المساعد الشخصي الرقمي

مشاهدة النسخة كاملة : البنت اللي تكلمها في التليفون.. ناقش


The Demon
16 Feb 2007, 12:11 PM
بسم الله الرحمن الرحيم


هل تحترم البنت التي تكلمها في التليفون...والكل يشارك وبصدق



هذا السؤال الذي تم طرحه على مجموعه من الشباب العرب
في مختلف الدول العربيه، وكان على كل منهم ان يجيب عليه
بصراحه دون ذكر تفاصيل عن نفسه فكانت النتائج
شبه متفق عليها، واليكم بعض هذه الاجابات ..



1-
بصدق لا يستطيــع الرجل ان يــثق بفــتاة تحدثت مــعه
مرات عبر الهاتف او خرجت معه بدون علم اهلها وبدون ارتباط
رسمي ولا يستطيع ان يتزوج من فتاه منحته اي شيء
ولو كان بسيطا طالما كان بدون حق ومهما وعدها
واسمعها من معسول الكلام فلن يوفي بوعده
واي فتاه ذكية يجب ان تكون منتبهة لذلك.


2-
ان كل دعوى للحب لا تؤيد بالاقدام الجاد والسريع على الخطبة
ثم الزواج هي دعوة كاذبة وان كل الشباب اذا فكروا في
الزواج لا يختارون التي يغازلونها وتلين لهم وتضحك
معهم وتكلمهم ابدا ابدا فالشباب هدفهم من تلك
الفتاة التي يحادثونها في الهاتف عن الحب
والاخلاص هو ابعد ما يكون
عن الحب والاخلاص.


3-
قالها احدهم لما عرضت عليه الجمع بينه وبين محبوبة الهاتف
في الحلال قالها بالحرف الواحد وبهذا اللفظ: اعـوذ بالله
والله لو تقولي ببلاش. واخر لما عرضت عليه الزواج
اريدها عذراء العواطف وانت لست كذلك وكيف
اثق بك وقد اخذت رقمك من الشارع.


4-
ليس عندي اي استعداد للزواج من فتاه كنت اعاكسها لانني على يقــين
تام بانها كما استجابت لي فقد سبق ان استجابت لغيري وستستجيب
لاخر فضلا عن اني احتقر كل فتاة تسمح لنفسها بالمعاكسه
وانا اكلمها في الهاتف لاحقق غرضي ولكني في داخلي
انظر لها بكل احتقار.



وانتوا ياشباب و يابنات ممكن تعطوني رايكم بكل صدق؟؟؟

تحياتي

الهامور
16 Feb 2007, 02:26 PM
بغض النظر انو لنا في موضوع البنات او لا بس حأجاوبك على حسب اقتناعي

هل تحترم البنت التي تكلمها في التليفون

لو القصد انو احترامها يعتمد على انها تتكلم او لا دون اي شي تاني فأكيد احترمها , ولا يقل احترامها لمجرد انها لها علاقة

بالتلفون .-
بصدق لا يستطيــع الرجل ان يــثق بفــتاة تحدثت مــعه
مرات عبر الهاتف او خرجت معه بدون علم اهلها وبدون ارتباط
رسمي ولا يستطيع ان يتزوج من فتاه منحته اي شيء
ولو كان بسيطا طالما كان بدون حق ومهما وعدها
واسمعها من معسول الكلام فلن يوفي بوعده
واي فتاه ذكية يجب ان تكون منتبهة لذلك.


2-
ان كل دعوى للحب لا تؤيد بالاقدام الجاد والسريع على الخطبة
ثم الزواج هي دعوة كاذبة وان كل الشباب اذا فكروا في
الزواج لا يختارون التي يغازلونها وتلين لهم وتضحك
معهم وتكلمهم ابدا ابدا فالشباب هدفهم من تلك
الفتاة التي يحادثونها في الهاتف عن الحب
والاخلاص هو ابعد ما يكون
عن الحب والاخلاص.


3-
قالها احدهم لما عرضت عليه الجمع بينه وبين محبوبة الهاتف
في الحلال قالها بالحرف الواحد وبهذا اللفظ: اعـوذ بالله
والله لو تقولي ببلاش. واخر لما عرضت عليه الزواج
اريدها عذراء العواطف وانت لست كذلك وكيف
اثق بك وقد اخذت رقمك من الشارع.


4-
ليس عندي اي استعداد للزواج من فتاه كنت اعاكسها لانني على يقــين
تام بانها كما استجابت لي فقد سبق ان استجابت لغيري وستستجيب
لاخر فضلا عن اني احتقر كل فتاة تسمح لنفسها بالمعاكسه
وانا اكلمها في الهاتف لاحقق غرضي ولكني في داخلي
انظر لها بكل احتقار.

يعني يا أخي انت داري انو اللي راح تتجوزها عن طريق اهلك و مالك علاقة سابقة معها

هي اللي بسة مغمضة . واللي تعرفها هي البطالة لمجرد انها تعرفت على واحد زي وجهك .

بمعنى اتجوز وحدة ما اعرف عنها اي شي ولو هي مسوية السبعة و دمتها , وما اتجوز وحدة حتى لو هي بنت كويسة لمجرد

اني عرفتها عن طريق التلفون . صراحة تفكير غريب !!

واخيرا شكرا لموضوعك

The Demon
16 Feb 2007, 03:15 PM
يا هامور الله يعطيك العافية حبيبي


حتى أنا مستغرب من وجهات نظرهم
ومني مقتنع وكلامك عين العقل
بس جلست أفكر في شي غريب

لو البنت دي اللي تتكلم بالتليفون مع واحد

سلمت نفسها وأسترخصت جسمها بين يد
الولد اللي تتكلم معاه

ايش راح تكون وجهة نظرك


أشكرك عزيزي

تحياتي

البختلي
16 Feb 2007, 04:13 PM
احترم هذه الفتاة ولكن بحدود ونوعية العلاقة

اشكرك

الهامور
16 Feb 2007, 05:24 PM
يا هامور الله يعطيك العافية حبيبي

لو البنت دي اللي تتكلم بالتليفون مع واحد

سلمت نفسها وأسترخصت جسمها بين يد
الولد اللي تتكلم معاه

ايش راح تكون وجهة نظرك

تحياتي

هنا يا باشا يختلف الوضع

وطبعا في دي الحالة ما يحتاج فيها كلام ورأي

لانها في دي الحالة تعتبر رخيصة .

تحياتي لك .

حنين الأنين
17 Feb 2007, 12:16 AM
شوف مافي شجره ما هزها الريح
ومافي بنت ما سرلها موقف حتى لو انها ما تكلم الي صار لها موقف مثلا في سوق او او او.....
والكلام الي تقولو سار دقه قديمه بلعكس في شباب في هدا الوقت يتزوجوا بنات يعرفهم
ليش؟؟؟؟ عشان يكون عارفها كويس وحافظها
اما التقليدي ما يعرف عنها ولا شي فيشوك في نيتها ؟

السليماني
17 Feb 2007, 12:57 AM
لا والف لاوين التررررررررررررررررررررررررررررررررررررربيه

مكية انا
17 Feb 2007, 03:26 AM
لا والف لاوين التررررررررررررررررررررررررررررررررررررربيه


كلام السليماني %

التاجر المكاوي
17 Feb 2007, 03:36 AM
أولاً طبعاً فكرة التعرف والكلام في التلفون مع وحدة غريبة مرفوضة ويرفضها الكثير

ولكن إذا واحد يعرف وحدة وله علاقة معها في التلفون أكيد حيكون عارفها مزبوط خاصة لو كان يكلمها فترة طويلة

فهو يقدر يحكم عليها وعلى أخلاقها ويقدر يقرر الجواز منها أو لأ ,,

وشكرا لك على الموضوع

ليقليق
17 Feb 2007, 05:17 AM
ولله في خلقه شؤون

يعني منجد كلام سيدي الهامور يسو ابو شرف وهما نيتهم سيئه ولولا النيه السيئه ماكان رفض وقال انا مدري ايش وما احترها

ياسيدي

الاحترام اساس التعامل مع جميع الناس والفئات وانا احترمها واحطها على راسي بس في حدود معينه


يسعدك ربي

روابـــي الحجاز
17 Feb 2007, 06:23 AM
بسم الله الرحمن الرحيم


كـــلام الاخوان فيه من العقلانية الكثير...

والواحـــد أساساً مايدري عن الناس كلها...

اذا فرضاً انت تكلم وحدة من البنات الي اصلاً ماحترمت نفسها..

هنا يتوقف عليك انت تحترمها او لا ولا الناس مايدريهم عنها... الا ذا كانت خلوقة ومتدينة

وبعدين الي يقول يحترمها او شي الكلام هذا فيه نوع من المبالغه... ويـــــــــــاكثر القصص الي بنسمعها


ويبــنات خليكم ذكيات محترمـــات مصـــونات وبلاش كلام فاضي... وكل وحده ونصيبها في الطريق ان شاء الله

واذا كان على حكاية الزواج فلنأخذ جميعاً بكلام رسول الله صلى الله عليه وسلم..

(( تنكح المرأة لأربع.. لمالها ولحسبها ولجمالها ولدينهـــا فاظفر بذات الدين تربت يداك ))



يعطــــيك العافية أخي.... LoLy4u




في حفـــــــــــــظ الرحمن

مستر راحل
17 Feb 2007, 02:12 PM
كلاً يرى الناس بعين طبعه

المشبك مدبق
21 Feb 2007, 04:41 AM
والله وجهة نظر سيدي الهامور


سليمة


وكمان نوعية العلاقه هيا اللي تحدد

وكمان طريقة تفكير كلا الطرفين

يعني لو الشاب حاطط في باله تسليه وتضيع وقت وصوت نسائي وبس

معناته راسم قاعده انه كل بنت تتكلم معناته تافهه وضايعه والخ ومستحيل يتزوجها ودايما يقول اللي خلاها تكلمني تكلم غيري

لانه هو كدا اساسا

اما لو كان حاطط في باله ونيته طيبه وفعلا هو انسان جاد وعلاقته كانت طيبه

بالعكس على طول راح يفكر بالزواج فيها




وهدا رأيي

وتقبل تحياتي

بشكة إنسان
23 Feb 2007, 09:37 AM
في دا الزمن يالولي انا اخاف على نفسي مو اخاف عليهم

لحسن سارو يلعبو بالبيضة والحجر .


وابسط حججهم بعد ما تلاقي انسب الفرص تقلك أهلي مش موافقين وفيري بالليمون
خخخخخخخخخ.

ورأصني يا قدع


لذلك من وجهة نظري الشخصية وحتكلم بمنتهى الصراحة والشفافية والوضوح واللي مو عاجبه كلامي فمافي داعي يرد عليه او يعلق عشان لا نخش في مهاترات تنتصر فيها الخبرة في النهااااااااااااااااية .




المفروض الواحد يعيش الدور

يعني محترمة ححترمها

تبغى تلعب نلعب

تبغى تستفيد نفيدها

تبغى بغبغة في حلقها برضو لا حرج في ذلك


يعني المسألة اصبحت عرض وطلب . وكلا في سوقه يبيع خروقه .


اما حكاية الزواج فأعتقد دي قناعات شخصية تختلف من شخص لشخص .
عن نفسي ما يمنع اني اتزوجها . ولكن لأسباب المفروض محد يعرفها وليست مشاعة .

بمعنى مش عشان حلوة أو عشان من عيلة أو عشان غنية أو عشان .............الخ من المميزات المشاعة

اذا وصل الواحد فينا لحد القناعة بإنسانة لكونها ولذاتها بعيدا عن اي مؤثرات . ساعتها راح يقف موقف الرجال في الدفاع عن هذه الإنسانة ويحرص كل الحرص على انها تكون من نصيبه.


وللمعلومية اللي يجي بسرعة يروح بسرعة .

أنصحكم خلو جوالاتكم هزاز دايما عشان ينفض الآرقام اول بأول من الذاكرة .؟؟
هههههههههههههه


الله يسهلك يا لولي تنبشلنا مواضيع
بس انما ايييييييييييييه فنتاستك . واااااااااقعية

عقرب مكة
23 Feb 2007, 04:36 PM
السلام عليكم ورحمة الله وبركاته

من الممكن اني اثق في البنت اللي اكلمها بس لو لقيت منها مايدعو للثقه ..
يعني مع الوقت لازم ابني الثقه بنفسي واذا وجدت مايهدم هذه الثقة احاول العودة مرة اخرى لنقطة الصفر وابدأ من جديد
هذا ان كنت بالفعل احببت البنت التي تكلمها بالتلفون !!


وفي الاخيـر الله يكتب اللي فيه الخيـر

king مكة
23 Feb 2007, 09:41 PM
البنت اللي تتكلم مع واحد ماهو محرم لها بنت ماهي متربية






وأكيد الواحد لمن يبغى يتجوز يخطب واحدة ذات خلق ودين






مو واحدة متعرف عليها في الشارع أو بالتلفون





لأنها حتربي أولاده

نور المنتدى
23 Feb 2007, 10:20 PM
السلام عليكم ورحمة الله وبركاته

اولاً أشكر الأخ إلي طرح الموضوع واشكر كمان كل الأعضاء لأن الأغلبيه أحسهم جاوبوا بكل صدق وشافافيه

أما بالنسبه لي ارى أن كل فتاه وقعت في شباك العنكبوت بفتاه مبتلاه من عند الله عزوجل والله المستعان

واسأل الله أن ينقذ كل من وقعت في مثل هذه الشباك

ووجهة نظري هي أنه لا يمكن أن اصدق بأن هناك رجل تزوج فتاه عن طريق النت أو عن طريق الهاتف

وإن حصل ذلك فإني والله واقسم بالله بأن هذا الزواج فاشل ومن المستحيل أن يدوم أكثر من 4 سنوات وربما أقل

وإن دام هذا الزواج من المستحيل أيضاً أن أصدق بأنهما يعيشان سعيدان في ضل الحياة الزوجية السعيده

بالتأكيد سيكون هناك شك وريبه ونفاق وعدم ارتياح كلا من الطرفين للأخر والله المستعان

فنصيحتي لكل شابه ولكل شاب أن يتوقف عن مثل هذه السخافات ويتقوا لله في انفسهم فهي اولاً وأخيراً قامت بعلاقه محرمه فما بالك بنهايتها ؟؟؟؟


اسأل الله الثبات لي ولجميع المسلمين والمسلمات

تحيتي لك وشكراً لك

أختك نواره

اصغر مكاوي
24 Feb 2007, 02:23 AM
ما احترم البنت اللي اكلمها لو كان ايش
عشان هي مو متربية الا لبعض الاسباب
حتى لوكان ناوي على الزواج ما يقدر
عشان هي دحين تكلمو وبعد الزواج
اكيد تكلم واحد تاني غير زوجها

بشكة إنسان
24 Feb 2007, 02:27 AM
انا شايف إنه في سؤال بدأ يفرض نفسه

الأغلبية بيرفض يحترم من يكلمها . واستحالة يتزوجها .


طب ليش نكلمهم ؟؟؟؟؟؟؟


وسؤال آخر

اللي كلمتها وتركتها حيجي غراب غيرك يتزوجها .

وكذلك من تركها الغراب ستتزوجها أنت


المعادلة كدا موزووووووووونة ومية مية


الحداقة احيانا لها ناس

المشبك مدبق
24 Feb 2007, 03:35 AM
ياعيني عليك يابشكه


جبت الديب من ديلوا


انا مااشجع ابدا علاقات وتلفونات ورناات ومسجات والخ

لا بس خلونا واقعيين


يعني انت دحين انت تقول على البنت اللي بتكلمها ماهي متربيه

طيب وانت ؟؟؟ حتقول ( الرجال مايعيبوا الا جيبه )

الكلام الغبي حق كل مره والانانيه

طيب بتقول كمان كيف استئمنها على اولادي اللي حتربيهم

وبتقول بتقول انها غير محترمه ولايمكن انك تتزوجها طيب ليش تكلمها

لانك انسان نذل وتافه ولعاب وبتتسلى وماابغى اقول اكثر من كدا

اذا فعلا انت مقتنع بهذه القناعات فلازم تقنع نفسك اول

يعني بلاش تكلم وتناحل وتكدب واحترم نفسك واحترم قناعاتك

وحاجه كمان يعني انت تبغى وحده ماتعرفها

طيب اش درااك انها كانت تكلم لا وكمان تحب شخص اخر



وانت بامكانك تعرف لو البنت متربيه او لأ

وتعرف اذا هيا بنت حلال ولا لأ

انت بنفسك مو الطريقه اللي اتعرفت عليها




واشكرك لولي مرة اخرى

بشكة إنسان
24 Feb 2007, 04:05 AM
ههههههههههههههههه

أعصابك يا شبووووووووكة

المشكلة الشرع حلل اربعة

ولا كان تلاقي حريمي آخدين نص دليل الهاتف
خخخخخخخخخخخخخخخ

على اعتبار كل من كلمتها اتزوجتها

<<<<<<<< بمزح لحد يصدق لحسن اعرفكم شبطة




في إعتقادي يجماعة إنه كل وقت وله وسائله .

أظن زمان كانو يقولو اللي تطالعلي من الطاقة ما اتزوجها

وايام العصر الحجري اظن كانو يقولو اللي ما تستخدم ورق شجر كبير ؟؟؟؟ ما اتزوجها




اييييييييييييه الحكاية يا اخونااااااااااااااااااا

بنات الناس مش لعبة . خليك واضح وصريح من البداية . والضحك عالدقون البعض يشوفه فهلوة.

ما يدري ابو فهلوة . إنه ممكن يتزوج ويوقع في وحدة عاملة عملية ترقيع .ههههههههههه
ويا كتر العيادات اللي بتسويها


يمكن كلامي شوية خارج عن اللياقة الأدبية . بس ابغى الناس تفوووووووق وتبطل فزلكة زايدة .

لأنه مايوقع الا الشااااااااااااااااطر .


والحمد لله انا في الامور هادي ماني شاااااااطر بل بالعكس دايما على طبيعتي في كل تعاملاتي .

يحبني اللي يحبني يكرهني اللي يكرهني كله مش مهم

المهم انا عايز اييييييييييييه.

عابر سبيل
24 Feb 2007, 04:38 AM
السلام عليكم جميعاً

سؤالي لك يا أخي الكريم هل ترضى لأختك أو بنتك أن تكون لها علاقة مع رجل غريب حتى لو كانت مبنية على الإحترام ؟

أتمنى المؤيدين للموضوع يجاوبوني

مع فائق احترامي و تقديري

بشكة إنسان
24 Feb 2007, 04:46 AM
وسؤال آخر


هل تعرف ماضي من ستتزوجها ؟؟؟


للرافضين يجاوبو

المشبك مدبق
24 Feb 2007, 05:00 AM
برضوا مره تانيه الله ينور عليك بشكتنا العزيزه


معليش انفعلت شويه


بس الكلام استفزني صراحه







طيب الاستاذ / عابر سبيل


ممكن اجاوبك انا


طيب لو بنتي او اختي او قريبتي بيكلموا

طبعا انا ماادري حلوو

وبعدين دريت اش حسوي ؟؟

هل حااضربها طيب ضربتها وبعدين

او هل انا راح امنع عنها كل وسائل الاتصالات طيب وبعدين

هل هيا اقتنعت بشي بالعكس ممكن تعاند وممكن تسير اشياء لاتحمد عقباها

طيب انا لوعرفت لازم اقنعها

يابنتي او اختي الفلان دا اللي بتكلميه

اذا كان فعلا يحبك وشاريكي ويبغاكي

يجي فورا والان يخطبك واذا والله اتحجج بحجج

واعذار واهيهه

فالازم تعرفي انه بيتسلى وكذاب اكيد وبيغير جو وصوت نسائي طري

لازم هيا تقتنع وتعرف الغلط من الصح

ليش علشان تنبي لها قاعده

ماراح اكلم احد ابدا او انا اعرف من الكلام بيني وبينه عن رغبته اذا كان هو لعاب ولا جااد


وانا ماارضى ان بنتي او اختي تكلم لاني اخاف عليهم

لكن احنا اليوم بنواجهه وسائل اتصال يعني زمان كان رقم وورقه وقلم وسوق ولا شارع

لكن اليوم الشارع والنت والجوالات والبلو تووث وغيروا

من الاوبن والاوبشن

لازم تكون هناك قناعات لدى البنت

بس صعب جدا

نشوف واحد قاعد يكلم بنت وانا احبك ومااقدر اعيش من دونك

وحيبكي خلاص وابغى اتزوجك بس الظرووف وماما (( حيشحت مسكين ))

ويطالع في صاحبه وغمزه وضحكه ويميل على صاحبه وبصوت خافت والله لو تكون اخر بنت في الدنيا مااتزوجها
هيا اش رايكم قمة النداله والوقاحه

ياواطي سيبوني عليه


(( نفسي اعطيله دهية علقه اخليه يشووف الكلب يقوول خالي واخده تاني يوم

اشحت به )) يستاهل

بشكة إنسان
24 Feb 2007, 05:03 AM
للأسف منغلقي الحوار
نجدهم دايما يعولو الأمور الى الأم والأخت .............الخ هههههههههههه


خلونا في الواقع وبلاشي نضحك على نفسنا

اسئلة المفاااااااطير والمسلمات دي حجج كتير من الناس بتقنع نفسها بيها داخليا .

بينما البعض في قرار نفسه يشك في التوب اللي هو لابسه .


وأكبر دليل على كلامي إننا بنضحك على نفسنا بنلاقي بنات نص فخضي معاهم جوالات ليييييييييييييييييه ؟

ليه اهاليهم اعطوهم جوالات . اذا كنا بنطبق مبدأ بناتنا محترمين ومؤدبين ومانرضى عليهم الغلط . وبنخاف عليهم !!!!!!

يخويا بتسلموهم اول الطريق وبتقولوهم بس انتبو على نفسكم

هههههههههههههههههه

اوكي حينتبهو على نفسهم بس حيمشو الطريق بأقل الخساااااااائر

ومافي بنت تجي لأهلها تفضح نفسها تقول انا خنت ثقتكم

وعجبي على تفكير



لو علمت الرجال ما يدور من وراها لحلقت لحاهااااااااااا

بنت مكه عسل
24 Feb 2007, 05:45 AM
السلام عليكم ورحمه الله وبركاته
احب ابدي راي في الموضوع واقول
يعني اي بنت كلمتها حتي ولو بالصدفه بالتلفون تقول عنها دي مي متربيه
طيب انا اعرف كتير بنات والله العظيم اتزوجو عن طريق الصدفه مثلا انو اتصال بالغلط وسبحان الله من بدايتها قالها انو غرضو شريف
واتزوجها وخلفو كمان وعايشين احسن عيشه
يعني علي طول تحكم علي البنت من يوم ما ترد عليك او تديك وجه في التلفون تقول عنها بطاله وما اتزوجها وما استامنها علي اولادي
لا دا غلط وكلو يرجع للرجال اذا عرف اخلاق البنت وكيف متربيه ولا لا
وانا براي الشخصي انو الشاب يتزوج البنت وهوه عارفها ويكون عارف اخلاقها ومختبرها افضل من انو امو تخطبلو وحده قال ايش ما تعرف شي ومالها تجارب في الحياه طيب ايش دراك يمكن البنت تكون عارفه قبلك كم واحد
اشكرك لولي علي الموضوع
ياريت شبابانا يغيرو فكرتهم عن البنات لانو اصابيعهم مي زي بعض

بشكة إنسان
24 Feb 2007, 05:54 AM
كلام سليم بنت مكة عسل

لكن للأسف ..... الناس تحب تضحك على نفسها وهيا عارفة كدا

مين يوقف قدام المرايا وما يستعجب من نفسه ؟؟؟

الا القلة القليلة فقط . اللي يدركوا إن المرايا ماهي الا عاكس صورة وليس فعل

بنت مكه عسل
24 Feb 2007, 06:02 AM
صادق والله ياسيدي بس ايش نقول هذا حال شبابنا دحين
تفكيره غريب

عابر سبيل
24 Feb 2007, 06:07 AM
السلام عليكم ورحمة الله و بركاته

طبعاً مو كل إنسان يقدر يعرف ماضي زوجته لكن ما أعتقد إنو شي مهم جداً إنو يعرف لأنو حياتو معاها تبدأ من يوم ما خطبها ، وما أنكر إنو في احتمال تكون لها علاقات في الماضي لكن في نفس الوقت في احتمال كبير تكون أبيض يا ورد وما عندها قابلية أساسا تتعرف أو تكلم شاب و دا احتمال معدوم في حالة زواج العلاقات التلفونية و ما يمكن أن يتبعها من تجاوزات قبل الارتباط ، لأنو في حاجز من حواجز الحياء أنكسر .
ويكفي إنو الواحد يبدأ حياتو الزوجية بداية صحيحة و سليمة شرعاً و عرفاً ، و يخلص النية و يدعي الله عز و جل إنو يرزقو بنت الحلال اللي تخاف الله وبعدين يسأل و يبحث عن العوايل الطيبة الحريصة على التربية السليمة و أعتقد إنو كدة عمل اللي عليه ، وإذا ربنا ابتلاه بإنسانة بطالة بعيد عننا و عنكم عشان يختبرو أو لحكمة إلهية معينة فهذا الاحتمال وارد أيضاً في زواج العلاقات التلفونية و نسمع عن حالات كتير بدأت بحب جارف قبل الزواج و انتهت بخيانة عظمى بعد الزواج .
ويتهيألي إنو ارتفاع معدلات الطلاق و فشل العلاقات الزوجية في وقتنا الحالي له علاقة بالانفتاح والعولمة و اتساع فرص التعارف بين الجنسين فيما لو عملنا مقارنة بالماضي حيث كان الزواج التقليدي هو السائد من منطلق التعاليم الدينية أولاً ثم التمسك بالعادات و التقاليد الصحيحة .

و جواباً على سؤالك أخي العزيز بشكة :
قال صلى الله عليه و سلم: (عفوا عن نساء الناس تعف نساؤكم)
و معنى الحديث الشريف واضح .
وعلى قولة أهل المثل : دقة بدقة ، و إن زدت زاد السقا

هذا من وجهة نظري الشخصية المتواضعة والله أعلم ...

احترامي و تقديري

المشبك مدبق
24 Feb 2007, 06:14 AM
ممكن نختلف في وجهات النظر

لكن كل واحد حر في رأيه لكن لازم نفهم

ونقيسها صح من جميع النواحي


يعني يمكن البنت اللي كنت بتكلمها في يوم من الايام ورفضت انك تتزوجها

بسبب احدى قناعاتك الغبيه

وقلت لامك روحي اخطبي لي



وطلعت الخطيبه هيا نفسها البنت اللي كنت بتكلمها

هههههههههههه مقلب

صح ولا مو


وربي سارت وحتسير كل ماكان كدا تفكيركم

المشبك مدبق
24 Feb 2007, 06:21 AM
اخي العزيز .. عابر سبيل


كلامك ماعليه غبار

والله يوفق الجميع ويختار لهم الخير ان شاء الله


لكن احنا بنرد عن هادي الجمله او الفكره


(( البنت اللي بكلمها مااحترمها ولا اتزوجها ))




ليش ايش المانع ؟؟

جاوبني


ويمكن تكون فعلا اول مره تكلم شاب

ونيتها طيبه


اخي الكريم


انا فعلا ضد هذه المكالمات والعلاقات

اللتي ممكن تبؤ بالفشل او النجاح

لكن ليش بعد مايعشمها ويكلمها ويعلقها يقووول

انها لاتصلح للزواج
ليش ؟؟؟؟


اقرأ ردي فووووق لو سمحت


وتقبل تحياتي

عابر سبيل
24 Feb 2007, 06:33 AM
السلام عليكم ورحمة الله و بركاته

أخويا بشكة مين اللي قال إنو منغلقي الحوار هم اللي يعولوا الأمور للأم و الأخت ، يا ريت تقولي هي قاعدة معروفة أو مقولة شهيرة أو وجهة نظر شخصية ؟

بعدين يا سيدي الفاضل الإنسان مين عندو أعز من أمو أو أختو عشان يحبهم و يخاف عليهم و يتمنالهم الخير ، يعني مافيها حاجة إذا كان الموضوع يخص الجنس الناعم و ضربنا مثال و أقحمنا فيه الأم و الأخت إلا إذا ثبت إنو دا من صفات منغلقي الحوار زيما أتفضلت ففي الحالة دي أنا أعترف لك إني منغلق و متقوقع كمان .

بعدين حضرتك علقت على كلامي من غير ما ترد على سؤالي بينما أنا جاوبت على سؤالك و ما أتجاهلتو ... إلا إذا لك طريقتك الخاصة في الحوار فأنا أحترمها و ما راح أعتبرك منغلق حوارياً ...

و في النهاية هو اختلاف في وجهات النظر ...

احتراماتي ...

بشكة إنسان
24 Feb 2007, 06:41 AM
اوكي يا سيدي عابر سبيل

كلام تقليدي ومنطقي . ومعمول به في معظم عوايلنا .

بس هادا لايعني إني بالطريقة هادي حتزوج وحدة خاااااااام مع ختم الجودة ؟ . مو شرط ......... في زمن اصبحت فيه البنت الخام عملة نادرة وانا أجزم انها عملة نادرة . ولا اقصد بالتعميم هنا سووووووء سلوك لا سمح الله . ولكن البسة المغمضة الا مع الوقت عيونها تتفتح .
زي ما قلتلك ممكن تكون مصيبة المصايب . وماضيها اسود واكيد مااراح ابحث عن ماضيها . بس ممكن تكتشفه مع الايام ويسير الألم ألمين . الم الصدمة وألم الندم

وفي نفس الوقت لا يعني اللي كلمتها تكون انسانه بطالة . أو مش متربية .

فليش نسمح لنفسنا كشباب نكلم عشرومية بنت وعند الزواج نقول إحنا عيال ناس ولازم نتزوج تقليدي .

احنا بهادي التصرفات اصبحنا قليلي التربية لعدم وجود مصداقية اساسا في حياتنا .


يا سيدي الفاضل عابر سبيل بعيدا عن الشرع وعن والدين

إحنا بنتكلم عن مشكلة إجتماعية أطرافها انا وانت وهيا وهدييييييييييك .

ولو كنا بنرجع امورنا كلها للشرع والدين ماكان هادا حالنا .


مافي انسان ما يخطيء يباشا . كتير بنات اخطاءو . وحاولو يعالجو اخطاءهم بالستر والزواج والعودة لله عز وجل . واصبحو ازواجهم تاج على رؤوسهم .

لانملك لأنفسنا سوى إخلاص النية متى ما خلصت . صدقني إن كنت إنت طيب حتلاقي البنت اللي أطيب منك . حتى لو عرفتها عن طريق نت او تليفون او حتى اتقابلتو في كوكب زحل .


بمعنى آخر يباشا

لاتفقد ثقتك في نفسك لأنه بالتأكيد حتفقد ثقتك في الأخرين . وهادا اللي بييصير للأسف في كتير من حالات بين الشباب والبنات

واذا سمحتلي حسألك سؤال واضح وصريح . إنت ايش هدفك كونك تكلم بنت ؟؟ وما اعتقد ما صادفت انك كلمت بنت ؟؟

حستنى منك إجابة اذا ماكان عندك مانع .


الآن يا سيد الناس العلاقات اصبحت مفتوحة بس للأسف الناس عندنا عقولها مقفولة .

وأعطيك مثال

واحد شحط كبير يتصل على شركة بيستفسر فردت عليه بنت موظفة فبعد المكالمة . عقله حيطير بسبب صوتها وقعد يضرب اسداس في اخماس وظن في البنت كل الظنون ( لاحظ هو بس سمع صووووووووت )

لأنه انسان منغلق اساسا .


يخويا دي موظفة وبتأدي وظيفة . صوتها حلو ملكة جمال هادا شي ما يخصني . إنت اقضي شغلتك ومشكورة ومجملة ماقصرتي

الناس هنا عندنا لسه ما ارتقت لمستوى التعامل وكيف نتعامل وخصوصا مع الجنس الناعم اللي اصبح ميدانيا يمثل شريحة لا باس بها إن كان في مستشفيات او مراكز او ............ الخ

فمن هادي العينات يا عابر سبيل تقدر تحكم على تفكير كتير من الناس . فمابالك الشباب اللي لاهم له سوى التسلية وفي الأخير يطلع راجل ويروح يتزوج ( بنت بارم ديله )


عالعموم انا احترم وجهة نظرك بس كل اللي ارجوه إنه ما نظلم بنات الناس

واللي يخاف الله لا تخاف منوووووو


واتمنى ترد على سؤالي

واشكرك جزيل الشكر على اسلوبك الراقي في النقاش

ربي يسعدك

المشبك مدبق
24 Feb 2007, 06:46 AM
وانا كرسي هنا !!!!!!!

بشكة إنسان
24 Feb 2007, 06:51 AM
عابر سبيل يباشا

أخويا بشكة مين اللي قال إنو منغلقي الحوار هم اللي يعولوا الأمور للأم و الأخت ، يا ريت تقولي هي قاعدة معروفة أو مقولة شهيرة أو وجهة نظر شخصية ؟

أي عاقل في الدنيا

راح يجاوبك على سؤالك حيقلك لأ طبعا .

وبكدا يكون انتهى الحوار .



الا ترى يا سيد الناس أن ما يحدث قد يكون ظاهرة خلف الكواليس وقد تظهر للسطح فجأة كعملاق لا نستطيع قتله .

وخصوصا اذا اغلقنا الحوار بمثل سؤالك .


أطلق العنان يا سيدي عابر سبيل . شوف اسباب المشكلة . هل يوجد حلول
كيف نزرع الثقة في الناس

كيف ممكن نغير من نظرتهم .

كيف نحترم بنات الناس . بتليفون او من غير تليفون

هل كل حالات الطلاق للمتزوجين عن حب

ام ان الزواج التقليدي مدعااااااااة فيما بعد للبحث عن الزوجة او الزوج الأفضل ويتم الطلاق

ام أن الزواج التقليدي مدعاة للخيانة الزوجية . لعدم تكافؤ الاطراف عن سابق معرفة

وهل فترة الخطوبة كااااااافية لإصدار صك بعدم الطلاق ؟؟؟

وقس على ذلك من تساؤلات واستفهامات تحتاج الى ايضاح

وليس الى إغلاق


حتى لا ينبت على اجسادنا ريش النعاااااااااام ؟؟؟؟؟

معموله بالتمر
24 Feb 2007, 08:54 AM
اوكي يا سيدي عابر سبيل

كلام تقليدي ومنطقي . ومعمول به في معظم عوايلنا .

بس هادا لايعني إني بالطريقة هادي حتزوج وحدة خاااااااام مع ختم الجودة ؟ . مو شرط ......... في زمن اصبحت فيه البنت الخام عملة نادرة وانا أجزم انها عملة نادرة . ولا اقصد بالتعميم هنا سووووووء سلوك لا سمح الله . ولكن البسة المغمضة الا مع الوقت عيونها تتفتح .
زي ما قلتلك ممكن تكون مصيبة المصايب . وماضيها اسود واكيد مااراح ابحث عن ماضيها . بس ممكن تكتشفه مع الايام ويسير الألم ألمين . الم الصدمة وألم الندم

وفي نفس الوقت لا يعني اللي كلمتها تكون انسانه بطالة . أو مش متربية .

فليش نسمح لنفسنا كشباب نكلم عشرومية بنت وعند الزواج نقول إحنا عيال ناس ولازم نتزوج تقليدي .

احنا بهادي التصرفات اصبحنا قليلي التربية لعدم وجود مصداقية اساسا في حياتنا .


يا سيدي الفاضل عابر سبيل بعيدا عن الشرع وعن والدين

إحنا بنتكلم عن مشكلة إجتماعية أطرافها انا وانت وهيا وهدييييييييييك .

ولو كنا بنرجع امورنا كلها للشرع والدين ماكان هادا حالنا .


مافي انسان ما يخطيء يباشا . كتير بنات اخطاءو . وحاولو يعالجو اخطاءهم بالستر والزواج والعودة لله عز وجل . واصبحو ازواجهم تاج على رؤوسهم .

لانملك لأنفسنا سوى إخلاص النية متى ما خلصت . صدقني إن كنت إنت طيب حتلاقي البنت اللي أطيب منك . حتى لو عرفتها عن طريق نت او تليفون او حتى اتقابلتو في كوكب زحل .


بمعنى آخر يباشا

لاتفقد ثقتك في نفسك لأنه بالتأكيد حتفقد ثقتك في الأخرين . وهادا اللي بييصير للأسف في كتير من حالات بين الشباب والبنات

واذا سمحتلي حسألك سؤال واضح وصريح . إنت ايش هدفك كونك تكلم بنت ؟؟ وما اعتقد ما صادفت انك كلمت بنت ؟؟

حستنى منك إجابة اذا ماكان عندك مانع .


الآن يا سيد الناس العلاقات اصبحت مفتوحة بس للأسف الناس عندنا عقولها مقفولة .

وأعطيك مثال

واحد شحط كبير يتصل على شركة بيستفسر فردت عليه بنت موظفة فبعد المكالمة . عقله حيطير بسبب صوتها وقعد يضرب اسداس في اخماس وظن في البنت كل الظنون ( لاحظ هو بس سمع صووووووووت )

لأنه انسان منغلق اساسا .


يخويا دي موظفة وبتأدي وظيفة . صوتها حلو ملكة جمال هادا شي ما يخصني . إنت اقضي شغلتك ومشكورة ومجملة ماقصرتي

الناس هنا عندنا لسه ما ارتقت لمستوى التعامل وكيف نتعامل وخصوصا مع الجنس الناعم اللي اصبح ميدانيا يمثل شريحة لا باس بها إن كان في مستشفيات او مراكز او ............ الخ

فمن هادي العينات يا عابر سبيل تقدر تحكم على تفكير كتير من الناس . فمابالك الشباب اللي لاهم له سوى التسلية وفي الأخير يطلع راجل ويروح يتزوج ( بنت بارم ديله )


عالعموم انا احترم وجهة نظرك بس كل اللي ارجوه إنه ما نظلم بنات الناس

واللي يخاف الله لا تخاف منوووووو


واتمنى ترد على سؤالي

واشكرك جزيل الشكر على اسلوبك الراقي في النقاش

ربي يسعدك


:243::243::243::243::243::243::243::243:


يمكن الشباب مايقدرو يعرفو حالات كتير عن بنات كان لهم ماضي واتزوجو تقليدى واتغيرو



انا اعرف حاله تقرب لي كانت مقطعه السمكه وديلها قبل الزواج واتخطبت تقليدي ودحين ماشاء الله داعيه الكل يعتبرها قدوه

يعنى تتوقعو زوجها الملتزم دا لو كان يعرف عن ماضيها كان اتزوجها طبعا لا بس اتزوجها والحمد لله ولدهم في الجامعه دحين


طيب واحد كان مقطع السمكه وديلها برضو ويتفاخر بالشي دا حتى قدام مرتو اللي اتزوجها صغيره وقطه مغمضه على كلامه وما اخد من اللي يعرفهم امه خطبت له وطلعت القطه المغمضه مش مغمضه من المتوسط فاكه عيونها بقووووووه بس طبعا ايش يدريه مو امه اختارتها اكيد بنت متربيه


يعنى دحين لما الام ولا الاخت يختارو بيشيكو على جوال البنت وفواتيرها ولا يمكن بيروحو يراقبوها مع مين تخرج ومع مين تندر ولا يمكن يعملو بحث في النت يشوفو لها بلوتوثات ولا لا


يعنى من جد شي غريب

انا ما اشجع على العلاقات خارج اطار الزواج والشي اللي حلله الله لكن ابغى ابين للي يقول انا ما اتزوج وحده اعرفها

ايش دراك انه اللي ماتعرفها محد رماها قبلك وقال انا ما اتزوج وحده اعرفها

المفروض انه الانسان يتقي الله في بنت الناس اذا ربي بلاك وحبيت وحده وانتى عارف انها تحبك فالزواج هو النهايه الصح للعلاقه مو ترميها وتدور على غيرها ويمكن تدعى عليك بنت الناس وربي يطيحك في وحده مو بنت ناس



ممكن احد يقول طيب مو انا اختار العيله اللي باخد منها مو من اي بيت طيب هل البنت اللي لها علاقات تتفاخر فيها قدام الله وخلقه وتقول لاهلها والجيران والصاحبات ههههههههههههه طبعا لا ويمكن تكون بنت ناس بقوه بس تحب غيرك ربي ابتلاها عندها ضعف وازع دينى محد يقدر يحكم على انسان لمجرد اسم عيلته ولا من امه ولا من ابوه



الزواج في الاخر قسمه ونصيب واذا نصيبك بيكون مع وحده خام بتاخده واذا مع وحده عاشت علاقه حب مع غيرك وانتى ماتدرى برضو حتاخده

مستر راحل
24 Feb 2007, 12:59 PM
تبغون خطبة طيب بعد الظهر
اجي معايا المايك والمشلح
ههههههههههههههههههه

حاولت اختصر في الرد السابق
لكن طالما الموضوع تفرع
نجيب نظرتنا وفروعنا وانا لسا قبل كم يوم
في نقاش من كم نفر والكم نفر من مستويات مختلفة
فكريا واجتماعيا ..

بس مافيا حيل دحين اكتب بس حجي اكتب ..

مستر راحل
24 Feb 2007, 03:56 PM
والله رجعت قريت الردود
والمناقشات تعبت
وقلت اش الورطة دي :)
لكن قلت حرجع يعني حرجع ..
وادينا رجعنا ..
=-=-=-=

نخش في الموضوع ..
على نوعية العلاقة وطرق تكوينها
تحكم هل ساتزوج ام سأشوت .
يعني قبل يومين مسكت في دماغي ابغى اسمع اي احد يتكلم شئ مفيد
اش سويت رحت لاصحابي المطاوعة وقلت لهم كزا كزا كزا قالو خد شريط
سعد عتيق العتيق محاضرة بعنوان الابناء هل هم عطاء أم شقاء..
رحت وسمعتوا وربي كلام مليان جداً ..
اساس اي بيت هذي البنت اللي بتاخذها عشان تكونو
فاذا كانت من بنات الدنيا باي شكل من الاشكال الحالية ..
والله خسررران سواءا بعلاقاتها ولا برفقتها ..
ولو كانت بنت مغمضة ولا حتى مفتحة بمفك علبة تونا ..
ماعلينا منها ..يعني الواحد يدور اللي شاريه لشخصه يريح راسه
وماتبقى غير بنت الدين والتربية السليمة ..
سواءا لها علاقات او مالها ..
أفتكر واحد من الشباب زواجه قريب والله الشباب يسالوهـ العزابية طبعا ..
يبغى يشوفوا اش الحياة الجديدة اللي دخلها صاحبهم ..
قلهم تصدقوا اش اول سؤال سالتها ؟!
ريدينا في صوت واحد : ماهو السؤال ياعكرمة؟
رد علينا عكرمة قال :: قلت لها بالله عليكي عرفتي احد قبلي ؟!!
هي بالله داخل على حياة تانية واساسها الثقة اول سؤال يكون كدا..
هذا دليل انو الشباب برضو فاهمين انو اغلب البنات كان لها مشاكل في العواطف.
هو سؤال مرة غبي في توقيته ..ههههههههه من جد عكرمة دا شئ تاني :D
واقلكم نقطة :طبعا عكرمة دا اموو الله يطول عمرها اختارت له البنت .

احنا بنقول انو ازا مسلا علاقة بالصدفة هنا والله ممكن اتزوجها ويامحلى الصدف :)
اما ترقيم ومش عارف ايه فهنا اجيب لها ماما تتفاهم معاها ..
يعني اكثر الاحيان نحصل الشباب في مرحلة المراهقة والبلوغ
مايستفيدو صح في اشياء احسن انو الواحد يفكر فيها بعد العشرين
بعد مايكون اكتسب اشياء كثير فيها ..
ديك الساعة يدور على الالهاء على قول مفكر كووبير
يقول النســـــــاء مصدر إلـــــهاء يعني حيلهو اي احد عن اي شئ
هما كويسين اهـ بس المشاعر نخصص لها وقت ننزل فيه حرتنا مو اي وقت
وينك حبيبي اش اكلت اش شربت فين رحت ومن محضر لمحضر ..
واللي تزوج عن علاقة الله يوفقه واللي امه اختارت له برضو الله يوفقو
واللي مو متزوج احسنلووو :)
زي مالكل انسان من الرجال زلاته واخطاءه سواءا بمعرفة ابوه وامه
ولا من خلف الكواليس واستلطاخ ..أكيد لكل انسانة من النساء زلات واخطاء عابرة
في من لحق نفسو وفي من انغمس في العلاقات وتوهانها ..

والله يهدي شباب وبنات المسلمين ...

أمين عقيل

**نسيت مااقول انه برضو وقف الحوار مع النفرات اللي قلت عليهم على هذا السؤال من طرفهم
يقلي اش يدريك انها ماتكلم غيرك ووو و و .؟؟
رديت
قلت :واش يدري امك انه اللي اختارتها ملاك مغمض؟؟
هنا انا مش مع دول ولا مع دول كنت بس استفسر واشوف نظرات العالم ..
كان من ضمن النقاش قلت له مثلا لو كانت تكلم غيرك اللي امها اختارتها لك
اش بيصير ؟!! قلي اطلقها قلنا حلو هذا بعد الزواج مسلا بفترة قصيرة ..
قلت له طيب بعد 10 سنين لو قالت لك انا كنت على علاقة سابقة ..اش بيصييير ياشاطر؟؟
رد عليا قال لكل حادث حديث ..هههههههه طيب مو من الاول ياخي انت مؤمن بنظرة ما لاتعممها على الناس كلها ..
احنا مانقول الا انو الدين وضح كل شئ .. يعني الواحد من صغره يعرف اش الحلال واش الحرام طيب وليش مافي تقيد
لانه المنهج يتكدس في الراس :) ويخرج من اخر شئ الى اول شئ"" First in Last out نظرية ""
طيب ياللي اتزوجت عن معرفة مسلا ..لو قالت لك بعد الزواج بفترة او 10 سنين اش حتسوي ؟!
رد النفر قال لو بعد فترة ماعندي مشكلة اهم شئ هي النقطة اللي بدات معايا فيها
اللي هي نقطة الزواج والعقد اللي بيننا ..طيب لو بعد العشرة سنين
هنا قال اها مو انا خليت باب الصراحة مفتوح من الاول ليش خبت عليا ال10 سنين اكيد في سبب
ويبدا الشيطان يلعب في عبه و و يمكن وا ذا و لو ....الخ ..
فلكل زيجة في احتمالات فشل ..
If we dont have TRUST ,,we have got NOTHING
ياتفشل يااكيد تنجح وحدة من الاتنين ..
وكل شئ قسمة ونصيب ..
women we cant leave without them
And we cant kill them
:)

**رد واحد سترفين هنقري ..

**رأي يحتمل كافة الاخطاء والصواب والله اعلم ..

رماني زماني
24 Feb 2007, 05:05 PM
السلام عليكم ورحمة الله وبركاتة

اذا الشباب حيشكوا في البنات وما يثقوا فيهم

ترا حتى البنات يشكوا في الاولاد وما يثقوا فيهم

والبنت لو مالقت ولد تتكلم معه

ماكان سارت دحين موضوع في المنتدى منك

The Demon
24 Feb 2007, 10:51 PM
أنام وأستكن وأريح شوية

وأرجع أعلق

بنت العزيزيه
25 Feb 2007, 12:25 AM
السلام عليكم ورحمة الله وبركاتة
اول شي موضوع جميل للنقاش
وحدود كبيره ومفتوحه خاصه في الزمن دا لانه اصبح مجتمع مفتوح وظروف تعرف البنت للولد اتغيرت لاختلاف المجالات
ومو كل بنت كلمت ولد معناها رخيصه ودا مو معناه انو الموضوع عادي مثلا ممكن البنت تتعرف على الولد في مجال عملها او دراستها وسارت تكلمو واطورت العلاقه وعرفها وعرف اخلاقها ومين هيا ما اعتقد انو في سبب يمنعو يرتبط بيها او انو يشوفها رخيصه لانو حيظلم بنت الناس دا من وجهت نظري
بس ارجع واقول انو مو تشجيع للتعرف
وشكرا

المشبك مدبق
25 Feb 2007, 02:10 AM
لولي لاتتأخر

الموضوع سار 5 صفحات وانت ناايم

عابر سبيل
25 Feb 2007, 03:52 AM
السلام عليكم ورحمة الله وبركاته...

بعد التحية للأخت الكريمة المشرفة مشبك ،،،

سلامتك منتي كرسي هنا و متأسف ما لاحظت ردك ،، و بالنسبة لصلب الموضوع أنا شخصيا -والعياذ بالله من قولة أنا- إذا حصل و كلمت بنت في التلفون راح أحترمها طول ما هي بتفرض احترامها عليا و عن نفسي أحاول قدر الإمكان أكون حضاري في تعاملي مع الآخرين بشكل عام و أفترض إنو الشخص اللي بأتعامل معاه محترم حتى يتبين لي العكس .

و أحب أحيي الأخ الكريم بشكة و أجاوب على سؤالو الواضح و الصريح من عيوني و من غير أي موانع ،، إيش هدفي من إني أكلم بنت ؟
يتهيألي الجواب يعتمد على عدة عوامل ، الدين و الضمير و الأخلاق و التربية و الحياء عناصر تلعب دور كبير في مسار العلاقة .
بالنسبالي ما عمري حطيت هدف لنفسي أكلم بنت عشانو ، و إذا كنت كلمت بنت في حياتي فأنا معترف تماما إنو دا تصرف خاطئ حتى لو استمريت فيه لكن دا ما يخولني إني أهين كرامة الآدمية أو ألعب بمشاعرها أو أعلقها بيا و بعدين أقولها يفتح الله ، دا أسلوب إنسان دنيء و غير سوي و أي إنسان عندو ذرة خوف من الله أو ضميرو صاحي ما راح يعمل كدة ،،، نعم قد تكون البنت سيئة و خربانة و بايعة نفسها يا لطيف وأحوجت نفسها للشي دا ،، لكن ممكن جدا كمان تكون محترمة و بنت ناس و إنسانة كويسة .
هي ترجع للشخص نفسو إذا كان مثلا ما عندو ضمير ممكن يوهمها بالحب و يوعدها بالزواج و يخلا بها
و إذا كان متعود على الكذب و اللعبطة راح يمثل عليها فيلم عشان يوصل لحاجة في نفسو و يرميها بعدها
و إذا كان غلبان و على نيتو ممكن هي تمثل عليه دور الاحترام و تخليه يعيش الدور معاها بينما هي مصيبة

و أعتقد مو دايما تكون البنت هي الضحية ، و أكيد سمعنا عن كتير حالات تكون البنت ماهي كويسة و تلف على الولد و تعمل لو دور معين و تضحك عليه و تتجوزو وهو مفتكرها مثال للعفة و الطهر والأخلاق ، أو حالات أخرى عن بنت علقت الولد بيها و بعدين خصرتو و باعتو عشان واحد تاني أو لأنها طفشت منو .

بعدين مش كل العلاقات الهاتفية بين الأولاد و البنات تكون عاطفية ، ممكن تكون صداقة و ممكن تسلية و هرج و تضييع وقت و ممكن جنس و ممكن فضول لدخول مجتمع البنات و معرفة تفاصيلو و ممكن علاقة عمل ..... إلخ

و أسمحلي عزيزي بشكة أنوه على نقطة الثقة في النفس ،،، من وجهة نظري مو بالضرورة إذا كنت غير واثق في نفسك راح تفقد الثقة في الآخرين . ما أعتقد إنو في علاقة لأنو المسألة مسألة حسن الظن و سوء الظن بالآخرين ،،، بمعنى إنو ممكن تكون واثق جدا من نفسك لكن في نفس الوقت حريص جدا في تعاملك مع الناس عشان فلان لا يستغفلك أو علان لا يضحك عليك ، و دا معناتو إنك غير واثق في الأخرين . و في المقابل ممكن تكون عديم الثقة في نفسك -البعيد- أو مهزوز الشخصية -البعيد- لكن في نفس الوقت تعتبر الناس كلهم طيبين و تستأمنهم على نفسك ، و دا معناتو إنك واثق في الآخرين ثقة عمياء .

آآآآآآآسف جدا على الإطالة و احترامي للجميع

بشكة إنسان
25 Feb 2007, 04:18 AM
يا الله يا الله تنحل فؤادي الين ترد علياااااا يا سيدي عابر سبيل
هههههههههه

و أحب أحيي الأخ الكريم بشكة و أجاوب على سؤالو الواضح و الصريح من عيوني و من غير أي موانع ،، إيش هدفي من إني أكلم بنت ؟
يتهيألي الجواب يعتمد على عدة عوامل ، الدين و الضمير و الأخلاق و التربية و الحياء عناصر تلعب دور كبير في مسار العلاقة .
بالنسبالي ما عمري حطيت هدف لنفسي أكلم بنت عشانو ، و إذا كنت كلمت بنت في حياتي فأنا معترف تماما إنو دا تصرف خاطئ حتى لو استمريت فيه لكن دا ما يخولني إني أهين كرامة الآدمية أو ألعب بمشاعرها أو أعلقها بيا و بعدين أقولها يفتح الله ، دا أسلوب إنسان دنيء و غير سوي و أي إنسان عندو ذرة خوف من الله أو ضميرو صاحي ما راح يعمل كدة ،،، نعم قد تكون البنت سيئة و خربانة و بايعة نفسها يا لطيف وأحوجت نفسها للشي دا ،، لكن ممكن جدا كمان تكون محترمة و بنت ناس و إنسانة كويسة .
هي ترجع للشخص نفسو إذا كان مثلا ما عندو ضمير ممكن يوهمها بالحب و يوعدها بالزواج و يخلا بها
و إذا كان متعود على الكذب و اللعبطة راح يمثل عليها فيلم عشان يوصل لحاجة في نفسو و يرميها بعدها
و إذا كان غلبان و على نيتو ممكن هي تمثل عليه دور الاحترام و تخليه يعيش الدور معاها بينما هي مصيبة

كلام موزون ويدخل الدماغ من أوسع أبوابه .

اذا يا سيدي ليش أمس تناحلني ؟؟؟؟؟

كل الكلام اللي قلته هنا . يشير الى دلائل أن العلاقة الناشئة بين اتنين هما نفسهم اللي ممكن يحددو مسارها . ااما لصعود القمة والارتقاء بالنفس البشرية . او الانحدار والسقوط في الهاوية .
لذلك تظل البنت في قفص الاتهام حتى تثبت براءتها . من قاضي عادل يحكم عليها الا وهو الشاب .
ولكن مش ناخدها من قفص الاتهام عالسجن المؤبد بدون محاكمة . كما يفعل البعض ويهوي بها وبكل عواطفها واحاسيسها ومشاعرها لمجرد أنها وثقت به .

المعادلة كدا يا سيد الناس موزونة مية المية بس محتاجة من يطبقها بفهم وليس ( للحفظ )؟؟


و أسمحلي عزيزي بشكة أنوه على نقطة الثقة في النفس ،،، من وجهة نظري مو بالضرورة إذا كنت غير واثق في نفسك راح تفقد الثقة في الآخرين . ما أعتقد إنو في علاقة لأنو المسألة مسألة حسن الظن و سوء الظن بالآخرين ،،، بمعنى إنو ممكن تكون واثق جدا من نفسك لكن في نفس الوقت حريص جدا في تعاملك مع الناس عشان فلان لا يستغفلك أو علان لا يضحك عليك ، و دا معناتو إنك غير واثق في الأخرين . و في المقابل ممكن تكون عديم الثقة في نفسك -البعيد- أو مهزوز الشخصية -البعيد- لكن في نفس الوقت تعتبر الناس كلهم طيبين و تستأمنهم على نفسك ، و دا معناتو إنك واثق في الآخرين ثقة عمياء

انا لما قلت كلامي دا .عن الثقة . لسبب

أي شخص ثقته مهزوزة في نفسه بلا شك لها تأثير على علاقته بالآخرين .
بمعنى أن معظم تعاملاته يشوبها نوع من الشك من الحذر من الخوف . وبالتالي قد يؤثر في الطرف المقابل وتحويل النقاط الايجابية في الطرف الآخر كمثال في البنت مثلا الى نقاط سلبية . وبالتالي النتيجة فشل . للصراع الدائم ما بين الشك واليقين .


عابر سبيل
تاني مرة لا تتأخر علينا لحسن الحوار معاك ذو شجون .


ربي يسعدك ويحفظك

المشبك مدبق
25 Feb 2007, 04:26 AM
الاخ / عابر سبيل




بعد التحية للأخت الكريمة المشرفة مشبك ،،،

سلامتك منتي كرسي هنا و متأسف ما لاحظت ردك ،، و بالنسبة لصلب الموضوع أنا شخصيا -والعياذ بالله من قولة أنا- إذا حصل و كلمت بنت في التلفون راح أحترمها طول ما هي بتفرض احترامها عليا و عن نفسي أحاول قدر الإمكان أكون حضاري في تعاملي مع الآخرين بشكل عام و أفترض إنو الشخص اللي بأتعامل معاه محترم حتى يتبين لي العكس .

الله يسلمك يارب

ولاتزعل مني بس انا فعلا بناقش الموضوع معاك وانت ولا انت هنا

وخلاص ياسيدي طاح الحطب

و إذا كنت كلمت بنت في حياتي فأنا معترف تماما إنو دا تصرف خاطئ حتى لو استمريت فيه لكن دا ما يخولني إني أهين كرامة الآدمية أو ألعب بمشاعرها أو أعلقها بيا و بعدين أقولها يفتح الله ، دا أسلوب إنسان دنيء و غير سوي و أي إنسان عندو ذرة خوف من الله أو ضميرو صاحي ما راح يعمل كدة ،،، نعم قد تكون البنت سيئة و خربانة و بايعة نفسها يا لطيف وأحوجت نفسها للشي دا ،، لكن ممكن جدا كمان تكون محترمة و بنت ناس و إنسانة كويسة .


هو دا اللي نبغى نتوصل له

الله يسعدك صحيح الموضوع يتكلم عن العلاقه واكيد كلنا معارضين

لكن لمن يكون في علاقه هنا في كلام تاني

الله ينور عليك وصلت على اللي بنقصده


وان شاء الله مافي خلاف بيناتنا

ولو اختلف الرأي المفروض احنا مانختلف

اشكرك اخي الكريم على روحك

وردك المنطقي واسلوبك في الحوار

وانا في انتظار مشاركاتك ومواضيعك

تقبل تحياتي

البختلي
25 Feb 2007, 07:00 AM
بشكة بصراحة كلامك مقنع .

سمعنا مقولة الا وهي البنت إلي تغازل بعد ما تتزوج تهجد وتعقل والبنت إلي عند اهلها قطه مغمضه تبدا هي تهرج وتغازل طبعا انا لا اعمم
ما ادري الرك على سبع البرمه او لقت الحرية ببيت الزوجيه ؟؟؟

ودمتم

معموله بالتمر
25 Feb 2007, 08:31 AM
بشكة بصراحة كلامك مقنع .

سمعنا مقولة الا وهي البنت إلي تغازل بعد ما تتزوج تهجد وتعقل والبنت إلي عند اهلها قطه مغمضه تبدا هي تهرج وتغازل طبعا انا لا اعمم
ما ادري الرك على سبع البرمه او لقت الحرية ببيت الزوجيه ؟؟؟

ودمتم


صادق في حالات كثيييييييييييير كده بس طبعا مستحيل نعمم لانه يرجع للبنت وتربيتها

يعنى البنت في الحاله الاولى تكون متربيه بس عندها حريه ماعرفت توجهها طيب او عندها ضعف في شخصيتها وبتعوض بس يكون فيها خير عشان كده اول ماتحس بالارتباط تتراجع عن الطريق اللي مشيت فيه



في الحاله التانيه البنت ماتكون متربيه واخلاقها عدددم بس يكون البيئه اللي عايشه فيها شديده ماتسمح لها بالغلط

وتنتظر الفرصه للخروج للحريه اللي هى الزواج بنظرها وتبدا عاد تطلع المستخبي وعاده هادا النوع من البنات تلقاها ملهوووفه عالزواج وترضي باول واحد يجيها وماتتشرط وتتزوج صغيره





ونرجع نقول




لا للتعميم

النقرزان
25 Feb 2007, 10:25 AM
الحمد لله الذي عافانا مما ابتلا به كثير من الناس

باختصار شدييييييييد

قال الله تعالى (يا نساء النبي لستن كأحد من النساء ان اتقيتن فلا تخضعن بالقول فيطمع الذي في قلبه مرض وقلن قولا معروفا)

ما افي احسن من كلام الله يريح البال

كلام البنات اللي مالو داعي مع الاولاد حرااااااام

والنهي صريح واضح ما يبغالو لف ودوران

انا مصمم على رأيي

المكالمات الهاتفية بين الشباب والبنات حرااااااام وستييييين حرام

وبلا تعارف بلا كلام فاضي

يعني يا حبيبي انتا يا فيلسوف يا اللي بتقووول انو التعارف احسن قبل الزواج حتكون احسن من الرسول صلى الله عليه وسلم والسلف الصالح ؟؟؟؟؟

كيف اتزوجو يا شاطر انتا وهوا؟؟؟؟؟

لا تقولي انو داك زمن ودا زمن تاني

دا كلو شغل يهوود واوربييين

احنا اتاثرنا بيهم ونبغى نقلدهم

خلي امك ولا قريباتك يشوفولك وحدة من اللي في بالك

وربنا حيبارك في الزواج

قال تعالى (ومن اياته ان خلق لكم من انفسكم ازواجا لتسكنوا اليها وجعل بينكم مودة ورحمة)

انتهى الكلام

سبحانك اللهم و بحمدك اشهد ان لا اله الا انت استغفرك واتوب اليك

سبحان ربك رب العزة عما يصفون وسلام على المرسلين والحمد لله رب العالمين وصلى الله على سيدنا محمد وعلى اله وصحبه وسلم

shb
25 Feb 2007, 11:04 AM
قال الشافعي:

عفوا تعف نساءكم في المحرم وتجنبوا مالا يليق بمسلم

إن الزنا دين فان أقرضته كان الوفا من أهل بيتك فاعلم

يا هاتكاً حُرَمَ الرجال وقاطعا سبل المودة عشت غير مُكرّم

لو كنت حراً من سلالة ماجد ما كنت هتّاكاً لحرمة مسلم

من يَزنِِ يُزنَ به ولو بجداره إن كنت يا هذا لبيباً فافهم

يعني اللي يكلم بس حيتزوج و حدة بس تكلم
و احد يتحرش ، حيتزوج وحدة يحرش بها ..
و احد مدري اش يعمل .. حيتزوج و حدة تعمل ,, و هكذا دوليك!!

يعني تحترمها ما تحترمهااااااا ,,,:222::a75:

مستر راحل
25 Feb 2007, 12:27 PM
و إذا كان غلبان و على نيتو ممكن هي تمثل عليه دور الاحترام و تخليه يعيش الدور معاها بينما هي مصيبة
والله من جد وسيدي عابر سبيل في كلامك اشياء كثير منطقية جداً
الله يسعدك .

:)

*****
الحمد لله الذي خلقنا وخلقكم
وخلق الناس اجمعين اما بعد

لاتعليق

أما قبل

برضو لاتعليق

هذا والله الهادي الى سواء السبيل.
*****

عابر سبيل
25 Feb 2007, 07:13 PM
السلام عليكم ورحمة الله وبركاته ...

أسعد الله أوقاتكم بالمسرات ،،،

معليش سيدي بشكة على التأخير في الرد ، بس غصبا عني ، و إن شاء الله أحاول دايما أرد في أسرع وقت .

و أشكرك على إطراءك ، و الحقيقة انت اللي حديثك شيق و في الصميم ماشاء الله عليك و كلنا تلاميذ في مدرستك يا سيدي ...

و أشكرك أختي المشرفة مشبك ، و دا بس من زوقك .

والشكر موصول للأخ مستر راحل .

مع خالص تقديري و احترامي للجميع ...

بن راشد
26 Feb 2007, 05:16 PM
لا والف لاوين التررررررررررررررررررررررررررررررررررررربيه

بن راشد
26 Feb 2007, 05:17 PM
شكرااااااااااااااااااااااااا

فراشة...الحجاز
27 Feb 2007, 02:03 AM
هامور كلامه عين العقل

يعني البنت اللي ماكلمت تلفون
اخلاقها 100%
مو يمكن ماقيد كلمت
بس ممكن يالطيف تكون سفيهه وتافهه وغبيه وبليده والخخخخ
ويمكن البنت اللي اتعرف عليها تكون بنت ناس ومحترمه وأخلاقها عاااليه وذووق ومؤدبه وشاطره والخخخخخ

وكونها كلمت بالتلفون هادا مايعطي صورة عن اخلاقها او تساهلها او اعتبارها بنت رخيصه

والكلام بالتلفون اصبح ظاهرة منتشره في عصرنا الحالي
وكثيير منها أدى الى حب وارتباط
وماننكر دا الشي في واقعنا

وممكن تكون هذه الفتاة افضل من مليون بنت ماقيد سوت علاقة مع احد
واالارتباط التقليدي لايعطي انطباع اكيد عن الفتاة

وليش بالضرورة يكون حتى زواج ناجح

فكثيييييييييييييييييير من الزواجات التقليديه فشلت بسبب عدم تالتكافؤ في العواطف والافكار

مروان جنبي
27 Feb 2007, 02:21 AM
في دا الزمن يالولي انا اخاف على نفسي مو اخاف عليهم

لحسن سارو يلعبو بالبيضة والحجر .


وابسط حججهم بعد ما تلاقي انسب الفرص تقلك أهلي مش موافقين وفيري بالليمون
خخخخخخخخخ.

ورأصني يا قدع


لذلك من وجهة نظري الشخصية وحتكلم بمنتهى الصراحة والشفافية والوضوح واللي مو عاجبه كلامي فمافي داعي يرد عليه او يعلق عشان لا نخش في مهاترات تنتصر فيها الخبرة في النهااااااااااااااااية .




المفروض الواحد يعيش الدور

يعني محترمة ححترمها

تبغى تلعب نلعب

تبغى تستفيد نفيدها

تبغى بغبغة في حلقها برضو لا حرج في ذلك


يعني المسألة اصبحت عرض وطلب . وكلا في سوقه يبيع خروقه .


اما حكاية الزواج فأعتقد دي قناعات شخصية تختلف من شخص لشخص .
عن نفسي ما يمنع اني اتزوجها . ولكن لأسباب المفروض محد يعرفها وليست مشاعة .

بمعنى مش عشان حلوة أو عشان من عيلة أو عشان غنية أو عشان .............الخ من المميزات المشاعة

اذا وصل الواحد فينا لحد القناعة بإنسانة لكونها ولذاتها بعيدا عن اي مؤثرات . ساعتها راح يقف موقف الرجال في الدفاع عن هذه الإنسانة ويحرص كل الحرص على انها تكون من نصيبه.


وللمعلومية اللي يجي بسرعة يروح بسرعة .

أنصحكم خلو جوالاتكم هزاز دايما عشان ينفض الآرقام اول بأول من الذاكرة .؟؟
هههههههههههههه


الله يسهلك يا لولي تنبشلنا مواضيع
بس انما ايييييييييييييه فنتاستك . واااااااااقعية

كلام موزون يا معلم

:)

حلم الليالي
27 Feb 2007, 04:44 PM
طيب نفكر شويه كدا بعقلانيه زيما سيدي بشكولا يفكر
ليه ياشباب ماتظهروا الحقيقه اللي جواكم

حاولوا تكونوا شويه صادقين مع انفسكم حتى تقدروا تصدقوا البنت اللي انتم بتكلموا

ابصم باصابيع يدي ورجولي الله يكرمكم
ان 99.95 من الشباب والصبايا يكلموا غير محارم

خلينا نفكر صح
مو اتغيرنا احنا واتغير الزمن
دا الزمن عمال يمشي قودام واحنا لسه بتفكيرنا لورا بنمشى

ليه ماننزع شويه الغشاء اللي يمنع عننا اننا نشوف الحقيقه اللي لازم نعرفها

اخيرا
كلا الجنسين بحاجه الى ميزان يزنوا فيه تفكيرهم وعقليتهم

shb
28 Feb 2007, 10:15 AM
ابصم باصابيع يدي ورجولي الله يكرمكم
ان 99.95 من الشباب والصبايا يكلموا غير محارم

غير صحيحة !!!!!!!!!!! البتة!!

روابـــي الحجاز
28 Feb 2007, 10:16 AM
بسم الله الرحمن الرحيم


ابصم باصابيع يدي ورجولي الله يكرمكم
ان 99.95 من الشباب والصبايا يكلموا غير محارم

يــالطيف الطف بس...لهذي الدرجه 99.95 ليش فين عايشين احنا... لاتعليق

وبعدين بالفم المليان ماشاء الله... غير المحارم

وانا ماني عارفه أي عقلانيه هاذي الي بتتكلمو عنــها...

يعنـــي ممكن أعرف شي منكم... يعني ايش الداعي من هذا كله

وايش الفـــرق بين البنت الي بتكلم والي البنت الي مابتكلم أو الولد الي بيكلم والولد الي مابيكلم

ناقصها يد ولا رجول عشان ماتلكم رجال ولا ايش... يلا قولوا

ومـــــــــــــــرة لهذي الدرجه يعني البنت راح تموت لو ماكلمت او شي من هذا القبيل.

أمـــــا عن حكاية ايام زمان وايام دحين واننا اتغيرنا وصار عادي الوضع

يالـــــــيت نتغير في حاجات وعقد ثانيه مو في اشياء زي كذا كلها بلاوي علينا..

والي بيتكلم كلام فاضي ماله معنى فأحسن له لايتكلم لجل الكلام لاينقلب عليه في النهايه ومايكون له..


والله يهـــــــــــــــدي ماخلق




في حفـــــــــــــــــــظ الرحمن

حلم الليالي
28 Feb 2007, 12:32 PM
اخي اس اتش بي
ترى انا مااقصد اني امس عرض احد او اهضم حقوق احد

ولا ابغى اقول ان هذولي الناس مايستحوا ولا شي

ترى الانفتاحية بعقلانيه واجب علينا

__________________________________________

استيتا روابي الحجاز

اضافة الى الكلام اللي قلته للاخ اس اتش بي

بقولك
ان مافيها شي البنت تتكلم مع احد
بس بقول ان نظرة الشباب لها والموضوع يتعلق بهذا الشي


ومختصر كلام بالبنط العريض كان


كلن يرى الناس بعين طبعه



ولا تعصبي ولا تغضبي
افهمي الموضوع باكلمه ومغزى الكلام


مشكورة عالتعقيب

shb
28 Feb 2007, 01:10 PM
ان مافيها شي البنت تتكلم مع احد


!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!

لا تعليق

روابـــي الحجاز
28 Feb 2007, 02:49 PM
استيتا روابي الحجاز

اضافة الى الكلام اللي قلته للاخ اس اتش بي

بقولك
ان مافيها شي البنت تتكلم مع احد
بس بقول ان نظرة الشباب لها والموضوع يتعلق بهذا الشي


ومختصر كلام بالبنط العريض كان


كلن يرى الناس بعين طبعه



ولا تعصبي ولا تغضبي
افهمي الموضوع باكلمه ومغزى الكلام


مشكورة عالتعقيب


لا للعصبية...لا للغضب

(( مــافيهـا شي البنت تتكلم مع احد ))...... نتمنى التوضيح أكثـــر!!!!!!

أمــــــر هذا الموضوع محســـوم ومفروغ منـــه...

ونـــاس كثيـــر قاعدة تبرر وتبرح لنفـــسها..

ومغزى الكلام ماله الا معنى واحد....

وقولك أن 99.95 من الشباب والصبايا بيكلموا غير المحارم..

هذا أكبــــــر دليل على ان كلاً يــرى الناس بعين طبعه..

س/ من أين أتينا بهذه النسبــــــة ؟

والله أشيــــاء كثيرة يجب التفكر فيها بعقلانية....تركنا الأساس وبقينا في القشور نجي نتكلم فيها بعقلانيه وانفتاح!!

وأتمنى التفضل والرد على تساؤلاتي في الرد السابق أنت وباقي الجمهور..!!

الشكــــــــر موصول لــــك...




في حفــــــــــــــــــــــظ الرحمن

مستر راحل
28 Feb 2007, 03:18 PM
؟!؟!؟!

بعد الفاصل
==
لدي الدرجة عندنا عالم فاضية ؟
اولا حلم الليالي
والله كنت برد عليكي على طول بعد ردك .
بس قلت خليني اشوف العالم العربي والشارع المكاوي .
لقيت انه والله اعلم الاغلب معارض
وانا منهم اش اللي 95.99
وين احنا في لوس انجلوس
وبعدين يمكن هناك كمان النسبة اقل .
يعني بالعربي العلاقة بين ولد وبنت
خطأ والكل عارف ومنافي لديننا ومجتمعنا .
لكن في علاقات عادية جداً
مافيها مسخرة ويمكن فيها بزنس
او اي شئ تاني .
وفيها احترام وتقدير ومافي تطرق لامور تانية
غبيبة او بغيضة .

المشكلة عندنا الكل يسوي انه المثالي .
والحقيقة انو كل مين يسوقها على التاني .
ومحنا داريين اش الهرجة .
الخلاصة اللي ماينتبي على نفسو بنتاً او ولداً
محد بينتبه له ...

عموما خلاص طفشت من الموضوع دا ..
بس طالما في بنات محترمات أكيد في شباب محترمون
والعكس كزلك طالما في بنات داشرات فيه شباب مرة منتهين .
فكلاً ياخذ الاتجاهـ اللي يعجبوا .
وخلونا في ساعة رواق وربوعنا لايخرب عشان
هرجة زي دي .


والله يهدينا جميعا .

ستي إستيته
28 Feb 2007, 05:18 PM
الموضوع من البداية مسالة مبدا

الي مبداه انو العلاقة بين البنت و الولد اتعدت الحد

تكون حرام

دا مبدا ناس ماشية عليه

و ناس كل شي عندها ايزي

يعني تكت ايزي يا عزيزي

حتشوف انو الموضوع عااااااادي مره


يعني بصراحه



النقاش فيه مالو داعي

حلم الليالي
01 Mar 2007, 06:40 AM
مــافيهـا شي البنت تتكلم مع احد

مع اني ماني فاضيه
بس بصراحه يمكن اسلوبي انتوا مش فاهمينوا

هذه الجمله ياحبايب قلبي
ان اقصد بيها
ان البنت مافيها شي تكلم اي احد
مش معناه محارم او غير محارم
يعني مثلا
انتي ياروابي لمن تروحي السوق ان شالله ماتكلمي البياع ولا تجيبي اخوكي عشان يكلمه
وانت يااس اتش بي
ياهل ترى بتقعد تجري ورى محارمك في السوق
هذا اللي اقصده من الجمله

انتوا لا يكون تفكيركم ضيق وسعوه شويه
مش معني قلت هالجمله يعني اطالب بالاباحيه لا
انا اقصد فيها
ان مهما كان مهما صار مهما عملنا
رح تبقى العلاقه بين البنت والولد كمبدا كل واحد فيه يمشي عليه
كما ذكرت استيتا ستي

والنسبه اللي وضعتها
وضعتها من ضمن العالم اللي تتكلم مع بعضها مش على اساس حب وبس ولا كلام فاضي
ياهووووووووووووووو في عالم تكلم بعضها من دون اي علاقه
ليه التفكير الضيق دا?


والنسبه اللي وضعتها
مش منحصرة في الناس اللي تحبحب بعضها وتقول كلام زفت في التلفون
انا قلت النسبه على اساس العالم دحين والعصر اللي احنا فيه

واعتقد في يومنا هذا في تعاملات كثيره بين المراه والرجل
ولا انتوا عندكم كمان اعتراض في هذا الشي
اذا عندكم
بقولكم معلييييييييييييييييييييييييييييييييش



سلملم

استيتا ستي
على قولك النقاش في دا الموضوع مالو نهايه
بس برضوا


كلن يرى الناس بعين طبعه
واكبر دليل التفكير اللي انتوا فكرتوا بيه

بشكة إنسان
01 Mar 2007, 07:01 AM
آآآآآآآآآآآآه

وقعو في بعض

ههههههههههههههه


خلاص اسسسسسسس لحد يتكلم مع أحد

استخدمو لغة الإشارة

هههههه


فوتكوووووو بعافية

معموله بالتمر
01 Mar 2007, 08:26 AM
خلاص الموضوع اتوسع بزياده وقلب قناعات شخصيه

لو كل واحد يحتفظ برأيه وبلاشي منها المشاكل والحزازيات والزعل وخلاص سكو عالموضوع

لانى ما اشوف منه اي هدف يخدم المنتدى او اعضاء المنتدى

shb
01 Mar 2007, 10:25 AM
لعله هناك سوء تفاهم ..و ليس اختلاف رأي ..

يعني لا نحنا فهمنا على حلم الليالي و لا هي فهمت علينا ..

يأخت حلم الليالي .. الموضوع يختص بمكالمات التليفون ..
و أنتي كان قصدك الكلام مع الاجانب بشكل عااااااااااااام ..

أنا معاكي إن كان بشكل عام ..

أما من ناحية الشب و الفتاة و علاقتهم التليفونية كانت حب أو دردشة أو جنس أو غيره من العلاقات المشبوهة
فأنا ضدها .. و لله الحمد و المنة فأنا بعيد عنها كل البعد ... و لا أزكي نفسي
ــ لا يعني ذلك أني ملك طاهر أو رجل معصوم ،، لا فقد تعرضنا لفتن جمة و كادت أن تزيغ قلوبنا لكن مناً من الله
و توفيقه منه سبحانه,, و أسأل الله أن يديم علينا نعمة الهداية ــ
و علينا أن نعترف أن النسبة كبييييييييرة .. لكن لا تصل إلى ال 99% !!!
وهي تختلف النسبة باختلاف انفتاحية المجتمع ..
هذا و الله أعلم !!
و أعتذر إن كان أخطأت في حق أحد ،، فيااخواني العفو و السموحة !!

حلم الليالي
01 Mar 2007, 10:29 AM
انا اتكلم على اللي انا اشوفه
واتكلم عن العلاقات العامه والخاصه
والنسبه ياسيدي اللي انا حطيتها
من ضمن هذه الاشياء

<<<<<<<<<<<<<<<<<<<<< انا اسفه اذا كان اسلوبي مبهم لدرجة انكم ماتفهموا ايش اقصد بالضبط



ومع السلامه

مستر راحل
01 Mar 2007, 01:31 PM
اللي ماضيه اسود يروح يرقعه
وياكثر المرقعاتيه ولو يبغى تسعيره
ترا فيه نقدر نوفرها لو .

واللي ماضيه ابيض يروح يوسخه
وياكثر الموسخاتيه لو يبغى تسعيرهـ
ممكن نوفرها لو .

واللي لاالى هؤلا ء ولا هؤلاء
يروح لدولاك هم يوفروا كل شئ .

مااقلكم كل مين يسوقها على التاني

هيا روقونا بس خلونا نستكن
اليوم خميس ..

مروان جنبي
01 Mar 2007, 01:55 PM
استكن يا أخويا استكن
وخدلك بلاك كوفي
وولع سجارتك
وارفع الكاب عن راصك
وعيش يومك

:249:

مستر راحل
01 Mar 2007, 02:18 PM
استكن يا أخويا استكن
وخدلك بلاك كوفي
وولع سجارتك
وارفع الكاب عن راصك
وعيش يومك

هلا حبيبي ابو فادي
ياخي رفعوا ضغطي
وربي..

أطبطب وأولع ..
ومافيش حاجة تيجي كدا اهدا حبيبي كدا ..
حتدلعني أه ونص ههههههههههه

ماعليك الكاب مرفوع من يوم الربوع
:)

يالله نداء اخير احد عندو ارقام بنات يمسحها
واللي عندو ارقام عيال يرسلها ليا اتفاهم معاهم
:D

خميسكم 100 فل و 14

وأطبطب وأدلع

مروان جنبي
01 Mar 2007, 02:22 PM
ههههههههههههههههههههه
هلكتني من الضحك يا شيخ
روح وتعالا بسرعة

مستر راحل
01 Mar 2007, 02:37 PM
روح وتعالا بسرعة

أروح لمين واقول

يأمين عقيل ينصفني منك

ما هو انت فرحي وانت

جرحي وكله منك

أروح لمين

:)

إهداء خاص ..

روابـــي الحجاز
01 Mar 2007, 10:11 PM
بسم الله الرحمن الرحيم


حلــــم الليالي...

حصــــل سوء تفاهم جـــامد جداً...

وانا كنت حاسه..لأنك مثل مالاحظتي قلت لك وضحي أكثر...

وانتي بتتكلمي بشكل عـــام واحنا بشكــل خاص ومحدد مثل ماهو محدد بالموضوع...

ولو كان على كلامك ماكان تواجدنا في المنتدى من اسااااااسه...

لكن فيه فرررررق وفرق شـــــــــــاسع,,,


وبجـــد ياليت الموضوع يتقفل لأنه زي ماقلت...من الأصل الموضوع محسوم ومغرووووغ منه


عمـــوماً... كل مين عقله في راسه يعرف خلاصه


دمـــــتم بخيـــر...

الهبوب
01 Mar 2007, 10:21 PM
الله هو الواحـد..وجميعنا أصفار

بوجوده يكون لنا قيمة وبمعرفته يكون لنا تعداد..

بـــدونه نـــكون مجــرد أصفـــار....!!

توقيع جميل

جـوري
01 Mar 2007, 11:56 PM
السلام عليكم ورحمة الله وبركاتة
أشكرك أخي الكريم على هذا الموضوع
ما في دخان من دون نار..

وعلة الإجابة على دا السؤال
إنو لو كان هناك معرفة من قبل..
قطار الحياة بقوة يمشي بدون أي أخطاء

والواقع يقول عكس الكلام كله..
ويكون سبب في التفريق بين الأسر والعوايل..

هذا ما في جعبتي..
يعطيك العافية..

تحياتي

الباشق
02 Mar 2007, 03:28 AM
الله يسترنا ويستر ولايانا ويستر جميع المسلمات ..........................آمين
ياأخوان إتجنبوا الخوض في مثل هذي المواضيع...........................شكرا

سنيوريتا حجازيه
02 Mar 2007, 03:29 AM
انتو الين ذحين تتعافرو

<<<<<<<<<<<<<<<<<<<<<<<<< على كولن انا كنت هنا وخرجت

مستر راحل
03 Mar 2007, 12:32 PM
:a32:

:245:

:a73:

:a10:

أحبها .. من هي
أحبها .. من هي

أم بي سي أف أم

:a73:

بسّام
03 Mar 2007, 12:39 PM
ليست القضية في الحديث في التلفون . ولكن في نوعية العلاقة مابين البنت والشاب .. الحديث عبر الهاتف ليس مقياس للبنت ... ان كانت العلاقة مبنية على الاحترام مابين الطرفين وكان الحديث بينهما لايمت الى مستوى السقوط ، فأكيد هذه العلاقة محترمه، والعكس صحيح.

مودتي

بسة مكة
03 Mar 2007, 11:36 PM
ياهوووووووووووووووووو خدولكم كركديه وروقو المنجا :D

شايفة اللعب عمااال يحمى !!!:a03:

شوفو .. كل واحد ينام عالجنب اللي يريحه .. واللي يبغا يكلم يكلم واللي يبغا يتحفظ يتحفظ .. والاختلاف موجود في كل زمان ومكان


وانت يارحوول مالك تتمرقص كده :a28: .. جالس تشجع من ورايا .. طب قول لنا نشارك ههههه :124:


وبعدين الناس اللي تقول انو البنت اللي تتكلم في التلفون بنت غير متربيه _ مع احترامي لرأيهم _ الا انه راي قاصر ويعوزه النضج

وهادا شي لا يعمم !

طب ليش ما نقول كمانه انو الشاب اللي يكلم بنات هو وشاب غير مربى وغير محترم ؟؟
زيو زي الشاب اللي يبصبص على الجيران زيو زي الشاب اللي يعاكس .. زيو زي اي واحد ؟؟

لانو دي ماهي قاعدة سليمة مية مية!

اعرف ناس كثير تتكلم واخلاقهم هي أساس تعاملهم وتربيتهم اصولها من اعرق الاصول
اعرف ناس كثير .. يتكلمو والاحترام المتبادل والرقي في التعامل هو سياستهم ...

واعرف ناااس كثييير اتكللمو او عرفو بعض صدفة وانتهت علاقتهم بالزواج !
وللمعلومية .. الغالب على شباب اليومين دي انهم صارو يميلو لانهم ينقو عروستهم بنفسهم والعكس بالعكس ..
ليش؟ لانك لما تعرف انسان .. حتكون اقدر على التعامل مع طباعه وشخصيته من دون مفاجات
ومش حتلوم الا نفسك لو اخطات في الاختيار..
ومو كل من كلم واطي ومو كل من ما جرب يكلم معناتو سيد الاحترام !
والامور لا تقاس بهذه الطريقة البلدي القديمة !



وخيرا مثلما قال احد الاخوان هنا ...

كل يرى الناس بعين طبعه !


تحياتي :)

The Demon
04 Mar 2007, 02:58 AM
:a64:

جاكم سبع البروووومبااااااا
فيلسوف زمانووو

كيفكم

سامحووني كنت مشغول شوية

دي اليومين
أدعولي :127:

أشكر جميع الأعضاء اللي شاركوو
وأعطونا أراءهم

واستفدنا منها الكتير

ولاحظت انو أراءكم مختلفة
بعضكم مؤيد وبعضكم
معارض

بصراحة أنا أشوف العلاقة الصحيحة
أيام زمان كانت الطريقة التقليدية
اما في دا الزمن العكس

ما فيها أي حاجة لما البنت تكلم واحد في التليفون

بقصد او بغرض شريف ونية سليمة واحترام متبادل بينهم

ازا كان في النهاية الشي دا يوصلهم للزواج ولطريق حلال

هيا صحيح الفكرة هنا من نظرتنا لها نقول مش مزبوطة حبتين
بس دا اللي حاصل في دا الزمن
وارضوو بالأمر الواقع

سارت علاقات الزواج التقليدي تفشل اكتر من علاقات التعارف قبل الزواج


بصراحة انا عن نفسي اتزوج وحدة
اكون عارفها مزبوط ودارسها مزبوط قبل الجواز
ومختبر اخلاقها وطباعها
واعرف ازا هيا لها ماضي ولالاء

علشان بعد كده اعرف راسي من رجلي

ويكون قدامي الخيار يا ارضى يا ارفض
والله يسهل عليها
وكمان ما اتفاجأ بعد ما اتزوجها بحاجات انا في غنى عنها وتتنكب حياتي

الزواج التقليدي في زمنا دا
انا احسو سار زي الحبحبة مانعرف كيف تكون
من جوا اللي بعد مانفتحها


في ناس بتقول ايش دراك يمكن كلمتك اكيد كلمت غيرك

طيب يا حبيبي

انت اللي ايش دراك الانسانة اللي بتروح تخطبها من بيت اهلها
يمكن كلمت غيرك

ولها ماضي مزفت

انا ابغا اتناقش مع احد في دا الموضوع
علشان توصلكم فكرتي مزبوط



رأي أكتر الشباب دحين
انو ما يتزوج وحدة كان يكلمها انا ابغا أسألو لييييييش؟؟
أعطيني سبب مقنع
هيا امنتك على نفسها وعلى اسرارها واتكلمت معاك
ليش تجازيها بإنك ماتفكر فيها كزوجة
هيا مافكرت تكلمك الا علشان شافت فيك زوج المستقبل المثالي لها
ومن الاساس طالما انك منتا حاط في بالك انك تتزوجها تكلمها ليش؟؟
علشان تتسلى معاها
طيب
يعني انت المبزوط اللعاب
طيب كيف تلومها؟؟؟؟؟؟وهيا نيتها نية جواز
وانت نيتك مش ولابد
هيا جاوبني
في بنات مايتكلمو الا علشان يبغو
يتزوجو ويدورو على شريك حياتهم من حقهم يخافو ومايربطو حياتهم مع انسان تبان حقيقته
بعد ماتوقع الفاس في الراس


مو شرط البنت اللي تتكلم مع واحد بحدود الادب والاحترام تكون مو متربية ولا قليلة ادب

واللي يقول غير كده واللي تفكيرو مختلف خلينا نقولو

ايش يسمو الولد اللي يكلم بنت
ايش معنى البنت هيا اللي نلومها
؟؟
اكتر الشباب يكلمو البنات بنية التسلية

طيب اكتر البنات اللي يتكلمو مع شباب ايش نيتهم هيا انتوو قولولي ؟
برضو البنات يتسلوو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


انا عن نفسي مؤيد الفكرة هادي بس في حدود الاحترام
الا في حالة وحدة البنت اللي تسلم نفسها للشاب قبل الزواج دي ما تنفعش ابداً
ابداً ابداً

انا ضدها

معليش ازا قصرت شوية في الردود

راسي مدووش حبتين انسرق جوالي


اشكركم على مروركم وردكم
والله يعطيكم العافية

ماقصرتوو
تحياتي

shb
04 Mar 2007, 11:40 AM
وبعدين الناس اللي تقول انو البنت اللي تتكلم في التلفون بنت غير متربيه _ مع احترامي لرأيهم _ الا انه راي قاصر ويعوزه النضج وهادا شي لا يعمم !
من أمّر الدواهي أن تقلب الموازين ..و يرى الباطل حق و الحق باطل ..!!!



ما فيها أي حاجة لما البنت تكلم واحد في التليفون
يأخ LoLy4u .. ترضى أختك تكلم الشباب!!! بنية سليمة !!!!!!!!!!!!!



================================================== ======


هذا مايسمى بـ

:205: إسلام كول :205:

:a33:
على الدنيا السلاااااااااااااااااااااااااااااااااااااااام !!!

مستر راحل
04 Mar 2007, 11:41 AM
وانت يارحوول مالك تتمرقص كده .. جالس تشجع من ورايا .. طب قول لنا نشارك ههههه

انا مع حزب العمال ..
مالي ومال حزب حواء هيا روقي
لاتلمي علينا خلق الله ..

ههههههههه

صبحكم سكر ..
والله الموضوع دا من جد معاااااااافرة ,,

لكن الله يزوج اللي عايز الزواج ..
والله يحمي بنات المسلمين من عبث العابثين ..

ودئي يامزيكا
:244:

ياليحي
:cool:

مستر راحل
04 Mar 2007, 11:44 AM
هذا مايسمى بـ

إسلام كول


على الدنيا السلاااااااااااااااااااااااااااااااااااااااام !!!

هههههههههههههههههه
ههههههههههههههه
هههههههههه
هههههه
هه
ه

ايها البنك الهولندي
وربي انك رهيييييييييييييييييييييييييييب

ههههههههههه

اسلام كووووووووووول
ههههههههه
ههههه
هه
ه

اموت عليك يامكاوي ازا فيك ناس زي كدا ياشيخ
وربي انكم فللللللة ..

يالله سي يو ..

حلم الليالي
04 Mar 2007, 12:27 PM
بكل صراحه هو موضوع جدا حساس
ووجهة النظر تختلف من شخص الى شخص
واحنا شايفين الفرق مابين

لولي 4 يو والاخ اس بي اتش


ترى مايحتاج نتناحل اكثر من كدا
لان كل واحد فينا رح يشوف نظرته هي اللي صح


خلاص كل واحد يلم اغراضه

اتمنى ان هالموضوع يتقفل


دعوتي الاخيره
اللي يبي يتزوج عن طريق التلفون الله يوفقه
واللي يبي زواج تقليدي الله يوفقه
دامكم تفكروا في اكمال نص دينكم الله يوفقكم

يالله خلاص

The Demon
04 Mar 2007, 12:46 PM
يأخ LoLy4u .. ترضى أختك تكلم الشباب!!! بنية سليمة !!!!!!!!!!!!!


يا سلام عليك يا shb
أولاً أنا ما عندي أخوات

تانياً لو عندي أخت ماراح تكلم الشباااااااااب على قولك

راح تكلم شاب واحد وازا يبغاها فعلاً

يجي يخطبها


وعلى كده تتصلح العلاقة

وبعدين انا ماقلت انو دا شي صحيح
بس في الزمن دا غصباً عني وعنك
الشي دا موجود وحيطور
وماراح نقدر نوقف في وجهو
وحيكتر فإحنا نحاول نأقلمو

العلاقة صح غلط بس ممكن تتصلح وتسير حلال 100 %

أشكرك يا عزيزي مداخلتك


مستر راحل

طيب يا كول انت

ههههههههه

حلم الليالي

صح كل واحد حر في رأيه

ووجهة نظره يشوفها صح

كل واحد يسوي اللي يريحو


تحياتي للجميع واحترامي

البرونزيه
08 Mar 2007, 01:50 AM
[]بسم الله الرحمن الرحيم
انااشوف ان..........من غيرزعل
اي بنت اساساتسمح لنفسهاتكلم ولدمن الشارع بصراحه وبدون زعل
موشي.............قااااااال...........حب هههههههه مابني على باطل فهوباطل
و مهماكانت ظروفهاتفكرفي ربهاوابوهاواهلهاعلى الاقل ولوالجوال بدايه المشكله
اساسا ليه جوال من البدايه تتزوج وزوجها يجيب لهااخر جهاز ويشحن لهاويسددلها
ويدلعهاوهي مكرمه ومن غيرماتحط نفسهاواهلهافي مواقف مالهاداعي
ولااحلىمن كذادلع بلاشي خسايروفوقهاذنوب وبعدين نحن بنات يعني انثيات يعني...........اشياء كثير

ايش في لاااااااااااااااكن قلبناامريكان.........وماندري

روابـــي الحجاز
08 Mar 2007, 06:30 PM
بسم الله الرحمن الرحيم


:a64:بصراحة انا عن نفسي اتزوج وحدة
اكون عارفها مزبوط ودارسها مزبوط قبل الجواز
ومختبر اخلاقها وطباعها
واعرف ازا هيا لها ماضي ولالاء

علشان بعد كده اعرف راسي من رجلي

ويكون قدامي الخيار يا ارضى يا ارفض
والله يسهل عليها
وكمان ما اتفاجأ بعد ما اتزوجها بحاجات انا في غنى عنها وتتنكب حياتي

الزواج التقليدي في زمنا دا
انا احسو سار زي الحبحبة مانعرف كيف تكون
من جوا اللي بعد مانفتحها


في ناس بتقول ايش دراك يمكن كلمتك اكيد كلمت غيرك

طيب يا حبيبي

انت اللي ايش دراك الانسانة اللي بتروح تخطبها من بيت اهلها
يمكن كلمت غيرك

ولها ماضي مزفت

انا ابغا اتناقش مع احد في دا الموضوع
علشان توصلكم فكرتي مزبوط



اهــا طيب.... لو كان على هرجة الزواج...

تـــراهم يمحدون فتـــــــرة الخطوبة.....!!

وبالتوفيق لك ولغيرك...ولكل مقبل ع الزواج....





في حفــــــــــــــــــــــــــظ الرحمن