منتديات مكاوي

منتديات مكاوي (https://forum.makkawi.com/index.php)
-   الحج و الطوافة (https://forum.makkawi.com/forumdisplay.php?f=81)
-   -   طلب منكم يأهل مكة الغالين (https://forum.makkawi.com/showthread.php?t=101516)

ابومحمدالعامر 03 Nov 2013 12:37 PM

طلب منكم يأهل مكة الغالين
 
السلام عليكم ورحمة الله وبركاته

يأهل مكة سأحل ضيفا عليكم انا ووالدتي نهاية هذا الأسبوع إن شاء الله وسأقيم في أحد فنادق ساعة مكة

وأرغب في إيقاف سيارتي قريباً من الفندق ومواقف محبس الجن وكدي بعيدة عن مكان الإقامة
فهل تدلوني على موقف
قر يب من الفندق او الحرم ولاتسحب السيارة من قبل المرور ؟؟

وكما قيل "أهل مكة أدرى بشعابها"

فأتمنى منكم مشكورين افادتي
والله يفرج هم من ساعدني ويدخله الجنة بلا حساب ولاعقاب

علاوي الحربي 03 Nov 2013 03:29 PM

هلا وسهلا اخوي فيك انا والله ماني من اهل مكه انا من اهل جدة لكن عملت في مكه وعندي خلفيه بسيطه وبفيدك بالي اقدر عليه
انا اقترح عليك تسكن في فندق ابراج شركة مكه هليتون لان هناك فيه موقف للسيارة الساعه ب5ريال تقريبآ اضمن لك ولسيارتك لان جميع الاماكن الي قريبه من الحرم غير مضمونه وقد تسحب سيارتك في اي لحظة والونشات الي في مكه ما يحتاجون توصيه ما شاء الله عليهم لو شافو سيارة واقفه جمب الحرم كأنهم شايفين 100ريال طايحه على طول سحب ما يتفاهمون عشان كذا فيه عندك الرصيفه وكدي ومحبس الجن او توقف سيارتك في مواقف الفندق مثل ما قلت لك والله ييسر لك امورك ان شاء الله....

ابومحمدالعامر 04 Nov 2013 12:55 AM

يعطيك العافية أخوي علاوي وماقصرت
بس أنا حجزت في فندق المروة في أبراج الساعة بناء على رغبة الأهل
لكن ايش اقرب مواقف لوقف الملك عبدالعزيز من الثلاثة اللي ذكرتها ؟

جداوي عاشق مكه 04 Nov 2013 10:50 AM

طلب منكم يأهل مكة الغالين.
 
أخي الكريم / أبو محمد العامر المحترم

السلام عليكم ورحمة الله وبركاته :

أنا زي أخويا علاوي الحربي ماني من أهل مكه

أنا من أهل جده وكذا مره سحبت عليا السياره

من قبل المرور ورحت طلعتها من الحوش وبطلت

أوقف جنب الحرم أحرك من جده على طول موقف كدي

أوقف سيارتي أنا والعائله الكريمه وأوقف ليموزين

أو خصوصي ب10- 15 ريال الين الحرم وأطوف وأسعى

وأخلص عمرتي وآخذ ليموزين ب15-20ألين السياره

وأحسن موقف في كدي جنب

مشروع المللك عبدالله بن عبد العزيزلسقيا زمزم

آخذ معايا ماء زمزم وأحرك على جده

نسأل الله العلي العظيم لك ولوالدتك التوفيق والقبول .


( جداوي عاشق مكه )

علاوي الحربي 04 Nov 2013 12:23 PM

طيب شوف اخوي دامك حجزت عندك خيارين
الاول/انك توقف سيارتك في مواقف ابراج الصفوة وهي جمب فندق المروة ومطله على ساحة الحرم بس تسعيرة الموقف 15 ريال فالساعه
او عندك الاختيار الثاني/وهو انك توقف سيارتك في موقف كدي اضمن لك وحتى اسرع لو بغيت تروح لسيارتك لان موقف الحافلات تحت ابراج مكة الي هي الساعه تطلع الباص دقيقتين وانت عند سيارتك
وبالتوفيق ان شاء الله والله يتقبل منكم ان شاء الله ......

تحياتي لاخوي جداوي عاشق مكة

ابومحمدالعامر 06 Nov 2013 06:22 PM

اخوي علاوي وجداوي مشكورين على ردودكم والله يكتب أجركم


الساعة الآن 07:09 AM.

Powered by vBulletin® Version 3.8.11
Copyright ©2000 - 2019, vBulletin Solutions Inc.

Ads Management Version 3.0.1 by Saeed Al-Atwi