المساعد الشخصي الرقمي

مشاهدة النسخة كاملة : بـيـتــزا يم يم .... اســـرع بـيـتــزا في الـــعــالـــــم ... بـيـتــزا هم هم


بنت حارة الباب
12 May 2005, 10:56 AM
السلام عليكم ورحمة الله وبركاتة


كيفكم يا بنوتات .... والله المركب مرة وحشني.. "تحياتي لي المركب المكركب:223: " ..... والله زمان عنو ....


دحين قلي عقلكم بيزا واسرع بيتزا في العالم خلينا نخش نشوف هادي ايش مهببة ... قال اسرع بيتزا في العالم قال

لا :206:لايروح بالكم لبعييييييييييييييييد وتحسبوها زي الى في الكتب حقت الطبخ يعني وصفة ومقادير وطريقة وكلام فاضي الى انكتب في الكتب:222:

لا هيه حقت الخيب الى مايحبو المطبخ ولا الطبيخ والنفيخ ... يعني تقدرو كمان تقولو انها تنفع وقت الحوسة والزنقات .. يعني وقت الحوسات تفك الزنقات ... وعلى رائي الاغنية:244: .." بـــيـــــتــــزة الصـــــلـصـــــة .... تـــفـوك الزنـــــقـــة ":D

طيب هيا لا اطول عليكم خدو دي الطريقة الى تسلم على القلب


اول شي تجيبو عيش صامولي هداك الصوغار مررررة وتقسموة نصين كل نص لحالو او مسلا الى ما يبغ عيش صامولي ممكن بالعيش التوست ... خلاص

وبعدين تجيبو الصلصة حقت البيتزا و تحطوها على العيش وبعدبن تجيبو االاشياء الى تتحط على البيتزا زي الزيتون والفلفل الرومي وفي ناس احطو بصل وايش كمان يا ربي:confused: .. ايوة .. والسجق " النقانق " والفطر " مشروم او عش الغراب" وممكن لحمة مفرومة في ناس بيحبوها باللحمة المفرومة وداك اللحم الى اجي مدور كدة شرايح خفيفة ..مني فاكرة اسمو ... في شي كمان ...

خلاص ... وبعد ماحطيتو دي الاشياء على العيش تجيبو الجبنة الموزريلا طبعا تكون مبشورة وممكن تستبدلوها بالجبنة كرفت او ممكن بجبنة الصفرا " شدر " يعني على حسب الرغبة ... وتحطوها عليها

وبعدين تدخلوها الفرن كدة يعني حق 10 دقايق ربع ساعة ... يعني الين ما تسيح الجبنة

وبعد ما تخرجوها من الفرن تحطوها في الصحن ...وبعد ماتحطوها ا في الصحن تحطوها على المائدة " الطاولة " وبعد ماتحطوها على الطاولة ... على المعدة دغري ... من مائدتك ..... الى معدتك ....:D


وبس بالعافية على قلوبكم ومعدتكم ....

هيا شفتو كيف سهلة ... انتو بس ادعولي:127: .....
يـــــــــــــــــــــــــــــارب تعجـــــــــــــــــبكم :006:

زيزينيا
12 May 2005, 01:27 PM
ياويلك من ستو عجوزة كشة ماتحب الاكل اللي اخبط ارقع



انا بالنسبالي مرررررررررررة الطريقة ناسبتني


بس لو تسمعنا ستو تسويلنا فضيحة بجلاجل

على العموم شووووووووكرن


لو جات ادتك على راصك حقووووولها انو انا مابدي اتعلم هادي الاشياااء

خخخخخخخخخخخخخخخخخخخخخخ



يسلمو


بنت حارة الباب ربي يعطيكي العافية


^زيزينيــــــــــــــــــــــــــا^

أحلى مكاويه
12 May 2005, 03:09 PM
السلام عليكم ورحمة الله وبركاتة

الله من جد حاجه تريح بدل العجن و اللغوصة و الحوسة.... عيش و صلصة و الله انك مره فالحة http://forum.makkawi.com/images/smilies/129.gif

بس تصدقي فكرة مره حلوه( بس قديمة)http://forum.makkawi.com/images/smilies/biggrin.gif

بس الله اعطيكي العافية و تجيبلنا أكلات سريعة و طعمة زي حلى المارس و كيك العايلة و (حلى البسكوت) http://forum.makkawi.com/images/smilies/new/209.gif

بس في شي لا تكتري منها عشان لا تسيري دبه ... مفهوم

مكاوي هندسة
12 May 2005, 03:29 PM
تسلم يدك يا بنت حارت الباب
على دي الوصفه السريعه

للبتزا

الله يعطيكي العافيه

بنت من مكة
12 May 2005, 04:15 PM
ياويلك من ستو عجوزة كشة ماتحب الاكل اللي اخبط ارقع



انا بالنسبالي مرررررررررررة الطريقة ناسبتني


بس لو تسمعنا ستو تسويلنا فضيحة بجلاجل

على العموم شووووووووكرن


لو جات ادتك على راصك حقووووولها انو انا مابدي اتعلم هادي الاشياااء

خخخخخخخخخخخخخخخخخخخخخخ



يسلمو


بنت حارة الباب ربي يعطيكي العافية


^زيزينيــــــــــــــــــــــــــا^
خخخخخخخخخخخخخخخخخخخخخخخ


بنت حارة الباب تسلمي على الوصفات السريعه الجميله 00000000000

caco
14 May 2005, 12:05 AM
السلام عليكم ورحمة الله وبركاتة

هههههههههههه..هذة بيتزا حقت الناس الكسلانين زينا

حفيدة الحسين
14 May 2005, 01:28 AM
تسلمي ياستي على الطريقه السهله
هادي ممكن نخلي البنوتات الصغار يسووها لمن تكون الماما تعبانه
وعلى فكره ممكن تسويها بالعيش الشامي مره فظيعه ومره جربت سويتها بالتميس والله جنان
تحياتي

روعة الاحساس
14 May 2005, 08:40 AM
السلام عليكم ورحمة الله وبركاتة

هيا مو حقت الناس العجزانيين بس

اللي زي حالااتي العجينة ماتزبط معاها الابعد365 من الشحططة:221::221:

عجوزة كشة
14 May 2005, 05:43 PM
ماشاء الله تبارك الله على العوالة حقت البنات

والعويلااااااااااااااات متجمعين مع بعض في المركب


وجيين يتعلمو الطريقة

بنات اخر زمن بنت حارة الباب وزينب واحلى مكاوية وبنت من مكة

وكاكو وحفيدة الحسين ودم بلا اجراح


ايش قاعدين تسوووووو هاااااااا


منتو عارفين تسلقو بيضة هاااا

قلك جيبو الصامولي والعيش الشامي وسووووه بيتزااا

يابنت استحي انتي على هيااا على هياااا عييييييييييييب عليكم

بكرة النهار حتفتحو بيووووت جوزك يقلك بالله ياحبيبتي ابغ ادوووق

الزربيان من يدك تقوليلو اصبر تفتحيلو علبة تونااا وتقوليلو كل وانت ساكت

واحمد ربك لقيت لقمة تاكلهااااا

ايش الكلام الفاضي هااداااا

الله يرحمك يجوزي من يوم يقبل على البيت يشم ريحة الطبيخ

يدخل يقشع القدوووور وانا مهلوكة من صباح رب العالمين اطبخ وانفخ

واخر المتاخر مايعجبو

والله اسوي

ايش هاديك الملوخية وجنبو المقلقل حق اللحمة والمعرق

والرز الأبيض ونقلي شوية بطاطس حلقاااات

وكزاااا صنف نسوي وماكان يعجبو العجب

تحسبوني ازعل


لاااااااااااااااااا


بالعكس اسوي واتعلم واجتهد والحمد لله


نفعنا نفسناااا

وانا عشان كداااا ابغاكم تتعلمو مو لنفسي لااااااااااااااا

عشان بيوتكم وعشان جيزانكم عشان الجوز يقول الله يرضى عليكي وعلى اللي رباكي

وعلمك

ويبوووووووووس اياديكي الاتنين ومو بس اياديكي ههههههههههههههه



هيا دحين الفميم انفشخت مبسوطين هاااااااا


هيا اتشمللو ووروني ايش حتطبخو المرات الجية

انا قاعدتلكم وحشوووف طبيخ كل وحدة فيكم


ستكم كشة

زيزينيا
15 May 2005, 12:56 AM
انا عني ياستو


















:126:

ماني متجوزة قصدي ماني طاااااااااابخة


خلي الطبيخ لأهلو

وعسى عمري ماتجوزت

:(


قلك انفشخت فميمنا قلك


عساااااااااااااه ماباس يدي يستو:126:

<<<<<<<<<<<<<< زعلانة وماسكة الشر

قلك اسوي مليون صنف وكمان مايعجبو

<<<<<<<<<<< ترى مررررررررة محروق دمهااا

زينب

محد مكيفو !!!
15 May 2005, 05:51 PM
السلام عليكم ورحمة الله وبركاتة
بنااااات مايجو الا بالعين الحمرا
خلاص ستكم العجوزة توريكم شغلكم مالي ومال
والله شهونتينا ياعجوزة
على المعرق ومقلقل والسلالي والملوخية العتري والكشنة
بالعكس حريم كتييييييير كانو في بيوت اهاليهم تنابلة
لكن لمن اتجوزو وخشو مع ستهم ( ام الجوز )
اتعلمو للطبيخ وفلحو

وحتى البيزا اللي سويتها داعتو طلع شي طيب
والاحسن جيبي تميسة وملطيها بجبنة ورشي شطة
اطعم من مية بيزا
وزي اكل اول مااااافي
قديمك نديمك ولو الجديد اغناااااااك

caco
15 May 2005, 06:04 PM
على المعرق ومقلقل والسلالي والملوخية العتري والكشنة



وعليكم السلام ورحمة الله وبركاته

هيا الملوخية اعرفها

بس من جد ..ايش تطلع الحاجات التانية ..حتى اول مرة اسمع بيها

وصحيح كلامك يا سيدو ..نشتري تميسة وندهنها بالصلصة ونحط الجبنة

وعلى الفرن..دقايق واستوت .ولا اسهل من كذا

زيزينيا
15 May 2005, 09:42 PM
:(


ماني مسوية وماني متعلمة

:126:

حسبلكم المركب باللي فيييييييييييييه




















<<<<<<<<<<< حتسوي تميسة بالجبنة :099:


زينب

بنت حارة الباب
15 May 2005, 10:08 PM
السلام عليكم ورحمة الله وبركاتة

اهلييييييييييييييييييين زيزو

ايش تقولي الطريقة ناسبتك .... الله يفرحك يا شيخة ويجبر بخاطرك .. على كدة استني مني اكلات زي كدة تبسطك للاخر .. واهي احلى مكاوية استبقت الاحداس وقالت من الى حاكتبو .." يا لطيف لسانها مفلوووووت "

واقلك لمن تجي ستو عجوزة رجلي على رجلك ... تبغ تشردي لوحدك .. اه يا خاينة ...ههههههههههههههههههه

بالزات في دا الوقت انا اعرفك مزبووووووووووووط .. يعني لمن تجي ستنا العجوزة تضربنا
هههههههههههههههههههههههههههههههههههههههههههههههههه هههههههههههههههههههههههه


سنكيو على مرورك الجميل ...



تعالي هنا ياكفتة يا ام لسان مفلووووووت
برضك تبغي تفضحيني .. مني قايلتلك لا تقولي لاحد على حلى المارس والبسكوت وكيك العليلة .. اما صحيح انتي فضيحة ... هههههههههههههههههههه

بس اهم حاجة عجبتك الطريقة .. شفتي لا فيها لغوصة ولا يحزنون

سنكيو على مرورك يا كفتة



Whisper77

الله يسلمك ويسمنك ويعافيك




بنوتة مكاوية

الله يسلمك ويسمنك




اهليييييييين شيقليطة

اهوة انتي بنفسك عرفتي البيتزا لمين ... للي زينـــــــــــــــــــــــا

سنكيو شيقليطة



حفيدة الحسين

من جد فكرة نخلي الصغار يسوها .. يعني لمن مرة ازنو الا ابغو اخشو المطبغ حاجة سهلة ممكن اسوها

والله ابغالي اسوها بالعيش الشامي برضو فكرة ممتازة
اما حقت التمييييييييييييييييش بلا منازع مرررررررررررة طعمة
بالزات حقت فان تايم

سنكيو على مرورك يا عسل





والله يا دماء بلا جراح حاجة جات على طبطابك
هيا انتي بس ادعيلي

سنكيو على مرورك يا حلوة

بنت حارة الباب
15 May 2005, 10:34 PM
السلام عليكم ورحمة الله وبركاتة

اما انتي يا ستو ابغالك رد لوحدك في صفحة.....هههههههههههههههههه

دحين يعني ايش فيها لو اجتمعنا احنا العويلات على قولك ... في المركب ... يعني كفاية ما بنجتمع في الالقائات حقتنا .. خلينا تجتمع في المركب " اقصد يعني هنا في المطبخ .. هيا لا يروح بالكم لبعييد لبيت المركب المكركب .. عاد تفضحني " ... هيا دحين ايش دخل دا في دا ... باهرب الهررررجة ههههههههههههههههههه
... فينك يا زيزو الحقيني شرتي لوحدك وسبتيني


طيب دحين يا ستو عاد مو قالولك مرة خايبين ما نعرف نسلق بيضة .. هادي ما اسهلها بس تنحط في موية وقدر وشغلي النار ... هيا شفتي محنى عولة مرة

طيب انتي هدي اعصابك ... طيب انتب بس جربي البتزا بالعيش .. والله تاكلي اصابيعك وراها

وبعدين لمن نتجوز احلها حلال .. هوة العريس خلي اجي اول ههههههههههههههههههههههههههههه
وبعدين احد ربو انو فكيتلو تونا ما خليتو اشتري جاهز .. قلبي علية ما ابغ اخسرو ...هههههههههههه


دحين يا ستنا العجوزة تبغ تقوليلنا انك طبااااااااااااخة ... اهييييييييييييييي اممممممممم عليــــنـــــا
طيب يلا دوقينا الملوخية والمقلقل والمعرق والرز البيض ... والاشياء على حساب كاكو هيا تجيبها مافيها مشكة ... ورطك يا شقليطة ... هههههههههههههههههههه

بس والله حاجة حلوة انك ما تزعلى لمن جوزك ما يعجو الطبيخ ... والله لو انا مكانك ما عاد اطبخلو خلى النعاتة حقتو تنفعو ... رجال اخر زمن

ولا يهمك يا ستنا
المرة الجية اسويلكم حلا مافي اسهل منو ... بس شغلانة نملح كل مرة حاجة مالحة .. لا المرة الجية حاجة حلوة ومرة سهههههههههلة .." ما كاني دوبي اخدة محاضرة فووووووق ... ادن من طين وادن من عجين
ههههههههههههههههههههههههههههههه


سنكيو يا ستو على طلتك البهية ... رغمو كان في تهزئ جامد

بنت حارة الباب
15 May 2005, 10:44 PM
انا عني ياستو


















:126:

ماني متجوزة قصدي ماني طاااااااااابخة


خلي الطبيخ لأهلو

وعسى عمري ماتجوزت

:(


قلك انفشخت فميمنا قلك


عساااااااااااااه ماباس يدي يستو:126:

<<<<<<<<<<<<<< زعلانة وماسكة الشر

قلك اسوي مليون صنف وكمان مايعجبو

<<<<<<<<<<< ترى مررررررررة محروق دمهااا

زينب









وي :(هوة انتي مرة تانية:D .... ههههههههههههههههههههههههههههههههههههههههههههه

بسلم فمك يا شيخة :099:

تـــــــــــــــــــــعيــــــــــــش زيــــــــــــــزينـــــــــــــــــــــــــا ...:244:
تعــــــــــــيش :124:
تعيـــــــش :124:
تعيــش :124:

بنت حارة الباب
15 May 2005, 11:10 PM
سيدنا محد مكيفو

وي يا ربي حتى انتى علينا ... يا هوة احد يرحمنا

وسامعيا يا ستنا اهوة حتى سيدو ابغ ادوق الملو خية والرز والمعرق .. والزي منو

وهوة انتى يا سيدو انتى قلت في حريم اتعلمو في بيت جوزهم... خلاص لمن نتجوز نتعلم في بيتو مع حماتي

ومالو يا سيدي نجرب التميسة بالجبنة والشطة .. كلو اتدردع في البطن


و على قولة الشقليطة ايش والملوخية العتري والكشنة


شكرا يا سيدو على مرورك



وبس يا شقليطة انتي وزيزو بس الا قيكم .انتو ما تهجدو ... ماشاء الله .. عشان لا تقولو حسدتنا الولية
تعبت من كتر ما ارد عليكم

والله بامزح معاكم يا حبايبي .. اشرفني انكم تكونو في مو ضوعي

سنكيو ليكم كوووووووووووووولكم فردا غردا ونفرا نفرا

زيزينيا
16 May 2005, 12:38 AM
وي :(هوة انتي مرة تانية:D .... ههههههههههههههههههههههههههههههههههههههههههههه

بسلم فمك يا شيخة :099:

تـــــــــــــــــــــعيــــــــــــش زيــــــــــــــزينـــــــــــــــــــــــــا ...:244:
تعــــــــــــيش :124:
تعيـــــــش :124:
تعيــش :124:


http://forum.makkawi.com/images/smilies/biggrin.gif http://forum.makkawi.com/images/smilies/biggrin.gif http://forum.makkawi.com/images/smilies/biggrin.gif http://forum.makkawi.com/images/smilies/biggrin.gif


:243::243:


انا ماقلت شييييييييييييييي

:126:


زيزو

محد مكيفو !!!
16 May 2005, 08:35 AM
السلام عليكم ورحمة الله وبركاتة

هههههههههههههههه

شفتو كيف هادي اخرة التمبلة حقتكم
كدة تخلو الناس تضحك عليكم
والله عاااااااااال
الملوخية العتري ( اللي تجي صغيرة وقصيرة حقت السيل او المطر) يعني نفسة الحزمة صغيرةواوراقها صغار
مو زي حقت دحينة حزمة الملوخية قد السجرة اللهم صلي على النبي
علشان كدة يطلع طعمها مااااصخ ومااااتق وسايطة

البامية الصغاااااار دقة دقة
عارفين اسمها كمانة ( سماسم )
وهادي اغلى من البامية اللي حباتها كباااااااار زي اصابيع الجنية برضو طعمها ماتق ومو طعم

المقلقل والسلالي لحم يتقطع اوصال صغار ويتبزر بالملح والفلفل الاسود والكمون
ويتشلوط على الصاج ويتشوح وناس ترمي معاه فشة وكلاوي وكبدة
ومعاه زلطة طحينة

وطريقة تانية للمقلقل يسووه زي الادام وناس يسموه المعرق

الكشنة ( ياااالله حتى الكشنة ماتعرفوهااااااا ول ول ول ول
في كشنة التوم يتقشر التوم وينحط جوة الهوند ويندق ناعم
وبعدين ينقلي في صحن توتوا فيلو قليل زيت علين يحمر شويتين
وتنحط على الملوخية
وتنحط على مرقة او فتة الهوا
وتنحط على شربة العدس
وتنحط على شربة الرز المصري

وفي كشنة بالبصل يتقطع البصل زي الدواوير شرايح وقطع
ويترمي في الزيت علين لونو يقلب على سواد
ومنها تسير الصيادية ازا كشنتوها جوة القدر ولون الصيادية البني او الاسود
يعتمد على لون الكشنة ازا كانت فاتحة يطلع لون الصيادية بني
ازا كانت غااامقة يطلع لون الصيادية قالب ععلى سوااااااااد
وكشنة البصل تنحط على الاكل الجااااوي
وتنحط على المغازلية منتو عارفينها ؟؟؟
طيب المجدرية برضو كمانة منتو عارفينها؟؟؟
(المجدرية / المغازلية/ الكشري )
كلها نفس الشي لحد يضحك عليكم

وان نقص شي تجي ستكم العجوزة وتعدل المكتوب
خلاص اتعلمتو والا تسمعو من هنا وتندرو من هناااااك

caco
16 May 2005, 10:00 AM
السلام عليكم ورحمة الله وبركاتة

هههههههههههههههه

شفتو كيف هادي اخرة التمبلة حقتكم
كدة تخلو الناس تضحك عليكم
والله عاااااااااال
الملوخية العتري ( اللي تجي صغيرة وقصيرة حقت السيل او المطر) يعني نفسة الحزمة صغيرةواوراقها صغار
مو زي حقت دحينة حزمة الملوخية قد السجرة اللهم صلي على النبي
علشان كدة يطلع طعمها مااااصخ ومااااتق وسايطة

البامية الصغاااااار دقة دقة
عارفين اسمها كمانة ( سماسم )
وهادي اغلى من البامية اللي حباتها كباااااااار زي اصابيع الجنية برضو طعمها ماتق ومو طعم

المقلقل والسلالي لحم يتقطع اوصال صغار ويتبزر بالملح والفلفل الاسود والكمون
ويتشلوط على الصاج ويتشوح وناس ترمي معاه فشة وكلاوي وكبدة
ومعاه زلطة طحينة

وطريقة تانية للمقلقل يسووه زي الادام وناس يسموه المعرق

الكشنة ( ياااالله حتى الكشنة ماتعرفوهااااااا ول ول ول ول
في كشنة التوم يتقشر التوم وينحط جوة الهوند ويندق ناعم
وبعدين ينقلي في صحن توتوا فيلو قليل زيت علين يحمر شويتين
وتنحط على الملوخية
وتنحط على مرقة او فتة الهوا
وتنحط على شربة العدس
وتنحط على شربة الرز المصري

وفي كشنة بالبصل يتقطع البصل زي الدواوير شرايح وقطع
ويترمي في الزيت علين لونو يقلب على سواد
ومنها تسير الصيادية ازا كشنتوها جوة القدر ولون الصيادية البني او الاسود
يعتمد على لون الكشنة ازا كانت فاتحة يطلع لون الصيادية بني
ازا كانت غااامقة يطلع لون الصيادية قالب ععلى سوااااااااد
وكشنة البصل تنحط على الاكل الجااااوي
وتنحط على المغازلية منتو عارفينها ؟؟؟
طيب المجدرية برضو كمانة منتو عارفينها؟؟؟
(المجدرية / المغازلية/ الكشري )
كلها نفس الشي لحد يضحك عليكم

وان نقص شي تجي ستكم العجوزة وتعدل المكتوب
خلاص اتعلمتو والا تسمعو من هنا وتندرو من هناااااك


السلام عليكم ورحمة الله وبركاتة

خلاص :126:

بس اخلص الامتحانات و ادخل المطبخ واتعلم :129:

caco
16 May 2005, 10:02 AM
السلام عليكم ورحمة الله وبركاتة

هههههههههههههههه

شفتو كيف هادي اخرة التمبلة حقتكم
كدة تخلو الناس تضحك عليكم
والله عاااااااااال
الملوخية العتري ( اللي تجي صغيرة وقصيرة حقت السيل او المطر) يعني نفسة الحزمة صغيرةواوراقها صغار
مو زي حقت دحينة حزمة الملوخية قد السجرة اللهم صلي على النبي
علشان كدة يطلع طعمها مااااصخ ومااااتق وسايطة

البامية الصغاااااار دقة دقة
عارفين اسمها كمانة ( سماسم )
وهادي اغلى من البامية اللي حباتها كباااااااار زي اصابيع الجنية برضو طعمها ماتق ومو طعم

المقلقل والسلالي لحم يتقطع اوصال صغار ويتبزر بالملح والفلفل الاسود والكمون
ويتشلوط على الصاج ويتشوح وناس ترمي معاه فشة وكلاوي وكبدة
ومعاه زلطة طحينة

وطريقة تانية للمقلقل يسووه زي الادام وناس يسموه المعرق

الكشنة ( ياااالله حتى الكشنة ماتعرفوهااااااا ول ول ول ول
في كشنة التوم يتقشر التوم وينحط جوة الهوند ويندق ناعم
وبعدين ينقلي في صحن توتوا فيلو قليل زيت علين يحمر شويتين
وتنحط على الملوخية
وتنحط على مرقة او فتة الهوا
وتنحط على شربة العدس
وتنحط على شربة الرز المصري

وفي كشنة بالبصل يتقطع البصل زي الدواوير شرايح وقطع
ويترمي في الزيت علين لونو يقلب على سواد
ومنها تسير الصيادية ازا كشنتوها جوة القدر ولون الصيادية البني او الاسود
يعتمد على لون الكشنة ازا كانت فاتحة يطلع لون الصيادية بني
ازا كانت غااامقة يطلع لون الصيادية قالب ععلى سوااااااااد
وكشنة البصل تنحط على الاكل الجااااوي
وتنحط على المغازلية منتو عارفينها ؟؟؟
طيب المجدرية برضو كمانة منتو عارفينها؟؟؟
(المجدرية / المغازلية/ الكشري )
كلها نفس الشي لحد يضحك عليكم

وان نقص شي تجي ستكم العجوزة وتعدل المكتوب
خلاص اتعلمتو والا تسمعو من هنا وتندرو من هناااااك


السلام عليكم ورحمة الله وبركاتة

خلاص :126:

بس اخلص الامتحانات و ادخل المطبخ واتعلم :129:

والله يستر من النتايج :D

بنت حارة الباب
16 May 2005, 03:24 PM
http://forum.makkawi.com/images/smilies/biggrin.gif http://forum.makkawi.com/images/smilies/biggrin.gif http://forum.makkawi.com/images/smilies/biggrin.gif http://forum.makkawi.com/images/smilies/biggrin.gif


:243::243:


انا ماقلت شييييييييييييييي

:126:


زيزو



اهيييييييييييييييييييييييي:rolleyes: امممممممممممممممممممممم :rolleyes:علــــــــــــــــــنا يا بنت ماقلتي شي :004:

امممممممممممممممممممم بس بلا بكـــــــــــــــــش :rolleyes:

سامعتك بوداني

بس برضو

تعــــــــــــــــــــــيش زيــزيــنــيا
تعيــــــــــــــــــــــش:124:
تعيــــــــــــــــش :124:
تعيـــــــــــش:124:

بنت حارة الباب
16 May 2005, 03:30 PM
وعليكم السلام ورحمة الله وبركاته


يعني انت يا سيدي مو مرة تحسبنا:126: مييييييييييييييييييييييح :(
صح في اشياء ما نعرفها من الى قلتاها بس برضو في شي نعرفو ... لازم من التوازن

على العموم شكرا على توضيحك :127:




وانتي يا شقليطة
خلصي امتحاناتك ودغري على المطبخ

والله يوفقك ويعينك يا رب :127:

والنتايج ابقي سلميلي عليها لمن تطلع :d

وجدانيات
19 May 2005, 05:45 PM
تسلمي بنت حارة الباب اختي الكريمة

مرة روعة الاكله دي

وانا دايما اسويها على العشاء

تسلم ايديك

المركّب مكركب
20 May 2005, 12:42 AM
شميت ريحت شياط وجيت فررررررريره جري


<<<<<< هيا باميه ولا بتزا :confused:


يسلمو يابنت حارة الباب على الوصفه الخطيره دي


وعلى قولتهم حقت العجزانين :D


وصلت تحياتك ياغاليه .. دوبها وصلت في التو اللحظه

الارسال عندنا مهوي شويه .. وفي روايه اخرى بنشر عليها كفر ..

عشان كدا جات متأخره ..


تسلمي ياحبيبتي يا وصلة قلبي انت http://dreams5.jeeran.com/aid%20w.gif

<<<<< مادري ايش وصلة قلبي .. سمعتها من اخويا يدلع بنتو :p

مهند
26 May 2005, 12:13 PM
بسم الله الرحمن الرحيم السلام عليكم ورحمة الله وبركاتة أشكرك أختي الكريمة بنت حارة الباب على هذا الموضوع هذه الحارة التي تناولت في مطاعمها عدة مرات وكذا الشبيكة ولكني أتمنى لو كانت مشاركتك بالعربية الفصحى حتى تعم الفائدة في الافاق

بنت حارة الباب
27 Jun 2005, 03:04 PM
السلام عليكم ورحمة الله وبركاتة

اهلييييييييييييييين ستيتا وجدانيات ...
الله يسلمك ويسمنك ..هههههههههههههههههههههههههههههههه ... هيا شفتو كيف خفيفة الاكلة ... حتى ستيتا وجدانيات تسويها على العشا .... عشان تعرفو اني ما اجيب شي من عندي



كــــــــــــــروبـــــــــــــو ..........

برضو الله يسلمك ويسمنك .... هههههههههههههههههههههههههههههههه
وشكلك من الجماعة ... العاجزين يعني

واهم حاجة وصلت تحياتي ... حتى لو جات متاخرة با بعد نخاشيش قلبي انتي .....ههههههههههههههههههههههههههههه




العفو يا مهند ...
واهم حاجة اكلت من المطاعم حقت الحارة ... بالله ايش رايك .. مو طعمة المطاعم ...تعرف مطعم السقيفة ؟؟؟ بالله ايش رايك فية ؟ههههههههههههههههههههههههههههههههههههههههههههههههه هههههههههههههههههههههههههههههههههههههههه







على العموم متشنكرييييييييييين كووووووووووووووووووولكم على ردودكم الحلوة

مهند
27 Jun 2005, 06:44 PM
بسم الله الرحمن الرحيم(صلى الله عليه وسلم)
قريبا انشاء الله سانزل ضيفا في حارة الباب معتمرا وساتناول وجبة في مطعم السقيفة انشاء الله

بنت حارة الباب
28 Jun 2005, 10:48 AM
بسم الله الرحمن الرحيم(صلى الله عليه وسلم)
قريبا انشاء الله سانزل ضيفا في حارة الباب معتمرا وساتناول وجبة في مطعم السقيفة انشاء الله



من جد يا مهند ..... هيا قلي لمن تنزل عشان اجبلك احلى تخفيض في احلى عمارة في حارة الباب......:rolleyes::D
ومطعم السقيفة ... بس قلو انا من طرف سيكة بيكة .... قوامن حتلاقي الاكل بي بلااااااااااااااااااش :243:بلوشي:D

مهند
28 Jun 2005, 02:09 PM
شكرا على كرم ضيافتك. السنة الماضية نزلت في فندق الأقصى والسنة قبل الماضية نزلت في فندق الحرمين >السفير سابقاً< وهذه السنة لم يتم التحديد بعد والسنة القبلها نزلت في فندق الحسين في أجياد ولكن نزولي في شارع خالد بن الوليد في حارة الباب يذكرني دائما ببطولات هذا الصحابي البطل الذي أنسى الروم وساوس الشيطان وسأقوم بزيارة مسجد الراية حيث نصب خالد رايته عند فتح مكة.

ولد العزب
28 Jun 2005, 02:47 PM
استيتا بنت حارة الباب

الله يعطيكِ العافية على هادي البيتزا

وصراحة تنفع للعزوبية
وإلي يكون مشتهي بيتزا وما فيه حيل يشتري أو يخسر عليها



وبصراحة
شهونتيني على الغدا وأنا في العمل
خصوصا لما جات سيرة
الملوخية والمعرق من العم ربيع ( المتكيف )
وستنا الكشة
ولو إنو باقي ربع ساعة على نهاية الدوام
إلا إني كل شوية بأقولهم ( توصو شي )




ولك تحيات
ولد العزب

بنت حارة الباب
28 Jun 2005, 08:13 PM
السلام عليكم ورحمة الله وبركاتة

الله يعافيك يا ولد العزب...

عاد انتو العزوبية ... الله يعينكم ... تسمعو ولا تقدرو تسو شي .. غير حاجة بسيطة زي دي البيتزا الى ما تاخد وقت ... هيا شفت كيف ما اسهلها .... عشان تدعيلي بس


فينك يا ستو كشة .... شوفي خلق ربا كيف مستفيد منها .... وبيدعيلي ليل ونهاااااااااار .... موزيك تعطيني دوش محترم يسلم على القلب...




واستنوني في الاكلات الجية .. حاجبلكم اشياء زي كدة سهله وبسيطة وزريفة ... تعرفوني اموت في الاشياء السهلة البسيطة الى ما تاخد وقت ... للعجز الى زي وزي بقية البنات ...






سنيكيو على مرورك يا عزوبي....ههههههههههههههههههههههههههههه

بسة مكة
29 Jun 2005, 12:22 AM
يا سلااااااام على الطريقة السفري هادي !!!


يسلمووووووو


بس هادي حقت الناس المزنوقين !!! اما يجوني ضيوف واسويلهم هيه واقولهم اتفضلو بيتزا !!! ياووووييييييلي ماما حترقعني وتقولي شغل الغصيبة مصيبه !!!

هههههههههههه


يسلمو على الوصفة