المساعد الشخصي الرقمي

مشاهدة النسخة كاملة : مركز أوباجي... >> مســاعدة <<


روابـــي الحجاز
25 Dec 2006, 04:22 PM
بسم الله الرحمن الرحيم

السلام عليكم ورحمة الله وبركاتة

أخــواتي العزيــزات.. أسعد الله اوقاتكن بكل خير

ومتعكن بالصحة والعــافية.. والله لايحرمنــي ردودكن والاستفادة من تجاربكن

وخبراتكن..
ا
نا عندي مشكلة او بالأصح محتارة... وهو عن مركز اوباجي فأنا قبل 6 شهور تقريباً

ذهبت للمركز وفتحت ملف بهدف علاج بشرتي..

ولكن بطبيعتي قبل أن اذهب لأي مكان لابد من الاستشارة واخذ رأي هاذي وهاذي..

والناس كالعاده انقسموا لفريقين فريق مؤيد وفريق لا

والمؤيدين قالوا انه المركز هذا افضل مركز لعلاج البشرة واحنا جربنا ونفعنا ومدحوا فيه

لكن غير المؤيدين قالوا انه مانفع وزي مارحنا زي ماجينا ولا سوى شي.. :a29:

انا دحين محتااارة مرة لأني احس صح فيه تحسن لكن مو زي ماتخليت

او زي مابغى انا... وانا لسة تقريباً في نص الطريق

او اقل.. واحس انه هدفهم مادي اكثر شي... يعني اخذها من قاصرها.. لو مو ذاك الشي مااكمل بصراحة..

بس فلوس تضيع على غير فائدة..

وانا الي خلاني ادخل لاني شفت وحدة وجهها مرة تحسن ماشاء الله ..

ولما دخلت شككوني وبعد مادخلت قالوا مايصير تسيبيه لاينتكس وجهك..

فأناااااااا بجد محتــــــــــــــارة وابغى تجاربكم او اذا وحده عندها اي خبرة الله يسعدكم..

وهل هم فعلاً هدفهم مادي لأني اعرف ان المركز هذا عالمي...

واذا أي وحده دخلت أي مركز ثاني تقولي وتشرح تجربتها..

مــــــــــــــاأبغى اضيع وقتي عالفاضي وروحة جدة بالنسبة لي كل كم اسبوع مو بالهين

أبوية مو فاضي لي كل وقت..

فأرجووووووكم لاتبخلوا علي بتجاربكم ونصايحـــكم... اخواتي


ودمتم لي سالمين.. وللخير فاعلين





في حفـــــــــــــــظ الرحمن

حفيدة الحسين
26 Dec 2006, 06:28 PM
ياقلبي بنت خالتي كان وجهها يالطيف ياربي تقولي بطحا واتعالجت عندهم لااله الا الله منور سار ولافيه نقش الابره

كملي ياغاليه في ناس العلاج يمشي معاهم بسرعه وفي ناس يطولوا
والله يكتبلك الخير يااااارب

بس قوليلي اش الاشياء اللي كتبوها لكي

روابـــي الحجاز
27 Dec 2006, 08:53 AM
بسم الله الرحمن الرحيم


الله يرضى عليكِ ياحفيدة الحسين وينولك مبتغاكِ يارب..


ياأختــي... هو العلاج على مراحل

وانا في بداياتي قالت لي الدكتورة قبل مانعمل لك التقشير الكيميائي حق الآثار

لازم نهيئ البشرة لمدة حسب ماتتطلب بشرتك..

والاشياء الي كتبتها ليا برنامج اوباجي المعروف.. يعني العناية اليومية العامة للبشرة..

منظف..منشط.. بعدين حاجة اسمها الصافي.. وبعدين المقشر الصباحي والمسائي على حسب

واشياء اضافية بجانب واقي الشمس وقت الحاجة والمرطب برضو واعطتني معقم في حالة ماتطلعلي اي حبة جديدة

لا قدر الله على طول احط عليها..


شاكرة لك تواصلك ياحفيدة..




في حفـــــــــــظ الرحمن

حفيدة الحسين
27 Dec 2006, 12:40 PM
ياقلبي روابي
الله يكتبلك الشفاء وتشوفي النتيجه
بصراحه مااعرف قد ايه بنت خالتي استخدمته لانه الله يهديها ماتتكلم ولاتعطيكي خير من شر بس اختها وقعت بلسانها فعرفنا انها ادويه زي ماقلتي بالبيت اولا
وصراحه على الادويه ماشاء الله وجهها صار صافي مره وربي بيضت مع انها سمرا
وعلى فكره اي دكتورة جلديه تقوم بالعلاج اولا وبعدين التقشير حتى تبان النتيجه
فاكره الدوا اللس سالتك عنه ياقلبي انا باستخدمه وبعدها قالت الدكتوره جلست تقضير بس انا بتعالج بمكه مو بجده لانه مشوار جده ومااحد فاضيلي ههههه
استمري وراح تشوفي الفرق اهو شي واظبي عليه

روابـــي الحجاز
28 Dec 2006, 09:58 AM
بسم الله الرحمن الرحيم


الله يــــــــــرضى عليكِ يارب

والله ماتدري قد ايش ريحتيني وصرت متفائلة اكثر من أول خلاص شكلي بستمر عليه..

انا مشكلة بشتري دهينة وانتي عارفة مشاكل هالبشرة كيف...لكن في نفس الوقت لها ميزة وهي انها

ماتعجز بسرعة مثل انواع البشرات الباقية..

وعلى طاري المشوار خليها على ربك بس.. قبل كل نزلة لازم آخذ لي شوتين من الكلام الي يحبة قلبك..

والله يصفــــــي وجوهنا يارب.. لأن جمال الوجه في صفـــــــائه وبس.



في حفــــــــــظ الرحمن

ستي إستيته
29 Dec 2006, 05:04 AM
السلام عليكم ورحمة الله وبركاتة

بصراحة انا اعرف وحده راحتلهم

و تيتي تيتي زي مارحت جيتي

اتعالجت عندهم بما يقارب 6 شهور

و زي ما قلتلك

و اهم شي عندهم انو جيوبك تكون محشية على الاخر

لانهم زي ماقلتي مركز عالمي و يهمه المكسب و الربح قبل اي شي

انا عن نفسي باتعالج عند العيادات المثالية

عند دكتوره مي

بس بصراحة

على نفسي بدات احس بانتيجة لاني باعمل جلسات ليزر

بس اختي

بدا وجهها يصفى و يتحسن

و بدات تبان النتايج

عاد انتي استخيري

و ربك يسهلك



اه

نسيت اقولك

انا كنت اتعالج عند وحده الله يكافيها

اسمها نوال ابوغالي

في ابراج البدرية

اياك ثم اياك

احد يمدحها لك و تروحي


تخيلي اختي وجهها دهني يصدر زيت

تقوم تعطيها زيوت للوجهه ؟؟؟؟؟

و في الزيارة الي بعدها قالتلها انو الزيت بيسببلها حبوب

قالتلها اه انتي بشرتك ما يناسبها الزيت

اختي قالتلها عشين بشرتي دهنية

قالت ممكن ؟؟؟


بس هادي تاخد الناس باللسان الحلو

و بعد ما تعطيك العلاج

و تقولك اذا محتاجة تقشير او ليزر او اي شي

تضرب على الوتر الحساس و تقولك لا


لازم تصلي الاستخارة عشين تكوني مطمنة

و تطمن الناس بهادا الكلام

و هي اللهم لك الحمد ما تفهم شي

لا و الادهى و الامر انها مو دكتورة

يادوبك اخصائية عناية بالبشرة

فانتبهي

انو الي بتتعالجي تحت يدها ما تكون اخصائية

حتى لو كانت في مكان مشهور و له سمعته

لان الاخصائية عمرها ما كانت تفهم زي الطبيبة المتخصصة



معليش على الرغي الكثير

السلام عليكم ورحمة الله وبركاتة

روابـــي الحجاز
30 Dec 2006, 09:04 AM
بسم الله الرحمن الرحيم

آآآآآآآآآآآخ بس ياستي..

الله يســــــــتر وبس انا دحين حسيت بتفائل ومن بعد كلامك آآآخ >>. كلمة توديني وكلمة تجيبني

بس بإذن الله كله بعد فترة ويبان ان شااااااااء الله

والي اروح عندها..

أخصائية.. الدكتورة ميساء عساف

وبصراحة بيني وبينك أمي قالتلي لو خرجتي من المركز دا انسي اني اوديكي مكان تاني

فخلاص انا تركت امري لله بصراحة.. بس طبعاً لو حصل انتكاس لاقدر الله او تراجع راح اتركه على طووووووووول

وحكاية الليزر هادي طبعاً انا شايلاها من دمـــــــاغي خااااالص >>> من ربنا كدا طبيعتي ماتقبلت الليزر بتاتاً..

الله يعطيكي العافية وشاكرة لك تواصلك ومجهودك في اعطاء المعلومات

ياستي استيته وعقبال مانشوف وجهك منور انتي واختك..



في حفـــــــــظ الرحمن

معموله بالتمر
07 Jan 2007, 04:23 AM
انا اختى جربت الدكتوره منى بيطار في مستشفى حراء ماشاء الله روعه دوبها تلاته اسابيع الحبوب اختفت وبتعمل تقشير اخر الشهر

فراشة...الحجاز
07 Jan 2007, 05:05 AM
أنا سمعت عن مركز الدكتور (سليمان الحبيب)في الرياض طبعا

وحده من صاحباتي وجهها كان يتهيج أيام الامتحانات ويصير كلو حبوب وتبقع في وجهها وماعاد تروح

وججها أتحسن كتييييييييييير


وكمان في عندك عيادات (ديرما)في شارع الثلاثين

عند الدكتور (أحمد العيسى)
مره ممتاااااااااااااااااااااااااااااااااااااز

لمسة حنان
07 Jan 2007, 02:00 PM
بسم الله الرحمن الرحيم
السلام عليكم ورحمة الله وبركاتة

بصراحه انا عمتى تروح مركز اوباجي تتعالج من الجدري وتعمل تقشير للوجه ولليدين
بصراحه مررررره فرقت عن اولتحسي وجهها صار افضل بكثير انا انصحك تستخيري واذا
انت حاسه ومقتنعه انو صرتي احسن استمري لانه مافي شيء يجي نتايجه بسرعه العلاج ياخذ وقت
بص ما انسح باي عمليه تجميل لانه بصراحه تشويه عمتى بتعمل بس باين انو مو ضابط عكس التقشير
باين انو تمام ويبان عليها متى عملت لانه يصير احمرار على البشرة

الله يختلك الا في الخير ماخاب من استخار

المشبك مدبق
08 Jan 2007, 04:24 AM
عزيزتي روابي


ان شاء الله يارب

تنال الافضل

و الشي اللي يرضيكي

قولي أمين عقيل


اتوكلي على الله



وان شاء الله


ربي حيكون معاك


ولا تنسي

ان البشرة

لها انواعها وكل نوع مدى تقبله للعلاج ومدة ظهور النتائج



تقبلي تحياتي


اختك شبوكه

اسطورة البنات
08 Jan 2007, 04:53 AM
روابي


يسعد مساكــ


أوباجي يقولو ممتاز
لكن في طبيب استشاري في مستشفى الالماني في جده جدن ممتاز

صاحبتي كانت تتعالج عندو واللهي بس ماسالتها عن اسمو..

بس برأيي إنك تكملي علاجك في اوباجي عشن ماتخربطي بشرتك بين عدة علاجات ..

البشره الدهنيه يبغالها نظافه وعنايه على طول ربي يعينك

الله يوفقك..

روابـــي الحجاز
08 Jan 2007, 05:07 AM
بسم الله الرحمن الرحيم


معمولة بالتمر

فراشة...الحجاز

لمسة حنان

المشبك مدبق

أسطورة البنات



أهــــــــــــــلاً وسهلاً بكن عزيزاتي..


وانا خلاص بإذن الله قررت اني أســـتمر...

واقتراحاتكم كتبتها عشان اي احد يسألني يصير اقوله عليها..


ومشـــــكورين جداً جداً على الردود...

ويعـــطيكم العافية ولا يحرمني من أخــــــــواتي..





في حفـــــــــــــــــــــــظ الرحمن

روابـــي الحجاز
08 Jan 2007, 05:14 AM
بسم الله الرحمن الرحيم


معمولة بالتمر

فراشة...الحجاز

لمسة حنان

المشبك مدبق

أسطورة البنات



أهــــــــــــــلاً وسهلاً بكن عزيزاتي..


وانا خلاص بإذن الله قررت اني أســـتمر...

واقتراحاتكم كتبتها عشان اي احد يسألني يصير اقوله عليها..


ومشـــــكورين جداً جداً على الردود...

ويعـــطيكم العافية ولا يحرمني من أخــــــــواتي..





في حفـــــــــــــــــــــــظ الرحمن