات :a71:

واكييييد حلو مش مدهون. باصباعك هههههه

منجد تسلم أيديك وحانجربها بوصية الماما ويعطيكي العافية

ويحفظلك مامتك ست الحبايب و لا يحرمكم منها ياااارب. :a39:



ما يكفينا دا نطمع بالمزييد .... لا. تحرمينا من كل جديد. :a53:






المدينة حبي 14 Jun 2011 01:32 AM

السلام عليكم ورحمة الله وبركاته

ماشاء الله تبارك الله الف من ذكر الله اللهم صل على سيدنا محمد وعلى آله وصحبه أجمعين
الله يحفظلك الماما ويبارك فيها ولا يحرمكم من بعض ويكسبك رضاها ويسلم الماما يارب ويديك الصحة والعافيه ويسلم الايادي على الطريقة الروعه والسهلة راح نجربها وندعيلك يسعدك ربي ويكرمك بالخير والبركة ياسيدي

المدينة حبي

الكلمه الطيبه 14 Jun 2011 01:49 AM


((((سمره))))

ياهلاااااااااااااااااابالغاليين وبأول الواصلين

نور الموضوع بوجودك ياعسل وتسلمي لي ويسلم تشجيعك انتي والبنوتات الحلوات

شااااكره لك مرورك وتعليقك..

وإن شاء الله تجربي فرموزة ماما وتحبيها ...

ومشكوره على دعواتك الطيبه لك مثلها إن شاء الله

الكلمه الطيبه 14 Jun 2011 01:52 AM

(((((المدينه حبي))))))

هلاااابك نورتي

ياعيني على الدعوات الحلوه تسلمي حبيبتي

لك مثلها إن شاء الله ويارب يجعل لي ولمامتي منها اوفر الحظ والنصيب

شااااكره لك مرورك المعطر بذكر الله والصلاه على رسول الله

زين امام 14 Jun 2011 04:45 AM

تسلم ايدك الحلوة ياقمر
شكلها مرة شهية ربي يسعد قلبك الحلو
ان شاء الله نسويها واكيد راح تطلع جنان
طالما من يد ست الحبايب ربي يخليلك هي ياسكر الناس

الكلمه الطيبه 14 Jun 2011 06:31 PM

((((زين إمام)))))

ياعممممري على الكلام المرتب اللي يجبر الخاطر

ربي يجبر بخاطرك حبيتي ومشكوره على اطرائك الجميل

أسعدني مرورك غاليتي..

زهرانية جياد 15 Jun 2011 07:20 PM

تسلمي وتسلم الوالدة
شهييية واكثر :243:
من يد مانعدمها

http://www.redcodevb.com/smiles/smil...orums-0955.gif
تحياتي وتقديري

الكلمه الطيبه 15 Jun 2011 07:38 PM

((((زهرانية جياد))))

يااااهلا بمشرفتنا العسوله

منوووووره الموضوع بوجودك وبوسام التهئه
ههه

مشكووووره ياقلبي يعطيك العافيه

ميموالصغيرة 15 Jun 2011 11:21 PM

ياآآآآآآآآي

ربي يخليلك مامتك على اللاكلة البخاريستانية

دايما ناكلها بس ما نسويها نشتريها من مطعم أخون يلي بالشوقية

ومدام عرفنا طريقتها راح نسويها انشالله برمضان زي وصفتك الطعمة

تسلم الايادي وصحتين عليكم


الساعة الآن 05:15 PM

Powered by vBulletin® Copyright ©2000 - 2021, Jelsoft Enterprises Ltd. TranZ By Almuhajir

Ads Management Version 3.0.1 by Saeed Al-Atwi