المساعد الشخصي الرقمي

مشاهدة النسخة كاملة : ها فين أودي الطلي؟؟


وائل عقيل
17 Aug 2006, 02:02 AM
بسم الله الرحمن الرحيم

الموضوغ دغررري....،

طبعا كلنا اذا سوينا عزيما كبيره ندبح خروف عند الطباااخ

وطبعا مو اي مطبخ نسوي عندوا في مطابخ كتيرااا مرره بس مو كلها طبخها جيد

وفي مين هوا طبخوا كووووويس.....

انا حاب اعررف انتو لمن بتسوى عزيما في ايش مطبخ تسوي الاكل

1ــ عباس خليفه (الانوار)

2ــ محمد ادريس

3ــ مستور الا في شارع منصور

4ــ مطابخ بدر

5- القمره

واكييد في مره كتير بس انا ممكن ما اعرفها

يلا انا ابغى اشووف الناس المكاويه ايش يحبوا يقدموا لضيوفهم


تحياااااتي لكم
مكه..خير

م. عبدالرحمن حكيم
17 Aug 2006, 02:12 AM
مرحبابك يا سيدي مكه خير ...

شوف حبيبي

أنا أسوي عادة البرياني عند مطبخ الفته اللي في الرصيفه ...

و المندي و الكوزي و المديني و الحنيذ عند مطبخ الباني في الخالديه ...

و المظبي عند مطبخ جريف في الستين ...

و صحة و هنا وعافية .. و ربنا يديم عليكم الأفراح ...

تحياتي

moham61
17 Aug 2006, 02:20 AM
يا عمي انت هات الطلي واحنا نتصرف فيه بس نشوفه وبعدين نفكر ايش نسوي به .... كوزي مندي بخاري سليق مديني كابلي مو مشكلة الاكلة ,,,,,,,,,,,,,,,,,,,,,,

إضافة لما ذكرت هناك مطابخ ومطاعم الباني ومطبخ الرياض والحلواني واترك للبقية الفرصة لطرح الاسماء لديهم

زيزينيا
17 Aug 2006, 03:11 AM
و المندي و الكوزي و المديني و الحنيذ عند مطبخ الباني في الخالديه ...

:a38::a38:


زيزو

مكة وارفع يدك
17 Aug 2006, 05:52 AM
بسم الله الرحمن الرحيم
السلام عليكم
أفضل مطبخ في المديني مطابخ بدر

بنت ريع الرسام
17 Aug 2006, 05:58 AM
البخاري من مطاعم حراءاللي في العزيزية

الكوزي والمندي من الباني اللي في الرصيفة

وفي وحدة حرمة بخارية نتعامل أحيانا معاها تسويلنا ميز بخاري من إلى

رز بخاري ببليلة ومنتو وفرموزا ويغمش وشوشبرة بلبن وشوشبرة بطماطم ووووو

ودا في العشوات اللي شوية كبيرة

أما في حفلات الشاي

نعمل ميز بسيط من الثمرات أو بدر ونحط فيلو نواشف وحركتات بسيطة

عشقتك يامكة
17 Aug 2006, 08:54 AM
مندي مكفن بالعجينة مالك الا القمرة اللي في طريق جدة عم عبدالقادر الله يديه العافية مو اللي ورا اطياف انتبه
مديني عندك مطبخ الجبلي ورا البنك الاهلي اللي قدام البيك شارع ام القرى
سليق مطبخ والله مايخطرني اسمه بس تلاقيه في شارع المستشفى الاهلي في العزيزية
البخاري عندك مطبخ الفتيني في المسفلة في المنشية بس ما ادري موجود ولا لا دحين

وهني وعافية عليك وعلى ضيوفك

ابو مالك
17 Aug 2006, 03:24 PM
يا الله فكرتني بالعشا وكدا تخليني اشيل هم كبير لما اروح المطبخ
علشان اليوم حيزبطه ولا وخاصه مطبخ الباني يوم ويوم مره يزبط شغله ويجبلك طلي ميه ميه ومره الله يهديك يا عم سعد مشي
بس بصراحه الزربيان ممتاز بس بعض الاحيان تكون عندهم طليان كبيره شويا فعلشان جيبلهم طلي من الحلقه اواذا تعرف احد جيب من عنده وانت بطريقتك واما الكوزي طبعا ماشاء الله عيال ابو رزيزه يزبطوه بس امس ما كان ما زبطه الافي الرصيفه اسم المطبخ مكه
وفي عندك مطبخ القمره عادا عم عبد القادر هادا لا تكلم معاه في الطليان ترا ماشاء الله عليه عنده طليان طيبه وفي المكفن ممتاز بس ليا فتره ما رحتله وفي كمان خلف المحكمه الكبري الافي الدائري كدا مطبخ الفارس دلو يعملك رز بخاري ماشاء الله تبارك الرحمن شويا كويس وعلي اصوله
و بالعافيه وياليت الرز الزايد ما يترمي ولا يتهان
وهيا اتفضلوا معانا
وهيا في امان الله

حفيدة الحسين
17 Aug 2006, 06:28 PM
القمره
الباني
وعاد على الطاير مطبخ حضرموت بالعزيزيه
والبخاري عن وحده تعمله طلبيه
اش كمااااااااااان
وبس
هني وعافيه على قلوبكم

وائل عقيل
17 Aug 2006, 06:51 PM
يسعدلي ربكم ياحبايب على المرور


نبدأ واحد واحد
=========================
مشرفنا الغاااالي الحكيم

فعلا الباااني ممتاز مررره في المنديني والاشياء هادي

و مطبخ الفته صراحه داه انا ما عارفوا

ومشكور على المرور
========================
مهم 16

طيب ياسيدي نديك الطلي وانتا فرجنا شطارتك في تسويته

ايووه مطابخ الرياض الي في العدل كوووويسه مررره

وتشكررررررات يابو حميد على المرور
====================
الاخصائيه الاجتماعيه المحترمه زيزينيا

مشكوره على المرور وبالعافيه على قلبك
======================
سيدي مكه وارفع يدك

ترى بدر مو بس في المديني ممتاز كمان الرز بحمص عندوا ميه ميه يسويه

جربه وادعيلي ومشكور ياباشا على المرور

وائل عقيل
17 Aug 2006, 07:06 PM
استيتا بنت ريع الرسام

والله حتى احنا نتعامل مع وحد تسويلنا ميز بسيط منتو وفرموزا

يلا الله يجعلوا بالعافيه والصحه على قلبك

ومشكوره على المرور
============================
الاخ عشقتك يامكه

عاااااااد المندي المكفن حق القمره هادا كلو كوم والاكلات التانيه كوووووم

ومشكور على المطاعم الي قلتها وان شاء الله نجربها ونشوف

ومره تانيه مشكور على المرور
===========================
سيدي أو مالك

ماشاء الله عليك ياسيدي قلت الكلام الصحيح كلو

وبالعافيه على قلبك

ومشكور على المرور الكريم
==========================
سعادت المشرفه الغاليه حفيدة الحسين

من جد حضرموت جيد في اكلتوا

ومشكوررره ياسيده على المرور الكريم دااااااه وبالعافيه

وائل عقيل
17 Aug 2006, 07:08 PM
وعلى فكرررررره

السليق حق مستورر الي في شارع المنصور جربوه وشوفوا يا ادعولي يا ادعوا عليا


ترررررررررررررررررررررررررررى مره ممتاز


تحياااااااااااااااااااااااتي لكم

حفيدة الحسين
18 Aug 2006, 07:07 AM
صحيح صدقت
وااااااااااو جعت <<< مفجوعه على الصبحيه دي

moham61
18 Aug 2006, 07:23 AM
طيب يا نديك الطلي وانتا فرجنا شطارتك في تسويته

انت شكلك ما تعرفني اخوك شيف فايف ستارز ايش تعرف جميع انواع السلطات فقط :a20:

والله شكرنا مكة خير على المووضع عرفتنا بافضل المطابخ والاكلات تشكراااااااات

بنت عابديه
18 Aug 2006, 08:48 AM
ما إلك

إلا

الــــــــــــقمـــــــــــــرة

بالنسبة لنا في كل المناسبات


ربي يعطيه العافية

شغل تمام وميه الميه

الشريف يوسف الجودي
18 Aug 2006, 10:22 AM
مكة خير

تبغى الكلام المزبوط مافي زي الباني خاصة في السليق ..


اسمع الكلام ولا احد يضحك عليك ..

تقبل شكري وتقديري واحترامي

وائل عقيل
18 Aug 2006, 05:04 PM
المشرفه حفيده الحوسين

مشكوره على المرور الكريم

==============================
مهم16

خلاص ياشيف رمزي نديك الطلي


العفو ياسيدي بس حبينا نأخذ ارائكم

مشكور على المرور
=============================
الاخت الفاضله بنت عابديه

وفقتي في الاختيار فعلا القمره لا يعلى عليه

مشكور ياستيتا على المرور

وائل عقيل
18 Aug 2006, 05:05 PM
حمزااااوي

والبااااني كمان والله كويس وبالعافيه عليك


ولايهمك جربتوا قبل كدا وراح اجربوا تاااااااني


بس خلي تجينا مناسبه


مشكور ياباشا على المرور

بشكة إنسان
20 Aug 2006, 10:29 AM
مكة خير

يسعدك ربي . عنوان الموضوع رهيييييييب هههههههههههه

بس ما قلتلي الطلي حري ولا سواكني :a75:


شوف حبيبي

السليق / مستور اللي في شارع منصور وأرفع يدك عشان لا يلسعك ترى حااااااااار هههههههه

وبرضو في الأرزاز التانية كويس زي الكابلي والزربيان



المندي المكفن أو غير مكفن / عند عبدالقادر قمرة + الرز بحمص + السقط + الطرمبة ( مقرمشة مية مية )

المديني / الجبلي شارع ام القرى

الحنيذ / غربي عسيري في حي الزهارين في الرصيفة ( تاكل فستق ) بس لا ترمي القشر نبغاه ههههه



في طباخ كان إسمه يونس في الكدوة في المسفلة كان مشهور بالارزاز ( الزربيان + الكابلي ) بس مدري موجود دحين ولا لأ




واذا تبغى تآكل أكلة من اللي هيا وتاكل اصابيعك وراها

جبلي الطلي ومالك صلاح


حسويلك بيه ( مرقة هوا ) هههههههههههه



الله يسعدك يارب

وائل عقيل
23 Aug 2006, 09:38 AM
ياهلا ويامرحبا ياسيدي بشكه


اسف على التأخر بس الظروف ماترحم احد

فعلن كل الي قلتوا كلام صحيح

ويلا انا اديك الطلي واشوووووف الشطاره


احترااااااااامي لك ياسيدي

ستي إستيته
26 Aug 2006, 07:41 AM
السلام عليكم ورحمة الله وبركاتة
انا مرة دقت رز من مطبخ مكة الي في الرصيفة مرة طعم

بس دا الكلام من حوالي 4 سنين

عاد مادري الين دحين اكلهم طيب و الا لا


بس دايمن اسمعهم يمدحو الباني

و القمرة اعرف ناس من جدة مايطبخو الا عندو يجولو من جدة

وائل عقيل
26 Aug 2006, 02:39 PM
استيتا ستي استيته


مشكورره على المرور الكريم

gلد oن oكة
31 Aug 2006, 11:33 AM
هيا جيتكم قلت يمكن الشباب والشياب ما قصروا ويقدروا يفيدوك

بس يمكن moham16 وسيدي بشكـة عندهم حاجة من بداية كلامهم قلت يمكن بيفيدوك من جد ؟؟

شوف بصراحة كده الطلي نوعه وعمره وحجمه هو اللي يحكم نوع الطبخـة أول شي عشان تعرف اي طباخ تبغا توديه .

مثلا مو سواكني وتروح تسوي فيه مندي ولا حري وتسوي فيه سليق

حدد نوع طليك وعمره وإن شاء الله تلقى الطباخ اللي على أصولوا .

بس عسى صار العشاا ؟؟