المساعد الشخصي الرقمي

مشاهدة النسخة كاملة : تحفــــة ... وتذكار....


الصفحات : [1] 2

بـــحـــرالحجاز
22 Dec 2004, 02:04 AM
بسم الله والصلاة والسلام على رسول الله


في الصفحة دي حبيت نكتب شوية عن الأثاث في البيت المكي وبطريقة مختلفة شوية

يعني مثال:
أذكر أحد هذه الأدوات وأحاول أوصفها وايش هيه استخداماتها وان كان في الذاكرة مايحمل لها من زكريات من الماضي الجميل

وبعد كدا اختار أداة تانية او تحفة تانية ويجي اللي بعدي يتفضل ويكتب عنها اللي يعرفه وبدوره كمان يختار للي بعده... وهكزا




نبدأ بسم الله


الأتريــــــك

وهو المصباح حاليا أو الفانوس

كان يستخدم للأضاءة في البيوت وخارج البيوت عن طريق حُق صغير من الحديد يكون بداخله يوضع فيه الجاز وفيه من الاعلى فتلة من الخيط ويكون محاط بزجاجة تشبه شكل الكمثرى أما الحامل فيكوممن حديد غالبا ويسرّج في الليل لينار به البيت

وايضا كانت توضع في الشوارع على كل حيطة كان في زي المركن او المحل الصغير تتعلق فيه الاتاريك ويجي في الليل شخص معيّن يسرّجها وينورها




ان شا ءالله تكون عجبتكم الفكرة :)




هيا دحين أطلب من اللي بعدي يتفضل ويكتبلنا عن ( السيسم ) :)

محد مكيفو !!!
22 Dec 2004, 08:11 AM
السلام عليكم ورحمة الله وبركاتة
صندوق السيسم
كان زي الدولاب يحطو جوتو حوايج ست البيت وسيدها وبعضهم يخلوه للدهب والمجوهرات
وكان اللي يميزو النقرشة والزخرفة الكتييييرة الموجودة عليه وكان منو مقاسات في الكبير وفي الصغير بس اغلب الناس كانت
تاخد الكبير علشاان يشيل قرمبع زيادة
وبعضهم كان عندو صندوق الكوبر من الحديد برضو نفس الحكاية والهرجة ينحط فيلو العوايز والكركبة الزايدة
واللي ماكان عندو لا دا ولا داك كان يسوي تحت الكرويتة اللي يجلسو عليها زي المستودع ويخزن فيها حرااااج العصر ويرمي الشرشف عليها ويغطيها علشان الناس ماتشوف الكركبة
والله تباتيك اول لها طعم والله يرحم ايام زماااان

شكرا لكي يا بحر الحجاز الله يديكي العاااافية علين تقولي بس
موضوع حلو على الاقل نتزكر الحاجات الحلوة

اللي بعدي
يالله علشان ما اتعبكم

السمواار

ملاك_المدينة
22 Dec 2004, 09:57 AM
السمواار

عبارة عن إناء من نحاس وله محل خاص للماء ..
ومحل خاص للجمر ((أجارانا الله منها ))
ويستعمل لتسخين الماء وغالباً مايكون لعمل الشاهي
ومنكم نستفيد
الكرويتة

مع تقديري
حجـــــــــــــــــــازية

??
22 Dec 2004, 02:02 PM
اسمحوا لي أتابع وأستفيد منكم جميعاً

الله يعطيكم الصحه والعافيه

محد مكيفو !!!
22 Dec 2004, 06:25 PM
السلام عليكم ورحمة الله وبركاتة
ياروشان الله يهديكي جينا للشردة دحيييييييييين
الكرويتة
هي ايام زمان كانت زي الكنب والباطرمة هادي الايام
كانت تصنع من الخشب المزبوط الاصلي زي اللوز والزان ولها اشكال قد ايش كترها
شي منها مقعد بس شي منها مقعد ومسند للضهر ( زي الكرسي ) ( واللي عندو ماشاء الله فلوووووس ) يفرش فوقها الحمبل الهندي
والا الكشميري ويحط مساند ويرمي عليها شرك ابيض ( قماش ابيض خفيف زي كوفية الشرك او زي التل حق العروسة )
واللي بدو يزيد عليها ويحط ليانات ومدافع علشان الناس يتكو عليها
واحيانا الناس كانت تسوي تحت الكرويتة اللي يجلسو عليها زي المستودع ويخزن فيها حرااااج العصر ويرمي الشرشف عليها ويغطيها علشان الناس ماتشوف الكركبة
واللي اقدم منها الكرويتة ام الحبال كانت منتشرة في القهاوي والمراكيز الشعبية الى قبل 25 سنة 30 سنة عبارة عن خشب داير مايدور ويتربط عليها الحبال زي الصفوف رايح جي علين يسير متييين ويتحمل القعدة عليها
بس يكفي كدة

المرش

ملاك_المدينة
22 Dec 2004, 07:45 PM
المرش

آنية تصنع من فضة أو من نحاس ...ويستعمل لرش موية الورد...
مقعر من الأسفل شبه مدور وليه مرش فيه فتحات فراسه..
وزيدونا
طيب
مممممممممم
المفتة

??
23 Dec 2004, 01:15 AM
ايشبك عمو ربيع

يعني تبغاني أفتي أي شي

وبما انكم وصلتم عند المفته .. فأسمحوا لي بدي الفتوى

المفته



المفته



يبدو لي كدا انها اكله شعبيه عباره عن فته .. عيش ومرقة دجاج ولا لحمه ( مدري عنكم على كيفكم بس أكيد مو ماجي )

وتوضع في صينيه بايركس ولا تيفال .. وبس بالهنا والعافيه عمو ربيع

وشكرااااااااااااااااااا .. الصراحه اول مره احس اني عرفت أجاوب

يالله دوري انا اختار

الزير <<<<<<<< منتهى الثقافه في التراث ;;9

ملاك_المدينة
23 Dec 2004, 02:05 AM
عذراً للمداخلة
المفتة
عبارة عن قطعة دائرية كبيرة يجي نص قطرها حوالي 50 سم تقريباً
تصنع من سعف النخيل(( الخوص)) وأحياناً تلون
وتستعمل قديماً كسفرة للأكل ....
طيب
ممممممم
اما الزير
يصنع من الفخار ويستعمل لتبريد المياه وشربها
ويوضع على مرفع ...
طيب اللي بعدي
المرفع؟؟
مع تقديري
حجــــــــــــــــــــــازية

بـــحـــرالحجاز
23 Dec 2004, 04:53 AM
ماشاء الله تبارك الله


ربي يديكم العافية يارب ماقصرتو


شكرا يا عم ربيع وملاك على التباتيك الحلوة اللي بتضيفوها


اما انتي يا رووشاا يبغالك قعددة http://www.al-sakher.com/vb2/images/smilies/00001776.gif


هيا بس تابعي معانا عشان نتعلم سوا


المرفع


زي ما تقولو كدا القاعدة اللي بيتسند عليها الزير عشان زي منتوعارفين الزير شكلومن تحت تقريبا زي المثلث المقلوب فلازملو من قاعدةتمسكو ويكون غالبا مصنوع من الحديد ويوضع فوقو ( بعد ما يتعبا بالموية او الزمزم ) مفرش أبيض خفيف وفوقو صفيحةمن حديد وعليها الكاسات التوتوا وغالبا برضو ما اكنت تنحط جمب الطاقة أو اي مكان مرده هوا عشان تتبرد الموية









امممممم طيب اتكلمولنا شوية عن الراديو اول ما جا كيف شكلو





وهذه صورة ل مرفع من الحديد تقف عليه شربتان من الفخار الوسط زير صغير عليه

الرقابة الإدارية
23 Dec 2004, 05:06 AM
موضوع اكثر من رائع فيه الكثير من عبق الماضي الجميل ...يعطيكم الف عافية على مشاركتم الاكثر من رائعة .

تمنياتنا للجميع بالتوفيق ....

الريــــــس
23 Dec 2004, 05:14 AM
ولأن الموضوع شيق ويمثل تاريخنا ونلمس منه عبق التاريخ ،
ولعل البعض من جيلنا الحاضر لايعرفها ولم يسمع عنها ،
وارجو إذا كان هناك صورة توضح الوصف المطلوب التفضل بتنزيلها ، لتثبت الوصف بالكلمة والصورة في ذهن المتصفح ،
و لذا أستأذن مشرف القسم في تثبيت الموضوع ،،،،،،

بـــحـــرالحجاز
23 Dec 2004, 06:28 AM
فكرت والله من بداية الموضوع اني انزل الصور بس قلت دحينا تتقل الصفحة حقت الموضوع وتقعد بالساعة عشان تنفتح


بس مدام طلبتوها حنزلها انشاء الله


بس ان شاء الله ما تعلق الصفحة



* * *

طبعا الصور دي من الموقع ( مكاوي )


ومعليش يا حبايب ساموحني ازا اتحشرت في ردودكم عشان اضيف الصورة ضمن كل رد يتكلم عنها عشان تطلع بشكل أفضل :)

محد مكيفو !!!
23 Dec 2004, 07:45 AM
السلام عليكم ورحمة الله وبركاتة
جزاكم الله خير على مشاركاتكم
ياروشاااااااااااااان المفتة تقوليلي اكلة زي فتة الملوخية
هههههههههههههه
الله ينور بصايرك قولي أمين عقيل

والله زي ماقلتي يابحر الحجاز الصفحة تجيب الغلغلة علين ماتنفك وشي يجيب الطفش مدري الخراب من عندكم والا من عندي

المهم الروادي اول ماجات كانت عبارة عن جرم من الخشب قد علبة الشاهي ابو جبل الكبيرة والازارير حقتو من النحاس وشي كان من الفضة وكلو بسعرو وتختلف اشكالو شي سماعة وحدة وفيلو من ورا زي العلاقة يتعلق في المركب والا الديوان وما يحلى السماااع الا الساعة وحدة ونص اتنين عربي يعني بعد العشا وشي ابو سماعتين وكانت محطة وحدة من جدة تجي
واخر الليل قبل ادان الديك كان يجي واحد حرييييف ويوزن في الراديو يمين شمال ويحرر الموجة علين ما تجي ام كلتوم
وتقول يااااااااااااااظلمني
هههههههههههههه
طيب ايش نقول ؟؟؟ نبغى حاجة سهلة للي بعدنا
المركب

ABU AHMAD
23 Dec 2004, 10:43 AM
يعطيكي العافية بحر الحجاز

ماشاء الله عم ربيع منور الموضوع


استيتا روشان أما قوية من جد حقة المفته دي

ههههههههههههههههه


المركب






المكركب




هدا إلي ست البيت كل يوم تقلبه فوق تحت لحد ما تلقى الطبخى إلي هيا




يعني المطبخ



طيب

خلينا نشوف شيء تعرفه استيتا الروشان


طيب

المِروَد

ملاك_المدينة
23 Dec 2004, 11:23 AM
أوكِ يعطيكم العافية يااارب
المرود
هو عبارة عن قطعة معدنية رقيقة زي الإبرة وليه مقبض ..يجي طولها حوالي 10 سم وتحلى قبضته بالأحجار الكريمة زي ياقوت إلخ...
وأحيانا يكون مصنوع من فضة أو من ذهب ...ويوضع في المكحلة ويتسعمل لتكحيل العيون




النملية ...

محد مكيفو !!!
23 Dec 2004, 05:51 PM
السلام عليكم ورحمة الله وبركاتة
العفو منك يا ابو خلود
هادا نورك بس اي حاجة تخص مكتي الحبيبة ماراح ابخل بيها عليكم
وانا تحت امركم وكلو الا زعلكم
وبيني وبينك الزكمة استلبشتنا الله يجيركم غير البرد السكااااتي نفض رجولنا وركبنا وخليها على الله
النملية زي الصندوق من الخشب ولو فتحات تهوية من السلك والا الشرك كانو يحطو الاكل جوتو والا العيش والسكر
ويرفعوها فوق ويخلوها مدلدلة من السقف بحبل علشان ما يخش الضر جوة الاكل وينكبو
واتحدى الف ضرة وضرة تدخل جوة النملية
اصلا اللي اخترعها شكلو حشااااااااااااااااش

الدقديق والجرارة

ملاك_المدينة
23 Dec 2004, 07:32 PM
°ˆ~*¤®§(*§*)§®¤*~ˆ°الدقديق اللي هيا اللي يتغطى بيها الإنسان اللي هيا
بطانية .. وتكون من صوف ..
والجرارة ادي فرصة للي بعدي يقولها
مع تقديري للجميع
حجــــــــــــــــــــازية°ˆ~*¤®§(*§*)§®¤*~ˆ°

محد مكيفو !!!
23 Dec 2004, 07:39 PM
السلام عليكم ورحمة الله وبركاتة
بالله مو مشكلة الدقديق زي ماقلتي البطانية بس لو سمحتي اضااافة بسيطة
بس اللي يميز الدقديق عن البطانية انو الدقديق تقييييل ومتييين وما يحس بالبرد اللي يتغطى بو


الجرارة هادي الليانة او الطراحة ولا يروح بالكم ( السبة )او ( الشتيمة )
وسموها جرارة علشان تنجر من مكان لمكان من الديوان للسقيفة للخارجة وعلشانها خفيفة الوزن يسموها جرارة
وعلى سيرة الجرارة واحد قلي انهم في البيت طلبو منو المقص قلهم شوفو تحت الجرارة هناااك
ومين كان قاعد فوق الجرارة حفيدتو قالت وي وي ياسيدي ايش سويتلك علشان تقلي ياجرارة
وبعدين لمن عرفت الليانة يقولولها جرارة جلست تضحك ومحد يلومها الاشياء القديمة كتييييييييير ناس يجهلوها

يالله اللي بعدي

النصبة

الريــــــس
23 Dec 2004, 08:04 PM
النصبة هي عبارة عن طاولة خشبية بإرتفاع 25 سم وبطول100 إلى 150سم وبعرض 60 إلى 80 سم وهذه الطاولة يوضع عليها السماور وأدوات الشاهي وتبسى الفناجيل وجميع مايلزم من أدوات الشاهي والقهوه ،
هذا مايسمى بالنصبة لأنهم نصبوا أدوات الشاهى على الطاولة وهذه لاتوضح إلا في سهرات الحريم وتجلس خلفها التى تقوم بإعداد الشاهى والقهوة ،
وهناك نصبة أخرى هي التي تنصب في الشارع عندما يكون هناك احتفال بعقد قران أو إحتفال بمناسبة أو في قطعة أرض فتوضع السجاجيد على الجدار ( من باب الزينة ) وتصف الكراسي والكنب بشكل دائري أو مربع حسب إتساع الشارع أو قطعة الآرض لجلوس المعازيم،

وهنا أسأل عن ( البابور ) ليس القطار أو سكة الحديد وهذا من الإ ستعمالات المنزلية ،

ملاك_المدينة
23 Dec 2004, 08:15 PM
أسعد الله أوقاتك بكل خير سيدي محد مكيفو!!!
وتعيش للتوضيح وانا ترا إجابتي عن إجتهاد .. ولاننحرم منك
أوكِ ياسيدي الريـــــــــــس

البابور
زي الكانون بشكل دائري ليه نصفين النصف السفلي لنزول الرماد فيه وليه باب صغير لتنظيفه
والنصف العلوي مكشوف وليه تلاتة ادان اللي ينحط فوقها القدر وليه اربعة ارجل وليه باب محل ما يحط الجمر (((أجارنا الله)))وهدا موجود في القسم السفلي
وليه ايادي ولا ادان اتنين جانبية يمسكوه بيها لمن يبغو ينظفو من الرماد ....وليه حديدة مخرقة عشان لمن يحطو الجمر يقوم الرماد ينزل ومايطفي الجمرة من خلال الثقوب هدي ...
وإجتهاد ليس إلا...
المحماس

محد مكيفو !!!
24 Dec 2004, 07:31 AM
السلام عليكم ورحمة الله وبركاتة
المحماس يعني يمكن من اسمو يبين
زي الطاوة مفرطح لو يد طويلة يتم تحميص البن حق القهوة
وبعض الناس يحمو العيش فوقو علشان ماينحرق

السقيفة

بشكة إنسان
24 Dec 2004, 08:05 AM
السقيفة ما تطيح الا عالضعيفة ههههههههههههه0








السقيفة يا سيدي ( هي استقطاع جزء من سقف المطبخ او في غرفة عشان يخزنووووووووو فيه ( طبعا مو يخزنو قااات ) لأ يخزنوووووو العفووووووووووووشة الزايدة والقرنبعاااااااااات 0) وكانو يحطو عليها ستارة عشان لايبااااان المستخبي 0

طبعا واضح من اسمها انها جيييييييية من سقف ؟ والسقيفة كانت تتعمل بالخشب 0 يعني يسير السقف ( سقفين ) ؟؟؟


الله يرحم زمان وايامه 0 دحين في (آرم سترونق) ( وجبس ساااااااااااقط) عشنوووووووووووو ما يذاكر بلييييييييييييييييييييد0





على فكرة ياعم ربيع انا ما بشرحلك انت طبعا بشرح للجيل الصووووووووووغنن 0

لأنه انت تلاقيك ياما اندسيت في السقيفة هههههههههههههههه

بـــحـــرالحجاز
24 Dec 2004, 08:09 AM
السقيفة


برضومن اسمها اللي هوا السقف

وكان زمان السقف تلاقيه خشب على شكل عواميد متراصة بشكل متوازي ومدي منظر جميل للغرفة




البكرج

بـــحـــرالحجاز
24 Dec 2004, 08:12 AM
ههههههههه مداخلة جات غلط في نفس الوقت معليش



بس برضوما حددت شي بعدو يا جيل يا كبيييييييييييير :p

بشكة إنسان
24 Dec 2004, 08:17 AM
ههههههههههههه نسيت

معليش السن له حكموووووووووووو



طيب ولا تزعلي بحوووووووورة يلا


بنت المنقل :p


بس مدري قالوها قبل كدا ولا لأ اذا قالوها

ناخد البكرج حقك

محد مكيفو !!!
24 Dec 2004, 04:40 PM
السلام عليكم ورحمة الله وبركاتة

تقلي يابشكة السقيفة تطيح على الضعيفة اسكت ازكر مرة دخلت جوة السقيفة وبغيت انعزق في وسط الخشب
والقدد والمسامير وجلست اعنفص يمين شمال زي المكتف وفين فين حتى خرجت والله السقيفة حلوة تطلع تفك ريقك
فيها خصوصا لمن تكون صااااااااايم يعني من ورا الزير


البكرج
الا هو زي حكاية البراد كبيييير وطويل شوية يسوو فيه الشاهي بحليب شي رجج اديك فنجان تدفي نفسك يا عصام

بنت المنقل
الا هو الكانون حق الفحم بس كبييير شويتين ومطاول

الطيرما

ملاك_المدينة
25 Dec 2004, 12:27 AM
الطيرما
هدي غرفة صغيرة في السطوح
يحطو فيها الطراريح والدقاديق والفراش ويبعدوهم عن الشمس والمطرة والغبار
القاعة ...

محد مكيفو !!!
25 Dec 2004, 10:48 AM
السلام عليكم ورحمة الله وبركاتة
القاعة الغرفة الكبيرة زي المجلس يتلمو فيها الناس

المضليون

بـــحـــرالحجاز
25 Dec 2004, 12:51 PM
االمضليون ازا ماخاب ظني الالماس





الدقيسي

ملاك_المدينة
25 Dec 2004, 02:55 PM
الدقيسي
عبارة عن مكان موجود مابين الدور الأول والدور التاني مكان ينجلس فيه احياناً


طيب
الصقرق

??
25 Dec 2004, 02:56 PM
لا حول ولا قوة الا بالله

أنا أتفرج احسن .. ويالله راح افهم

لأنو مداخلاتي عبارة عن تغيير وتحريف للتراث :(

شكرااااااااااااااااااااا للكل على المشاركات الحلوة

عمووووو ربيع .. أرجوك بسط المصطلحات أو كل ما حسيت نفسك كتبت كلمة ( تتوفع انها غريبه عليا ) حط بين قوسين ( فضلا لا أمراً ) معناها بالفصحى ... عشان تقارب وجهات النظر والأفكار والثقافات :)

ودمممممممت بخير .. الله يعطيك ألف صحة وعافيه




وشكرااااااااااااااااااااااااااا سيــدي أبو أحمد على مراعاتك شعوري .. وتأكد تماما اني مش على الخط :(




ملاك ... شفتي كيف ؟؟ مو قلت لك ؟ :( :( وماشالله عليكِ بعدين من فين التراث دا كله يا مغبررررره ؟ :) أكيد عندك أحد يغششك


دممممممممممممممممتم في رعاية الله

محد مكيفو !!!
25 Dec 2004, 05:57 PM
السلام عليكم ورحمة الله وبركاتة
الله يديكم العافية على مشاركاتكم

والله ياروشان احترنا معاكي لاكدة عاجب ولا كدة راضي
ترى بعض الكلمات هيا زي كدة قديييييمة ومعفرتة زي الشيطان من فين اترجمها واديرها فصحى
يالله مو مشكلة يسير خير


بحر الحجاز المضليون هو بروشة من الدهب تتلبس وتتعلق على حوايج الحريم فيها زي الدبوس وبعضها زي المشبك ينشبك في الكرتة ( الفستان ) ( يالله ياروشان وضحنا بالفصحى امبسطي وخليها الم نشرح )


الدقيسي زي ماقالت ملاك وبرضو يقولولو الدهليز


الصقرق الا هو المبخرة وناس يقولولها المجمرة كانت كبيييرة شوية علشان الفحم
مو زي دحين مباخر بالكهربا ومقاسات صغيييرة وكبييييرة



المشخص

( يالله ياروشان جاوبي يمكن بل اكيد وانتي صغيرة في الكوفلة حطولك المشخص هيا هادا سهل مايبغالو )

??
25 Dec 2004, 07:31 PM
عمووو ربيع ..

خليني بعيد احسن ما يخرب الموضوع

المشخص ؟؟ :( والله ما حد قاللي انهم حاطولي ياه ... بس اعرف ايش هوا بالاول ؟ :)

محد مكيفو !!!
26 Dec 2004, 08:14 AM
السلام عليكم ورحمة الله وبركاتة
لا حول ولا قوة الا يالله العلي العظيييييييييييييم
داه مانعرفو وداك مدري شكلو
طيب ايش الخاتمة معاكم

المشخص هادا قطعة حديد صغيرة او نحاس او صفرة مكتوب عليها ايات الكرسي فيلها مشبك وتنشبك على الكوفلة
من تباتيك زمااااان كانو يحطوها للبزورة يقلك علشان يرد العين بعد مشيئة الرحمن
وكانو كمااان يكتبو بالقلم على جبين النونو( الله) بقلم الكحل
ويلفو جبين الولد بالعصابة علشان جبهة البزرة ماتسير عريضة وتبور على برا
اما الكوفلة كانو يلفو البزورة بيها علشان لسع عضامهم لينة ومع لف الكوفلة تستعدل العضام ومايطلعو البزورة مفرشخين
وبرضو علشان يكنو ويهجدو في وحدة وصلة



بس تعبت اللي يجي بعدي يحط شي معروف علشان الناس تقدر تجااااوب
واللي مو عارف يقلي ايش هو
المخلوان

بنفسج
26 Dec 2004, 08:33 AM
صباح الخير
موضوع ولا احلى
طلع تفانين محد مكيفو من جد
يحقلو محد يكيفو
انا عرفت معظم الاشياء الي انقالت فوق
بس الاخير دا ما اعرفو والناس نايمة مافي احد اسألو
المهم
ابغى اسأل عن
شي برضو حديد زي لزبدية صغييير وفيه تبويز للخارج
كانو يحطو فيه الدواء للبزورة الصغار..
لو تبغو تشوفوه اوريكم هوا
اصورو لكم تراه عندنا في الصندوق الحديد ..

شي تاني ..الخزينة الي يحطو فيها الملابس مو تتسمى كمان سحارة.؟؟
وشكرا....

??
26 Dec 2004, 09:53 AM
عموووو ربيع ...:o









لا تعصب عليا ..














أعتبرني من السواح :D














ترى انا بأتعلم برضو ;)

محد مكيفو !!!
26 Dec 2004, 05:30 PM
السلام عليكم ورحمة الله وبركاتة
هههههههههه
يابنفسج لا تفانين ولا تباتيك
الشغلة كلها على بعضها تراث في تراث
وترى ايش اللي يخلي الناس دحين بعضهم مايعرف او نسي الحاجات القديمة انو محد يزهم عليها ويناديها
باسمها القديم او اخترعو اسم جديد لنفس الشغلة
مسلا خدي عندك التايد حق الغسيل زماااااااان يقولوه ( برسيل )
الكلوركس يقولوه ( جافيه / دوا غسيل )
الجاروف حق المكنسة اسمو برضو قديم وفي ناس تسميه المرفع علشان يرفعو بيه القمايم والعوايز المشعترة
وكتيييييير من الحاجات اللي يمكن نسيتها

مدري اللي قلتي عليه حق الادوية يسموه شربة على ما اظن او غدارة وتخنلف الاسامي من محل لمحل

اما صندوق الحوايج يسموه كمان سحارة بس مقاسها صغير
والسحارة كمان شبك من الخشب زي الصندوق يحطو فيلو الخضار والفاكة





لاتزعلي ياروشان لا بصرخ ولا ببربر ولا بخاصم
حتى انا بتعلم واستفيد منكم على الحاجات الجديدة اللي فنت علينا وعمري ماسمعت عنها
ولاتنسي محد يندر من بطن امو متعلم
يمكن انتو ماشاء الله تعرفو حاجات اكتر مني


المخلوان زي القاعة غرفة كبيرة للقعدة والتبشيك والناس كانو يخلوها اسفل علشان العجاااايز

الدندرمة

??
26 Dec 2004, 09:12 PM
الدندورمه = الآيس كريم أو البوظه

والدندورمه لفظه تركيه ..

.نجحت مش كده ؟

بس طبعا لازم حضراتكم تتفضلوا وتزيدوا على ما سبق .. لأني اعتقد انه غير وافي :)

شكراااااااااااااا لرحابة صدركم




وانا اتزكرت شي


الناموسيه

الريــــــس
26 Dec 2004, 10:53 PM
ابغى اسأل عن
شي برضو حديد زي لزبدية صغييير وفيه تبويز للخارج
كانو يحطو فيه الدواء للبزورة الصغار..
لو تبغو تشوفوه اوريكم هوا
اصورو لكم تراه عندنا في الصندوق الحديد ..
*********************************
هذا الشئ الذي وصفته الزميلة بنفسج هو ما كان يعرف بإسم ( الصقرق ) لأنه كان يوضع فيه الدواء مثل شراب الكينا التي كانت تستعمل زمان لمرض الحمى وكذلك يوضع فيه زيت الخروع ليصقرقوا فيه الأ طفال ( أي يشربوهم هوه ) .وليس المبخرة التى كان أيضا يقال لها ( المجمرة )
************************************
أما السحارة فهي عبارة عن صندوق خشيى عادي غير مزخرف يوضع في المطبخ لتحفظ فيه الأرزاق كالحبوب والرز والدقيق والسكر والشعيرية والكعك ( البقسماط ) وما أشبه .
************************************
أما بالنسبة للمشخص فهو عبارة عن قطعة ذهبية من عيار 18 أو 21 إما أن يكون على شكل عقد أو سوار تتحلى به المرأة وليس فيه فصوص حتى أن نقشه بسيط فقط أن يكون من الذهب الخالص ، ( أما التى ذكرها ووصفها العم ربيع حفظه الله وأمده بالصحة والعافية فهى ( الغازية وجمعها غوازي ) فلربما أشكل عليه .
.

ملاك_المدينة
26 Dec 2004, 11:24 PM
عندي ملاحظة ياسيدي
احنا هنا في المدينة يسمو اللي يدو الدوا بيه للصغار زي زيت الخروع مسلاً يطلق عليه الصقرق ..
والشربة تطلق على زيت الخروع والمنقوع واحياناً خليط من الأعشاب العطرية منها اليانسون وتسمى الشربة ....
طيب
الدندرمة هوا الإسكريم ...
طيب اللي بعدي
المشربية ..

العنقاء
26 Dec 2004, 11:32 PM
الله على تحفكم ... وتزكارتكم ... أسيادي وستاتي

المشربيه ياستيتا ... هي جزء خارج من الروشان ... في البيوت القديمه ... والغرض منها جلوس النساء فيها ... ومشاهدة من في

الحاره ... ولاأحد يراهم ... وبها أماكن محفوره لحفظ الشراب بغرض تبريدها .......

طيب ...

إيش هو .........

الكفكير ....... والشوبج

ملاك_المدينة
27 Dec 2004, 12:07 AM
الكفكير ....... والشوبج

حديدة مدورة مخرقة من الوسط لها يد طويلة يعني زي المغرفة حقت الأكل بس لها أحجام كبيرة ومقاسات مختلفة

واسيب الشوبج للي بعدي
مع تقديري
حجـــــــــــــــــازية

بنفسج
27 Dec 2004, 03:14 AM
الله يهديكي يا ملاك
ما لقيتي الا تسيبيه ليا
والله ما اعرفو والكل نايم كا لعادة

لكن .. تعقيبا على الصقرق ..
ازن المكتوب فوق انو مبخرة هادا غلط ..
ياريت يتراجع
لانو انا عندي فكرة ياريت نلم الموضوع لما ينتهي عا الاقل جزء منو
ونحطو بشكل مرتب ونسمية القاموس المكاوي !!!
حركة حلوة برضو ...
.............................................
وخلي الشوبج للي بعدي؟؟
انا شاكه في الاسم
ما ابغى اخمن
.........................

الريــــــس
27 Dec 2004, 06:05 AM
( الشوبج )
أنا أبغ أقرب لكم بعض الشئ عن معناه حتى لاتروحو يمين وإلا شمال ،
هو من أدوات المطبخ الهامة في بعض الحالات ،
بس ولحد كده كفاية ، هيا ورونا شطارتكم ،
خاصة من الذين هم من المدينة ،
لأنه معروف عندهم جيدا وكما ذكرت لايمكن الإ ستغناء عنه في بعض الحالات ،
ولربما هناك إختلا ف في الأ سماء ،
***************************************
ولي ملاحظة :
إن الذي يقوم بطرح الإسم المطلوب تعريفه ، عند الإ جابة عليه ، لايقوم بتأكيد الإجابة في صحتها من عدمه ،،،،،،

بنفسج
27 Dec 2004, 07:48 AM
ولي ملاحظة :
إن الذي يقوم بطرح الإسم المطلوب تعريفه ، عند الإ جابة عليه ، لايقوم بتأكيد الإجابة في صحتها من عدمه ،،،،،،[/QUOTE]

كيف؟؟
.................................................. .

الريــــــس
27 Dec 2004, 08:10 AM
ولي ملاحظة :
إن الذي يقوم بطرح الإسم المطلوب تعريفه ، عند الإ جابة عليه ، لايقوم بتأكيد الإجابة في صحتها من عدمه ،،،،،،
كيف؟؟
بمعنى أن أحدا من المشاركين قد طرح كلمة لمعرفة معناها ولتكن ( المشربية ) وجاء الذى بعده ( المشارك التالي ) وشرح معناها ووصفها حسب معرفته فعل الذي طرح أساس المشاركة أن يقول نعم الوصف والشرح صحيح ،
لأنه لربما كان ذالك الوصف والشرح خطأ أو ناقص ، من قبلل ( المشارك التالى ) ،
مثل كلمة ( المشخص ) التي التبس معناها على شيخنا ( محد مكيفو ) وقام بشرحها خطأ لأن شرحه كان على الغازية لاعلى المشخص الذي هو عقد أو سوار عريض من الذهب الخالص ،
هذا ماقصدت له ،
وأرجو أن أكون أوضحت المطلوب ،
وإنا كان هناك غموض فسأقوم بالتوضيح أكثر .،.،.،.،.

محد مكيفو !!!
27 Dec 2004, 08:16 AM
السلام عليكم ورحمة الله وبركاتة
كيف حال عمنا الريس الله يديك العافية
والله ياحبيبي زي ما اتفضلت اختلاف التسمية هو اللي احيانا مسبب اللخبطة والاشكال
لأنو في حاجات اساميها تختلف من مكة للمدينة
هيا المشخص اللي انا قلت عليه قطعة من حديد والا دهب مكتوب عليه ايات الكرسي انت قلت عليه غازية وجمعها غوازي
الاسم هادا جديد اول مرة اسمعو

برضو الصقرق يسموه عندنا شربة لأنو دايما يسقوه الاطفال ملين للبطن من خلال الصقرق يا يحطو زيت خروع او يانسون او سنا مكي او لب الخرنوب واحيانا يستعملوه زي المبخرة تعرف عندنا في مكة كل شي نمشيه على كيفنا ونخلف مطنو ونستعملو في كذا حاجة غير اللي مخصص ليها
شايف كيف قام اخدو الغرض منو وفلتو اسمو الحقيقي

زي كمان السحارة برضو ينحط فيها الارزاق زي ما اتفضلت
وبعض الناس تحط ملابسها فيها على خفيف وبرضو في ناس يحطو الخضار فيها والفاكة
بالنسبة للشوبج هادا الاسم برضو مني فاكرو ويمكن نسيتو وخصوصا زي ما اتفضلت انو معرووووف في المدينة بهادا الاسم
ويمكن عندنا يقولوله اسم تاني


بس سؤالي ياعمنا ياريس ايش اللي يخلي الاسماء تختلف من منطقة للتانية على علمي انو مكة المدينة جدة وااااحد
هل هو تنويع
والا كل مين لازم يندر حاجة جديدة


وبرضو لو احد عندو تصحيح لكلامي يتفضل ويقلنا
برضي بشر ونغلط ومافي احد معصوم من الغلط

بنفسج
27 Dec 2004, 08:21 AM
ايوا
تمام
بس ياريت يكون في احد مرجع
دايما يشيك عا الموضوع
عشان الاخطاء..
((( على الصقرق : الي هو الشي الحديد الي يشربو بية الدوا للبزورة ...
كان في غلط في تعريفو ...فالخوف عا الي ما يعرف ويحسب انو صح هوا المبخرة ..)))وانا ان شاء الله قريبا اصورو لكم وانزل الصورة


دي يسير بعد كده نجمعها ونحطها في قاموس مكاوي
والله خسارة انو مانعرف اشياء زي كده


وشكرا لتوضيحك
سيدي الريس
ودمت لنا
.....................

الريــــــس
27 Dec 2004, 08:51 AM
لعل إختلاف المسميات من مدينة لأخري يرجع إلى التركيبة السكانية في كل مدينة ،
فمكة المكرمة الله يعمرها التركيبة السكانية فيها تنحصر في سبعة أو ثمانية أجناس وهم الغالبية في حين قد تو جد أجناس اخرى ولكنها أقلية ومنطوية عل نفسها ليس لها تأثير على الغالبية ،
في حين نجد مدن ولتكن ( المدينة المنورة ) فإن فيها من جميع الأ جناس وبأ عداد كبيرة وهذه لها تأثير مباشر على المعرفة وإبدال المسميات وذلك بحكم المصاهرة أو الجوار ،
ولنأ خذ مثلا كلمة ( بطانية ) سواء كانت خفيفة أو ثقيله ،
في المدينة يقال لها ( بطانية ) ،
وفي مكة المكرمة تعرف بإسم ( دقديق ) ،
وكذلك كلمة ( سجادة ) لافرق بين صغيرة وكبيرة سواء كانت للصلاة أو أن توضع الأ رض ،
في المدينة يقال لجميعها ( سجادة ) ولكنها تميز بحسب الإ ستعمال ،
في مكة المكرمة يقال للتي توضع على الأ رض ( جلالة ) ،
ولو ذهبنا إلى المنطقة الوسطى ( القصيم والرياض ) أو المنطقة الشرقية ( الدمام والظهران والأ حساء ) لوجدنا إختلاف كبير في مسميات الأ شياء ،
ولله في خلقه شئون .،.،.،.،.

العنقاء
27 Dec 2004, 11:06 PM
أشوف .. ماأحد عرف الشوبج ... إلا سيدي الريس .. الله يطول بعمره ...

خصره ...

الشوبج ياأسيادي وستاتي .. هو عباره عن عصا طويله مخصصه لفرد عجين السمبوسك .. معروفه عند المداينه .. إمكن بعضكم

يقولها نشابه .. وبعضكم يقولها مفردة عجين ...

طيب ...

إيش هي الطيرمه ..... ؟؟؟؟؟

ملاك_المدينة
27 Dec 2004, 11:52 PM
زي الغرفة الصغيرة في السطوح مرتفعة عن الأرض يوضع فيها الخصف والفراش اللي ينامو عليه عشان يبعدو عن المطر والغبار والشمس... يحطو الصبح وينزلو ع المسى..


طيب
ايش المحط...!!!
حجـــــــــــــــــــازية

عاشق تراب مكه
30 Dec 2004, 10:58 AM
تذكير فقط ,,

لكل من أراد أضافة كلمة أو مسمى جديد ,,

نرجو منه التأكد من أن الاسم لم يطرح قبل ذالك ,,

تفاديا للتكرار ,,

بـــحـــرالحجاز
30 Dec 2004, 11:44 AM
فعلا


يبغالي ان شاء الله اضيف ايش الاشياء اللي اتزكرت الى الان عشان ماتتكرر







ستيته ملاك

ايش المحط؟

اول مرة اسمعبو صراحة



امممممممم امكنو يطلق على الرفّ

ولا حاجة زي اللحاف.؟

الريــــــس
31 Dec 2004, 03:03 AM
كل ما أعرفه عن المحط وأنا من أبناء المدينة والتى طرحت السؤال أيضا من بنات المدينة هو :
عندما يقوم المنشد أو الجسيس في الأ فراح أو المناسبات ويبدأ بنغم ما ثم يتنقل من نغم إلى نغم وعندما يريد السكوت يعود إلى النغم الذي بدأ به عندها يقال بأن المنشد أو الجسيس قد حط في نفس المحط ( أي النغم الذي بدأ به ) ،
هذا ما أعرفه وفوق كل ذي علم عليم .،.،.،.،.

للاأريد أن أطرح كلمة أخرى للتعريف بها حتى نتأكد من صحة كلمة ( المحط ) التى طرحته الزميلة ملاك _ المدينة .

محد مكيفو !!!
31 Dec 2004, 07:48 AM
السلام عليكم ورحمة الله وبركاتة
كيف الحبايب ان شاء طيبين
يعني انا بغيت اشارك قل عقلي ياواد لاتخرب الموضوع
كل الاسماء والمعاني اللي اكتبها
بلهجتنا المكاوية القدييييييمة
بس لاحظت انو في بعض الاعضاء جاتهم اللخبطة لأنهم حاطين اشياء باللهجة المدنية وطبعا تختلف بين مكة والمدينة
ويحسبوها غلط مع انو صح مية المية
زي ما قال عمنا قدورة على شرح المحط واول مرة اسمعو
نحنا في مكة نقول للمقامات والتغير رجع ( للوصلة ) حقتو اللي بدأ بيها
يعني ( المحط ) =(الوصلة )= ( نوتة )=( مقطع )

وبرضو الشوبج اللي قلتو فوق وانو منتشر في المدينة
بالمكاوي ( مفراد ) ( نشابة ) ( خشبة العجينة )

علشان لا تسير اللخبطة قلت اتفرج من بعيييييييد
علشان لا ينخرب الموضوع
وياريت يا بحر لو غيرتي الموضوع الى تحفة وتزكار ( بين مكة والمدينة )
والا موووووووووو

بـــحـــرالحجاز
31 Dec 2004, 10:51 AM
انا حبيت اخصص الموضوع هنا للتحف المكية


لأنو في موضوع تاني كاتبه أحد الأعضاء يختص بالاتنين المكية والمدنية

فما حبيت التكرار

وعشان يكون برضو الركن دا مخصص للمتحف المكي :)

العنقاء
31 Dec 2004, 08:39 PM
بس مايمنع يابحر ... إحنا كلنا واقعين في الحجاز ,,,, !!!!

ولاتنسي .. إنه كثير من أهل مكه في المدينه أو العكس ... فالتبادل في المعلومات مفيد للجميع ...

وينبغي على الجميع ... عند تفسير الكلمه ... وضعها بكل اشكال نطقها على الأقل من الناحيه الحجازيه مثل ماوضحت في كلمة

{ شوبج } .......

ودمتم ...

عاشق تراب مكه
31 Dec 2004, 10:19 PM
حقيقة أويد ماقالته استيتا العنقاء ,,

ولا يضر اختلاف المسمى او المعنى عن مكة والمدينة ,,

ولعل في ذالك الفائدة في أنك تعرف أكثر من معنى للاسم الواحد او الكلمة ,,

وموضوع مثل هذا في شكله العام يحقق التقارب حتى في اللهجات والكلمات ,,

وهذا ما يتمناه الجميع في أن نكون كلنا أسرة وحدة ,,

بـــحـــرالحجاز
01 Jan 2005, 12:40 PM
لكم ما أردتم

ولكن هل لي بطلب صغير


رجاءً توضيح ( لمن يقترح الكلمة ) أن يوضح ما اذا كانت مكية أو مدنية :)





خلينا نكمل ونجيب شي بسيط شوية

الكوفلة (مكية ) :)

محد مكيفو !!!
01 Jan 2005, 06:01 PM
السلام عليكم ورحمة الله وبركاتة
وصلة قماش قريب نص متر في متر مربعة
يتلف البزورة الصغار فيها
علشان (يقولوا ) البزورة لايطلعو مفرشخين وخصوصا وهم صغار عضامهم لينة وتتلم على بعض
وعلشان البزورة يكنو ويسكتو ويجمعو حوااااس


بخنق

طبعا كل مشاركة ليا تعرفو انها مكية والا مو مبين عليا
ورغم كدة يا مرحبا بأهل المدينة وعلى عيني وراصي

ملاك_المدينة
01 Jan 2005, 06:31 PM
إحنا كلنا واقعين في الحجاز ,,,, !!!!

ولاتنسي .. إنه كثير من أهل مكه في المدينه أو العكس ... فالتبادل في المعلومات مفيد للجميع ...

وينبغي على الجميع ... عند تفسير الكلمه ... وضعها بكل اشكال نطقها على الأقل من الناحيه الحجازيه مثل ماوضحت في كلمة

لافض فوكِ عنقاءنا
وربي يسلم راسك سيدي محد مكيفو!!! ويعز مقدارك
اما المحط فهو كم قال سيدي الريس ربي يحفظه ويحميه ..
بالزبط ...

لكم مني كل الشكر والتقدير
حجــــــــــــــــازية

بـــحـــرالحجاز
02 Jan 2005, 08:41 AM
اجابة صحيحة يا عم ربيع بالنسبة للكوفلة




البخنق


هوا شرشف الصلاة يكون القماش مقصوص في البداية على شكل مربع اودائرة بعدين تتخيط الحافتين مع بعض ويترك مساحة بسيطة لدخول الرأس فيها وكانوا زمان يخطولنا احنا الصغار البخانق باقمشةحلوة ومفيها ورود تجزب الصغار وتخليهم يحبو يلبسوها كل شوية عشان يصلو بيها










المبيت ( برضو مكية ) :)

الريــــــس
02 Jan 2005, 08:58 AM
ومع أنى لا أجيد المصطلحات المكية ، ولكنه أجتهادا مني أقول :
المبين هو عبارة عن غرفة في آخر البيت ليس لها شبابيك على الشارع العام وإنما قج تطل على فسحة داخل المنزلل ويقابل هذا الإسم باللهجة المدينية ( المؤخر ) ،
آمل أن تكون إجابتي صحيحة ،


والمطلوب الآن تعريف كلمة ( قدادا ) بكسر حرف القاف ، كلمة عربية ليست مكية ولا مدنية

محد مكيفو !!!
02 Jan 2005, 09:27 AM
السلام عليكم ورحمة الله وبركاتة
قدادة اي شكلها هادي وضح دخيييلك
لا يكون قصدك كدادة
ياسلاااااااااااااام الكدادة بالمرة طعمة وخصوصا حقت المعدووووووس
هيا اللي تلصق في القدر وتكون مقمرة وسودا شوية طعمها طعم
يالله عرفنا الكدادة
والا قصدك شي تاني مدري عنكم

الريــــــس
02 Jan 2005, 10:41 AM
هيا ياسيدي بس كانت غلطة مطبعية سامحونا ،



والمطلوب ( المصنف ) مكية مدنبة .

ملاك_المدينة
04 Jan 2005, 02:24 AM
( المصنف )

هوا زي الشال الكشميري لانو من صناعة اليمن ..ويجي مخطط .. ويوضع على الكتف حتى إذا اضطر في مكان ما فرشه للصلاة أو للجلوس عليه ...


(الدبش ) كلمة مكاوية ..

محد مكيفو !!!
04 Jan 2005, 07:42 AM
السلام عليكم ورحمة الله وبركاتة
هيا المصنف لها كم معنى
وازا التعريف اللي قلتو عليه اكتر شي يقولولو شال زي ماهو
والشال منتشر اكتر من المصنف


الدبش مدري قصدك تدبيش بيت العريس لمن بدو يتجوز
يقوموا اهلو بترتيب البيت وتوفير كل شي يسير ليلة الدخلة يدخل على طووووول
ويمكنكم تسمعوا الناس تقول فين رايح والا فين جي يقلهم والله رايحين ندبش

معنى تاني ( دبش ) ساعات الواحد لمن يتكلم كلام ويكون يزعل يقولولو والله فلان ما يعرف يهرج كلامو كلو دبش
يعني مايحسب لكلامو ويرميه زي القنابل ويمشي وما يحسب حساب الكلام يزعل والا ينرفز بس المهم دلدل لسانو وبعبع بالهرج
وانقرن في حالو البعيد


الدحديرة

بـــحـــرالحجاز
04 Jan 2005, 09:33 AM
الدحديرة هيه النزلة او الطريق المنزلق ( يعني شكلو زي الزحليقة :p ماعرفت اوصف اكتر منكدا )





الزُقْرَة

بـــحـــرالحجاز
06 Jan 2005, 11:45 AM
اممممممممم يومين ومحدجاوب

طيب خلينا نجاوب ونجيب شي اسهل


الزقرة اللي هيه الجوهرة الصغيرة زمان كان الواحد يروح للصايغ ومعاه يكون مسلا خاتم دهب وزقرة عشان يخليه يركبلو هيه ( يعني على مزاجو )



الكنديشة :)

محد مكيفو !!!
06 Jan 2005, 05:15 PM
السلام عليكم ورحمة الله وبركاتة
فلتنا الموضوع ومحد دخل يالله
برضو الزقرة يقولولها الفص
الكنديشن الا هو المكيف وفي مكيفات القش اللي تشتغل بالموية
قبل المكيفات الجدد الفريون

الجاروف

ملاك_المدينة
06 Jan 2005, 06:42 PM
مراحب سيدي محد مكيفو!!!
طيب الجاروف هوا
ان ماخاب ظني زي مانقلو احنا المجرفة
اللي نلم بيها الله يكرمكم القمايم ...
أو الكريك اللى يستعملوه العمال في التعبئة...

طيب ايش هوا

الكرباج..

بـــحـــرالحجاز
07 Jan 2005, 02:56 AM
خليني اول حاجة ازكركم بالكلمات اللي شرحناها ولله الحمد الى الآن

الأتريــــــك

صندوق السيسم

السمواار

الكرويتة

المرش

المفتة

الزير

المرفع

الراديو

المركب

المِروَد

النملية ...

الدقديق والجرارة

النصبة

البابور

المحماس


السقيفة

البكرج

بنت المنقل

الطيرما

القاعة

المضليون

الدقيسي

الصقرق

المشخص

المخلوان

سحارة

الدندرمة

الناموسيه

الغازية

المشربية

الكفكير ...

والشوبج

المحط

الكوفلة

بخنق

المبيت

كدادة

المصنف

الدبش

الدحديرة

الزُقْرَة


الزقرة

الكنديشة

الجاروف

الكرباج

البسطون

بـــحـــرالحجاز
07 Jan 2005, 02:57 AM
شوفي ياستي الكرباج تنقال على حاجتين


اول حاجة دوا حق الجاوة وبرضوبيستخدم اهل مكة الى الآن يشتروها من الديوانية ( البقالة الجاوية ) يستخمو في حالةرياح البطن يعني اللي بطنوتوجعو دغري يدهنولو هيه بالكرباج وسبحان الله يروح الألم بس بعد فترة وهوا عبارة زي ماتقولي عن خليط من أعشاب لها رائحة نفففففااااذة



اما المعنى التاني

اللي هوا ( السوط )




البسطون ( مكية ) :)

محد مكيفو !!!
07 Jan 2005, 08:07 AM
السلام عليكم ورحمة الله وبركاتة
طيب الله يديكي العافية ويزكرك الشهادة يابحر
احسن رجعتي كتبتي الاشياء اللي قلناها علشان لاتتكرر
لو سمحتيلي المعنى الاولاني حق الكرباج
مزبوط بس اسمو كرباش هو زيت للمروخ ولأعراض البرد ينباع في البقايل الجاوية
وبرضو عند العطار صبغة اللي في الغزة


البسطون هادي الرجل التالتة للعجايز
ااااااااااااه يارجلي
المهم لها اشكال ومقاسات ويد معكوفة علشان المسكة
وفي نوع نحييييف وقصير شويتين يسموها بومبية
وبعضهم ياخد عصاية المزمار منو يسند نفسو عليها ومنو يستخدمها في اي شي يمر عليه مضاربة والا تخبيط


المحرمة المدورة

ملاك_المدينة
07 Jan 2005, 03:56 PM
كان النساء قديما يلبسوها على الراس ومشغولة من اطرافها


طيب
الحنشصة


واستنيكم

حجــــــــــــــــازية

بـــحـــرالحجاز
11 Jan 2005, 12:47 PM
ملاك


محد عرفها


ياريت تقوليلنا ايش هيا :(

الريــــــس
17 Jan 2005, 03:07 AM
إن كلمة ( الحنشصة ) هي كلمة قديمة كان يستعملها أهل مكة بالذات ولربما غير مستعملة اليوم ، وتعني ( التصنع في الحركة والكلام وما أشبه ) ،
وقد ذكرها الأ ستاذ محمد عمر رفيع رحمه الله في كتابه ( مكة في القرن الرابع عشر الهجري ) ،


والمطلوب الآن تعريف كلمة ( الهيلمة )

ملاك_المدينة
17 Jan 2005, 03:28 AM
بالزبط ياسيدي الريس
ماشاء الله عليك...
والهيلمة
خليها لأهل مكة..

محد مكيفو !!!
17 Jan 2005, 08:50 AM
السلام عليكم ورحمة الله وبركاتة
الحنشصة زي مازكر الريس الله يعافيه انو الكلمة وردت من كتاب لمحمد رفيع......
طيب هادي الكتب بتكتب الكلمات المنتشرة من زمااااااان
لكن هناك مسميات لبعض الكلمات تختلف بين العامية والدارجة وبين حقت الكتب
وقتنا دحين التلفزيون / الرائي نفس المسميات لوحدة عازة
الحنشصة يعني اكتر شي كنا نقولو بحسب شرحك التصنع بالكلام (......) هيا كلمة يعني خايف اكتبها
تحسبوها سبة ويمكن مقص الرقيب ياكلها يمكن عرفتوها


الهيلمة تسمى الهيلمان وهو تفخيم الشي وتكبيرو عن حجم الطبيعي
يعني بالمصري زيطة وزمبليطة
ما ادري هل صحيح زي اللي تقصدو

simsim
17 Jan 2005, 03:27 PM
أقترح ااكتابة مع التشكيل للنطق بالطريقة الصحيحة ودمتم وكل عام والجميع بخير

بنفسج
18 Jan 2005, 02:24 PM
انضم للسيد محد مكيفو في الهيلمة
وانها هيا الي نقول عليها هيلمان
انو كمان زي عبارة الازعاج
والدربكة ..
على قولو
زيطة وزمبليطة
............................

بـــحـــرالحجاز
20 Jan 2005, 01:55 AM
ممممممممم طيب عبال ما يجي عم الريس خلينا نضيف كلمة



( الكِبِرتَايَة )

بنفسج
23 Jan 2005, 11:07 AM
الكبرتاية
هيا الشرشف
الي نتغطى بيه
يكون مصنوع من خيوط متينة نوعا ما ومبرومة
...ونصيحة انكم تشتروه من القاهرة لكم وللزمن ...
وان شاء الله تكون الصورة وضحت
..

mRNA
23 Jan 2005, 08:37 PM
يا عيني عليكي يا ستي بنفسج مكاوية مزبوط ...

طيب يالله خدو هدي عندكم و انا متاكد انها بسيطة بس برضو اهو شي جديد على الصغار ...

ايش هوا (الدقيسي) ........

شوفو الكلمة دي مرة بسيطة و لو جبتوها بعدين نعطيكم اشياء صعبة ، مع اني عارف ماهي صعبة على المكاوية القدام بس هما الجدد حيشوفوها اصعب من اختبار الدكتوراة ....
:) :) :)

محد مكيفو !!!
24 Jan 2005, 08:42 AM
السلام عليكم ورحمة الله وبركاتة
طيب الدقيسي مكان يجلسو فيه الناس بين الدور الاول واللي بعدو
وساعات الناس يسموه دهليز يعني لو كم اسم


النامسية

بـــحـــرالحجاز
25 Jan 2005, 06:27 AM
اجابة صحيحة بالنسبة للكبرتاية :)


الناموسية ياسيدي هيه عبارة عن قطعةقماش كبيرة تشبه التل وتكون مدعمة من الداخل بحدايد وشكلها كدا شبه الخيممة ولها باب

يستخدوما الناس لمن ينامو عشان تبعد عنهم الناموس والحشرات التانية ومن هنا جا تسميتها بالناموسية وكان في منها احجام في للكبار وفيه للبيبي الصغاار



التَخْتَة :)

محد مكيفو !!!
25 Jan 2005, 07:57 AM
السلام عليكم ورحمة الله وبركاتة
التختة
الا هيا زي الطربيزة او البسطة
وغالبا التختة يقولوها للي مصنوعة من الخشب



البكرج

بنفسج
25 Jan 2005, 11:24 AM
البكرج ..
هوا الوعاء الي ينحط فيه
الحليب ..
او القهوة احلوة ((الملوز))
او السحلب
يكون مصنوع من الاستنستيل ..
يقولولو :توتواه
ويكون يشبه البراد العادي بس انو مطول شويتين ..
..............................

بـــحـــرالحجاز
25 Jan 2005, 12:09 PM
تقريبا هيه زي ماقلت يا عم ربيع



والتختة غالبا كانت تنقال لما يشبة الطربيزة الصغيرة من الخشب وبها بعض الادراج الصغيرة بالاسفل

ومرايه من الاعلى وكانت تستخدم ك(نَصبَة ) لوضع ابريق الشاي عليها مع الفناجين والكاسات وعلبة السكر

يعني زي ماتقول كدا تشبه التسريحة بس بشكل مصغغغغر ويفرشو فوقها مفرش ( تعرفواهل زمان كيف كانو متبتبين ومرتبين في كل شي ماشاء الله )


اما دحين فمتلاقي منها غير الحدايد على شكل تبسي ( لونودهبي او فضي ولا نحاس ) ومرفوع بقوائم من الحديد فقط





بعدين ايشبكم ياهووو بتعيدوو الاشياء


بنفسج .. نسيتي تحطي اسم تاني يا دب :)

محد مكيفو !!!
25 Jan 2005, 05:30 PM
السلام عليكم ورحمة الله وبركاتة
بس يابحر اللي يحطو فوقها اباريق الشاهي والكاسات يسموها نصبة مو نصة
والا يمكن لها اسم تاني الله اعلم
طيب ايش شكلو الكفكير

mRNA
25 Jan 2005, 06:26 PM
اول شي يا حلوين تعقيبا على صحة كلام حبيبي محد مكيفو اسم الطاولة اللا تنحط فوقها اغراض الشاهي اسمها (نصبة) بس حكاية نصة اول مرة اسمع بيها ....

الكفكير ..... ملعقة الغرف الكبيرة و يسموها عند اهل المدينة القدام جدا (ملاَّس) ...

ايش هي الكرتة ....... ترا ناس كتير بطلو يستخدمو المصطلح دا ....

بـــحـــرالحجاز
26 Jan 2005, 02:38 AM
بالفعل البعض يطلق عليها مسمى ( النصبة ) وعذرا على الحرف اللي سقط سهواً


الكرتة اللي هيا التوب او الفستان ويطلق على الملبس عموما على ما اعتقد






خلينا نرجع تاني نتزكر الكلمات اللي قلناها الى الآن ولله الحمد



الأتريــــــك

صندوق السيسم

السمواار

الكرويتة

المرش

المفتة

الزير

المرفع

الراديو

المركب

المِروَد

النملية ...

الدقديق والجرارة

النصبة

البابور

المحماس

السقيفة

البكرج

بنت المنقل

الطيرما

القاعة

المضليون

الدقيسي

الصقرق

المشخص

المخلوان

سحارة

الدندرمة

الناموسيه

الغازية

المشربية

الكفكير ...

والشوبج

المحط

الكوفلة

بخنق

المبيت

كدادة

المصنف

الدبش

الدحديرة

الزُقْرَة

الكنديشة

الجاروف

الكرباج

البسطون

المحرمة المدورة

الحنشصة

الهيلمة

الكِبِرتَايَة

النامسية

التَخْتَة

النَصبة

الكرتة


مع مراعاة التشكيل كما اقترح اخي simsim



الــسـُــلْــطَــة ( مو السلطةاللي تتاكل هيا انتبو http://www.al-sakher.com/vb2/images/smilies/tongue.gif )

الريــــــس
26 Jan 2005, 04:08 AM
تصحيح:
الزميل mRNA
إن الكفكير هو كما جاء تعريفها هي الملعقة الكبيرة التى بها عدة ثقوب وتستعمل للغرف ، وتعرف في المدينة بنفس الإسم ،
أما كلمة الملاس فهى من لغة أهل القصيم ونجد والمنطقة الشرقية وليست في لغة أهل المدينة ،،،،

بـــحـــرالحجاز
01 Feb 2005, 02:08 AM
الــسـُــلْــطَــة = اللي هيه البلوزة





طيب

المِـطْـبَـقِـيَّـة


:)

محد مكيفو !!!
01 Feb 2005, 08:21 AM
السلام عليكم ورحمة الله وبركاتة
المطبقية
والله العلبة حقت السكر يقولولها كمان مطبقية
لكن المطبقية تنقال على الكبيرة زي الرفوف صحون مدورة او زبادي لها حديدتين من الجمب تخش بطنها
القدور وتترص وفي منها مقاسات شي 3ادوار وشي 4 وشي 5
كانو يحطو الاكل بطنها وخصوصا العمال أو اللي مسافرين او اللي رايحين للتمشية
بس لازم اخر صحن فيها ينقفل مزبوط علشان لاينسم ويبرد الاكل او يتكبكب

الكفشة ( حقت المطبخ )

caco
01 Feb 2005, 03:06 PM
صباح الفل والورد والياسمين
ولو اني جيت متاخرة
بس مهي مشكلة
الاخت بحر الحجاز قالت شئ اسمو
السمواار
ممكن اعرف ايش هو
وهل هو من اشياء اهل مكة القديمة
وهل كلمة سمواار كلمة مكاوية
بصراحة انا عارفتو بس ابغى اتاكد منكم

محد مكيفو !!!
01 Feb 2005, 06:04 PM
السلام عليكم ورحمة الله وبركاتة
ايو السموار كلمة مكاوية من يوم مافنو الاوادم على قولهم
باينلك منتي مكاوية مزبووووط
السموار الا هو دحين زي الكفتيرا
زي عبارة البرميل الصغير من الصاج او التوتوا
يحطو فيه الموية الحاااارة علشان الشاهي او الحليب
فيلو فتحة من الجمب للفحم بعدين اتطور وصار بالغاز
ودحين صار بالكهربا يعني الموديلات الجديدة

caco
01 Feb 2005, 08:26 PM
للللللللللللللللللللللللحظة ايش مني مكاوية
انا مكاوية اب عن جد
و جد عن جد جد
المهم الي اعرفو و حسب معلوماتي الصحيحة
انه السموار اهل مكة اخذو من عند الايرانيين
يعني مهو حاجة من اشياء اهل مكة الاصلية
حتى دحين مافي زيو في السوق
الا لو توصي احد يجبلك من ايران
و فيه منو انواع و اشكال شئ زينة و شئ للاستخدام
و النطق الصحيح للكلمة
هو سماور
هذا حسب نطق الايرانيين له
حتى في الكتابة
الكتابة الصحيحة للكلمة
هي سماور

مـامـا سالـي
02 Feb 2005, 06:14 AM
سلام عليكم..

وي يااااااااساتر هوا الواحد عيونوا فين كانت بس حأخش واشارك عشان الواحد ارجع للماضي شوية :cool:

طبعا كلمت سيدي محد مكيفوا ماعرفتها (( الكفشة )) بس ازا كانت (( الكبشة )) معناتها حقت الشربة
مع انوا دايما في المركب ;;8

طيب ايش معنى دي الكلمة (( الدافور)) هيا ترى مو معاناتها الناس الشاطرة ومدري ايش كمانة :)

محد مكيفو !!!
02 Feb 2005, 07:57 AM
السلام عليكم ورحمة الله وبركاتة
ياهوووووووووه ينمزح اشبك معصبة ياكاكاو
بعدين تسيحي والله محد فحالك
بالنسبة للسماور ترى اختلاف اللهجة والكلمة شي طبيعي
سموار = سماور
كفشة = كبشة
ملعقة = معلقة
شجرة = سجرة

يعني طبيعة اهل مكة لازم يخلفو مطن الحروووف بس هيا هادي الشغلة كلها


ياسالي صحيح معناها الكفشة هيا اللي يغرفو بيها الشربة والمقادم والمسلوقة
الدافور هو اللي كانو يطبخو عليه اول بدل البوتوقاز
وقبلو كمان الطباخات بس هادي عيبها الدخان والكتمة والهبهبة اللي تسويها على النحاس

caco
02 Feb 2005, 02:10 PM
وعليكم السلام ورحمة الله وبركاته
لاتخاف مني معصبة
ولاتخاف حتى لو عصبت ما اسيح
انا جالسة في الثلاجة احتياط
المهم دحين ايش يطلع
هو من اشياء اهل مكة
او انا معلوماتي صحيحة

محد مكيفو !!!
03 Feb 2005, 07:45 AM
السلام عليكم ورحمة الله وبركاتة
على حد علمي مكاوية
وبيني وبينك ترى اغلب كلمات مكة يمكن تكون من لهجات مختلفة بحكم ايام جدنا الخمسطعشر كانو ساكنين
وكل مين يجيب كلمة من بلادو
زي كلمة دقديق يقولو اصلها هندي


طيب الفرفيرة ( مو اللعيبة ) ( حاجة تانية حقت الباب )

بـــحـــرالحجاز
06 Feb 2005, 09:07 PM
اجابة صحيحة بالنسبة للمطبقية يا عم ربيع >>>>مايحتاج ماشاء الله نجي نأكد :)

كاكو ازا احتجتي تستفسري عن اي كلمة من المعروضة فوق يمديكي ترجعي للصفحات الاولانية لانو فيها تفسير مبسط لكل منها


اما (الفرفيرة )






اممممم ماعرفتها خليني اسال عنها اول :)

مـامـا سالـي
07 Feb 2005, 04:02 AM
سلام عليكم...

لا استنا سيدي محد مكيفوا استنا (( انا ماراح اغلطك بس وضحلي اكتر ))

دحينة اتاكدت من ماما عن الدافور كانوا من زمان انشفوا بيلوا الغسيل وماعندي علم انوا كان هوا البوتوغاز

وازا ماخاب ظني (( الفرفيرة )) ياالي تنسك بيها البيبان يا الي دي اليومين تتسما كيلون والله اعلم

طيب ايش هوا (( الكوماج ))؟؟

بـــحـــرالحجاز
07 Feb 2005, 04:19 AM
الكُوماج= الكيكة :)


طيب

الــفَــلَـــكَـــة :)

محد مكيفو !!!
07 Feb 2005, 07:48 AM
السلام عليكم ورحمة الله وبركاتة
ياسالي كيف ينشفو الغسييييل ؟؟؟
والا يجوز كل شي ممكن يمكن كنتو تشغلوه على اقوى شي يسير مع الحرارة واللهب ينشف الغسيل
كلو جايز وترى احيانا في شغلات لها كزا استخدام
الفرفيرة صحيح زي ماقلتي هيا عبارة عن خشبة صغيرة طولها قد الاصباع او زيادة حبتين تتعلق وتتسمر في طرف الباب
ولمن نقفل الباب نرمي الخشبة عليه زي الزرفونة يعني
واول الدنيا اما كنا نرد الباب رد او ساعات يجلس مسرب ومفتوح وساعات يرمو السلك والا لوح ابلكاش علشان العيون الزايغة
والا الدنيا اول اماااااااان وبالبركة

الفلكة
اااااااااااااااااه منها
عبارة عن عصاية طولها زي نص متر لها حبل مريوط بيها من الجمبين
تخش الرجول الله يكرمكم بينها وتنقلب بالعكس وتسير الحبال مشدودة على الرجل
ومعاها عصاية خيزران مزبوووطة علشان تلسع مزبوط في الرجول
زمااااااااااان من العفرتة والشقاوة والفرخنة الله يكرمكم نخش على الزريبة وندعس برجولنا على
الوصخ والمخلفات (الله يعزكم ) حقت الطليان والغنم يسير وقت الفلكة مانتلسع مزبوط وكمان
اللي يضرب قلبو بلعب ويفلتنا وان قال شي نقولو ماشين في الضلام وماندري ايش مرمي على الارض
ونحنا ياغافل لك الله


الهوند

بـــحـــرالحجاز
07 Feb 2005, 11:49 PM
تمااام ماشاء الله عليك

باقي اضيف بس انو الفلكة كانت وسيلة للعقاب حيث كان الضرب فيها على القدم _ أكرمكم الله_ وكثيرا ما كانت تستخدم في الكتّاب والمدرسة زي ماقلنا كنوع من العقاب


أهو أهون من الضرب بالكفوف على الوجه اللي ماشيين بيه البعض الله يهديهم اليومين دي




الهَـــــوَنْــد

اللي هوا ندق بيه التوم

وهوا عبارة عن قطعتين

الاولى اللي نحطها علىى الارض وهيه تشبه الزبدية ولها قاعدةمن الاسفل

والقطعة التانية عبارة عن يد الهوند وهي عبارة عن شكل اسطواني متين ومغلظ من الاسفل

يوضع التوم في ( مايشبه الزبدية ) ويندق بيد الهوند


وغالبا ما يكون الهوند مصنوع من الحجر او الحديد





التَــكَّـــايَـــة :)

مـامـا سالـي
09 Feb 2005, 12:24 PM
سلام عليكم..

طيب يسيدي محد مكيفوا قلت اروح استفسر من ماما زيادة لااكون بافتي قالت انوا بالاخص الغسيل الابيض عشان ابرق والعلط
والله اعطيك العافية على توضيحك :)

بالنسبة لـ ((التَــكَّـــايَـــة))

هو شي انحط اما على الكرويتة او في باطرمت الارض
وتستخد م عشان الواحد اتكي عليها واكوع بالزات بعد ماياكل:)
وتكون قاسية غالبا عشان لااغوص جوتها
وتتلبس ببيوت حلوة وتنحشي اظن بالقطن القاسي (( وترى دا اجتهاد من عندي ))
ولين دحينة موجودة وانقلها بنفس الاسم

طيب ايش هو (( التيزار ))

بـــحـــرالحجاز
10 Feb 2005, 02:59 AM
اجتهاد صحيح :)


التيزار

جمعها تيازير


وهيا حسب علمي زي الخيمة امممممم بصراحة مني عارفة اشرحها بس خليني اضرب مثال

الخيمة عبارة عن جزئين

الجزء اللي زي المظلة ويكون يغطي السقف

والجزء الي يكون محيط بيها داير مادار

هوااا دا بالزبط زيو بس يكون ملووون وهو عبارة عن قماشة متييينة مرة مدعمة بعواميد خشب

وغالبا ما تستخدم في الملكة أو العزا




طيب في كلة صراحة مااعرف ايش معناها فابغى اسال عنها

الجامات :(

مـامـا سالـي
14 Feb 2005, 11:58 AM
سلام عليكم..

مظبوط كلامك على التيزار:)

((ا لجامة )) شوف تناحتي والله كنت عارفتها بس مهي مرتبة في مخي:mad:

اقلك اسال ماما واشوف:cool: غشاشة صح

مـامـا سالـي
15 Feb 2005, 01:28 PM
سلام عليكم ..

شوفي يستي انا حبيت اجتهد شوية وعلى حسب ازا ماخانتني الزاكرة انو الجامة كانوا من زمان احطوها زي الغطوة اغطوا بيها ولها فتحات للعيون وطبعا دي مررررررررة قديمة واظن كانو حريم الهنود استخدموها

حريم الهنود اغطوا (( بس مشي حالك )) :confused:

طبعا انا اجتهدت عشان مرررررررة ماما ماقالتلي يبنت امشي انت فاااضية (( عشنها مشغولة بس ولا انا ماتهزء )):p

وكمانة دا عمو ربيع هيا تعال سبتنا وحوستنا :o


طيب انا اقول ايش هيا (( العُطبة ));;9

محد مكيفو !!!
15 Feb 2005, 05:47 PM
السلام عليكم ورحمة الله وبركاتة
برضكم في الصريخ والمناقرة الله يهديكم
الجامة زي ماتقولو زي البخنق او البرقع كبير شوية ومخرق من قدام زي كأنو محروق بسيجارة
كانو يلبسوه الهنود والباكستانية في الحج لمن يجونا
هو صحيح مايغطو بس يحطو كدة عيااااقة ومرقعة يعني من باب الزينة

العطبة يعني زي الجنازة الممددة
ماتسمعي الناس ساعات لمن يهرجو
والله تعبااااااااااان خشيت رقدت
واترميت زي العطبة مني داري عن نفسي


طيب الكلمة اللي بعدها ( الفراخة البهللة السماجة اللكاعة الهدارة المجاغة ) 6 كلمات عندكم فكرو واكتبو

مـامـا سالـي
16 Feb 2005, 11:27 AM
سلام عليكم ..

طيب كويس اجتهادي ماراح فشوش:cool:

طيب انا اسمع عن العطبة واللي اعرفوا انها زي الخروق لا وكمانة اظن لمن تنحرق على النار تطلع ريحة الله اكرمكم عفنة ولا اي ريحة اقولوا وي كانوا ريحة عطبة

الفراخة. .هو صح نقولها بس معناها الدقيق والله اعلم يعني ازا واحد سوى شي غلط مسلا وهو دا الشي معروف انوا مية بالمية غلط اقوموا اقولوا يواد بلا فراخة

البهللة .. يعني اتبهلل مسلا عارف الجواب بس اسوي نفسوا مو عارف فيقولوا بهللة

السماجة ..يعني مسلا البزرة تقعد تتمسح في امها والام مو فاضيتلها وديكة تزيد وتزيد وتقلها خلالالاص بلا سماجة

اللكاعة .. يعني التباطئ في اي شغل او عمل او اي مصيبة

المجاغة .. يعني تتمجغ (( فسر الموية بالموية )):D

الهدارة ..
مدري كفاية كده افتاء

بلله ايش دا ياسيدي كل مابدي افسر القى نفسي بدي اقول الكلمة الي قبلها كلها تشبه بعض :mad:

طيب من ضمن الهلمة دي (( مرقعة ))

ماراح اجيب كلمة تانية عشان نعرف مظبوط ايش معاني دي

بـــحـــرالحجاز
17 Feb 2005, 07:15 AM
يعني سار الجامات حاجة زي الغطاوي


طب كويس


انا كمان برضو اعرف انو ( العُطبة ) هيا زي ريحة الشي لمن ينحرق ... مدري ازا كان لها معنى تاني زي اللي ذكرو عم محد مكيفو


الفراخة البهللة السماجة اللكاعة الهدارة المجاغة مرقعة

كلها تقريبا كلمات مرادفة لبعض

الفراخة .. زي لمن البزرة تبكي دلع ولا تسوي نفسها متعورة عشان تلفت النظر لها

البهللة.. نفس الشي تقريبا يعني تقريبا زي المزح او العباطة

السماجة والهدارة والمتاقة ... هي تقالة الدم زي لمن يجي احد يستظرف دمو عليك

اللكاعة والمجاغة زي بعض .. زي مافسرتها ماما سالي

المرقعة... الدلع السمج ( هههههه كيفق بس التعريف دا )



طيب


الدّرّبزان

مـامـا سالـي
20 Feb 2005, 12:22 PM
سلام عليكم ..

شوفي يستي الدربزين : هو الي زي السور على طرف السلم الي الواحد امسك فيلوا هوا نازل ولا طالع

طيب اجبلكم حاجة سهلة (( بيت الما )):p الله اعزكم ..

ABU AHMAD
20 Feb 2005, 01:15 PM
ماشاء الله تبارك الله

حجينا ورجعنا والموضوع لسه شغال

يعطكم العافية

امممممممم

خليني القطلي كم كلمة طيب

العطبة

الكلمة دي نقولها لما نشم ريحة شيئ بينحرق نقول ريحة عطبة مرررررررة قوبة ونجلس نشمشم زي أبو كلبشة :D

اما بيت الماء

دا ( الحمام ) أعزكم الله

طيب انا ما تابعت الموضوع بالكامل فلوكانت كلمتي مكررة سامحوني وهاتوا انتوا إلي بعدها

طيب ايش هيا

الكروانة

محد مكيفو !!!
20 Feb 2005, 05:40 PM
السلام عليكم ورحمة الله وبركاتة
حياك الله حبيبنا ابو احمد قلت ايش النور هادا
اترنو جيت وكتبت
قصدك السيد ابو كلبشة الله يغفرلو ويسامحو


الكروانة اللي هيا زي الطشت بس تكون ستيل او بلاستيك
يخمشو فيها الحوايج او يقرضوها
او ينقو الرز والعدس والحمبص بطنها من التراب والوصخ
او يتوضا جوتها سيد البيت او يغسل يدو بطنها
يعني ستين الف مليون استخدام لها

طيب خلينا نغير الهرجة ونجي للمسميات
الشعبنة

بـــحـــرالحجاز
21 Feb 2005, 02:25 AM
تمااااام عليكي يا ماما سالي

بس خليني اضيف كمان

الدربزان في بعض البيوت وخاصة القديمة بيكون من الاسمنت او الجبس يعني من نفس مادة البنا

وفي البيوت الحالية فانه مصنوع من الحديد عبارة عن عدو عواميد مترابطة مع بعضها البعض


وافتكر لمن كنا صغار ونلعب في الدربزان قد اييييييييييه روووووووص اتعزقت فيه سبحان من خرجها :p







اشرقت وانورت يبو احمد

حج مبرور ان شاء الله والحمد لله على السلامة




الشعبنة

وهي أحدى عادات أهل مكة وتتميز بها الليالي الأُخر من شهر شعبان حيث يجتمع البعض من الاهل او الاصدقاء في مكان معين في بعض الاحيان مثلا عند احد بيوت الاصدقاء او الذهاب الى الشعيبة وما الى ذلك ... وتكون اشبه بالقعدة للامبساط والفرفشة والأنس






البازان :)

حلم الليالي
21 Feb 2005, 10:11 AM
البازان البازان البازان ============ بصراحه انا داخله عرض ماني عارفه حاجه
لكن حتعلم الى ان اعلم
والله يخلي عمو محد مكيفو وسيدنا الريس واستيته ملاك
واولكم صاحبه الموضوع استيته بحر الحجاز
وكل من اتحفنا بمعلومات قيمه عن تراث مكه والمنزل المكاوي

اشكركم =========== شارده

مع التحيه
حلم

مـامـا سالـي
22 Feb 2005, 11:20 AM
سلام عليكم ..

شوفي يستي البازان : هو البير وكانوا من زمان كدا كزا واحد مرصوصين جمب بعض واجي السقا واعبي منها الموية واوزع على الناس

وهو الي ازكروا انو بير كبير ومعلق في راصوا بكرة وفيها الحبل وطرفهم مربوط من جهة دلوا والتاني كمانة دلو وكانوا مصنوعين من الجلد

طيب ايش هو الـ (( الِدقيسي ))

اقتراح بسيط يريت ستي بحر الحجاز تعيدي تكتبيلنا الكلمات الي اتزكرت ..:)

ABU AHMAD
22 Feb 2005, 11:39 AM
ماشاء الله البنات مهم مقصرين

الشعبة يبو ربيع هههههههههه والتيس المصروق خخخخخخخخخخخ

الشعبنة هيا تقليد مكاوي يتبعه أهل مكة الله يعمرها

وتكون دايما خرجة لأي مكان خارج المدينة يودعوا بيها شعبان ويستقبلوا شهر الخير رمضان وطبعاً بعده شوال والقعدة والحجة يعني معد ف طلعات غير بعد الحج إن شاء الله

طبعاً هو تجمع للأصحاب والحبايب وزي ما قلت يسوو خرجة واشتهر عند المكاوية المقالب والقفشات في دي الخرجات وبالذات سرقة التيس هههههههههه

يعني يميلوا علي بيت واحد يكون طالع معاهم وبشغلة زناوة يسرقوا التيس حقه ومن غير ما يدري يدبحوا ويصلخوا ويطبخوا ولما يجي وقت الأكل هههههههههههههههه اتفضلوا حياكم الله على تيس فلالالالان وهات يا تفليم وضحك على سرقة التيس

يعني ماهي سرقة قد ماهوا مقلب يفتكروا بيه الخرجة دي ويفضلوا يعلقواعليه لحد الشعبنة الجاية وياترى الدور على مين :d

الله يجازيك ذكرتنا بالشقاوة والتيوس

الدقيسي اعتقد انه انقال قبل كده

طيب الجو جو ايش هوا

مـامـا سالـي
22 Feb 2005, 12:24 PM
سلام..

يسلام الشعبنة فيها تيوس تنصرق:D

وي الدقيسي انقال طيب

هو شي اسوا في الحج لمن تكون البزرة اول مرة تحج واكون عمرها سنة طبعا او ماكملت السنة

واجيبوا شرشف كبير واحطوا في حلويات منها الحلقوم وطبطاب الجنة وكمانة معاها جنيهات وفلوس واسدحوا البزرة تحتوا واطلعوا في وانزلوا فيه ومدري ايش اقولوا نسيت والله..

ماعندي كلمة اخاف اقول تطلع مكررة..;;;5

محد مكيفو !!!
22 Feb 2005, 05:49 PM
السلام عليكم ورحمة الله وبركاتة
هههههههههههه
صار تيس مصروق الله يغفرلنا جميعا
يعني هو زي ماقلت ماهي صرقة بقد ماهي مزحة فيها قليييل مجاغة
يقولو مرة صرقو تيس من بيت عم احمد كتوعة في الشامية على ما اعتقد وطلعو الهدا يتبردو
ودبحو الطلي من غير ما يدري وعلين اكلو ومرمشو من اللحم قالولوه ترى التيس حقك
قلهم ول عساكم البلا البعيد مالقيتو الا هادا الطلي
هاد قبل كم يوم طلعلو البعيد خراااااااج كبير تحت ديسو وعسى يسممكم مالي ومالكم
وشوف الناس كيف قلبها لعب ونقز بلوفهم
وفي اخر السهرة قلهم بمزح معاكم بس حبيت امغص بطونكم شوية
ولا تسأل ايش صار بعد كدة ( علشان الحمام لا يلقط الحب )



الزفة لها معنين اكتبو اللي تعرفوه

بـــحـــرالحجاز
22 Feb 2005, 06:19 PM
هههههه تيس مصروق مرة وحدة


حلوة الحركة يبغالو الواحد يومتها يعبي نفسو يكون الضحية ولا لا يفكر من اساسو يجيب تيس :p



بس من جدطلع زكي الآدمي دا اللي عمل فيهم المقلب وقلهم التيس مريض :d





ستيتة سالي

بالنسبة للبازان فبصراحة ما اقدر اقول صح ولا لا لاني ما اعرفها فحبيت استفسر عنها.. فشكرا ع التوضيح ههههههه وهدية لكي اجمعلك الكلمات تاني ( المرةالجية كل كلمة بريال :p )


الكلمات اللي انقالت الى الآن بسم الله ماشا الله .. اللهم زيد وبارك:

الأتريــــــك

صندوق السيسم

السمواار

الكرويتة

المرش

المفتة

الزير

المرفع

الراديو

المركب

المِروَد

النملية

الدقديق والجرارة

النصبة

البابور

المحماس

السقيفة

البكرج

بنت المنقل

الطيرما

القاعة

المضليون

الدقيسي

الصقرق

المشخص

المخلوان

سحارة

الدندرمة

الناموسيه

الغازية

المشربية

الكفكير

والشوبج

المحط

الكوفلة

بخنق

المبيت

كدادة

المصنف

الدبش

الدحديرة

الزُقْرَة

الكنديشة

الجاروف

الكرباج

البسطون

المحرمة و المدورة

الحنشصة

الهيلمة

الكِبِرتَايَة

الناموسية

التَخْتَة

النَصبة

الكرتة

الــسـُــلْــطَــة

المِـطْـبَـقِـيَّـة

الكفشة أو الكبشة ( حقت المطبخ )

الدافور

الفرفيرة ( مو اللعيبة ) ( حاجة تانية حقت الباب )

الكوماج

الــفَــلَـــكَـــة

الهوند

التَــكَّـــايَـــة

التيزار

الجامات

العُطبة

الفراخة البهللة السماجة اللكاعة الهدارة المجاغة مرقعة

الدّرّبزان

بيت الما

الكروانة

الشعبنة

البازان

الجوجو

الزفة







بالنسبة للجوجو خليني ازيدك من الشعر بيت

هو شي اسوا في الحج لمن تكون البزرة اول مرة تحج واكون عمرها سنة طبعا او ماكملت السنة

واجيبوا شرشف كبير واحطوا في حلويات منها الحلقوم وطبطاب الجنة وكمانة معاها جنيهات وفلوس واسدحوا البزرة تحتوا واطلعوا في وانزلوا فيه ومدري ايش اقولوا نسيت والله..

ماعندي كلمة اخاف اقول تطلع مكررة..


هو غالبا يتسوا للي يحج حجة الفريضة

ودحين سار يتسوى للبزرة البكرية وهيه لساها طفلة

بس طبعا الجوجو موسمو بعد الحج على طول

طبعا بعد ما يتجمعو الاهلية في البيت يحطو البزرة في النص ويلمو حولينها البزورة .. ويجيبو شريف كبير زي ما زكرت سالي يحطوه فوق البزرة زي الخيمة ( يعني اربعة يمسكو كل طرف أو كل مين يحب يشارك ) وطبعا ينترو فوقها الحلويات وغالبا في حلويات نجيبها من النقلي تكون مخصصة للجوجو يعني اكتر حاجة نفتكرها في الجوجو واللي منها البَتَاسَة والحلقوم والليمونية وغيرها كتير من انواع الحلويات والنُقَل ( المكسرات ) ويقعدو يغنو ..

جو جو ... حجّو و جو... ( طبعا بنغمة معينة .. بس مدري ازا لها تكملة )

وبعد ما يغنو معاهم البزورة ههههههه وعينهم حتندر على الريالات اللي بتكون ملخبطة مع النقل والحلويات يقومو بعدين ينتروها فوق الطفل اللي بيعملولو الجوجو وهاتك يا دهييييييييييك كل مين يلحق على حلاوة ولا ريال ولا القرش

وبعد كدا تتجمع الباقي من النقل والحلويات في صحون وتتوزع على المعازيم وتنفرش معاها الصُفَر واللي يسوو كربو واللي يسوي الشاهي .. يعني حاجة خفيفة حقت عصرية :)




بالنسبة للزفة

اللي هيه ساعت الفرح لمن تخرج العروسة يقومو يزفوها اهلها وقرايبها بالطيران المصاحبة لكلمات تناسب تلك المناسبة السعيدة



هيا جيبولنا المعنى التاني :)

محد مكيفو !!!
23 Feb 2005, 07:49 AM
السلام عليكم ورحمة الله وبركاتة
بالنسبة للبازان معناه صحيح
ومعنى الزفة مزبوط
المعنى التاني
الزفة حقت السقا
زي التنكة او البرميل صغير
عبارة عن تنكتين مربوطة بحبل وموصلة بخشبة يشيلها على كتفو وتقعد الزفة مدلدلة على الجمبين
يروح يمليها من البازان ويفرغها في البيوت يعني هو زماااااااااان كان زي الوايت اللهم صلي على النبي
يطلع طلعات وينزل الدحديرة ومحل ما تقولولو روح يروح معاكم وكلو بأجرو على حسب موقع البيت ورزالتو


البقشة

بـــحـــرالحجاز
24 Feb 2005, 11:25 AM
البُقشَة


اللي هيه قطعة من القماش توضع بداخلها الملابس او الاغراض اللي تحب ست البيت انها تحتفظ بيها وترفعها نضيفة وبعد كدا لها طريقة في قفلها

يعني هيه شكلها زي البقشة حقت الحجّة اللي تحط جوتها الحلويات والدقة :)


وكان زمان البقشةدي يستخدموها لوضع الملابس داخلها وخاصة ملابس العيد عشان تكون نضيفة وجاهزة ومكوية



الدّهقنة ... برضو سمعت عنها في مقال هنا وماعرفت معناها :(

مـامـا سالـي
26 Feb 2005, 03:09 PM
سلامو عليكم ..

شوفي يستي الدّهقنة :

مسال بسيط : يعني ابغا منك حاجة معينة اقوم اجي امدحك وازكرك بكل خير واقدم كل شغل خير سويتي عشان تنفزيلي دا الطلب
زي الي نقولها دي اليومي (( فرش ، بوية )) هههههه

ايش معنى (( صهريج ))

محد مكيفو !!!
26 Feb 2005, 05:36 PM
السلام عليكم ورحمة الله وبركاتة
هههههههههههههه
بس ياسالي بلا دهقنة مدري فرش ناااااعمة
والله اللي مضيع الناس اليومين هادي النفاااااااق والفرش خصوصا في الدواير الحكومية

الصهريج الا هو الوايت وناس يقولولو تنكر

ايش ياربي





ايش ياربي





ايش ياربي





ايش ياربي
خلاص زكرنا كل شي في البيت واتنفض معد بقي شي


اييييييوة افتكرت



الكديسة ( اكتر شي يستخدموها الشباب لمن يلعبو الكورة يعني هاداالاسم قديم لشي يتلبس ) خلاص صارت معروفة

بـــحـــرالحجاز
01 Mar 2005, 02:36 AM
لا لسه ياهوووو بدري

في كتير كلمات لسع ما اتقالت



الكديسة



اممممممم








بم انك غششتنا وقلت انها حقت كورة فهي:

يا بلوزة يلبسوها

يا حقت الركب

يا شي يتلف على الراص

ههههههه لاتكون هيه الكورة بحد زاتها




بصراحة ما اعرفها قاعدة أفتي :(

محد مكيفو !!!
01 Mar 2005, 07:36 AM
السلام عليكم ورحمة الله وبركاتة
ههههههه
طيب حاولتي
الكديسة الا هيا الكنترة او الجزمة الله يكرمكم

الكلمات شكلها غلقت والا انا مخي تربس
يالله
السقا

ABU AHMAD
01 Mar 2005, 01:02 PM
السلام عليكم ورحمة الله وبركاتة

ماشاء الله تبارك الله .......... يعطيكم الف عافية

السقا دا إلي يشيل وينقل الموية بالزفة أو القربة أو بالعربية الكرو من البازان للبيوت

الله يرحم أيام زمان

طيب حاجة سمعت عنها قبل فترة وبصراحة انا نفسي كانت غريبة عليا ياليت يعرفها احد فيكم

امممممممممممممم

احتفال يسموه نام نام طلعت سنونه من قدام

هههههههههههههه وكأنها السنون تطلع من ورا

ايش هوا الإحتفال دا ؟

متي يسوووووه ؟

وايش يقولوا فيه ؟

محد مكيفو !!!
02 Mar 2005, 07:43 AM
السلام عليكم ورحمة الله وبركاتة
والله على ما أعتقد لمن يبغو يطهرو الولد:rolleyes:
يلهوه بالكلام هادا والسنون اللي من قدام يعني هيا كناية عن الديلكو :D
والا هيا شغلة تانية الله اعلم بس زي كأني سمعت هادي الكلمات

ABU AHMAD
02 Mar 2005, 10:58 AM
:D:D:D

لا يبو ربيع بالك راح لبعيد ...................... بس حلوة شغلة يلهوه دي


دي شغلة تانية الطهور ما فيه غير العريكة

دي بعد ما يكبر الولد ويصير عمره سنة تقريباً

بالمناسبة هي خاصة بناس معينة من أهل مكة يعني مهو كل أهل مكة يسوها

وأنا والله أول مرة اسمع عنها زي حالاتك بس جلست أحكحك لما عرفت ايش هيا بالضبط

اترك فرصة تانية ولو محد عرفها ليا رجعة مرة تانية

مـامـا سالـي
02 Mar 2005, 12:33 PM
سلام عليكم ..

:D:D:D


طيب انا احاول اسال الي عندي واجيكم ..

مـامـا سالـي
03 Mar 2005, 05:14 PM
سلام عليكم ..

شوفوا يسادة

دا انقال لمن البزرة اسير عمرها سنة واسولها عيد ميلاد

وناس اقولوا لمن نجي ننوم البزرة

والله لسع امس كان خالي مسوي لبنتوا عزيمة عشان سار عمرها سنة ولانوا هيا وبنت خالتها اتولدوا في نفس اليوم

وكانوا كاتبين على الطرطة (( نام نام طلعت سنونو من قدام ))

فرصعت عيوني وقلت ماشالله لساتني ابغا اسال :)

وبس بعدين سالتهم

بـــحـــرالحجاز
03 Mar 2005, 10:07 PM
طيب ما سألتيلنا يا ستو بالمرة مين همه الناس المعينين اللي يسووها وليش الباقيين لا ؟؟ :)

بـــحـــرالحجاز
05 Mar 2005, 02:57 AM
عبال ما تجي سالي خلينانطرح كم كلمة


الشربوش والولاعة


طبعا الكلمتين تستخدم لنفس الغرض والولاعة هنا مهي الولاعة اللي تستخدم في اشعال السيجار

محد مكيفو !!!
05 Mar 2005, 07:47 AM
السلام عليكم ورحمة الله وبركاتة
ههههههههههه
الشربوش لها معنين واحد مررررررة وصخ البعيد
والتاني لأ معناه اللي يتحط على الراص حق الشيشة علشان يولع الفحم شكلو زي المحقن مدغبج ومكولس من فوق
اهااااااااااا
شكلك يابحر تشيشي علشان كدة جيبتي سيرة الشربوش

الطبلية

ABU AHMAD
05 Mar 2005, 11:25 AM
السلام عليكم ورحمة الله وبركاتة


ماما سالي جابت شوية منها

دا احتفال يعملوه اهل مكة بالذات الناس إلي هما من أصل بخاري

لما يوصل عمر المولود سنة زي ما قالت ماما سالي وهوا احتفال زي السابع كده

يحطوا الولد في سرير صغير أو هندول ويحطوا حوليه فشار وأكياس حلاوة

ويجوا الصغار يقولوا حوليه

نام نام طلعت سنونه من قدام ويرشوا عليه الفشار والحلاوة

وبعد كده يوزعوا الحلاوة على الصغار

يمكن يكون في حاجات تانية يسووووها الله وأعلم بس دي المعلومات إلي قدرت أحصل عليها

يعطيكم العافية جميعاً


[line]

طيب يبو ربيع الطبلية

دي طفاية السجاير يقولوا عليها زمان الطبلية


[line]

في كلمة معنى كلمة انا شفت تفسيرها خطاء
في موضوع / مومكن تقولولي ايش معنى الالفاظ دي ...؟
وحبيت اجيبها هنا عشان نعرف ايش هوا المعنى الصحيح

وقبل ما أقول معنها نشوف يمكن احد فيكم يعرفها

يحنجل ؟



وبعدين كل إلي حولينا المكاوية دول بيتفرجوا ............. :(

ليييييه مافي احد بيشارك غير تلاتة اربعة بس طب والباقين فييييينهم :(

محد مكيفو !!!
05 Mar 2005, 05:48 PM
السلام عليكم ورحمة الله وبركاتة

تقلي دحين البخارية يسوو السابع الكداب
مدري أسألي كمانة يحطو مع الفشار والحلاوة شي تاني كمان
يعني مسلا منتو فرموزا
يسير أروح أجوز وحدة والا ليش تلاتة بخارية مرة وحدة يسير كل يوم اكل شكل

طيب فين باقي الناس مايشاركو والله كلامك مزبوط سيدنا ابو احمد
يالله خليني كدة أصن وأصنقر كم يوم يسير يخشو يشاركو

مـامـا سالـي
05 Mar 2005, 06:01 PM
سلام عليكم ..

سار الشغل للبخارية :confused:

والله امكن ماادري ..

طيب دقيقة مو الطبلية هاديكة الي احطوا فوقها العيش من زمان ولا مو


اما (( يحنجل ))

لمن الواحد ارفع رجلوا على ورى واتنيها والتانية عايدية واقعد انقز :cool:

امكن كدة مدري ..

سمراءآخرالعنقود
06 Mar 2005, 12:19 AM
حنجل اظن انها اللعبه الي قلت عليها
بس يش يعني النقل بضم الحروف

بـــحـــرالحجاز
06 Mar 2005, 04:49 AM
أشيش ايه يا عم ربيع الله يسامحك

دا بس لمن شفت الشيشة حقت بابا ( الله يتوب عليه منها ) أفتكرت الهرجة وافتكرت كيف كانت تتدلع ايام زمان وكيف كانو يخلولها في البيت ركنية خاصة بتبسيها والشربوش حقها ( الي حضرتك وضحت معناه ) والولاعة ( اللي هيه زمان كانويخلو حق الجبنةزي كرافت مسلا الحق الحديد يخلوه بعد ما يغسلوه ويستخدمو في الشيشة عشان يولع الفحم )



ومعليش يحنجل فسرتها غلط سامحوني لخبطت بين كلميتن وان شاء الله أعدلها هناك





أم النـُـقُـل فهو المكسرات المشكلة



طيب ايش هوه الـ...الشُقدُف

محد مكيفو !!!
06 Mar 2005, 07:31 AM
السلام عليكم ورحمة الله وبركاتة

ههههههه
طيب معليش ظلمناكي قلعقلي والله يمكن تشربي شيشة من ورا الزير

الشقدف
هادا ياحبايبي عبارة عن بيت صغير اوصندوق كبير من الخشب
ويكون مصنوع من أحسن أنواع الخشب علشان يتحمل الشمس والمطر وتقل الاوادم
وهادا كانو يحطوه على ضهر الجمل كبير يركبو فيه الحريم والبنات خصوصا لمن كانو يحجو او يروحو للمدينة
لو مقعدتين في كل جمب مقعدة من الخشب برضو ويحطو عليها ليانة او حمبل ويترصو 4 أنفار في كل جهة
طبعا حسب الاوادم نحاف والا مدغبجين زي الخراتيت اللهم صلي على النبي مو كمان الجمل لو طاقة
ان زاد عليه الحمل يخنزر البعيد ومايمشي او يمشي شويتين ويرمي الناس
المهم وازا كان فيه بزورة صغار يركبو في الوسط يعني في وسط الشقدف وكانو يغطوه من برا بالشراشف او أقمشة متينة
زي قماش الدوت علشان يتحمو من الشمس او البراد
وكان يحطو سلم علشان الحريم والبزورة يتشربطو ويطلعو


خلاص شكلها الكلمات غلقت


الكرتة

ABU AHMAD
06 Mar 2005, 11:44 AM
بسم الله الرحمن الرحيم

يعطيك العافية يبو ربيع

إضافة بسيطة على موضوع الشقدف اسمحولي بيها

الشقدف طبعاً هو الحامل إلي يوضع على الجمل من الناحيتين وبيصنع من الخشب والسعف زي كراسي القهاوي حقة زماااان

عشان ما يكون تقيل زي ما قال محمد مكيفو بيكون مساحته حوالي 180 إلي 200 سم طولاً والعرض يمكن 70 - 80 سم
ليه رجلين بس من الناحية الخارجية وطبعاً ما ليه ظهر زي كراسي القهاوي وبيحطو عليه زي ما قال ابو ربيع شراشف وخروق عشان الشمس والبرد

اشتهرت عدة عوائل في مكة المكرمة بصناعة الشقادف وكانوا يقولوا عليهم بيت النجار إلي هما بيت عدس الآن عمدة الشعب سابقاً

اتمنى اكون وفقت في الإضافة

[line]

اهوه جوكم عيال وبنات مكة يشاركوا معانا ولالالالا تزعل يبو ربيع

مرحباً الأخت سمراء أخر العنقود

عرفتي معنى النقل بس على فكرة النقل دا يجيبوه في عيد الحج وياخدوه أهل مكة معاهم لمنى عشان يتسلوا بيه أيام التشريق وهوا زي ما قالت الأخت / بحر الحجاز مكسرات مشكلة معاها شوية حلاوة وشوية خرنوب وقعقع وبندق بس غالباً ما يكون مكسر بحباته

هههههههههههههه ياما كنا ننشن بيه على بعض ههههههههههههه الواحد جالس كده ما يلقى غير بندقة قعقعة طررررررررن براسه بعينه خخخخخخخخخخ أيام حلوة ايام زمان كلها فلللللللللللة ومحبة وقلوب طيبة

[line]

الكرته هيا الفستان



طييييييييييييييييب الطاسة معروفة بس ايش هيا طاسة الفجعة ؟؟

مـامـا سالـي
07 Mar 2005, 04:29 AM
طيب انا ملاحظة اني اطنشت ومحد ردلي:mad:

انا الي اعرفوا الطبلية الي كانوا من اول احطوا فوقها العيش هيا ولا لا ؟؟

وبالنسبة (( طاسة الفجعة )) .. امكن تكون من زمان لمن الواحد انفجع كانوا اجيبوا الطاصة الحديد واحطولها زمزم مدري كحل بعدين مدري ايش اسوا

ولمن سالت خالتي قالت .. اجيبوا دي الطاسة الحديد واحموها على النار الين تولع وبعدين احطوا الموية جوتها واشربوها (( عشان تسير موية فيها حديد ))

والله اعلم ..

طيب في مقولة اقولوها الناس (( بعدينة لاتروح تبور البنت )) :Dمتى تنقال وايش معنات (( تبور ))

محد مكيفو !!!
07 Mar 2005, 07:39 AM
السلام عليكم ورحمة الله وبركاتة
لا يا امي لا طنشناكي ولا شي لا تعصبي ولا تدويشينا قيد الواحد اللي فيلو مكفيه

الطبلية زي ماقلتي هسا الخشبة اللي يرصو عليها العيش في الفرن
وناس يسموها الطابونة
وكم يوم سمعنا ناس يقولو عنها الطفاية بس هادي مافد سمعت عنها

وبعدين يا ابو احمد يا استازنا مشكور على الاضافة على الشقدف
ومني داري في شقادف تكفينا دحين والا الجمل يبرك في محلو
وبعدين بيت العدس مو هدول يرجعو هنود
والا بيت ابو عداس المصارية برضهم لهم في الشغلات هادي النجارة والخشب
ياسيدي الله يرحم اللي مات والله يحسن خاتمة الموجودين

طاسة الفجعة زي ماقلتي بس ما يحموها فوق النار يجيبو الطاسة قد الزبدية الصغيرة
ويملوها زمزم ويقرو عليها الحمدو والمعوزات واية الكرسي وينفخو جوتها او يكتبوها بيدهم وبعدين واحد يشرب جوغمة ويبخها على المفجوع (يسير يفجعو زيادة )ههههههههه
ويعطيلو هيا يشرب منها بس لازم لمن تبخو الموية من غير مايدري المفجوع بالحركة هادي


سالي ايش خايفة لاتبوري برا وبعيد
الدنيا ارزاق وقسمة ونصيب
هادي البورة يعني البنت تجلس تتكي عند امها علين يجيها ابن الحلال ويجوزها وازا كبرت شوييتين
معناتو البنت صارت بايرة ومحد يوايق في طختها
وياااما بنات بايرن ومضروبين عند اهاليهم محد قلهم كيف حالكم


الدويخة ( فيلها نشيد كانو يقولو البزورة وهم راكبينها اركب دويخة وسلم على خدوجة ناسي التكملة )

مـامـا سالـي
07 Mar 2005, 11:33 AM
سلام عليكم ..

شوفتوا كيف الدوشة جابت نتيجة (( لفت نظر )):cool:

لا يسيدي ان شالله ماابورررر .. بس الحكاية انو كنا عند جارتنا وهيا سودانية وكنا بنشرب العصير (( وماشالله حاطتوا في كاسات

تقول كاسة جمال )) المهم وماقدرت اكملوا جات شالت التبسي وقالت لماما (( بعدين لاتروح تبور )) وضحكتلها ماما وقالت لايشيخة ..

وبس مشيت من هنا وسالت ماما ايش تبور ماشالله فاهمة لغتهم ..قالت لايبنت افهمك فوق ..وبس طلعنا وفهمتني ..

والله لايبور بنت ان شالله ...:)

الدويخة .. زي الحديدة مدورة كبيرة وفوقها كراسي واجلسوا البزورة فوقها واجي واحد وادور وادور بيدوا .. نقلها دحينة مراجيح

مو زي دحينة الله اعز الحكومة كل شي بالكهربة ..

طيب ايش معنات .. (( مُهر .. إستنبر )):)

وسـيـم بيب بييب
10 Mar 2005, 04:34 PM
سلامو عليكم....

شكرن ستيته بحر على الموضوع .... بس اوحش شي في الموضوع انو انا عامل زي الاطرش في الزفه وفوق كدا حضرتي مشررف اخر واحد ..... انا جا على بالي سوال او اتنين بالكتيررررررررررررررر ابغا اسالهم ... ;;33

كمانا اقتراحك يا ستيته انو يسير قاموس المكاووين اقتراح حلو ..... لا خليني اقولك على حاجه ..... اصلو انتي وعمو كيفو والبشكه الحلوه دي مافش زيكم ..... ناس بركه لانو بصراحه الموضوع دا مره مكيفني .... وخليني اقولك على حاجه كدا اسمعيها مني يا ستيته ..... ازا انتو دا بنسبالكم تحفه وتزكار انا حستعمل كل الالفاظ دي واللي محا يفهم معناها عنو مافهم .... مو زنبي انهم ما اتعلمو :D


1اانا سمعت الصهبه بس ما كانت واضحه .... بس انا كونت ابا اعرف اي حاجه عنها عشان ماني عارف غير اسمها ..... ياعالم امكن اسيب الدراسه واطلع صهبهجي ;;;18


ا2هل موجب يعني اهل واجب صح....؟

ا3يش يعني اهل الحبا والجبا ....؟

ا4لكبت والناري شكلها العاب بس كيف كانو يلعبوها....؟

5شربه مديني مشجره

6ايش الغوله اللي متوسطه الروشان...؟

7وكيف شكلها نصبة الشاهي القديمه...

8دافور نسف شغال ... يعني ايش نسف

9طلعت بشوشتها يعني طلعت كاشفه شعرها صح....؟

10ايش هيا القوبه وكيف يدعكها بتومه وليش يتكحل من بيت وقف....؟

11ايش هيا الشرنقه....؟

12يعني ايش اندارت في زرَنّ التوب .....؟ايش هوا الزرن....؟

13الفتوت هيا الفته حقت الهوى....؟



14يعني ايش ما فاتك جوش....؟

15وكيف شكلو الشاهي بالدوش....؟

16كيف كانت ليالي النامسيه....؟

17والمنفوش ايش هوا.....؟

18ايش هيا القبقبه اللي علجدران......؟


19ايش كانو يحكوكم عن هول الليل والنمنم ابو ديل .... انا اعرف طراطيش كلام بس

20ايش هيا البيشه.....؟

21ايش هيا المشقره

22البسطون قولتوه ايش هيا الكمره

23كيف شكلها بيت المراوح

24المشرب هيا بكسر الميم يعني ايش....؟

25كيف شكلها القفه اللي من السقف مدلاّيه

26بيت البسه حق العيش كيف شكلو....؟

27بيت الملاعق....؟


28كنافه بسقايه وبخاخه يعني ايش....؟

29كيف العيش يبرّد وليش....؟

30ايش هوا الكلأمين عقيل...؟

31كيف شكلها الساعه شيبك.....؟

32تنغش بزوره .... يعني ايش تنغش...؟

33ايش الحناني اللي يسويه الفران....؟

34فوال ومعصره وسمان وشربجي ومطبقاني..... ايش المعصره وايش شغلتو المطبقاني

35كيف كانو يلعبو هز ومركب....؟

36طاره وخيط وابره وكوشتبان ... يعني ايش طاره وكشتوبان....؟


37شايل على راسو شقه يحسبها لخاله أمين عقيله ..... ايش هيا الشقه دي.....؟

38البازار كيف كان شكلو....؟

39دا بيسبسب في كنجه مع انو زي الغوراب .... يعني ايش كنجه....؟

40يطقطق اقر يعني ايش.....؟

41ايش هوا الشرش.....؟

42اللي مشيول سقّاوي يعني ايش.....؟




هوا صحيح كانو حريم زمان ازا يبغو يخطبو لاولادهم يروحو للناس على غفله عشان يشوفو ازا كانو اهل البيت نضيفين ...؟
مو تحفهم مغبره والقومامه ملمومه تحت الكرويته ولا سايبين الكاسات مكشوفه ولا كافيينها على وجهها .... مومكن تحكوني تهاويل تاني اصلو انا احب الحاجات دي .... :d


اللي جاوبتو عليها من اول قولولي انكم جاوبتو عليها ولا تتعبو نفسكم وتجاوبو مره تانيه واللي ما جاوبتوه ازا مافيها كلفه عليكم تجاوبولي عليها ....واللي متجاوب عليها فمكان تاني بس تقولولي فين وانا اروح يا اسيادي....

شوفو مافش مشاكل انا ما ابغا اتعب احد بس ما ابغا حرف واحد من اسالتي تفوتوه طيب حبايبي ..؟؟!!!! ;;33


ابا اسال سوال موهم هوا التاني ...... دحينا الاشعار دي والمجسات غير حقت الافراح في اماكن او اوقات معينه الناس تعملها فيها ....؟ وازا في كيف انا اعرفها ...امكن اعرفها بالفكاكه .....؟ولا اخمن واركب سيارتي وامشي.....؟ولا اطب في حلوق الناس واقولهم ليش ماسويتو السنه دي شعر مكاوي....؟ ;;11

بـــحـــرالحجاز
11 Mar 2005, 01:40 AM
شوفي يا ستيتا سالي انا شاكة في كلمة استنبر فراح افتي امكن يطلع صح اللي في بالي


هوا شي كان يستخدم في القلم الحبر السائل

يعني فاكرين زمان كانت اقلام الحبر تقريبا اغلبها تعبية

واظن اظن انو الاستنبر دا الانبوبة حقت الحبر اللي جوا القلم

اما المُهر فما عرفتها :o



* * * * * *



هههههه ايه دا يا عم وسيم ماشاء الله ما بقيتلنا شي

جا يطل غلب الكل ماشاء الله



شوف يا سيدي اول حاجة خليني اجاوبلك عاللي اعرفه ونخلي الباقي اللي ما عرفناه حبتين بس على جمب عبال ما تجي ستيتا سالي توضحلنا معنى ( المُهر والاستنبر ) عشان لا تتدربك الامور على بعضها :)


الصهبة ... دي نوع من انواع الفنون في المجتمع المكي .. وفي الصفحة الرئيسية للموقع في رابط تعريفي لها :

(((( الصهبه:فن من فنون التواشيح المكيه ...وهي في الاصل صهباء
والصهباء من أسماء الخمر

اما في اصطلاح المكيين فهي فن من الفنون التراثيه التى عرفت
في حقبه من الزمن
وهي من الفنون التى تؤدى في افراح الزواج والاعياد ومن اخـوات
لعبة المزمار
ومن رواد هذا الفن من اهل مكة وجده:المريعانيه عبدالله وصالح
والحوراني والحلنقي وبكر جوجي والوزنه وعبدالرحمن مكي وهولاء
من الطبقة الاولى القديمه ثم جاء من بعدهم :عمر عيوني السيد
علي بن يوسف وسليمان البرج وعلي صائغ وعبدالعزيز محضر الذي
يعد شيخ الركب والصهبه في عصرهوعبدالله مؤمنه ,ابراهيم عسيري
,محمد حبيب,حسن عبدربه,عبدالله بخيت,يوسف مرزا,محمدشعيب
ابولبده,صالح عسيري...وغيرهم

وهذا الفن عربي الاصل والمنشأ ولها مسميات مختلفه تنسب
الى بلدان فيقال: اليماني والمصري والشامي والعراقي وقــــد
يكون اصلها من تلك البلدان ومعظم القصائد المغناه هـي مـــن
الموشحات الاندلسيه لابن خفاجه وابن زيدون وابن الحاجـب و
ابن باحه ومن قصائد الشعراء القدامى ...وقد تختلف الالحان و
الايقاعات في الاداء من بلد الى اخر ...واما الالحان فانها تقــوم
على اساس المقامات العربيه السبعه المعروفه في السلــــم
الموسيقي وهي البنجكاه والحجازي والحسيني والمايـــــه و
الراست والدكاوه والسيكاه والجاركاه )))))


وفي رابط للصهبة ( صوت ) في الموقع .. اختصر الطريق واتفضل شوفو هنا

http://www.makkawi.com/sabiat.htm



ا2هل موجب يعني اهل واجب صح....؟
تمااااام عليك

ا3يش يعني اهل الحبا والجبا ....؟
اهلل الحبا يعني اهل الترحيب بالضيف لأنهم يفرحو بالضيوف جداً فكانت احدى طرق استقبالهم كلمات لها لحن مميز تقال عند رؤية الضيف ( حبا حبا باللي جااااااااااااااا باللي جاااااااا .... يا مرحباااا باللي جاااااااا باللي جااااااا ) وكان الضيف يمبسط بيها لانو يحس انوموضع ترحيب ( وهو فعلا كذلك ) عند اهل البيت


ا4لكبت والناري شكلها العاب بس كيف كانو يلعبوها....؟
هيه فعلا العاب شعبية كانوا يلعبوها الاطفال ايام زمان .. ودي معلومة متخصرة لها ن الموقع برضو

(((( لعبت الكبت:
لعبة يشترك في بضعة اشخاص وينقسمون الى طائفتين ويكونان متقبلين بينهما نحو عشرة امتار ويخطون في وسط الفضاء خطا في التراب فيخرج واحد من احدى الطائفتين الى الطائفة الاخرى ويمد يده باحتراس فاذا لمس احدهم وهرب ولم يمسكوه فتعتبر طائفته هي الغالبة وان امسكوه فتعتبر طائفته هي المغلوبة ))))

اما الناري فأسألك عنها ان شاء الله


5شربه مديني مشجره؟
امممم اعتقد انو المقصود بيها الشربة العادية بس المدينية ( القلّة المصنوعة من الفخار ) وبتكون مزخرفة


7وكيف شكلها نصبة الشاهي القديمه...
طربيزة صغيرة من الخشب وبها بعض الادراج الصغيرة بالاسفل ومرايه من الاعلى
يعني زي ماتقول كدا تشبه التسريحة بس بشكل مصغغغغر ويفرشو فوقها مفرش ( تعرفواهل زمان كيف كانو متبتبين ومرتبين في كل شي ماشاء الله )
اما دحين فمتلاقي منها غير الحدايد على شكل تبسي ( لونودهبي او فضي ولا نحاس ) ومرفوع بقوائم من الحديد فقط


9طلعت بشوشتها يعني طلعت كاشفه شعرها صح....؟
صحيح والشوشة غالبا ما تنقال للشعر المنكوش والمنبش

10ايش هيا القوبه وكيف يدعكها بتومه وليش يتكحل من بيت وقف....؟
اعتقد انو المقصود هنا القورة اللي هيه الواحد لمن يتفقش في حاجة تطلعلو زي الدرديمة في نافوخو فيقعد يدعكها بتومة


13الفتوت هيا الفته حقت الهوى....؟
وفمك الصادق يا ولدي هادا نوع من انواع العيش يجيك كدا اقراص واسمو فتوت على مسمى لانو من كتر مهو طري زي القطن يتفتفت في يدك لمن تاكلو


15وكيف شكلو الشاهي بالدوش....؟
هادا ياسيدي شكلو كدا شاهي زي الشاهي اللي نشربو بس يتحط معاه ( دوش ) وهو نوع من انواع الاعشاب العطرية يدي نكهة مميزة وريحة تجنن للشاهي ( يعني زي النعناع والحبق )

16 كيف كانت ليالي الناموسية ؟
الناموسية يا هيه عبارة عن قطعةقماش كبيرة تشبه التل وتكون مدعمة من الداخل بحدايد وشكلها كدا شبه الخيممة ولها باب
يستخدوما الناس لمن ينامو عشان تبعد عنهم الناموس والحشرات التانية ومن هنا جا تسميتها بالناموسية وكان في منها احجام في للكبار وفيه للبيبي الصغاار
اما ايش المقصود بليالي الناموسية اقولك يا سيدي
دا واحنا صغار لمن كانت جدة تبغى تنومنا واحنا كنا ماشاء الله بزورة زي العفاريت نبغى نلعب ما نبغى ننام فتقوم تنصبلنا الناموسية دي يعني زي ما تقول كدا تلفتنا وتشجعنا على النوم بدري ولها باب برضو من نفس الخامة حقتو فتقفل علينا الباب وتروح هيه بعيد يعني يعني انها خلاص مهي شايفتنا
وعاد ساعتها يحلى اللعب والشيطنة والفورة مع بنات العيلة واحنى متلمين جوتها
يعني ليالي لها نكهة جميلة ما ينساها اللي اتربي عليها

17والمنفوش ايش هوا.....؟
دا يا سيدي نوع من انواع الكربو
لا
دا ابو الكربو كلو
عارف الكربو اللي زمان كانت تبيعو الحجة بالحمر والدقة

الابيض يا شيخ اللي حوافو حمرا
ايواااا هوا دا
بس انو قدو خمس اضعاف مرة كبييييييييييييير بس خفيف
افتكر انو كان ينباع في سوق الخيمة برا اللي كان مقام في الطائف

18ايش هيا القبقبه اللي علجدران......؟
مع الرطوبة في الحمام الله يكرمكم والموية يسير في الجدران زي ما تقول كدا نفافيخ من نفس البوية حقت الجدر عارف كيف
هادي النفافيخ اللي تسببها الرطوبة يسموها قبقبة .. كنا واحنا صغار نستناها زي موسم الحبحب ههههههه عشان ننسمها وعاد اتخيل كيف يسير شكل الجدر ساعتها

19ايش كانو يحكوكم عن هول الليل والنمنم ابو ديل .... انا اعرف طراطيش كلام بس
امممم خليني احكيك عن شي من لاشي
يعني مسلا البزرة لمن تعزب امها في النوم وما ترضى تنام تقوله نام لا تجيك عافية ربي ههههههه يقوم هوا يخاف قلو عقلو دا غول ولا ايش شكلو وينام
اما النمنم دا ابو ديل ( ههههه مهجد الاطفال ) ياسيدي كانت خرفاة طلعت اياميها واستغلوها الكبار فينا احنا الصغار الضعايف احباب الله هههههههه لا وما يفجعونا بيها غير وقت النوم اقولك كيف كانوا يصورولنا هوا

واحد بني آدمي مسخوووط ليلو ديل طويل وليلو انياب وشعرو منكوووش وعيونو حُمُر مفرصعة وما ياكل غير البني آدميين

32تنغش بزوره .... يعني ايش تنغش...؟
يعني زي النافورة بس تنبت بزورة ماشاء الله

33ايش الحناني اللي يسويه الفران....؟
اعتقد انو نوع برضو من انواع العيوش

34فوال ومعصره وسمان وشربجي ومطبقاني..... ايش المعصره وايش شغلتو المطبقاني
المعصره اعتقد برضو انها اللي كانو يعصرو بيها الفواكه يسووبها عصير او سوبيا
اما المطبقاني فدا اللي يسوي المطبّق

35كيف كانو يلعبو هز ومركب....؟
يجيبو قطعة خشب يعلقوها بحبل متين على سجرة كبيرة شوية طبعا من الطرفين ويركب فيها الطفل ويمرجحو ( يعني زي المرجيحة )
وبرضو المركب زي حكاية المراجيح العادية دحينا بس انها كانت على شكل مركب ( زورق ) وطبعا مصنوعة من الخشب ودعامتها خشب برضو

36طاره وخيط وابره وكوشتبان ... يعني ايش طاره وكشتوبان....؟
الطاره هادي اداة من ادوات الخياطة عبارة عن قطعة خشب شكلها مدورة ومفرغةمن النص يتحط بداخلها قطعة القماش عشان تمسكها وما تحرك القماش كل شوية وبالتالي يسهل عملية سرعة الخياطة
اما الكشتبان فدا يا سيدي اللي تحطه الحرمة اللي تخيط في أصباعها ويكونمصنوع من حديد عشان لمن تجي تشبك الخيط في الابرة ما يجي على اصباعها يسير خلاص قيدومغطى بالكشتبان


38البازار كيف كان شكلو....؟
اما البازار فأعتقد انو زي السوق كبير شوية وليلو مواسم مو في كل وقت

40يطقطق اقر يعني ايش.....؟
الأقر اللي هوا الجلي بس اظن برضو انو المقصود هنا اللعبة القيدمة برضو اللي كانت تبيعها الحجة ( تعرفو كنا مقاولين مع الحجة http://www.al-sakher.com/vb2/images/smilies/tongue.gif ) عبارة عن كورتين قوية ملونة حجمها صغير شوية مربوطين ببعض بخيط يمسك الواحد بالخيرط من النص ويقعد يطقطق في الكوررتين ويمبسط بالصوت اللي يطلع منها

41ايش هوا الشرش.....؟
هههههههه فينو سيدي حسام يشرحلك هوا
الشرش زي ما تقول كدا أكلة بس كيف يسووها
لمن يجي يسوو الجبنة من اللبن حق الماعز يحطوها كدا في شاشة كبيرة يغطوها بيها ويخلوها زي البقشة مربطة مزبووووط ويسيبوها كدا مدري كم يوم الين تنزل الموية اللي جوتها كلها ويسير اللي جوةالخيشة جبنة
طبعن يكونو حاطين تحتها زبدية كبيرة
المهم الموية دي اللي تتجمع او خلينا نقول ( الخُلاصة حقتو ) هيه الشرش
وزمان كانو ياكلوها في العصرية يغمسوبها الفتوت او أي عيش



هوا صحيح كانو حريم زمان ازا يبغو يخطبو لاولادهم يروحو للناس على غفله عشان يشوفو ازا كانو اهل البيت نضيفين ...؟
مو تحفهم مغبره والقومامه ملمومه تحت الكرويته ولا سايبين الكاسات مكشوفه ولا كافيينها على وجهها .... مومكن تحكوني تهاويل تاني اصلو انا احب الحاجات دي ....
ما ادري صراحة عن صحة المعلومة دي بس اعرف انهم لمن يزوروهم او حتى لمن يجوهم قبل ما يدوهم خبر انهم بيخطبو يعرفو من البيت كيف ازا كان نضيف ولا لا

وازا تبغا تعرف اكتر عن العادت اللي زي كدا تقدر تزور موضوع عم بشكة ( كلاكيت مكاوي ) موضوع مميز ان شاء الله تلاقي فيه اللي يستشكل عليك



ابا اسال سوال موهم هوا التاني ...... دحينا الاشعار دي والمجسات غير حقت الافراح في اماكن او اوقات معينه الناس تعملها فيها ....؟ وازا في كيف انا اعرفها ...امكن اعرفها بالفكاكه .....؟ولا اخمن واركب سيارتي وامشي.....؟ولا اطب في حلوق الناس واقولهم ليش ماسويتو السنه دي شعر مكاوي....؟

المجسات معروفة انها للمِلك والافراح
اما بقية الاشعار وغيرها من الاناشيد القديمة فليها مواضع كتير ممكن تنقال فيها زي مسلا السابع او الرحماني... الجوجو ...

ABU AHMAD
11 Mar 2005, 05:51 AM
ماشاء الله تبارك الله

ايه دا خليتها نشرة جوية يعم وسيم

طيب استيتا بحر

المُهر = يعني الختم

الإستمبر = دا يعني والله وأعلم كده هوا البوية البلاستك

نجي لعم وسيم طاط طاط

انا حصحح بعض إلي قالته استيتا بحر الحجاز

وفي كلمات ما عرفتها والله

نشوف كده

ا4لكبت والناري شكلها العاب بس كيف كانو يلعبوها....؟

كبت وليري مش ( ناري ) دي العاب قديمة صعب شرحها تفصيلاً العم عبدالله با خذلق شرحلنا هيا في الإجتماع السابق إن شاء الله نحاول ننزل شرح ليها في الموقع ونعطيك الرابط حقه

10ايش هيا القوبه وكيف يدعكها بتومه وليش يتكحل من بيت وقف....؟

القوبةهيا ورم أو خراج يطلع في نهايةالرأس من الخلف كده كانوا يقولوا عليه من العين كفانا الله وإياكم شرها
وكانوا يدعكوها بالتوم عشان تروح

اما الكحل من بيت وقف دا لما يحس الواحد بالعين يروح ياخد من تراب اي بيت وقف ويتكحل بيه ناس كانوا كلهم بركة

20ايش هيا البيشه.....؟

البيشة يعني الطرحة إلي يغطوبها وجههم


21ايش هيا المشقره

المشقرة هيا إلي يستخدموهاالحريم ينتفوا بيها شعر الوجه كانوا يدقوا الفخار ويحطوه على الوجه شوية كده زي البودرة عشان تبين الشعر ( الزغب على قولهم ) وبعد كده بالمشقرة ينتفوه هيا حديدة كده زي المثلثة من قدام وليها يد خشب صغيرة تتمسك منها


22البسطون قولتوه ايش هيا الكمره
البسون العكاز

الكمره = ما ادري ايش تقصد بيها لو تجيب النص كامل أقلك عليها
في الكمر إلي ينحط بالوسط زي الحزام كده
أو انهاالكاميرا حقت التصوير

23كيف شكلها بيت المراوح
دا أظن كيس قماش يعلقوه بالجدر ويحطوا في المراوح


اما دي إلي كيف يبغالها شرح طويل


32تنغش بزوره .... يعني ايش تنغش...؟

يعني مليانة بزورة

33ايش الحناني اللي يسويه الفران....؟
الحناني دا عيش صغار يفرحوا بيه البزورة يقلك سويله حنينة يقسم الفران القرص لإثنين ثلاثة ويفرده ويخبزه يطلع قرص صغير هوا داالحنانة

34فوال ومعصره وسمان وشربجي ومطبقاني..... ايش المعصره وايش شغلتو المطبقاني

المعصرة هيا معصرة السمسم إلي يطلعوا منها زيت السمسم والطحينة كانت المعصرة تشتغل بالجمال أو الحمير أكرمكم الله

37شايل على راسو شقه يحسبها لخاله أمين عقيله ..... ايش هيا الشقه دي.....؟
شقة يعني طاولة عيش

38البازار كيف كان شكلو....؟

دا سامه البازان مش البازار
البازان دا إلي يعبوا منه السقاية الموية ويودوها للبيوت

الشرش
هوا موية الجبنة المالحة
بس اعتقد ان المقصود الشرشو
ودي ( القثة ) يقطعوها ويعملوا شوية خل مع موية وملح ويغمسو فيها القته وياكلوها

هيا لو نسينا شي قوله عشان نقلك ايش معناه
بس في كلمات اعتقد انك أخطاءت بنقلها
يبغالي اراجع القصيدة وأشوف ايش هيا

تحياتي

محد مكيفو !!!
11 Mar 2005, 08:09 AM
السلام عليكم ورحمة الله وبركاتة
ماشاء الله تبارك الله
كفيتو ووفيتو
ليا كم يوم الموضوع اظنو معلق مدري عن ساعة اختو
المهم اللي أتفضلتو بيه مزبوط مية المية
وانت يا وسيم يبغالك شغل علين تقول اميييييييييييين
بس لقطت الكوبيبة من فم القدر اشكل الكلمات ناقصة حروف او مكتوبة غلط

بالنسبة للإستمبر ياسالي زي ماقال حبيبنا ابو احمد هيا البوية
وإضافة بسيطة تاخد من الزيتي اللمعة حقتها وملمسها ناعم زي البلاستيك أو بالدارج باغة

المهر هو الختم وكمان يقولوه على الحصان الصغير

وسيم بواري

دافور نس شغال اظن قصدك نص شغال يعني هادا لمن يتكب موية او اي شي سايل على الدافور فيولع من جمب وجمب يجلس يفرفر من قوة اللهب علين يرجع يشتغل من حالو

الغولة اللي وسط الروشان أظن قصدك اللولة هيا زي الطاقة الصغيرة في نفس الشبك حق الروشان
شي يجي سادة وشي يجي زي الشبك بالخشب ومربوط من النص بعصاية ترفعها على فوق معد تشوف الناس اللي
برا ولو نزلتها في نص تشوف الناس يعني الحريم اول كانو يوايقو منها على البزورة وبالزات كمانة لمن يجي العريس يخطب تلاقي الحريم متكومين زي الضر ويجلسو يوايقو منها

الشرنقة هيا الابرة اللي تخاف منها ههههه
هادا الاسم القديم لها وناس تسميها برواز
زي قضية المكركون كانو يقولولو أول تـنـتريون
شفت كيف اسامي من تحت الباط على قولهم

اندارت في زرن التوب معانتو كناية عن الحرمة النحيييفة يعني يمديها تندار وتمبرم جوة التوب من نحفها
وبرضو ينقال عن الرجال

مافاتك الجوش
الجوش نوع من المزمار وفيلو القدح بالعصيان والمفلت والتمبل اللي تطيح منو العصاية
يعني افضل طريقة لمسك العصاية من النص او بزيادة شوية وتمسكها بين التلاتة الاصابيع الوسطانية
وتخلي اصباعك الكبير والصغير هو اللي يتحكم فيها يعني هيا مسكة صعبة وان مو حرييييف في اللعبة ياخدو جوش على الماشي وياسلااااام على المزمار شي رجج

الدوش طعمو طعم مع الشاهي وكانو يغنولو غناية ( يادوش على الشاهي عجب )

المنفوش هو زي الكربو بس اطعم ستمية وخمسة وتمانين ألف مرة كدة كبير وابيض قد التبسي
ويكون ملحو قليل وأشهر اللي كان يسويه اليمنة وكانو يدورو يبيعوه بقرشين للحبة دحين برضو ابو حرب اللي في الكعكية يسوي منفوش حبتين بخمسة ريال لاكن مو مزبوط طعمو كدة مااااتق وماصخ حاشا نعمة الله

هول الليل هادا مايشوفوا الا اللي نجمو كشاف ومايطلع الا في الليل وفي الاماكن الخلا يعني زي ماتقول انت
لمن تروح على المدينة الطريق طويل وفي اماكن تلاقيها مضلمة مرة لكن رغم كدة تلاقي انوار من بعيد ولمن تقرب تختفي وتروح أفتكر مرة واحد ركب معانا زماااااااااااان وكان جيعان والجو بارد قلنا ياهووووووه بس خلاص
ترى والله تعبنا خلينا نجنب على جمب ناكل وبعدين نكمل ونحنا ماشين صرخ الادمي
وقال وقفو وقفو وقفو شوفو هناك في قهوة مدري استراحة وجلسنا نضحك عليه قلنالو هادا هول الليل
سمي بالرحمن ويروح الا الادمي انفجع وجر الشرشف وانخمد من الفجعة وماصحي الا في المدينة مفزوز
علشان كدة زي ماقال حبيبنا اللهم صلي وسلم عليه السفر في الصبح بدري افضل من الليل

وحتى النمنم هادا مزبوط حقيقي كان موجود وياكل في البزورة الصوغار وكمان كانت موجودة الدجيرة
وحبيب قلبي عرفتو الا هو ( حبمبا اللي يولع اللمبة ) هادا غرااااامو بيض الكوكو
شكلك دحين معد تندر في الليل هههههههههه مالي ومالك سمي بالرحمن ومايجيك شي

بيت المراوح وبيت الملاعق الا هو زي البيت يحطوها بطنها علشان يمسكها وما تتشعتر وتضيع يمين وشمال

الساعة شيبك اظن قصد ابو شبك هادي زي ساعة الندول الخشب بس فيلها شبك من الجمب ينفك ويعايروها ويملو الزرمبرك حقها مو زي دحين كلها حجااااار

اللي مشيول سفاوي اظن قصدك اللي مشتغل سفاوي هادا اللي غرامو السفوف بس يسف ويبلبع ان ما حصل شي يسفو يسف تراب من الارض ههههه

اما حكاية الخطبة مزبوطة
بل بعضهم يشوفو ويدققو حتى في كاسات العصير والشاهي ازا شافو من برا او جوة التبسي حق التقديم نقطة موية
يعرفو انهم مخمجين ودوبهم غسلو الكاسات وما مسحوها طيب
بل من العادات او التخاريف احسن ساعات يطبو عليها قريب المغرب او بعد المغرب يقلك علشان يختبروهم
ازا مسكوهم على العشا معناتو ناس كرماء وازا فلتوهم يعني بخلا ويغسلو يدهم منهم

وسـيـم بيب بييب
11 Mar 2005, 04:13 PM
سلامو عليكم.....


يالله يجماعه ماني عارف اودي وشي منكم فين.......؟

روح عمو كيفو انشالله ياربي ينتخبوك ريس البلديه حتى لو راحت عليك نومه وماروحت ..... على فكره اطمن انا عملت البطاقه وسويت قماشه كبيره وكتبت عليها انتخبو عمو محد مكيفو لتنعمو بحياه اطعم ...... بس نبغا صوره ليك يسيدي . ;;33


اما ستيته بحر انشالله ربي يديكي ولا يحرمك من اي حاجه ..... بس خلاص يا استيته دحينا الحجات الجداد دولا بطلو يبيعو المنفوش ..... سار في منهم يا استيته يجو عند المدرسه زمان ويبيعو منتو ..... وي ملخبط انا بين المنتو والفرموزه ايت فيهم المجغه اللي تتفك اللحمه المفرومه منها ..... الموهم تحطها فكيس الخضار الصغير وعليها شطه وجوتها تلاته حبات بريال يا استيته بريال .... نجبلك يا استيته ازا تقدري تاكليها ..... بس الطعامه فين ... قولولي فين ... انا اقولكم ... الطعامه في انكم تخرقو الكيس من تحت وتاكلوها زي كانكم بتاكلو دقه .... تقعدو كدا تفعصو وتفرصو وتطلعلكم على قد الخرم اللي خرمتو .

شوكرن سيدي ابو احمد يا مكاوي يا اصيل على الجواب الوافي حقكم .... وانشالله يد ما اعدمها انتو ناس كدا (طالعو في الايقونه حقت الرد )

محد مكيفو !!!
12 Mar 2005, 07:25 AM
السلام عليكم ورحمة الله وبركاتة
ياحبيبي وسيم الشكر لله
ولاشكر على واجب
وانا تحت امر وخدمة المكاوية على قد ما الله يقدرني
طيب رشحتني للأنتخابات البلدية فيك الخير والله
بس خلاص راحت علينا ودخل فيها فلان وزعطان


دحين نجي ل ( السمسمية )

مـامـا سالـي
12 Mar 2005, 01:12 PM
وه اخيييييييييييييييييرا على قول سيدوا معلقة الصفحة

وه يندامة مو راضية تنفك

صحيح زي ماقلتوا عن المُهر والاستنبر (( بس الاخيرة دي اللي اعرفوا انوا هوا شبه الحبر كمانة )):(

ماشالله ياوسيم (( كلمات بجمل وحركتات )):D

السمسمية .. اعتقد انها الحلاوة ديكة المتغطية كولها بالسمسم وطعمها كلوا سمسم كمانة :D

طيب ايش هيا (( القصبة ))

وسـيـم بيب بييب
12 Mar 2005, 03:53 PM
سلامو عليكم.....


لا يماما سالي مو كدا الحكايه لا ..... انا جبت الكلمات دي من الاشعار الحجازيه اللي في الصفحه الاولى ...... بصراحة ربنا يماما سالي انا لما سمعت الاشعار دي ماحبيت بس اتعلم الالفاظ القديمه حقتنا ..... ابغا كمان اتعلم العادات والاخلاق اللي موجوده فاهل زمان .....كدا لما بسمع كيف كانو زمان احس انو راصي بتكبر انو انا اجدادي كانو كدا ...... ادخولي اسمعيها ازا ماسمعتيها وادعيلي بعدها ... بس لاتدعي ربي يجوزني


معليش مااعرف ايش هيا القصبه .....

لسع بتعلم ;;33

ياريت ياعمو كيفو لو تقدر انك ماتخلي البلديه في يد ناس ماتسوى ساعتها من جد تكون قدرت تخدم المكاويين .... تعرف يا عمي .... المال مال ابونا والناس بيضاربونا ..... لو انا ادخول البلديه والاقي اللي بيشتغلو فيها مكاكوا وبرضو بيبهدلوني حلو على قلبي ..... بس تعال شوف مين فيها ...وانتا سيد العارفين طبعا... هوا تلاقيه بيقول لا البلد بلدي ولا الناس اللي فيها يخصوني وجلد مو جلدك جر عليه الشوك

بـــحـــرالحجاز
13 Mar 2005, 03:43 AM
القصبة أعتقد انها الكرتة المكية القديمة بتكون مطرزة بالقصب اللي هواعبارةعن خيوط دهبية اللون مصنوعة من القصب



طيب ايش هيه القــوَّارة :)

محد مكيفو !!!
13 Mar 2005, 03:47 PM
السلام عليكم ورحمة الله وبركاتة
مزبوط يا سالي
وكمان السمسمية هيا زي العود ( تنكة زيت وكم خشبة واسلاك وتر ) هادي يايعني سمسمية حقت البيت
والا المزبوطة شكلها حلو وجخ

يا حبيبي وسيم والله نفسي ما أخلي بيت في مكة يحتاج عود كبريت
بس ايش تسوي في الدنيا هادي اللي حكم القوي على الضعيف
ايام غبرة من جد كلها مصالح ونفاق ووصخ دنيا
لا وصارت كلمة الحق تزعل وتسير بطال في نظرهم
يعني قبل كم يوم مريت من واحد مراقب حق شركة حقت الحفريات وجالس انا وهو بنهرج أجيلو يمين يجيني شمال
المهم قفلت عليه وصكصكت الهرجة من كل جهة قلي ياعمي تراك منت هين خليني في حالي مني قدك
قلت والله لو مسكت منصب البلدية ماراح أخلي الا 10% من الموظفين والباقين أمسكهم الباب
والله يرحم زمن اول خلاص لاتقلبو المواجع على قولهم يالله عقبال ما نفرحبك وتاخد الشهادة الكبيرة وتسير مهندس
ان شاء الله وتسويلي بيت حلو بس يكون كبيييييييييييييييييير في الشامية او في الفلق او في القرارة
يعني بالمشرمحي عمارة 20 دور
ههههههههههههه


الـــقو ادة
هادي سبة الله يهديكي يابحر الحجاز كيف بدي اشرحها بعدين تقولوا هادا يعلمنا البجاحة
والا مووووو
ورغم كدة هادي هرجة او سبة دارجة في المكاويين القداااااااااام وفي زي هادي الكلمات كتيرة ودارجة بين الناس


الفانوس

بـــحـــرالحجاز
14 Mar 2005, 02:11 AM
الله يهديك ياعم ربيع يعني بالله بدي اكتبلكم كلمة بطالة لا سمح الله


بعدين ياسيدي القوّارة دي اللي هيه الشربة لمن ينكسر راصها يسموها قوّارة



طيب معليش الفانوس اللي هوا الاتريك اتكلمنا عنو


ايش رايك تدينا كلمة تانية من غير أمر

محد مكيفو !!!
14 Mar 2005, 01:29 PM
السلام عليكم ورحمة الله وبركاتة
ههههههه
ياستي صلي على النبي العتب على النضر
وانتو ماشاء الله تكتبو بخط زي الدقة مدقدق

التعتيمة

كلام قديم
14 Mar 2005, 03:03 PM
تحية معطرة بذكر الله

طيب ايش هيا التخته والمشربية والكشكبان هيا ياعم وسيييييييييييييم بواري على قول عم ربيع

وتسلم


ارجوك صلي على النبي

بـــحـــرالحجاز
15 Mar 2005, 07:40 PM
اللهم صلي وسلم على سيدنا محمد

التعتيمة

اللي هيه زي مانقول دحين ( وجبة خفيفة ) وغالبا ما كانت تنحط في العصرية يعني زي النقنقة


يا هلا وسهلا بالكلام القديم معانا هنا نتنمى نشوفك دايما ان شاء الله

بالنسبة للتختة والمشربية فسبق وشرحناها

أما الكشكبان فأظن قصدك الكشتبان اللي هوا أداة تساهد في الخياطة


طيب مين يقولنا ايش هوا ( الجـــردَل )

وسـيـم بيب بييب
15 Mar 2005, 08:58 PM
سلامو عليكم ..... :)


ول.... اخيرا لقيت كلمه اعرفها ...... الجردل داااه ي ستيته ...... خليني اكبرلكم فيه شويه عشان يعنينّي سويت حاجه ;;33 .....الجردل هوا هداكا السطل اللي يتعبى مويه لما كانو الحريم زمان :confused: ..... الله يرحمك يزمان ..... يغسلو ارضية البيت بس اظن اللي يكون حديد مو بلاستيك ......

عمو انا زعلان منك ..... كل الكلام اللي ابغا اعرفو الاقيك ترميلنا كلمه منو وماتقول الباقي ..... يا عمو في ناس هنا عطشانه للعلم :D ..... ايش في غير قواااااااااااااااده .....؟؟؟!!!...... ;;33

طيب ايش هيا الكنجه...؟

بنت مكتنا
15 Mar 2005, 09:09 PM
السلام عليكم ورحمة الله وبركاتة

بما اني اول مرة اشارك في الموضوع

الكنجة ؟!!


اممممممممممممم :confused:




والله ما ادري خلي سيدي محد مكيفو ولا سيدي وسيم طا طا ولا سيدي ابو احمد يقول 0000





أبغى اعرف ايش يعني الدقديق؟!!





تحيااااتي: بنت مكتنا

وسـيـم بيب بييب
16 Mar 2005, 12:45 AM
سلامو عليكم.....




هشششششش لاحد يقولها انا اقولها ..... هيا شوفي يختي .... الدقديق داااه هيا زي البطانيه بس تفرق شويه ..... سالتيني تفرق من نحية ايش ..... تفرق من نحية انو الدقديق اتقل من البطانيه ...... يعني حق براد اكتر شي ........ زمان لما كونا صغار كونت بعد ما اكل واملي العدوه امسح ايدي فشعري او البطانيه .... بس خلاص كبرت وانشالله ازا اتجوزت بره وبعيد حمسح ايدي فشعر مرتي ..... ايش هيا مرتي بالاسم وخلاص...؟؟!!!!!!!

محد مكيفو !!!
16 Mar 2005, 09:28 AM
السلام عليكم ورحمة الله وبركاتة
التعتيمة يا بحر هيا العشوة الخفيفية
يعني اللي مافيلها زفر ودهن يسموها تعتيمة
وتتكون من ( جبن زيتون شريك حلاوة مخلل أمبة قرن فلفل وراص بصل )

ياوسيم طيب عرفت معنى الجردل بس جردل زمان كان مصنوع من الجلد المقوى مو زي دحينة بلاستيك وحديد
الله لايجيب الزعل يا وسيم تقلي متعطش للعلم
ما تسيبك من البهللة والفراخة حقتك يعني مسوي مايعرف شي
والحق عليك ليش ما تتكي عندنا في المركاز وتسمع الكلام اللي يحبو قلبك
ههههههههههههه

وبعدين برضك في اكل الكلام ولقط الكبيبة من القدر
ايش هيا الكلمة اللي تقول عليها اظن قصدك الكمنجة
الا هيا الكمانة جرم خشب وفيلو اسلاك وتر وتندق بخشبة طويلة
واحد بيقلي كنجة مدينة في المغرب قلتلو لأ هديك طنجة


خلاص شكلو الكلمات غلقت والبيت نفض كمانة



أيش نديرها سفاااااهة يعني





يالله بسم الله نبدأ






















ههههههههههههه














مالي ومالكم























والا أقلكم أفتكرت شي طيب
الخلخال

مـامـا سالـي
16 Mar 2005, 10:04 AM
سلام عليكم ..

هههههههه :Dلا يستيتا بحر القصبة هيا يستي الله اكرمك في الحمامات لاصق فوق الكرسي حق الحمام شي مبني في الجدر بطول جدر الحمام ..قده بنى عريض تمر خلاله الفضلات من الحمام الي فوقوا وتنزل على الي بعدوا ...

الخلخال .. الي هوا اتلبس في الرجول (( طبعا رجل وحدة )) ..وهيا زي السلسة بس خاصة للرجل .. واطلع منها صوت رنرنة (( طالعة الموضة دحينة ))

طيب ايش هيا (( المصروقة ))

وسـيـم بيب بييب
16 Mar 2005, 05:58 PM
سلامو عليكم......


لا يا عمو كيفو دي المره متاكد ...... في الشعر سمعتها ..... كان بيقول: ودا قاعد يسبسب في كونجه مع انو زي الغراب....

هوا صحيح انو ام طقه ازا سالتها نروح المدينه تهز راصها.....؟لاني بسمعها كتير .


ماما سالي دايمن بتسال اسئله ماعرف جوابها ;;33

بـــحـــرالحجاز
17 Mar 2005, 02:20 AM
يا هلا والله ببنت مكتنا

هيا شوفي يا ستي ماشاء الله عم وسيم جاوبلك هيه وقال ايه عاملنا فيها لساتوسنة أولى بالصلاة على النبي اتاريه مقطع السمكة وديلها في الكلمات :p

الجردل صحيح زي ما زكرتها واضاف اليها عم ربيع انها كانت تتعمل من جلد الحيوانات



ومعليه ياسالي اتشابهت عليا الكلمة وتسلمي يا قمر على التوضيح وعلى الكلمات الجديدة اللي بتضيفيها :)

بس على ما اضن انو الخلخال تبع النساء مو رجال ولا مو؟

والمصروقة ... خلين أسأل عنها اول بلاش افتيلك :P



اما ام طقة دي يا ولدي ههههه فهي تهز راصها في كل حاجة ازا دقيتها

زمان لمن كنا صغار ونشوف أم طقة ( طبعا بحكم انو مكة منطقة جبلية وما كانت عمرانة بالعماير والفنادق زي دحين ماشاء الله فكانت أم طقة نلاقيها بكترة

المهم كنا لمن نشوفها ننمسكها من رقبتها باصباعنا من فوق رقبتها ونسألها :

يا أم طقة نروح المدينة تقوم ترفع رقبتها وتطق يعني كأنها بتقول ايوا :)

بـــحـــرالحجاز
22 Mar 2005, 05:33 AM
ستيتا


ماعرفتها :o


ايش تطلع المصروقة

مـامـا سالـي
22 Mar 2005, 11:13 AM
ههههههههههه خلاص حبوووووو لاتبكي ..:D

شوفي يستيتا المصروقة : زي المخزن الصغير في الغرفة (( يعني اصرقوا من الغرفة جزء منها ))

ماتشوفي في المحلات لمن تطلبي شي اقوم البياه اطلع بالسلن واجيبلك الي تبغي .. هوا دا :)

بـــحـــرالحجاز
23 Mar 2005, 05:07 AM
هههههههه تضحكي هااا طاااايب ياستي



هيا خلينا دحين نرجع لشوية الكلمات اللي طرحها وسيم عشان وعدناه نرجعلها:



28كنافه بسقايه وبخاخه يعني ايش....؟كنافة مسقايه .. يعني بالشيرة


42اللي مشيول سقّاوي يعني ايش.....؟
أعتقد انو القصد بيها البزرة الصغيرة لمن يقعد يبكي ويزنزن في الشارع يقوم يجي أبوه يشيلو على ضهرو ( بين الضهر والرقبة ) يعني زي ما يشيل السقا الزفة حقته


أما الباقية فماعرفتها ونستنى مين يتفضل ويجي يشرحلنا هيه :)


24المشرب هيا بكسر الميم يعني ايش....؟

25كيف شكلها القفه اللي من السقف مدلاّيه

26بيت البسه حق العيش كيف شكلو....؟

30ايش هوا الكلأمين عقيل...؟

39دا بيسبسب في كنجه مع انو زي الغوراب .... يعني ايش كنجه....؟

محد مكيفو !!!
23 Mar 2005, 07:32 AM
السلام عليكم ورحمة الله وبركاتة
يعني فلتناكم قلنا يدخلو ناس تانين مافي احد يسمع
يا سالي
المصروقة زي ماقولتي
وناس يسموها صريقة زي السقيفة
وناس يقولولها مخزن مستودع


وانتي يا بحر مو قلنا الكلمات حقت وسيم فينو الشراد فقع
لا كيف حالكم ولا اكشف حالكم

المشرب مدري ايش يقصد المشربية زي الشبك في الروشان
او الشربة حقت الموية ناس يقولولها مشرب
انتو ما تسموعو الناس لمن يقولو( ياكل ويشرب وراصو قد المشرب )

اما القفة اللي من السقف مدلاية
هيا النملية القفة مصنوعة من سعف النخل والخصف يحطو جوتها الارزاق والسكر علشان الضر مايجي ويسوي بدينو


بيت البسة حق العيش ( طبروية العيش )
لها كزا شكل شي يجي جلد وشي بلاستيك وشي خصف ولها غطا من فوق
علشان يحطو العيش جوتو علشان البساس ما يجو وينقنقو
بس لازم ازا كان العيش اللهم صلي على النبي كتييير لازم يندروه برا شويتين علشان يتهوى
ومايعرق او يبوخ مع الحرارة وبعدين يقطن وينعدم

الكلأمين عقيل هادا اول كان زي الملين للبطن مدري قصدو عليه والا حاجة تانية الله اعلم


الكونجة يعني الخلقة يسب ويشتم في خلقة الناس ويتريق عليهم وهو البعيد
زي الغراب او زي الزيتون كووووووووووووووووووور


طيب ايشكلها ليلة الغمرة

وسـيـم بيب بييب
25 Mar 2005, 04:25 AM
سلامو عليكم....




عمو كيفو سلامو عليكم .... شوف عشان لاتقولي انو انا اسالتي كتيره زي الراجل اللي مو عارف يسوي شي وبيسال قرايبو كيف يسوي
.....
قعدت طول الايام اللي راحت ادور على كلمه انتو ماتعرفوها ...... يعني ايش الطقطوقه اتحداكم تقولو ....؟؟؟




مو ليلة الغمره هيا الشبكه حقت الحريم ولا كيف.....؟



هيا جيت اكحلها عميتها




شوكرن ستيته بحر على جمايلك اللي مغرقتني .. بكرة النهار ربي انشالله يسخرلك بزوره طيبين زيي كدا وكل ما احتجتي كاسة مويه تلاقيها هوى عندك وتقولي هادي دعوة بيب بييب

مـامـا سالـي
06 Apr 2005, 11:39 AM
هههههههههههههههههههه ..جبت الديب من ديلوا ..:D:D

طيب يسيدي وسيم انا اقلك ايش طقطوقة ...

يعني البنت الفرفوشة الي تحب تضحك تتكلم على طول بس مبصوطة ومفرفشة .. وكتير ناس اداولوها دحين ...اظن الاولا اكتر شي ..

اسمع اخويا اقول .. ايوة خلينا نطقطق عليه وحاجات زي كده ..:)

طيب ايش هوا (( القوز ))

مـامـا سالـي
06 Apr 2005, 11:50 AM
وي نسيت ...ابغا احشك ...فينك يسيدوا مكيفوا شوف وسيم ايش مهبب ..ولا انا الي اتجننت ..:D:D


مو ليلة الغمره هيا الشبكه حقت الحريم ولا كيف.....:confused:

الشبكة غير والغمرة غييييييرررررررر...باختصار كده ..

اول شي العرسان املكوا في الحرم ...بعدينة احددوا متى الشبكة (( وقيدوا خلاص هيا مرتوا )) وتكون الشبكة عادتا في بيت العروصة .. بعدينة قرب الفرح ان شالله بعد عشر سنين باسبوع ولا ليلة اسوا الغمرة دي ...

وهيا عبارة عن يوم البسوا في العروصة حاجات غريبة او نقدر نقول تراثية ..مسلا لبس اهل اول القديم المحرمة و المدورة ولا لبس بدوي ولا هندي ولا جزايري ولا تونسي ولا ....

وكمانة تغطي وشها العروصة لمن تخرج على الناس (( عشان اقولوا تطلعلها طلعة )) ...واوزعوا على الناس حنة .. واحنوا العروصة ..

واعملولها الحاجات حقتها من نضافة ودي الشغلات ...

وبس اظن ..بالله لو في اضافة يسيدوا مكيفوا اتحفنا بالله ..

وسـيـم بيب بييب
06 Apr 2005, 09:52 PM
ماما سالي استني قبل ما يضفلك عمو كيفو حاجه :o


مين ضحك عليكي وقلك يا ستي انو الطقطوقه هيا دي البنت......؟ غلط وستين غلط .... الطقطوقه هيا طفاية السجاير تعرفيها ....؟؟؟
:D


طيب التفاسير دي اللي يقعدو يعملوها في البيت متى يوزعوها وحقت ايش....؟؟؟؟



ماما سالي دايمن تساليني انا ...انا لساعي بتعلم .؟ ;;33


سوال ماما سالي
((ايش هوا القوز)) .....



عمو كيفو وحشتني ;;33.... وايشبها ستيته بحر ماعاد سرنا نشوفها ...؟

محد مكيفو !!!
07 Apr 2005, 09:58 AM
السلام عليكم ورحمة الله وبركاتة

تعال ياوسيم ايش مهبب يقولو جالس تتعفرت وتسوي الشقاوة حقتك
يالله روق لاتكركبلنا دوبنا مرفعين

الغمرة غير والشبكة غير الله يسهلك
و زي ماقالتلك سالي وهيا منتشرة في الحجاز اكتر شي وخصوصا مكة والمدينة وجدة
بس الناس دحين ماسارو زي اول يسووها يعني بعضهم يسووها وبعضهم يطنشو
او يسووها على الضيق يعني الاقارب المهمين
كانو قبل الجواز بكم يوم او اسبوع يجيبو العروصة ويفردوها على الارض تنضيف ودعك بالسفنجات والليفة
والتايد ومطهراااااات علين ترجع جدييييييدة تبرق وتلمع زي كأنها دوبها ندرت
وينقرشولها يدها بالحنة المدنية الاصلية مو زي حقت الحجات لونها ماتق نحطها في يد البزورة زي كأنهم أكلو
قرمش والا فش فاش
ويبخرو الحرمة ويقرو عليها ويدعولها الله يوفقها ويتمملها بخير
بس وبعدين يحبسو المسكينة في البيت عليييين ليلة الدخلة يوم الجواز يطلعو الحرمة وينصوها جمب جوزها
قال اييييش علشان يسرلها طلعة ونكهة والناس والعريس يتشوق اكتر

اللي يحضر في الغمرة الام والاخوات والعمات والخالات وستها
وفي بنات يستحو وما يسمحو الا لأمهم بس اما باقي الحريم يلهوهم ويضحكو عليهم بشوية فوفل وفصفص
يعني ينقنقو فوق الباطرمة علبال ما ييخلصو
وقت العشا يتعشو بالتعتيمة ( جبن وحلاوة وزيتون وامبة ومخلل وشريك او كعك وملح دقة وقرن فلفل وراص بصل )
وبعد مايغلقو الطافوحلي ويرقعو براد الشاهي كل مين يروح لبيتو


القوز هو كومة التراب او الرملة يعني تكون مرفوعة ومكومة فوق الارض قريب متر والا مترين


طييييييب ايش نقول خلاااص غلقت الاسامي والحاجات
وبكدة غلقنا الحمدلله



























هيا افتكرت ايش هيا ( الدجيرة // النمنم )

وسـيـم بيب بييب
07 Apr 2005, 07:43 PM
انتا يا عمو كيفو انتا !!!!!!!!!!!!!!!!!!!!!!!


انتا مدرسه .... انا اصلا عامل ملف كااامل في الكمبيوتر اسمو عمو كيفو ...... ومنزل فيه كلامك الحلو كلو ...... عشان اتعلمو واعلمو لاولادي ....... زي كلامك اللي فموضوع ايه يا مكه .... وكلامك في المستوصفات وااا وااا الخ الخ ..... عمو كيفو لو بيدي اصلط الصحافه كلها علييييك اخليهم يندرو مكنوناتك كلها ... وخصوصا اللي منتا راضي تقولي هيا


عمو كيفو لغاية دحين ما اوستجيبت دعوتك وجاتني الالف ريال ....... استني .... الف ريال نقسمها على خمسين يسيرو عشرين يا عمو ولا كييييييييييييييييف....؟؟؟!!!

محد مكيفو !!!
07 Apr 2005, 11:45 PM
السلام عليكم ورحمة الله وبركاتة
ههههههههههههه
يابكااااااااااااااااااااااااااااااش !!!
طيب الله يسلمك ياوسيم
ياحبيبي كل مشاركاتي هيا ملك لمنتدى مكاوي للأعضاء والزوار
يعني اللي يبغى حاجة ياخدها على طول
وانا تحت خدمة المكاوية
وبيني وبينك انا أندر كل اللي في قلبي وأنكتو في المنتدى
وان شاء الله تستفيدو من خبراتنا البسيطة في الحياة
وان شاء الله انا كمانة استفيد منكم

الا ربنا عز وجل استجاب دعوتي
ودحين حتيجيك ألف ريااااااااال
وكلو الا زعلك
وانت دبر الكرااااااااااااسي























http://www.sama.gov.sa/en/museum/issues/images/4-500f.jpg






http://www.sama.gov.sa/en/museum/issues/images/4-500f.jpg







هيا هادي بخشيش للي بالي بالك

http://www.sama.gov.sa/en/museum/issues/images/4-500f.jpg

هيا أمبسط وخليها ألم نشرح وما يردك الا لسااااانك

وسـيـم بيب بييب
11 Apr 2005, 12:12 AM
عمو كيفو ....... دحينا كيف يسير كدا بالله ....؟!؟!؟!؟!؟!؟!؟!؟!!!!!!
انا اسوي حشكي بيشكا ديشكا بوشكي وانتا تدفعلي .....؟!؟!؟!؟!؟!!!!!!!!!!! أيت نفس تديني اعمل كدا ...؟؟
هههههههههههههه
الله لايحرمنا منك
كونت ابغا اسال سوال مش ولا بد ....
هوا صحيح من زمان كانو اهل العروصه يخلو البنت بعد ليلة دخلتها تجبلهم كيس فيلو الدم حقها ....!؟!؟!؟!؟!!!!!!!

مـامـا سالـي
11 Apr 2005, 03:12 AM
ايش هوووووووووووووووش اشبك ياوسيم ..الموضوع ماشي زي الحلاوة ودحينة جي وتبغا تجبلنا جرية ..

هيا ياولدي استهدي بالله وسيبك خليناااااا حلووين وطعمييييين ..

الدجيرة هيااا : كانوا من زمان اقولولوها للبزورة عشان اخوفوهم وانشفوهم ..وهوا بمسابة الجني او بالاصح الجنية والي تتطلع من اي مكان مخشوش ..

والنمنم : يعني برضوا دا نوع من انواع الحاجات الي نخوف بيها البزورة ... وهوا اكونوا من دولة الافارقة ولهم ديل ولون العيون حمر
وشكلهم اخوف ...

والله ايااااام بالزات دا النمنم ...كنت اتخيلوا شي مرررررعب ... بس الحمد لله اياام وعدت

مـامـا سالـي
02 May 2005, 01:04 PM
اشكلواااااااااااااااااا داااااااااااااااااااااا ..

فينكم يعاااااااااااااالم ...

سيدوا مكيفوا تعال قولنا كمانة كلمات ...

دورلنا من هنا من هناك .. من تحت الليانة امكن

محد مكيفو !!!
03 May 2005, 07:44 AM
السلام عليكم ورحمة الله وبركاتة
هههههههههه.
طيب انتو كمانة فكرو واتلحلحو

بالنسبة للنمنم زي ماقلتي من الافارقة بس مالهم ديل ولا جنااااح
ياكل الاوادم الى قبل 20 سنة كانو موجودين ومسكو كم وحدة في شارع منصور


الدجيرة هادي اللي لها ديل وخلقتها اعوز بالله الله لايوريكم نصها شكل اوادم ونصها التحتاني رجول حمار مدري كلب
كانت مو جودة في بيت العرجا اللي في الشامية مكان فندق الصفا دحين
كانت محبوسة جوة والناس تخاف تزل من هديك الوصلة


يالله خدو عندكم ( المنخل ) ( الغربال )


أما انت ياوسيم اااااااااااااااااااااااااااااخ
خليني اشوفك

وسـيـم بيب بييب
03 May 2005, 08:17 AM
تعرف المسل المصري اللي يقول .... يا مأمّن الرجاله ..... يا مأمّن الميه في الغربال ههههههههههههه



الغربال عمو كيفو هوا اللي مسلا يحطو الرز ولا السمسم فييه عشان يصفّوه عشان لو في حجار ولا دود ينزل مع الهزهزه ....

مـامـا سالـي
03 May 2005, 07:26 PM
يعيني عليك ياوسيم تجي ترميلنا المعنى ..طيب فين كلمتك ..:122:

طيب انا الي اعرفوا انو المنخل لو صفات الغربال ..بس شوية اظن في الاستخدامات تختلف ..

المنخل هو حق الرز والحب ....وكده اجي مدور ومن حديد ... وشفت وحدة من التنك .. عند عمتي مدري من فين جابتو...:(

الغربال اظن فتحاتوا اكبر ... وشوفتو عند العمال .. اظن انخلو التراب والبطحة ..:102:





طبعا مني قايلة كلمتي غير لمن اقول وسيم .... عنااااااد :222:






طيب ايش رايكم بما انوا الكلمات خلصت ليش مانحط امسال .... ونقول في ايش انقالت..:099:

وزعلانة ليش الاعضاء التانين ما يخشوا ..

وسـيـم بيب بييب
04 May 2005, 02:52 AM
فكره حلوه يماما سالي .... بما اني ابغا اهرب من الكلمه عشان مافبالي ولا كلمه ....






هيا ...


((نطاطه نطي مرحبا ستي))

محد مكيفو !!!
04 May 2005, 07:40 AM
السلام عليكم ورحمة الله وبركاتة
دحين مين قلكم تخلفو مطن الموضوع
اظن في موضوع عن الامسال نغبشولو رايحين تلاقوه

انا افتكرت كلمة دحين ( الهنداسة او الهندازة )

اما ازا على الامسال يالله ورونا شطارتكم انتو النفرين
وانا اتفرج

مـامـا سالـي
04 May 2005, 07:07 PM
طيب ولا يهمك ماراح نخرب مطن الموضوع ....

وانا قولت كده عشان لاتزعل علينا بحورة ...مع انو مني شايفتها ..:(

خلاص اشوف كلمت سيدو مكيفو ..لاني ماقد سمعتها ...وارد ..

ومسالك يسيدي وسيم ..خلي في داكة الموضوع ..

وخلاص عاااااااااااااااد امري لله انبش عن الموضوع :102:..

محد مكيفو !!!
28 May 2005, 08:25 AM
السلام عليكم ورحمة الله وبركاتة
صحينا ورقدنا ومحد جا
سنتين زمان جالسين تفكرو

الهندازة هادي تستخدم للقياس وهيا من المقايس القديمة واللي انقرضت دحين
واكتر شي يستخدموها القماشة


طيب نديكم الهوند

إنْ عجَبك
28 May 2005, 03:31 PM
أول شي فين رحت وسبتنا ياسيدي محد مكيفو ..والله لك وحشه

تاني شي( الهوند )اعتقد إنّو اللي بيطحنوا فيه البُن أو أي حاجة تحتاج لطحن ...يارب يكون صح :127:

ويكون من النحاس ويقولولو أهل أول ( صِفر ) وفيلو نقشات حلوه وله احجام مختلفه

تقديري ومودتي

محد مكيفو !!!
01 Jun 2005, 07:21 AM
السلام عليكم ورحمة الله وبركاتة
ياحبيبي سألت عنك العافية بس كنت كدة اجارك الله مضخضخ شويتين

لامزبوط كلامك وناس تسميه كمانة المهراس
المزبوط زي حق اول من النحاس
وبعد كدة سوو من الجلد او البلاستيك المقوى
ودحين جابوه من الخشب

طيب فلتنا كدة معلقين حط اي كلمة من عندك يسير باقي الاعضاء يخشو ويشاركو

وسـيـم بيب بييب
01 Jun 2005, 11:53 PM
ولا يهمك يا اطعم من رأت عيناي...





ايش هوا الدوك!.!..!؟

ههههههههه
ترى ماتقدرو تضحكو عليه عندي كتاب فيلو الدوك مرسوم كمان

وسـيـم بيب بييب
02 Jun 2005, 12:02 AM
ايها الساده الفضلاء...ايها الناس الطيبين...يامن وجدت في عينيهم حنين الوطن....يامن وجدت في قلبهم حبهم وشغفهم بكسير من زكرياتنا التي مضت....

:o

الى الجيل الجديد...اللي مايعرف ايش القفه من المخلوان...بصراحه كسفتوني ايها الجيل الجديد يعني كاااتير منكم مايعرف ايش هوا البسطون من المنخل من الشوحط بس ايش بدي اقول....




;;33 <---------- نسي بداياتو الفنيه في المنتدى كيف كان مايعرف الاعضاء ايش بيقولو ههههههه


المهم جبتلكم صورة للقفه وطبعا من الشكل حيبنلكم انو هوا زي صندوق خسف ممكن يحطو فيه اشياء

محد مكيفو !!!
03 Jun 2005, 08:40 AM
السلام عليكم ورحمة الله وبركاتة
لا ماشاء الله في توطر يا حبيبي وسيم بواري
سرت تندر حاجات حلوة مدري مخشخشها عندكم
والا تجيبها من هنا ومن هنااااك

القفة ابو ادنين يشيلها اتنين

وبعدين الدوك مدري هو صح كدة نطقو والا الدوكة
الدوكة هادي زي ماتقول زي البوتقاز او الدافور الصغييييير
مدري قصدك عليه والا في حاجة تانية وضحلنا هيا




الجـــــــــــاروف

caco
05 Jun 2005, 08:27 PM
السلام عليكم ورحمة الله وبركاتة

مشكورررررررررررررين على الموضوع الحلو :129:

وعلى الكلمات الحلوة الي اغلبها اول مرة اسمع بيها

ولا اعرف معانيها الا منكم.... :o

شوف سيدو محد مكيفو..الجاروف

هو كذا شي مصنوع من الحديد او البلاستيك يستخدموه لمن يكنسو البيت بالفرشة مدري المكنسة

الا هو فيه فرق بين الفرشة و المكنسة؟؟؟

مدري كلامي صح او غلط :confused:

حبايب مكة
06 Jun 2005, 10:10 AM
السلام عليكم ورحمة الله وبركاتة
***
صباحكم ورد و فل و يا سمين ..
***
مشاء شاء الله تبارك الرحمن ..
على الموضوع و الكلام الحلو ..
ربي يجزيكم الجنة ..
***
طيب ممكن .. عندي إضافه صغنونة ..:)
مدري يارب ما أنقالت ..
(((الزير )))
و ما ادراك ما الزير ..
هو زي سطل الموية بس مصنوع من الفخار ..
وفي منه الكبير ................... لترويش ( الاستحمام )
و منو الصغير .................... للشرب
و يسلام على البرودة .. سبحان الله المويه فيها باردة أحسن من التلاجه بألف مرة .
***
و أحلى شيء الزير الكبير حق الترويش ..
تجيء من برة و حران و طفشان .. و حرنا طبعاً معروف ..
و تجيء تأخد مغرفين من الزير .. تبردك و تنعنشك يا سلاااااااااااااااااااام ..
جالسه أصفه مزبوط .. عشان عندنا زير للترويش .. :) و أنصحكم بيه .. يفوق الواحد و ينعنشو غير يبرد عليه ..:cool:

caco
07 Jun 2005, 06:26 PM
السلام عليكم ورحمة الله وبركاتة

:mad:

:mad:

:mad:

:mad:

:mad:

ايش هذا مافي احد يرد علينا..طيب نبغى نعرف كلامنا صح او غلط

يعني اذا حضرت الشياطين انصرفت الملائكة :o

حبايب مكة
07 Jun 2005, 11:20 PM
السلام عليكم ورحمة الله وبركاتة
****
اللهم صلي على كامل النور ..
عليه أفضل الصلاة و السلام ..
أخدت لفه على الموضوع .. و أكتسبت خبره ..:)
الله يعطيكم العافيه ..
و ربي يجزيكم الجنة ..:)
****

بس فين ستيتة بحورة ؟؟
و حشتنا.. إن شاء الرحمن تكون بخير .. و ربي يرجعها بسلامة..
طيب معليش لو خربط الموضوع و كررت التحفه ..;)
و عشان لا أحد يكرر التحف و الكلام الحلو ..:)
حبيت أكمل عمل الأمورة بحورة – ربي يحفظها - و أزكر الكلمات إلي انقالت ..
و معليش على التدخل في موضوعك يا بحوره ..
و هادي هيا ..
بسم الرحمن نبدأ ..

الأتريــــــك= الفانوس

صندوق السيسم

السمواار

الكرويتة

المرش

المفتة

الزير

المرفع

الراديو

المركب

المِروَد

النملية

الدقديق والجرارة

النصبة

البابور

المحماس

السقيفة

البكرج

بنت المنقل

الطيرما

القاعة

المضليون

الدقيسي

الصقرق

المشخص

المخلوان

سحارة

الدندرمة

الناموسيه

الغازية

المشربية

الكفكير

والشوبج

المحط

الكوفلة

بخنق

المبيت

كدادة

المصنف

الدبش

الدحديرة

الزُقْرَة

الكنديشة

الجاروف

الكرباج

البسطون

المحرمة و المدورة

الحنشصة

الهيلمة

الكِبِرتَايَة

الناموسية

التَخْتَة

النَصبة

الكرتة

الــسـُــلْــطَــة

المِـطْـبَـقِـيَّـة

الكفشة أو الكبشة ( حقت المطبخ )

الدافور

الفرفيرة ( مو اللعيبة ) ( حاجة تانية حقت الباب )

الكوماج

الــفَــلَـــكَـــة

الهوند

التَــكَّـــايَـــة

التيزار

الجامات

العُطبة

الفراخة البهللة السماجة اللكاعة الهدارة المجاغة مرقعة

الدّرّبزان

بيت الما

الكروانة

الشعبنة

البازان

الجوجو

الزفة

البقشة

الدّهقنة= الدحلسة

صهريج

الكديسة

السقا

احتفال يسموه نام نام طلعت سنونه من قدام

المُهر

الإستمبر


كبت وليري

القوبة

الكحل من بيت وقف

البيشه


المشقره

البسطون

الكمره

بيت المراوح

تنغش

الحناني

المعصرة

الشربوش والولاعة

الطبلية
يحنجل

الُنقل

الشُقدُف

الكرتة

طاسة الفجعة

بعدينة لاتروح تبور البنت\ ((تبور))

الدويخة
الصهبة

أهل موجب

اهل الحبا والجبا

شربه مديني مشجره

طلعت بشوشتها

الفتوت

القبقبه اللي على جدران

فوال
سمان

شربجي

مطبقاني

طاره

يطقطق اقر

المجسات

لعبة هز ومركب

بيت البسه حق العيش

بيت الملاعق

نسف

الشقه

الشرش

الشرشو

دافور نص شغال


اللولة اللي وسط الروشان

الشرنقة

اندارت في زرن التوب

الجوش

الدوش

المنفوش

هول الليل

الساعة ابو شبك

اللي مشتغل سفاوي

السمسمية

القصبة

القــوَّارة

الكلأمين عقيل

التعتيمة

الكشتبان

الجـــردَل

الكنجه

الخلخال

المصروقة

كنافه مسقايه

ليلة الغمرة

القوز

الطقطوقة

الدجيره \ النمنم

المنخل \ الغربال

الهندسة \ الهنزة

الهوند

الدوك

حبايب مكة
07 Jun 2005, 11:36 PM
السلام عليكم ورحمة الله وبركاتة
***
يا كاكو يا سكر ..
صلى على الحبيب .. عليه أفضل الصلاة و السلام ..
شوفي حسب معلوماتي البسيطة ايوه صح تعريفك المبسط للجاروف..
بس برضو مستنين عم ربيع - ربي يحفظو - يزيدك نور .. الله ينور عليه بنور الإيمان

http://forum.makkawi.com/video/lin/001.gif

طيب نعنيشكم شويه ..:)

يلا يا طيبين .. ترى لسع في كلمات و تحف حلوه ما أنزكرت ..:)

خدو عندكم ..
( النصفه و الربعه و الكيلة )

هيا أدوات للمكيال زي دحين بيستخدمو الميزان و يقلو لراجل حطلي كيلو من هادا ..و ربع كيلو من هادا..
و نص كيلو من هادا ..
أيام زمان كانت هادي الأدوات بمثابت المكيال إلي يوزنو بي الأكل من حبوب و رز و سكر و غيرو ..
و هو زي العلب مصنوع من الخشب و لكل علبة مقياس أو مكيال معين يمثل مقدار الكيلة ..
***
هااا مزبوط و لا خربط شوية ؟;)
***
طيب نجي و نسأل ايش هيا الكبريته ؟؟

محد مكيفو !!!
08 Jun 2005, 10:09 AM
السلام عليكم ورحمة الله وبركاتة

طيب صلو على النبي

يامرحبابكم مرة عاااشرة

ياكاكاو هرجتك عن الجاروف مزبوطة وناس يسموه كمان ( مرفع / مرفع القمامة )
واحيانا ينفع في المضاربات خصوصا الحديد اللي فيلو شناكير من الجمب علشان الوصخ لايتشعتر
ومعد في من هادا النوع دحين

الفرشة هيا الفرشة
بس هديك الشعر حقها يكون قااااسي ومجحش
لكن المنسة شعرها حلو وسااايح وناعم ويسموها مكنسة تكروووووني
وفي كمانة اللمامة قد الكف بلاستيك فيها فرشة تكون مبرومة وتلقط الوصخ وتخزنو في العلبة

حبااايب مكة طيب مشكورين على جيتك واضافتك
والاوزان زي ماقلتي مزبوطة والكيلة تساوي تقريبا تلاتة كيلو او خمسة ناسي بالزبط اظن خمسة

نجي للزييييييير

زماااان كانو يقولو هرجة حلوة ازا الولد موراضي يشرب من الزير يقولولو
ياواد اشرب من الزير لا تنسخط خنزير
مو الخنزير كيف صار خنزير يقولو كان ادمي ومايحب يشرب من الزير علشان كدة ربي سخطو خنزير

زي قضية القرد كان ادمي لكن مرة كان تعبااااان وهلكان
وبدو يستريح على الارض وماعندو سجادة قام اخد قرص عيش حب
وجلس عليه قام ربي وراه قوتو وصخطو قرد والا كان ادمي ابن حلال لكن الفرعنة يالطيييييييف

الزير سبحان الله احسن من مية تلاجة عارفين ليش

علشان الزير اللي يسووه اول كانو معلمين فيلو فتحات واخراق صغيييييرة قد راص الابرة
يسموه ا تنسيمة ) يدخل منها الهوا ويبرد الموية ويرجع يندر ويشفط الحرارة من الموية

وايام البرد الزير حق الترويش يسير زي الايسكريم
نقوم نجيب طشت ونفور موية حارة ونخلطها مع موية الزير يسير تنفصد وتسير دافية نقدر نتروش بيها
والا طريقة تانية يلحفو الزير بأكياس الخيش زي حقت الرز يسير تسوي طبقة زي العزل
علشان الزير ماينصفق في الهوا

حبايب مكة
09 Jun 2005, 01:32 AM
السلام عليكم ورحمة الله وبركاتة
***
الله يعطيك العافيه يا عم ربيع
و يزيدك ربي بنور و آمان ..
و يجزيك أعالي الجنان ..
زي ما أتحفتنا بكلامك الحلو الفتان..
****


.. طيب يا طيبين ما عرفتو (( الكبريتة )) :)
طيب ممكن أعرفها إجتهاد و ربي يسهل ..
هيا زي الستارة تنحط على الطاقه .. يمكن سبب تسميتها بالكبريته لأن شكلها زي أعواد الكبريت مثبتة على بعض ..
و هي بمثابة الستارة إلي تغطي الطاقه ..
زيدونا يا طيبين مما عندكم ..:)
***
طيب ايش هو (( الدورك )) ؟؟؟
و ربي يجزيكم الجنة ..

حبايب مكة
12 Jun 2005, 06:50 PM
السلام عليكم ورحمة الله وبركاتة
****
فين الحماس ؟؟
فين المكاوين النشطيين ..
هيا تعالو أسقونا من كلامكم العسل ..:)
لسع في برضو تحف حلوه ..
***
و راح أجاوب عن الدورك ..
شوفو يا طيبين الدورك أو الدورق ..
هو زي الشربة بس هي خاصة بماء زمزم .. موية الزمزم فيها شيء تاني ..
يا سلاااااااااااااااااااااااااام ..
أدوات تحلي الطعم ..
**********
طيب نسألكم ايش هي ((المعشرة)) جمع ((معاشر)) ؟؟
هي شيء يجبو في مناسبة معينة .. خلاص غششتكم الإجابة :)
و ربي يجزيكم الجنة ..

caco
12 Jun 2005, 08:20 PM
السلام عليكم ورحمة الله وبركاتة

طيب يا حبايب مكة

شكلو مافي الا انا وانتي

هيا قوليلي ايش معناها لانو من جد ما اعرف

حبايب مكة
13 Jun 2005, 02:02 PM
وعليكم السلام ورحمة الله وبركاته
طيب يا ستي كاكاو .. و لا يهمك يا عسل ..
بس هو فين عم ربيع غايب اليومين هادي .. عسى الغياب خير ..
و ربي يرجعو بالسلامة ..
****
((المعاشر )) يا ستي ..
هيا زي ما تقولي زي التبسي الكبير مصنوع من الخشب يحطو فيله (علب الحلاوة)-علب الملكة-
و يغطوها بشرشف مزبق ..
و خاصة بمناسبة حلوة و هي الشبكة أو الملكة ..
- مدري يا ربي يكون الوصف مزبوط-
و هادي صورة لتشطتها من ألبوم الصور المكاوية ..
أتحفنا بيها سيدي .. ولد الشامية ..الله يعطي العافيه .
بس قبل ما أتركم مع الصورة ..
***
ايش بمعنى كلمة ( الغندرة )؟؟؟:cool:
و ربي يجزيكم الجنة ..
***
و هادي الصورة ..

محد مكيفو !!!
14 Jun 2005, 08:54 AM
السلام عليكم ورحمة الله وبركاتة
كيف حالكم سألت عنكم العافية والله لايطرحلكم جمب
اهوه الحمد لله على كل حال من رضي عاااااش

بالنسبة للكبريتة زي ماقلتي
ودحين رجعوا للكبريتة بس دحين مسوينها بالالمونيوم وفيلها حبل مدري سلك
تنفك وتنسك وتتزحف يمين وشمال وعلى فوق وتحت يعني شكلها جديد وحلو

حقت اول كانت من الخشب بعضها زي عيدان الكبريت وبعضا متينة شوية قد اصباعين تلاتة
وهادي الحريم يمبسطو منها يسير يشوفو الناس ومحد يشوفهم
وخصوصا وقت مايجي العريس يخطب البنت تلاقوها متشعلقة ومتشعبطة في الطاقة مابدها تنزل


الدورق من الفخار وفيلو مقاسات وينصنع من الطين او من تراب المطر ههههههه
هادي لمن تحط المطرة بقووووة وتجي السيول خلي المطرة تنشف وتحصلو التراب والطين اللي اتكون
ناااااعم وزي العجينة هادا يستعملوه في الدوارق والشراب
وبعدين ينشفوها في الشمس والا يدخلوها في الفرن حتى تمسك حيلها وتجمد
وزي ماقلتي الموية لها نكهة وطعم حلو وخصوووووصا
لو كانت مبخرة بالمستكة شي رجج وكلام كتييييييير
ولمن يجي العيد ورمضان تلاقو ستات البيوت تتفنن في تزينها
اللي تفصلها بيت من القماش وتحطلو كلف وكرانيش والا تشتغلو وتطرزو بيدها
نفس الدورق والغطا حقو والمرفع
يعني تغير شكلو ويسير أنتيكة يفتح النفس


المعاشر ياسلاااااااااااااام
هادي من الحاجات اللي انقرضت دحينة
وسارو الناس يبطلو من هادي الحاجات
لكنو والله في بعض الناس متمسكين بهادي التقاليد والافراح على الطريقة المكاوية
وزي ماقلتي ووصفتي وبعدين حلاوة الملكة اول طعمة واقل حاجة ( صحن قزاز يحطو بطنو لدو ولبنية وفوفل )
واللي بدو يزيد ويحط لوزية مهي مشكلة بس مين ياكل اللوزية دحينة هههههههههههه
اغلب الناس يندرو اللوزية يرموووها قال ايش مزنخة
وياخدو التحف اللي جوة العلبة

والبواخر اللي باينة في الصورة هادي جزء من التراث المكي الحلو
طبعا تكون من الخشب وتكون من جوتها مقسمة كم قسم ويحطو في كل قسم
( حلاوة نعناع/ فوفل/ مكسرات/ هيل / احيانا في ناس يحطو عودة حقت البخور يعني تشكيلة حلوة )

وفي كمانة حاجة يقولولها علبة المهر كدة علبة صغيرة ومنقنقة من الخشب
وشي منها يجي مشتغل بالفضة والدهب وينحط جوتها المهر
ونفس الفلوس ناس تلبسها من برا بقماش زي التل او الشرك وبعدين يحطوها جوة العلبة ويشيلها ولد صغير
ماشي جمبو كمانة ولد شايل معاه مصحف صغير يقدمو لأهل العروسة علشان ربي يطرحلهم البركة

يالله عقبال ما نفرحبكم كدة ونسويلكم هديك الملكة المكاوية من اللي يحبها قلبكم
بس لاتنسو تعزموني والا افركشلكم الجوازة من اساسو
ههههههههههههههههه

بس هادا اللي عندي وياريت اكون اضفت بعض المعلومات وان شاء الله استفدتو منها
هيا لاتنسونا من دعواتكم وفي اماااااان الله

caco
14 Jun 2005, 01:46 PM
السلام عليكم ورحمة الله وبركاتة

اعتقد انو اغلب هذة الحاجات مو موجودة دحين ولا نلاقي زيها في السوق....

يعني انقرضت

محد مكيفو !!!
15 Jun 2005, 09:32 AM
السلام عليكم ورحمة الله وبركاتة
بالعكس ما انقرضت
في اللي يسأل يلاقي
بس اللي انقرض تفكير الناس دحين وجريهم ورا الموضة والرجة والجنااااااااااان
وقديمك نديمك لو الجديد اغناااااااك

حبايب مكة
16 Jun 2005, 12:31 AM
السلام عليكم ورحمة الله وبركاتة
***
بالفعل يا عمو ربيع ..
قديمك نديمك لو الجديد اغناك..
ما أنقرضت قريب .. عملنا ملكة أخويا الكبير - ربي يحفظه - عقبال عندكم ..
و ما نسينا هادي العادة الحلوة ..
بواخر و معاشر و إتريك و جسيس وشي ما أقلك كيف ..
****
طيب ليش ما عرفتو(( الغندرة)):)
طيب أعرفها ..
الغندرة يا كرام .. تنقال للشخص المتأنق في حركته .. :cool:
***
طيب ايش هو (( الكفكير)) ؟؟:)

caco
16 Jun 2005, 02:12 AM
السلام عليكم ورحمة الله وبركات

اعتقد انو الكفكير ..هي ملعقة كبيرة عشان يغرفو الاكل بيها

ها صح كلامي ولا غلط ؟؟؟؟

محد مكيفو !!!
16 Jun 2005, 07:49 AM
السلام عليكم ورحمة الله وبركاتة
طيب على البركة الله يتمم لكم بالخير ويوفقهم في حياتهم
ويرزقهم بالزرية الصالحة وعقبال الجميع

مو هو هادا الكلام اللي بدي اقولو ياكاكاو شوفي حبايب سوو ملكة لأخوهم على الطريقة المكاوية
يعني ما انقرضت ولاشي بس اللي يبغى
يسوي زي هادي الحاجات القديمة يمديه والحمد لله كل شي متوفر

بالنسبة للغندرة قلنا خلي غيرنا يجاوب وندي مجال لغيرنا
الغندرة والانتكة هادي تنقال للحرييييييييييييييم بس
انتو ما تسمعو العجايز ايش يقولو ( يابت فين رايحة كدة متغندرة ومتحومرة ومبودرة في نفسك )


الكفكير مزبوط زي ماقلتي عليه


النامسية

caco
16 Jun 2005, 02:08 PM
السلام عليكم ورحمة الله وبركاتة

طيب زي ما انت قلت سيدو محد مكيفك..هذة الحاجات موجودة للي يبغاها

اما النامسية....بصراحة ما اعرفها واول مرة اسمع بيها!!!

قولولي ايش تطلع ؟؟

حبايب مكة
17 Jun 2005, 10:53 PM
السلام عليكم ورحمة الله وبركاتة
***
الله يبارك فيك و عليك يا عم ربيع ..
هي الملكة حصلت مو قريب قريب يعني قبل سنتين .. و اليوم أخويا الكبير - ربي حفظه - صار أب..
الله يطرح في بنتوته الأمورة البركة و الخير .. و عقبال الجميع يا رب ..
****
أما عن النامسية ..
هي الناموسية ..
و هي غطاء على شكل خيمة حول فراش النوم .. او السرير .. و هدفه انو يحمي من الناموس أثناء النوم ..
عشان كدا أطلقوا عليه هادا المسمى الحلوة ..
هااااا لا يكون خربط ؟
***
طيب ايش هو (( الكانون )) ؟:)

حبايب مكة
21 Jun 2005, 01:46 AM
السلام عليكم ورحمة الله وبركاتة
****
محد عرف الكانون ..:confused:
طيب نعرفو .. :)
((الكانون )) يا طيبين ..
موقد كان يعمل بقطع تنكة السمن إلى قطعتين و تحويل كل من النصفين إلى موقد يعبأ بالرماد ( أو بالرمل ثم الرماد) يوضع فوقه الفحم ’ و تعمل أركان أربعة من الأحجار أو الطوب, لوضع " القدر " و أحياننا نحط فوقة السموار ..

**
طيب ايش هو ((التبسي )) ؟؟:)

وسـيـم بيب بييب
21 Jun 2005, 06:58 PM
السلام عليكم ورحمة الله وبركاتة

صح كلامك يا ستنا حبايب وكمانا يحطو احيانا في الكانون الجراك الناشف...ههههههههه لما اسوي لبويه راص الشيشه امسك الراص وارقّعو ارقّعو في الكانون علين ينفصل الجراك عن الشقفه الصغيره بعدين اغمس بأيدي في بلطمان الجراك واحط الراص واقفل عليه وطبعا الجراك اللي يلصق في يدي الحسو عشان حرام تروح على الفاضي هههههههههههه





اما التبسي فهوا التبسي... في منو يجي بأداني وفي منو مدور وفي منو حديد وفي منو بلاستيك صح!.!..!.!؟




طيب اتحدا كم تقولولي كيف شكلو الشبشب ابو انتن..!.!..؟!؟

محد مكيفو !!!
21 Jun 2005, 07:24 PM
السلام عليكم ورحمة الله وبركاتة

الله يديكي العافية يا ستنا حبايب
مني داري فين الباقين ما يجو يشاركوا

النامسية يا كاكاو عمرك ماسمعتي عنهاااااااااااااااا
ول ول ول ول
دوبك في الكاكاو علين اخد عقلك

زي ماقالت حبايب
النامسية او الناموسية
هيا قطعة من قماش التل او الشرك بس الاخراق حقتو تكون صغييييييرة
علشان الحشرات ماتزرق منو وخصوصا الناموس
كان مو جدود منو مقاسات شي ابو نفر وشي ابو نفرين
زي حكاية الدقديق ابو نفر وابو نفرين
كان ينفرش وينفرد ويتسمر على الجدر من كل محل والزايد يتكمكم ويتلم ويندفس تحت الجرارة ( الليانة ) او الطراحة
وطبعا المراوح الخصف كانت قريبة يسير لمن نحر في نص الليل نندر يدنا بشويش من تحت النامسية ونروح على نفسنا وعلى اللي راقد معانا
ان كانت الحرمة والا البزورة

دحين اطورت وسارت اشكال قد ايش كترها اللهم صلي على النبي
شي مسوينو زي الخيمة حاطين من جوة عيدان من البلاستيك وملحفينها ومغطينها بالتل والشرك داير ساير
ولها يد او كوبجة يسير تنشال وتنحط زي قضية غطا البراد حق الشاهي


الكانون ( بنت المنقل ) ولو انو مكرر لكن مو مشكلة
من الزنك يسووه ويصنعوه ولازم يكون معاه الملقاط حقو
وطبعا في منو مقاسات
ولو عدة استعمالات شي للفحم والجراك والمعسل
وشي للبخور وشغل الكهااااانة
وشي للشوي


اوووووووووووه حبيبنا وسيم شرف ماشاء الله
فينك كدة غاطس لا حس ولا خبر لاكيف حالكم ولا اكشف حالكم
كلللللللللللللو من الكراسي الله يهديك
ههههههههههههه
وبعدين قبل ماتلحس الجراك سمي بالرحمن
والله لو تبغى تكحل عينك كمانة مرة تسير ورور وكلام كتير

التبسي
لها 365نوع ومقاس
ولها استخدامات قد ايش كترها
في تباسي للسليق وتباسي للكوزي وتباسي للشاهي وتباسي للكروبو
وتباسي زي حقت حبيبنا ولد الشامية اللي يدردبها علينا


ياوسييييييم برضك في البهللة حقت
انتن ايش واريل ايش
الله يسهلك لايكون قصدك الشبشب اللي زي الكونجفة وليلو زنقوب
زي حق جحا
ههههههههههههههه

هادا مزبوط الله يعزكم لو تشوت واحد تخرقلو بطنو ويستخدموه بدل المخراز في تكسير التلج
هههههههههههههه
ها يكفي بهللة والا ازيد

وسـيـم بيب بييب
21 Jun 2005, 07:41 PM
هههههههههههه
ايوا يا عمو كيفو كنت بأصيف في جزر الهاواي بس ايش على حريم هناكا....ولا عندك احد يقلك فين اهلك ولا احد يقلك ليش بتصور.... امسك جوز الهند واقعد تحت السجره واقعد اقول ....





























































حسنه يوسعها عليكي هههههههه






هيا شوف يا عمي هادا الشبشب الفوقاني الله يكرمكم مداس مكاوي الصنع والتحتاني مديني الصنع وبرضو معروف في مكه المكرمه



طيب مين يعرف الدبجه!.!.!..؟!؟

caco
22 Jun 2005, 12:04 AM
السلام عليكم ورحمة الله وبركاتة

:o

:o

:o

والله سيدو محد مكيفو ..ما اعرف

اجل ليش كل يوم من الساعة سبعة صبح اجي اجلس اول واحدة

كاني في مدرسة واستني المدرسين


وسيم دحين من فين جبت هذة الكلمة... دبجه :mad:

استني للصباح سيدو محد مكيفو الله يعطيه العافية

يجي يقولنا معناها

وسـيـم بيب بييب
22 Jun 2005, 01:40 AM
وي.... دبجه بضم الدال يا استازه مخ












ومسويه فيها حجازيه ومدري ميييييييين.... هيا اص ولا كلمه ;;33

caco
22 Jun 2005, 01:58 AM
السلام عليكم ورحمة الله وبركاتة


:222:

:222:

:222:

اتحدى لو كنت عارف معناها

شكلك زي العادة سمعت الكلمة وجيت تجري

وسـيـم بيب بييب
22 Jun 2005, 02:35 AM
ههههههههههههههههههه والله سايرا مفتريه الايام دي... انا كنت عارف يا افنديه حتاخدي الاجازه من هونا وتطلعي عيننا من هونا

هيا خدلك يا عمو كيفو الاستازه ماتعرف ايش هيا الدبجه....

يا ستيتا شكلاطه هيا فتحي مخك معايا قد الريال.... تعرفي الباطرمه او اي كنبه ليها مسند منفصل عن الكنبه ... اللي هيا يسموها التكايه.... ايوا هيا دي الدبجه يا طعمه....









تعبت ونا اعلم فيكي

caco
25 Jun 2005, 04:32 PM
السلام عليكم ورحمة الله وبركاتة


مافي احد :confused:

حبايب مكة
26 Jun 2005, 01:37 AM
السلام عليكم ورحمة الله وبركاتة
******
الله يعطيك العافية سيدي .. وسيم بواري ..
صراحة الُدبجة .. أول مرة أسمعبها ..
لكن شبشب أبو أنتن ..- الله يكرمكم - الصورة تبارك الرحمن وضحت الوصف .. بس عندي إضافة أنو هادا الشبشب-أكرمكم الله -
هو زي الشرقي بس ليلو أنتن أو شيء واقف زي ماهو في الصورة موضح
أكتر ناس يلبسو هم الأتراك و وجها أهل مكة ( المعلومة دي غشيتها من بابا ربي يحفظو ):)

طيب ماحطيت تحفة ..
نحط تحفة ..
ايش هي الباطرمة ؟؟:)

وسـيـم بيب بييب
26 Jun 2005, 01:48 PM
السلام عليكم ورحمة الله وبركاتة


ماتسمعو احيانا وحدا تقول لصاحبتها يبنت انتي تسكتي تسكتي وترمي كلام زي الدبجه ( او تدبجي كلام) يعني تقولي كلام قد راصك ماينقال ...همّا اخدوها من الدبجه حقتنا... ارسملكم هيا ولا مايحتاج.!.!.!.!.!.!؟

;;33 <----------- والله وسار يفتي ... يرحم زمان يا فن ههههههه


اقولك يستيتا ام الحبايب...انا حرسمها عشان مني عارف اوصفها اللي هيا الباطرمه واحطها طيييب

حبايب مكة
29 Jun 2005, 10:50 PM
السلام عليكم ورحمة الله وبركاتة
***
(((الباطرمة )))
هي عبارة عن ..نوع من اثاث المجالس المرتفع عن الأرض, يصنع محلياً و يكسى بالقطيفة و غيره ..

و منتظرين الصورة .. يا سيدي .. وسيم ..
**
طيب ايش هي ((( الكفتيرة ))) ؟؟؟؟؟
و ربي يجزيكم الجنة ..

مـامـا سالـي
04 Jul 2005, 07:04 AM
سلامو عليكم ..

ماشالله الواحد غاب جو حبايبنا اشاركو ...الله اجعلوا دايم وعامر ان شالله ..

الكفتيرة..هيا الي نستخدما دي اليومين ..غلاية الموية بس من زمان كان اسمها اظنوا الدافور

وبرضو الله اخلي سيدو مكيفو اجي اوضحلنا اكتر ..

طيب ايش .... الهورية

حبايب مكة
05 Jul 2005, 03:44 PM
السلام عليكم ورحمة الله وبركاتة
**
أهلين .. بماما سالي .. من غاب غيبتك جاب الغنايم يا ستي..:)
طيب يا ستي صح ((الكفتيرة )) .. بس أعتقد مو الدافور ..
و مستنين عم ربيع ربي يحفظه يزيدنا نور ..
**
أم عن (( الهورية))..
فهي صندوق من حجم خاص , و عادة له فتحتين ..
عشان يحملو فيع العنب أو الرطب أوغيرو ..
إلى حلقة الخضار أو الفواكه ..
**
طيب ايش هو (( قماش السجينية))؟؟؟

محد مكيفو !!!
06 Jul 2005, 09:42 AM
السلام عليكم ورحمة الله وبركاتة
سألت عنكم العافية
والله كدة غبنا اسبوعين زماااان

والحمد لله على كل حال الله يصبرنا ويدينا الاجر بس
والله لكم وحشة كبييييييرة


حبيبي وسيم برضك في المناقرة انت وكاكاو
ماتبغو تروقو يعني وتصلو على النبي

سالي الكفتيرة زي ماقلتي عليها بالزبط
بس نسيتي ابو صوفيرة اللي تزعق من كتر الحرااااارة

زماااااااااااان الكفتيرة يسموها سموار مو دافور الله يسهلك
الدافور هو زي البوتوقاز دحين
وقبلو الطباخات بس عيبها الهبااااب اللي تيوسه على القدور والصحون
ويبغالها تدليك مزبوووط برماد الفحم حتى ترجع جديدة تبرق

الهورية زي ماقلتو عليها وهيا من الخشب ولها مقاسات كتيرة
السجينية هيا نوع من القماش متين زي الدوت كانو يسوو منو التلبيس للمساند والباطرمة وساعات يقصوه
ويرموه عليها زي الغطا او الشرك
ان شاء الله اكون فهمت الكلمة صح

طيب ايش هيا الهمبرة واللنقبة
ههههه

حبايب مكة
14 Jul 2005, 01:18 AM
السلام عليكم ورحمة الله وبركاتة
***
عفارم عليك يا عمي الكريم ..
أكيد صح معناها..
الله يكرمك بدوام الصحه و العافية .. يا عم ربيع ..
على الدرر إلي بتنورنا بيها ..
و جزاك الرحمن الجنة ..

***
أم الهمبرة واللنقبة
صراحه ما أعرف معنها ؟؟؟؟:confused:
***
نورنا بمعنها يا عمي ..
الله يزيدك من نوره ..
:)

السليماني
14 Jul 2005, 02:51 AM
النمليه زىدولااب المطبخ

محد مكيفو !!!
14 Jul 2005, 07:33 AM
السلام عليكم ورحمة الله وبركاتة

هههههههههههههههه

الله يديكم العافية يا حبايب
يعني انتي ماتسمعي لمن يقولو للحريم بالتحديد
او البزورة
بس يابت أهبطي وقري في البيت بلاهمبرة ولنقبة
يعني اللفلفة والبرمان والدشرة
يعني بالم نشرح معلقة العباية على كيلون الباب ومن بيت لبيت


يا مرحبابك يا سليماني
النملية مو دولاب المطبخ
لكن برضو يتعلق في المركب

النملية زي الصندوق من الخشب ولو فتحات تهوية من السلك والا الشرك كانو يحطو الاكل جوتو والا العيش والسكر
ويرفعوها فوق ويخلوها مدلدلة من السقف بحبل علشان ما يخش الضر جوة الاكل وينكبو
واتحدى الف ضرة وضرة تدخل جوة النملية
اصلا اللي اخترعها شكلو حشااااااااااااااااش

الفرفيرة مو حقت الكورة هادي حاجة تانية

caco
17 Jul 2005, 05:39 AM
الفرفيرة مو حقت الكورة هادي حاجة تانية

السلام عليكم ورحمة الله وبركاتة

طيب ايش هي سيدو محد مكيفك :confused:

محد مكيفو !!!
17 Jul 2005, 07:38 AM
السلام عليكم ورحمة الله وبركاتة

هادي ياستي زرفونة زماااااااااااان

تقريبا طولها قريب فتر
من الخشب تتسمر في طرف الباب بمسمار نص تسميرة علشان يمدينا نحركها
نقفل الباب ونفتح الباب هيا كانت زي القفل
بس اللي في راصو بهللة يمديه يفكها من برا الباب ؟؟؟؟
يمسك الباب من برا ويجرو على برا قليل زي كأنو بيقفلو
وشويتين الا الفرفيرة تميل وتنفك
بس اول الدنييا امان والابواب كانت مسربة ومفتوحة والحافض الله

اللمامة
هيا هادي من زمان وبرضو دحين يستعملوها

caco
17 Jul 2005, 12:33 PM
السلام عليكم ورحمة الله وبركاتة

ايوة اللمامة اعرفها ...

هي الي يلمو بيها الوسخ لو كان في الارض

وهي عبارة عن صندوق بلاستيكي صغير وفيه زي العجلتين او الفرشتين تلم الوسخ من الارض

هااااااااااااا ... صح ولا غلط

مكاويه
18 Jul 2005, 09:30 AM
السلام عليكم ورحمة الله وبركاتة

هلا كاكووووووووو..
والله انا اللي اعرفه زي اللي انتي تعرفيه
ازا اتغير ياريت نعرف :)

caco
18 Jul 2005, 10:38 AM
السلام عليكم ورحمة الله وبركاتة

هلا وغلا والله اختي مكاوية

هلا فيكي عندنا في المنتدى

ان شاء الله تنبسطي معانا وتستفيدي وتفيدينا كمان



فينك سيدو محد مكيفك ... تقولنا صح ولا غلط :234:

محد مكيفو !!!
18 Jul 2005, 06:39 PM
السلام عليكم ورحمة الله وبركاتة

معليش اتحيرنا عليكم
لا الجواب مزبوط صح
اهلا يامكاوية
يالله ان عندكم كلمات ندروها
لحسن خلاص قلت كل الكلمات اللي عندي
وشي منها ناسيه علبال ما افتكر وبعدين اجي اقلكم

يالله حطو لو حاجات جديدة نتعرف عليها
ههههههههههههههه

حبايب مكة
30 Jul 2005, 12:58 AM
السلام عليكم ورحمة الله وبركاتة
****
ربي يسعدكم .. و لا يحرمنا من طلتكم الكريمة ..
و يجزيكم الجنة ..
***
طيب ايش هو (( تنتربون)) ؟؟؟؟:)

محد مكيفو !!!
30 Jul 2005, 06:33 PM
السلام عليكم ورحمة الله وبركاتة
هيا فين الناس
من اول حبايب تزهم محد يرد
يمكن ياحبايب اكلتي الحرف من الكلمة اللي كتبتيها

تنتربون ................... تنتريون هادا الاسم الصحيح الاختلاف في حرف الباء
يالله يمكن كدة وضحت وأوضحها زيادة
هادا يستخدموه في الاسعافات الاولية هيا مرة صار واضح
وكمان في منو حاااااااااار زي الشوطيطة وفي بارد
ولونو احمر يبقع في الجلد
قارورتو صغيرة بخمسة ريال
ويمباع في الصيدليات
هيا خليني اشوف احد مايعرفو

اشنق العتبة وأعلق الباب

عاشق تراب مكه
30 Jul 2005, 07:06 PM
( المكركون )


ها صح ولا لا ؟


طيب خلوني ادورلكم على كلمة ..


الشبرية

بنت الزهراء
31 Jul 2005, 02:47 AM
بسم الله الرحمن الرحيم

السلام عليكم ورحمة الله وبركاتة

الله يعطيكم العافية

موضوع جداااااااا مميز

وعطيتونا فرصة لقراءة صفحة من صفحات مكة المنيرة

حفظكم الله

ووفقكم

عاشق تراب مكه
01 Aug 2005, 04:12 AM
ياهو قلنا




الشبرية ..


محد يعرفها ولا ايه ؟


هيا قولولي ماعرفنا علشان اقلكم اش هيا ..

حبايب مكة
01 Aug 2005, 05:11 AM
السلام عليكم ورحمة الله وبركاتة
****
معليش شكلي كنت جوعانه شويه و أكلت الحرف ..:)
جزاك الرحمن الجنه .. يا عم ربيع على التوضيح الكريم ..
***
سيدي .. عاشق تراب مكة ..
فعلاً .. هو سائل معقم شبيه بالمكروكروم أو المكراكون ..
**
أما الشبرية .. على وزن طبلية ..:confused:
صراحه .. صراحه ..
























ما أعرف ايش هيا ؟؟؟
نورنا يا سيدي .. :)

حبايب مكة
01 Aug 2005, 05:12 AM
السلام عليكم ورحمة الله وبركاتة
****
معليش شكلي كنت جوعانه شويه و أكلت الحرف ..:)
جزاك الرحمن الجنه .. يا عم ربيع على التوضيح الكريم ..
***
سيدي .. عاشق تراب مكة ..
فعلاً .. هو سائل معقم شبيه بالمكروكروم أو المكراكون ..
الله يعطيك العافية ..
**
أما الشبرية .. على وزن طبلية ..:confused:
صراحه .. صراحه ..

























ما أعرف ايش هيا ؟؟؟
نورنا يا سيدي .. :)

محد مكيفو !!!
01 Aug 2005, 08:47 AM
السلام عليكم ورحمة الله وبركاتة

ههههههههههههههههه
الله يديكي العافية ياحبايب
وصحيح زي ماقالوا الجوع كاااااااااااااافر


والله شي مفرح نشوف ناس جدد يشاركو معانا
يالله يابنت الزهراء اتلحلحي معانا

حبيبي عاشق والله منورنا في الموضوع الله يديك العافية علين تقول بس

الشبرية هادي زي النعش البعيد ( علشان افجعكم )

لها ايادي من الجمب علشان الحمل والشيل
كانو من زمان والى وقت قريب يطوفو بيها الناس اللي مهم قادرين يطوفو

يجلس الراجل او الحرمة فيها ويجو اربعة انفار ويشيلو الشبرية ويطوفوهم مقابل
مبلغ مالي متفق عليه وبعضهم يشتغل لوجه الله
زي قضية العربيات اللي في المسعى


بنفكر ونعصر مخنا باينلو الاشياء غلقت والا مخي مفوت دورو على كلمة كدة والا كدة
وازا مافي نديرها اكل احسن
يالله اكل اكل الخيرة فيما اختارها الله لحسن بطني كركرت من الجوع

ايش هو البوبر ( هادي اكلة معرووووفة )

عاشق تراب مكه
01 Aug 2005, 07:43 PM
البوبر هادي آكلة زي الطعمية ..

وحسب ما سمعت انها عملها وطبخها يأخذ وقت ..

ويستخدم فيها طبعا الدقيق والكرات تقريبا ..

هيا ان شاء الله اللي قلتو صح ..

واذا مو صح عاد همتك وصحح لنا المعلومة ..

اروح ادورلكم على كلمة واجيبكم ..

محد مكيفو !!!
02 Aug 2005, 09:08 AM
السلام عليكم ورحمة الله وبركاتة
يعني قربت مارحت بعيد
اللي بتقول عليها ( دقيق + خميرة + كرات + قليل مرقة ربيان ) هادي يسموها
بمبي وهادي اكلة جاوية زي اللقيمات طعمها طعم ويسوو جمبها زلطة حلوة
( توم وفلفل يدقوه ناعم بالهوند وبعدين ينكتوه في زبدية ويلغوها موية
وقليل ملح وسكر زيادة شوية )
طبعا هادي الاكلة مهي في في السوق يعني شغلة بيت


اما البوبر او المقلية تنعمل ( بدقيق الحمص + بصل +وكم قرن فلفل للتحديقة )
وهادي اكلة هندية وتنباع في الدكاكين زي محلات خليل خوج اللي في ريع زاخر

يالله دورولنا على تحف جديدة
وعلبال ما تلاقو ايش هي المغازلية

caco
02 Aug 2005, 12:26 PM
السلام عليكم ورحمة الله وبركاتة

المغازلية مو اكله وهي عبارة عن ارز ولحم مفروم

هاااا صح ولا غلط

هذا الي اعرفه

حبايب مكة
17 Aug 2005, 01:56 AM
السلام عليكم ورحمة الله وبركاتة
***
على إلي أعرفو .. صح يا كاكو يا عسل .. ..
***
الله يعطيكم العافيه ..
و يجزيكم الجنة .. على الدرر المنورة ..
**
طيب يا كرام .. ايش هيا (( النشابة )):)

وسـيـم بيب بييب
03 Sep 2005, 03:02 AM
السلام عليكم ورحمة الله وبركاتة

بصراحه يستيتا حبايب معرف ايش هوا المطرق بس انا حبيت اني اسردلكم الاسماء اللي انقالت عارفين ليش.!.!.!!؟!.!

وي مايبغالها طبعا عشان انا احبكم وما ابغاكم تدورو وتنغبشو على كلمات منتو عارفين هيا انقالت ولا لأ

















هذا انا طيب وكريم وكل من عرفني احبني ;;;18



الأتريــــــك= الفانوس

صندوق السيسم

السمواار

الكرويتة

المرش

المفتة

الزير

المرفع

الراديو

المركب

المِروَد

النملية

الدقديق والجرارة

النصبة

البابور

المحماس

السقيفة

البكرج

بنت المنقل

الطيرما

القاعة

المضليون

الدقيسي

الصقرق

المشخص

المخلوان

سحارة

الدندرمة

الناموسيه

الغازية

المشربية

الكفكير

والشوبج

المحط

الكوفلة

بخنق

المبيت

كدادة

المصنف

الدبش

الدحديرة

الزُقْرَة

الكنديشة

الجاروف

الكرباج

البسطون

المحرمة و المدورة

الحنشصة

الهيلمة

الكِبِرتَايَة

الناموسية

التَخْتَة

النَصبة

الكرتة

الــسـُــلْــطَــة

المِـطْـبَـقِـيَّـة

الكفشة أو الكبشة ( حقت المطبخ )

الدافور

الفرفيرة ( مو اللعيبة ) ( حاجة تانية حقت الباب )

الكوماج

الــفَــلَـــكَـــة

الهوند

التَــكَّـــايَـــة

التيزار

الجامات

العُطبة

الفراخة البهللة السماجة اللكاعة الهدارة المجاغة مرقعة

الدّرّبزان

بيت الما

الكروانة

الشعبنة

البازان

الجوجو

الزفة

البقشة

الدّهقنة= الدحلسة

صهريج

الكديسة

السقا

احتفال يسموه نام نام طلعت سنونه من قدام

المُهر

الإستمبر


كبت وليري

القوبة

الكحل من بيت وقف

البيشه


المشقره

البسطون

الكمره

بيت المراوح

تنغش

الحناني

المعصرة

الشربوش والولاعة

الطبلية
يحنجل

الُنقل

الشُقدُف

الكرتة

طاسة الفجعة

بعدينة لاتروح تبور البنت\ ((تبور))

الدويخة
الصهبة

أهل موجب

اهل الحبا والجبا

شربه مديني مشجره

طلعت بشوشتها

الفتوت

القبقبه اللي على جدران

فوال
سمان

شربجي

مطبقاني

طاره

يطقطق اقر

المجسات

لعبة هز ومركب

بيت البسه حق العيش

بيت الملاعق

نسف

الشقه

الشرش

الشرشو

دافور نص شغال


اللولة اللي وسط الروشان

الشرنقة

اندارت في زرن التوب

الجوش

الدوش

المنفوش

هول الليل

الساعة ابو شبك

اللي مشتغل سفاوي

السمسمية

القصبة

القــوَّارة

الكلأمين عقيل

التعتيمة

الكشتبان

الجـــردَل

الكنجه

الخلخال

المصروقة

كنافه مسقايه

ليلة الغمرة

القوز

الطقطوقة

الدجيره \ النمنم

المنخل \ الغربال

الهندسة \ الهنزة

الهوند

الدوك

تنتريون

اللمامه

(همبره ولنبقه)

الهوريه

قماش السجينيه

الكفتيره

الباطرمه

الشبشب ابو انتن

الدبجه

التبسي

الغندره