المساعد الشخصي الرقمي

مشاهدة النسخة كاملة : الحقونىىىىىىىىىىى يابنات مكه مالي غيركم


الصفحات : [1] 2

معموله بالتمر
03 Dec 2006, 03:48 AM
معليش فجعتكم بس والله حوسه

زواج اختى في الصيف وابغى اعرف ايش افخم قاعه في مكه بلييييييييييييييييييييييز بسرعه

المشكله انى ما اعرف في مكه اي قاعه جده ممكن بس مكه ولاشي

ايش رايكم في ماربيا القمه سهرتى

ابغى قاعه بفخامه ليلتى في جده بس تكون في مكه بلييييييييييييييييييييييييييييييييييييز

المشبك مدبق
03 Dec 2006, 04:15 AM
والله فجعتيني

انا قلت يمكن البنت طاحت ولا حاجه


خدي اللي اعرفه


ماربيا


كريستاله في العوالي



مجموعة العقد الفريد


سهرتي


هادا اللي اعرفه


وافخم شي


يالله مبرووووووك مقدما

عبير الحياة
03 Dec 2006, 04:25 AM
اممممممممممممممم
في مكة افخم القاعات اللي اعرفها واللي دخلتها


القمة
سهرتي

الكرستالة(لكن صغيرة نوعا ما)

الزمردة لكن (البوفيه سئ)

قاعة احتفالات بدر بام الجود

واسمع ان ماربيا حلوه لكن ما شفتها


لكن طبعا دي كلها مو في مستوى ليلتي جدة ولا حتى وستن جدة.

معموله بالتمر
03 Dec 2006, 04:42 AM
حطمتونى ليه مو في مستوى ليلتى<<<<<<<<<مكسور خاطرها

طيب سهرتى فين موقعها وماربيا يابنات محد راحها

توتة
03 Dec 2006, 04:55 AM
سهرتي موجودة في العوالي


و ماربيا في الرصيفة

معموله بالتمر
03 Dec 2006, 05:18 AM
طموحه انتى دخلتى سهرتى او ماربيا اي احلى من جوه

* Red Ro0ose *
03 Dec 2006, 07:08 AM
السلام عليكم ورحمة الله وبركاتة ...

الف مبرررررررررروك ياقمر وعقبالك :)


وعلى قد اني في مكة بس اغلب مناسباتنا تكون في جده ....

كان نفسي اخدمك بس مرة تانيه ان شاء الله ...


تحياتي ..

معموله بالتمر
03 Dec 2006, 07:32 AM
الله يبارك فيكى وعقبالك انتى

<<<<<<<ام لتلاته الله يحفظهم ليه

وانا زيك كل مناسباتنا في جده

يلا يبنات مالي غيركم بعد الله

* Red Ro0ose *
03 Dec 2006, 07:46 AM
الصلاه على النبي


ربي يخليهم ويحفظهم ويتربوا في عزك يا ماما :)


تحياتي ..

مكاوية مودرن
03 Dec 2006, 11:04 AM
انا في مكة بصراحه مااحب غير بدددددددددددددددر اللي في الزاهر

احسها لو اتعملتهلها كوووشة رووعه تصير خطيره..

ماربيا مااعرفها

القمه ماتعجبني عواميدها بلهه

الكرستاله مو فاكرهتا

سهرتي مااعرفها

اتمنى اكوون افدتك

معموله بالتمر
03 Dec 2006, 11:57 AM
ميرسييييييييييييي على مروركم ياعسل

بدر يامكاويه مره وحده هههههههههههههههههههههههههههههههه

بنات محد راح ماربيا

اللي راحتها او سمعت عنها تبشرنى

توتة
03 Dec 2006, 12:15 PM
ماربيا يقول أنها حلوة
بس أنا ماقد دخلتها
و حتى سهرتي برضوا ما رحتها

الكرستالة هي حلوة و طيبة بس صغيرة

و العقد الفريد ما أدري عنها

و القمة زي ما قالة مكاوية مودن العواميد بلهة

و بدر هي حلوة بس الكوشة لما تعمليها لازم تكون شي فخم

مكاوية مودرن
03 Dec 2006, 12:43 PM
الحمد لله في احد تعجبه بدر زيي خخخخ

بس زي ماقلنا كوشة وبوووفيه مكلف والله تطلع رووعه

ومبروك

عبير الحياة
03 Dec 2006, 03:46 PM
مكاوية مودرن وطموحة انتم اكيد تقصدوا قاعة بدر الا في ام الجود مو الا في الزاهر
لانه الا في الزاهر!!!!>>>>>>>>>>>>>>>ما اعتقد في احد الى الان يعمل فرح فيها
عموما اختي معموله بالتمر نصيحتي انكم تعملوا الفرح في جدة اذا كنت تبغي القاعة في مستوى ليلتي و خاصة اذا كانت كوافيرة العروسة في جدة ومتطلباتها من مسكة وورد وكوشة بصراااحة ما اعرف احد في مكة راح يتقن كل ده
تحياتي للجميع

حفيدة الحسين
03 Dec 2006, 04:19 PM
معموله بالتمر ربي يوفقها ويسعدها ياااارب
ويحفظ أولادك
شوفي ياغاليه
بالنسبه لقاعة ماربيا مو بس راااائعه الا شي جوووووووووونان تقريبا بمستوى قاعات جده
اول ماتدخلي طبعا صالة العبايات بياخدوها منك ويحطوها بكيس قماشي اللي نحفظ فيه ملابسنا بسسته عرفتيه ويعطونك الرقم وهو عباره عن تطريز ذهبي على القماش
وبعدين فيه ركن تقعدي فيه زي غرفه مره مره فخمه ويباشرونك اللي تطلبيه من الى ايس كريم كوفي شاي يعني كأنك بكازينو اوكي
وبعدين بالداخل مااقولك على المباشره والاهتمام على راسك وحده بوحده يخدموكي
والعروسه تنزل بمصعد زجاجي وقبلها تكون ببلكونه وكله عرض على البروجيكتر
وتنزل على القاعه وبعدين تتزف عادي
يعني الله يعينكم بتحضير الزفه لازم تكون طويله مره فهمتي عليا
والله اتعب اقولك فخمه
وبصراحه ليلتي مو داك المستوى فعلا زمان كان ليليت دحين مايعجبني والحركات اللي شفتها بماربيا ماشفتها ابداااااااا بليلتي او باي قاعه بجده
بنات ربي يسعدك والله مكه فيها الخير لااحد يقول بس جده اللي فيهاا
اما سهرتي حضرت فيها حلوه بس برضه مو داك الشي
القمه لالالا مره عواميد ياكثرها هيا
والزمرده ممررررره بايخه
بدر حلوه لانها كبيره مرررره وأكدوا على البوفيه لانه يسوي مقالب زي وشه أحيان وربي الاكل يكون مو كويس الله يستر علينا وعليهم بس
وأي خدمه ياعسل نحن موجودين

معموله بالتمر
03 Dec 2006, 05:06 PM
مشكورين ياعسسسسسسسسسسسسسسسسسل كلكم واللي ما اتزوجت عقبالها واللي متزوجه عقبال بزورتها

حفيده الحسين الله يطمن بالك ويريحك زى ماريحتينى خلاص باعتمد ان شاء الله ماربيا

عبير الحياه والله العروسه تبي في جده بس لازم في مكه لانو سكنتها في مكه والزواج على العريس بس هو مصمم انو هى تختار القاعه في مكه وكل تفاصيل الفرح عاد بنتشرط عليه كمان

وبالنسبه للمسكه احبابنا في جده كتير وهما نازلين الفرح ينزلو معاهم المسكه

والكوفيره ترى في صالون راجين اللي جنب القمه مرررررررررررره مميز شغلهم وناعم ذكرنى بمكياج صالون ريما زمان
عندهم بنتين للمكياج واتنين للشعر يجو من جده خصوصي خميس وجمعه شغلهم روعه واختى يوم شبكتها مع انها سوت الشبكه في جده بس سوت مكياجها في مكه عندهم كان شي مميز

مكاويه مودرن بدر حلوه ماقلنا شي بس مو فخمه يعنى الرجال يقول اختاري شي فخم عشان اهلي نقوم نقولو بدر

طموحه ان شاء الله اروح مع العروسه ماربيا ونشوف

معموله بالتمر
03 Dec 2006, 05:18 PM
طيب يابنات مكه ياطعمين انتو دحين القاعه وحليناها

<<<<<<<<<ماتنعطى وجه طلباتها كتير

ابغى اللي تعرف مصمم او مصممه مميزين يرتبو الكوشه مع الطاولات والتفاصيل الصغيره دى كلها مع بعض يعنى ايش يسموهم منسقين حفلات

اذا تعرفو من مكه خير وبركه واذا من جده برضو مافي مشكله ندفع حق المشوار

يلا لاتبخلو علينا با افكاركم

حفيدة الحسين
03 Dec 2006, 07:13 PM
ياقلبي يامعموله لو حااابه في الشي الرخيص وفي الشي الغالي
حددي طلبك شي مرررره فخم ومكلف
شي مررررره بسيط ونعومي

وحاضرين ياستي انتي تامري امر
روحي شوفي كوشي في الدور اللي فوق ههههه قسم ديكور المنزل
هيا سي يو

مكاوية مودرن
03 Dec 2006, 08:53 PM
في جده في محل ورد في حي الزهراء طريق الامير سلطان اسمه سنديان بصراحه كوش ومسكات شي جوناااااااااان واذا تبغي المعجنات حقت الصحون وكدا طبعا" مافي احلى من نعمممممممه اللي في مدري اية حي نسيت والله خخخخخ الغربه وعمايلها..

ايوة بدر اللي في ام الجود عند الثانوية التاسعه اظن ومستوصف الصاعدي لوول

في محل كوشات في مكة جديد اسمه بالوني كمان حلو..ومسكات ورد في محل في النزهه انا سويت عنده يوم ملكة بنت خالتي..بس اهم شي انتي اذا في راسك فكرة جيبي صورتها من النت اذا لقيتي..

واذا تبغي فكرة نقولك عليها..

بس صدقيني دا المحل اللي في جده فظييييييييييييييع

وسلملم

مكاوية مودرن
03 Dec 2006, 08:54 PM
وعلى قولتك..الكوفيره راجين خطيييره..خالتي دايما عندهم ماشاء الله كل مره احلى من اللي قبلها :)

معموله بالتمر
03 Dec 2006, 09:06 PM
حفيده الحسين تسلم يدك شغلك مره لزيز انا حفظت كم صوره في جهازى وباعرضها على العروسه ان شاء الله

مكاويه مودرن فعلا راجين مميزين في مكه

وجاليا انا بجمع ارقام وعناوين محلات الورد والخرابيط دى وان شاء الله نقعد مع العروسه ونشوف ايش يناسبها حلو الواحد يكون عنده خيارات

معموله بالتمر
03 Dec 2006, 09:10 PM
بنات تذكرو محل الدبدوب اللي في العزيزيه اللي جنب مكدونالدز من خمسه سته سنين كده سوينا عندو كوشه عروسه تجنن

االحين سمعت انه صار مصمم فساتين تذكرو رائد اللي في البرنامج حق ايلي صعب في الال بي سي هو نفسو اللي فاتح الدبدوب

في احد قد سوا عندو او شاف شغلو

وتذكرو عدنان اكبر المصمم السعودى واااااااااااااااو كانت فساتينو فخممممممممممممممممممممممه مدرى لسه يصمم ولا اعتزل زي ماسمعنا

طيب اللي تعرف مصممين في جده او مكه بنفس مستوى عدنان اكبر ياليت تفيدنا

مكاوية مودرن
03 Dec 2006, 09:40 PM
في جده في ديك المصممه السعودية بن عبود في مشغل اسمه صحارى او الرمال شي زي كدا..

معموله بالتمر
03 Dec 2006, 09:46 PM
قصدك زاكى عبود لا يشيخه هادى انا اعتبرها رسامه ممكن بس مصممه لا كل موديلاتها شبه بعض وفكرتها الرسم بس

الدبدوب ما رحتيه اللي في العزيزيه؟

مكاوية مودرن
03 Dec 2006, 09:58 PM
لا والله مااعرفه

انا مو من مكة لوول

طيب في المصمم احمد بدوي اللي في التحلية اذا ماخاب ظني

معموله بالتمر
03 Dec 2006, 10:06 PM
احمد بدوى لاااااااااااااااااااااا يشيخه هادا متخلف

تخيلي مصمم وياخد الشيء الفلانى على الفستان وشغلو كلو بالغرا لصق وامشي

مكاوية مودرن
03 Dec 2006, 10:12 PM
اذن اتمنى البنات يفيدوكي اكتر..

روحي لبنان او دبي..

<<<حنضرب:a34:

معموله بالتمر
03 Dec 2006, 10:29 PM
ههههههههههههههههههههه مكاويه اصبرررررررررررررري عليه بس خلينى افضالك ههههههههههههههههههههههههههههههههه

ياليت ياقلبي يمدينا بس عارفه المدارس وقرفها مافي وقت

ويلا بلا مجاغه روحى اسالي خالتك اللي من مكه يمكن تعرف

زنبقة
03 Dec 2006, 10:44 PM
السلام عليكم ورحمة الله وبركاتة

استيتا معموله بالتمر
ربنا يعينك على الدبش

عندك في جواهر خوج تصميمها حلوه
وهادي في العزيزيه خلف كلية اعداد المعلمات

وفي كمان ابتسام علاف في الخالديه
برضها عندها تصميم وقريبا عملت عندها فستان حضرت بيه شبكة ولد خالي
الكل عجبهم الفستان

هيا اختار ايش يناسبك يا استيتا

ونصيحه احجزي القاعة من دحين الكل بيمدح في قاعة ماربيا
هادى اجد قاعه في مكه

ودمتي بخير

معموله بالتمر
03 Dec 2006, 11:07 PM
سانكيووووووووووووووووو يازنبقه ياعسل انا سجلت المعلومات عندى وان شاء الله على الاجازه اخد العروسه ونمر عليهم كلهم

زنبقة
03 Dec 2006, 11:16 PM
ربنا يكون في عونك استيتا معموله بالتمر

أم العروسه فاضيه ومشغوله

فراشة...الحجاز
03 Dec 2006, 11:21 PM
ههههههههههههه


طيب خدي دي القاعه

مافي زيها أتنين
(البصنوي)

خطيييييييره

لا وكمان حتلاقي فيها سلم ينزل من فوق(توماتيكي)

حركااااااااااااااااااااااااااااااااااااات:a10:


ماتلاقي زيها ولا في أفخم قاعات باريس

معموله بالتمر
03 Dec 2006, 11:38 PM
فراشه الحجاز الله يرجك يشيخه هههههههههههههههههههههههههههههههههههههههههههههههههه هههههه

ومشكوره على مرورك

زنبقه تسلمى ياقلبي

<<<<<<<<اخت العروسه

الله يرحم ماما وبابا أمين عقيل يارب ويرحم كل موتى المسلمين يارب

معموله بالتمر
03 Dec 2006, 11:39 PM
بنات ايش رايكم نخلى الموضوع دا زى الاستعلامات يعنى اي وحده تبي اي شي في مكه تجى تسال هنا

تبي مطعم تبي ملاهى تبي اي شي تجى هنا فكره حلوه صح ولا مش غلط

مكاوية مودرن
04 Dec 2006, 01:34 AM
ههههههههههههههههههههه مكاويه اصبرررررررررررررري عليه بس خلينى افضالك ههههههههههههههههههههههههههههههههه

ياليت ياقلبي يمدينا بس عارفه المدارس وقرفها مافي وقت

ويلا بلا مجاغه روحى اسالي خالتك اللي من مكه يمكن تعرف
للأسف ياقلبي انا مو في السعودية :s

معموله بالتمر
04 Dec 2006, 01:56 AM
مكاويه مودرن الله يرجعك بالسلامه

بنات من سمعت عن المصمم السعودى سعيد القبيصي وهو فين في جده ولا الرياض اللي تعرف عنه شي تفيدنا

حفيدة الحسين
04 Dec 2006, 02:16 AM
ياقلبي ماانصحك باحمد بدوي مره تصاميمه مكرره وكله تلصيق على قولتك
وزاكي والله مره مقرف تعاملها شايفه نفسها وتصاميمها عاديه مره
شوفي رهيد اللي قريب من الجمجوم صراحه بوتيك رااائع جدا وكل فساتينهم من فرنسا نعوميه مرررره
وعندك نوارا مره شغلهم راقي بس اختاري تصميم حلو وشغلهم نظيف وميه ميه
وعندك بالمساعديه محل اسمه الطاووس يسويلك تصاميم اخر روشنه اختي مسويه عندهم فستان فرحها
ولو افتكرت شي ارجعلك تاني بس كله يعتمد على ذوق الوحده واختاري المشغل اللي يعجبك ويكون شغله نزيف وعني احب البوتيكات لانه تصميم واحد ومايتكرر عرفتي عليا


نجي للشعر عندك جاك ديسانج اللي بالتحليه شغل عرايس مميز وعندك نتالي وكمان فيه نوارا وفي كمان شاااميل زمان دحين الله اعلم عنها ياقلبي


نجي للكوش عندك بالوني بالضيافه وعندك دبدوب عندك كم محل بالعزيزيه روعه مررره صراحه
بس بالوني قمه بالتصميم والمسكات خرافيه وعندك محل بالمجاز بس مو فاكره اسمه ههههه


نجي للمصوره ضاويه وارفعي يدك شي مو خيال استغفر الله تحسي الناس بالصور تتحرك تنطق من جمالها شي مااقدر اوصفه لكي

نجي للحلويات عندك شوكولاتي بسلطان موووول وعندك بيت الشوكولاته بالتحليه وعندك المعجنات نعمه والبيادر

واخت العروسه لها نصيب عندك الحفني روحي واتفرجي على الفساتين خيطت فستان فرح اختي هناك من جد الكل سالني من فين



ولو في شي اسالي ولاتتردي
اهل مكه فيهم الخير ومايقصروا بحول الله

معموله بالتمر
04 Dec 2006, 02:41 AM
مشكوره ياقلبي انتى بس بسالك كم سؤال ابغى عنوان ورقم جاك ديسانج ومن احسن وحده مكياج وشعر واذا كانو ينزلو مكه

فين فصلتى في الحفنى وكيف الاسعار

ومن ناحيه البوتيكات معاكى حق بس ابغى اسامى بوتيكات مميزه

رهيد رحنا انا والعروسه ماعجبها تقول منفوش بزياده لانها نحيفه تحس انه الفستان بيضيع وجهها وبعدين مايفصلو بس جاهز مع انو اسعارهم حلوه

مشغل نوارا الكل يمدح فيه بس كيف اسعاره بحدود كم يعنى ممكن الفستان يكلفنى مع القماش 2000 كده ولا اكتر

الدبدوب كان زمان حق كوش بس يقولو صار مصمم فساتين الحين انتى متى اخر مره رحتى له بصراحه شغلو في الكوش كان جونان

حفيدة الحسين
04 Dec 2006, 03:05 AM
بحول الله بكره اجيب الارقاك كلها
صراحه نوارا الفستان كلف عشرين الف
وحلو للعروسه منفوش لانه يعطيها رونق وميزه غير الحاضرين تمام
بنت خالتي الاسبوع اللي راح فرحها مرررره نحيفه وووشها صغير بس فستان سندريلا رااائع عليها
وعلى فكره داماس حق المجوهرات بالتحليه مسوي تخفيضات اشيائه روووعه روحيله
صراحه رحتله من زمان خلاص روحي لبالوني رووووعه مره وبسالك اخويا فين سوا كوشته نسيت مره مميزه والكل سال عنها

معموله بالتمر
04 Dec 2006, 03:13 AM
مشكوره ياقلبي
انا قصدى فستان ليه انا كم يكلف عند نوارا
وان شاء الله في الاجازه امر المحلات حقت الكوش واشوف
وانا زيك اشوف الفستان المنفوش حلو للعروسه بس ايش تسوى في الراس الناشف

حفيدة الحسين
04 Dec 2006, 03:35 PM
اها شوفي ياقلبي بفرح اختي خيطت عند الحفني محل كدا عند الدرج مو فاكره اسمي بجبلك التفاصيل قريب بحول الله
ايوا تقريبا بهادا السعر الفين الفين ونص لحضيره
والله يوفقها ويسعدها اهم مافي الموضوع وخلوها على راحتها والله يسعدها ياااااااااااااااااااااارب

أحلى حجازية
04 Dec 2006, 03:56 PM
مبروك لأختك مقدما..و عقبالي و عقبالكم:)
بصؤاحة أنا ما أعرف لإني مو عايشة في مكة بس يقولو
1/ماربيا>>>>>أجدد شي
2/سهرتي في العوالي
3/الزمردة
4/القمة
5/وفي وحدة ورا مشروع مكة أو عندو نسيت إسمها..ما أدري يقولو حلوة
و الله يسهللكم و يوفق أختك:)

معموله بالتمر
04 Dec 2006, 04:58 PM
حفيده الحسين مشكوره ياقلبي وترانى بستناكى لاتتاخري

احلى حجازيه ثانكيو ياعسل

بس محد قلي تعرفو سعيد القبيسي في جده هو ولا في الرياض

زنبقة
04 Dec 2006, 05:27 PM
السلام عليكم ورحمة الله وبركاتة
استيتا معموله بالتمر

الله يعنك بس حبية انبهك
انو لزم تكملي 100 مشاركة
عشان تقدري تستقبلى اي رساله خاصه
هيا قدامك 45 مشاركه عشان توصلي الميه
يسير يسهل عليكي تبادل المشاغل

وان شاء الله تلاقي الشي اللي يناسب عروستنا

ودمت بود

معموله بالتمر
04 Dec 2006, 06:26 PM
45 ياللهوووووووووووووووووووووووى

<<<<<<<جاتها فكره شريره بتكتب كل حرف في مشاركه خخخخخخخخخخخخخخخخخخ

زنبقة
04 Dec 2006, 06:50 PM
استيتا معموله بالتمر

متسوطيش

في حل للمشكله

ردي في الموضيع

وخلال 42 ساعه تكوني كملتي الميه

ودمت بود

معموله بالتمر
04 Dec 2006, 07:08 PM
هههههههههههههههههههههههههههههههههههه فكره برضو

زنبقة
04 Dec 2006, 08:13 PM
شاطووووووووووره

استيتا معموله بالتمر

قربتي تخلصي المية مشاركة

حظ سعيد يا استيتا

معموله بالتمر
04 Dec 2006, 08:26 PM
<<<<<<<ماينخاف عليها خخخخخخخخخخخخخخخخخخخخخخخخخخخخخخخخ

بنات ماقلتولى مين راحت محل الدبدوب بعد ماصار تصميم فساتين اللي راحت تقول واللي ماراحت الله لايهينها تلبس عبايتها وتنقز تشوف وتيجى تقول

زنبقة
04 Dec 2006, 08:44 PM
استيتا دحين انت عايشه في مكه

عشان كدا بدوري على محل دبدوب
وفين داى دبدوب منك نستفيد
تقصدي اللي في شارع الستين اللي في دخلة القزاز
هو داء هو محل هدايا ايمكن يعمل كوشات
فهل هو اللي تقصدي

ودمتي بود

معموله بالتمر
04 Dec 2006, 11:02 PM
اولا يختى يازنبقه انا من مكه واهلي في مكه بس انا عايشه في ينبع الصناعيه عشان عمل زوجى

تانيا الدبدوب دا كان محل كوش بس الحين صار فساتين ومكانو في العزيزيه تعرفي مكدونالدز مو في محلات جنبو تلقيه هناك على جوه والمصمم اللي فيه هو رائد اللي كان يطلع في برنامج ايلي صعب اللي في الال بي سي

وتالتا انتى ساكنه في مكه ؟

زنبقة
04 Dec 2006, 11:33 PM
السلام عليكم ورحمة الله وبركاتة

اهلا وسهلا بيكي يا استيتا

عرفت المحل اللي تقصديه اظن كان جب مكتبة تهامه قبل لا تنقل

اجل يا استيتا انا من مكه قبلة الدنيا

ربنا يعينك يا استيتا هيا كملي الميه

في شغلات كتير لزم تسويها تبدى بالاساسيات فستان الفرح

من جد تعب ربنا يكون في عونك واحنا بنات مكه ماراح نقصر معاكي

طلع المحل اللي في الستين في مدخل لبقزاز اسمه ارنوب

مو دبدوب

وللحديث بقيه

معموله بالتمر
05 Dec 2006, 12:09 AM
بنات مين قد جربت مكياج عبير وهبي في صالون ماجده اللي في الرصيفه

<<<<<<<<<جاها انهيار عصبي لما شافتو

تصدقو يمدحو شغلها بشكل مو طبيعى في منتدى تانى اللي يسمعهم يقول هادى بسام فتوح السعوديه هههههههههههههه

وهداك اليوم رحت ابغى احجزها لشبكه اختى من جد فتحت فمى تلون وجهك بكل معنى الكلمه

شفتو في الملاهى كيف يرسمو على وجه البزوره نفس الشي بس بالمكياج شي من جد بشع

والمشكله عندها ززززززززززززحمه مو طبيعيه

ابو حسان
05 Dec 2006, 12:58 AM
][`~*¤!||!¤*~`][مالك لا القصر الابيض في شارع الحج والا قصر مكه ولا التهاني
ونت ذوقك:a38:][`~*¤!||!¤*~`][ ومبروك وعقبالى تهتهتهتهتهت..

معموله بالتمر
05 Dec 2006, 01:15 AM
الموضوع اسمو الحقونىىىىىىىىىى يا
يا
يا
بنااااااااااااااااااااااااااات
بنااااااااااااااااااااااات بنااااااااااااااااااااااااات

مكه انتبهتو ولا لااااااااااا

المشبك مدبق
05 Dec 2006, 03:46 AM
معمولة


ياااااااااااااعسل


اولا

الموضوع اتطور واحلووو


وبصراحه ماتتخيلي قد ايش انا استفدت منكم

لأنه زواج خالي في شهر 3 والصراحه


للأن حايرين


بس انتم حليتوا بعض المشاكل


الله يسعدكم



بس كل وحده كتبت حاجه



الله يخليكم


تكتبوا اسم لمصمم وعنوانه وفين



بالتفصيل


ابغى احسن كوافيره في مكه من شعر ووجه

وابغى قاعه لا القاعه انحلت

ابغى مصمم او فساتين روعه


بالله بالتفاصيل


وابغى كووووش



واذا ماتبغوا تكتبوا ارقام يسير نتعامل بالخااااص


وابغى مصوراتيه


لاتنسوني



تانيا


معمولة انت الأن في ينبع


بسرعه اشوفك


انا كمان من مكه

بس عايشة في ينبع الصناعيه




بسرعه

خليني نكون اصحاب



تالتا

الله يوفق ويسعد الكل والجميع

معموله بالتمر
05 Dec 2006, 05:45 AM
كللللللللللللللللوووووووووووووووووووووووووش


مشبك ياقلبي انتى من ينبع
وانا اقول فين شايفتك شكلنا اتقابلنا في النجمه خخخخخخخخخخخخخخخخخخخخخخخخخخخخخ

ياقلبي انتى ان شاء الله نتقابل بس بعد الحج ان شاء الله عارفه الحين مدارس والدوامات حقت الرجال زفت هنا

بعد الحج نتقابل في اي نادى اوكى ياقمر


بالنسبه للصوالين روحى راجين وانتى مطمنه مكياج رباب وحنان وشعر حوريه بس كلميهم من بدرى واتاكدى انهم في لانو البنات دول من جده ويجو خميس وجمعه او بالطلب

والمصممين انا باسال بس يقولو الدبدوب في العزيزيه حلو

والكوش البنات هنا يقولو بالونى في الضيافه
انا اتذكر المحل مره حلو بس ماشفت الكوش لسه

وان شاء الله نصير اصحاب انتى زوجك فين يشتغل؟

معموله بالتمر
05 Dec 2006, 10:37 PM
فين رحتو يابنات مكه لاتكونو بتحجو قبل الزحمه خخخخخخخخخخخخخخخخخخخخخخخ

ماقلتولي محد راح الدبدوب
هيا بلامجاغه اللي رايحه العزيزيه اليوم تنقز تشوفو وتيجى تقول

زنبقة
05 Dec 2006, 10:50 PM
السلام عليكم ورحمة الله وبركاتة

استيتا معموله بالتمر

مارحنا العزيزيه رحنا الشوقيه تنفع

هههههههههههههههههههههه

اقلك يا استيتا انحا صحيح عايشين في مكه بس مانخرج من البيت غير نهاية الاسبوع

مو تقولي عندك اهل في مكه خليهم يكفشولك محل دبدوب

اليوم وانا راجعه من الشوقيه شفت محل راجين الي بتقولي عليه
على الخط السريع

واي خدمه غير دبدوب ان شاء الله اقدر اساعدك

ودمت بود

معموله بالتمر
05 Dec 2006, 11:07 PM
المشكله اخواتى ماعندهم سواق الحين
وخالاتى ما ابغاهم يعرفو المحل لانه العروسه ماتبغى تبين فين بتسويه قبل الزواج تبغاه مفاجاه قلت مالي غيركم

بنات محد يعرف كوفي عائلات في مكه يعنى جلسات حلوه وفيها معسلات عشان زوجى لاتقولي الحكير بس طفشنا منه

ولاتقولو جده ابغى في مكه احيانا الواحد يطفش يبغى يخرج مكان رايق مافي لازم نضرب مشوار لجده

زنبقة
05 Dec 2006, 11:33 PM
استيتا معموله بالتمر

في سوق ذي المجاز في العزيزيه

المطعم الصيني والبناني

في سوق الحجاز مجموعة من مطاعم

وفي سوق الضيافه مجموعة مطاعم وجلسة عائليه


بس ما اظن معسلات

نحن في مكة بلا تدخين

ودمت بخير

فراشة...الحجاز
06 Dec 2006, 12:39 AM
أقووولك

أنا أعطيكي التفاصيل كلها

بس هااااااااااااااااااا

تعزمينا على الزواج>>>>سطااحه

ولا مافي كروت زيااده>>>>أعذار العاده

ولا ماحنا قد المقام؟؟

معموله بالتمر
06 Dec 2006, 12:46 AM
ه ياقلبي فراشه الحجاز انتى اول المعازيم ان شاء الله وبدون كرت كمان الزواج ان شاء الله في ماربيا من بكره كل يوم روحى عندهم وقولي ابغى معموله اذا زواجنا بيدخلوكى واذا مو زواجنا يا يرسولك صحن معمول ولا يدقو على شهااااااااااااااااار

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههه

يلا ياحلوه ردى على اللي تقدرى عليه عشان الكل يستفيد

معموله بالتمر
06 Dec 2006, 12:48 AM
بنات ما بدات التخفيضات في السوق ؟

فراشة...الحجاز
06 Dec 2006, 12:49 AM
والله يابنات فلللللللللللللله:a18:
تخيلوا نتجممع كلنا في زواج أخت معموله

ونشوف بعض وجها لوجه>>>>خلي الطابق مستور

ونتفاجيء ببعضنا هناك

ويصير تعارف رسمي>>>أنا ماقلت راح أخطب


بالله أيش رأيكم..فكرره خطييره:a53:

بس معموله باين على وجهها بيتقلب يمين وشمال..مو عارفه أيش ترد:122:

سامعتك

(((ماصدقوا على الله سمعوا في فرح))):a15:

طيب بالله لاتحلفيني كتيير

أشوف ظروفي وأردلك

المشبك مدبق
06 Dec 2006, 12:59 AM
معمولة ياقمر






مشبك ياقلبي انتى من ينبع

انا من مكه

بس ساكنه في ينبع الصناعيه

وانا اقول فين شايفتك شكلنا اتقابلنا في النجمه خخخخخخخخخخخخخخخخخخخخخخخخخخخخخ


من جد شكلوا خخخخخخخخخخخ

النجمة تمشيتنا

ياقلبي انتى ان شاء الله نتقابل بس بعد الحج ان شاء الله عارفه الحين مدارس والدوامات حقت الرجال زفت هنا

بعد الحج نتقابل في اي نادى اوكى ياقمر

باذن الله ياعسل

وضروري نشوف بعض ان شاء الله


بالنسبه للصوالين روحى راجين وانتى مطمنه مكياج رباب وحنان وشعر حوريه بس كلميهم من بدرى واتاكدى انهم في لانو البنات دول من جده ويجو خميس وجمعه او بالطلب


طيب اوصفولي مكانه بالتحديد

والف شكر على تحديد



وان شاء الله نصير اصحاب انتى زوجك فين يشتغل؟

ههههههههههههههه

انا ماني متزوجه

انا مع اهلي







والف شكر


ياعسل


ويالله خلونا نكمل

معموله بالتمر
06 Dec 2006, 01:08 AM
وه ياندامه يشيخه مافيها شي تعالو كلكم مرحبنبكم الزواج زواجكم

ولا يتقلب وشي ولا شي <<<<<<<<<<<جاها مغص

هيا بالله عليكى تيجي
يشيخه الا لازم تيجي مايصير

لاتخلينى افركش كل شي اذا ماجيتى

هههههههههههههههههههههههههههههههههههههههههههههههههه ههههههههههههههههههههههههههههههههههه

مشبك يابنت راجين في كدى كنك رايحه قاعه القمه هو جنبها على الشارع يبان مايضيع

وان شاء الله نتقابل قريب في النادى ولا اي مكان <<<<<<<<<يعنى يعنى ترى عندنا نوادى حلوه نسائيه في الهيئه كحكحكحكح

انا زوجى يشتغل في الهيئه نفسها بس مانى قايله فين بالزبط سرررررررررررر<<<<<<<<<<<وانتى الصادقه خايفه يقرا الموضوع وتتلطشي خخخخخخخخخخخخخخخخخ

المشبك مدبق
06 Dec 2006, 01:17 AM
مشبك يابنت راجين في كدى كنك رايحه قاعه القمه هو جنبها على الشارع يبان مايضيع


ايوا طيب لمن انزل مكه يسير خير شكلي حطلع الهداا خخخخخخخخخخخخخخخخخخخخ

اعطيني رقمهم طيب


ان شاء الله نتقابل قريب في النادى ولا اي مكان <<<<<<<<<يعنى يعنى ترى عندنا نوادى حلوه نسائيه في الهيئه كحكحكحكح

ايوا يختي عندنا نواااااااااااااااااادي

وحديقه نسائيه كمان هههههههههههههههههه




انا زوجى يشتغل في الهيئه نفسها بس مانى قايله فين بالزبط سرررررررررررر<<<<<<<<<<<وانتى الصادقه خايفه يقرا الموضوع وتتلطشي


خخخخخخخخخخخخخخخخخخخخخخخخخخخخخخخخخخخخخخ


:D

فراشة...الحجاز
06 Dec 2006, 01:19 AM
معموله


لا تروحي جاك ديسون الي في جده

والله الفنانات منهم شايفين نفسهم والشغل عندهم كللو بالتوصيه والرشاوي

ولو كنتي زبونه معروفه يعطوكي وجه
ولا مايعرفوكي
تصلي الصبووح عندهم

أنا جربتهم ومعاملتهم سييييييئه


روحي سيرينا (عروسالبحر)
في هناك واحده (فنااااااااااااااااااااااااااااااااااااااااااااااا انه))والله ناسيه أسمها
هيا أساسا صاحبة المحل
أذا دخلتي أسالي عنها

والله أسلوبها حلو وتعاملها راقي
وأنا سويت عندها مكياج مررره رهييب

ومحلها راايق ومافيلوا زحمة محلات جده

وأذا ماعجبك
أنصحك تروحي (ريما)
في وحده اسمها لينا
برضوا فنااانه في مكياج العرايس
بس عندهم دايما زحممممممممه

ونصيحه مني
بلاش تخيطوا فستان فرح
والله جده فيها فساتين جاهزه وفخممه
وكلها ساعتين في الكوشه
ماتستاهل لفلفه و20 أو 15 الف
عندك(جده مول)في محل فوق خاص لفساتين الزواج)
بنت خالتي اخدت منه
والله فستانها مررره حلو
وممدام المكياج والتسريحه حلوه
خلاص ..ليش ندقق في الفستان زيااده عن اللزوم

ح يتلبس مرره واحد وبعد كدا ماعاد يشوف النور
وأنا عندي انو الوحده تخيط فستان شبكه أحسن لها..ليش؟؟
لانك تقدري تلبسيه أكتر من مره عشانه ملون
وتحضري فيه بعد الزواج وتحللي فلوسه
بس حق الزواج مرره صععبه تلبسيه أكتر من مرتين بس
وكمان في زواج وحده تعرفيها

وبالنسبه للمصوره
من جده لو تبغي((الضوءالمفتوح)
مررره صورهم خطييره
جربناه في زواج أخويا ويعطوكي ألبوم مرره فخم

أيش باقي

القاعه ماعرف عنها لاني مو عايشه في مكه

وماقيد حضرت غير في البصنوي>>>>>قاعة ليلتي سابقا
هههههه

وفي بدره>>وهادي صارت بلدي ودقه قديمه


وشوفي ماربيا زي ماقالت حفيدة الحسين

ونصيحه مني((الفرح زمان كان للعروصه والعريس والجري للمتاعيس))

دحين (الفرح للمعازيم والجري صار للعروصه وأهلها))

وشهر العسل مايتعوض ومافي أحلا منه
وخلي الفلوس اللي تحطوها في الاشياء الزايده ..أعطوها لاختكم تتمشى فيها
والطاولات لاتكلفوها بزيااده عن اللزوم

أهم شي في أي زواج بالنسبه ليا....وداااااااااااااااااااااااايما أقولها بس ماحد يسمعني
((المصوره....الزفه..االكوفيره....أغاني الزواج عشان جو الفرح يصير هيصه..الكوشه عشان الصور تطلع حللوه))

حتى البوفيه ماراح تلحق اختك عليه. ولا حتى أنتم....يادوبك حدها الكيكه
(وحتى هادي مأأيدها كتيير))
ولو الناس ماعجبهم الاكل
يروحوا ياكلوا في بيتهم
المطاعم علا قفى من يشيل
بعني حبكت يعجبهم الاكل..!!


و

فراشة...الحجاز
06 Dec 2006, 01:34 AM
طييييييب خلاص والله جيه بس أرسلي الكرت ب دي اش أل عشان انا في الرياض>>>>ماصدقت على الله

ولا أقولك لاتكلفي على حالك
حطيه عند الباب بأسمي >>>>ماعندها مشاكل

والله مايصير تفركشوا فرحكم بسببي>>> صدقت


بس بالله أحجزيلنا طاوله نتلم عليها كلنا وأكتبي عليها ((خاصه ببنات منتدى مكاوي>>>>>ياشيييخه قلنالك ماننعطى وجه


وهادا ايميلي لو تحبي تستفسري عن عنواني
butterfly_7ijaaz@hotmail.com

المشبك مدبق
06 Dec 2006, 01:36 AM
روحي سيرينا (عروسالبحر)
في هناك واحده (فنااااااااااااااااااااااااااااااااااااااااااااااا انه))والله ناسيه أسمها
هيا أساسا صاحبة المحل
أذا دخلتي أسالي عنها

عنوانها فين بالضبط



وأذا ماعجبك
أنصحك تروحي (ريما)
في وحده اسمها لينا
برضوا فنااانه في مكياج العرايس
بس عندهم دايما زحممممممممه


العنوان برضوا



من جده لو تبغي((الضوءالمفتوح)

كيف نوصلهم ؟؟



الف شكر


فراشة الحجاز


ننتظر المزيد


اي معلومات سيكرت


نتعامل بالخاص


لاتنسوني

مكاوية مودرن
06 Dec 2006, 01:41 AM
فراشة..

جاك احلى من ريما بمليووون مره وشغلهم نضيف ومرتب..

انا يوم فرح عمتي ضربت مشوار من مكة لجده عشان خاطر عيونه<<<طرقه خخخ

في كمان شاميل احلى من ريما..وكمان في سلمى سنتر..

الفساتين في بوتيك A&a تجيب فساتين روعه..

ايش كمان؟؟؟

المصوراتيه في القصر في جده خطير..وفي ديك المصوره الحضرميه مو فاكره اسمها صورها عالم اخر

معموله بالتمر
06 Dec 2006, 01:55 AM
لا لا لا لا لالا
الا ريمااااااااااااااااااااااااااااااااااااااااااااااا ااااااااااااااااااااااااااااااا

مع انى في زواجى وشبكتى سويت عندها وطلعتنى جنااااااااااااااااااااااااااان بس الكلام ده من 8 سنين

بس دحين وعععععععععععععععععععععع

من سنتين رحنا سوينا عندها في فرح بنت خالتى تخيلي تسوى الاساس عند وحده فلبينيه وتروحى عندها تمكيجك وتخيلي بالله العروسه وبنت خالتها نفس المكياج بالزبط نفسه والله حتى الناس انتبهو المشكله احنا اتمكيجنا وخرجنا والعروسه جات بعدين والله فتحت فمى لما شفتها ياللهوى وتعاملهم مره بايخ كنهم كاشير في بقاله يلا خلص وهات اللي بعدو

جاك يمدحوه مره يمكن نحجزهم برا الصالون احسن واروق باكلمهم لما اروح ان شاء الله

واذا على العروسه ماتبغى تتكلف في زواجها بس العريس وحيد اهلو ويبغو يفرحو فيه قالت له ما ابغى زواج قال لازم زواج وكبير اهلى كتير
قالت طيب باشترى فستان ناعم ما ابغى شي غالي حرام قال لا لازم شي فخم وعند مصمم عشان اهلي مفقعين ومو مهم السعر لانه ماشاء الله ماقصر في المهر بيكفي وزياده

واذا على الزواج هو متكفل فيه من كلو بس يبغاه على ذوقها يعنى اختارى وانا ادفع

يعنى الرجال يقول ابغى كل شي فخم نقلو لا حرام الفلوس تضيع كده بيقول مالكم شغل انا حر

ياستى الله يوفقهم ان شاء الله وكلها ليله نتعب فيها وتبقى الذكرى الحلوه

المصوره في وحده جابوها اهل العريس في الشبكه والله مدرى ايش اسمها بس جونان الصور مره خيال حتى البوماتها مميزه با اجيب اسمها ورقمها ان شاء الله

وصالون راجين باعطيكى رقمهم بس اصبري مو عندى الحين اذا صحيو اخواتى اخدو منهم

ووووووو بس تعبت

هيا من جد ما بدت التخفيضات لسه

فراشة...الحجاز
06 Dec 2006, 02:07 AM
طييب خلاص براحتكم سوا اللي تبغوه

أنا كتب رأي وأنتم حرين

وياستي الله يسعدها ووفقها ويهنيها ويبعد عنها شر عيون الحاسدين
لحسن الناس صاروا يحسدوا الأعمى على عماه

وحصنوا أختكم كوييييييييييييييييييييييييييييييييييس قبل تنزل القاعه

وعندي طلب منك يامعموله

الموضوع هادا اللي طرحتيه
أفادنا كلنا بصراحه
لاننا أحنا ومكاويه مودرن ومشبك مدبق والخخخخخخخخخخخخ

ماحنا عايشين ف مكه ولا جده
بس نجي أوقات واوقات

ومانعرف عن المحلات هادي كلها اللي أتكلمتوا عنها (من فساتين وكوفيرات ومصورات وقاعات)
ويمكن تجي مناسبات ونحتاج المعلومات هادي

ياليت ياليت تعملي معروف فينا

وتكتبي كل المعلومات اللي أتكتبت في هادا الموضوع
وتفصليها>>>>أنا عجااااااااااااااازه
الأفضل فالأفضل

ومرره وحده بالعناوين وأرقام التليفونات>>>من عمل منكم عملا فليتمه

يعني شغل مرتب ومنسسق بيدك الحلوه هادي

بس على فضاوه
ترا ماحنا مستعجلين

بس عشان مانبغا المعلومات هادي تضيع في الهوا

يعني نطبعها ويصير كل واحده فينا عندها نسخه عن كل مايتعلق بمستلزمات الزواج
سواء كان في جده ولا مكه

ترا أحنا لسسه عزاابيه
والوحده ماتدري فين نصيبها راح يكون

وتكوني خدمتينا خدمه كبيييييييييييييييييييييييييييييييييييييييييييييييي ييييييييييييييييره
ويمكن دي الورقه تنتشر وتستفيد منها كل بنت مقبله على الزواج

بدل مانرجع نسأل من أول وجديد

هااااااااااا
أيش قلتي ياعسلللللللللللللللللللللللل؟

معموله بالتمر
06 Dec 2006, 02:31 AM
يعنى دحين انتو يابنات ياحلوين يافاضين تبغونى انا يا حورمه ياللي عندى تلاته بزوره الكبير سنه اولى والصغير خمسه شهور اقعد اجمع وافصفص حرااااااااااااااااااااااااااااااااااام عليكو

<<<<<<<<<<تكتب بيد وماسكه الرضاعه باليد التانيه هههههههههههههههههههههههههههههههههههههههههه

اصبرو كده الين نجمع معلومات اكتر ونلمها كلها في بقشه وحده بس مو انا وحده منكم منى فاضيه<<<<<<<<<<وانتى الصادقه منتى عارفه يافالحه

وللمره المليوووووووووووووون بدت التخفيضات ولا لسه

فراشة...الحجاز
06 Dec 2006, 03:17 AM
واااه واااه يامعموله

مو العشم هادا والله

كدا تكسفيني وتقوليلي ما أعرف

لا لا لا

خلاص ياستي
لا نبغا معلومات ولا غيره

حتى الفرح بطلنا..ماحنا جيين

يعني قلتلك سيبي اولادك وأقعدي اكتبي دحين

قلنا لما تفضي وتخلصي من زواج اختك..ديك الساعه

كلها ماتاخد في يدك ساعه علا بعضها>>>خساره فينا

بعدين أنتي اللي طرحتي الموضوع وفتحتي الباب

ومدام الموضوع موضوعك أنتي أولى بأدارته وتنسيقه>>>>الكبير له مكانته برضه

وعيب علينا أحنا يالصووغار نتعدى على وجودك ونكتبه

وأنا عندي فكره حللوه

أطبعي أرسلي الموضوع لصاحباتك الليفي جده أو مكه او حتى قريباتك اللي تعزي عليهم مرره

وقوليلها((طلبتك لاترديني>>>>كده رسيت عليها ومامنها فككه)
وقوليلها:
رتبيلي هادا الموضوع على روااقه وأذا عندك زيااده..خير وبركه

وبكده أتحلت

هاا أيش قلتي؟

معموله بالتمر
06 Dec 2006, 03:29 AM
واااه واااه يامعموله

مو العشم هادا والله

كدا تكسفيني وتقوليلي ما أعرف

لا لا لا

خلاص ياستي
لا نبغا معلومات ولا غيره

حتى الفرح بطلنا..ماحنا جيين
لا يشيخه مايصير ازعل بعدين<<<<<<<<<<<<<<اتنفست الصوعداء

وبعدين مين اللي كبيييييييييييييييييييييييييير يختى <<<<<<<<<<زوجوها صغيره

ترى دوبي في العشرينات

اما حكايه ارسلي لقريباتك وصاحباتك خخخخخخخخخخخخخخخخخخ كترى منها والله لو ارقص لهم في الرساله مو مسوينها
<<<<<<<<<<<<نذله عشان كده يتمنذلو فيها دايما

بس ابشري خلينا نكمل الموضوع واللي عندها اي اساله تقول واللي عندها افكار تقول واللي حضرت فرح ولا مناسبه وشافت شي مميز تقول تخفيضات عروض حريم يطبخو في البيت ويبيعو ناس تشتغل في البيت وتبيع اي شي اي شي اكتبوه مو لازم احد يسال اللي تعرفوه اكتبوه عشان الكل يستفيد

مكاوية مودرن
06 Dec 2006, 04:03 AM
الموضوع هادا اللي طرحتيه
أفادنا كلنا بصراحه
لاننا أحنا ومكاويه مودرن ومشبك مدبق والخخخخخخخخخخخخ

ماحنا عايشين ف مكه ولا جده
بس نجي أوقات واوقات


انا عايشه في جده..واهل ماما وبابا في مكة..بس حاليا" انا في امريكا..

اجبلك الفستان معايا خخخخخخخ

معموله بالتمر
06 Dec 2006, 04:07 AM
ياقلبي يامكاويه اللي يردك بالسلامه وتسلمى ياقلبي لا ما ابغى الفستان بس في طريقك وانتى جايه مرى ديزنى لاند وجيبي لي كل شي مرسوم عليه شخصيات ديزنى اااااااااااااااااااااااااااااااااااه اموووووووووووووووووت فيهم ا

معموله بالتمر
06 Dec 2006, 04:09 AM
مكاويه مودرن ممكن سؤال

وانتى راجعه ماراح توقفي في لندن ؟

ابغى منك شي
8
8
8
8
8
8
8
8
8
8
8
8
8
8
8
8
8
8
8
8
8
8
كيت كات ابو قصديره حق زمااااااااااااااااااااااااااااااااااااان

مكاوية مودرن
06 Dec 2006, 07:03 AM
ههههههههههههه


لسه مارحت ديزني لاند وانا كبيره خخخخ

للاسف ماراح اوقف في لندن حوقف في باريسسسسسسس

معموله بالتمر
06 Dec 2006, 07:24 AM
باريس باريس مو مشكله وقفي عند اي بقاله في باريس وجيبي كيت كات ابو قصديره

معموله بالتمر
06 Dec 2006, 07:32 AM
بنات اللي تبغى محل جلابيات مميزه عندكم عماد رزق في التحليه جنب بيانو

وفي مكه السلطانه في ذي المجاز جلابيات مخمل رووووووووووووووووووووووووووعه

معموله بالتمر
06 Dec 2006, 08:38 PM
صالون سهارى في الخالديه السعوديه صاحبه الصالون روعه شغلها وكمان السوريه للشعر

<<<<<<<<<<<<<تكلم نفسها

فينكم بناااااااااااااااااااااااااااااات نبغى معلومات

معموله بالتمر
07 Dec 2006, 03:14 AM
بليييييييييييييييز يابنات مين تعرف عناوين شركات تجهز للحفلات يعنى فيها منسقات للزواج يمسكو الزواج من الى
من مواعيد بروفات العروسه الىىىىىىىىىىى القاعه وتفاصيل ازفه وكل كل كل شي

اللي تعرف عناوين او اسماء بس في جده او مكه بليييييييييز تقولي

معموله بالتمر
09 Dec 2006, 12:23 AM
بنات مكه فينكم ؟

هادا كلو نوووووووووووووووووووووووووووووووووم

فراشة...الحجاز
09 Dec 2006, 12:34 AM
مكاويه مودرن
طلبتك>>>>>عييييييييييييييييييييييب ترديني


أبغا شوكلاته كيت كات بالفول السوداني

مره جابتلي هيا عمتي من امريكا
وطعمها الين دحين في فمي

والله نفسي فيها
أمانه عليكي تجيبيلي كرتون>>عيب أكل منها وماأذوق أهلي وصاحباتي

خلاااص أعتمد


أعتمدنا:a07:

معموله بالتمر
09 Dec 2006, 12:37 AM
ههههههههههههههههههههههههههههه فراشه اخيرا لقيت احد وجهو قوى زيي
ههههههههههههههههههههههههههه

مكاويه هيا لاتنسي جيبي ورقه وقلم

كيت كات ابوقصديره

كيت كات بالفول السودانى

يلا يابنات اللي تبغى شي قبل البنت لاتيجى خليها تعبي نفسها من بدرى

فراشة...الحجاز
09 Dec 2006, 12:38 AM
معموله أنتي لسسه ماخلصتي لوازم فرح أختك

ماصار زواج>>>>>مهرجان جده غير

ياستي أنتيتأمري أمر
أحنا عندنا كم معموله>>>>هيا الحج جي ونبغا نذوق معمولك


أكي غييييييييييييييييييييييييييييييييير شكل



ولو ماذوقتينا ترا وربي نجي ناكلك بعدين

ترا أنا أعز المعمول..خاصة في الحج


وأحنا مو نايمين ولا شي

بس يمكن الخطوط مداخله في بعضها ومو سامعينك>>>شوف التصريفه

وجاينك في الهرج
بس أروح أزهم باقي البنات
باايو

معموله بالتمر
09 Dec 2006, 12:43 AM
<<<<<<<تمووووووووووووووووووووووت على المعمول بس ماتعرف غير تاكلو بس خخخخخخخخخخخخ

تصدقي في وحده من ارحامنا تسوى معمول في البيت وتبيع هى مو محتاجه بس هوايه بس ماشاء الله تبارك الله على معمولها
يذووووووووووووووووووب في الفم يعنى مايحتاج مضغ على طووووووووووووووول ازلطى خخخخخخخخخخخخخخخ

بس مدرى با اشاورها اول انى اوزع رقمها اذا وافقت اقلكم بس صراحه شي رهييييييييييييييييييييييييب

فراشة...الحجاز
09 Dec 2006, 01:00 AM
أقولك أقنعيها توزع رقمها
ترا شهونتيني

وبعدين تعالي هنا

تقوليلي انتي صغيره>>>>زوجوها في الكوفله


ياشيييييييييييخه ترا موعيب الواحد يكبر>>>>الشيب برضه هيبه ووقار


دحين تقوم تضربني>>خخخخخخخخخ


طيب لاتزعلي ياصغيره

بس برضه لازم نقيد كل المعلومات اللي ف الموضوع عشان لانرجع نعيد ونزيد من اول وجديد
وايش رأيك نقسم العمل بيننا ونعطي كل وحده جزء ترتبه بطريقتها وتنزله هنا

وبكده يصير الكل شارك

ولا هادي كمان راح تطلعيلي فها كاني وماني

يا معمولة زمااني!!!

فراشة الربيع
09 Dec 2006, 01:05 AM
ابله معموله بالتمر

لا تنسي تصبيحة العريس

بقشة وفيها توب ومشلح وفلينة وسروال مشتغل غتره وكفيه

ومنديل وبجامه وبرفان وعقال

وخدوا مقاس العريس عشان تخيطلوا التوب

وسلامتك

معموله بالتمر
09 Dec 2006, 01:08 AM
وى وى وى ايش هادى التصبيحه كمان يالللللللللللهوووووووووووووى وكيف بنجيب مقاسو

هى شي ضرورى ما ادرى انا زواجى كان اهل في بعض واهل ابويا ماعندهم دى الحركات لانهم مو من مكه

بس اختى خطيبها من مكه بقوووووووووووه بالله اسالي لي عنها بالتفصيل اذا ممكن اسالي احد من الكبار ومتى نقدمها بالزبط

<<<<<<<<<<جاها مغص من الفجعه

فراشة الربيع
09 Dec 2006, 01:22 AM
سلامتك من الفجعه يا ابلة

هادي يقدموها يوم الزواج

واذا ماتعرفي مقاسه حطيله قماش هو بعدين يفصلوا على رواقه

وكمان بقشة للابواء واذا عنده اخوان الكبير بس

هادي من عادات اهل اول يا ابله في مكه

بس مو كلهم يسوها ايمكن بطلة

والمشلح للعريس بس

وتصبحي على خير

معموله بالتمر
09 Dec 2006, 01:27 AM
طيب العريس وحيد اهلو وابوه متوفي بس عنده اعمام بعدد شعر راسو معقوله لكل واحد ولا هو يكفي

وايش يكون فيها بالزبط

حفيدة الحسين
09 Dec 2006, 02:43 AM
معموله بالتمر ياقلبي
ماانصحك بريما زوجة اخويا راحت لهم طلعوها وربي تقولي مهرج الله يكافيهم ويومها مره اتنكدت
اما في صالون السيده الرائده حلو شغلهم ومرتب
وكما زي ماقالت مكاويه مودرنن ايه ان ايه فساتينه خطيره
وعن البقشه هيا فعلا كانت زمان بس من زمااااان بطلنها هادي العاده تحسي تكلفه وبس
يادوبكم في غلب الفرح والدبس
وكمان فكروني البنات محل ارنوب مره روعه في الكوش واسعار حلوه كمان وافكاره غريبه
وصدقيني الطلعه من الله والله يوفقهم يااارب ويسعدهم
ولو بدك شي قوليلنا ياستي

معموله بالتمر
09 Dec 2006, 02:58 AM
ارنوب هادا اللي في الستين ؟

حفيدة الحسين
09 Dec 2006, 03:42 AM
يس .............

معموله بالتمر
09 Dec 2006, 03:54 AM
بنات في قاعه اسمها ليلتى في العوالي احد راحها ؟

حفيدة الحسين
09 Dec 2006, 04:11 AM
مش فخمه اوي
عاااااااااااديه

معموله بالتمر
09 Dec 2006, 04:12 AM
امممممممممممممممم كويس قلتى لي وفرتى عليه مشوار ياعسل

اجل خلينا على ماربيا اضمن

حفيدة الحسين
09 Dec 2006, 04:26 AM
احلى صرااحه

حفيدة الحسين
09 Dec 2006, 04:39 AM
على فكره لكي مشاركه بمنتدى تاني واسمك هو يوم وداعك خخخخخ لانها تطلب نفس طلباتك <<< اووم اللقافه

معموله بالتمر
09 Dec 2006, 04:46 AM
وى وى وى وى وى

ام الفضايح يشيخه

<<<<<<<اخده اسم اختها في المنتدى التانى وتكتب اللي تبغاه اختها لانه النت عنهم مفصول

ههههههههههههههههههههههههههههههههههههههههه

يشيخه انتى فضييييييييييييييحه

طيب رساله عالخاص

<<<<<<<<<<تكلم اختها تقلها انكفشنا ههههههههههههههههههههههه

معموله بالتمر
09 Dec 2006, 04:47 AM
طيب انتى ايش اسمك هناك


خلاص الفضايح عالعام هههههههههههههههههههههههههههههه

زنبقة
09 Dec 2006, 07:39 AM
السلام عليكم ورحمة الله وبركاتة

صباح الفل والياسمين على استيتا معموله بالتمر

كيفك يا استيتا ان شاء الله بخير

وفين وصلتي مع مراحل التدبيش لعروستنا الحلوه

ودمت بخير

معموله بالتمر
09 Dec 2006, 08:05 AM
هلا والله بزنبوقتى والله لسه احنا في مرحله تجميع معلومات ههههههههههههههههههههههههههههههه

ان شاء الله مع اول يوم في الاجازه بنبدا العملي هههههههههههههههه

بس انا نزلت لها نعومى ولميت كل اللي عنده يعنى تقريبا القمصان قربت تغلق بس بنروح ان شاء الله فيكتوريا سيكرت يشيخه عندهم اشياء تخبل بيجامات وخرابيط روووووووووووووووعه انا شفتها في الموقع حقهم

واللي ماتعرف ترى فيكتوريا سيكرت في حراء عند بوابه 15 وفي محل في التحليه بس اسمه ومن سيكرت

وايش كمان ايش كمان

ايوه يابنات بدات التخفيضات ولا لسه لانه تبغى تنزل تجيب ملابس وغيارات للبيت والسفر

وايش كمان ايش كمان

عاد هادى من جد لازم تجاوبو لي عليها ايش احسن واحلى واطعم وافخم





سيشوااااااااااااااااااااااااااار ابغى شي مجررررررررررررررررررررررب بس يكون فرشتو منو وفيه


يلا بسرعه ما ابغى نووووووووووووووم




فراشه ياقمر ان شاء الله خلي الموضوع يكبر شويه عشان نجمع معلومات اكتر

زنبقة
09 Dec 2006, 08:51 AM
اهلا بيكي استيتا معموله بالتمر

اقلك اعملي قائمه بالاشياء اللي تبغى تشتريها للعروسه

يسير كل ما تشتري حاجه تاشري في القائمه

يعني فساتين السهرات لا تكتير منها مره

شوفي ملابس البيت والاسبورات والملابس الداخليه

وممكن تشوفي احدث الطرق في وضع هذه الملابس بحيث اللي يفتح الدولاب مايكشفها

شراشف الصلاة والسجاجيد

وطبعا في اكياس خاصه للفساتين السهرات مره حلوه بالوان مختلفه

عندك في جده في الهنداويه عند اللي يبعوا لوازم الخياطه عندهم دي الاكياس

ورب الحمام جبيلها طقم

والله يكرمك الاحذيه تتحط في علب وتحط معلومه عن لون الحذاء

السشوار احسن الالماني احسن شي

نوقف كدا وللحديث بقيه ان شاء الله

معموله بالتمر
09 Dec 2006, 09:09 AM
ايوه ارواب الحمام فين فيه ارواب حلوه لاتقولو نعومى ولا واحه الجلابيه ولا بيت العروس ماعجبها ولا شي منهم تقول كلها قددددددددددددديمه وهى صادقه

ابغى شي مميز من اللي تجيكىمن جوه منشفه ومن بره كنها روب عادى مو حق حمام

وتكون طقم طبعا مو ضرورى العريس اهم شي طقم للعروسه بليييييييييييز اللي عندها فكره تتفزل تقولنا

زنبقة
09 Dec 2006, 09:25 AM
استيتا معموله بالتمر

الارواب تجي طقم روبين وحد للعروسة والتاني للعريس
واكيد تجي معاها مناشف
اقلك شوفي عن القزاز يمكن تلاقي ولا عند الفتحي

ولا اقلك اخطفي رجلك للقاهره وجيبي المناشف من هناك
مناشفهم مره حلوه في الملحق حق هلتون رمسيس
عن جد اطقم حلوه مره وكمان جيبي معاكي
لحاف السرير من هناك
منها تغيري جوء وتجيبي للعروسة مستزماتها

وممكن المتزوجين يفيدكوا اكتر وكمان الجداوين

ودمت بخير

معموله بالتمر
09 Dec 2006, 09:31 AM
اممممممممممممممممممم شكلى اروح الفتيحى فاتنى دا

اسمعى زنبقه عندى اسماء وارقام بوتيكات في جده مررررره كتير نفسي احطهم هنا بس خايفه يلغو الموضوع عشان الارقام

ولا عادى ؟

زنبقة
09 Dec 2006, 09:55 AM
استيتا معموله بالتمر

اهل جدة ادره ببوتيكاتها

وما اظن المنتدى يرضي نحط ارقام هادى اعلان

ممكن يفيدوكى البنات بالارقام على الخاص

ودمت بخير

معموله بالتمر
09 Dec 2006, 10:13 AM
انا خفت من كده انه ممنوع بس ترى اقولها من هنا يابنااااااااااااااات اللي تبغى بوتيكات في جده عندى ارقام كتير اللي تبغى ترسلي خاص

المشبك مدبق
10 Dec 2006, 01:46 AM
كيفكم يابنات


اش اخر مستجداتكم


وكيف الامووور


معاكم



خبروني


معمولة بالتمر


حفحف


فراشة الحجاز


ها طمنوني لايش وصلتوا؟

معموله بالتمر
10 Dec 2006, 02:40 AM
ياحبي لك يالمشبك بدرى يشيخه خلاص الحرمه خلفت وانتى جايه تدورى هههههههههههههههههههههههههه


ياستى كلو تمام والمعلومات عماله تنزل زى المطر وقررنا بعد كم صفحه نجمع المعلومات مع بعض عشان اللي تنزنق تعرف ايش تسوى وفين تروح

يلا يا قمر هاتى اللي عندك

معموله بالتمر
10 Dec 2006, 03:22 AM
بناااااااااااااات الحقووووووووووووووووو

اللي عروسه وبتجهز ولا تعرف عروسه تبغى تجهز ولا كانت عروسه وتبغى قمصان نوم

<<<<<<<بسرعه اخلصي












في محل في الحفنى اسمه darling

مسوى تخفيضات قويه هو في الدور الارضي بس ها لاتغلقو البضاعه كلها بقولي

فراشة...الحجاز
10 Dec 2006, 03:47 AM
فراشة الربيع>>>>حووول حوول

فراشة الحجاز تناديكي>>>>حبكت تكوني فراشة زييي...أخ بس أخ:a16:

أمزح>>>لا دحين تقلبها جد



ياستس حركة البقشه هادي والثوب واغتره والخخخخخخخخ
كانو زمان في مكه يسوها
بس خلاص بطلت دحين

واللي أعرفه انو أهل المدينه لازالوا يعملوها

وبعدين يعني حركه مالها داعي
مو يمكن تروحي تشتري قماش ثياب وغتر وحاجات
وبعدين ماتعجب اهل العريس
وخسااير مالها داعي
زمان الناس كان يعجبهم أي شي تقدميه
بس شباب دي الايام صعب يعجبه ثوب أو غتره تجيلوا من أهل عروسة أخوه>>>>>فنكهم زااااااااااايد

فراشة...الحجاز
10 Dec 2006, 03:57 AM
مشبك شكلها دوبها تصحى من النوم>>>>>بدري ياحبيبتي ..أهل العريس جو وراحوا وأنتي ناايمه


هادي الهرجه دايما تقولها خالتي

هههههه

المهم


زي ماقالتلك معموله
نبغا نجمع كلللللللللللللللللللللللللللللللللللللللللل المعلومات اللي نزلت في هادا الموضوع
لانو أكيد راح يجي يوم ووحده فينا تنزنق وتقعد تلفلف وتدور وتسأل على كل أمور الزواج اللي طرحتها الأخت معموله
وأنا عن نفسي داايما أتعزم في جده
واتورط
وماأعرف غير كم صالون وكم مصوره

وأحيانا أروح لهم وما يعجبني شغلهم زي المره اللي قبلها


لانو دول الكوفيرات بالحظ
ساعات يظبطوكي وساعات يخبصوكي
وأاانتي وحظك
وأقول ياريت عندي عنوان تاني لكوفيره تانيه

وعشان كده نبغا نلملم الموضوع ونرتبه
ونستفيد كلنا في الأخير

وأنا اقترحت على معموله أنو كل واحده فينا تاخد شي معين من الموضوع وتنسقه بأسلوب وااضح وجميل
يعني مثلا
(أنا أخد جزء الكوفيرات)
وأرتبه وأكتب عنوان كل محل
ورقم التلفون
وأصنفه من حيث الأفضليه من بين الصوالين التانيه


ومعموله تاخد جزء االفساتين والخياطات

وألخخخخخخخخخخ

هااااااااااا

أيش قلتوا؟؟؟؟

معموله بالتمر
10 Dec 2006, 04:01 AM
قلنا لا اله الا الله محمد رسول الله

ان شاء الله نسويها <<<<<<<<كسوووله

ياستى ريحتينى من حكايه البقشه قلت لاختى عليها قعدت تزعق تقول ياللهوووووووووووووى هادا المفقع ايش اجيب له هههههههههههههههههههههههههههههههه بس بركه

حفيدة الحسين
10 Dec 2006, 04:02 AM
ههههههههههههههههههههههههه اسمي مره حلو وهناك انا كمان قلت ادعو لبابا هيا دوريلي في الملف حقنا ياحلوه هههههه

اسمعي الارواب ممكن تجيبيها وتضيفي عليها اشياء من عندك او توديها لوحده تزبركها
وكمان الشوزات وانتي بكرامه سويت دبش عروسه وحطيت الشوزات والشنط باكياس مره فخمه
وغلفتلها العطور للتسريحه يعني دخلت طقم الحمدلله اهل العريس اتصرعوا عليه ههههههه

الشارع اللي فيه مركز الجمجوم ملياااااااااان بويتكهات روحيله
وعندك اللحاف اخدته من القزاز بس دا زماااااااااااااااااان وكان بخمسه بس روعه صراحه ولافيه منه اتنين شوفي يمكن تلاقي عنده
وبيت العروس عنده اشياء حلوه ونعومه تلاقيه كمان بهوم بلازا صراحه تحفه تخبل
ومنزل تخفضيات على الملابس
وفكتوريا سكرت بالستي بلازا

واي شي حاضرين

معموله بالتمر
12 Dec 2006, 03:45 AM
بنات اللي عندها صور كوش وممرات ياليت تحطها

فراشة...الحجاز
12 Dec 2006, 04:16 AM
:a39:معموله متى حنخلص من زواج أختك هادا

:237::237::237:

يعني أنتي معاقبتنا بهادا الموضوع ولا أيش الهرجه؟؟

ماصار زواج هادا >>>>>درس خصوصي أجباري
:a77::a77::a77::a77:

أعتقينا لوجه الله ياشيخه
الرحمه الرحمه

معموله بالتمر
12 Dec 2006, 04:53 AM
طاااااااااااااااااايب يافشفش

<<<<<<<<<<بتدعى عليكى

يااااااااااااااااارب يجيكى عريس جاهز من كلو ويقولك ابغى جهاز من الى لو سمحتى ويطلعو اهلو مفقعين ومايعجبهم جهازك ويقولو ايش دا
وانتى تتندمى انك ماتابعتى موضوعى عشان تجهزى زى الناس خخخخخخخخخخخخخخخخ

معموله بالتمر
14 Dec 2006, 07:31 AM
وى يابنات فين المشاركات <<<<<<<<<<<زعلانه

طيب اللي تبغى مصممه فخمه في مدام امل بركات في التحليه خلف بن صديق حق الاقمشه مره يمدحوها

زنبقة
14 Dec 2006, 09:19 AM
ايش في ناقصك يا استيتا معموله

اعملى تتغطيه لجميع المستزمات اللي تحتاجيها
واقترح عليكي تسوي جدول عمل تمشي عليه

يسير كل ما قضتي حاجه تاشري عليها
في الجدول


ودمتي بخير

حفيدة الحسين
15 Dec 2006, 02:00 AM
سوي بحث بالنت راح تلاقيه يامعموله

خالة علوية
19 Dec 2006, 06:46 AM
السلام عليكم ورحمة الله وبركاتة

الله يعينك يامعمولة يافاضية ومشغولة انا اخذت لفة سريعة في الموضوع دوبي وشفت انو انتي تبغي تعرفي محل يعمل الكوشة وطاولات الفرح يعني ديكور الجواز بشكل عام عندك ياستي ازهار ريما في جدة وهو كذا فرع وممكن يجي مكة وينسقلك كل شي حتى صحون الحلاوة على الطاولات والشكولاتة طبعا من شوكلاين والموالح عندك فانيليا ونعمة افضل شي برضو في جدة..وعلى فكرة ازهار ريما اللي اعرفو في حي الروضة في جدة ويسوي مسكات للعروسة روعة وذوق

وبالنسبة لفستان الفرح انا ايد الجاهز ارقى واشيك عنك ايه اند ايه ورهيد وبالنسبة للمصممين عندك نورة في الحفني..

والصوالين المقينة في جدة التحلية وعندك كارمن في طريق المدينة جنب نوارة وترى كارمن ممكن تجي مكة اذا رتبتي معاهم وطبعا المبلغ يكون الدبل عندهم وحدة اسمها سهاد ممتازة..

وشوفي ياست الكل بالنسبة لتنسيق الدبش واللحاف والستاير وكل لوازم العروسة وتنسيقتها زي العلاقات وعلب الشوزات واكياس الفساتين وغيرها سمعت عن محل مهارات فتح جديد في الرصيفة في مكة زوريهم وخدي فكرة..

وبالنسبة للمصوراتية عندك مدام سهام مكانها في قصر افراح ليالي الشرق في شارع صاري ترى كمان ممكن تنسق الزفة ترى ماشاء الله خطيرة وثقة لاني مجربتها في كل مناسباتي شبكة وفرح وصبحة وسابع بناتي وافراح العيلة..وعلى فكرة اطلبي ايمان وبرضو يجو مكة..

واسفة ياستي على الاطالة والله يوفقها ويتمم لها على خير ويخليك لها ..

ودمت،،

* Red Ro0ose *
22 Dec 2006, 08:22 AM
السلام عليكم ورحمة الله وبركاتة ...


من جد الله يعطيكم العافيه ماقصرتوا يابنات :)


وعندي سؤال بسيط :

ابغى قاعه في مكة حلوة ومو مرره كبيره يعني لشبكة وفيها صاله للرجال وللنساء وفي حدود 6 الآف ؟؟

" غير العروسة اللي في الخالديه " :)

يعني لو في العوالي او وحده منكم حضرت في استراحه حلوة ومرتبه تقولي عليها ......


استنى ردكم حبيباتي وعقبال ما نتعبلكم في الافراح ......... قولوا آمييين ..

عبير الحياة
22 Dec 2006, 03:00 PM
في العوالي في الكرستالة صرااااحة جدا رائعة وتنفع لشبكة لكن سعرها اكتر من 6آلاف
وفي العقد الفريد لكن ما قد حضرت فيها ولا أعرف سعرها

وكمان أعرف استراحة الاندلس كانها قاااعة في بطحاء قريش جهة متاجر وطني حلوة وكبيرة وفيها صالة للرجال والنساء وتنفع للشبكة وكمان أعتقد انها بخمسة آلاف

تحياااتي

* Red Ro0ose *
23 Dec 2006, 05:47 AM
تسلمي ياعبورة ياقمر ماقصرتي :)



























فين البنوتاااااااااااااااااااااااات :(

حفيدة الحسين
24 Dec 2006, 03:10 AM
والله لو اعرف اساعدك ياقلبي
بس للاسف ماعرف بالعوالي الا استراحة المشعل بس مو مررررررره كبيره ماادري تنفع اولا

وفي قاعة كريستاله
والله يوفقك ياااارب

فراشة...الحجاز
24 Dec 2006, 03:30 AM
ماشاء الله ماشاء الله
لازال الموضوع هادا ساري المفعول

بس أنا مرره مستغربه يابنات من غياب (معموله بالتمر)

ماحد يعرف عنها شي؟؟

والله مرره وحشتني

المشبك مدبق
24 Dec 2006, 05:18 AM
بالعكس

انا ابغا الموووضوع يستمر


لانه بنستفيد


واللي يبغا معلومات عن قاعه كريستاله


يقلي



لانه صاحبتي بنت صاحب القاعه


وانا اكلمها


اذا تبغوا



الله يسعدكم



ويالله فين الجدول

مو قلتوا تبغوا تجمعوا المعلومات

هيا شدوا حيلكم واذا تبغوا خدمه


انا معاكم

فراشة...الحجاز
24 Dec 2006, 05:27 AM
شبووووكه والله لسسه أبغا أقوللكم علا هرجة الجدول

بس انتي سبقتيني

خلاص ياستي

انشاءالله بعد ما أرجع من الحج(عقبال عندكم)

نبدأ نلملم في الموضوع ونظبطوا


وانتي الصادقه مافينا نعيد ونزيد

مدام أحنا لسسه فيها>>>ف خير البر عاجلوا

وسلميلي علا معموله لو شفتيها
وقوليلها انو فشفش سألت عنك

ولو جات وانا مو موجوده
قوليلها اني رحت أحج وراجعتلكم

* Red Ro0ose *
24 Dec 2006, 06:20 AM
حفودة مو شرط العوالي اي مكان في مكة مو مشكله :)


ويافشفش ياحبيبتي حجا مبرورا وسعيا مشكورا وذنبا مغفورا قبل الزحمه وادعيلي معاكي ...

وتصيري >>>>>>>>>>>>>>> حجة فشفش :a34:


وحتى انا مستغيبه معموله هانم >>>>>>>>>>>>> شكلها مشغوله بتحضير معمول العيد :a64:

ان شاء الله ترجعلنا بالسلامه ..


تحياتي :a42:

حفيدة الحسين
24 Dec 2006, 04:41 PM
طيب بجمع معلومات وارجعلك بعد المغرب <<<< جيعانه استغفر الله اللهم اني صائمه

* Red Ro0ose *
25 Dec 2006, 12:21 AM
اوكي استناكي >>>>>>>>>>>>>>>>>>> تقبل الله ياقمر :)

حفيدة الحسين
25 Dec 2006, 03:53 AM
اكلت ونسيت لاحول ولاقوة الا بالله من عقلي دوبي افتكرت لما رجعت
سامحيني

فراشة...الحجاز
25 Dec 2006, 04:20 AM
أيش الهرجه يابنات
أنتو بتتكلموا في مواضيع من ورايه ولا أيش؟؟؟

ترا مو كدا الأتفاق>>>>وشوشاات ماافي


بتتكلموا علا أيش>>>حشريه بقووه

هيا خلونا كلنا نشارك ونستفيد

* Red Ro0ose *
25 Dec 2006, 09:41 AM
هههههههههههههههههههههههههههههههههههههههههههههه

الله يكافي شياطينك يافشفوشة هانم


وشوشه ايييييييييييييييييييه وكلامنا عالمكشوف انتي كماان :)


روحي البسي نظاراتك ;;33 واقري مزبوووووووط وتعرفي احنا بنتكلم في ايه يا قمره :a53:


وساعدينا يلا بدل الفرجه دي :227:

حفيدة الحسين
26 Dec 2006, 02:25 AM
ريد روز ياقلبي شوفي في قسم المنزل مسويه كوشتين بقاعتين مختلفه شوفي القاعات يمكن تعجبك ياقلبي

فراشة...الحجاز
26 Dec 2006, 03:32 AM
معليش ياحبيبتي >>>العتب علا النظر
أصلي من كتر ماسويت معمول عيوني زغللت ومادري أشبها

صار تقوليلي راح أصير((حجه فشفش))

ههههههههههههههه
الله يكافي شيطانك
منجد يبغالي أكل الأداره بعد ما أرجع عشان يغيروا النك نيم

بس بعدين يفتكروني مصريه>>>>أزييك ياحجه

وأنشاء الله أدعيلك ليش لأ
بس بالله كيف أدعيلك وانا ماعرف اسمك
يافرحتي وانا بأدعي واقول((ريد روز))

ارسليلي اسمك علا الخاص وأبشري بالدعوه الحلوه

ولو تبغي ايميلي عشان تقوليلي علا الدعوه اللي تبغيها بالتفصيل ...برضوا ماعندي مانع>>>>هوا فستان ولا دعوه

butterfly_7ijaaz@hotmail.com

وبصراحه أنا عايشه في الرياض وماعندي فكره عن قاعات جده ومكه

اللي أعرفها في مكه((بصنوي_بدره))
وفي جده((ليلتي_أمسيتي))

وأنشاء الله افيدك في شي تاني

* Red Ro0ose *
26 Dec 2006, 06:18 AM
ياحبيبتي ياحفودة انا عارفه اغلب القاعات الكبيره اللي في مكة ...


بس وحده من صاحباتي طالبه قاعه بشروط معينه فاهمه قصدي :(


وعموما شكلها تستقر على قاعه العروسه اللي في الخالديه >>>>>>>>>>> عملت فيها حفله تخرجي :) وعجبتها الصراحه هيا

مرررره حلوة ومرتبه او اقولها على الكريستاله والاندلس اللي في العوالي ...


ربي يتمم لها على خير وعقبال كل البنوتات يارررررب :a39:


حجه فشفش :a51:

هيا عبي ورقه >>>>>>>>>>>>>>>>> عندي لسته دعاوي :a57:

يلا خليني اشوفك قبل ما تجي تحجي :a41:



الله يعطيكم العافيه جميعا ...

تحياتي :a42:

حفيدة الحسين
26 Dec 2006, 05:05 PM
الله يوفقها ياقلبي
شوفي طيب فيه استراحة اظن اسمها الراقيه في الخالديه حلوه ومرتبه

معموله بالتمر
07 Jan 2007, 03:17 AM
ماشاء ماشاء الله ايوه كده يابنات مكه ياعسل كده المعلومات ولا بلاش

وثانكيوووووووووووو لكل وحده سالت عنى وخاصه فش فش وروز وكل البنات

<<<<<<<<<<انفصل النت وبعدين سافرت مكه وحست في الزحمه خخخخخخخخخخخخخخخخخخخ

فراشة...الحجاز
07 Jan 2007, 03:34 AM
حمد لله عالسلامه يامعموله

والله مررررررررررررررررررررررررررررررره وحشتينا والموضوع مالو طعم بدونك>>>من غير بكش

يعني يصير تمشي من غير ماتدي خبر

طيب كان أرسلتي معمول الحج على الأقل



أيش المطلوب دحين يامعموله!!!!!!

هاتي اللي عندك يالله>>>>جاها النوم

خليني ألحق أفيدكم بكم كلمه قبل ماعيني تروح فيها

معموله بالتمر
07 Jan 2007, 09:47 PM
المطلوب ياستى مقادير الغريبه

<<<<<<<<<تصرفها

المشبك مدبق
08 Jan 2007, 03:34 AM
وحشتوني وحشتوني ياجماعه


تصدقوا احس الموضوع ده


كأنه مقهى او نادي او مدري ايش


بيجمعنا ونقعد ندردش

ولا وبنشرب قهوة وبنحلي ومعمول والذي منه



اقعدي ياحجه فشفش والله منتي قايمه دحين يجي الشاهي


اقعدي دوبها القعده احلوت


ربي يسعدكم

معموله بالتمر
08 Jan 2007, 04:01 AM
مشمش ازايك يابنت والله لكى وحشه

<<<<<<<<<<دوبها جايه من السفر وحتى تلاجه البيت وحشتها

ايش اخبارك وايش اخباركم كلكم يابنوتات مكه وضواحيها

مين اتزوجت ومين انخطبت ومين غضبانه وفي بيت اهلها يلا هاتو الاخبار

المشبك مدبق
08 Jan 2007, 04:12 AM
مشمش ازايك يابنت والله لكى وحشه

مشمش ههههههههههههههه حلوة وربي اول مره احد يدلعني بمشمش

هههههههههههههههههههه



<<<<<<<<<<دوبها جايه من السفر وحتى تلاجه البيت وحشتها

ايش اخبارك وايش اخباركم كلكم يابنوتات مكه وضواحيها


مين اتزوجت ومين انخطبت ومين غضبانه وفي بيت اهلها يلا هاتو الاخبار



معمولة

حتى انا دوبي جيت من السفر

ووحشتوني


ياغاليين

واستريحي مافي جديد

* Red Ro0ose *
09 Jan 2007, 07:56 AM
السلام عليكم ورحمة الله وبركاتة ...


حمدلله عالسلامه يامعموله :)


كده تروحي وتطنشي ولا حس ولا خبر >>>>>>>>>>>>> فينك ماشفناكي :a28:

عموما نورتي الموضوع من تاني ..

شبوكة اعمل حسابي معاكم في براد الشاهي :a34:


يلا انا جيتكم بسؤالين بس >>>>>>>>>>>>>>>>>>> على بال ما تشربوا الشاهي والقهوة :rolleyes:


ابغى محلات في جده تعمل تبع مرتب للشبكة ولو كان بوفيهات ؟؟

يعني اللي جربت محل نظيف ومرتب تقولي عليه ؟؟ وتكون اسعاره معقوله ؟؟

واللي عملت عند محلات نعمه كيف البوفيه حقهم :(


يلا استناكم حبايبي :a42:

معموله بالتمر
09 Jan 2007, 09:05 PM
هلا روزه كل سنه وانتى طيبه

والله ياأوختى النت انفصل وبعدها بيومين الاجازه وزحمه الحجاج الله يعين بس

بالنسبه يقمر عن البوفيهات انا بنفسي ماجربت بس بنت خالتى جربت الدانوب في حفله نجاح اخت زوجها تقول جونان البوفيه ويذوقوكى من كل شي لما تروحى تحجزى بس لازم الحجز قبلها باسبوعين

وكمان حلويات هناء بوفيههم مره لذيذ تقول واسعارهم مميزه بالمتر يعنى مو بالنفر

وفي الدار البيضاء الفندق عرفتيه عاد اكلهم معروف ممتاز

* Red Ro0ose *
10 Jan 2007, 07:37 AM
اهلين بمعمولتنا الطعمة :)


شوفي قلبي انا عارفه الدانوب ومستواه كيف مرررره خطير وحلال فيه الفلوس ، بس انا ابغى اسعار اقل من اسعاره فاهمه قصدي ؟؟
يعني مو فوق 5 الالاف :(


وبالنسبه لهناء اللي بتقولي عليه هوا نفسه اللي في مكه ؟؟ وهل عملوه عنده تبع للطاولات ؟؟

معموله بالتمر
10 Jan 2007, 08:15 AM
طيب انتو كم معازيمكم وعلى حسب المعازيم بتكون التكلفه

هناء ايوه نفس اللي في مكه كلميهم واستفسري يعمل بوفيهات كامله مشاوى ورز وحلا وسلطات كلو وووووووووووو

* Red Ro0ose *
10 Jan 2007, 08:31 AM
طبعا على حسب المعازيم وقبل كده على حسب المكان اللي حيسويه ..

يعني بوفيه ل100 شخص من فندق فايف ستارز غير عن بوفيه 100 شخص من هناء مثلا :(


الاسم يفرق وشطاره اللي بيعملوا البوفيه ياعسل ... ولا ايش رأيك ؟؟

حفيدة الحسين
10 Jan 2007, 12:47 PM
جربي العماد بالعزيزيه

بنت أبوها
11 Jan 2007, 10:11 PM
هلا والله حبيبت معموله بالتمر...

حبيبتي انا دخلت ماربيا بصراحه شي رائع مكمله تكميل كل شي فيهااا حلوووو بس سعرهااا غــــالي

بس والله اذا تبووون فخااامه على اصووولها مالكم غير المـــــاربيا...

أختك:بنت أبوها

معموله بالتمر
11 Jan 2007, 10:41 PM
ثانكيوووووو بنت ابوها خلاص ان شاء الله في ماربيا الزواج الله يسعدك يارب

بنات

نزلت البضاعه الجديده في السوق ولا لسه شتوى

وعندى سؤال كمان مره صاحب زوجى ولدت وابغى اوديلها هديه محتاره ما ابغى شي عادى ابغى حركات كده

هى لما انا ولدت جابت لي سرير للبيبي يطبق مرررررره حلو وعملي انبسطت فيه مره هو مو غالي عادى يمكن بحدود ال150 ريال كده بس مره انبسطت فيه واستفدت منه

ابغى اجيبلها شي مميز تنبسط فيه والبيبي بنوته ماشاء الله

يلا استنى اقتراحاتكم

حفيدة الحسين
12 Jan 2007, 02:04 AM
معموله هادا الرابط
يمكن ينفعك بالهدايا ياغاليه

حفيدة الحسين
12 Jan 2007, 02:06 AM
http://forum.makkawi.com/showthread.php?t=34040

beso990
12 Jan 2007, 02:10 AM
طيب هل انا معزووووووووووووم ؟!؟!؟

حفيدة الحسين
12 Jan 2007, 02:10 AM
معموله هادا الرابط
يمكن ينفعك بالهدايا ياغاليه
http://forum.makkawi.com/showthread.php?t=34040

معموله بالتمر
12 Jan 2007, 02:52 AM
اولا الموضوع بناتى بس واللي على راسه بطحا 000000000000

ثانيا مررررره لزيزه الهديه حف حف الفكره كانت في بالي بس ايش احط فيها بالزبط يعنى اقتراحات ايش اشترى بالزبط

حفيدة الحسين
12 Jan 2007, 05:07 AM
شوفي ياقلبي ممكن تشتري
مناشف صغار حق مثلا تمسح بيهم فم المولود بعد الاكل او تشيلهم بالشنطه للغيارات
وكم مريله
طقمين محترمه للخروج
وبيجامتين تقريبا وملابس داخليه
على كو شوزر وانتي بكرامه
وكم شراب يعني تتطقميها مع ملابس الخروج
خذي ملابس تنفع لقدام يعني مو حق شهر او شهرين
وبعدين حطي زجاجات رضاعه وانا حطيت خاتم ذهب للام ممكن تبدليها بعطر لو حابه
وكمان طقم جونسون اللي هو عطر وبودره ولوشن اكيد عارفته ياقلبي


بيسو اش جابك هنا هيا برا لو سمحت هنا موضوع بناتي

معموله بالتمر
12 Jan 2007, 05:17 AM
حلوه مره الحركه بس البنوته هادى اول بنوته لها هى عندها ولد اول جبتلها ايام الولد خاتم دهب للام وكرسي للولد

والام ماشاء الله راااايقه يعنى اكيد مشتريه للبنت من الى لبس يعنى يمكن ماراح تعجبها مرره حكايه الملابس

انا عارفه ايش فكرت

ابغى اجيب طقم للاطفال بودره وكريم وشامبو وشاور من مذركير ريحته جنان للمواليد
وطقم حمام كامل يعنى الليفه الاسفنج الطبيعى عرفتيها وبانيو ومنشفه حلوه ولا لا

انا عاجبتنى بس خايفه ماتكون تملي العين عارفه لانها مو صاحبتى ولاقريبتى ولا كان ميتين ريال في كوفله الولد تكفى ههههههههههههه

حفيدة الحسين
12 Jan 2007, 06:01 AM
ههههه رهيبه يامعموله
شوفي الفكره حلوه ومادام رايحه مذكير جيبي كم قطعه بنوتيه تعرفي عنده ملابس تهبل تي شيرت وبنطلون مثلا او لبس نوم
وحطي عطر للام

* Red Ro0ose *
12 Jan 2007, 06:05 AM
معموله ياعسل



روحي محل " بيبي شوب " اللي في سيتي بلازا عندهم اشياء حلوة وسعرها معقول وتملي العين :)


خصوصا الكراسي والعربيات انا اشتريت لولد بنت عمتي لمن ولدت كرسي حلو تحط فيه ولدها وهيا في الصاله يعني مو سرير نوم

واظنه في حدود ميه ريال او اكتر شويه ..


انت روحي وحتلاقي اشياء كتير ممكن تفيدك خصوصا انها مو مررره صاحبتك زي ماتقولي ..

معموله بالتمر
12 Jan 2007, 07:02 AM
يعنى حيرتونى بزياده ترى

هيا انا رايحه مكه الخميس ان شاء الله ازورها ارسولكم على بر ايش اجييييييييييييييييييب

* Red Ro0ose *
12 Jan 2007, 07:21 AM
مايحتاج تحتاري انتي حددي المبلغ اللي تبغي تشتري بيه الهديه اوكي ..


بعدين قرري اي واحد من الخيارات اللي قلناها لكي قد فلوسك ههههههههههههههههههه


وصلى الله وبارك ياحبيبتي ..


واحنا معاكي في مكاوي >>>>>>>>>>>>>>>> لا تفكر ولا تحتار :a51:

معموله بالتمر
12 Jan 2007, 09:58 AM
شوفي ياستى انا عندى مشبك عليه ايه الكرسي دهب جانى في ولادتى بولدى فروسي بس عشانه ولد ما احب البسه دهب

بحطه في علبه حلوه وابغى معاه شي بحدود 300 ريال يعنى مو اكتر

عربيه ماينفع لسه بدرى دوبها والده اجيب عربيه مو حلوه ممكن لو باروح لها بعد شهرين تلاته ممكن

طيب كرسي هزاز ماينفع في الولد جيبتلها كرسي مع خاتم

طيب ملابس ما احبذها لانه الناس اذواق ويمكن اختار الوان ماتليق عالبنت

اااااااااااااااااااااااااااه طفشششششششششششششششت

يلا اعملو استفتاء واللي تتفقو عليه اجيبه

* Red Ro0ose *
13 Jan 2007, 04:31 AM
طيب حبيبتي جبتها

آيه الكرسي للبنوته اوكي :)

واشتري لمامتها قميص نوم شيك في حدود المبلغ اللي حطيتيه وممكن برفان معاه >>>>>>>>>>> يصير تدعيلك بعد الاربعين :rolleyes:


وتكوني ماقصرتي وجبتيلها شئ مرتب ...


ها ايش رأيك في كلامي :(

معموله بالتمر
13 Jan 2007, 05:38 AM
شوفي هى فكره حلوه بس المشكله المقاس ماشاء الله اكس اكس لارج فين القالها دى ههههههههههههه

هاتى غيرها بسرعه<<<<<<<<<شحاته وتتشرط

* Red Ro0ose *
13 Jan 2007, 05:46 AM
من جد :a28:


يعني معقوله ماتعرفي محل يبيع لانجري وفيه دي المقاسات >>>>>>>>>>>>> متجوزة عالفاضي :a05:


خلاص عندك دا الاقتراح او


روحي بيبي شوب اللي قلتلك عليه عنده من الرضاعه للسرير يعني اشياء ماتخطر على بالك للبيبهات >>>>>>>>>> لو ماتعرفي

برضو لوازم البيبي :a57:

يعني لو ماتبغي كرسي ولا سرير تلاقي مرجيحه ههههههههههههههههههه

دا اللي عندي يامعموله غيروه ما اظن :a56:

معموله بالتمر
13 Jan 2007, 05:58 AM
الا يختى اعرف كل المحلات بس المقاسات لا الله لايحوجنا هههههههههههههه

خلاص شكلى اروح بيبي شوب بنفسي<<<<<<<<<<الرقاصه ماتنفعها الارجلها هههههههههههه

* Red Ro0ose *
13 Jan 2007, 06:07 AM
كمان طيييييييييييييييييب يامعموله


لا حمدا ولا شكورا :a43:

معموله بالتمر
13 Jan 2007, 06:13 AM
وه يادلبي

والله شكرا وعفوا ومتشكره وكتر خيرك وكلوووووووووووووو


ولاتزعل الروزه حقتنا

معموله بالتمر
14 Jan 2007, 07:39 AM
بناااااااااااااااااات محد نزل السوق دى اليومين


نزل الصيفي ولا لسه

زنبقة
14 Jan 2007, 08:04 AM
بناااااااااااااااااات محد نزل السوق دى اليومين


نزل الصيفي ولا لسه

استيتا معموله

لسع الشتاااااااااااااااااااء ما خلص

معموله بالتمر
14 Jan 2007, 08:18 AM
شتا ايه ياقلبي اهل مكه شويه هوا جريو طلعو الشتوى هههههههههههههههههههههههههه

حفيدة الحسين
15 Jan 2007, 02:29 AM
هههههههه صادقه يامعموله
لاوتشوفي الشتوي اللي يوحي انه عندنا ثلوج مو شوية هوا على قولتك
بس تلاقي على فكره صيفي لانه الحجاج شالوا الشتوي احسن ههههههه

معموله بالتمر
15 Jan 2007, 03:14 AM
بنات دقتو البيتفورات اللي عند حلويات العماد مررررررررررررررررررررره لزيزه هو شكلها مايشجع بس مره طعمه

نصيحه جربوها<<<<<<<<<<<تنفع للدعايه

المشبك مدبق
15 Jan 2007, 03:52 AM
معمولة صباح الورد


بنت الجار

ههههههههههههههههههه

يبغالي ادوقها


لمن انزل مكه

طيب اش رايك اللي في السميري في ينبع


الاندلس


او فوفل

معموله بالتمر
15 Jan 2007, 04:08 AM
الاندلس ماجربت غير الصامولي خخخخخخخخخخخخخخخخخخخخخخخ

فوفل حرامى اسعاره نار واشياؤه مو طعمه تصدقي الشوكلاته عنده اغلى من باتشي ههههههههههههههههههههههههه

مشبك في وحده تسوى ورق عنب ومحشي كرنب مررررررررررررررررره جنان انا دقته عند جارتى تسوى وتبيع في الحديقه النسائيه واذا تبي تسوى لك بالطلب

زنبقة
16 Jan 2007, 05:40 PM
استيتا معموله كيف حالك ....

وحشتنييييييييييييييييييييي

نشوف وشك على خير

معموله بالتمر
17 Jan 2007, 05:21 AM
انا تمام زنبوووووووووووووووووووقه انتى كيفك

وانتى وحشتينىىىىىىىىىىىىىىى مررررررررررررررررررررررررره لسه امس حلمت فيكى <<<<<<<<كدابه

بس انا زعلانه منكم يابنات مكاوى ايش دا المواضيع هنا مررررررره نايمه

حتى دا الموضوع اللي المفروض انه يجمعنا نسال عن بعض ونهرج ونحش برضو نايم ايش دا<<<<<<<<معسبه

زنبقة
17 Jan 2007, 06:00 PM
معموله ...

انتي الاكتر

بس الناس مشغولين دحين مع الاختبارات

ربنا يعين كل وحد على اللي عنده

وانا كمان مشغووووووووووووله ... خليـــــــــــ(18)ــــــجي

الموضوع نايم مع البرد خلي الوحد يفضى شويه

ونتعاون سوى ونظبطلكم الموضوع

ماشي يا عسل

في امان الله

معموله بالتمر
17 Jan 2007, 06:44 PM
ياستى نورتى الموضوع والله

ويلا نستنى لبعد الاختبارات ونشووووووووووووووووف <<<<<<<<فاااااااااااااضيه

فراشة...الحجاز
17 Jan 2007, 11:56 PM
سلااااااااااااااااااااااموو معمولوووووووووو

والله وأنتي الصادقه ياحبيبتي
المنتدى مو بس نايم>>>>>بيشخررررررررررررررررررررررررررررررررر

أنا بديت أشك في ألاعضاء الجدد
لايكون واحد منهم من حقون السحر والشعوزه ودي الخرابيط
ودخل رمالوا كلمتين>>>>>الدم الدم الساعه الساعه

فاكرتو دا المشعوز اللي كان يجي في قناة شهرزاد
وهاتك ياهرج مايتفهم

لايكون أرسل واحد وعملنا عملل في المنتدى وندر

ياختي ماصار نوووم هادا؟؟

أنا أقول نجيبلنا طشتين موووويه مسققققققققققققققققققققققعه ونطشها عليهم

يمكن يصحصحوا شويه

معموله بالتمر
18 Jan 2007, 05:58 AM
والله يافش فش شوفي انا با اصبر الين بعد الاختبارات اذا شفت الناس لسه نايمه بيكون ليه تصرف تانى

<<<<<<<<<<<بتقعد تبكى خخخخخخخخخخخخخخخخخخخخخخخخخخخخخخخ

الله يوفق الجميع وتنجحو كللللللللللللللللللللللللللللللللللكم

* Red Ro0ose *
19 Jan 2007, 06:33 AM
انا ماابغى نوووووووم :)


كلوا يصحصح ويشرب ثري ان ون >>>>>>>>>>>>>>>>>>>> دعايه عيني عينك :a16:


انا جيه اسألكم تعرفوا محل او بوتيك يشتري ملابس السهره المستعمله ؟؟؟

او اي محل يقدر يساعدنا في التخلص منها :( >>>>>>>>>>>>> عاملتلنا ازمة :a27:

معموله بالتمر
19 Jan 2007, 06:56 AM
هاااااااااااااااااااى روزه كيفك يابنت ؟

بس معليش هو السؤال دا للمره العاشره <<<<<<<<ذاكرتها ضعيفه

انتى في الرياض ؟

اذا كنتى في الرياض انا اتذكر كان في محل في العليا يشتريها
تعرفي مانجو والخرابيط دى في العماير اللي وراها هو مو عالشارع >>>>>>>>تعصر مخها

واذا مره مره مالقيتى ممكن اذا تعرفي مشغل تعرضي عندهم

واذا مره مره ودى جمعيه خيريه احسن لك

* Red Ro0ose *
21 Jan 2007, 06:02 AM
اهلين ياعجوووووووزة >>>>>>>>>>>>>>> قصدها الاخت معموله :)


والله شوفي الرياض حلوة وتجنن بس مااقدر اعيش فيها بتاتا البته انا في الغربيه وووووووووووووبس :a42:


وانا مكاويه يا حلوة لا تنسي مره تانيه :a66:


وبالنسبه للمشاغل ما فكرت فيها الصراحه :(

اما الجمعيات الخيريه الحمدلله ما نتاخر عنهم بس بالله يامعموله ايش حيستفيدوا من فساتين السهرة يعني لو مؤسسات تزويج اقولك

معليش ولا ايش رأيك ؟؟

معموله بالتمر
21 Jan 2007, 06:18 AM
شوفي ياروزه فكره المشاغل احسها احلى عارفه ممكن تعرضي الفستان عندهم والايجار بسعر رمزى تفيدى وتستفيدي

واذا تعرفي ناس محتاجين وعندهم عروسه ولا مناسبه اتبرعى فيه

وممكن اذا تبي في مساجد معينه خاصه اللي يكون فيها محاضرا ت نشائيه وفعاليات من دى يعرضو عندهم فساتين بسعر رمزى او وقف للي تكون محتاجه طبعا مو كل من هب ودب لا اللي محتاجه بس

* Red Ro0ose *
21 Jan 2007, 06:28 AM
الله يعطيكي العافيه يامعمولتنا ما قصرتي :)

فراشة...الحجاز
21 Jan 2007, 07:28 PM
روزه ياقمر
أنا أشوف انك توديها لجمعيه خيريه
ولا لدار الأيتام يكون أحسن

تفرحي فيها الناس اللي ماعندهم وتكسبي أجر كبيييييييير من الله

بلا تبيعيها بلا يحزنون

مافي أجمل من أنك تفرحي الناس المحرومه

معموله بالتمر
21 Jan 2007, 07:50 PM
فش فش يابنت فينك من زمان

نورتى الموضوع <<<<<<<<<<شايفتها لمبه

:a23::a23::a23::a23:

فراشة...الحجاز
22 Jan 2007, 02:25 AM
موجوده يامعمع
بس شكلنا أتعدينا من (توم وجيري)

انا ادخل أنتي تشردي
انا أندر أنتي تجي

يالله اشوفك ع خير

زنبقة
22 Jan 2007, 08:44 AM
معموله ...

صباح الفل والياسمين على احلا معموله

كيفك يا استيتا ...؟

وعاملين ايه مع البرد؟

ايش مشاريعك الجديده لعام 1428

وكل عام وانت بخير

بعد الزحمة

ودمتي بخير

معموله بالتمر
22 Jan 2007, 09:02 AM
تمااااااااااااااااام ي احلى زنبوقه في احلى مكاوى

انتى كيفك ؟؟؟؟:a23::a23:

والله يشيخه البرد عامل عمايله معانا <<<<<<<<<<<مرابطه في البيت عامله سبات شتوى :a19:

مع انه برد ينبع اخف من الرياض والمدينه وغيرها بس مدرى احسه يخش في العظم خاصه البحر قريب ومكشوف


مشاريع السنه دى ياستى حاليا مشغوله بجهاز اختى ابغى ارسلها بيت زوجها في الاجازه وافتك:a24:

ومن بعد الاجازه بنرجع لدوام المدارس ونفس الروتين والله يعيننا بس

افكر ارجع اشتغل بس منى لاقيه الوظيفه اللي تيجى على مزاجى<<<<<<<<<<<<مرررررررره عاد الوظايف اللي متكومه فوق بعض تستناكى


ياستى الله يوفق الجميع يارب

<<<<<<<<<نتيجه ولدها اليوم ادعولي

زنبقة
22 Jan 2007, 09:20 AM
هلالالالالالالالالالا معموله

الحمد لله بخير

ربنا يعنك على البرد والدبش وي يتتم لاختك على خير

ويوفق ولدك في نتيجة اكيد تقويم

ما راح نشوفك في مكة في اجازة منتصف العام الدراسي

عاد الوظايف اللي متكومه فوق بعض تستناكى

ههههههههههههههههههههههههههههه

في وظايف بفتأمين عقيل واو بس

ما افكر في وظيفة بس العمل الحر احسن

ودمتي بخير

معموله بالتمر
22 Jan 2007, 09:34 AM
:a17::a17::a17::a17::a17::a17::a17::a17::a17::a17:

باركولى الحمد لله كله تمام جاب كله 1111111111 <<<<<<<<<<<مدرى ايش بتسوى اذا صار في الثانوي


لا اجازه نص السنه بتكون في ربوع الهيئه الملكيه لانه زوجى ماعنده اجازه :o

بس اخواتى وخالاتى بيجو كلهم يعنى ان شاء الله تكون اجازه حلوه :a18:

ومن مكانى هاذا في منتدى مكاوى ادعوكم لزياره الهيئه الملكيه في ينبع بصراحه البحر فيها خررررررررررررررررررررااااااااااااااااااااااااااااا ااااااااااااااااافه وفي اماكن هنا مخصصه للسباحه وتحت اشراف منقذين كمان ومجهزه من الى من حمامات الله يكرمكم ودشات <<<<<<جمع دش عشان الواحد يتحمم

وفيه مخيمات للايجار على البحر على طووووووووووووووول واسعارها مناسبه كمان وفيها خصوصيه حلوه غير الشاليهات بس دى صراحه اسعارها غاليه من الالف وفوق

بصراحه ينبع للسياحه مع العائله تجنن

بس اللي يبغى يجى يجي بدرى قبل الزحمه لانه عيبهم هنا قله الفنادق

حفيدة الحسين
22 Jan 2007, 03:30 PM
مع اني ملخبطه مو فاهمه شي
بس الف مبروك
طيب لاتضحكي عليا ينبع هادي اللي تقولي عليها غير ينبع الهيئه الملكيه
الحمدلله والشكر مااعرف بالمملكه غير المدينه وجده والطايف
مستنيتك لاني نفسي اروح لينبع على قد الناس تمدح فيها وفي بحرها

معموله بالتمر
22 Jan 2007, 05:28 PM
ايش اللي ملخبطك يا حف حف

الهرجه ومافيها ولدى اليوم النتيجه والحمد لله كلو تمام وجاب درجات نهائيه <<<<<<<سنه اولى رابع

وبعدين

ينبع يا ستى تلاته ينبوعات

ينبع النخل وهادى مزارع وصحرا ومالنا شغل فيها

ينبع البحر وهادى مدينه صغيره زى الطايف كده وفيها الشاليهات اللي بقولكم عليها

نيجى للهيئه الملكيه اللي تبعد عن ينبع البحر حوالى 14 كيلو واسمها ينبع الصناعيه وهادى اللي لنا شغل فيها

المدينه اللي اخدت المركز الاول عالميا في حسن التنظيم<<<<<<<<<<قرت الخبر في مجله الطياره

فيها بحر يجنننننننننننننننننننننننننننننننننننننننننن وطبيعه رووووووووووووووووووعه وجو خبااااااااااااااااااااااااااااااااااااااال
والسياحه فيها صراحه تستاهل المشوار

ينبع الصناعيه تبعد عن جده حوالى ساعتين وعن مكه حوالى تلاته ساعات بالسياره

فنصيحه من جد تعالي زوريها

صحيح الكازينوهات والمطاعم فيها قليله بس الطبيعه جنان
البحر فيه اماكن على طبيعتها تراب ومويه بس البزوره يلعبو براحتهم وفي منقذين عالشواطئ
في مخيمات عالبحر تقدري تستاجريها واسعارها حلوه
في مسطحات خضرا كتير وكلها عالبحر على طول
وملاهى للاطفال
واليخوت والقوارب ودبابات البحر متوفره وباسعار حلوه مو زى جده
واماكن مخصصه للسباحه واماكن مخصصه للصيد وجلسات للشوى يعنى هما مجهزين بس انتى جيبي اكلك والاسياخ والفحم

بصراحه مدينه حلوه واحلى شي فيها انها مو زحمه



ونسيت كمان اقلك المفاجاه




مكدونالدز عندنا توصيل خخخخخخخخخخخخخخخخخخخخخخخخخخخخخخخ

* Red Ro0ose *
23 Jan 2007, 05:49 AM
معموله فتحتي نفسي اجيكي ينبع :)


مع اني زرتها 3 مرات كانت على الطاير وعلى قولك الحجوزات هناك بالظالمين ولا بالنار زي اراك ينبع :(


نفسي استجم قدام البحر واعيش جوووووووو >>>>>>>>>>>>>> يلا تستقبليني :a42:

معموله بالتمر
23 Jan 2007, 12:28 PM
والله ياروزه اذا ماشالتك فنادق ينبع اشيلك في عنونى :a41:

والله من جد روعه ينبع خاصه للي يحبو البحر الصافي رووووووووووووووعه

<<<<<<<<من يوم سكنت ينبع ماتعترف ببحر جده

اعملو بحث في قوقل عن موقع لينبع وشوفو الصور من جد تفتح النفس

بحرها لونه ازررررررررررررررررق مو اسود ولا رصاصي زى بحر جده هههههههههههههههههه

تنورى ياقمر بس اذا جايه اعطينى خبر عشان اخليهم يطفو اللمبات نورك بيكفى <<<<<<<<<<<<بكااااااااااااااشه

* Red Ro0ose *
24 Jan 2007, 04:49 AM
تسلملي عنونك ياقلبي :)

ومايحتاج قوقل ولا شئ شفته بعيووووووووني ومن جد سبحان الخلاق بحر من اروع مايكون ..


الله يهنيكم بيه :a39:


ولا تكلمي احد الكهربا عارفيني >>>>>>>>>>>>>>>> من كتر نورها عاملين معاها تعاقد :a48:

معموله بالتمر
24 Jan 2007, 06:17 PM
ولا تكلمي احد الكهربا عارفيني >>>>>>>>>>>>>>>> من كتر نورها عاملين معاها تعاقد




كنت احسب نفسي اكبر بكاشه وعميده بيت المداح (اللي يمدحو نفسهم قصدى )زى ماستى تقول بس بصراحه انتى اتفوقتى عليه هههههههههههههههههههههههههههههههههههههههههههههههههه ههههههههههه

صغيرون بس شيطون
24 Jan 2007, 07:44 PM
يالليل أبو لمبة بس


أقول وربي مدري وش قصتكم إنتووو <<< قسم قسمااات مو فاهم ولا شي


على العموم

أفخم قاعات مكة انا دخلتهااااا

القمة ،، الزمردة ،،، ماربيا

وإذا تبي ماربيااا كلميني أجيب لك تخفيض فيهاااااااا <<<< مسوووي واصل هو وجهه


ومبروووكـ على نجاح ولدك والله يخليه لك ويخليك له

وبالنسبة للهيئة الملكية

كان نفسي أجي يوم احتفال الزهور بس اتوقع إنه انتهى <<< حزين ما قدر يجي

وطبعا كنت أعرف شخص عزيز علي هناك وكنت أعتبره أخ ،، أخت ،، والد ،، والده ،، صديق ،، صديقة .. الخ

والله كنت اعزه مرة بس للاسف الحساااااد خربووو بيننا وكل إلي أقدر أقوله الله ياخذ إلي كان السبب

وطبعا أتوقع إن الشخصية إلي أنا أتكلم عنهااا مشاركة في هذا المنتدى وكأني عرفت مين ووش نكه ؟؟
بس خليه هو مو لازم يعرفني وذلك لأسباب أمنية <<< مسوي فيهااا

حفظ الله يزيد لأهله وبارك فيه ووفقه إلى كل خير ورزقه بأخ ينعش حياته ويسليه ...

اميـــــــــــــــــــــــــن يــــا رب



لا تنسوووو تبووو تخفيض في ماربيا أنا جاهز

يلا


لكم خالص حبي وتقديري

معموله بالتمر
25 Jan 2007, 12:39 PM
بنات بالله ولا وحده فيكم نزلت السوق قريب

ماتدرو غيرو بضاعتهم ولا لسه يعنى نزل الجديد ولا لسه البضاعه القديمه المخفضه نبغى نجهز للبنت ياهووووووووووووو

فينكم يابنات اليوم خميس مافي امتحانات

زنبقة
25 Jan 2007, 12:50 PM
معموووووووووووووله

لسع ما نزل السوق الجديد

التخفيضات عشان يخلصوا البضاعه القديمه

يسير يجبيوا جديده

ودمتي بخيررررررررررررر

معموله بالتمر
25 Jan 2007, 01:16 PM
مو هادا اللي ماخرنى عن نزله السوق خلاص القديم بصراحه مسخوها متى بينزلو الجديد

ثانكيو زنبوووووووووووووووووقه على مرورك


زنبقه عنونى ممكن اتلقف واسالك سؤال

انا فهمت انه عملك حر يعنى ايش بالزبط تجاره ولا ايه لانى بصراحه في راسي مشروع صغنطوط وابغا اشوف احد معايا

فراشة...الحجاز
25 Jan 2007, 01:21 PM
أنتي كمان يامعموله عندك عمل صغنطوط>>>>>حولينا ولا علينا

ههههههههههههههههههههه


حتى أنا عندي مشروع في راسي من زماان ونفسي ألاقي أحد يشجعني ويخوش معايه

هيا تعالي نحط صغنطوطك علا صغنطوطي ونعمل (((صغنطط كبيييييييييييييييييييييييييييييييير))

هااااااااا أيش قلتي؟؟

زنبقة
25 Jan 2007, 01:40 PM
معموله بالتمر ...راسلني على الايميل
ونتفاهم هناك عشان لحد يتلقف
سلالالالالالالالالالالام يا عسل

معموله بالتمر
25 Jan 2007, 01:42 PM
طيب يا فش فش ايش اللي في راسك ؟؟؟؟؟؟؟

قولى ايش مشروعك ونتفق بلكن نعمل شي حلو ونسميه بنات مكاوى ههههههههههههههههههه


انا في راسي مشروع اسويه من البيت لاختى لانى بصراحه ماعندى وقت ههههههههههههههههه

فكره المشروع انها تعرف تعمل شوكلاته تجنن واطعم من باتشي كمان وكله شغل بيت تعملها وتزبطها لكى بالشكل اللي تبغيه

بدات تشتغل بالبيت وحاولت توزع بس كانت كميه بسيطه اللي قدرت تصرفها يعنى في حدود الاهل مو اكتر

تبغى تعمل دعايه لشغلها في بازار او شي زى كده ويصير تشتغل في البدايه من البيت وبعدين تتوسع

ما ادرى زنبوقه تقدرى تفيدينى في الموضوع دا ؟

معموله بالتمر
25 Jan 2007, 01:44 PM
زنبوووووووووقه وانا من فين اجيب ايميلك يختى شايفتنى منجمه هههههههههههههههههههههههههههه

ارسليه ياطعمه

معموله بالتمر
25 Jan 2007, 01:53 PM
فش فش يابنت فينك مختفيه فكى الباب من اول واقفه استناكى :217:

زنبقة
25 Jan 2007, 01:58 PM
معموله حلوه العمل يكون من البيت
اهم شي لما تتقني اي شغله
تبدى تسوقيها مظبوط
اكيد في البدايه حتكون شي بسيط بس مع الجوده حتدى سعر لسلعتك
والله الحريم اليمومين ديساروا بيجيبوا دخل لهم وهما في بيوتهم
ويعني لو كل وحده مننا تسوي دعايه للتانيه
وكمان لو في بزار تبلغها نعمل رباطيه وفي العمل الجماعي بركه

خلاص يا عسل دحين ارسلك هوا

ودمتي بود

صغيرون بس شيطون
25 Jan 2007, 02:33 PM
باقي لسىى

أنا أمس كنت في السووووق مع أختي



انتظري كمان يعني بالعربي بعد الاختبارات ان شاء الله





<<<< ملقووووووووووووووووووووووووووووووف

صغيرون بس شيطون
25 Jan 2007, 02:42 PM
ما راح أتدخل أكثر

كل إلي راح أقولة الله يوفقكم يارب يا بنات مكاووووووووي



وانا خلاااص راح اقدم استقالة من الموضوع داااا

عشان انا شكلي غلط مرة في الموضوع

معموله بالتمر
25 Jan 2007, 03:31 PM
زنبقه يا قمرررررررر لاتنسينى في اول بازار اعطينى خبر قبلها بفتره ونتفق او كى

زنبقة
25 Jan 2007, 03:45 PM
اوكيه يا معموله

وربنا يوفق الجميع

روعة الاحساس
27 Jan 2007, 06:01 AM
معليش ع الدخلة الغلط







بس بسأل عن كوفيرة صاحية في قص الشعر ان كان تعرفوا

حفيدة الحسين
27 Jan 2007, 11:43 PM
الكوفيره شفتي مشغل عناية المراه بالخالديه عند العاب ساره
اطلبي ملكيه مره روعه بالقص

روعة الاحساس
28 Jan 2007, 08:08 AM
قالتلي عليه وحدة بس ماهي عارفة اسم الصالون


على كل مشككورة ومعليش تعبتك

حفيدة الحسين
29 Jan 2007, 01:03 AM
ياقلبي تامرين امر
احب خدمة اهل مكه الطيبين ياغاليه

معموله بالتمر
01 Feb 2007, 01:11 AM
ايش دا يابنات لا لا لا ما اتوقعتها منكم :a31:

اغيب كم يوم ينزل الموضوع تحت <<<<<<<<<<<معصبه



دماء نورتي موضوعنا

انا جربت حواء في القص حلوين عندك وحده مغربيه مدري ايش اسمها بس كده شكلها تشوفيها تعرفي انها مغربيه هههههههههههههههه

حف حف كيفك وحشتينى

زنبقه وفراشه وكول وروزا والبنات كلكم كيفكم مرررررررررررره وحشتونى

* Red Ro0ose *
01 Feb 2007, 07:49 AM
مايوحشك غالي ياحبيبتي :)


وربي جيتي على بالي امس قلت اسأل عنك عمرك طويل يابت ههههههههههههههههههه


شوفي غير دوشه الاختبارات مشغوله دي اليومين >>>>>>>> اخويا وصل من السفر ومبسوطه بيه :a33::a17:


لاااا استنى المناسبات جيه في الطريق وحجننك من كتر الاسئله :a64:


بس اصحك تقفلي الموضوع :a28:


يلا سلامي لكل بنوتات مكاوي :a24:

معموله بالتمر
01 Feb 2007, 02:56 PM
الله يوفقك ياروزه وان شاء الله كده تغلقي الامتحانات وتجيبي منتااااااااااااز (ممتاز يعنى)

وحمد لله على سلامه اخوكى وربي يسعدكم ويخليكم لبعضيكوو

زنبقة
02 Feb 2007, 01:07 PM
سلام عليكم

ازيكم يا بنات ...

اخباكم ايه....

وحشتووووووووووني

كلكم بدون اي استسناء

الى اللقاء

حفيدة الحسين
03 Feb 2007, 12:17 AM
ياهلا بمعموله ربي يسعدها ويخليها
هيا لاتغيبي تاني يابنتي هههه
ريد روز الحمدلله على سلامة اخوكي وربي يوفقك وينجحك وينجح الكل ياااااااااااااااااااااااااااارب

المشبك مدبق
04 Feb 2007, 04:16 AM
وحشتوني يابنات


ربي يسعدكم



هيا لااحد يغيب


ونشوفكم على خير

معموله بالتمر
17 Feb 2007, 02:10 AM
سلامووووووووووووووووووووووووووو عليكووووووووووووووووووووووووووووووو

ازايكم يابناااااااااااااااااااااااات وحشتونىىىىىىىىىىىىىى بقووووووووووووووووه:a01:

اخس عليكم ولا احد يسال عنى ايشبي :122:

يلا مو مشكله

كيفكم اخباركم كيف الاجازه معاكم فين رحتو فين جيتو

انا اجازتى كانت في ربوع ينبع بس صراحه مره حلوه اتلمو عندى اهل مكه وكانت فللللللللللللللللللله والجو جنان بس النت كان مقطوع :248:


اما سمعتلكم عن خبريه جنان
يقولو في وحده في مكه تصمم فساتين سهرات مره حلوه واسعارها حلوه يعنى التصميم بالف غير القماش مدرى انا ماشفت شغلها بس مدحولى هى بنت خالتى شافت اخت عروسه مسويه عندها

اذا جاتنى معلومات جديده بارزعها لكم هنا:a85:

شعنونه
17 Feb 2007, 02:16 AM
السلام عليكم ورحمة الله وبركاتة
مبرووووووووووووووووووووووووووووووووووووووووووووووو ووووووووووووووك
يجعل الفرح دوم عندكم
انا اري زي الباقين في القاعات
بس عندي ملحوظه
انسي يكون شي زي ليلتي او اي شيييييييييييييييييي في جدة
مارابيا حلوه
والله يخترلك الخير

حفيدة الحسين
17 Feb 2007, 02:23 AM
هلا بكي يامعموله
هيا مستنين خبريتك الحلوه
لحسن رحت لخياطه اسمها صوفي بالششه يالطيف ياربي مره استقبال شين وربي مافي اي اهتمام وكل مااسل ماادري كيف تجاوب خسيت مو مرتاحه خرجت من عندها

معموله بالتمر
17 Feb 2007, 02:37 AM
ثانكيوووووووووووو شعنونه على مروركم الطعم

حف حف كيفك ياحورمه وحشتينى والله

يشيخه شايله هم ما القى شي حلو جاهز للفرح قلت افصل عاد انا حظى زى وشي في الخياطه بروح اذا نزلت مكه للبنت دى واشوف شغلها اذا عجبنى باقلكم

اسكتى يشيخه رحنا سوينا فستان العروسه عند عدنان اكبر يالللللللللللللهووووووووووووى تصاميمو جناااااااااااان تحسيه فااااااااهم

بس الاسعار نااااااااااااااااااااااااااااااااااااااااااار كلف الفستان الين دحين 23500 ريال هو غالي بس اهم شي عجبها التصميم وشغله مميز خبره اكييييييييييييييد

ماتعرفو كده بوتيك مميز يجيب فساتين سهره حلوه ومو مكرره المساعديه احسها مره زايطه فساتينها اللي تعرف تقلي ولا تسال وبرضو تقلي :248:

عبير الحياة
17 Feb 2007, 02:55 AM
اخس عليكم ولا احد يسال عنى ايشبي:122:

معمووووله كيفك والله أنا سألت عنك حتى شوفي موضوع اللي مفتقد عضو يجي يسأل عنه


عموما منورة ياقمر

وبجد الله يرضى عليك شوفي لنا المصممة الا بتقولي عليها لأننا مرره محتاجين نخيط للصيف



تحياتي للجميع


:250:

معموله بالتمر
17 Feb 2007, 03:50 AM
وه ياقلبي ياعبوووووووووووووووره سالتك عنك العافيه ياقمررررررررررر





ان شاء الله بروحلها بس انزل مكه واجى ابشركم

توتة
17 Feb 2007, 05:17 AM
شوفي يا معمول

أنا أسمع الحفني يقول ذوق راقي جدا يعمل الموديل مرة وحدة و يشيل الفستان من الفترينة


و كمان اليمامة أشوف شغله طيب اذا كنتي من النوع كل سهرة بفستان

و هاده اللي أعرفة أنا مو من النوع اللي يخرج كتير لسوق

أختك
توتة

ستي إستيته
17 Feb 2007, 06:06 AM
السلام عليكم ورحمة الله وبركاتة


في مشغل اسمه ديجي له فرع في طريق المدينة و فرع تاني في شارع الامير سلطان

سمعت انو شغلهم حلو

بس بصراحة ماشفت

اما الكوفيرة جاك رهيبة

عندك منه سنتر في الخالدية جناااااااان

صحبتي راحتلها عروسة هي و اخواتها

لو تشوفيهم في الصور

شي يجنن

كل وحده شكلها يختلف عن التانية


وفي وحده اسما

والله ناسيتو انشا الله اسال و اجيبو

اما محلات الكوش

في واحد اسمو لمين ولمين في شارع الستين ما ادري اي دخله

يقولو شغلو حلو

و اذا تبغي شي رائع

مالك الا ازهار السنديان الي في شارع الامير سلطان

بصراحة لا يعلى عليه

او عليك بـ كاميليا رمضان

تشيل الجواز من الى

بس اشوفلك رقمها







لي رجعة استنوني

السلام عليكم ورحمة الله وبركاتة

معموله بالتمر
17 Feb 2007, 07:13 AM
ثانكيوووووووووو على مرورك طموحه الحفنى شكلو حلو بس اما اليمامه لاااااااااا يشيخه مره مو شي شغلهم زى حكايه البيالي مدرى البياري دا اللي في العتيبيه مررررررررره مو كوووول

انتى جربتى محل معين في الحفنى وكيف مواعيدهم يلتزمو ولا فكك
ستى استيته نحن في انتظارك ياعسسسسسسسسسسسسسسسل

توتة
17 Feb 2007, 10:34 PM
ثانكيوووووووووو على مرورك طموحه الحفنى شكلو حلو بس اما اليمامه لاااااااااا يشيخه مره مو شي شغلهم زى حكايه البيالي مدرى البياري دا اللي في العتيبيه مررررررررره مو كوووول

انتى جربتى محل معين في الحفنى وكيف مواعيدهم يلتزمو ولا فكك
ستى استيته نحن في انتظارك ياعسسسسسسسسسسسسسسسل

البيارى أنا حاطة عليه أكس أحمر من زماااااااااااااااااااااااااااااااااااااااان

بالنسبة للحفني أنا ما قدر جربته بس صاحبتي تقول انهم تمام مواعيد و الاكسوارات و الذي منه و يريحوكي

بالنسبة لليمامة هو فيه أماكن بايخية بس برضوا في شباب سعودية عرضوا فساتين رهيييييييبة عليه بس ما اخترت شي علشان ما عندي مناسبه خخخ


و ربنا يسهلك

ستي إستيته
18 Feb 2007, 12:16 AM
السلام عليكم ورحمة الله وبركاتة

معليش مالقيت رقم كامليا الى الان

بس حادور عليه و انشاالله القاه

في كوفيره اسمها اماره شغلها مره خطييييير


تصدقي ان من كم شهر عملت مسكتين لاختين عرايس

كل وحده لون مختلف

بصراحة ما امدح نفسي

بس الكل اتجنن عليها

حتى وحده فيهم كان فرحها بعدها بفتره

و كانت تبغاني اعملها المسكة

بس للاسف كان فرحها يوم رجوعي من السفر

و ما قدرت اعملها هي

بس القهر اني انا ما صورتها و الا كان رسلتلك الديزاين


انا اصلا كنت عامله مشروع تغليف هدايا

و مسكات و كوش و الذي منو


بس بطلت لما جاتني فرصةاكمال الماستر

و بصراحة كنت اشتري الورد من قصر الورود المجففة في جدة

تلقيه في شارع صاري

احيانا تلقي عنده ديزاينات حلوه

و احيانا عادية

بس اذا عندك ديزاين خديه و هو يعملك اخوه


اوه نسيت

في عندك عالم الجمال او الكرستال مادري اي واحد فيهم

في شارع الامير ماجد في جدة

عند مدام نازك مكياجها

خطيييييييييير مره






يلا سي يو


السلام عليكم ورحمة الله وبركاتة

معموله بالتمر
18 Feb 2007, 01:09 AM
ثانكيووووووووو طموحه وستى استيته على معلوماتكم القيمه

اخر خبر لبنات مكه مانجو في ذي المجاز منزل بضاعه جنااااااااااااااااااااااااااااااااااااااااااااااان الحقووووووو

معموله بالتمر
18 Feb 2007, 02:15 AM
بناااااااااااات محد شاف فراشه الحجاز اانا غايبه من اسبوعين وادورها مالقيتها وشكلها زمان مادخلت اللي تشوفها تسلم لي عليها

عبير الحياة
18 Feb 2007, 02:17 AM
يسلموا معمولة على الأخبار الحلوة والموضوع الأروع

تحياااتي


:250:

عبير الحياة
18 Feb 2007, 02:20 AM
والله يا معمولة حتى أنا مرره مستفقدتها

لكن إن شاء الله يكون المانع خير

معموله بالتمر
20 Feb 2007, 03:52 AM
بنات بشرى سااااااااااااااااااااااره

تعرفو محلات الماركات مو دايما يسوو تخفيضات وبعدين فجاه تلقي البضاعه اختفت وجابو الجديده


ياترىىىىىىىىىى فين تروح البضاعه القديمه


انا اقلكم في محلات تاخدها زى الساحه في جده انا ماقد رحتو بس اسمع عنه

وفي حريم يروحو المحلات دى ويقشقشو بالهبل ويبيعوها

الخلاصه










انا اعرق رقم وحده من الحريم دول في مكه اللي تبغاه تقلي ارسلها هو



وتيجي للبيت كمان مو انتى تروحى لها

المشبك مدبق
20 Feb 2007, 04:12 AM
وحشتوني ياجمااااعه


والله وحشتوني


واله معليش غبت عنكم لظروف قاهره

الله يعين الجميع وادعولي




معمولةوحفيده الحسين وريد رووز وفراشة الحجاز
وزنبوقه وكركب وكولكم

وحشتوني

هيا

انا ابغاكم في هرجة راااس بعدين طيب

المشبك مدبق
20 Feb 2007, 04:20 AM
انا اعرق رقم وحده من الحريم دول في مكه اللي تبغاه تقلي ارسلها هو



وتيجي للبيت كمان مو انتى تروحى لها

انا


اناا


اباابغى اشوووف


خشوني لاتنسوني

معموله بالتمر
20 Feb 2007, 04:24 AM
شبوووووووووووكه هلا والله نورتى الموضوع

مو بس انتى اللي غايبه كلنا سبحان الله مدرى ايشبنا كنو عين وصابتنا <<<<<<<<اسبوعين بدون مكاوى

ابشري ياقمر بس قولى متى وانا اجيكى اجرى <<<<<<<بس انتبي لاتطيحى يافالحه

تبي رقم الحورمه انقزى خاص تلقيه