منتديات مكاوي

منتديات مكاوي (http://forum.makkawi.com/index.php)
-   ارشيف الأخبار (http://forum.makkawi.com/forumdisplay.php?f=41)
-   -   (( مساكين طلاب ام القرى )) (http://forum.makkawi.com/showthread.php?t=14207)

ولد الشاميه 25 Dec 2004 01:47 PM

(( مساكين طلاب ام القرى ))
 
http://www.n66n.com/basmla.gif

http://www.okaz.com.sa/okaz/Common/images/LogoDay.gif


:):):)



;;51 ;;51 ;;51 ;;51


مساكين هم طلاب جامعة ام القرى وهم يهيمون في شوارع العاصمة المقدسة مشردين مطرودين من المساكن التي تأويهم خلال دراستهم في الجامعة فبسبب اسعداد اصحاب تلك المساكن لاستقبال الحجاج قبل موسم الحج وقع الطلاب ضحايا ملاك تلك المساكن فكل طالب اليوم استقر به حاله على رصيف احد شوارع العاصمة المقدسة مطروداً من مسكنه وفي ظروف هامة هي بدء اختبارات نهاية الفصل الدراسي التي تتطلب منهم ان يكونوا في افضل الاجواء ا لتي تمكنهم من متابعة اختباراتهم وليس الطرد والبحث عن مسكن اخر يأويهم بدلا من الضياع الذي بدأت اولى حلقاته قبل يومين, فالطلاب انتشروا وقبل يومين في شتى انحاء العاصمة المقدسة يبحثون عن مسكن لهم مهما بلغت قيمته ومنهم من لجأ لاقاربه وهناك من لجأ لفنادق تؤجر الغرفة الواحدة بمئتي ريال لليوم الواحد.. فيا جامعة ام القرى هل يعقل ان يتخبط ابناؤنا هذه الايام في مناظر يندى لها الجبين.
فالطلاب الذين يعيشون هذه الايام فترة اختبار نهائية تتطلب منهم ان يكونوا بداخل مساكنهم حتى الفراغ من الاختبارات وليس التشرد في الشوارع بلا مسكن يأويهم ويهيئ لهم الاجواء المناسبة المطلوبة في هذه الايام ومن الضروري ان توفر الجامعة مسكناً يأويهم وبرسوم مالية زهيدة تخصم من المكافأة الخاصة بكل طالب ولمدة الاختبارات.
ولم تكن مشكلة السكن التي يعاني منها الطلاب هي الاولى من نوعها بل تتكرر المشكلة في كل عام مما يدعو ابناءنا الطلبة لمطالبة الجهات المعنية بضرورة معالجة تلك المشكلة التي لا حل لها في نظره.


«®°•.¸.•°°•.¸¸.•°°•.¸.•°®»انتهى«®°•.¸.•°°•.¸¸.•°°• .¸.•°®»

«®°•.¸.•°°•.¸¸.•°°•.¸.•°®»«®°•.¸.•°°•.¸¸.•°°•.¸.•° ®»

*•~-.¸¸,.-~*ولكم مني التحية والشكر*•~-.¸¸,.-~*
اخوكم \ ولد الشاميه ( اهل الدهب بالوقيه )

:cool:

عباس كرويته 25 Dec 2004 03:02 PM


السلام عليكم ورحمة الله وبركاتة
يسعد مسأك اخي ولد الشامية حقيقتا جامعة ام القرى والمعروفه بجامعة رضا الوالدين عليها ملاحظات كثيرة لا تعد ولا تحصى لكن مشكلة الطلاب هم السبب فيها كيف لما يجي طالب او عدة طلاب يستاجرو شقة بمبلغ 500 ريال الشهر وهم مجموعة يقولو والله رخيصة ويكون شرط صاحب البيت اخلاء الشقة في الحج يوافقو على الشرط بحكم التوفير 500 ريال على اربعة طلاب ايش يعني ولما يجي موعد الاخلاء تلاقيهم في الشوارع ولا زي قبل كم سنه نصبو خيام في الشوارع للفت الانظار اليهم وتجي تطالع في النهايه هم الغلطانين ايش السبب هو سعر الشقة مغري بنسبه لهم واستاجروها بشرطها وفي النهايه في الشارع الله يهدي عباده .

محد مكيفو !!! 25 Dec 2004 04:33 PM

السلام عليكم ورحمة الله وبركاتة
اهل الحب صحييييييييييييييح مساكييييييييين على قول ام كلتوم
هادي اخرة اللي يحب الجامعة يسكن في الشارع
المفروض سكن لحاااالو لطلبة الجامعة تبنيلهم هو ومو مشكلة لو تم حسم نسبة من مكافئات الطلبة علشان يسكنو في السكن
وبيني وبينك من هم اللي يجلسو في الشارع والله يحكوني
اغلب طلاب الجامعة من الطايف ابها من هديك الاوصال يعني الله محملهم
مو فكو جامعة فيصل عندهم في الجنوب ايش يجيب اختهم عندنا
والا العلم مقطع بعضو
ودخيييييييييييييييييييلك لو اتخرجوا رايحين يشتغلو على طووووول؟؟

قالوها اللي يخرج من دارو ينقل مقدارو
واللي اولو شرط اخرو نور
زي ماقال حبيبنا عباس هم وافقو من البداية فياكلو على روصهم
وكل مين ينقي شوكو بيدو

حسام مكاوي 25 Dec 2004 07:53 PM

من الواضح جدا أن الخبر مبالغ فيه من قبل جريدة عكاظ ( كلام جرائد )
وفعلا لو لم يكن هناك اتفاق مسبق مع صاحب العقار لما تجرا على إخراجهم ، ولما وافقوا هم على الخروج ، ولكن العقد شريعة المتعاقدين .

الهبوب 25 Dec 2004 09:09 PM

كلام جرررررايد

ورخيص بريالين

زيزينيا 25 Dec 2004 10:05 PM

لا انا اعترض


بالفعل طلاب الجامعة يحزنوا كل واحد يحط نفسه في هاذا الموقف والله صعــــــــــــــــــــبة


وبعدين المكافئة يعيني شهر تنصرف و3 لا


موكفاية متغربين وشرى اكل من السوووق غيير النقنقة اللي قي العصرية وانصاص الليالي


غييييييير الدخاخين والسجاير غييير اذا راحوا لعبوا بلياردوا بحكم انهم اولاد وغيييير

مصاريف البنزين وغييييير البخششة الزايدو والفنتظة قدام الاولاد اللي مالها داعي


بالله الـ 800 ولا الـ1000 تكفي اييش ولا اييييييش ترى انا ماقلت المذكرات والكتب والملزمات

غييييير الطلبات حقت الاساتذة اللي يطلبوها من النت وغيرو وغيرو


وربي من جد يحزنوااااا

والسبب في تغريبهم من مناطقهم هو الحصول على التعليم العالي

بمعنى انه يتعب كمان 4 سنين وياخدلوا راتب عدل


يعني بدل مايكون راتبه 1000 ريال وهو معاه الثانوية

حيكون 2500 بالجامعية

وانتو عارفين ان الشباب لاوم يكون نفسه وبسررررررررعة وراه جواز

والخ...............



اتمنى من الجهات المعنية تقدير احوال ظروف الطلبة وتيسيييييير امورهم

واسفة على الاطالة

زيزو

ولد الشاميه 25 Dec 2004 10:11 PM

*·~-.¸¸,.-~*ادردب عليك يا سيـدي عباس احلى تماسي*·~-.¸¸,.-~*
*·~-.¸¸,.-~*السلام عليكم ورحمة الله وبركـاته*·~-.¸¸,.-~*

اشكرك يا قمر على المرور على الخبر وعلى التعليق الجميل يا سيـدي عباس

والله للاسف هوا داه الحاصل يا قمر بس ايش نقول غير حسبي الله ونعم الوكيل

المفروض يكون في يا عمي سكن جامعي للطلاب زي جامعة جدة وياخدوا منهم مبلغ معين يعني مو بلوشي واهو ضمنوا السكن بدل البهدله دي الا هما فيها

والله ولي التوفيق وهو ارحم الراحمين

وتمنياتي لك يا قمر بقضاء وقت ممتع ومفيد في قسم الاخبار المكيه بمنتديا قبلة الدنيا

*·~-.¸¸,.-~*ولك مني خالص التقدير والشكر*·~-.¸¸,.-~*
اخوك \ ولد الشاميه ( اهل الدهب بالوقيه )

ولد الشاميه 25 Dec 2004 10:16 PM

*·~-.¸¸,.-~*ادردب عليك يا سيـدي محد مكيفو احلى تماسي*·~-.¸¸,.-~*
*·~-.¸¸,.-~*السلام عليكم ورحمة الله وبركـاته*·~-.¸¸,.-~*

اشكرك يا عم ربيع على المرور على الخبر وعلى التعليق الجميل يا قمر

والله يا عم ربيع في بعضهم غصبن عنهم يجوا جامعات في غير بلدهم الاصليه ومفروض عليهم بيجوا من جميع مناطق المملكه عشان جامعة في جده او في مكه وزي كده حولين جامعات المملكة كلها هادا الحاصل

وبالنسبه لحكاية السكن والله يا عم ربيع المفروض يكون في سكن مخصص لطلاب الجامعة في مكه بس ما ادري ايش الهرجه بالزبط في الموضوع وايش السبب في عدم وجود سكن خاص لهم زي جامعة جده مسلا وغيرها كمان كتير والكليات ... الخ

والله يوفقهم ان شاء الله وينور بصيرتهم للخير والصواب

وتمنياتي لك يا قمر بقضاء احلى واسعد الاوقات في قسم الاخبار المكيه بمنتديات قبلة الدنيا

*·~-.¸¸,.-~*ولك مني خالص التقدير والشكر*·~-.¸¸,.-~*
اخوك \ ولد الشاميه ( اهل الدهب بالوقيه )

ولد الشاميه 25 Dec 2004 10:26 PM

*·~-.¸¸,.-~*ادردب عليك يا سيـدي حسام احلى تماسي*·~-.¸¸,.-~*
*·~-.¸¸,.-~*السلام عليكم ورحمة الله وبركـاته*·~-.¸¸,.-~*

يا مرحبا يا مرحبا سيـدي حسام عندنا في قسم الاخبار نور يا قمر وشرف والله بطلتك الحلوه هادي علينا

اشكرك يا سيـدي حسام على المرور على الخبر وعلى التعليق الجميل يا سيـدي

هوا فيه بصراحه الخبر شوية اضافات على مستوى بس فيه برضوا صحه والله يا قمر -- وفي شي كمان بصراحه انا قلتوا مزبوط الا هوا هرجة ( ولكن العقد شريعة المتعاقدين ) يعني فعلا لمن هما عارفين انو العقد يتهي في وقت معين ليه ما يسبعوا نفسهم من قبلها عشان لا يجلسوا في الشوارع كده

والله يوفقهم وينور بصيرتهم للخير والصواب وربنا ان شاء الله معاهم

وتمنياتي لك بقضاء اسعد واجمل الاوقات في قسم الاخبار المكيه بمنتديات قبلة الدنيا

*·~-.¸¸,.-~*ولك مني خالص التقدير والشكر*·~-.¸¸,.-~*
اخوك \ ولد الشاميه ( اهل الدهب بالوقيه )

ولد الشاميه 25 Dec 2004 10:30 PM

*·~-.¸¸,.-~*ادردب عليك يا سيـدي الهبوب احلى تماسي*·~-.¸¸,.-~*
*·~-.¸¸,.-~*السلام عليكم ورحمة الله وبركـاته*·~-.¸¸,.-~*

اشكرك يا سيـدي الهبوب على المرور على الخبر وعلى التعليق فيه

بس اعتقد يا اخي الكريم مو كل شي رخيص مانخد به ولا انتا ايش رايك في الكلام هادا يا قمر ؟؟؟؟

وفي الجرايد بصراحه بنجد فيها الكم الكبير من المعلومات القيمه بمعنى الكلمة وهادا لا يعني الحكم على الجزء بالكل

وتمنياتي لك بقضاء وقت ممتع ومفيد في رحاب قسم الاخبار المكيه بمنتديات قبلة الدنيا

*·~-.¸¸,.-~*ولك مني التقدير والشكر*·~-.¸¸,.-~*
اخوك \ ولد الشاميه ( اهل الدهب بالوقيه )

ولد الشاميه 25 Dec 2004 10:37 PM

*·~-.¸¸,.-~*ادردب عليكي يا ستيته زيزينيا احلى تماسي*·~-.¸¸,.-~*
*·~-.¸¸,.-~*السلام عليكم ورحمة الله وبركـاته*·~-.¸¸,.-~*

اشكرك يا ستي على المرور الكريم على الخبر وعلى التعليق الجميل يا ستيته زيزينيا

شوفي الا يبغى العلم لازم يصبر عليه ولازم يتحمل وربنا معاهم ان شاء الله ويوفقهم ويديلهم الا كل خير وصواب

وبصراحة الواحد يعجز عن سرد مشاكل الطلاب في جامعة ام القرى من خلال خبر فقط ومالنا غير نقول لا حول ولا قوة الا بالله

يلا طالموا يبغوا العلم لازم يجتهدوا ويتعبوا شويه وكلوا شي باجروا ان شاء الله مافي شي بلوشي يا ستي

والله ولي التوفيق وهو ارحم الراحمين

وتمنياتي لكي بقضاء وقت ممتع وجميل ومفيد في قسم الاخبار المكيه بمنتديات قبلة الدنيا

*·~-.¸¸,.-~*ولكي مني خالص التقدير والشكر*·~-.¸¸,.-~*
اخوكي \ ولد الشاميه ( اهل الدهب بالوقيه )

حسين مشاط 25 Dec 2004 11:43 PM

الطالب :


شخص اعزه الله واذلته جامعة ام القرى

زيزينيا 26 Dec 2004 01:42 AM

من جد كلامك ياحسين مشـــــــــــــــــــــــــــــــــــاط


وربي 100 بـــــ 100



من جد انذلينــــــــــــــــــــــا بس الحمد لله

زيزو

بنفسج 26 Dec 2004 04:57 AM

انا اصدق المكتوب

لانو الجامعات كلها في كوم وام القرى لحالها في كوم
هادولا الاولاد

حتى البنات
مبهدلين في السكن والله مساكين

لما كنت مستوى اول كانو البنات يجو يبكو من القهر ...

الله يعينهم ويخلصهم من الجامعه الهم دي ...

وشكرا لك
اخي
ولد الشامية
...........................

محد مكيفو !!! 26 Dec 2004 06:40 AM

السلام عليكم ورحمة الله وبركاتة
يقلك الموية تكدب الغطاس
واللي يقول الخبر كدب يخليها اسبوع والا اسبوعين ويروح يزل على العوالي والا الكوبري ويلافي الخياااام والتيازير منصوبة
العام الماضي مدري اللي قبلو جاني مشوار هناك والاقيهم مسااااكين في عز البرد جالسين

انا يا ولد الشامية ما اطرد الطلبة اللي جايين من انحاء المملكة
سيب طلاب جدة عاداتنا وتقاليدنا وحدة انا بتكلم على اهل الجنووووب
يحكوني الناس بتسير احيانا حزازيات بين الطلبة ( ياحضري/ يا......) ( والتانين يردو عليهم .....)
وكمان في حاجة مهمة كتيييييييييييير من ابناء مكة مو لاقين محلات في الجامعة
والسبب هدول اهل الطايف والجنوب زي الدوود ياخدو مكان اهل مكة
طيب مو عندهم جامعة جديدة بسطت في بلادهم يروحولها

ولد الشاميه 26 Dec 2004 01:51 PM

*·~-.¸¸,.-~*ادردب عليك يا سيـدي حسين مشاط احلى تماسي*·~-.¸¸,.-~*
*·~-.¸¸,.-~*السلام عليكم ورحمة الله وبركـاته*·~-.¸¸,.-~*

اشكرك يا قمر على المرور على الخبر وعلى التعليق الجميل يا قمر

والله يا سيـدي حسين ان شاء الله ما حد يقدر يذل اي طالب باغي العلم الصحيح

وبعدين يكفي في الحديث القدسي هداك ( كنت اشوفه يا سيـدي حسين ايام زمان في طريق جدا مكه وانا نازل على جده وطالع على مكه يوميا وكان والله مصبرني كتير على التعب حق الطريق والدراسه ) ........
الا قال: (( من سلك طريقا يلتمس فيه علما سهل الله له طريقا الا الجنه ))
والتاني كمان يدعمه ويقول (( من سلك طريقا فيه علما فهو في سبيل الله حتى يرجع ))

وربنا ان شاء الله معاكم وهو ارحم الراحمي

وتمنياتي لك بقضاء وقت ممتع وجميل في رحاب منتديات قبلة الدنيا

*·~-.¸¸,.-~*ولك مني خالص التقدير والشكر*·~-.¸¸,.-~*
اخوك \ ولد الشاميه ( اهل الدهب بالوقيه )

ولد الشاميه 26 Dec 2004 01:59 PM

*·~-.¸¸,.-~*ادردب عليكي يا ستيته زيزينيا احلى تماسي*·~-.¸¸,.-~*
*·~-.¸¸,.-~*السلام عليكم ورحمة الله وبركـاته*·~-.¸¸,.-~*

اشكرك يا ستيته زيزينيا على المرور والتواصل الجميل منك في الخبر وعلى التعليق الجميل يا ستو

مافي شي بلاش يا ستي كلوا شي مقابل شي اخر -- وبعدين نحنا هنا في المملكة ولله الحمد بندرس بلوشي والا فوقها كمان مكافات في البلدان الاخره العربيه نقول بلاشي الاجنبيه برضوا بيدفعوا فلوس على دراستهم وبتطلع عيونهم خلال فترة الدراسه يعني دراسه مزبوطه مو اي كلام على مستوى وتاخدي حقك على الشعرة

طيب ممكن طلب صغير يا ستيته فيه توضيح لبعض الذل الا مريتي بيه بالجامعه عشان بس نعرف ونستزيد اكتر واكتر ويريت تحديده اكتر عشان نعرف ؟؟؟؟

وتمنياتي لكي بالتوفيق ان شاء الله وربنا معاكم ويزيدكم من عمله ومعرفته كمان وكمان

واتمنى لكي قضاء وقت ممتع ومفيد في قسم الاخبار المكيه بمنتديات قبلة الدنيا

*·~-.¸¸,.-~*ولكي مني خالص التقدير والشكر*·~-.¸¸,.-~*
اخوكي \ ولد الشاميه ( اهل الدهب بالوقيه )

ولد الشاميه 26 Dec 2004 02:07 PM

*·~-.¸¸,.-~*ادردب عليكي يا ستيته بنفسج احلى تماسي*·~-.¸¸,.-~*
*·~-.¸¸,.-~*السلام عليكم ورحمة الله وبركـاته*·~-.¸¸,.-~*

اشكرك يا ستي على المرور على الخبر وعلى التعليق الجميل يا ستي وابداء رايك بكل صراحه في الخبر

طيب ايش هيا مرئياتك يا ستيته بنفسج على جامعة الاولاد بالزبط يريت تحديديها اكتر عشان نعرف بس ؟؟؟؟

وبالنسبه لجامعة البنات على حد معلوماتي انو البنات لهم سكن خاص يعني المفروض بيكونوا في استقلاليه خاصة -- ولا يكون بس الغربه عن الاهل هيا السبب في التضجر من السكن ونطلع عيوب مالها اول من اخر ( مع احترامي الشديد لرايك ) -- فيريت يا ستيته بنفسج تقولينا ايش هيا الشكاوي الموجوده على سكن البنات عشان توضح الصوره اكتر واكتر ؟؟؟؟

والله ولي التوفيق وهو ارحم الراحمين

وتمنياتي لكي بقضاء وقت ممتع وجميل في رحاب منتديات قبلة الدنيا

*·~-.¸¸,.-~*ولكي مني خالص التقدير والشكر*·~-.¸¸,.-~*
اخوكي \ ولد الشاميه ( اهل الدهب بالوقيه )

ولد الشاميه 26 Dec 2004 02:16 PM

*·~-.¸¸,.-~*ادردب عليك يا سيـدي محد مكيفو احلى تماسي*·~-.¸¸,.-~*
*·~-.¸¸,.-~*السلام عليكم ورحمة الله وبركـاته*·~-.¸¸,.-~*

اشكرك يا عم ربيع على التواصل الجميل منك في الخبر وعلى التعليق الرائع يا قمر سلمت الايادي يا سيـدي

العفوا يا عم ربيع والله ما اقصد كده -- انا اقصد انو طلاب مكه بتلاقيهم يشردوا على جامعات جده وغيرها كتير وقدامي الشي داه والله بيحصل في الجامعه طيب يا ولدي ليه ما تروح في جامعة قريبة منك في مكه في ام القرى يقلك ما ابغاها ومش عارف ايه وكلام قدي ايش كتروا يطلع عليها فيجي ابن البلد التانيه من الجنوب وياخد محله في الجامعه في مكه -- وجود الحزازيات يا عم ربيع لا بد منها للاسف في مجتمعنا ايا كان ولكن من الممكن ان نتوخى الحزر منها عن طريق العلم الصحيح والمدعم الذي ينمي الفكر والثقافه في عقولنا بشكل صحيح ولا انتا ايش يا رايك يا قمر في الكلام هادا ؟؟؟؟

والله الهادي بس يا عم ربيع وهو ولي التوفيق

وتمنياتي لك بقضاء وقت جميل ومفيد في ظلال منتديات قبلة الدنيا

*·~-.¸¸,.-~*ولك مني خالص التقدير والشكر*·~-.¸¸,.-~*
اخوك \ ولد الشاميه ( اهل الدهب بالوقيه )

حسين مشاط 26 Dec 2004 03:46 PM

من جد محد مبهدلنا الا حقون الطايف وابها والجنوب

ابادهم الله

عليهم عين هب عليهم

واحد من اصحابي طلع لكزس البدوي قلو هب ماشاء الله جديده مافيها ولا خدشه
اليوم اللي بعدو طلع وايت على المكينه انخربت
جا بسيارة السواق بريفيا قلو هب ماشاء الله لحقت تتطلع سيارة تانية وكمان كبيرة
غرزت الاربعة الكفرات وطلعنا كفرين باقي اتنين جا رجعت مرة تانية غرزت الاربعة

ولا عليهم بنات بعشرة رجال ما عندهم الا القبقاب

حمانا الله من عيونهم

محد مكيفو !!! 26 Dec 2004 04:40 PM

السلام عليكم ورحمة الله وبركاتة
جاك كلامي يا ولد الشامية هادا اللي حاسب حسابو
اهل المناطق التانية عايشين في الخلا الخالي والرب عالي
يجو للمدن علشان يطورو الا هم ينفلجوا البعيد بالاشياء اللي عندنا
وعلى قولهم يحسدو الاعمى على كبر عينو

وكلامك يا حبيبي مزبوط هو لوفي دكاترة مخلصين في ام القرى ( سلامة الطيبين ) ماكان هجو واتغربو برا
بس هو حكم القوي على الضعييييف

وهادا حبيبنا المشاط قال قصة البدو اللي عندهم
والله يحفظنا ويحفظكم

الهبوب 26 Dec 2004 10:12 PM

اقتباس:

المشاركة الأصلية كتبت بواسطة ولد الشاميه
*·~-.¸¸,.-~*ادردب عليك يا سيـدي الهبوب احلى تماسي*·~-.¸¸,.-~*
*·~-.¸¸,.-~*السلام عليكم ورحمة الله وبركـاته*·~-.¸¸,.-~*


وفي الجرايد بصراحه بنجد فيها الكم الكبير من المعلومات القيمه بمعنى الكلمة وهادا لا يعني الحكم على الجزء بالكل


*·~-.¸¸,.-~*ولك مني التقدير والشكر*·~-.¸¸,.-~*
اخوك \ ولد الشاميه ( اهل الدهب بالوقيه )


دايماً يا قمووووري.... المواضيع القيمة ..... تكووون ( منقولة )
والجرايد كل من هب ودب بيكتب فيها......
نفت فيها ولا بلالالالالالالالالالالالالاش

ولد الشاميه 27 Dec 2004 01:15 AM

*·~-.¸¸,.-~*ادردب عليك يا سيـدي حسين احلى تماسي*·~-.¸¸,.-~*
*·~-.¸¸,.-~*السلام عليكم ورحمة الله وبركـاته*·~-.¸¸,.-~*

اشكرك يا سيـدي حسين على التواصل الجميل منك في الخبر وعلى التعليق الحلو يا قمر

يا قمر لا فرق بين عربي او اعجمي الا بالتقوى ولا لا وهادا الشي لا يختلف فيه اتنين ولا مووووو ؟؟؟؟

وبالنسبه لصاحبك هادا الا طلع اللكزس المفروض انا كطالب جامعي اعرف اصاحب مين وما اصاحب مين ولا كلامي فيه غلط ؟؟؟؟

ويلا بس له فيها خيرة ان شاء الله ودرس كمان عشان ما يصاحب اي احد او يتكلم مع اي احد من مو جلدتوا

والله يعوضوا خير ان شاء الله وهو الرزاق المتين

والله الهادي يا سيـدي حسين وهو ارحم الراحمين

وتمنياتي لك بقضاء وقت ممتع في رحاب منتديات قبلة الدنيا

*·~-.¸¸,.-~*ولك مني خالص التقدير والشكر*·~-.¸¸,.-~*
اخوك \ ولد الشاميه ( اهل الدهب بالوقيه )

ولد الشاميه 27 Dec 2004 01:21 AM

*·~-.¸¸,.-~*ادردب عليك يا سيـدي محد مكيفو احلى تماسي*·~-.¸¸,.-~*
*·~-.¸¸,.-~*السلام عليكم ورحمة الله وبركـاته*·~-.¸¸,.-~*

اشكرك يا قمر على المرور على الخبر وعلى التواصل الجميل منك فيه وعلى التعليق الجميل يا سيـدي

احترم رايك وفي المقام الاول ولكن يجب ان ناخد بالاسباب ولا يا عم ربيع ونحطها قدام عيوننا

فيريت يا عم ربيع فضلا لا امرا تقولنا ايش الحل الانسب في حل مثل هادي المشاكل في الجامعة ؟؟؟؟

وانا في انتظار تفاعلك وردك في الخبر ولا تتاخر علينا يا قمر

وتمنياتي لكي بقضاء وقت ممتع ومفيد في ظلال قسم الاخبار المكيه بمنتديات قبلة الدنيا

*·~-.¸¸,.-~*ولك مني خالص التقدير والشكر*·~-.¸¸,.-~*
اخوك \ ولد الشاميه ( اهل الدهب بالوقيه )

ولد الشاميه 27 Dec 2004 01:27 AM

*·~-.¸¸,.-~*ادردب عليك يا سيـدي الهبوب احلى تماسي*·~-.¸¸,.-~*
*·~-.¸¸,.-~*السلام عليكم ورحمة الله وبركـاته*·~-.¸¸,.-~*

اشكرك يا سيـدي الهبوب على التواصل الجميل منك في الخبر وعلى التعليق الجميل يا قمر

والله شوف هرجة انو كل من هب ودب بيكتب في الجرايد هادي مافيها اختلاف بصراحه وانا معاك فيها

لكن انو كل موضوع مفيد وطيب ويحتوي على معلومات فهو منقول ما اعتقد من خلال قرايتي الدايمة للجرايد والله اعلم

وتمنياتي لك يا عسل بقضاء وقت ممتع وجميل ومفيد في رحاب منتديات قبلة الدنيا

*·~-.¸¸,.-~*ولك مني خالص التقدير والشكر*·~-.¸¸,.-~*
اخوك \ ولد الشاميه ( اهل الدهب بالوقيه )

محد مكيفو !!! 27 Dec 2004 07:50 AM

السلام عليكم ورحمة الله وبركاتة
الحل انهم يسو سكن خاص للطلاب وباسعار رمزية ويخلوه مخصص للجامعة وما يتأجر في الحج او في رمضان

ولد الشاميه 27 Dec 2004 09:28 PM

*·~-.¸¸,.-~*ادردب عليك يا سيـدي محد مكيفو احلى تماسي*·~-.¸¸,.-~*
*·~-.¸¸,.-~*وعليكم السلام ورحمة الله وبركـاته*·~-.¸¸,.-~*

اشكرك بصراحه يا عم ربيع على التواصل الجميل منك في الخبر والتعليقات الرائعه وابداء رايك الجميل

والله فكره جيده وان شاء الله يادخوا بها ويسمعوها وتكون تحت الانظار يا عمي

واتمنى من جميع الاعضاء الكرام ابداء رايهم في الموضوع

وتمنياتي لك يا قمر بقضاء وقت جميل وممتع ومفيد في قسم الاخبار المكيه بمنتديات قبلة الدنيا

*·~-.¸¸,.-~*ولك مني خالص التقدير والشكر*·~-.¸¸,.-~*
اخوك \ ولد الشاميه ( اهل الدهب بالوقيه )


الساعة الآن 07:03 AM.

Powered by vBulletin® Version 3.8.11
Copyright ©2000 - 2020, vBulletin Solutions Inc.

Ads Management Version 3.0.1 by Saeed Al-Atwi