|
طريقة عمل الرز الهندي على الطريقة المدينية
السلام عليكم ورحمة الله وبركاته
مساءكم معطر بااحلى ورد مديني
المقادير بصل + ثوم طماطم بطاطس بازلاء لحم مفرومه لبن زبادي رز بهارات ( ملح – فلفل اسود – كمون – هيل – قرفه –ملح ليمون - كزبره ناشفه – زعفران - قطعة ماجي – زنجبيل ناشف ) الطريقة نفرم البصل والتوم ونضيفه على اللحمة المفرومه ونضيف فوقهم الملح والفلفل الاسود والزنجبيل والكمون والكزبرة الناشفه ونقلبهم الين تستوي المفرومه تمام نتركها على جنب نقطع الطماطم صغيره وبعدها نقشر البطاطس ولو كان حجمه كبير نقسمو نصين او تلاته ونتركها على جنب نفرم بصلة كبيرة ونضيف عليها شوية توم وسمن او زبدة ونقلبهم الين تصفر البصلة بعد كدا نضيف لهم الطماطم المقطعة قطع صغيره الين تتبل الطماطم وبعد كدا نحط البطاطس ونقلبهم شويه ونجيب المفرومه المستويه ونحطها على الخلطة ونقلب شويه بعد كدا نضيف مويه ونحط قليل ملح وقطعة الماجي والزنجبيل والفلفل الاسود والهيل والقرفه والزعفران المطحون وملح الليمون وتلاته والبازلاء وتلاته ملاعق لبن زبادي نتركها على النار الين يبق اشويه مويه والين تستوي البطاطس بعد كدا نغسل الرز ونسلقه لوحده وبعد مايتسلق نحطه فوق هادي الخلطه ونفتح النار عليه الين تروح المويه الموجوده كلها السلطة لبن زبادي+ خيار + نعناع مغربي + فلفل اسو وملح وملح ليمون وشوية توم وتخلطها كلها مع بعض وبالعافيه على قلوبكم |
|
|
يسلمووو اختي
|
السلام عليكم ورحمة الله وبركاته
ياهلا والله بااحلى زهرانيه منوره ياعيوني بطلتك الحلوه ربي مايحرمنا من وجودك المميز والحلو يسلمك ربي من كل شر ومكروه ويحلي ايامك وسنينك ويسعدك ربي ويكرمك بالخير ياست الكل المدينة حبي |
السلام عليكم ورحمة الله وبركاته
ياهلا والله بالقمر الحب الوردي منوره ياعيوني بطلتك الحلوه ربي مايحرمنا من وجودك المميز والروعه يسلمك ربي من كل شر ومكروه وييطيب ايامك وسنينك ويسعدك ربي ويكرمك بالخير حبيبتي المدينة حبي |
السلام عليكم ورحمة الله وبركاته
ياهلا والله بالعسل طوق الياسمين منوره ياعيوني بطلتك الحلوه ربي مايحرمنا من وجودك المميز والروعه يسلمك ربي من كل شر ومكروه ويسعدك ربي ويكرمك بالخير ياسكره المدينة حبي |
جوعتيني والله .. شكلها مرة لزيزة وأكييييييد راح اسويها ..
بالله يا عسل لو يوم سويتيها صوريها وحطي الصورة عشان الصور تعبر أكتر من الكلمات ههههههه تسلم الأيادي |
السلام عليكم ورحمة الله وبركاته
ياهلا بالقمر neesah منوره ياسكرتي بطلتك الحلوه ربي مايحرمنا من مرورك المميز والروعه بروعتك يسلمك ربي من كل شر ومكروه ويسعدك ويبارك بعمرك وعافيتك ويكرمك بالخير ياعيوني ابشري ياقلبي بس اعملو راح انزل الصوره لجل خاطر عيونك وبالعافيه على قلبك المدينة حبي |
تسلمين على الوصفة والطريقة ....يمكن دا يلي يسموو بمطبخ العزايم الرز الكابلي
|
| الساعة الآن 07:30 AM |
Powered by vBulletin® Copyright ©2000 - 2021, Jelsoft Enterprises Ltd. TranZ By Almuhajir