المساعد الشخصي الرقمي

مشاهدة النسخة كاملة : فاتكم نص عمركم يا اعضاء مكاوي ؟ خش والحق النص التاني في تقرير رحلة ابها


بشكة إنسان
24 Jul 2005, 07:31 AM
بسم الله الرحمن الرحيم

السلام عليكم ورحمة الله وبركاته 0

طبعا مافيها كلام فاتكم نص عمركم 0 أححححححححسن خليكم فرحان فيكم هههههههه


مقدمة :
بناءا على الدعوة اللي وجهلنا هيا سيدي ( كلام قديم ) لزيارته في مدينة ابها 0 وبعد ما عملنا الترتيبات اللازمة لها وكانت الدعوة مفتوحة للجميع وكانت أمنية من ابو مشاري انه اكبر عدد يحضر لهادي الرحلة 0 الا ان البعض حالت ظروفهم دون ذلك 0 والبعض قد لايرغب الحضور 0 ما علينا فمااااااااااا فاتهم الا نص عمرهم 0

كلمة شكر :
أبو مشاري مالمسناه منك في هادي الاستضافة تعجز عنه الألسن عن الشكر0 وتعجز فيه نظرات الأعين للغرابة لما شاهدت 0 ولكن لم يعجز فيها القلب عن عزف سلم موسيقي جديد في نبضاته كلما سمع منكم كلمة ترحيب وكلما لمس منكم ضيافة صادقة وكلما أحس بأخوة حانية 0 وكلما فز لشهامة ونخوة ورجولة رآها 0 وكلما استشعر صدى أحلامكم بمجيئنا 0 وكلما ارتسمت البسمة على شفاتكم وانتم تسدون لنا خدمة 0 وكلما حولتم المستحيل الى حقيقة 0 وكلما زرعتم فينا العطاء والحب بلا مقابل 0 وكلما نا شدتمونا البقاء اطول فترة ممكنة 0 وكلما التزمتم بوعودكم 0 وكلما تعالت نبرات صوتكم خوفا علينا وهمست لنا حبا فينا 0
تلك بعض مشاعرنا نحوكم ونحو شخصكم 0 فمهما كتبت لن أوفيكم حقكم لما وجدناه بضيافتكم0 لا يسعني الا أن أشكر الله سبحانه وتعالى اولا لأنكم إبن من ابناء مكة المكرمة حيث نفتخر جميعا بوجودكم بيننا فأنتم خير مثال في كل مجلس حينما يضرب بالرجال الأمثال0
ثم اشكركم سيدي على كل ما بذلتموه منذ وصولنا وحتى مغادرتنا 0 بارك الله فيكم وفي إبنكم
(مشاري ) 0 ووسع في رزقكم وأسدل عليكم ثوب الصحة والعافية وحبب فيكم خلقه وأنعم عليكم بنعمه التي لاتعد ولا تحصى 0 إنه سميع مجيب 0 آمين آمين آمين 0

المشاركون في الرحلة :

1- سيدي الريس 2- حسن مكاوي 3- ولد العزب 4- ابو غبانة 5- ولد الغربية 6- سعيد مكاوي 7- عبدالله كوشك 8- أسامة مكاوي
9- عاصم كوشك 10- بشكة إنسان 0


البداية :

جاني حسن مكاوي وسعيد مكاوي وأسامة مكاوي على البيت ضهر يوم الاربعاء حوالي الساعة وحدة 0 وركبنا سيارتي ومعانا اولادي عبدالله وعاصم واتوكلنا على الله لجده 0 عدينا على ولد العزب في مخطط الاميز فواز وأخدناه معانا 0 وكملنا مشوارنا للمطار 0 وقيدو سيدي الريس وصل من المدينة على رحلة وحده الضهر وجلس يستنانا في المطار 0 وقبل لا نوصل للمطار وصل ابو غبانة وولد الغربية قبلنا وجلسو مع سيدي الريس 0 ينتظرونا 0 ولله الحمد ما اتأخرنا عليهم كتير0
انا نزلت الشباب عند بوابة الصالة ورحت وقفت السيارة في مواقف المطار وطلعتلهم 0 ( وركبت السلم الكهربائي ) ههههههههه0

اتجمعنا مع بعض وكان ولد الغربية ملفت للأنظار لأنه كان لابس الزي المكاوي توب وسديري وغبانة ( والله فلة ) 0 يا بختك ياعم

سيدي الريس قيدو قطع البوردينق فرحت للكاونتر وشحنت العفش وأخدت البوردينق لباقي الشباب 0 وحاولت الهروب ولم افلح هههههههههههههه0

دخلنا من بوابة التفتيش وما خلينا شي في جيوبنا الا ما طلعناه عشان كل ما نخش من الجهاز هااااااااااااااتك يا تصفير 0 قلنا نريحهم ؟؟

المهم ما اطول عليكم اخدنا بعض الصور التذكارية في صالة الانتظار قبل ما نطلع الطيارة 0 وعااااااااااااد لازم من المحشات ؟

المهم طلعنا الطيارة ونلاقي نفسنا مشعترين ههههههههههههههه كل ناس في جهة 0 عشان كل مين يبغى عايلته جمبو ؟ وانا بصراحة ما انهضمت معايا الشغلة فضلت واااااقف وما ابغى اجلس الين ظبطت لعبدالله مكان وجبت عاصم جمبي وكمان حسن مكاوي وفضل سعيد وابو غبانة وولد العزب جمب بعض وسيدي الريس واسامه مكاوي قريبين منهم 0

كدا برد قلبي شوية 0

اقلعت الطيارة 0 وهاااااااااااااااتك يا دردشة انا وحسن في امور المنتدى وما حسينا الا واحنا قربنا نهبط 0
الغريب في الموضوع اقول للمضيفة هاتي عصير ( منقا ) تجبلي عصير عنب ؟؟؟
مدري ليه سوت معايا كده هههههههههههههههههه0 ماعلينا

نزلنا المطار واخدنا عفشنا ودوبي افتح الجوال والاقي رسالة من ابو مشاري تقول حمدا لله عالسلامة نورت ابها 0

ولقيناااااااه مستنينا عند البوابة مباشرة 0 احضان وسلاااااااااااااااام للكل والجميع وترحيب غير عادي 0

خرجنا والجوووووووووووووو غييييييييييييييم حسيت اني في اوروبا وحطينا العفش كلووووووووو في الونيت 0 وأعطاني ابو مشاري مفاتيح سيارته الجيب الفورد ( اكسبيديشن ) 0 والله يجماعة جديدة بالنايلون حقها صلاتي على النبي الله يعطيه خيرها ويكفيه شرها 0 وقالي هادي في إستلامك الين ترجعو بالسلامة0 ( أي كرم هذا )

هوا أخد الونيت وانا اخدت الفورد واتقسمنا بين السيارتين ومشينا وراه 0 واحنا ماشين وفرحانين بالجووووووووو الروعة 0 وفجأة تحط المطرة وياااااااااااااااافرحتنا ( محرومين البعدة )0

ومع الفرحة نسينا انه العفش في الونيت وماهو مغطى ههههههههههههههههههههههه0

اتصلت بالجوال على ابو مشاري قلتلو الحق شنطنا غرقت 0 وصادف كنا قريبين من اشارة ووقفت الاشارة 0 وبسرعة ربي يديه العافية نزل وجا أخد من عندنا فرشة وراح غطى بيها العفش ومعاه ولد الغربية طبعا هما الاتنين ( اتبلبلو على كيفكم ) ( أي حرص هذا ) ؟

وكملنا مشوارنا مرورا بأبها الجديدة ووصلنا الى حيث مقر إقامتنا المهيأ والمعد مسبقا0 لإستقبالنا حيث إستأجر لنا أكبر فيلا في منتجع العتيق السياحي بأبها الجديدة 0 وكنت اول من دخل معه الفيلا 0 واذا بالصالون يعبق برائحة البخوور
( طيب الله ايامك يبو مشاري ) وعلى الطاولة دلال القهوة والشاااااااااي وصحون التمر من افخر الانواع 0

وجلسنا وباشرنا بالقهوة والتمر وكلا في مكانه 0 وحتى الاطفال قام بمباشرتهم ( أي تواضع هذا ) ؟؟

في حوش الفيلا جلسة ولا اررروع من كدا 0 قلنا نخرج نجلس هناك وظبطلنا الفرشات وجلسنا 0 واذا بإبنه مشاري ربي يطرحله فيه البركة 0 جبلنا صحنين فااااااكهة مما لذ وطااااااااااااب 0

وجلسنا ومافي غير شاهي وقهوة وتمر وفاااااكهة وضحك وهرج وفرفشة ونحن نطل على ( عقبة ضلاع ) المطلة على وادي تهامة 0
منظر ولا ارررررررروع من كدا وتحتنا التليفريك 0 والجبال تكسوها الخضرة 0

وقضينا وقت ممتع جدا جدا جدا 0 قمنا صلينا ورتبنا نفسنا وشنطنا وملابسنا وغيرنا حوايجنا 0 ورجعنا كملنا الجلسة 0

ومافي على لساننا الا يا ( سعـــــــــــــــــــــــــــــيد قوم صور ) هههههههههههههه كل شوية وسعيد ما يقصر ربي يعطيه العافية يارب 0

قال ابو مشاري يلالالالالالالا يجماعة خرجنا 0



نكمل لسه

بشكة إنسان
24 Jul 2005, 07:34 AM
قلنا يلالالالالالالالالا 0 ورحنا جلسنا على ضفاف سد ابها 0 ومشاري ربي يعطيه العافية سبقنا وراح ظبطلنا الفرشات والجلسة 0 ولسسسسسسسسسسسسه دوبنا جلسنا

وتقوووووووووووول المطرة وحدة ونص ( انا سمعتها كدا ) يمكن غيري سمعها اتنين الا ربع ههههههههههههههه0

واجري لا تجري ودخلنا الجلسة المغطاه المخصوصة لنا وكملنا جلستنا هنااااااااااك 0 مابين النكت والهرج والضحك والتعليقات والكفشااااااااات 0

وبعد ما انبسطنا قال ابو مشاري يلا رجعنا عالبيت عشان العشا ووراكم تصحو من بدري 0 قلنا يلالالالالالالالا0

رجعنا البيت وراح ابو مشاري ومعاه ولد الغربية جااابو العشا ومعاهم مشاري 0

العشا كان حنيذ ومدلنا صووووووفرة من هنا لهنااااااااااااااااك 0 واكل الجميع بالعافية يارب 0

وخرجنا كملنا جلستنا في الحوش 0 في جو بااااااااااااااااارد و ( صوووووووووووووووووور يا سعيد ) 0

وجلسنا الين حوالي الساعة 12 وقال ابو مشاري يلا نامو عشان حجيكم خمسة ونص ؟ ههههههههههههه يا دين النبي 0
المهم في الأخير استقرينا على الساعة 6 الصبح 0
طبعا طلعنا الدور التاني غرف النوم عشان نناااااااااااااام 0 ومافي الا ضحك وفورة اليييييييييييييييين نمنا غصبا عننا شايلين هم الصحيان بدري 0

وصلاتي على النبي الساعة 6 ابو مشااااااااااااري يصحينا 0
اجري لا تجري صلينا الصبح ولبسنا حوايجنا وبسم الله الرحمن الرحيم 0

ابو مشاري جاب الجيب التويوتا وانا وراه بالفورد ولمن شفت الجيب قلت الشغلة فيها مغامرات هههههههههههههه0

وفعلا مغامرات لم اتوقعها في حياتي 0

روحنا مكان وقفنا فيه الفورد بين الجبااااااااااااااااال وشوية كدا جانا بطل الابطال مشاري ومعاه الدكتور سامي أخو ابو مشاري 0 بالمناسبة الدكتور سامي مسجل معانا في المنتدى بإسم ( غريب الدار ) ولكن بحكم مشاغله ودراسته في الخارج ما كان يشارك معانا كتير ولكن بعد ما استقر الآن في مكة ولله الحمد ننتظر منووووو التواجد الدائم ان شاء الله 0

طبعا مشاري والدكتور جونا بالونيت 0 المهم انقسمنا في السيارتين وخلينا الفورد زي ما قلتلكم عشان المناطق اللي حنروحها وعرة 0

وبسم الله اتجهنا الى منطقة شوووووووووووكان 0

وسبحان الله العظيم هادي المنطقة يطلع فيها البرشومي رباااااااااااااااني معتمدا على مياه الامطار وفيها احلى انواع البرشومي 0

ووصلنا الى بيت احد رجال تلك المنطقة وهوا من اصحاب ابو مشاري وعاااااااااااااد لازم من اننا ندخل ودخلنا عند الراجل وهاتك يا قهوة وتمر 0
والراجل الا والا نجلس نفطر او نتغدى 0 واعتذرنا بالقووووووووووة0

راح ابو مشاري عشان يشتري أطعم والذ تيوس تعيش على المرعى الطبيعي 0 وفضلنا احنا كلنا 0

وقيدو جايبلنا جوانتيات عشان نقطف البرشومي 0 طبعا ميييييييييييييين مييييييييييييييييين يقطف 0

اتبرع ولد الغربية وابوغبانة ولبسو الجونتيات ونزلو منحدرات خطيرة عشان يقطفو ربي يعطيهم العافية عبولنا سطل من احلى واطعم البرشومي 0

وابو مشاري موصيهم يقلهم قطفو من الاصفر 0 الا انه ولد الغربية وابو غبانة يحبو اللون الأخضر هههههههههههههه

والتقطنا العديد من الصور 0 جانا ابو مشاري بعد حوالي نص ساعة تقريبا 0 وهيا اركبو لا تركبو ا ومشينا 0

واحنا ماشين اتذكر ابو مشاري انه في حجر منقوش عليه كتابة عمرها تقريبا 300 سنة واننننننننننزل يا سعيد رووووووووح صور 0

ونزل على رجوله راح صور ورجع وكملنا طريقنا 0

متجهين الى الوادي الطالع مرورا بالمقهب بإتجاه جبال حسوة ومنها الى رجال المع 0

وطول الطريق واحنا دردشة وضحك وتعليقات ومشاهدة مناظر لم نراها من قبل 0

وفي الطريق زرنا منطقة ( العوص ) ومنطقة ( الشعبين ) ومحافظة رجال المع 0 ولمن وصلنا هادي المحافظة 0

ودانا ابو مشاري متحف ( رجال المع ) بمحافظة رجال 0

بصراحة بصراحة يجماعة ما كنت اتخيل نفسي في يوم من الايام اني راح ازور مناطق زي هادي ولا قد فكرت ولا كنت اعرف انه في مناطق تراثية بهادا الشكل 0

والكل بصراحه مندهش من اللي شفناه 0 قصور من الحجار لها مئات السنين 0

المهم دخلنا المتحف وكاااان يا ما كاااااااااااااااااااااان وشفنا العجب العجاب وعشنا بصراحة ( عبق التاريخ ) في هادا المكان 0 وجلسنا في المتحف اكتر من ساعة 0 وما حدث في المتحف من اموووووووووووووور شييييييييييييييييييييييييييي ( حنوريكم الصور ) نخليها مفاجأة
ايش سااااااار وايش سوينا 0 وكان يشرحلنا المرشد الخاص بالمتحف وهو رجل كبير من اهل المنطقة 0

خرجنا من المتحف ولمن عرف ابو مشاري انه المشرف على المتحف موجود وهوا راجل كبير من اهل المنطقة 0
قام يردد بعض عبارات الترحيب الخاصة بهم هههههههههههههههههههههه لو اقعد شهر ما احفظ هوا ايش بيقول 0 وما شفنا الا الراجل قااااااام وشال البندقية ويرقص عشان سمع ابو مشاري بيقول هادي العبارات 0

وكان منظر رهييييييييييييب 0 واشترالنا ابو مشاري الربطات اللي تتلبس في الراص وخاصة بأهل عسير وتسمى ( الحوقة ) وهيا عبارة عن انواع من زهور المنطقة وفل ورائحتها روووووووووعة 0 ولبسناها وكااااااااااااااااانت تحفة 0

طبعا الجو في هادي المنطقة نوعا ما حار شوية لأنه منخفض عن ابها 0

المهم ركبنا السيارات ورجعنا مرة تانية من طريقنا ووقفنا في منطقة جبلية بالقرب من شلال 0 وجلسنا نتدرب على الصيد 0

وصلاتي على النبي ابو مشاري ضرب ( حربااااااااااية ) في الجبل وولد الغربية راصو والف سيف الا يطلع يجيبها هههههههههههه

طلع عمنا غربية وانعزق ومو عارف ينزل ههههههههههههه والجبل خطير 0 المهم انا قلتلو خليك واقف اصيدك ؟ عشان تنزلنا بسرعة ؟؟؟

وبعد مشقة وعناء قدر ينزل من الجبل 0 حاولنا نصيد علبة ببسي ولا هيا ايش شكلها مدري ماني شايفها زي الناس عشنها بعيدة وبرضو ما فلحت 0

قال يصيد قال اتلهــــــــــــــــــي 0

المهم بعد ما الكل مارس هذه التجربة الممتعة بالمسدس 0

اتحركنا واتجهنا للمنطقة اللي تركنا فيها السيارة الفورد 0 اخدناها واتوكلنا على الله بإتجاه السووووووووووودة 0

وفي طريقنا للسودة وقفنا عند ( سد القضمة ) والتقطنا بعض الصور التذكارية 0 وكملنا مشوارنا للسودة 0

وطلعنا يا حبايب ايييييييييييييييييش على جووووووووووووو روعة روعة روعة 0 لفينا شوية ندور على مكان عشان نجلس 0

لقينا مكان استراتيجي 0

أبو مشاري ومشاري والدكتور ربي يعطيهم العافية نزلو الحاجات وفرشو الشباب الفرشات والمكان سار مية مية 0

وراح مشاري اشترى شراع من النايلون تحسبا لأي مطرة 0

جلسنا نفطر وكانت الساعة حوالي 2 الضهر واحنا بنفطر بدأ الهتاااااااااااااااااااااااااااان 0

قلنا خير وبركة وبدأنا في نصب الشراع واربط لا تربط الين زبط وشوية كدا زااااااااااااااااااااادت قلنا اللهم زيد وبارك وشوية كداااااااااااااااا بدأت حبات البرد تنزل0 وكان منظر ولا اروع ولا اروع

الاولاد الصغاااااااااار مبسوطين كتير كتير 0 وينطنطو ويلعبو ويجرو 0

وفجأة وقفت المطرة 0

وبدأ الضباب ينتشر في كل مكان 0 واحنا بين مشاورات هاااااااااااااااااااا ندبح التيوس ولا لأ 0

طبعا كنت انا حدبح وولد الغربية حيسلخ ومعاه ابو غبانة 0

واحنا بين هيا وهااااااااااااااااااا وكييييييييييييف ويلالالالالالالالالالالالالالالا 0

وتحط يا حبايب هديك المطرة ومعاها حبات البرد شيييييييييييييييييييييييي عجب 0 خلتنا ( شوربة ) ههههههههههههههههههههههه

والدنيا من حولنا كلها سارت بيضاااااااااااااااااا من البرد اللي نزل وكل الحاجات اللي معانا غرقت 0 وسار الضباب كثيف 0

في هادي الاثناء قلتلهم يجماعة من افضل الاوقات التي يستجاب فيها الدعاء هو عند نزول المطر 0 فطلب ابو مشاري من سيدي الريس انه يدعينا جماعة 0
فجزاه الله عنا الف خير قام بالدعاء ونحن نؤمن من بعده 0 ( الله يتقبل يارب )


نكمل لسه

بشكة إنسان
24 Jul 2005, 07:36 AM
و بعدها ما كان قدامنا الا اننا نمشي بصراحة الجووووووووو سار مرررة بارد وخفنا على الاولاد يسيرلهم شي 0 وتوجيهات ابو مشاري تقول لازم نمشي 0 ونروح أي مكان تاني 0

المهم مشينا واقترحت على ابو مشاري اننا نروح على البيت وأيد الباقين الاقتراح 0 واتوكلنا على الله 0

وصلو الجماعة قبلنا لأني انا اضطريت الف وارجع السودة من ربع المشوار عشان ولد الغربية نسي نضارته الشمسية

ولو ادري انها ( كاريرا ) ما كان لفيت ورجعت هههههههههههههه0 واصلا ما لقيناها وراح مشوارنا عالفاضي

وصلنا البيت وجلسنا وفرفشنا وبدأت مناقشات جادة حول المنتدى بس عاد اييييييييييييييييييه بدأ التعب يحل علينا 0

ها نقوم ندبح ؟؟؟؟

في النهاية اتفقنا اننا شبعانين ونخلي التيوس لليل 0 طيب ايش نسوي 0 قلنا ننام الين تسعة او عشرة ونصحى 0

المهم راح ابو مشاري واخوه الدكتور ومشاري لبيتهم على اساس يرجعولنا في الليل حسب الاتفاق 0

صلينا مغرب وعشا ونووووووووووووووووم 0 تعبانين هلكانين 0

والساعة عشرة صلاتي عالنبي جا ابو مشاري والحبايب اللي معاه ولسه طبعا في ناس نايمين وانا اولهم 0 طبعا قيدو هوا عارف انه التيوس ماراح تندبح ههههههههههههه عاااااااااااااالم نايمة 0 دبحها برا وجابها معاه مدبوحة 0

وجلس ابو غبانة والدكتور يقطعو فيها 0

وجاب القدر والصاااااااج والحطب ( وأوقد النار يا شبابها ) في جو بااااااااااااااااارد 0

المهم صحي الكل والجميع وآخرنا حسن مكاوي بعد ما طلعلي اللوز في حلقي هوا وولد الغربية عشان يصحوووووووووو0

وسوالنا ابو الحبايب هداك المقلقل والرز واتعشينا بالعافية 0 وبدأ السمر 0

والاولاد قعدو يلعبو بلاي استيشن ( ومعاهم بعض الكبار ) ؟؟؟ ههههههههههه حتشوفوهم في الصور 0

وكان حديث ذو شجون حتى خيوط الفجر بدأت تبزغ 0

بعد ستمية كلفة وتخدع ورجاء وافق ابو مشاري انه ما يجينا الصباح يوم الجمعة وانه يجينا في العصر 0 والله ما وافق الا بعد تدخل سيدي الريس في الموضوع 0 والا كان مصر انه لازم يجي الصباح وعشان كمان يجبلنا الغدا 0

المهم اتفقنا نتقابل 4 العصر 0

وصلاتي على النبي الساعة 3 ونص وهوا عندنا وساعتها كنا بنفطر 0

امااااااااااااااا ولد العزب سوا براد شاهي شيييييييييييييييي كل شوية يجي يسأل سيدي الريس فارت الموية احط الليبتون طب احط السكر طب اقلب هههههههههههههههه

قام الكل والجميع ولمينا كل حاجاتنا واغراضنا 0 وخرجنا على بركة الله عصر الجمعة الساعة 4 ونص تقريبا 0

ودانا ابو مشاري الى الجبل الأخضر وقال لالالالالالالالالالالالازم تركبو التليفريك وكمان عشان الاولاد ينبسطو ا والله وركبنا كلنا طبعا
وانقسمنا في مركبتين 0
وطبعا فاااااااااتكم منظر العالم الخوااااااااااافة ههههههههههههههه حتشوفوهم في الصور ان شا الله 0

طبعا نزلنا بالتليفريك الى حديقة ( أبو خيال ) وهي اقدم حديقة في ابها عمرها حوالي 40 سنة 0 وبعد ما انبسطنا رجعنا للجبل الأخضر
وركبنا السيارات واتجهنا الى سوق ( الثلاثاء ) الشعبي 0

ودخلنا واتسوقنا وطبعا كل الحاجات هناك تراثية وحلوة 0 وكل مين اشتراله حاجات هدايا وتذكااااااااااااار 0 وابو مشاري اشترى للأولاد
جنبيات 0
والتقطت بعض الصور في السوق 0

بعدها اتجهنا الى منطقة بصراحة بعيدة شوية عن ابها 0 وفي الطريق لقينا الدكتور ومشاري بينتظرونا ومشيو ورانا 0

اليييييين وصلنا الى ( قلعة الأتراك )

وهنااااااااك عشنا لحظات تاريخية عمرنا ما كنا حنعيشها ولا راح نوصلها 0

اول ما وصلنا دخلنا على منصة صاحب السمو الملكي سيدي الأمير عبدالله بن عبد العزيز ولي العهد حفظه الله ومن هادي المنصة قام سموه بإفتتاح ( عقبة شعار ) وهي من اصعب العقبات المتجهة من أبها الى محايل عسير 0

وبصراحة انا ما شفت منطقة في شدة هوا زي هادي المنصة هواااااااااااااااااا يشعتر 0 وتحتنا العقبة شييييييييييييي تحفة 0

طبعا المنصة هادي جيييييييييييييه في منطقة القلعة وشفنا :
مقر الثكنة العسكرية والبئر وخزانات المياه اللي سوووووووووووها الاتراك بشكل عجيب 0 واسطبلات الخيول 0 وقبور الضباط الاتراك 0

و300 قبر للعسااااااكر في وسط الجبل 0 بالإضافة الى مواقع الحماية 0

وقعد ابو مشاري يشرحلنا الشي الكتير عن هادي المنطقة 0


بعدها اتوجهنا الى بيت ابو مشاري في منطقة بني رزام في الملاحة 0 والمغرب على وشك الأدان 0


طيب خدو نفس عشاااااااااااان نكمل 0

شهيييييييييييييييييييييق زفيييييييييييييييييييييييير شهييييييييييييييييييق زفيييييييييييييييييييييييييير 0

طب صلوا على كامل النور المصطفى

اللهم صلي وسلم وبارك عليك يارسو ل الله





يلالالالالالالالالا نكمل

بشكة إنسان
24 Jul 2005, 07:38 AM
دخلنا الحوش بالسيارات ولمن نزلنا 0 قااااااااااااااااااااام مشاري طلع المسدس واطلق عدة رصاصات في الهوا ترحيبا بمقدمنا 0
ووسط الترحيبات والتسهيلات والتهليلات دخلنا الى الصالون 0

وشربنا القهوة واكلنا التمر 0 واحنا في جو يسوده الحب والوئام والإحترام 0 وترحيب غير عادي غير عادي غير عادي حتعب وانا اقول غير عادي 0
وطلب مننا ابو مشاري اننا نخرج للخيمة حيث الجلسة الرئيسية في تلك الليلة لنعيش اجواء طبيعية جميلة جدا جدا 0

صلينا المغرب والعشا في الخيمة 0 وطلب مننا ابو مشاري التجول في حوش الفيلا 0

اللهم صلي على رسول

ماشاء الله تبارك الله 0

اشجار رمان وخوخ وجوافة ومنقا وحبش وتين وليمون وفل وورد وحبق ونعناع وكل شي ما شاء الله تبارك الرحمن 0 اللهم زيد وبارك

وبعد ما اخدنا جولة والاولاد قعدو يلعبو في المراجيح 0

لم يبخل علينا ابو مشاري حتى في جلسته الخاصة 0

أصر الا والا ولازم نجلس فيها بالرغم انه محد غريب جلس فيها قبلنا عبارة عن عريشة فيها كراسي شريط تراثية وكل محتويات الجلسة من التراث 0

انا شربت موية من زير في هادي العريشة في مغراف من خشب 0 في حياتي ما شربت زي كدا 0 برودة طبيعية وطعم مختلف 0
وجلسنا في العريشة وجبلنا فاااااكهة من الاشجار واكلنا وهرجنا وضحكنا 0

ورجعنا مرة تانية للخيمة 0

طبعا ابو مشاري قيدو من اول مولع الحطب والقدر عالنار عشان يسويلنا رز ( عربي ) 0

وجسلنا في الخيمة وهااااااااااااااااااااااتك يا مناقشات ومناورات وكفشات وضحكات ..................الخ 0

وحطينا العشا واتعشينا 0 ( من يد ما نعدمها يبو مشاري ) 0

بعد كدا حلينا بكل ما تشتهيه النفس من فواكه وحلى بيتي 0 ربي يعطيكي العافية يا ام مشاري ويفرحك بأولادك 0

وبعد الحلى شربنا الشاهي 0 وقام ابو مشاري باهداء حسن مكاوي مجسم لأحد البيوت التراثية لمنطقة عسير مصنوع من الجبس 0 بعدها قام مشاري ايضا باهداء الاستاذ حسن احد البيوت التراثية والمبنية على الجبال 0 والتقطت الصور التذكارية لذلك0

كما قام الاستاذ حسن مكاوي بإهداء ابو مشاري أطلس عن مكة المكرمة 0

وحاااااااااااااااااااااان وقت الرحيل والساعة تدق العاشرة والنصف 0

مافي ساعة كانت بتدق يبكااااااااااااااااااش 0

قصدي في ايدي كانت عشرة ونص 0


وودعنا سيدي الريس لأنه راح يطلع بعد ما نمشي الى منطقة السودة عند أولاده ربي يطرحلو فيهم البركة 0

كما ودعنا الدكتور سامي 0

وولد العزب ومشاري راحو بالونيت ومعاهم العفش 0 واحنا ركبنا مع ابو مشاري في الفورد 0 واتجهنا الى مطار أبها 0

وطوال الطريق ونحن نستمع الى المديح في خير الانام وسيرته النبوية العطرة 0 اللهم صلي وسلم وبارك عليه 0

وصلنا المطار وقمنا بتوديع أبو مشاري وابنه مشاري بالأحضان على أمل اللقاء مجددا بإذن الله تعالى 0

همسة في اذن ابني مشاري ( روح ربي ان شاء الله يكرمك بزوجة تشيلك على كفوف الراحة يارب وما تقلك غير شبيك لبيك عبدتك بين ايديك وتعيش طول عمرك مخدوم ان شا الله ويكسبك رضا الوالد الله يديمه لكم ) 0


دخلنا المطار وقطعنا البوردينق واتفاجأنا بعد ما دخلنا صالة الانتظار انه الرحلة اتأخرت 0

كان الاقلاع المفروض 12 ونص اقلعنا الساعه 2 بالظبط 0

بس هادي المرة اخدنا صف واحد في الطيارة جمب بعض 0

وصلنا مطار جده حوالي 3 الا ربع واستنينا العفش وعلى ما طلع من السير 0 ...............الخ0

المهم اول ما خرجنا من المطار اناااااااااااااا ما عاد شفت ولاشي ؟؟؟؟؟؟؟؟

المطار بارد وبره رطوووووووووووبة 0النضااااااااااااااااااارة سارت شيييييييييييييييييييييييي هههههههههههههه0

رحنا للمواقف ونسيت اني وقفت فوق وندور عالسيارة ماااااااافي هههههههههههه

المهم لقيتها فوق واخدت الشباب كلهم واتوكلنا على الله 0

نزلت ابو غبانة عند بيتهم ونزل معاه ولد الغربية وقال هوا حيوصله 0 وودعناهم 0

وبعدين وصلنا ولد العزب على بيتهم في مخطط فواز 0 واتجهنا الى مكة 0

وصلت حسن مكاوي واخوه اسامة في الرصيفة حي الاسكان عشان ياخد سيارته 0 وبقي معايا سعيد مكاوي ومشينا على بيتي 0

اخد سعيد سيارته واتوكل على الله 0

وانا واولادي طلعنا البيت وكانت الساعة تقريبا 5 الفجر 0


وكل رحلة وانتو طيبين يا اعضاء مكاوي وربي لا يفرق بيننا 0 ويجمعنا على الخير 0

واعذروني ان قصرت في التقرير ففي تفاصيل كتير ما تم ذكرها 0

يمكن في التقرير المصور حتشوفوها بمشية الله تعالى 0

فترقبووووووووووووا التقرير المصور قريبا


وسااااااااااااااااامحوني 0

ولد العزب
24 Jul 2005, 08:22 AM
بسم الله الرحمن الرحيم
بعد التحية والسلام


سيدي عصام { بشكة الإنسان }

الله يعطيكم العافية وتسلم أناملكم الذهبية على الموضوع والتقرير الأكتر من رائع

وزي وا قلتو يا سيدي إن إلي ما جا معانا الرحلة
ما فاتو نص عمرو
ولا حتى تلاته أرباعو
بل فاتهم كل عمرهم

ونحن في إنتظار التقرير المصور بفارغ الصبر



يا سيدي أبو مشاري ( كلام قديم )


كلمة شكر :
مالمسناه منك في هادي الاستضافة تعجز عنه الألسن عن الشكر0 وتعجز فيه نظرات الأعين للغرابة لما شاهدت 0 ولكن لم يعجز فيها القلب عن عزف سلم موسيقي جديد في نبضاته كلما سمع منكم كلمة ترحيب وكلما لمس منكم ضيافة صادقة وكلما أحس بأخوة حانية 0 وكلما فز لشهامة ونخوة ورجولة رآها 0 وكلما استشعر صدى أحلامكم بمجيئنا 0 وكلما ارتسمت البسمة على شفاتكم وانتم تسدون لنا خدمة 0 وكلما حولتم المستحيل الى حقيقة 0 وكلما زرعتم فينا العطاء والحب بلا مقابل 0 وكلما نا شدتمونا البقاء اطول فترة ممكنة 0 وكلما التزمتم بوعودكم 0 وكلما تعالت نبرات صوتكم خوفا علينا وهمست لنا حبا فينا 0
تلك بعض مشاعرنا نحوكم ونحو شخصكم 0 فمهما كتبت لن أوفيكم حقكم لما وجدناه بضيافتكم0 لا يسعني الا أن أشكر الله سبحانه وتعالى اولا لأنكم إبن من ابناء مكة المكرمة حيث نفتخر جميعا بوجودكم بيننا فأنتم خير مثال في كل مجلس حينما يضرب بالرجال الأمثال0
ثم اشكركم سيدي على كل ما بذلتموه منذ وصولنا وحتى مغادرتنا 0 بارك الله فيكم وفي إبنكم
(مشاري ) 0 ووسع في رزقكم وأسدل عليكم ثوب الصحة والعافية وحبب فيكم خلقه وأنعم عليكم بنعمه التي لاتعد ولا تحصى 0 إنه سميع مجيب 0 آمين آمين آمين 0








ولكم تحيات
ولد العزب

محد مكيفو !!!
24 Jul 2005, 08:36 AM
السلام عليكم ورحمة الله وبركاتة
الحمد لله على السلامة نورتونا يا حبايب
وجزاك الله خير يا استازنا كلام قديم
والله يزيدك من نعيمو كمان وكمان
بصراحة يا سيدنا بشكة هادي قصة من قصص الف ليلة وليلة
الله يديك العافية
والله يجمعنا على طاعتو وعلى المحبة دايما

ابن الحجاز
24 Jul 2005, 09:42 AM
الظاهر انكم ماتبغوا تتقوا الله فينا وتتوبوا

أمر دبر بليل

في السكرتة اخذوا بعضهم

وركبوا السوبر جت

وعالبساطة البساطة

وعملوا غزوة أبها

وانهمرت الخيرات

اللهم لاحسد

وانا مو ناوي احسد

انا داخل اضرب عين بس

كل الحلاوة دي لوحدكم؟

والذين تولوا كبرهم منكم كثير

ومن رؤوس موقع مكاوي

خيانة أخرى وأكلة فاتتنا

وخضرة

ووجه حسن
(حسن مكاوي لاتودونا في داهية والباقيين مايتخيروا سماحة وجه من اثر السجود)
عشان الرقابة

واأبهاه

واعزومتاه

وانفههاه

الغايب مالو نايب

ايوة ياسيدي منك له

استمتعوا

اجازات

انا بكرة عندي امتحانين وبعده امتحان وانتم في الطراوة

عموما خلاص قربنا نخلص

وسيكون الحساب عسيراً
(أو خميس مشيطاً)

وليتحمل كاتب المقال كل الإرهاب الغذائي الذي سيحصل

هذا هو الإرهاب الوحيد اللي حلال فيكم

الجمعة والعزومة اللي تفوت بعشرة

وقد أعذر من أنذر

جهزوا الرز والخرفان

والسقط والششني

واللي خايف لايحضر

وخلوا السكاكين عليا

أحزان
24 Jul 2005, 11:38 AM
الحمدلله على وصولكم بالسلامه

وربي يجمعكم على الخير دايما




عمو بشكه

:122:



























فين البرشومي والقرد ؟؟؟؟؟؟؟؟؟؟؟؟؟

:)

sheksper
24 Jul 2005, 11:57 AM
ماشاء الله كل هدا وإحنا ماندري ..........

يلله يا بشكه المهم إنكم انبسطوا .........

وننتظر التقرير المصور...

أبو نار
24 Jul 2005, 12:07 PM
حمد الله على السلامة

والله فاتنا نص عمرنا بس انشاء الله نتقابل على خير

ابو نار

نص مكة
24 Jul 2005, 12:51 PM
الحمد لله على سلامتكم



والله بصراحة مااظن في احد زعلان على انه فاتته هذه الرحلة قدي


لاني كنت معاكم لاخر لحظة بس حالت الظروف


ويلا الجايات اكتر يارب

حسن مكاوي
24 Jul 2005, 02:05 PM
بسم الله الرحمن الرحيم

السلام عليكم ورحمة الله وبركاته

سيدي عصام تفصيل رائع لرحلة ابها ...يعطيك الف عافية

كل الشكر والعرفان لابن مكة الرائع ابو مشاري " كلام قديم " على ما غمرنا به من كرم الضيافة وما اسعدنا به من زيارة
لكل جميل وممتع وفيه من المعرفة الكثير بمدينة أبها
رغم قصر الفتره التى قضيناها ...

كما نشكر شبل مكة ورجل المستقبل مشاري الذي سخر نفسه لراحتنا
فلا عجب من ان يكون هذا الشبل من ذاك الأسد...

ولا ننسى أيضا ان نتقدم بالشكر
للدكتور . سامي ..
الذي تعرفنا عليه لأول مره أثناء رحلتنا لأبها وكأننا نعرفه من زمن ...

عائلة لا نستطيع ان نوفيها حقها من الشكر والعرفان لكن ما نقول غير
جزاكم الله عنا كل خير ودعواتنا لكم بالتوفيق دوما
والله لا يفرق بيننا وان يجمعنا دائما على الخير

الرايق
24 Jul 2005, 02:21 PM
ياسيدي ألف حمدالله على سلامتكم أجمعين

و إنشالله الجايات اكتر

و صووور يا سعيد:004:

سلااامز

عاشق تراب مكه
24 Jul 2005, 08:46 PM
صووووووووووووووووور ياسعيد












طيب












فين الصور ياسعيد :mad:













فين الصور ياسعيد :mad:













فين الصور ياسعيد :mad:








يا أخي من الكاميرا على الكمبيوتر وبالفوتوشوب صغرها وعلى المنتدى حملها مرفقات ... يعني مايبغالها التأخير دا كلو :mad:













ترااااااااااااااااااااااااااااااااااااااااني مطرطع ..:mad:













ورايح احط حري فيك ياسعيد ..:mad:

الشوق
24 Jul 2005, 11:04 PM
ماشاء الله تبارك الرحمن
اول مرة انبسط معاكم , عيني عليك باردة ياسيدي ابو مشاري
ايوة كدة الرحلات و كدة التقارير المتعوب عليها
تقرير اخدني معاكم حتة حتة الين رخيت راسي لايصقع في سقف الباب تبع متحف رجال المع
ماشاء الله سيدو بشكة اكيد كتبت التقرير في الجنوب, عشان الجو هناك يخلي الكتابة غير
أهل الجنوب كلهم كرم وزووووووووق وضيافتهم مالها مثيل , وهنيالو اللي متصاحب مع اهل الجنوب
(صاحبتها من الجنوب لحد يحسدها)
بس انا مرة زعلاااااااااااااااااااااانة
7
7
7
7
7

7
7

7
7

7
7

7
7
7
7

7
7

7

7
7
7
7
7









ابا حنيييييييييييييييذ ليش مابقيتولي :o
هيا عن اذنكم اطفي الجهاز قبل ماتبلبلو المطرة

المستشار
25 Jul 2005, 12:04 AM
ماشالله تبارك الله ..
بصراحة رحلة رائعة جدا .. راحت عليا والله ..
وماقصر والله ابومشاري .. كريم ابن عائلة كريمة ..

انشالله نرجع من هذي البلاد بالسلامة ويكون لنا رحلات قادمة ..

وشكرا ياسيد على التقرير المفصل ..

تحياتي للجميع

معتوقه
25 Jul 2005, 04:43 AM
بسم الله الرحمن الرحيم

سيدي بشكة ....... والله تنفع مراسل قناة ..... ما شاء الله تبارك الخالق ........

مهو ناقص غير تقلنا كم مره غيرتو ملابسكم ههههههههه

التقرير جدااااااااااااااااااااااااااااااااااااا رااااااااااااااااااااااااااااائع ويفوق الوصف والله

حسيت اني معاكم والله تماماً ......

أدعو الله سبحانه وتعالى أن يحفظ أخوتكم على ما يحبه ويرضاه ويديم المحبة والألفة بينكم .....

ألف الصلات والسلام عليك يا حبيب الله محمد ولولولولوللللللللللي >>>> قلبتها فرح ...!!

وننتظر التقرير المصّور على أحر من الجمر ........

جاوه حلاوه
25 Jul 2005, 07:19 AM
ماشالله تبارك الله


اول شي الشكر لسيدو بشكه على طرح الموضوووووع بالتفصيل ودا اقل شي متهيألي بعد الرحله اللي كانت ممتعه

الله يديك العافيه سيدو




تاني شي الله يديك العافيه سيدوو كلام قديم على طيبك وكرم اخلاقك اللي مهي غريبه عليك





والله يجعلها دايما عامره بحسكم ووجودكم

ولد الغربية
25 Jul 2005, 08:33 AM
بسم الله الرحمن الرحيم

السلام عليكم ورحمة الله وبركاته 0

طبعا مافيها كلام فاتكم نص عمركم 0 أححححححححسن خليكم فرحان فيكم هههههههه


مقدمة :
بناءا على الدعوة اللي وجهلنا هيا سيدي ( كلام قديم ) لزيارته في مدينة ابها 0 وبعد ما عملنا الترتيبات اللازمة لها وكانت الدعوة مفتوحة للجميع وكانت أمنية من ابو مشاري انه اكبر عدد يحضر لهادي الرحلة 0 الا ان البعض حالت ظروفهم دون ذلك 0 والبعض قد لايرغب الحضور 0 ما علينا فمااااااااااا فاتهم الا نص عمرهم 0

كلمة شكر :
أبو مشاري مالمسناه منك في هادي الاستضافة تعجز عنه الألسن عن الشكر0 وتعجز فيه نظرات الأعين للغرابة لما شاهدت 0 ولكن لم يعجز فيها القلب عن عزف سلم موسيقي جديد في نبضاته كلما سمع منكم كلمة ترحيب وكلما لمس منكم ضيافة صادقة وكلما أحس بأخوة حانية 0 وكلما فز لشهامة ونخوة ورجولة رآها 0 وكلما استشعر صدى أحلامكم بمجيئنا 0 وكلما ارتسمت البسمة على شفاتكم وانتم تسدون لنا خدمة 0 وكلما حولتم المستحيل الى حقيقة 0 وكلما زرعتم فينا العطاء والحب بلا مقابل 0 وكلما نا شدتمونا البقاء اطول فترة ممكنة 0 وكلما التزمتم بوعودكم 0 وكلما تعالت نبرات صوتكم خوفا علينا وهمست لنا حبا فينا 0
تلك بعض مشاعرنا نحوكم ونحو شخصكم 0 فمهما كتبت لن أوفيكم حقكم لما وجدناه بضيافتكم0 لا يسعني الا أن أشكر الله سبحانه وتعالى اولا لأنكم إبن من ابناء مكة المكرمة حيث نفتخر جميعا بوجودكم بيننا فأنتم خير مثال في كل مجلس حينما يضرب بالرجال الأمثال0
ثم اشكركم سيدي على كل ما بذلتموه منذ وصولنا وحتى مغادرتنا 0 بارك الله فيكم وفي إبنكم
(مشاري ) 0 ووسع في رزقكم وأسدل عليكم ثوب الصحة والعافية وحبب فيكم خلقه وأنعم عليكم بنعمه التي لاتعد ولا تحصى 0 إنه سميع مجيب 0 آمين آمين آمين 0




السلام عليكم ورحمة الله وبركاتة

لو قعدت اتكلم من هنا للسنة الجاية ما راح اوفي سيدي ....خالد ( ابو مشاري ) ولا ولدو ...ولا اخوة الغالي ...دكتورنا ..

مما قدموة لنا من كرم ضيافة ....واستقبال وترحيب ..وحسن الضيافة ...
الله يقدرنا ونقدم لهم ...ولو جزء بسيط جداً ..مما قدموة ...

اسعدونا .....الله يسعدهم ....ويوفقهم ...جميعاً ....

مشاري ....بالفعل شبل من ذاك الاسد ....الله يبارك فيك ...ويوفقك ...ويشرح صدرك ....ويفرح ابوك فيك ...

دكتورنا الغالي ....الله يوفقك ويعلي مراتبك ....واسعدت جداً ...بمعرفتك اخاً ..فاضلاً ....ربي يبارك لك في علمك ...واخلاقك الكريمة ...

رحلة ...عمري لم اسعد في حياتي في رحلة مثلها ...الله لا يفرق بيننا يا اهلي وناسي ...واخواني جميعاً ...


احلى ...واقوى ما وجدت في منتديات قبلة الدنيا ....الاخوة الصادقة ...والمحبة الكبيرة ....التي لا تشمل اي نوع من المصالح الشخصية ...

اسأل الله العلي القدير ....ان يجمعنا جميعاً في جنات النعيم ....كما جمعنا في جنة الدنيا ....
الله يديمها على اخوة ...وصداقة ...ومحبة ...يا رب ....يا قدير ...

أمـــــــــــــــــــــــين ..........أميــــــــــــــــــــــــــــن ...


اخوكم المحب لكم جميعاُ .....
إيهاب

أمين مكة
25 Jul 2005, 08:54 AM
الحمدلله على السلامه

روعة الاحساس
25 Jul 2005, 11:21 AM
اهم حاجة انكم انمبسطوا


الحمدلله على السلامة

بنفسج
25 Jul 2005, 12:28 PM
حمدا لله على السلامه

ياجي من السفر

.......

سعيد مكاوي
25 Jul 2005, 12:33 PM
بسم الله الرحمن الرحيم

السلام عليكم ورحمة الله وبركاتة

سيدي خالد(أبو مشاري), أخونا مشاري،الدكتور سامي

لا أستطيع أن أتحدث أو أكتب أي كلمة شكر لكم سيدي لأنه مهما كتبت لن أوفيكم جزء من حقكم ولا جزء بسيط مما فعلتموه لنا من حملنا على كفوف الراحه أشكركم من كل قلبي.


ياسيدي خالد ها ايش رأيك أصور ولا لأ ههههههههههههههه

يااخوان ان شاء الله انتظروا التقرير المصور بس ترى راح يكون فيه شغل شويه لأنه ماشاء الله تبارك الله قمنا بتصوير 801صوره قولوا ماشاء الله وصلو على النبي


وشكراً
سعيد مكاوي

حلم الليالي
25 Jul 2005, 02:07 PM
ألف حمدلله على ٍٍٍسلأمتكم
وألله يجمعكم على خير





أبغى أشوف ألصور


:mad:

:mad:

:mad:














وين ألصور????








KAFI HRMAN

بنت من مكة
26 Jul 2005, 01:55 AM
ألف حمدالله على سلامتكم أجمعين

قاصد
26 Jul 2005, 03:54 AM
أي كرم هذا أخوي أبو مشاري !

أي قِرى تقريه لضيوفك !

أي أخلاق تملكها !!

وأي أصلٍ تنتمي إليه !




أهني بك قبيلتك . . وأهني أجدادك بك
وأزفك فخراً . . هنا في قبلة الدنيا !

أحسست بأني أعرفك أكثر من ذي قبل
من حسن سجيتك التي برع أخوي بشكة انسان
في تصويرها !
لله درك من أمير




همسه في أذن بشكة إنسان :
( هل تعلم بأنه فاتنا نص عمرنا !
ليس على تلك الرحلة فقط . . وإنما على فقدنا لكم هنا في المنتدى أيضاً . . )
بس وين الصور الله يخليك ؟


همسة في أذن المسؤولين :
( أمير الكتاب ) لقب أقترح بأن يُخلع على أخوي ( كلام قديم )




تحياتي للجميع

هند
26 Jul 2005, 05:08 AM
الحمد لله على سلامة الجميع

بشكة إنسان
26 Jul 2005, 06:15 AM
لا داااااااااااعي

لاداااااااااعي للــ:129::129:

احرجتوني ههههههههههههه


الحمد لله انبسطنا

ابن الحجاز
26 Jul 2005, 06:19 AM
يااخوان ان شاء الله انتظروا التقرير المصور بس ترى راح يكون فيه شغل شويه لأنه ماشاء الله تبارك الله قمنا بتصوير 801صوره قولوا ماشاء الله وصلو على النبي


وشكراً
سعيد مكاوي

الأحداث الكبرى تتصور فيديو

(عشان ملف القضية يكون كامل)

ابتدأ العد التنازلي

ووصلتم نقطة اللاعودة

وأنا عاد اللي حافرح فيكم

ملاك_المدينة
27 Jul 2005, 01:19 AM
الله يسعدك ياسيد عصام للطرح المفصل دا والممتع فعلاًَ


ربي يسعدكم ويهنيكم دايماً ...


وربي يجزاك خير ويسعدك ياولد الأصول ياسيدي ابو مشاري ويخليلك اهلك ويحميهم للعزومة دا .....




ومن احلى لأحلى يااااااااااارب


حجــــــــــــــــازية

عاشق تراب مكه
27 Jul 2005, 04:23 AM
ها جابت إيه ولد ولا بنت ؟

وأخرتها يعني مع الصور دي اللي ماهي راضية تظهر اللين دحين ..

يعني انتو تبغو تفهموني انكم تبغو تنزلو ال 800 صورة اللي قال عنها سعيد كلها في وقت واحد ؟

ياجماعة نزلوها حبة حبة وعلى دفعات ..

اصلا هذا الافضل ..

علشان لو نزلتو اكثر من 5 صور في الموضوع الواحد بالتأكيد كل اللي يبغو يتفرجو رايح يبطأ عندهم الجهاز ..

هيا الله يرضى عليكم نزلوها حبة حبة واللي جاهز منها نزلوه ..

نبغى نشوف بكرة 5 صور بالكثير من الرحلة ..

لا تخلوني دحين اروح بنفسي ابها واصور ..

ولا اجي اطلع الفلم من الكاميرا واحرقو ..:222:

م. عبدالرحمن حكيم
27 Jul 2005, 04:54 AM
السلام عليكم ورحمة الله وبركاتة

الحمد لله على السلامة ورحلة موفقة

والله التقرير خلاني أزعل على اني ماجيت ؟؟؟ لكن بظروفها

بس عاد حصل خير واهم شي انكم انبسطتوا

و تقديري للجميع

أحزان
30 Jul 2005, 02:04 PM
:o

:o

:o

:o

:o



يلا قوامن ابغى اشوف الصووور

يلا فينها ؟؟







عمو بشكه بسرعه

:o

كلام قديم
31 Jul 2005, 03:53 AM
بسم الله الرحمن الرحيم
والصلاة والسلام على الحبيب المحبوب وعلى آله وصحبه ماهب الهبوب


بدايه الله يسامحك سيدي بشكه حقيقه كتير اللي كتبته في حقي وانا مااستاهله.

سيدي ان كان اللي سويته قليل في حقكم وهو قليل فيكتروا جميلكم ووفاكم بقبول دعوتي وانتم اهل لجبر الخواطر الله يجبر بخاطركم, مو كتير على اهل مكه اهل السقايا واهل الوفاده واهل الكرم والشجاعه وليتني الحق شي معاكم في هدا الشرف المؤزر.

حقيقه جيّتكم لبيتكم التاني الصغير في ابها زادتني فخر واعتزاز وكان صداها جميل وقربكم اجمل خصوصا مع والدنا وكبيرنا "الريس" الله يديم ظله واسأل الله ان يجعلها عاده ماتنقطع من نبلاء شرفوني بصحبتهم.
الف شكر باسمي وباسم ابني مشاري واخوكم الدكتور "غريب الدار"

والله ترددت كتير في الرد من ماغمرتوني بيه من كلمات عجزت وعجز قلمي عن رد جميل عبارتكم وعذوبة كلامكم لكن هدا قليلنا من كتيركم ياسيدي
حبا وكرامه لكم البيت مفتوح والصدر مشروح ...واستروا ماواجهتوا ياسيد

واشوف وجهكم بخير
ربيب فضلكم / كلام قديم

الريــــــس
01 Aug 2005, 12:31 AM
بسم الله الرحمن الرحيم
الحمد لله والصلاة والسلام على سيدنا رسول الله صلى الله عليه وعلى آله وصحبه ومن والاه وسلم تسليما كثيرا .
أما بعد :
لولا أن أقسم علي مضيفنا الكريم أبو مشاري ( كلام قديم ) بالله عز وجل وبأسمائه وصفاته بأن لا أكتب عن استقباله وكرمه لنا ،
لأن فيما كتب عنه ،
خاصة استاذنا بشكة إنسان وأستاذنا حسن مكاوي وبقية اخوان الرحلة ،
الذين كفوا ووفوا لكنت سطرت عنه مايليق به من كرم الضيافة وأصالة المحتد ،
غير أنى استأذنته بكتابة سطر واحد وربما أقل ،
ولهذاأقول :
[ لو وجد مضيفنا أبو مشاري ( كلام قديم) قبل عصر من اشتهر بالكرم " حاتم الطائي " لما كان لحاتم ذكر ].

??
02 Aug 2005, 01:30 AM
ما شاء الله تبارك الله

الله يكرمك أستاذي كلام قديم .. ويرزقك من واسع فضله .. وأدخل الله السرور لقلبك كما أدخلته على أخوانك .. وبارك لك فيما أعطاك .. وبارك لك في بنيك وأهلك وبلغك برهم بك .. وأنعم عليك من حيث لا تحتسب

أخي الكريم بشكة انسان : الله يفتح عليك على التقرير الرااااااائع جدا جدا .. واسمح لي اسميك حكواتي المنتدى :) ما شاء الله تبارك الله عليك .. أعتقد عندها حق ستوته الشوق لما قالت انك كتبت التقرير هناك

وان شاء الله ما تكون آخر رحلة .. والله يجمعكم دائما على حبه وطاعته وعلى كل خير


ولا يفوتني شكر كل من ساهم في انجاح هذه الرحله ومد يد العون فيها

الله يعطيكم العافية جميعاااااااااااااا

الرايق
14 Aug 2005, 03:27 PM
فين الصور ياسعيد

:002::002::002::002::002::002::002::002::002::002: :002:

سلااامز

DAREEEN
15 Aug 2005, 02:44 PM
بسم الله الرحمن الرحيم

السلام عليكم ورحمة الله وبركاتة

أشكرك أخي الكريم على هذا الموضوع

بشكة إنسان
16 Aug 2005, 05:08 AM
الشكر موصول للجميع

ولكل من اطلع على التقرير

----------------------------------------------------------

سيدي الرايق

والله سعيد حمضها ههههههههههههههههه

بس مو الصور ؟؟

عاشق تراب مكه
20 Aug 2005, 05:02 AM
:mad:


يعني هادا كلو الصور ماظهرت ؟

لا تسكتو على نفسكم ..

والله مصيبة ..

أبو نار
20 Aug 2005, 05:27 AM
والله ياسيدي عاشق امس في الاجتماع هروا سعيد محشات

ياسعيد فين الصور

ياسعيد صوووووووور


بس خلاص قال انشاء الله خلال اليومين الجاية راح تنزل الصور واهو احنا بنستنى


وياسعيد صووووووووور

خخخخخخخخخخخخخخخخخخخ


أبو نار

بشكة إنسان
20 Aug 2005, 05:28 AM
سيدي عاشق

هههههههههههههههه

إحتمال اليومين الجااااااااااية حختطف سعيد مكاوي 0؟؟

عاشق تراب مكه
20 Aug 2005, 05:43 AM
طمنتوني الله يطمنكم ..

بس يومين ؟

كويس ..

يعني محنا رايحين نشوفها خير شر ..

سعيد مكاوي
20 Aug 2005, 08:43 AM
بسم الله الرحمن الرحيم

السلام عليكم ورحمة الله وبركاتة

سيدي لا اسمع احد يقول يا سعيد صور عشان لا نضارب سامعين هههههههههههههههههه

الموضوع دحين خرج من يدي وماهو عندي الصور خلاص جاهزه وارسلتها لسيدي بشكه

وان شاء الله هو راح ينزلها وقت ما يحب ماادري عاد انا ارسلتله هيا

وسامحوني ياجماعه والله اني كنت حابب تنزل من اول بس عاد حصل الي حصل سامحوني


وشكراً
سعيد مكاوي

الرايق
20 Aug 2005, 11:50 AM
الموضوع دحين خرج من يدي وماهو عندي الصور خلاص جاهزه وارسلتها لسيدي بشكه


هيا يا سيدي بشكه

سعيد خرج من الموضوع و أشترى دماغو

هيا نبدأ من تاني

فين الصور يابشكه :002::002::002::002:

هههههههههههههههههههه

ولاتحمضها :004:

يلا سلااامز

الرايق
05 Sep 2005, 11:23 AM
سيدك مولاك ياغالي

إحنا إلي خدأمين عقيلكم!!

ما أتحلت المشكلة لسا :(:(:(

الله يعينك ياسيدي

سلااامز

s3booob
05 Sep 2005, 11:54 AM
الله يعطيه العافية أبو مشاري..

المهم التقرير المصور.. خلينا نشوف العالم الخايفة واللي بتلعب سوني..

بشكة إنسان
06 Sep 2005, 08:21 AM
لمشاهدة بعض الصور

اليكم الرابط

صور رحلة أبها هناااااااااااا (http://forum.makkawi.com/showthread.php?t=23307)