المساعد الشخصي الرقمي

مشاهدة النسخة كاملة : مطاعم مكة 1+2دمج مطابخ مكة الخاصة بالزواجات والعزائم الكبيرة


shami المسفلاوي
29 Jun 2009, 10:45 AM
نلاحظ هناك من يسأل عن مطعم مميز في أكلة معينةأو محل يشتهر بطبق معين فا حبيت أسوي مرجع الكتروني
مصغر لمن يريد الاطلاع على مطاعم مكتنا الحبيبة

وبالنسبة للمطاعم فهي كثيرة ولكن قد ما قدرت اختصرها لكم أو بمعنى أصح أذكرالمطاعم المشهورة

1- نبدأ بأحب الاحياء الى قلبي (حي الرصيفة ) مطعم الاموي - رغائب للأكل الجاوي - تكتكه - بابا سنفور - الدونة- كودو
- ركن جحا - مطعم الزبداني - عفيف للفول

2- شارع الستين / ماكدونالدز - الباهر والنابلسي وكافتيريا خلود والصاج التركي -فلفة- المطعم اليماني -الدمنهوري-
البيت الافريقي - بيت آسيا- أبو زيد - البيك في احد مايعرفو-كنتاكي - الطازج - بجانب المطاعم المتواجدة داخل سوق
الحجاز اللي نحنا الشباب محرومين منها

3- النزهة والزاهر - جنوب شرق اسياومطعم( لذيذ ليش )هذا بالذات عنده كدا أكلات هندية خفيفة شي يخلي الرايح جي

-دومينوز بيتزا- بيزاهت - اسكندر كباب - مطعم المبشور - مشويات العاصمة

4- أبو لهب مطاعم المندي الشعبية للناس اللي يحبوا الدمك والسرعات العالية

5- العزيزية تقدر تسميها حي المطاعم الجاوية ( المطعم الماليزي - مطعم البويم غير حق الساتي اللي في جرول

مطعم جاكرتا - القرموشي - مطعم ريدان - مطعم ومطبخ حضرموت - خان الخليلي - المطعم التركي - مطاعم حراء - بن علي

-(مطعم فقيه) ما أدري ايش يبغى يخترعلنا غير الطازج - عم سرور

6- الشوقية ( برنية للسمك - كزدورا -مطعم السلام - مطعم جريف - اخون للمنتو والفرموزة - شاورما على الفحم

- اسكندر وكباب - مطعم الرياض

7- مطاعم السمك في خط جده السريع ( الدانة - سمكمك - العنابية ) أسأل العوائل عنها ماشاء الله عليهم


ياليت الناس اللي في الشرائع والنوارية والمناطق البعيدة هذه يقولولنا عن المطاعم اللي عندهم

زهرانية جياد
29 Jun 2009, 11:07 AM
ماشاالله عليك مانسيت شي
راح عن بالك ارياف في ابو لهب جداً رائع وفي المطعم الهندي في جرول مااعرف اسمه

في احياء ماذكرت مطاعمها ولا راح تنزل جزء ثاني زي مطعم الشلظوم والباني والبرجاس والخ الخ

اشكرك اخي الكريم:248:

shami المسفلاوي
29 Jun 2009, 11:12 AM
هنا يا أخوان اللي يبغى كدا أشياء شعبية وأكل أهل زمان

نخش في الهرجة على طول

1- المسفلة ( عم سالم للقيمات واللنقطة في دحلة الولايا ) - مطبق المسفلة -( أبو قدور للسيريه في الاسكندرية )حاجة
جنان -

2- القشلة والبيبان وجرول ( فول الغامدي - مطعم المقادم _ الدومان للكباب الميرو -راس مندي - البويم

للساتي والرز وبس فقط لاغير - مطبق محمد شرف - ( هريسة الجزيرة في الحفاير )

الغزة ( مطبق السندي - )

3- كبيبة الفلق في الجميزة حلو الاسم هذا لكن من جد العنوان

4- الشوقية أبو ياسر للسيريه - العربي للفول و....الخ

5- مطعم نعمة للأكل السوداني في شارع ام القرى

6- محلات الشوربة والتقاطيع ( الكعكية محل عثمان بلو - الشعب خليل خوج - النقا القبوري للكبدة

الجملي - شارع المنصور مطعم الشلال والقناعة - ابو لهب مطعم التوفيق - مطعم في الشهداء ناسي اسمه -


وأعذروني ان كان نسيت شي و جل من لا ينسى

ام هاني المصريه
29 Jun 2009, 11:32 AM
مطاعم مريحه ممكن تعزموني علي اكلت سمك مع الرز

بنت الاجواد
29 Jun 2009, 11:35 AM
ماشاء الله فكره جيده

ويمي يمي على الاموي

بصرآحه الطعميه عنده خطيييره

يعطيك العافيه اخي شامي على هذا المرجع المفيد



اكتشفت انه في مطاعم انا اول مره اسمع عنها

:a28:

shami المسفلاوي
29 Jun 2009, 06:40 PM
تفاعلآ مع ما تم طلبه من أختنا ومشرفتنا العزيزة ( زهرانية جياد )

بذكر بعض المطابخ المشهورة في مكة فهذه اللي جات على بالي

1- مطبخ الجبلي ( خلف كنتاكي اللي في شارع أم القرى مقابل البيك ) هذا أنا أشهدله انه طبخه ممتاز

2- مطبخ الباني ( الخالدية رقم 2 بجوار قاعةالراقية للأفراح )

3- مطبخ محمد ادريس ( أمام كلية التربية للبنات في شارع المنصور )

4- مطبخ الفته ( بجوار ركن جحا اللي في الرصيفة )

5- مطبخ القمرة ( في الجهة المقابلة لموقف جده اللي قبل سوق الحجاز )

وكمان في مطبخ تاني للقمرة بجوار مدرسة الامام السخاوي في شارع الستين

6- مطبخ الولائم ( شارع المنصور مقابل شركة الاتصالات السعودية )

7- مطبخ يوسف يونس ( حي السبهاني )

8- مطبخ غربي عسيري ( حي الزهارين ) ومشهور بطبخ الحنيذ بالمرخ على طريقة أهل الجنوب

وفي الكثير من المطابخ في جبل النور وغيرها في مكة ولكنها لاتتمتع بالخبرة زي المطابخ المذكورة

أتمنى اللي عنده اضافة لايبخل بها علينا

لكن في النهاية اتذكروا انه الناس أذواق

shami المسفلاوي
29 Jun 2009, 06:57 PM
( زهرانية جياد ) طلبك محل التقدير وابشري باللي يطيب خاطرك وشاكر مرورك

( ام هاني المصرية ) الله يكتب لك زيارة مكة وشاكر مرورك

( بنت الاجواد ) بالعافية ياستي وصراحة في مطاعم كتيرة بس المقام ما يتسع لذكرها بس يبغالها لفة حلوة كدا بالسيارة في أرجاء مكة وانتي تعرفيها

شاكر مرورك

عفت99
06 Jul 2009, 03:05 AM
ياحبايبى دلونى على مطعم هندى فى مكه الله يجزيكم خير

shami المسفلاوي
07 Jul 2009, 08:20 AM
يا عفت 99

مطعم مكة في البيبان ومطعم لذيذ ليش في النزهة

والمطعم الصيني اللي في الستين كان يبيع اكل هندي ما ادري اذا الين دحين يبيع ولا لا

بالعافية

أبوعبدالرحمن
20 Jul 2009, 10:37 AM
يا جماعة عندي عزيمة وأبغا مطعم ممتاز يسوي لي مشويات
أنا أجيب له الذبيحة وهو يجهزها لي ويجي يشوي عندي في الاستراحة؟؟

عاشق المسفله
21 Aug 2009, 12:08 PM
ماشاءالله عليك يا شــــــــــــــــامي ياواد متى لفيت عليها هذه المطاعم والمطابخ ه هاهاهاهاها

بعدين عرفت تختار موضوع حساس يهم كل الناس

وبعدين حتى ابو قدور مانسيتوا بس لاتنسى قبل ماتروح لأبو قدور مر على ( برحلو) وخذلك
اللي بالي بالك عشان تهضم السيريه بسرعه


الله يرجك ياشيـــــــــــــــــــــــــــــــــــخ مطاعم احنا ناقصنا سمنه
وحسين موضنه يقول أهم حاجه الهمــــــــــــــــــــــــــــــاز سيبك الهرج

هاهاهاهاهاهاهاهاهاهاهاهاها

shami المسفلاوي
25 Aug 2009, 02:59 AM
يسلمو على طلتك الحلوة

بعدين ليش اضرب مشوار الين ( برحلو ) في الاسكندرية في حسن ابو كبوت خخخخخخخخخخخ

يلا سلام

حبي مكه
28 Aug 2009, 12:48 PM
الله يعطيك العافيه ..لفه حلوووه والله يبغالها رحلة تجارب .

&&بنت الحجاز&&
23 Sep 2009, 03:16 AM
ما شاء الله فكرة متميزة الصراحة وتشكر عليها شامي المسفلاوي ..


الاخت عفت اللي بتسأل عن المطعم الهندي .. في الرصيفة في مطعم مرحبا كان في البداية مأكولات

شامية دحين صار شامي وهندي..وفيلو صالة عائلات ازا حبيتي وممكن تاخدي سفاري..


.
.

كمان الاخ اللي بيسأل عن المشويات بصراحة وعن تجربة ادلك على :: الزبداني :: في الرصيفة

احنا ما ناخد الصواني الا من عندهم وبعدين يعملك المشوي زي ما تبغى يعني ازا قلتلو ما ابغى

سجق مسلاً وكترلي من كباب اللحم او الدجاج يسويلك اللي تطلبه.. وبالعافية يارب


.
.

كمان في مطعم فادان مقابل البنك العربي اللي في الرصيفة مأكولات جاوية .. وفي صالة عوائل


.
.

وفي برضو المطعم الصيني للعائلات اعتقد اسمو "تشاينا تاون " بجوار النوري في الرصيفة



.
.


هادا اللي عندي يلا عيدوووو مزبووووط اشوفكم على خير ..

shami المسفلاوي
24 Sep 2009, 01:34 PM
ماشاء الله عليكي ياأختي ( بنت الحجاز ) غطيتي على الموضوع خلي سوقي يمشي شوية خخخخ

ولاتنسوا مطعم الباني الجديد للأكل الهندي واسمه ( دار بار الباني ) ترى عنده جلسات للعوائل حاجة خيال

فخامة ونظافة وشكل بس بصراحة أنا ما رحت جهة العوائل هذا الوصف على ذمة تلفزيون اشارة الستين !!

&&بنت الحجاز&&
30 Sep 2009, 04:05 AM
8
8
:217:
طب حط العنوان ياسيد ..:a64:

تشوقنا وتروووح كداااا ما يصير:a02:

&&بنت الحجاز&&
02 Oct 2009, 02:53 AM
8
8
:217:
طب حط العنوان ياسيد ..:a64:

تشوقنا وتروووح كداااا ما يصير:a02:


عرفتو عرفتووو << ما يفوتها فايت ولا رز بايت اليوم كنت هناك

جنب الباني اللي بالرصيفة بالزبط ..


الف شكر ياسيد ،،

عاشق المسفله
02 Oct 2009, 06:44 AM
يسلمو على طلتك الحلوة

بعدين ليش اضرب مشوار الين ( برحلو ) في الاسكندرية في حسن ابو كبوت خخخخخخخخخخخ

يلا سلام


أستغر الله العظيم

حرام عليك ياشيخ

جلست اضحك الين قلت ما أبا

كمان أبو كبوت تشوفوا جالس على السيارات جهة المنشيه
:a47:
ويطالع فالرايح والجاي مدري باقي عايش ولا ميت
الله يغفرلنا ويغفرله

:244:

ابهاوية
02 Oct 2009, 08:46 AM
مشكور اخوي على هذا المجهود الرائع
يعطيك العافية
وتقبل ودي واحترامي

shami المسفلاوي
02 Oct 2009, 09:14 AM
بالعافية عليكي اختي ( بنت الحجاز ) ايش رأيك نقسم مكة قسمين انتي قسم وأنا قسم خلينا نجوع اهل

المنتدى ونشوقهم ونجننهم

shami المسفلاوي
02 Oct 2009, 09:20 AM
أستغر الله العظيم

حرام عليك ياشيخ

جلست اضحك الين قلت ما أبا

كمان أبو كبوت تشوفوا جالس على السيارات جهة المنشيه
:a47:
ويطالع فالرايح والجاي مدري باقي عايش ولا ميت
الله يغفرلنا ويغفرله

:244:

لالا تخاف عليه عايش ومبسوط آخر انبساط

shami المسفلاوي
02 Oct 2009, 09:24 AM
8
8
:217:
طب حط العنوان ياسيد ..:a64:

تشوقنا وتروووح كداااا ما يصير:a02:

معليش والله كنت احسب اي مطعم اقولو تعرفيه عشان كدا ماكتبت العنوان

لأني شفتك بتوصفي كم مطعم للزباين قلت بس لقيت مندوب الطلبات الخارجية

سلام

فخوره بديني
16 Jul 2010, 05:56 PM
ياااااااااااا ماشاء الله موضوع رووووووووووووووعه ,<<<<<<<<<<هادا الموضوع اللي عرفني بالمنتدى
سويت بحث عن المطاعم اللي فمكه عن ماكدونالز وكنتاكي طلعلي المنتدى الرائع دا

بسبوسة
18 Jul 2010, 04:49 AM
مجهود رائع مشكوووووور والله يعطيك الف عافيه shami المسفلاوي

لا حرمنا الله من عطر اطروحاتك ....


http://www.redcodevb.com/smiles/smiles/37/www.hh50.com-Photos-Images-Topics-Large-0151.gif (http://www.redcodevb.com/smiles/)

بـــدر الشمــري
23 Jul 2010, 10:00 AM
تسلم الايادي يالمسفلاوي .. بصراحة انا إذا جيت مكة يزيد وزني ههههههههههههه بجد والله أكلات الحجاز مسوية فيني الهووايل , ما أدري وش آخذ ووش أخلي !

وربي أحيانا أسافر إذا كنت فاضي للحجاز "مكة وجدة والمدينة" أجلس هناك طبعا زيارة وصلاة بالحرم , لكن اتفنن بالأكل , ارجع واقول الله على عادات الحجاز وأهلها .

shami المسفلاوي
24 Jul 2010, 05:49 AM
الله يعطيك الصحة والعافية أخي بدر
هو في احلى من الاكلات الشعبية

تسلم ياغالي

shami المسفلاوي
24 Jul 2010, 05:52 AM
بسبوسة
هذا من كثر اللفلفه والدوران في الحبيبة مكة
طلعنا بالمجهود البسيط هذا

مكاوي صغير nice
24 Jul 2010, 07:47 AM
انا اقلكم احسن المطاعم البيــــــــــــــــك يم يم

alsnabick
24 Jul 2010, 03:30 PM
نلاحظ هناك من يسأل عن مطعم مميز في أكلة معينةأو محل يشتهر بطبق معين فا حبيت أسوي مرجع الكتروني
مصغر لمن يريد الاطلاع على مطاعم مكتنا الحبيبة

وبالنسبة للمطاعم فهي كثيرة ولكن قد ما قدرت اختصرها لكم أو بمعنى أصح أذكرالمطاعم المشهورة



2- شارع الستين / ماكدونالدز - الباهر والنابلسي وكافتيريا خلود والصاج التركي -فلفة- المطعم اليماني -الدمنهوري-
البيت الافريقي - بيت آسيا- أبو زيد - البيك في احد مايعرفو-كنتاكي - الطازج - بجانب المطاعم المتواجدة داخل سوق
الحجاز اللي نحنا الشباب محرومين منها





وكافتريا بندروزه

:a18:

إماراتية وأفتخر
24 Jul 2010, 03:38 PM
ما شاء الله .. الله يزيد ويبارك

عاد أحلى شي عندكم "المطاعم الجاوية "

يعطيك العافية يا شامي المسفلاوي وتسلم على الموضوع :)

ابن شعب عامر
24 Jul 2010, 09:26 PM
ما شاء الله عليك يا شامي موضوع متكامل

واهم ما في الموضوع انك ذكرت خليل خوج للمأكولات المكية


عيناوية


اكيد احلى مطاعم المطاعم الجاوية وبالزات لو ذقتي الساتيه يا سلام


ما عندكم مطاعم جاوية مثلنا :a66:





تحياتي ،،،

shami المسفلاوي
25 Jul 2010, 12:14 AM
( مكاوي صغير )
البيك مايحتاج تنبيه واللي خارج مكه يعرفوه لكن من باب ذكره من ضمن المطاعم

( alsnabick )
اوه صح نسيت بندروزه يلا فيك الخير ياعم ذكرتنا

( إماراتية وأفتخر )
مكة الله يعمرها فيها من الطيبات والاكلات لكن أكثرها أكلات شعبية
ومطعم البويم اللي في جرول عنده ساتي شي يخلي الرايح جي

شكرا لكم

shami المسفلاوي
25 Jul 2010, 12:21 AM
حبيبنا ابن الشعب
مايحتاج مطعم خليل خوج والاصناف اللي تتعب الواحد وتخليه يخرج من عنده مايدور غداء ههههههه
بس عنده قانون ياتلحق طاولة فاضية ياماتلحق
نراك على خير
يوم العزيمة ماشبعنا من شوفتك ياقمر

سلام

أم صديق
25 Jul 2010, 01:19 AM
اللهم صل على محمد وعلى آله وصحبه أجمعين

فخوره بديني
01 Dec 2010, 02:35 AM
رفعت الموضوع للأستفاده اكييييييييد دحين الناس بعد الحج يبغوا يدوقوا مطاعم مكه
يامحلا الحجاج في مكتنا حبيبتنا

سبكي شعباوي
03 Jun 2011, 07:51 AM
الشرائع ما فيها الا مطبخ الرياض والشغل كله بداوي

هـآشم آلسليماني
03 Jun 2011, 05:01 PM
احسن مافيها
1- القبوري للكبدة الجملي هذا المحل جنبنا
2- البويم للساتي لا يعلى عليه
3- بن محمد شرف للمطبق جنب البويم ينافس السندي
4- مطابخ الرياض جبل النور >> بدأمستواه بالتدني

رعشة دفا
09 Jun 2011, 10:11 PM
مطعم السلام لرز ابوحمص ويقولو هو مشهور بالمندي لكن ماذقته

ولكن عند مطعم الرياض اللي بالعدل يسويه للاخر حسب طلبك


ومطعم حضرموت للمندي بالعزيزية شي يبيض الوجه

ومطعم بالعمرة قبال البيحاني جدا لذيذ للمندي

ومطعم اسكندر كباب بالشوقية للمشويات فقط شي مضمون دجاج ولحم


المتبل عند الباهر بالستين

شيش طاووق بالدجاج بمطعم فوق بالحكير وكمان السلطات حلوة

وشيش طاووق الدجاج النورس بطريق جدة

ومطعم حراء للكابلي والرز بحمص والايدامات مايعلى عليه كانهاعمل بيتي

المطبق كمان عند الفول الغامدي بالستين جنب التميس

رعشة دفا
25 Jun 2011, 06:33 PM
وافتكرت السمبوسة كانت عند محل عم ابراهيم قبال مدارس المعرفة اظن بالرصسفة
ودحين بطل يعملها لكن عندو كبيبة ايش مقرمشة بطلنا نشتري حقت الفلق

وفيه بالشرائع بس والله ناسيه اسم المحل بس اللوحة كانت زهرية يعني بمبى

بس كانها شغل بيت تجنن وصغار حلوة

عفت99
26 Oct 2011, 12:56 PM
ياحبايبى دلونى على مطعم هندى فى مكه الله يجزيكم خير

اهلا يامنتداي الحبيبوالله وحشتونى ادعولى ان الله يصبرنى امى توفيت بعد ان كانت فى غيبوبه انا لله وانا اليه راجعون